მოციმციმე ხე მთვარის ფონზე

მთვარის კალენდარი: 11 სექტემბერი რისი გაკეთება შეიძლება და რისი არა

429
(განახლებულია 13:16 11.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

11 სექტემბერი, პარასკევი. ამ დღეს ვენერა მართავს. კლებადი მთვარე კირჩხიბის ნიშანშია.

ესაა პატიების, მონანიების დღე. კარგი იქნება სახლის დალაგება, დასუფთავება, ზედმეტი ნივთებისგან გათავისუფლება.

დღის ენერგია რთულია. მოსალოდნელია კონფლიქტები და აგრესიის გამოვლენა ურთიერთობების დროს მცირე შეცდომის გამო.

იღვიძებს სენტიმენტალობა, ემოციური მერყეობა, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

რეკომენდებულია მხოლოდ მარტივი საკითხების გადაწყვეტა, ადრე დაწყებული საქმეების დამთავრება, აზრის მარტივად, მინიშნებების გარეშე გამოთქმა და ზოგადად, უფრო დუმილი აჯობებს, ვიდრე ლაპარაკი, ურთიერთობების შეზღუდვა, შინაგანი სიმტკიცის, სიმშვიდისა და წონასწორობის გამოვლენა.

არარეკომენდებულია მუშაობა და ბიზნეს–საქმიანობა, მნიშვნელოვანი საქმის გაკეთება, მოლაპარაკებები, საკუთარი აზრებისა და იდეების სხვებისთვის გაზიარება, ხალხმრავალ ადგილებში ყოფნა.

მგზავრობა შეიძლება, მაგრამ არასასურველია შორეული მოგზაურობა.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: კირჩხიბი ერთ–ერთი ნაყოფიერი დღეა. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ფოთლოვანი ბოსტნეულის დარგვა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

429
თამარ უთნელიშვილი

კლასგარეშე საკითხავი მასწავლებლებისთვის: „მოსწავლეებს რეპეტიტორი რომ არ დასჭირდეთ“

136
(განახლებულია 16:13 18.09.2020)
„როცა ბავშვებს სკოლაში მიუხარიათ და სკოლის დატოვება ეძნელებათ“ – ასე დაახასიათა ზოგადად იდეალური სკოლა თამარ უთნელიშვილმა და სწორედ ეს გახდა თავის დროზე მისი მომავალი საქმიანობის ამოსავალი.

კერძო სკოლა „თამარიონი“ თანამოაზარეებთან ერთად ქალბატონმა თამარმა გორში 1995 წელს 18 მოსწავლით გახსნა. დღეს მისი ხელმძღვანელობით ეს სკოლა სწავლების მაღალი დონით და კვალიფიციური პედაგოგებით გამოირჩევა.

თამარ უთნელიშვილი გორის უნივერსიტეტში
თამარ უთნელიშვილი გორის უნივერსიტეტში

- ქალბატონო თამარ, ბუნებრივია, დავიწყებ კითხვით – თავის დროზე პროფესიული არჩევანი რა ნიშნით გააკეთეთ?

- ყოველთვის მომწონდა და მაინტერესებდა ნებისმიერი განვითარების პროცესი, იქნებოდა ეს ტექნიკა, მედიცინა, მეცნიერება თუ სხვა რამ. ამ ინტერესის სფეროს განეკუთვნებოდა ბავშვის, როგორც გონებრივი რესურსის განვითარების პროცესიც. ვეთანხმებოდი მოსაზრებას, რომ „ბავშვის გონება სუფთა დაფაა“ და ვიღაც ბედნიერს შეუძლია იგი ძალიან მნიშვნელოვანი ჩანაწერებით შეავსოს. საბოლოოდ, თუ ეს დაფა სრულყოფილი, მნიშვნელოვანი და სასარგებლო გამოვა, ეს იქნება სწორედ „იმ ბედნიერის“ დამსახურება, ვინც ეს შეძლო. წარმოგიდგენიათ, რამხელა სიკეთეა, რამხელა მადლია იმ „ბედნიერის“ როლში ყოფნა?! ჰოდა, დღემდე ვცდილობ, ეს როლი ღირსეულად შევასრულო...

- ვინ იყო მასწავლებელი, ვინც გორის მეცხრე საშუალო სკოლაში თქვენ პიროვნებად ჩამოყალიბებაზე გავლენა იქონია?

