ახალი მთვარე ქალაქის თავზე

ახალმთვარეობა 17 სექტემბერს და მისი გავლენა ზოდიაქოს ნიშნებზე

2446
(განახლებულია 11:40 17.09.2020)
რას მოიტანს შემოდგომის პირველი ახალმთვარეობა, როგორ უნდა გავატაროთ ეს დღე – ამის შესახებ ასტროლოგები გვესაუბრებიან

მორიგი ახალმთვარეობა 17 სექტემბერს ქალწულის ნიშანში თბილისის დროით 15:01 საათზე დადგება.

როგორ მოქმედებს მთვარის ფაზები ადამიანის ენერგეტიკაზე>>

ახალმთვარეობა ადამიანებისთვის განწყობის მკვეთრ ცვალებადობას, სტრესებსა და დეპრესიებს უკავშირდება, თუმცა სწორედ ამ დღეს ადამიანები ასევე წარსულის ტვირთისგან თავისუფლდებიან და წინსვლას იწყებენ.

სექტემბრის ახალმთვარეობის თავისებურებანი

ეს დღე ქალწულის ნიშნის მფარველობით ჩაივლის. ხელსაყრელი დროა ნებისმიერი მუშაობისთვის, რთული საკითხების გადაჭრისთვის, რომლებიც სერიოზულ დამოკიდებულებას საჭიროებს. წარმატებით დაგვირგვინდება საფინანსო–საკრედიტო ოპერაციები, ინვესტიციები ახალ საქმეში, საშუამავლო მომსახურება, სავაჭრო საქმიანობა და უძრავ ქონებასთან დაკავშირებული ოპერაციები.

წარმატებული დღეა მათთვის, ვინც ცოდნის გაღრმავებასა და სრულყოფილებაზე იზრუნებს.

ერთი საინტერესო მომენტი: 17 სექტემბერს ადამიანებს გადაულახავი სურვილი გაუჩნდებათ, რომ მოაწესრიგონ ყველაფერი სახლსა თუ სამუშაო ადგილზე. ამისთვის წინააღმდეგობის გაწევას აზრი არა აქვს, რადგან ქალწული მაინც თავისას გაიტანს. ასე რომ, მოიმარჯვეთ ცოცხი, ტილო და სხვა საჭირო ინსტრუმენტები და შეუდექით საქმეს.

რისი გაკეთება შეიძლება 17 სექტემბერს

ასტროლოგები აცხადებენ, რომ ახალმთვარეობა შესანიშნავი დროა ცვლილებებისთვის, რადიკალური გადაწყვეტილებების მიღებისთვის, ასევე მავნე ჩვევებზე უარის თქმისთვის.

რეტროგრადული მარსი 9 სექტემბრიდან: რას მოუტანს ის ზოდიაქოს ნიშნებს>>

ნებისმიერი ცვლილება ცხოვრებაში სწორედ რომ ახალმთვარეობის პერიოდში ჯობია. ის ხელს უწყობს დეტალურ თვითანალიზს და შინაგანი ჰარმონიის ძიებას.

ახალი მთვარის დროს აქტიურდება ორგანიზმში ნივთიერებათა ცვლის პროცესი, სითხეს კარგად ითვისებს კანი და შემდეგ მთელ სხეულს უნაწილებს. აქედან გამომდინარე, კარგი იქნება ორგანიზმის გაწმენდის პროცედურები, თბილი სამკურნალო აბაზანების მიღება ზღვის მარილითა და არომატული ზეთებით.

ესაა იდეალური დრო, რომ გათავისუფლდეთ მავნე ჩვევებისგან.

რისი გაკეთება არ შეიძლება 17 სექტემბერს

საკმაოდ რთული დღეა – ორგანიზმის სასიცოცხლო ტონუსი მცირდება, შეიძლება გამწვავდეს ან გამოჩნდეს ქრონიკული დაავადებები, არის ტრავმების მიღების ალბათობა, მოსალოდნელია განწყობის ხშირი ცვლა.

