კახისის ტბა

23 სექტემბერს დაბადებულები ზოდიაქო, დახასიათება, რჩევები

238
(განახლებულია 10:33 23.09.2020)
გაეცანით 23 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-23 სექტემბერი

13-23 სექტემბრის პერიოდი ქალწულის ნიშნის მესამე დეკადას განეკუთვნება.

მესამე დეკადას მერკური მართავს და ამ პერიოდში დაბადებულებს გონებამახვილობას, სამეცნიერო, კვლევითი საქმიანობის უნარებს ანიჭებს.

მნიშვნელოვანი წლებია: 16, 21, 24, 30, 31, 33, 41, 50.

ამ დეკადაში დაბადებულთა სიმბოლოა ყვავილი ასტრა.

13-23 სექტემბრის პერიოდში მშვიდი და გაწონასწორებული ხასიათის, მხიარული ადამიანები იბადებიან, გარშემომყოფებს სითბოსა და სიხარულს ანიჭებენ. არიან კომუნიკაბელური, კეთილმოსურნე. ჰყავთ მრავალი მეგობარი, გარშემომყოფები მათ პატივს სცემენ.

23 სექტემბერს დაბადებულები

23 სექტემბერს დაბადებულები მომხიბლავი და ენამახვილი, კომუნიკაბელური, გულღია, კეთილმოსურნე ადამიანები არიან. ისინი ადვილად უმეგობრდებიან ადამიანებს, არიან კომპანიის სული და გული, არაფორმალური ლიდერები სკოლაში, ინიციატორი სტუდენტობისას, ხუმარა და ოხუნჯი - სამსახურში.

ამ დღეს დაბადებულებს ერთი განსაკუთრებული და მნიშვნელოვანი თვისება აქვთ - ნებისმიერ სიტუაციაში უსიამოვნებებთან გამკლავება შეუძლიათ. მუდამ თავდაჯერებული არიან და მზად არიან ექსპერიმენტებისთვის.

23 სექტემბერს დაბადებულები გადაწყვეტილებას უცბად არ იღებენ, მაგრამ არც დიდხანს ფიქრი სჩვევიათ. მათი გადაწყვეტილებები მუდამ აწონ-დაწონილი და რაციონალურია. ეს დღე უკვე ზოდიაქოს სასწორის ნიშანს ემიჯნება და ამ დღეს დაბადებულებზე სასწორის თვისებებიც აისახება.

ამ დღეს დაბადებულები იოლ გზებს არ ეძებენ. ისინი აპობენ დაბრკოლებებს და შეუძლებელს აღწევენ. ამიტომ ეს ადამიანები შედეგს იღებენ იქ, სადაც სხვებმა ხელი ჩაიქნიეს.

23 სექტემბერს დაბადებულები ექსპანსიური ინდივიდუალისტები არიან. ეს მათ ხშირად ხელს უშლის მუშაობაში. გუნდურ მუშაობაში ასევე ხელს უშლის ის, რომ კონფლიქტებს კონსტრუქციულად ვერ წყვეტენ. ეს ადამიანები მწვავედ რეაგირებენ უსამართლობაზე, სიცოცხლის ბოლომდე სიმართლისთვის იბრძვიან. თუმცა, შესაძლოა, ხანდახან თვითონ არ იყვნენ მართალი და ამას უფრო მოგვიანებით აცნობიერებენ.

პროფესიად ხშირა აქვთ არჩეული ტექნიკის, ინჟინერიის, მედიცინის სფეროები. ისინი ასევე შესანიშნავი პედაგოგები გამოდიან, ხოლო შემოქმედებითი უნარის მქონენი თავს ხელოვნებაში პოულობენ.