- მუშაობისას ყოველთვის ვცდილობ ისე მოვექცე ბავშვებს და ისეთი გარემო შევუქმნა, როგორიც მინდოდა თავად მქონოდა ბავშვობაში. მოგეხსენებათ, საბჭოთა სკოლაში თავისუფალ, შემოქმედებითად დატვირთულ გარემოზე ფიქრიც კი იკრძალებოდა. თუმცა იყო ნათელი წერტილები, რომლებსაც ნათელი მასწავლებლები ქმნიდნენ და ასეთები ძალიან ცოტანი იყვნენ... დღევანდელი გადმოსახედიდან, როცა მასწავლებლების და სწავლების სტანდარტებს ვაფასებ, მხოლოდ ერთი მასწავლებელი მახსენდება, რომელიც დღევანდელ სკოლასაც დაამშვენებდა თავისი მიდგომებით, დამოკიდებულებით, შემოქმედებითი აზროვნებით, სახალისო აქტივობებით, საქმისადმი ერთგული დამოკიდებულებით და სიყვარულით. ეს ჩემი რუსული ენის მასწავლებელი როზა სტეფანიანი იყო. ახლაც მიკვირს, ამას როგორ ახერხებდა, მას ხომ არანაირი თანამედროვე ძვირადღირებული ტრენინგი არ ჰქონდა გავლილი. ამიტომ ვამტკიცებ, რომ მასწავლებლობა ნიჭი და უნარია, რომელიც ან გაქვს, ან არ გაქვს!..

ღონისძიებაზე
ღონისძიებაზე

- გამომდინარე იქიდან, რომ ფიზიკა-მათემატიკური ფაკულტეტი აირჩიეთ, შემოქმედებითი ძიების მოყვარული ბუნება გაქვთ... 

- საერთოდ, იმდენი საგანი და თემა მაინტერესებდა, რომ გამიჭირდა პროფესიის არჩევა. წერა მიყვარდა ძალიან, ჟურნალისტობაც მომწონდა, ლიტერატურასა და პოეზიაზე დღესაც „ჭკუა მეკეტება“, მასწავლებლად კი, ასე მგონია, დავიბადე. მათემატიკაში მომწონდა გზების ძიება, „გემრიელ“ ამოცანაში „გემრიელ“ გზას რომ ვიპოვიდით გაკვეთილზე, ეს იყო ჩემთვის კმაყოფილების ზენიტი. კარგი კლასი მყავდა და სულ შემოქმედებით ძიებაში ვიყავით. ბოლოს ისე გამოვიდა, რომ ძალიან ბევრი ჩემი ახლობლის გასაკვირად ფიზიკა-მათემატიკის ძალიან საინტერესო გზაზე შევდექი.

თამარ უთნელიშვილი ოჯახთან ერთად
თამარ უთნელიშვილი ოჯახთან ერთად

- რა გამოცდილება შეიძინეთ პროფესიული განვითარების ეროვნულ ცენტრში?

- მასწავლებელთა პროფესიული განვითარების ცენტრში მუშაობამ დიდი გამოცდილება შემძინა. ეს იყო ის სიახლეები, რაც აპრობირებულია მსოფლიოში და ჩვენ ერთად ვეძებდით ჩვენზე მორგებულ მეთოდებს. ეს იყო განათლების კორიფეებთან ურთიერთობისა და გამოცდილების გაზიარების კარგი შესაძლებლობა. მაგრამ ჩემი ტრენერობის იდეალური გამოცდილება იყო ე.წ. G-Pried (საქართველოს დაწყებითი განათლების) პროექტი, რომელიც თავისი მაღალი ორგანიზებულობით, საინტერესო პროცესუალური მიდგომებითა და რესურსებით საუკეთესოა დღემდე არსებულ საგანმანათლებლო მოდულებს შორის.

კოლეგებთან ერთად
კოლეგებთან ერთად

- კერძო სკოლის დაარსების იდეა როდის გაგიჩნდათ?

- კერძო სკოლის დაარსების იდეა გამიჩნდა მას შემდეგ, რაც ამის შესაძლებლობა მომეცა. მანამდე იყო ოცნება ისეთი სკოლის არსებობის შესახებ, სადაც იქნებოდა კეთილგანწყობილი, უშუალო გარემო, კვალიფიციური, საქმეზე და ბავშვებზე შეყვარებული მასწავლებლები, ბავშვების აზროვნების და შემეცნების აბსოლუტური თავისუფლება, მხიარული და საინტერესო სასწავლო პროცესი, როცა ბავშვებს სკოლაში მიუხარიათ და მერე სკოლის დატოვება ეძნელებათ.

