ქუაქანცალია

17 სექტემბერს დაბადებულები ზოდიაქო, დახასიათება, რჩევები

322
(განახლებულია 11:14 17.09.2020)
გაეცანით 17 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-23 სექტემბერი

13-23 სექტემბრის პერიოდი ქალწულის ნიშნის მესამე დეკადას განეკუთვნება.

მესამე დეკადას მერკური მართავს და ამ პერიოდში დაბადებულებს გონებამახვილობას, სამეცნიერო, კვლევითი საქმიანობის უნარებს ანიჭებს.

მნიშვნელოვანი წლებია: 16, 21, 24, 30, 31, 33, 41, 50.

ამ დეკადაში დაბადებულთა სიმბოლოა ყვავილი ასტრა.

13-23 სექტემბრის პერიოდში მშვიდი და გაწონასწორებული ხასიათის, მხიარული ადამიანები იბადებიან, გარშემომყოფებს სითბოსა და სიხარულს ანიჭებენ. არიან კომუნიკაბელური, კეთილმოსურნე. ჰყავთ მრავალი მეგობარი, გარშემომყოფები მათ პატივს სცემენ.

17 სექტემბერს დაბადებულები

17 სექტემბერს დაბადებულები მშვიდი ხასიათის, შრომისმოყვარენი არიან, განვითარებული აქვთ ინტუიცია. აქვთ დიდი გონებრივი პოტენციალი, არიან ძალზე დიდი პასუხისმგებლობის მქონე, მაგრამ არ ჰყოფნით თავდაჯერებულობა, რომ მაღალ მიზნებს მიაღწიონ. ცხოვრების მეორე ნახევარში კომპლექსებთან ბრძოლამ, შესაძლოა, ისინი გამარჯვებამდე მიიყვანოს და მაშინ ცხოვრება მათთვის ფერთა მდიდარ პალიტრას გახსნის. ამ ადამიანების ცხოვრება, ძირითადად, ბედნიერი, კომფორტულია.

ზოდიაქოს ყველაზე პრაქტიკული და მიწიერი ნიშნები>>

ამ დღეს დაბადებულები დასახული მიზნებისკენ დაუღალავად ისწრაფვიან. კარგად იციან, რა სურთ ცხოვრებისგან, თუნდაც კარიერულმა ზრდამ ცხოვრების მრავალი წელი წაართვას. ეს ადამიანები ვერ იტანენ ვერანაირ ზეწოლას და ასეთ შემთხვევაში, შესაძლოა, საკუთარი მიზანიც კი გაუფერულდეს მათ თვალში.

17 სექტემბერს დაბადებულები არ უშინდებიან ბარიერებს თავიანთ გზაზე, პირიქით, ხიბლავს კიდეც ეკლიანი, გამოცდების აღსავსე გზები. მაგალითი არიან თავშეკავებულობისა. აქვთ ფაქიზი გონება და უზადო ლოგიკა, ამიტომ მათთან დავაში გამარჯვება ძალიან რთულია. არიან ძალზე ერთგული, უღალატო ადამიანები, განვითარებული აქვთ სამართლიანობის გრძნობა, ამიტომ ხშირად იცავენ ღატაკ, დამცირებულ ადამიანებს, ამ თვისების წყალობით ხშირად გამოდიან ადვოკატები, არბიტრები. ცხოვრებაზე საკმაოდ კონსერვატიული შეხედულებები აქვთ და იცავენ მტკიცე მორალურ ნორმებს.

რაშია მომთხოვნი ზოდიაქოს თითოეული ნიშანი>>

17 სექტემბერს დაბადებულების კიდევ ერთი მნიშვნელოვანი მახასიათებელია იუმორის გრძნობა. მათთვის სასაცილოა ნივთები, რომლებიც სხვებისთვის ექსტრავაგანტულია. პირველი გაცნობისას სერიოზულ შთაბეჭდილებას ტოვებენ, მაგრამ ახლოს გაცნობის შემდეგ კარგად ჩანს მათი მხიარული ხასიათი. რამდენადმე ჩაკეტილი ადამიანები არიან, არ საჭიროებენ ქებასა და აღფრთოვანებულ სიტყვას გარშემომყოფებისგან, მათთვის საკმარისია ის, რასაც საკუთარ თავზე ფიქრობენ. მათთვის გრძნობების გამოხატვა იგივეა, რაც ადამიანთან სულის გაშიშვლება, ამიტომ სიყვარულში იშვიათად თუ უტყდებიან ადამიანებს.

ჯანმრთელობა
17 სექტემბერს დაბადებულებისთვის აუცილებელია ზომიერი ფიზიკური დატვირთვა, რადგან მიდრეკილი არიან ზედმეტი წონისა და გულ-სისხლძარღვთა დაავადებებისკენ. ასევე რეკომენდებულია დიეტის დაცვა და სისხლში ქოლესტერინის დონის გაკონტროლება.

რჩევა:
სხვა ადამიანებზე საუბრისას გამოიჩინეთ მოთმინება და ტოლერანტობა. ნუ დაიმალებით ხმაურიანი კომპანიებისგან, ეცადეთ, მეტი დრო გაატაროთ მხიარულად. შეებრძოლეთ თქვენს კომპლექსებს.