ჯანმრთელობა

23 სექტემბერს დაბადებულებისთვის პოტენციურ საშიშროებას წარმოადგენს სტიმულატორები და ნარკოტიკული ნივთიერებები. მათ უნდა იფრთხილონ ალკოჰოლთან, თამბაქოსთან, ყავასთან დაკავშირებით, რადგან შემდეგ დამოკიდებულებისგან გათავისუფლება ძალიან უჭირთ. მათთვის სუსტი ორგანოებია საჭმლის მომნელებელი სისტემის ორგანოები, ამიტომ უნდა იფრთხილონ საკვებთან, სხვადასხვა ახალი მოდის დიეტებთან და ორგანიზმის გაწმენდასთან დაკავშირებულ პროცედურებში.

როგორ იკლებენ წონაში ზოდიაქოს ნიშნები>>

რჩევა:

თუ ნერვიულობთ, ან ვინმემ გაწყენინათ, ნუ იჩქარებთ, რომ დალიოთ ან მოწიოთ. ეცადეთ, სიმშვიდე ბუნებაში, მუსიკაში, საყვარელ ადამიანებთან ურთიერთობაში ჰპოვოთ. თქვენთვის მნიშვნელოვანია ისწავლოთ უსაქმურობის პერიოდით ტკბობა. ეცადეთ, რომ ცხოვრებისეული ბატალიებისთვის წინასწარ მოემზადოთ.

238
შეყვარებულები

პარადოქსის არსი: მამაკაცები ჭირვეულ ქალებს აღმერთებენ

40
(განახლებულია 12:59 22.10.2020)
მამაკაცისთვის ქალი, უბრალოდ, ცარიელი ადგილი იქნება, თუ მასზე ვერ იტყვი, ვინ არის, რა არის, რა უყვარს... ბედნიერი ოჯახური ცხოვრების გარანტი მხოლოდ ერთი რამაა – სტაბილური ფსიქიკა

აზრების ფოიერვერკი“ გთავაზობთ მიხაილ ლაბკოვსკის მოსაზრებებს.

ლაბკოვსკი ცნობილი ფსიქოლოგია, რომლის მოსაზრებები ყოველთვის ინტერესს იწვევს – ზოგი აკრიტიკებს, ზოგი მთლიანად ეთანხმება, მაგრამ გულგრილს თავისი მკვეთრი გამონათქვამებით ცნობილი სპეციალისტი არავის ტოვებს.

ჯანმრთელ ადამიანს გათხოვება არ უნდა. პირველი, რაც უნდა გააკეთოთ – აღარ უნდა გინდოდეთ გათხოვება. სხვაგვარად, თუ გათხოვება გინდათ, ამაზე ფიქრი უნდა შეწყვიტოთ, თავად იდეა უნდა გააუფასუროთ.

ბედნიერი ოჯახური ცხოვრების, ქორწინებისა და ერთ პარტნიორთან სექსის გარანტი მხოლოდ ერთი რამაა – სტაბილური ფსიქიკა. არა დათმობა, არა კომპრომისები – ეს ყველაფერი პირდაპირი გზაა კარდიოლოგთან ან ონკოლოგთან. როდესაც ადამიანს სტაბილური ფსიქიკა აქვს, მას მთელი ცხოვრება შეუძლია, ერთ პარტნიორთან გაატაროს. და ის ერთი უყვარდეს.

ადამიანები არ უყვართ იმის გამო, რომ ისინი თავს ხრიან. მამაკაცისთვის ქალი, უბრალოდ, ცარიელი ადგილი იქნება, თუ მასზე ვერ იტყვი, ვინ არის, რა არის, რა უყვარს, მაგალითად, საუზმეზე. პარადოქსის არსი ისაა, რომ მამაკაცები აღმერთებენ ჭირვეულ, კაპრიზულ ქალებს.

პათოლოგიური ჯაჭვი: ნაცემი მშობლები, ნაცემი შვილები...>>

ქალების პრობლემა ის კი არაა, რომ მამაკაცები ხეპრულად იქცევიან. მიზეზი ისაა, რომ ქალს აქვს ნევროზი, რომელიც გამოსავალს ეძებს. ამ გამოსავლისთვის საჭიროა გარკვეული ადამიანი და ურთიერთობები, რომელშიც ის ტანჯვას შეძლებს. სწორედ ამიტომ ქალი სპეციალურად იწყებს ასეთ ურთიერთობებს, რადგან ამის ფსიქიკური მოთხოვნილება ბავშვობიდან აქვს.