კოლეგებთან ერთად
კოლეგებთან ერთად

- ობიექტურად რომ ვიმსჯელოთ, რით გამოირჩევა თქვენი სკოლა?

- ჩვენი სკოლა სხვა სკოლებისგან იმით გამოირჩევა, რომ ზემოთ ჩამოთვლილ პირობებს არ ვღალატობთ. გაძლიერებული ქართული ენის, მათემატიკის და უცხო ენების პროგრამა გვაქვს, მოსწავლეთა მცირე რაოდენობა, მათ მზადყოფნაზე მორგებული პროგრამები და პროფესიონალი კადრები იმის საშუალებას იძლევა, რომ ჩვენს მოსწავლეებს რეპეტიტორი არ დასჭირდეთ. გორი პატარა ქალაქია და ადვილია, რომ ამა თუ იმ ადამიანზე წარმოდგენა შეიქმნა. მასწავლებლებიც ძალიან ფრთხილად შევარჩიეთ, აუცილებელ მოთხოვნებად დავაწესეთ საგნის ცოდნა, საქმის და ბავშვების სიყვარული, სიახლის მაძიებლობის და საქმისადმი შემოქმედებითი მიდგომის უნარი.

თამარ უთნელიშვილი გადაღების დროს
თამარ უთნელიშვილი გადაღების დროს

- თქვენი ცხოვრება მთლიანად ქალაქ გორთან არის დაკავშირებული, ვირტუალური მეგზურობა რომ გაუწიოთ მკითხველს, რომელ საინტერესო ფაქტებს ახსენებდით ამ ქალაქთან დაკავშირებით, გარდა იმისა, რაც მსოფლიოში უკვე იციან?

- გორი ჩემი სახლია, მის ქუჩებში სიარულისას მგონია, რომ ჩემ ეზოში დავდივარ. აქ ყველა ერთმანეთს იცნობს და ეფერება. ქალაქში ბევრი საინტერესო და ღირსშესანიშნავი ადგილი გვაქვს, მარტო უნიკალური ქვაში ნაშენი უფლისციხე და გორის ციხე რად ღირს, ან ჩვენი ეთნოგრაფიული მუზეუმი შესანიშნავი ექსპონატებით. თუნდაც არაჩვეულებრივი ატენის ხეობა, მისი სიონი, შესანიშნავი შემოქმედი ადამიანები, ქალთა და გოგონათა ცნობილი კაპელა, ცნობილი სპორტსმენები, გორის უძველესი დრამატული თეატრი, კერამიკის მუზეუმი. ეს ხომ იაკობ გოგებაშვილის, ოთარ ჩხეიძის, მერაბ მამარდაშვილის, ეკატერინე გაბაშვილის, კირიონ II-ის, ნიკო სამადაშვილის, ნიკო ლომოურის, ანტონ ფურცელაძის, ივანე მაჩაბლის, ნიკო კეცხოველის, სულხან ცინცაძის, ილიკო სუხიშვილის მშობელი მხარეა... მეტი რა ქნას ამ პატარა ქალაქმა?!.

 

136
საჰაერო ბურთები ცაში

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია

639
(განახლებულია 11:59 18.09.2020)
ზოდიაქოს ბევრი ნიშანი მიიჩნევა მომხიბვლელად, მიმზიდველად, მაგრამ ამ ხუთ ნიშანს ვერავინ შეედრება – მათ შეუძლიათ, ნებისმიერს შეაყვარონ თავი

ზოდიაქოს ნიშნებს შორის ეს ხუთი ნიშანი განსაკუთრებული შარმით გამოირჩევა. თითოეულს თავისი მახასიათებელი აქვს, რომლითაც ამ ნიშნების წარმომადგენლები გარშემომყოფებს აჯადოებს და თავიანთ „სიყვარულის აბლაბუდაში“ ხლართავენ.