ასეთ პერიოდში ზოგიერთი ადამიანი განსაკუთრებულად განიცდის მარტოობას, ეძალებათ პესიმისტური განწყობა. ასტროლოგები გირჩევენ, ძალიან ნუ ჩაღრმავდებით საკუთარ თავში და ეცადეთ, სერიოზულად არ აღიქვათ ნეგატიური აზრები. ახალმთვარეობის პერიოდი გაატარეთ ახლობლებთან, სასიამოვნო ადამიანებთან.

ამ დღეს აჯობებს, თუ მხოლოდ აუცილებელ ცხოვრებისეულ საკითხებს გადაჭრით.

ახალმთვარეობა და ზოდიაქოს ნიშნები

  • ვერძი: საოცრად ჰარმონიული და სამართლიანობით გაჯერებული დღეა. სავაჭრო შეთანხმებები წარმატებით დასრულდება. ფინანსურ მდგომარეობას გაამტკიცებს ან მომავალ წარმატებებს მოამზადებს ურთიერთობები ძველ მეგობრებთან, ნათესავებთან ან პარტნიორებთან. ასევე შესაძლებელია, რომ ამ დღეს რამდენიმე პირადი პორბლემაც მოაგვაროთ.
  • კურო: ხელსაყრელი დღეა ბევრი თვალსაზრისით. გაუმჯობესდება ფინანსური მდგომარეობა: შესაძლებელია მოგება, ვალის დაბრუნება ან რამის მომგებიანი შეძენა. ვენერა ქალ კუროებს გაუღიმებს. რაც შეეხება მამაკაცებს, მათ მივლინება ან საქმიანი შეხვედრა ელოდება, რომელიც მცირე, მაგრამ პერსპექტიულ ცვლილებებს მოიტანს.
  • ტყუპი: შესანიშნავი დღეა აქტიური დასვენების, ფიზიკური დატვირთვისა და სეირნობისთვის. შეგიძლიათ მოაწესრიგოთ დოკუმენტები, დაიწყოთ რემონტი ან მოაწყოთ სახლი. იღბლიანი იქნება ყველა სახის შენაძენი, გარდა ლითონის ნაკეთობებისა და შინაური ცხოველებისა.
  • კირჩხიბი: მთლიანობაში, დღე ხელსაყრელი, წარმატებული იქნება სხვადასხვა საქმესთან დაკავშირებული პრობლემების გადასაწყვეტად და მნიშვნელოვანი შემოსავლების მისაღებად. ასტროლოგები გირჩევენ, რომ, მიუხედავად გარკვეული დაბრკოლებებისა და სირთულეებისა, წარმატებისკენ მიმავალ გზაზე სიმშვიდე შეინარჩუნოთ.
  • ლომი: ამ დღეს გამოვლენილი თქვენი ნიჭი და უნარები შეუმჩნეველი არ დარჩება, ხოლო მეგობრებთან, ნათესავებთან ურთიერთობები, ან მოულოდნელი სიახლე მომავალ პროფესიულ ან ფინანსურ წამრატებებს მისცემს სტარტს. არის ალბათობა, რომ პირად ცხოვრებაში ზოგიერთი პრობლემის გადაჭრა მოახერხოთ.
  • ქალწული: ჰარმონიული დღეა, ხელსაყრელია დასვენების, გართობის, ერთობლივი ღონისძიებებისთვის. ახლობლების წყალობით გაქვთ შესაძლებლობა, რომ მომავალი წარმატებების საფუძველი შექმნათ, განამტკიცოთ ფინანსური მდგომარეობა. ამ დღეს ეცადეთ, მოაგვაროთ პირადი პრობლემები, მიხედოთ ჯანმრთელობას.
  • სასწორი: სულიერი მერყეობისა და ეჭვების დღეა, ასევე მოსალოდნელია ნეგატიური გავლენა გარედან. სჯობს, ეს დღე სახლში, ოჯახურ წრეში გაატაროთ. ნეგატიური ტენდენციები დაგეხმარებათ, რომ შეამციროთ მორცხვობა და მაღალი მორალური თვისებები. სასარგებლო იქნება სეირნობა სუფთა ჰაერზე, პიკნიკის მოწყობა.
  • მორიელი: შეგიძლიათ სერიოზული საქმიანი მოლაპარაკებების გამართვა, მნიშვნელოვან შეთანხმებებზე ხელმოწერა, მგზავრობა ბიზნესის ინტერესებიდან გამომდინარე. ასტროლოგები გირჩევენ, წარმატების მისაღწევად ყველა ხელთ არსებული შესაძლებლობა გამოიყენოთ. ჯანმრთელობა და შრომისუნბარიანობა სათანადო სიმაღლეზე იქნება.
  • მშვილდოსანი: ამ დღისთვის დამახასიათებელი იქნება გულმოწყალება, ეჭვების გადალახვა, გარდასახვა. არის ალბათობა იმისა, რომ, საქმისადმი პრაქტიკული დამოკიდებულების, ენერგიის რაციონალური გამოყენების წყალობით, აიმაღლოთ ავტორიტეტი ან გაიუმჯობესოთ ფინანსური მდგომარეობა.
  • თხის რქა: მოსალოდნელია, რომ ამ დღეს საინტერესო ურთიერთობების წყალობით უახლოეს პერიოდში თქვენი ფინანსური მდგომარეობა გაუმჯობესდეს. რაც შეეხება პირად ცხოვრებას, აქ მოვლენების განვითარებას უნდა ადევნოთ თვალი და ინიციატივა ხელიდან არ გაუშვათ – შესაძლოა, სასურველ შედეგებს მიაღწიოთ.
  • მერწყული: რთული დღე გელოდებათ, როდესაც შესაძლებელია ნგრევა, კატასტროფა, ავარია. ასტროლოგები დიდი ყურადღებისკენ მოგიწოდებენ. თვალი ადევნეთ ბავშვებსა და მოხუცებს. ყურადღებით იყავით ჯანმრთელობის მიმართ.
  • თევზები: დადგა შედეგების შეჯამებისა და კარმული ვალების დამუშავების დრო. შესაძლოა, თავი შეგახსენოთ უკვე მომწიფებულმა ნეგატიურმა პროცესმა საზოგადოებრივ ცხოვრებაში. ეს, შეიძლება, პირად ცხოვრებაშიც აისახოს. დიდია ურთიერთობების დამთავრების ან ტრანსფორმაციის ალბათობა. ამ დღეს, სავარაუდოდ, მძიმე წინათგრძნობა შეგაწუხებთ.
2446
ნახევარმთვარე

