პლუტონი

პლუტონი რეტროგრადულ სვლას წყვეტს რა სასიკეთო ცვლილებებს მოიტანს პლანეტა

522
(განახლებულია 12:26 04.10.2020)
პლუტონი 4 ოქტომბერს პირდაპირ სვლას იწყებს, რაც პოზიტიურ ცვლილებებს გამოიწვევს ბევრი ჩვენგანის ცხოვრებაში

პლუტონი რეტროგრადულ მდგომარეობაში ხუთი თვე იყო. მიუხედავად იმისა, რომ ეს პლანეტა მცირე ზომისაა და დედამიწიდან უზარმაზარ მანძილზე იმყოფება, არ შეიძლება მისი ენერგეტიკაზე გავლენის არდაფასება.

პლუტონმა რეტროგრადული სვლა 24 აპრილს დაიწყო. ეს პლანეტა პასუხისმგებელია სახელმწიფო წყობილებაზე, ის მართავს ადამიანების კოლექტიურ გონებას, მატერიალური სამყაროს სისტემებს – დიდ საწარმოებს, გაერთიანებებს, ფინანსურ დაწესებულებებს. მისი უკუსვლა სარისკოა პოლიტიკური არეულობების თვალსაზრისით. 

რას გვიქადის რეტროგრადული პლუტონი – რჩევები ზოდიაქოს ნიშნებს>>

რას მოიტანს პლუტონის რეტროსვლის შეწყვეტა და რა ცვლილებები გველოდება – ამის შესახებ ასტროლოგები გვიამბობენ.

სიყვარული და ურთიერთობები

შემოდგომის ბოლო და ზამთრის დასაწყისი იდეალური დროა ახალი ნაცნობობისთვის. პლუტონი პლანეტაა, რომელიც ადამიანების ურთიერთობებს განაგებს. როდესაც ის რეტროგრადული იყო, ბლოკავდა ადამიანების სურვილებსა და შესაძლებლობებს, რომ ერთმანეთისკენ შემხვედრი ნაბიჯები გადაედგათ. ახლა ყველაფერი უფრო მარტივად იქნება.

ადამიანები, რომლებიც ბევრს ჩხუბობდნენ, ან უთანხმოებები ჰქონდათ, ახლა, ბოლოს და ბოლოს, მოახერხებენ შეთანხმებას, კომპრომისების მოძებნას. შემოდგომის ბოლო – ესაა შერიგების, პატიების, პოზიტივის დრო.

პლანეტა პასუხისმგებელია კოლექტიურ ენერგიასა და ერთიანობაზე, დაახლოებაზე. ამან, შესაძლოა, უარყოფითი შედეგი მოიტანოს იმ თვალსაზრისით, რომ მსოფლიოში კორონავირუსის პანდემია მძვინვარებს. ამ მხრივ პლუტონს ნეგატიური გავლენა შეუძლია მოახდინოს.

პლუტონის დირექტული სვლის პერიოდში დიდი მნიშვნელობა ენიჭება იმ ადამიანებთან ურთიერთობებს, ვისაც თქვენთვის პოზიტივი, ღიმილი და ბედნიერება მოაქვს.

მუშაობა, ბიზნესი, ფინანსები

რეტრო–პლუტონი ბლოკავდა ადამიანების უნარს, მოძებნონ კომპრომისები. ახლა ეს უნარი აღარ შეიზღუდება და სამუშაო გუნდში სასიამოვნო კავშირები დამყარდება. დიდ სწარმოებს მოგებისა და პროდუქტიულობის ნელი, მაგრამ დამაჯერებელი ზრდა ელოდება. დიდი წარმატებები ელოდება ყველას, ვინც მომსახურების სფეროში მუშაობს.

პლუტონი ნორმალურ მდგომარეობაში ადამიანებს ყველაზე მთავარს – თავდაჯერებულობას მატებს, რომლის გარეშეც რთულია კარიერულ კიბეზე წინსვლა. აქედან გამომდინარე, დგება დრო, როდესაც აქტიურობაა საჭირო.

ვითარება მსოფლიოში

პლუტონი არის პლანეტა, რომელსაც ძალზე მძლავრი ძალა აქვს მთლიანად კაცობრიობაზე ზემოქმედების თვალსაზრისით. პრობლემები, რომლებიც მთელ მსოფლიოს აწუხებს, ოქტომბერში ნელ–ნელა უკან დაიხევს. ეს ეხება კონფლიქტებს, პოლიტიკურ და ეკონომიკურ საკითხებს.

ეს ნიშნავს, რომ მოიმატებს სასიამოვნო სიახლეები, მსოფლიო უფრო უსაფრთხო გახდება, თუნდაც დროებით.

განწყობა და ჯანმრთელობა

შემოდგომის ბოლოსა და ზამთრის დასაწყისში გაუმჯობესდება ადამიანების განწყობა, შესაძლებელი გახდება ამ პერიოდისთვის დამახასიათებელი უგუნებობის, აპათიის გადალახვა.

განწყობაზე დადებითად აისახება სტერეოტიპულ აზროვნებასთან ბრძოლა, გაიოლდება ცრურწმენებზე გამარჯვება.

ყველაზე იღბლიანი ნიშნები შემოდგომის მიწურულს

პლუტონის ყველაზე საყვარელი ნიშნები არიან ვერძი, ლომი, მორიელი და თხის რქა. სწორედ ამ ნიშნების წარმომადგენლებს გაუღიმებს ფორტუნა 4 ოქტომბრიდან. მაგრამ ეს არ ნიშნავს, რომ სხვა ნიშნების წარმომადგენლებს პლანეტა უყურადღებოდ დატოვებს.

