იუპიტერი

იუპიტერი რეტროგრადულ სვლას წყვეტს: ზოდიაქოს ხუთ ნიშანს დიდი წარმატებები ელოდება

4305
(განახლებულია 16:45 13.09.2020)
პლანეტების რეტროგრადულობას, პრაქტიკულად, ყოველთვის პრობლემები მოაქვს კაცობრიობისთვის და კონკრეტულად, ზოდიაქოს ცალკეული ნიშნებისთვის. იუპიტერი უკუსვლას 14 სექტემბერს წყვეტს, რაც ზოდიაქოს რამდენიმე ნიშნისთვის იღბლიანი პერიოდის დაწყებას ნიშნავს

იუპიტერის ენერგეტიკა ყველაზე მძიმეა. თავად პლანეტაც ყველაზე მასიური და დიდია. ბოლო რამდენიმე თვე ადამიანების უმრავლესობისთვის არცთუ მარტივი იყო, მაგრამ 14 სექტემბრიდან ყველაფერი უკეთესობისკენ შეიცვლება. განსაკუთრებით პოზიტიური შემდეგი რამდენიმე თვე ზოდიაქოს ხუთი ნიშნისთვის იქნება.

რამდენიმე დღის წინ, კერძოდ, 9 სექტემბერს რეტროგრადული მოძრაობა დაიწყო მარსმა. ეს რამდენადმე დაამძიმებს იუპიტერის ხელსაყრელ პერიოდს, მაგრამ, მთლიანობაში, ზოდიაქოს ამ ნიშნებისთვის ეს პერიოდი მაინც ხელსაყრელი და დადებითი იქნება.

ტყუპი

იუპიტერი არის პლანეტა, რომელიც პასუხისმგებელია სოციალურ კავშირებზე. 14 მაისიდან 13 სექტემბრის ჩათვლით იუპიტერი რეტროგრადული იყო და ბლოკავდა თქვენს უნარს, იოლად მოიპოვოთ გარშემომყოფების ნდობა. 14 სექტემბრიდან გაგიმართლებთ ურთიერთობებთან და ნაცნობობასთან დაკავშირებულ საქმეებში, აღარ მოგიწევთ დიდი ძალისხმევა იმისთვის, რომ ვინმეს დაუმტკიცოთ თქვენი ერთგულება.

დიდი ალბათობით, ყველაფერი პირიქით მოხდება. ახლა გარშემომყოფები იბრძოლებენ თქვენი ყურადღებისთვის. ეს ნიშნავს, რომ სიყვარულში გაუმართლებს მას, ვინც ეძებს. ასევე გაუმართლებს იმ ტყუპებს, ვინც ახალ სამსახურს ეძებს. ადაპტაცია ამ შემოდგომაზე და ზამთარში ბევრად მარტივი იქნება.

ლომი

იუპიტერი ლომების ერთ–ერთი მთავარი მფარველია, ამიტომ მისი რეტრო–ფაზის დასრულება თქვენს განწყობაზე ძალიან პოზიტიურად აისახება. 14 სექტემბრიდან ბევრად მეტი შესაძლებლობა მოგეცემათ ცხოვრების სხვადასხვა სფეროში, რადგან დაგიბრუნდებათ საკუთარი თავის კონტროლის ძალა და გაძლიერდება ინტუიცია.

ბევრი საქმე საჭირო მიმართულებას თავისთავად შეიძენს. გაქვთ შანსი, მოიხვეჭოთ მეტი ავტორიტეტი, მაგრამ ამისთვის დახმარების ხელი უნდა გაუწოდოთ ახლობლებს, კოლეგებსა და მეგობრებს. იუპიტერი დაგეხმარებათ, რომ თავდაჯერებულობა ყველაზე რთულ მომენტებშიც არ დაკარგოთ.

მორიელი

სექტემბრის შუა რიცხვებიდან გელოდებათ მკვეთრი ფინანსური წარმატებები, პროგრესი ბიზნესსა და სამუშაოზე. იუპიტერი ძალებს შეგმატებთ და დაგეხმარებათ, რომ ყურადღება ყცველაზე მთავარზე გაამახვილოთ.