სიყვარულს ტანჯვის დონით ვსაზღვრავთ. ხოლო ჯანმრთელი სიყვარული ისაა, თუ რამდენად ხარ ბედნიერი.

როდესაც სტიუარდესა გიჩვენებთ მაშველ საშუალებებს, რას ამბობს ის ჟანგბადის ნიღაბზე? რომ თუ ბავშვთან ერთად მგზავრობთ, ნიღბით ჯერ საკუთარი თავი უზრუნველყავით და შემდეგ – ბავშვი. ესაა მთავარი კოზირი. ყველა ცდილობს ბავშვის დახმარებას და ამ დროს აბსოლუტური შეშლილი, შეურაცხადი რჩება. მაგრამ ეს ასე არ მუშაობს. თუ გინდათ ბავშვი კარგად იყოს, ჯერ საკუთარ თაზე იმუშავეთ.

მამაკაცი ისეა მოწყობილი, რომ ჯერ კიდევ მაშინ, როდესაც „დედიკოს კალთაში ზის“, მხოლოდ იმასთან მიდის, ვისი თვალებიც მას მოწონების სიგნალს უგზავნის. ჯანმრთელი მამაკაცი ბავშვივითაა. ის მიდის ქალთან, რომელიც მას უღიმის, თვალებში უყურებს.

ჯანმრთელი ადამიანი ყოველთვის საკუთარ თავს ირჩევს, „ნევროტიკი“ კი – ურთიერთობებს საკუთარი თავის საზიანოდ. და ესაა მთავარი განსხვავება.

კარგი მამა, მამის ინსტინქტი და სოციალური სიყვარული...>>

ქალმა ურთიერთობებში არასდროს უნდა მოითმინოს ის, რაც არ მოსწონს. ამის შესახებ მაშინვე უნდა თქვას და თუ მამაკაცი არ იცვლება, მას უნდა დაშორდეს.

მამაკაცებს, როგორც ბავშვებს, მოსწონთ, როცა ქალს თავისი ხასიათი აქვს.

თუ ერთი ადამიანი მეორეს მთელ სამყაროს უცვლის, ეს ნიშნავს, რომ თავისი სამყარო მას, უბრალოდ, არ გააჩნია.

მარტოობა – ეს ირგვლივ სიყვარულის არარსებობა არაა. ესაა ინტერესის არარსებობა საკუთარი თავის მიმართ, თან ბავშვობიდან.

პარტნიორის ძებნასთან დაკავშირებით გეტყვით, და ვინ უნდა მოძებნოთ? ერთადერთი, რაც თქვენს პარტნიორს უნდა ჰქონდეს, ისაა, რომ ის გიზიდავთ. დანარჩენი არანაირ როლს არ ასრულებს საერთოდ. თუ გიყვართ, ღელავთ – მაშინ სხვა არაფერი აღარ არსებობს.

რა უნდა გააკეთო იმისთვის, რომ გათხოვდე? – მხოლოდ ერთი რამ – იყო ის, ვინც ხარ. ეს საკმარისია. პრინციპში, სწორედ ამიტომ უყვარდებათ.

იჩხუბეთ, მაგრამ... ანუ როგორ ავირიდოთ თავიდან სერიოზული კონფლიქტი ოჯახში>>

იცით, რა არის პრინციპული განსხვავება ჯანმრთელ ადამიანსა და „ნევროტიკს“ შორის? ჯანმრთელი ადამიანიც იტანჯება, მაგრამ რეალური ისტორიების გამო, „ნევროტიკი“ კი – მოგონილი ისტორიების გამო. და თუ ტანჯვა არ ჰყოფნის, კაფკას, დოსტოევსკისა და ალკოჰოლს იშველიებს.