პლანეტა ყველაზე იმოქმედებს დადებითად, მთავარია, არ დავაჩქაროთ მოვლენები და არ გავნაწყენდეთ იღბალზე, რომ ის სასურველს ისე სწრაფად არ გვაძლევს, როგორც ჩვენ გვინდა. გახსოვდეთ, რომ ყველაფერს თავისი დრო აქვს.

522
თბილისი

26 ოქტომბერს დაბადებულები ზოდიაქო, დახასიათება, რჩევები

1
(განახლებულია 17:54 24.10.2020)
გაეცანით 26 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

26 ოქტომბერს დაბადებულები

26 ოქტომბერს დაბადებულები ძალზე მიზანსწრაფული და შრომისუნარიანი ადამიანები არიან. მათ ნებისმიერი ამოცანის გადაწყვეტა შეუძლიათ; შეუსრულებელი სამუშაო მათთვის არ არსებობს; პროფესიული უნარ-ჩვევების შესაძენად ისინი ბევრ დროსა და დიდი ძალას ხარჯავენ და ეს ყველაფერი იმიტომ, რომ მათი მუშაობის შედეგი უზადო იყოს.

26 ოქტომბერს დაბადებულები ლიდერობისკენ ისწრაფვიან. არიან ძლიერი ადამიანები; ხანდახან სისასტიკეც სჩვევიათ, მაგრამ ეს ხელს არ უშლის, შეინარჩუნონ ავტორიტეტი და ადამიანებს წინ გაუძღვნენ. ამ დღეს დაბადებულები აფასებენ სტატუსსა და ძალაუფლებას; მეორე პლანის როლი მათთვის არაა.

26 ოქტომბერს დაბადებული მორიელები ისწრაფვიან წარმატების, ფულის, ძალაუფლებისკენ. არიან ამბიციური კარიერისტები და მიზნის მისაღწევად ბევრი რამისთვის არიან მზად. კონკურენტებისთვის სერიოზულ მეტოქეებს წარმოადგენენ, ხოლო თანამოაზრეებისთვის - ერთგულ მოკავშირეებს.

ამ დღეს დაბადებულები მომთხოვნი არიან როგორც საკუთარი თავის, ისე გარშემომყოფების მიმართ; შეცდომებს არ პატიობენ, არ იძლევიან მეორე შანსს.

26 ოქტომბერს დაბადებულები ნიჭიერი რეფორმატორები არიან. შეუძლიათ და უყვართ არსებული სისტემის რეორგანიზება. ლიდერის თვისებები ეხმარებათ, რომ დაარწმუნონ ადამიანები რეფორმების აუცილებლობასა და მათ ეფექტურობაში.

ამ დღეს დაბადებულები ყოველთვის არ იკავებენ ხელმძღვანელ პოსტებს. ისინი ისწრაფვიან ავტორიტეტული თანამდებობისკენ (ექსპერტი, მთავარი კონსულტანტი და სხვა). ასეთი სამუშაო მათ სტიმულს აძლევს, რომ მიაღწიონ ახალ მიზნებსა და პროფესიულ ზრდას.

ჯანმრთელობა

26 ოქტომბერს დაბადებულები თავიანთ ჯანმრთელობას ყურადღებას სულ არ აქცევენ. მათთვის განსაკუთრებით საშიშია არარეგულარული კვება - კუჭი მათი მთავარი პრობლემური ორგანოა, რომელიც, შესაძლოა, დაზიანდეს ან ზედმეტი ჭამით, ან უჭმელობით, ან არაჯანსაღი საკვებით. ასევე ამ ადამიანებს ჭარბი ენერგია აქვთ, რომელიც, სჯობს, ფიზიკურ დატვირთვებში დახარჯონ.

ზოდიაქოს რომელ ნიშნებს აქვთ ძლიერი ენერგეტიკა>>

რჩევა:

თქვენ გიყვართ და შეგიძლიათ დამოუკიდებლად მუშაობა, მაგრამ გუნდურ მუშაობას ხშირად მეტი ეფექტი მოაქვს. გაითვალისწინეთ ეს პროექტების რეალიზებისას.

1
ნახევარმთვარე

მთვარის კალენდარი: 25 ოქტომბერი რისი გაკეთება შეიძლება და რისი არა

569
(განახლებულია 12:03 25.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

25 ოქტომბერი, კვირა. ამ დღეს მზე მართავს. მზარდი მთვარე მერწყულის ნიშანშია.

მთვარე მერწყულის ნიშანში – ამ დღეს ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

როგორი საფულე უნდა შეარჩიონ ზოდიაქოს ნიშნების წარმომადგენლებმა>>

რეკომენდებულია დასვენება, ძალების აღდგენა, შინაგან სამყაროზე ზრუნვა, ფრთხილი დამოკიდებულება ძვირფასეულობის მიმართ – არის გაქურდვის, დაკარგვის ალბათობა, თავშეკავება და მოთმინება სამუშაოზე ურთიერთობებში – ამ დღეს წარმოქმნილი კონფლიქტის მოგვარება რთული იქნება, თავის შეკავება როგორც აგრესიის, ისე კეთილი ზრახვების გამოვლენისგან, უარის თქმა მომგებიან გარიგებებზე და ავანტიურულ ღონისძიებებში ჩაბმაზე, სერიოზული საქმეების გაუქმება ან გადადება, შემოქმედებითი საქმიანობა.

არარეკომენდებულია ბიზნეს–საქმიანობა, პრეზენტაციებსა და გასართობ ღონისძიებებზე დასწრება, კონტრაქტების დადება, დოკუმენტებზე ხელმოწერა, ვალის გაცემა და აღება.

ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს სჯობს, თმის შეჭრისგან თავი შეიკავოთ. შეღებვისთვის კარგი დროა. მანიკურისთვის ძალზე ხელსაყრელი დღეა.

მებაღეობა:  ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

569