სიყვარულში სითბოსა და სიკეთის პერიოდი გელოდებათ. ახლობლებთან საერთო ენის გამონახვა ბევრად გაგიიოლდებათ. შეძლებთ ბედნიერების მოპოვებას ოჯახურ ცხოვრებაში, მეორე ნახევრის პოვნას, ურთიერთობების სხვა დონეზე გადაყვანას. მთავარია, იყოთ გულწრფელი და მისდიოთ შინაგან ხმას.

მშვილდოსანი

მშვილდოსნებს 14 სექტემბრიდან საქმეების დაგეგმვაში გაგიმართლებთ. იუპიტერი ადამიანების ფიქრებს მართავს მომავალზე, ასე რომ, შეძლებთ წარსული შეცდომების დავიწყებას და პოზიტიურზე „გადართვას“. შესაძლოა, ძალზე ამბიციური მიზნები და ამოცანებიც დაისახოთ.

იუპიტერის რეტროგრადულობის დროს თქვენზე გავრცელებულ ჭორებს, ბოლოს და ბოლოს, ნათელი მოეფინება და აშკარა გახდება, რომ ისინი ტყუილია, აღდგება სამართლიანობა. გაჩნდება სიმსუბუქის შეგრძნება, გათავისუფლდებით ეჭვებისა და სკეპტიციზმისგან. ეს ყველაფერი არა ერთბაშად, არამედ თანდათანობით მოხდება.

თევზები

თევზებისთვის უახლოესი ნახევარი წელიწადი ნეგატიური ემოციებისგან და მოგონებებისგან გათავისუფლების პერიოდი გახდება. დაიწყება ნაყოფიერი დრო, როდესაც თამამად შეგიძლიათ ერთდროულად რამდენიმე დასახულ ამოცანაზე იმუშაოთ. მთავარია, ამისთვის არც დრო არც ძალები არ დაზოგოთ.

ასტროლოგები გირჩევენ, არ აჰყვეთ ცდუნებებს, მეტი დრო დაუთმოთ ჰარმონიის მიღწევის მცდელობას და ეს მდგომარეობა თქვენს ახლობლებს გაუზიაროთ. ამ პერიოდში გარშემომყოფების აგრესია ნულამდე შემცირდება.

4305
ქალი იზომავს წელის გარშემოწერილობას

წონაში დაკლება და ტკბილი ძილი გსურთ? მაშინ არ ჭამოთ ძილის წინ ეს პროდუქტები

48
(განახლებულია 13:14 02.12.2020)
დიეტოლოგი განმარტავს, რომელი პროდუქტები უშლის ხელს ღრმა და მომასვენებელ ძილს, და რა აჩენს მაძღრისად ჭამის სურვილს

თბილისი, 2 დეკემბერი — Sputnik. არსებობს პროდუქტები, რომლებიც ხელს უშლის ღრმა ძილსა და წონაში კლებას, თუკი მათ ძილის წინ მიიღებთ, აცხადებს დიეტოლოგი ელენა კალენი.

სპეციალისტის თქმით, პირველ რიგში, უარი უნდა თქვათ ხორცზე (განსაკუთრებით შემწვარზე), პომიდორზე, ბადრიჯანზე, კონსერვირებულ პროდუქტებზე, მწნილებზე, დამარილებულ თევზზე, ავოკადოზე, ცხარე და ობიან ყველზე. ჩამოთვლილი პროდუქტები შეიძლება შეიცავდეს ამინომჟავა თირამინს, რომელიც სტრესის ჰორმონად, ნორადრენალინად გარდაიქმნება.

„როდესაც ამ პროდუქტებს მივირთმევთ, ხშირად თავს აღგზნებულად ვგრძნობთ. ამიტომ შეიძლება უძილობა აღმოცენდეს, დილით კი ისეთი შეგრძნება დაგეუფლოთ,  თითქოს მთელი ღამის განმავლობაში ვიღაცისგან გარბოდით. და რა შედეგი მოჰყვება? ვიღვიძებთ დაღლილები და ჩვეულებრივზე მეტს ვჭამთ, რაც წონის მატებას იწვევს“, — განმარტავს ელენა კალენი საკუთარ ინსტაგრამ-გვერდზე.