თუ არ მოგწონთ მამაკაცის საქციელი, მისი ქცევის გამართლების ძებნა არ ღირს. ვითარება, როდესაც მან „არ დაგირეკათ“, ჯანსაღი გოგონასთვის ურთიერთობების დასარულს ნიშნავს, ხოლო არაჯანსაღისთვის – სიყვარულის დასაწყისს.

მოკრძალება და თავმდაბლობა არავის ამშვენებს. სწორედ დაკომპლექსების, საკუთარ თავში ეჭვებისა და დაბალი თვითშეფასების გამო გოგონა ცხოვრებს სექსისა და ურთიერთობების გარეშე არა იმიტომ, რომ ის შეუხედავია, არამედ იმიტომ, რომ საკუთარ თავს ცუდად ექცევა. ფსიქოლოგის ამოცანაა, გოგონა ამისგან გაათავისუფლოს.

ოჯახური თერპია – ეს განქორწინებაა. ნამდვილად სასარგებლოდ ოჯახური თერაპიის მხოლოდ ერთ სახეობას მივიჩნევ – ფსიქოლოგის შუამდგომლობა გაყრის დროს.

ერთადერთი პერიოდი ადამიანის ცხოვრებაში, როდესაც ის ობიექტურად არის დამოკიდებული და როდესაც ის მძევლად შეიძლება ჩაითვალოს – ეს ბავშვობა და მშობლებზე დამოკიდებულებაა. ეს შედარებით ცოტა ხანს გრძელდება. დანარჩენ შემთხვევებში ნებისმიერ ურთიერთობებში ყოფნა – ეს ზრდასრული ადამიანის არჩევანია.

40
თემები:
აზრების ფოიერვერკი: ცნობილი ადამიანების ბრძნული გამონათქვამები
თავის ტკივილი

შაკიკს ძალიან სახიფათო შედეგი შეიძლება მოჰყვეს: ნევროლოგი განმარტავს

36
(განახლებულია 12:55 22.10.2020)
შაკიკის შეტევა პირველი ნიშნებისთანავე უნდა შეჩერდეს შესაბამისი პრეპარატით, თორემ ამას შეიძლება სავალალო შედეგი მოჰყვეს - ამბობს ნევროლოგი

თბილისი, 22 ოქტომბერი — Sputnik. შაკიკის შეტევებით დაავადებულებში ინსულტის რისკი ორჯერ მეტია, ხოლო მისი წარმოშობის ძირითადი მიზეზები შეიძლება იყოს სტრესი, გადატვირთვა, შიმშილი, არარეგულარული კვება და სიმაძღრეც კი, აცხადებს ნევროლოგი რინატ ბოგდანოვი.

„შაკიკი არის მემკვიდრეობითი დაავადება... შაკიკიან ადამიანებში ინსულტის რისკი თითქმის ორჯერ მაღალია“, — ამბობს ნევროლოგი.

მისი განმარტებით, შაკიკის დროს სამწვერა ნერვის სისტემაში მუშაობა დროებით ფერხდება, გამოიყოფა ნივთიერებები, რომლებიც იწვევს ტვინის მაგარი გარსის სისხლძარღვების გაფართოებას, მის შეშუპებას, არაინფექციური ანთების განვითარებას, რის შედეგადაც ადამიანს ეწყება ინტენსიური და პულსირებადი თავის ტკივილი. ამასთან უმეტეს შემთხვევაში შაკიკის შეტევას თან ახლავს ფოტო- და ფონოფობია, ხშირად — გულისრევა და პირღებინება.

„ყველაზე ხშირად ავადდებიან აქტიური, შრომისუნარიანი ადამიანები, რომლებიც წარმატებებს აღწევს კარიერაში“, — ამბობს ბოგდანოვი.

შაკიკის გამოწვევა შეუძლია სტრესს, გადატვირთვას, ამინდის ცვლილებებს, მენსტრუაციას, შიმშილს, ალკოჰოლს, ნიტრატებს, არარეგულარულ კვებას, კვებათა შორის ხანგრძლივ შუალედება, ძილის ნაკლებობას ან პირიქით, ზედმეტ ძილს.