მთვარის კალენდარი: 24 სექტემბერი რისი გაკეთება შეიძლება და რისი არა

22
(განახლებულია 12:24 22.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 სექტემბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების წარმოება, ხელმძღვანელების მხრიდან თანამშრომლებისთვის მადლობის გადახდა, წახალისება, ხოლო ქვეშევრდომებს შეუძლიათ მიმართონ თხოვნით ხელმძღვანელობას, ხელოვნების სფეროს წარმომადგენლების მხარდაჭერა, ახალი პარტნიორების ძებნა, უფრო ინდივიდუალურად მუშაობა, ვიდრე გუნდურად.

არარეკომენდებულია გაძლიერებული მუშაობა, რომელსაც ჯანმრთელობისთვის ზიანის მიყენება შეუძლია.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

22
ხავსმოდებული ხე

24 სექტემბერს დაბადებულები ზოდიაქო, დახასიათება, რჩევები

7
(განახლებულია 10:19 22.09.2020)
გაეცანით 24 სექტემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

24 სექტემბერი - 3 ოქტომბრის პერიოდი

24 სექტემბერი - 3 ოქტომბრის პერიოდი სასწორის ნიშნის პირველ დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

ამ პერიოდში დაბადებულთა სიმბოლოა მანანა.

24 სექტემბერი - 3 ოქტომბრის პერიოდში დაბადებულებს პლანეტა ვენერა მფარველობს და ზემოქმედებს მათ ემოციებზე, ვნებებზე, ინსტიქტებზე. ამ დეკადაში დაბადებულები მუდამ ისწრაფვიან ჰარმონიისკენ, არიან პატიოსანი, გულმოწყალე ადამიანები, უყვართ ყველაფერი მშვენიერი. აქვთ ძლიერი ინტუიცია, რაც ზერელე საქციელისგან იცავს და საკუთარი თავის რეალიზებაში ეხმარება მათ.

24 სექტემბერს დაბადებულები

24 სექტემბერს დაბადებულები შემოქმედებითი ადამიანები არიან. თითოეულს თავისი უნიკალური შესაძლებლობა აქვს. ვიღაცას ფერწერა აინტერესებს, ვიღაცას - ცეკვა, მაგრამ ყველა არჩეულ სფეროში წარმატებას აღწევს. ამ ადამიანებისთვის ყველაზე მთავარია სრულყოფა. ისინი ხვეწენ ოსტატობას და მუდამ იმაღლებენ კვალიფიკაციას.

ქოლერიკი, ფლეგმატიკი თუ... გაარკვიეთ თქვენი ტემპერამენტი ზოდიაქოს ნიშნის მიხედვით>>

ამ დღეს დაბადებულებს უზადო გემოვნება გააჩნიათ. იციან სილამაზის ფასი. გარშემო ფუფუნებით გარემოს იქმნიან, თან სულაც არაა აუცილებელი, ეს ფუფუნება ძვირადღირებული იყოს.

24 სექტემბერს გულწრფელი, გამგები ადამიანები იბადებიან. მათთან ურთიერთობა ადვილია. ასეთი ადამიანები მარტონი, პრაქტიკულად, არასდროს არიან. არიან ინდივიდუალისტები და ენთუზიასტები, მომთმენნი. უყვართ საკუთარი თავის გაანალიზება, რაც ხშირად ფსიქოლოგიურ პრობლემებს უქმნის. უყვართ მოგზაურობა და ხანდახან პროფესიასაც ისეთ ირჩევენ, რომელიც მოგზაურობასთან არის დაკავშირებული.

თუ მათი საქმიანობა მოგზაურობას არ უკავშირდება, შთაბეჭდილებების კომპენსირებას ჰობით ახდენენ. სამსახურში სრულიად სხვადასხვა ამოცანას ასრულებენ. არიან მშვენიერი ინჟინრები, ტექნოლოგები.

ხელქვეითის ამპლუაში არიან პასუხისმგებლიანი, საიმედო ადამიანები, ხელმძღვანელი კი - ტოლერანტული, სამართლიანი, ცოტა ნერვული. სამუშაოს იმდენ ენერგიას ახმარენ, რამდენიც მათთვის მოსახერხებელი და კომფორტულია.

ჯანმრთელობა

24 სექტემბერს დაბადებულები ხშირად საჭიროებენ ფსიქოლოგის დახმარებას, სწორედ ფსიქოლოგიური პრობლემები ქმნის მათთვის მთავარ საფრთხეს. ამ პრობლემებს კი ცხოვრებისეულ პრობლემებთან გამკლავების სირთულე ქმნის. რაც შეეხება ფიზიკურ მდგომარეობას, მათ წაადგებათ სწორად გათვლილი რეჟიმი, დეტა ნატურალური პროდუქტებით და ზომიერი ფიზიკური დატვირთვა.

რჩევა:

თქვენი მთავარი მტერი დეპრესიაა. ნუ დაუტოვებთ მას რაიმე შანსს. ეცადეთ, სტაბილური ცხოვრება მოიწყოთ. დააფასეთ ისინი, ვინც თქვენ გაფასებთ. თამამად გამოიყენეთ საკუთარი ნიჭი.

7