მისი თქმით, საღამოს მენიუდან ასევე უნდა გამოირიცხოს ნიახური. მართალია, ის ძალზე სასარგებლოა წონაში დასაკლებად, მაგრამ ძილის წინ მისი ჭამა არ ღირს — ისევე, როგორც სხვა შარდმდენი პროდუქტებისა.

„ნიახური საკმაოდ ძლიერი დიურეტიკია. მოგიწევთ ტუალეტში ღამით სიარული, რაც ასევე დაარღვევს თქვენს ტკბილ ძილს“, — განმარტა დიეტოლოგმა.

ნიგვზეული და ცხიმიანი საკვები ასევე უმჯობესია, დღის პირველ ნახევარში მიირთვათ. მათში უამრავი სახამებელი და შაქარია, რომლებიც საჭმლის მომნელებელ სისტემას დიდ დატვირთვას უქმნის.

„თანაც, საღამოს მიღებული ცხიმიანი საკვები დიდხანს მუშავდება და შეიძლება ხელი შეუშალოს არა მარტო ძილს, არამედ წონაში კლებასაც“, — აღნიშნა ექსპერტმა.

გარდა ამისა, ძილის წინ არასასურველია ახალი ხილისა და კენკრის, პარკოსნებისა და სოკოს ჭამა, ვინაიდან, დიეტოლოგის თქმით, ეს პროდუქტები შეიცავს ნელა გადამუშავებად უჯრედისს. მას შეუძლია გამოიწვიოს მეტეორიზმი და მუცლის ტკივილი, რაც ხელს შეუშლის ძილს, „დილით კი გაღიზიანებული გაიღვიძებთ ჩვეულებრივზე მეტის ჭამის სურვილით“.

 

48
თემები:
სასარგებლო რჩევები
სულისა და სხეულის ჰარმონია- ქალი ზღვის პირას

2021 წლის ჰოროსკოპი: სასწორი ფინანსები, სიყვარული, ჯანმრთელობა

306
(განახლებულია 12:29 02.12.2020)
როგორი იქნება 2021 წელი სასწორებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

ასტროლოგების აზრით, 2021 წელს ვითარება გაუმჯობესდება და წელი უფრო მშვიდი იქნება, ვიდრე 2020 ნაკიანი წელიწადი. და მაინც, ხარის წელიწადს მოდუნება არ ივარგებს, რადგან ამ წლის მფარველი კეთილგანწყობილია მათ მიმართ, ვისაც შრომა უყვარს და პასუხისმგებლობას არ გაურბის.

ასე რომ, სასწორის ნიშნით დაბადებულებს 2021 წელს ბევრში შრომა მოგიწევთ. მთავარია, თქვენი ენერგია და ძალა საჭირო მიმართულებით დახარჯოთ.

სასწორები საჭიროებენ განმარტოებას, რათა დაფიქრდნენ ამ ცხოვრებაზე და მშვიდ ვითარებაში შეადგინონ მოქმედებების გეგმა. მაგრამ 2021 წელს ასტროლოგები აქტიურ მოქმედებებს ურჩევენ მათ, წინააღმდეგ შემთხვევაში საკუთარ სამყაროში დიდი ხნით ყოფნა და უმოქმედობა, შესაძლოა, არაერთი უსიამოვნების მიზზი გახდეს.

მამაკაცი სასწორი

სასწორ მამაკაცებს 2021 წელს დაგეხმარებათ სერიოზული საკითხების გადაწყვეტისადმი არასტანდარტული დამოკიდებულების უნარი. ამ წელს ხელს შეგიშლით დიდხანს ფიქრი, ასევე იმპულსურობა და ცვალებადობა. სირთულეებთან გამკლავებაში საკუთარ საქციელზე პასუხისმგებლობის აღება დაგეხმარებათ. თუ ისწავლით უარყოფით ემოციებთან გამკლავებას და ამპარტავნებას მოთოკავთ, თეთრი ხარი თქვენთვის საიმედო მფარველი გახდება.