ვერძი

ვერძებზე კაშკაშა არავინაა, რადგან ისინი მათთან კონტაქტში მყოფი ყველა ადამიანის სიყვარულითა და ყურადღებით ცხოვრობენ. ხანდახან ვერძების საქციელი ზედმეტად აკვიატებულად გეჩვენებათ, მაგრამ მაინც ადამიანები მათ ყველაფერს პატიობენ. არ შეამჩნიო ისინი, რთულია, რადგან ნებისმიერ კოლექტივსა და კომპანიაში ყველაზე მეტად „მქუხარე“ და „ხმაურიანი“ არიან.

მათ კიდევ ერთი პლუსი აქვთ – პატიოსნება ყველაფერში. შემთხვევით შემხვედრ ადამიანს შეუძლიათ უთხრან, რას ფიქრობენ მასზე. ვიღაც ამაზე ძალიან ნეგატიურად რეაგირებს, ვიღაცას კი ძალიან მოსწონს. ძალიან ძნელია, არ გიყვარდეს ვერძი და პატივს არ სცემდე მას, რადგან ეს ზოდიაქოს ამ ნიშნის წარმომადგენლებს ძალიან, მთელი სულითა და გულით უნდათ. როდესაც ისინი უყვართ, ვერძები ცხოვრობენ, ხარობენ და ბედნიერებისგან ბრწყინავენ.

ტყუპი

ტყუპები ის ხალხია, რომელთაც მჭევრმეტყველებაში აჯობო, ძალიან რთულია. მათ შეუძლიათ ილაპარაკონ ლამაზად და თან – ბევრი. მაგრამ ყოველთვის საქმეზე – არა. ისინი ამ ბუნებრიობისა და სიმსუბუქისთვის უყვართ. მათთან ადვილია ურთიერთობა, გაცნობიდან ორი წუთის შემდეგ გეჩვენება, თითქოს მთელი ცხოვრება იცნობ. რა თქმა უნდა, ეს ასე არ არის, რადგან ამ ნიშნის არც ერთი წარმომადგენელი არ გახსნის თავის საიდუმლოებებს ერთბაშად.

ვის ირჩევენ პარტნიორად ზოდიაქოს ნიშნები>>

ტყუპი სილამაზისა და მომხიბვლელობის სამყაროში „მძიმე არტილერიაა“. ისინი თითქმის ყველას უყვარდება, უმრავლესობა მათით აღფრთოვანებულია. ჩნდება მათთან ურთიერთობების სურვილი, რადგან სითბოს ასხივებენ. მაგრამ გრძნობებთან დაკავშირებით სიფრთხილეა საჭირო, რადგან ამ მხრივ ტყუპები რამდენადმე „თავქარიანი“ არიან.

ქალწული

ქალწულები ბრძენ ხალხად არიან მიჩნეული. ეს, ერთი შეხედვით, არაფრით უკავშირდება იმას, რომ ისინი ბევრს და თან სულ ადვილად უყვარდებათ. სინამდვილეში, ეს ქალწულებს ძალიან ეხმარება, რადგან გარშემომყოფებს აჩვენებენ, რომ მათ წინაშე ჩვეულებრივი ადამიანი არ დგას. ეს ადამიანები რაღაც განსაკუთრებულ, იდუმალ აურას ასხივებენ, ამიტომ პირველი შეხვედრის შემდეგ მათთან კიდევ შეხვედრის სურვილი ჩნდება.

ზოდიაქოს ამ ხუთეულში ქალწულები ყველაზე ნაკლებად უყვარდებათ, მაგრამ სწორედ მათთან დაკავშირებულ შემთხვევებში გრძნობა ღრმა და დასამახსოვრებელია. დიდი პლუსია ის, რომ ქალწულები ჭკვიანი არიან და ხანდახან – ძალზე ენამჭევრიც, მაგრამ ბევრი ლაპარაკი არ უყვართ. მოქნილი ხასიათი აქვთ და ემპათიური არიან.

ზოდიაქოს ნიშნების ინტიმური შეთავსებადობა>>

მშვილდოსანი

შეგიყვარდეს მშვილდოსანი – რთული არაა. ამისთვის საკმარისია, სულ ერთი–ორი წუთი დაელაპარაკო, ან, უბრალოდ, დააკვირდე, როგორ იქცევა გარშემომყოფებთან ურთიერთობებისას. მშვილდოსნები მსოფლიოში საუკეთესო ფსიქოლოგები არიან. მაშინვე ესმით, როგორი დამოკიდებულებაა საჭირო ნებისმიერ ადამიანთან ან ადამიანთა ჯგუფებთან. ისინი დიდი ორატორები და ლიდერები არიან.

მშვილდოსნებმა გარშემომყოფების მიმართ შეიძლება გულგრილობაც გამოამჟღავნონ და იყვნენ საოცარი მაცდურებიც. მშვენივრად იციან, რა არის ამისთვის საჭირო. თუ ვინმეს ცდუნება გადაწყვიტეს, ამას გააკეთებენ კიდეც და თან – დიდი ძალისხმევაც არ დასჭირდებათ.

მერწყული

უმრავლეს შემთხვევებში ადამიანებს მერწყულების ინტელექტი უყვარდებათ. მათთან ურთიერთობა ძალზე საინტერესოა – ფართო თვალსწარიერით გამოირჩევიან. მერწყულების შეყვარების პროცესი შეიძლება ძალიან სწრაფად განვითარდეს, მხოლოდ დიალოგის დაწყებაა საჭირო. ისინი ისეთ რამეებს მოგითხრობენ, რაზეც წარმოდგენაც კი არა გაქვთ. მერწყულები გვაკვირვებენ თავიანთი უნარებით, ცხოვრებისეული გამოცდილებითა და შესაძლებლობებით.

სახალისო „შპარგალკა“ ზოდიაქოს თითოეული ნიშნის ქალებისთვის>>

ძალიან ადვილი მერწყულის შეყვარება, მაგრამ მზად უნდა იყოთ, რომ საპასუხო გრძნობებს არ გამოხატავენ, თუ ამის სურვილი არა აქვთ. მერწყულები ის ადამიანები არიან, რომლებიც ენერგიასა და დროს ძალიან უფრთხილდებიან. სწორედ ამიტომ ყველას, ვისაც მერწყული შეუყვარდება, ძალ–ღონე არ უნდა დაიშუროს, რომ მისი ყურადღება მიიპყროს და საპასუხო რეაქცია დაიმსახუროს.

639
გერმანული ნაგაზი

„თავში დაჭრილი ჩემი შვილის ძაღლია, მხოლოდ მის ყეფაზე რეაგირებს“- დაიკარგა გერმანული ნაგაზი

0
(განახლებულია 12:36 18.09.2020)
17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა

თბილისი, 18 სექტემბერი – Sputnik. სოციალურ ქსელში გერმანული ნაგაზის დაკარგვასთან დაკავშირებით ინფორმაცია ვრცელდება.

ირკვევა, რომ ძაღლის პატრონი ცოტა ხნის წინ სწორედ მის გამო დაჭრეს და ავადმყოფი მხოლოდ ამ ძაღლის ყეფაზე რეაგირებს.

როგორც მეპატრონე წერს, 5 წლის ნაგაზსს დექსტერი ჰქვია, ყელზე ჯაჭვი აქვს და გრძელი საბმელი, ნეიროდერმიტის დაავდება აქვს და თუ ვინმე მას სახლში წაიყვანს, ნერვიულობის ფონზე საკვებს არ მიეკარება და მოკვდება.

„მე როგორც დედა ყველას გთხოვთ დააბრუნეთ ერეკლეს ძაღლი!“, - წერს სოციალური ქსელის მომხმარებელი ნინო ჩეკურიშვილი.

17 წლის ერეკ­ლე ჩე­კუ­რიშ­ვი­ლი, რო­მე­ლიც 20 წლით უფ­როს­მა მა­მა­კაც­მა ძაღ­ლე­ბის ჩხუ­ბის გამო თა­ვის არე­ში დაჭ­რა, 3 ტყვია ამ დრომ­დე თავ­ში აქვს ჩარ­ჩე­ნი­ლი და კო­მა­ტო­ზურ მდგო­მა­რე­ო­ბა­ში იმ­ყო­ფე­ბა.

რო­გორც მო­ზარ­დის დედა ნინო ჩე­კუ­რიშ­ვი­ლი აცხა­დებს, გან­ზრახ მკვლე­ლო­ბის მცდე­ლო­ბის ბრალ­დე­ბით და­კა­ვე­ბულ­მა 37 წლის დი­მიტ­რი როს­ტო­მაშ­ვილ­მა და­ნა­შა­უ­ლი აღი­ა­რა და გა­ნა­ცხა­და, რომ სრო­ლის მო­მენ­ტში ამ­ფე­ტა­მი­ნის ზე­მოქ­მე­დე­ბის ქვეშ იმ­ყო­ფე­ბო­და.

0