322
სავსე მთვარე

მთვარის კალენდარი: 1 ოქტომბერი რისი გაკეთება შეიძლება და რისი არა

51
(განახლებულია 09:47 30.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

1 ოქტომბერი, ხუთშაბათი. ამ დღეს იუპიტერი მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, წარმატების მიღწევის რწმენა, გადასადგმელი ნაბიჯების კარგად მოფიქრება, ადამიანებთან ურთიერთობები, ოჯახური და ნათესაური კავშირების გამტკიცება, საკუთარი იდეებისა და გეგმების გამხელა, კარიერასა და ბიზნესზე ზრუნვა, ფინანსური საკითხების გადაჭრა.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებზე, წვრილმანებზე.

ხელსაყრელი დღეა ხანმოკლე მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

51
ფშავი

1 ოქტომბერს დაბადებულები ზოდიაქო, დახასიათება, რჩევები

12
(განახლებულია 11:10 28.09.2020)
გაეცანით 1 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

24 სექტემბერი - 3 ოქტომბრის პერიოდი

24 სექტემბერი - 3 ოქტომბრის პერიოდი სასწორის ნიშნის პირველ დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

ამ პერიოდში დაბადებულთა სიმბოლოა მანანა.

24 სექტემბერი - 3 ოქტომბრის პერიოდში დაბადებულებს პლანეტა ვენერა მფარველობს და ზემოქმედებს მათ ემოციებზე, ვნებებზე, ინსტიქტებზე. ამ დეკადაში დაბადებულები მუდამ ისწრაფვიან ჰარმონიისკენ, არიან პატიოსანი, გულმოწყალე ადამიანები, უყვართ ყველაფერი მშვენიერი. აქვთ ძლიერი ინტუიცია, რაც ზერელე საქციელისგან იცავს და საკუთარი თავის რეალიზებაში ეხმარება მათ.

1 ოქტომბერს დაბადებულები

1 ოქტომბერს თავდაჯერებული ინდივიდუალისტები იბადებიან. ამასთან, მათ შეუძლიათ მუშაობა გუნდში, თანამშრომლობა. არიან წინააღმდეგობრივი ნატურები. ერთი მხრივ, დამოუკიდებლობისკენ ისწრაფვიან, მეორე მხრივ კი სურთ იყვნენ გუნდის ნაწილი. მათი გონება და გული იშვიათად თუ ერწყმის ერთმანეთს ჰარმონიულად. თითოეული იძულებულია, აირჩიოს - გრძნობებს ენდოს, თუ რაციონალურად მოიქცეს.

1 ოქტომბერს დაბადებულებს იმპულსურობა და მოუთმენლობა სჩვევიათ. ასევე, არიან ამბიციური, ისწრაფვიან აღიარებისკენ. უყვართ წარმატება და ყურადღების ცენტრში ყოფნა. თუმცა, ცხოვრების გარკვეულ პერიოდებში, შესაძლოა, მელანქოლიაც მიეძალოს.

ამ დღეს დაბადებულებს ცხოვრებისგან საუკეთესოს მიღება სურთ. ამასთან, ხანდახან, როცა მნიშვნელოვანი, საბედისწერო ნაბიჯი აქვთ გადასადგმელი, ძალზე მერყევი არიან. ამის გამო ხშირად უშვებენ ხელიდან შანსს.

1 ოქტომბერს დაბადებულებს კარგად აქვთ განვითარებული ლიდერის თვისებები. ისინი კარგი ხელმძღვანელები არიან, მაგრამ ხელმძღვანელი თანამდებობა მათთვის დიდ სტრესს წარმოადგენს.

ზედმეტი ფსიქოლოგიური დატვირთვა მათ ჯანმრთელობაზე ნეგატიურად აისახება. ხელქვეითის როლში კომფორტულად გრძნობენ თავს, თუ მათი საქმიანობა დიდ, გლობალურ პროექტებს უკავშირდება.

ჯანმრთელობა

1 ოქტომბერს დაბადებულებისთვის ჯანმრთელობაზე ზრუნვა ჩვეულებრივი საქმეა. ისინი ცდილობენ, დაიცვან დღის რეჟიმი, იკვებონ სწორად; მაგრამ სრულყოფილებისკენ სწრაფვა ყოველთვის არ იძლევა სასურველ შედეგს, რადგან, ხასიათიდან გამომდინარე, რამდენადმე „გადამლაშება“ უყვართ. მათთვის არაა რეკომენდებული სწრაფად გახდომა. მკაცრი დიეტა ცუდ შედეგებს გამოიღებს კუჭ-ნაწლავის სისტემისთვის.

რჩევა:

თქვენი მთავარი მტერი ისაა, რომ ერთ რამეზე იცით „ჩაციკლვა“. ასევე გიყვართ მოლოდინის იდეალიზება. შემდეგ რომ იმედი არ გაგიცრუვდეთ, დროა, ვარდისფერი სათვალე მოიხსნათ.

12