ზოდიაქოს ნიშნები, რომლებსაც ამ სამყაროში ჰარმონია და წონასწორობა შემოაქვთ>>

ფინანსები და სამუშაო: ასტროლოგები გირჩევენ, მოერიდოთ დაუსრულებელ საქმეებს, რომლებსაც ბევრი ძალა და ენერგია მიაქვს და ხელს გიშლით ახალი იდეების ხორცშესხმაში, რადგან საამისოდ დრო აღარ გყოფნით. ფინანსური მხარე პოზიტიური იქნება, თუ სამუშაოს არ შეუშინდებით და ვალებს მინიმუმამდე დაიყვანთ. მოერიდეთ საეჭვო გარიგებებს – გაქვთ იმის უნარი, რომ ადამიანების ზრახვები ამოიცნოთ.

სიყვარული და ურთიერთობები: სასწორებს ურთიერთობების ახლებურად აწყობა მოგიწევთ – კომპრომისული გადაწყვეტილებების მიღწევითა და იმის აღიარებით, რომ პარტნიორსაც აქვს ხმის უფლება. წარმატება პირად ცხოვრებაში ელოდება მათ, ვინც მზადაა ცვლილებებისთვის და რჩეულთან ერთად კეთილდღეობის გზაზე სიარულისთვის. წინააღმდეგ შემთხვევაში ურთიერთობები შეიძლება დასრულდეს.

განწყობა და ჯანმრთელობა: 2021 წელს თქვენი განწყობაცა და ჯანმრთელობაც სათანადო დონეზე იქნება, მაგრამ ეს არ ნიშნავს, რომ ჯანმრთელობაზე ზრუნვა აღარ გჭრიდებათ. საშიშროება ემუქრება მათ, ვინც ძალიან ბევრს მუშაობს და გადაღლას ყურადღებას არ აქცევს. დროული დასვენება და ფიზიკური დატვირთვები სასარგებლოა როგორც ჯანმრთელობის, ისე კარგი განწყობის შესანარჩუნებლად.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ქალი სასწორი

ასტროლოგები გირჩევენ, „არას“ თქმა ისწავლოთ როგორც საკუთარი წამიერი სურვილების, ისე ტოქსიკური ადამიანებისთვის. ახალ წელს ვინც თავის სისუსტეებს აჰყვება, ფინანსური გაჭირვება ელოდება, ხოლო თუ ტოქსიკურ ადამიანებს დროულად არ შეაჩერებთ, უსიამოვნებების კასკადი გარდაუვალი გახდება. პრობლემებთან გამკლავებაში თავდაჯერებულობა დაგეხმარებათ.

ფინანსები და სამუშაო: ნუ ეცდებით, მთელი ოჯახის ბიუჯეტი თქვენ შეავსოთ. ამ შემთხვევაში ძლიერი გადაღლა და ძალების გამოფიტვა გელოდებათ, ასევე გახდებით გაღიზიანებული. წარმატება ერთბაშად არ მოვა, თუმცა, თუ დროულად დაისვენებთ და ამასთან, ისწავლით ერთპიროვნული გადაწყვეტილებების მიღებას დაყოვნების გარეშე, წარმატებაც მალე გეწვევათ.

სიყვარული და ურთიერთობები: ურთიერთობებში ჰარმონიას ვერ მიაღწევთ, თუ ყველას გულის მოგებას შეეცდებით. მკაფიოდ უნდა გამოკვეთოთ თქვენი პოზიცია, რათა დროულად გაიყვანოთ თქვენი საურთიერთობო წრიდან ის ადამიანები, რომლებსაც თქვენთვის ბედნიერებისა და კეთილდღეობის მოტანა არ შეუძლია. ეს ეხება როგორც ახლობელ ადამიანებთან, ისე კოლეგებთან ურთიერთობებს.