„არსებობს ცნება „უქმეების შაკიკი“. ეს ის შემთხვევაა, როცა ადამიანს დასვენების დღეებში დიდხანს სძინავს და შედეგად, შაკიკით იღვიძებს“, — განმარტა ნევროლოგმა.

მისი რეკომენდაციით, ყველაზე მნიშვნელოვანი ამოცანა შაკიკის შეტევის მოახლოებისას არის სისხლძარღვების გაფართოების თავიდან აცილება, ანუ მისი დროული კუპირება სპეციალური პრეპარატების დახმარებით.

„თუ ადამიანი გააჭიანურებს წამლების მიღებას (ყველაზე ხშირად ტრიპტანების ჯგუფი), მას ტვინის გარსების შეშუპება განუვითარდება და, მიუხედავად იმისა, რომ წამალი იმუშავებს, მაინც  მოუწევს ლოდინი, სანამ შეშუპება ალაგდება. ეფექტურობა სუსტდება, თუ წამლები დროულად არ მიიღება“, — ამბობს ბოგდანოვი.

ექიმი განმარტავს, რომ შაკიკის მოახლოების ამოცნობა მისი წინმსწრები ნიშნებითაა შესაძლებელი. მაგალითად, მხედველობის არეში „მკვეთრი ხაზებით“, მცურავი ლაქებით,  უცნაური სუნების შეგრძნებით, მგრძნობელობის ნაწილობრივი დაკარგვით, ხელის ან ფეხის თითებში ჟრუანტელით და სხვა.

36
თემები:
მსოფლიო და მეცნიერება
ზურაბ ჯაფარიძე

ზურაბ ჯაფარიძის შვილს კორონავირუსი დაუდასტურდა

0
(განახლებულია 15:23 22.10.2020)
ჯაფარიძის განცხადებით, იგი 31 ოქტომბრის საპარლამენტო არჩევნებამდე საჯარო აქტივობებს წყვეტს და წინასაარჩევნო კამპანიას ონლაინ–რეჟიმში გააგრძელებს.

თბილისი, 22 ოქტომბერი - Sputnik. ახალი პოლიტიკური ცენტრი „გირჩის“ ლიდერის, ზურაბ ჯაფარიძის შვილს კორონავირუსი დაუდასტურდა, აღნიშნული ინფორმაცია პოლიტიკოსის Facebook-გვერდზე გავრცელდა. 

ჯაფარიძის განცხადებით, რაც შეეხება ოჯახის დანარჩენ წევრებს, მათ  PCR-ტესტი ჩაუტარდათ – ვირუსი არცერთ მათგანს არ  გამოუვლინდა. ამ დროისთვის ისინი თვითიზოლაციაში არიან გადასული.

„კოსტას, უმცროს შვილს მოუვიდა დადებითი პასუხი კოვიდ-ტესტზე.  სამი დღის განმავლობაში მაღალი სიცხე ჰქონდა (სხვა არანაირი სიმპტომი არ ჰქონია) და საავადმყოფოში გადავიყვანეთ“,  - დაწერა ჯაფარიძემ. 

ჯაფარიძის განცხადებით, აღნიშნულიდან გამომდინარე, იგი 31 ოქტომბრის საპარლამენტო არჩევნებამდე საჯარო აქტივობებს წყვეტს და წინასაარჩევნო კამპანიას ონლაინ–რეჟიმში გააგრძელებს.

ზურაბ ჯაფარიძე დიდუბე–ჩუღურეთის საარჩევნო ოლქში მაჟორიტარი დეპუტატობის კანდიდატია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1595-ით გაიზარდა და საერთო რიცხვმა 22803-ს მიაღწია. ამ დროისათვის სულ გამოჯანმრთელდა 9401 ადამიანი, გარდაიცვალა – 178.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში