შემოდგომა

30 სექტემბერს დაბადებულები ზოდიაქო, დახასიათება, რჩევები

188
(განახლებულია 10:32 30.09.2020)
გაეცანით 30 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

24 სექტემბერი - 3 ოქტომბრის პერიოდი

24 სექტემბერი - 3 ოქტომბრის პერიოდი სასწორის ნიშნის პირველ დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

ამ პერიოდში დაბადებულთა სიმბოლოა მანანა.

24 სექტემბერი - 3 ოქტომბრის პერიოდში დაბადებულებს პლანეტა ვენერა მფარველობს და ზემოქმედებს მათ ემოციებზე, ვნებებზე, ინსტიქტებზე. ამ დეკადაში დაბადებულები მუდამ ისწრაფვიან ჰარმონიისკენ, არიან პატიოსანი, გულმოწყალე ადამიანები, უყვართ ყველაფერი მშვენიერი. აქვთ ძლიერი ინტუიცია, რაც ზერელე საქციელისგან იცავს და საკუთარი თავის რეალიზებაში ეხმარება მათ.

30 სექტემბერს დაბადებულები

30 სექტემბერს მომხიბლავი, ენერგიული, ენამახვილი ადამიანები იბადებიან. ისინი ტკბებიან სიცოცხლით, უყვართ ყურადღება. ცუდად იტანენ მარტოობას, გულწრფელად უყვართ ურთიერთობები. უპირატესობას ანიჭებენ საინტერესო, ჭკვიან ადამიანებთან შეხვედრებს. მათთვის ასეთ ადამიანებთან გატარებული დრო გამოცდილების ტოლფასია - სწავლობენ დაკვირვებას, თავშეკავებას, მოთმინებას, სხვისი აზრის პატივისცემას.

30 სექტემბერს დაბადებულები ამბიციური არიან. მათი ძლიერი თვისებებია ასევე კეთილსინდისიერება, ენამახვილობა, მომხიბვლელობა. ამასთან, ეს ადამიანები სერიოზული არიან, აქვთ ცნობისმოყვარე, მახვილი გონება და უსაზღვრო შემოქმედებითი პოტენციალი.

ხანდახან ამ დღეს დაბადებულები იმპულსურად მოქმედებენ, მაგრამ ყოველთვის აქვთ საკუთარი საქციელის გასამართლებელი არგუმენტი. ეს ადამიანები თავს არ კარგავენ, არ ვარდებიან უკიდურესობაში. ურჩევნიათ, ჯერ გააანალიზონ ვითარება და მხოლოდ შემდეგ გამოთქვან თავიანთი მოსაზრება. იმპულსური ქმედება მხოლოდ გამონაკლისია წესებიდან.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

30 სექტემბერს დაბადებულები კარიერისტები არ არიან. ისინი ცხოვრებაში უმთავრესად მიიჩნევენ პრაქტიკულ გამოცდილებას. ეს მათზე დადებითად აისახება და თავისი საქმის პროფესიონალები დგებიან. სამსახურში არაკონფლიქტური არიან, თანამშრომლებთან თანაბარი, მეგობრული ურთიერთობები უყალიბდებათ.

ჯანმრთელობა

30 სექტემბერს დაბადებულებისთვის ძალზე მნიშვნელოვანია ფიზიკური სრულყოფილება. ისინი ყურადღებით ექცევიან თავიანთ ჯანმრთელობას, აკონტროლებენ კვების რეჟიმს, ასევე ფიზიკურ დატვირთვებს. მთლიანობაში, შეიძლება ითქვას, რომ ამ დღეს დაბადებულები ჯანმრთელობით გამოირჩევიან, რომლის შერყევა შეუძლია სტრესებს, ალკოჰოლსა და ზედმეტ ჭამას. მათ უნდა შეზღუდონ ზედმეტი ტკბილეულის მიღება, ასევე პროტეინების, რადგან შედეგი, დიდი ალბათობით, ენდოკრინოლოგის კაბინეტი იქნება.

რჩევა:

მიუხედავად იმისა, რომ დამაჯერებელი ცოდნა გაგაჩნიათ, ეს არ ნიშნავს, რომ ყოველთვის მართალი ხართ. ნუ დათრგუნავთ სხვებს თქვენი ინტელექტით, იყავით უფრო გულწრფელი და მომთმენი.

188
სიგარეტის მოწევის ამკრძალავი ნიშანი

შეამოწმეთ საკუთარ თავზე: რა ხდება მოწევის „გადაგდების“ შემდეგ - მოკლე ეტაპები

44
(განახლებულია 12:20 28.10.2020)
ფსიქიატრ-ნარკოლოგმა პერიოდებად დაყო სიგარეტის მოწევისთვის თავის დანებების ეტაპები და პოპულარულ ენაზე განმარტა, რომელ ეტაპზე რა ხდება ორგანიზმში 

თბილისი, 28 ოქტომბერი — Sputnik. სიგარეტზე უარის თქმით თქვენ არა მარტო დაზოგავთ ფულს, არამედ ცელულიტსაც მოიცილებთ, აცხადებს ფსიქიატრ-ნარკოლოგი ვიქტორია კოვალიოვა და განმარტავს, რამდენად სწრაფად შეიცვლება ჯანმრთელობის მდგომარეობა და როდის აღდგება ფილტვები, თუ მავნე ჩვევას თავს დააღწევთ.

სპეციალისტმა პერიოდებად დაყო მოწევისთვის თავის დანებების ეტაპები, ცალ-ცალკე აღწერა ისინი და განმარტა, რომელ ეტაპზე რა ხდება ორგანიზმში. 

ოცდაოთხი საათი

უჯრედებს მხოლოდ ერთი დღე-ღამე სჭირდება ნახშირბადის მონოქსიდისგან თავის დასაღწევად და ჟანგბადის სწრაფად ასათვისებლად. დღე-ღამის განმავლობაში ორგანიზმი თავადვე გაიწმინდება ნიკოტინისგან. თუ დიდი ხანია ეწევით, სავარაუდოდ, იგრძნობთ მოთენთილობას, ძილიანობას, თავბრუხვევას.

ორი-თერთმეტი დღე

ჩნდება მოწევის გაუქმების სინდრომი: გაღიზიანებადობა და მომატებული მადა. ყველაზე მნიშვნელოვანია გვახსოვდეს, რომ ჯანმრთელობისთვის სარგებელი „ყველაფერს გამოისყიდის“: უკვე ამ ეტაპზე ფილტვებიდან მძიმე ლითონების მარილები გამოდის. შეიძლება ამოიღოთ მუქი ფერის ნახველი.

„ამ დროს ცუდ განწყობასთან გამკლავება უფრო გაგიიოლდებათ, თუ რაციონიდან შემწვარ და ცხიმიან საკვებს გამორიცხავთ. ამასთან, გამომდინარე იქიდან, რომ მოწევის გამო გაქვთ ჩვევა, რაღაც გქონდეთ პირში, გაუცნობიერებლად იწყებთ ხშირად ჭამას. ამის გამო თავიდან შეიძლება ზედმეტი წონა აიკრიფოთ. ეს რომ არ მოხდეს, მზესუმზირისა თუ ორცხობილების ნაცვლად გამოიყენეთ უშაქრო ლოლიპები (ყინულკარამელი), სვით მეტი სითხე — სუფთა ან ლიმონიანი წყალი“, ამბობს სპეციალისტი.

ფსიქიატრ-ნარკოლოგის თქმით, უნიკოტინოდ გატარებული უკვე პირველი კვირის ბოლოს შეამჩნევთ, რომ საკვები უფრო გემრიელი გახდა, წნევა ნორმას დაუბრუნდა, ნაწლავები უკეთესად მუშაობს (შვიდი დღის განმავლობაში ნაწლავების ლორწოვანი გარსის უჯრედები განახლებას ასწრებს). ამ ეტაპზე ვიტამინებიც უკეთ შეიწოვება.

თორმეტი-ოცდაათი დღე

ამ პერიოდში მწეველის ხველა უფრო რბილი ხდება. ორგანიზმის მედეგობა ვირუსების მიმართ იზრდება, ინფექციის მიღების რისკი უკვე ნაკლებია. საქმე ისაა, რომ მოწევა პნევმონიისა და ფილტვების სხვა პრობლემების განვითარების ერთ-ერთი მთავარი ფაქტორია.

გარდა ამისა, მეტაბოლიზმი უფრო სწრაფი ხდება და თუ ჭარბად არ იკვებებით, მაშინ ძალისხმევის გარეშე მოიცილებთ კილოგრამებს, რომლებიც მოწევის შეწყვეტის პირველ დღეებში აიკრიფეთ.

ამასთან გაგიმჯობესდებათ კანის ფერიც, ვინაიდან ნიკოტინი ხელს აღარ შეუშლის კოლაგენის გამომუშავებას.

მცირე „სტაჟის“ მქონე მწეველებს ერთი თვის თავზე ეხსნებათ ნერვოზულობა და კარგავენ სიგარეტის ხელში აღების სურვილს.

ორი თვე

იკლებს არტერიული წნევა, უკეთ მუშაობს მიოკარდიუმი.

„ნორმალიზდება კანის სისხლით მომარაგება: ქრება გამონაყარი, თმა ნაკლებად ცხიმიანდება. არაღრმა ნაოჭები გლუვდება, პიგმენტური ლაქებიც იკლებს და საერთო ჯამში უფრო ახალგაზრდულად გამოიყურებით“, — ამბობს ვიქტორია კოვალიოვა.

ექიმის თქმით, თუ ძალისმიერი ვარჯიშები გიყვართ, შეამჩნევთ, რომ კუნთოვან მასას უფრო სწრაფად იძენთ — ეს იმიტომ ხდება, რომ ორგანიზმმა ცილების უკეთ ათვისება დაიწყო.

სამი თვე

იწყება ფილტვების რეგენერაცია. პროცესი შეიძლება ერთ წლამდე გაგრძელდეს — ეს მოწევის სტაჟზეა დამოკიდებული. ამ ეტაპზე ბევრს უკვე აღარ ახველებს.

„ბევრ ყოფილ მწეველს უქრება ცივი ხელების სინდრომი, თითის წვერების დაბუჟება. ეს ხდება იმის გამო, რომ იზრდება ყველა ქსოვილის სისხლმომარაგება და ნერვული დაბოლოებების აღდგენა“, — განმარტავს ექიმი.

ექვსი თვე-ერთი წელი

ხმაში ქრება ხრინწი, კბილის მინანქარი თეთრდება. ამ ეტაპზე ინსულტისა და ინფარქტის რისკები იკლებს, ქრება ქოშინი.

თუ ერთი წლის განმავლობაში სიგარეტის გარეშე გაძლებთ ესე იგი, უკვე ყოფილი მწეველი ხართ!

44
თემები:
სასარგებლო რჩევები
საუზმე

„თეთრი სისხლი“: დაიმსხვრა ყველაზე პოპულარული მითები რძეზე

50
(განახლებულია 10:51 28.10.2020)
სწავლულებმა განმარტეს, რძის შესახებ გავრცელებული რომელი მოსაზრებებია არასწორი და რატომ არ უნდა ვენდოთ მათ

თბილისი, 28 ოქტომბერი — Sputnik. ერთ-ერთი უძველესი ნატურალური სასმელი — რძე, რომელიც მდიდარია საკვები ნივთიერებებით და ცნობილია როგორც „თეთრი სისხლი“, მრავალი ადამიანისთვის საუზმეზე შეუცვლელი პროდუქტია. თუმცა მის  გარშემო არაერთი არასწორი წარმოდგენა არსებობს, რომელთაგან რამდენიმე სამეცნიერო გამოცემა Science and Technology Daily-მ დაამსხვრია.

სტატიის ავტორი ირწმუნება, რომ რძის უზმოზე, ცარიელ კუჭზე გამოყენება, საყოველთაოდ გავრცელებული მოსაზრების საწინააღმდეგოდ, არაა ზიანის მომტანი. უფრო მეტიც, შრატის ცილას აქვს ანტიბაქტერიული ეფექტი და ხელს უშლის ლორწოვანას ანთებას.

„რძის დალევა ცარიელ კუჭზე არ არის რეკომენდებული იმ ადამიანებისთვის, რომელთაც ლაქტოზის აუტანლობა აქვთ, რადგან ამან შეიძლება გაამძაფროს ეს სინდრომი და გამოიწვიოს მუცლის შებერილობა და დიარეა“, — აღნიშნულია პუბლიკაციაში. შესაბამისად, ამ ადამიანებმა რძე სხვა საკვებთან ერთად უნდა მიიღონ.  

რძესთან დაკავშირებული მეორე მითი ეს ისა, რომ ზოგი ადამიანის აზრით, რძის მეშვეობით სახის კანის გათეთრებაა სესაძლებელი. მაგრამ ეს ასე არ არის. სინამდვილეში, რძე არ შეიცავს ისეთ ნივთიერებებს, რომლებსაც კანის გათეთრების უნარი აქვს და საერთოდაც, რძის ცილის მოლეკულები იმდენად დიდი ზომისაა, რომ კანის გზით მისი შეწოვა ვერ ხდება. თუმცა რძის ნიღაბს ნამდვილად აქვს გამაგრილებელი და დამატენიანებელი ეფექტი და მზეზე ხანგრძლივი ყოფნის შემდეგ ხელს უწყობს კაპილარების შევიწროებას.

ასევე არასწორია მოსაზრება, რომ თითქოს ადუღების შემდეგ რძე სასრგებლო თვისებებს კარგავს და მავნებელი ხდება; რომ „იწვება“ ცილები და წარმოიქმნება გლიკოზილამინი, რომლის მონელება–ათვისებაც ძალიან უჭირს კუჭს.

სინამდვილეში ცილის „წვა“ მაიარის რეაქციის გამოვლინებაა, რომლის ერთ–ერთი პროდუქტიცაა გლიკოზილამინი. რძე ადუღებისას ფერს არ იცვლის, არ მუქდება და არ იძენს დამწვრის გემოს, რაც იმაზე მეტყველებს, რომ მაიარის რეაქციის ხარისხი ძალიან დაბალია.

აღსანიშნავია ისიც, რომ მაღაზიის ჩვეულებრივი რძე, პასტერიზებული ან ულტრაპასტერიზებული, არ საჭიროებს მაღალ ტემპერატურაზე გაცხელებას. თუმცა, ასეთი რძის ადუღებაც კი არ მოქმედებს მის კვებით ღირებულებაზე და არ ვნებს ორგანიზმს.  

ამასთან გამოცემა წერს, რომ პაკეტირებული რძის გაცხელება მიკროტალღურ ღუმელში არავითარ შემთხვევაში არ არის დასაშვები. საქმე ისაა, რომ შეფუთვა, როგორც წესი, დამზადებულია პოლიმერების ან ალუმინის ფოლგისგან. პოლიმერული მასალის ძირითადი კომპონენტია პოლიეთილენი, რომელიც არ არის გამძლე მიკროტალღური გამოსხივების მიმართ. ხოლო ალუმინის ფოლგა არის ლითონის მასალა, რომელსაც მიკროტალღურ ღუმელში მოთავსების შემთხვევაში შეიძლება ცეცხლი გაუჩნდეს. სწორედ ამიტომ რძე პაკეტიდან სხვა ჭურჭელში უნდა გადაასხათ და ისე გააცხელოთ მიკროტალღურ ღუმელში.

50
თემები:
სასარგებლო რჩევები
დონალდ ტრამპი

ტრამპმა ლტოლვილების ლიმიტი რეკორდულად შეამცირა: რამდენ კაცს მიიღებს აშშ მომავალ წელს

0
(განახლებულია 14:35 28.10.2020)
ლტოლვილების მიღების ლიმიტი შეერთებულ შტატებში ბარაკ ობამას პრეზიდენტობის პერიოდში წელიწადში 110 ათას კაცს აღწევდა

თბილისი, 28 ოქტომბერი — Sputnik. აშშ–ის პრეზიდენტმა დონალდ ტრამპმა 2021 წლისთვის ლტოლვილების მიღების ლიმიტი რეკორდულად შეამცირა და 15 ათას ადამიანამდე დაიყვანა. შესაბამისი მემორანდუმი თეთრი სახლის პრესსამსახურმა გაავრცელა.

„2021 ფინანსური წლისთვის ლტოლვილების 15 ათასამდე შემცირება ეროვნული ინტერესების შესაბამისი ჰუმანიტარული და სხვა მოსაზრებებით არის განპირობებული“, — ნათქვამია დოკუმენტში.

გავრცელებული ინფორმაციით, აშშ ლტოლვილებს აღარ მიიღებს ისეთი ქვეყნებიდან, როგორებიცაა: იემენი, სირია და სომალი. პრეზიდენტ ტრამპის თქმით, გამონაკლისი შეიძლება დაიშვას მხოლოდ იმ მოქალაქეებისთვის, „რომელთა მდგომარეობაც განსაკუთრებულ ჰუმანიტარულ შფოთვას იწვევს“.

იმის თაობაზე, რომ აშშ–ის ხელისუფლება მომავალი წლისთვის ლტოლვილების ლიმიტის შემცირებას აპირებდა, სახელმწიფო დეპარტამენტმა სექტემბრის ბოლოს გამოაცხადა. როგორც უწყების განცხადებაში იყო ნათქვამი, პრეზიდენტის ეს გადაწყვეტილება იმაზე მეტყველებს, რომ ქვეყნის ლიდერი „ამერიკელების უსაფრთხოებასა და კეთილდღეობაზე ზრუნავს“, განსაკუთრებით, COVID-19–ის პანდემიის ფონზე.

როგორც ტელეარხი CNN–ი იუწყებოდა მაშინ, ლტოლვილების ახალი ლიმიტი ისტორიული მინიმუმია აშშ–სთვის, ვინაიდან ბარაკ ობამას პრეზიდენტობის პერიოდში ეს მაჩვენებელი წელიწადში 110 ათას კაცს აღწევდა.

 

0
თემები:
მსოფლიო დღეს