ინდივიდუალური დიეტა ზოდიაქოს ნიშნებისთვის>>

განწყობა და ჯანმრთელობა: ხარის წელიწადში თქვენს განწყობასა და ჯანმრთელობას სერიოზული საფრთხეები არ ელოდება, მაგრამ პოზიტიური განწყობა უნდა შეინარჩუნოთ არა მხოლოდ მაშინ, როცა ყველაფერი კარგად მიდის, არამედ მაშინაც, როცა რთული დრო გიდგათ. ასევე ასტროლოგების რჩევაა, გადახედოთ კვების რაციონს და მასში რაც შეიძლება მეტი სასარგებლო პროდუქტი შეიტანოთ. ეს დაგეხმარებათ, რომ დატკბეთ აქტიური ცხოვრებით და თან ახალგაზრდული იერი შეინარჩუნოთ.

გაეცანით ასევე 2021 წლის ჰოროსკოპს ვერძებისკუროებისტყუპებისკირჩხიბების, ლომებისა და ქალწულებისთვის.

306
ექიმი

საქართველოში რვა ათასზე მეტი მედიკოსია ინფიცირებული

0
(განახლებულია 15:48 02.12.2020)
გამყრელიძისთვის მოულოდნელი იყო, რომ საქართველოს ჯანდაცვის სისტემა ასეთი დიდი რაოდენობის ინფიცირებულს გაუძლებდა

თბილისი, 2 დეკემბერი – Sputnik. საქართველოში ინფიცირებული მედიკოსების რაოდენობამ რვა ათასს მიაღწია, განაცხადა დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელმა ამირან გამყრელიძემ ოთხშაბათს ბრიფინგზე.

მსუბუქი ფორმის შემთხვევაშიც კი: ამერიკელი მეცნიერი „კოვიდის“ ახალ შედეგს ასახელებს>>

მისი თქმით, ინფიცირებული მედიკოსების დიდი ნაწილი გამოჯანმრთელდა და დაუბრუნდა სამუშაო ადგილს, მაგრამ მათ შორის არის მსხვერპლიც.

„გასულ კვირას სამი ექიმი, მათ შორის ქუთაისის ერთ-ერთი წამყვანი ეპიდემიოლოგი დაგვეღუპა, რამდენიმე ექიმი აჭარაში, თბილისში, ეს რთულია“, – განაცხადა გამყრელიძემ და მედიკოსებს გმირული საქმიანობისთვის მადლობა გადაუხადა.

მან აღნიშნა, რომ საქართველოს ჯანდაცვა, მიუხედავად გარკვეული ხარვეზებისა და გადატვირთულობისა, უმკლავდება პაციენტების რაოდენობას.

„იდეალური არავინ ვართ, არც ძალიან მდიდარი ქვეყანა ვართ, მაგრამ დამერწმუნეთ, მე, რომელსაც საკმაოდ ხანგრძლივი მუშაობის სტაჟი მაქვს ჯანდაცვის სექტორში ყველანაირ პოზიციაზე, დაწყებული ჩვეულებრივი ექიმით, დამთავრებული კიდევ სხვადასხვა ჩინოვნიკურ პოზიციებზე, უფლება მაქვს, შედარებითი ანალიზი გავაკეთო. დღეს, პირადად მე, არ მეგონა, რომ მიუხედავად ყველაფრისა, ამდენ შემთხვევას ჯანდაცვის სისტემა გაუძლებდა“, – განაცხადა გამყრელიძემ.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების დაახლოებით 4 ათასი ახალი შემთხვევა ვლინდება. COVID-19–ის გართულებებისგან უკვე, დღეის მდგომარეობით, 1342 ადამიანი გარდაიცვალა.

საქართველოში კოვიდვაქცინაციისთვის სპეციალური ჯგუფი შეიქმნა>>

მთავრობა იძულებული იყო, ახალი შეზღუდვები დაეწესებინა. დიდ ქალაქებში დაიკეტა სავაჭრო ცენტრები, ბაზრობები, არ მუშაობს საქალაქო ტრანსპორტი, სწავლა დისტანციურ რეჟიმზე გადავიდა, შენარჩუნებულია პირბადის ტარების რეჟიმი და ღამით, 21:00 საათიდან 05:00 საათამდე გარეთ გასვლა იკრძალება.

0
თემები:
COVID-19 საქართველოში