საკლასო ოთახი

მოსწავლე და ზოდიაქოს ნიშანი: რჩევები მშობლებს სწავლის დაწყების წინ

767
(განახლებულია 11:06 08.09.2020)
ასტროლოგები მშობლებს ურჩევენ, გაითვალისწინონ შვილების ზოდიაქოს ნიშანი, რათა ახალი სასწავლო წლის დაწყება მათთვის სტრესული არ აღმოჩნდეს იმის გათვალისწინებით, რომ კორონავირუსის პანდემიის გამო მოსწავლეები სკოლაში სამი თვის მაგივრად თითქმის ექვსი თვე არ დადიოდნენ.

სულ მალე ახალი სასწავლო წელი დაიწყება. 15 სექტემბერი ამაღელვებელი დღეა არა მხოლოდ მოსწავლეებისთვის, არამედ მათი მშობლებისთვისაც. იწყება ორომტრიალი: სახელმძღვანელოები, ტანსაცმელი, საკანცელარიო ნივთები, ათასი საფიქრალი და საზრუნავი – ყველაფერი გასათვალისწინებელია, მაგრამ მთავარია, ამ ქაოსში ბავშვებისთვის ყურადღების მიქცევა არ დაგავიწყდეთ.

ვერძი

პატარა ვერძებისთვის პირველი დღეები სკოლაში,. შესაძლოა, ნამდვილი კატორღა აღმოჩნდეს. ისინი ხომ ერთ ადგილზე ვერ ისვენებენ და მთელი გაკვეთილის განმავლობაში მერხთან ჯდომა მათთვის აუტანელია, თან შესვენების დროს სირბილიც შეზღუდული აქვთ. აქედან გამომდინარე, ყველაზე დიდი შეცდომა, რომელიც ვერძის მშობლებმა შეიძლება დაუშვან, ისაა, რომ პატარას მუდმივად შეახსენონ, რომ ის კარგად უნდა მოიქცეს, ისწავლოს „ფრიადზე“ და მერხთან გაუნძრევლად იჯდეს. მათ მოვალეობის გრძნობა არ აღაფრთოვანებს, პირიქით, მოქმედების სურვილს უკლავს. სჯობს, ვერძი სპორტის რომელიმე სახეობაზე შეიყვანოთ, სადაც ის მოჭარბებულ ენერგიას დატოვებს.

კურო

კუროები პირიქით, მშვიდად და წყნარად იქცევიან, თუმცა, ეს სულაც არ ნიშნავს, რომ მათ მშობლების მხარდაჭერა არ სჭირდებათ, განსაკუთრებით პირველ დღეებში. წაახალისეთ პატარა მცირე საჩუქრებით, განსაკუთრებით, თუ ის კარგად სწავლობს, აჩუქეთ მისთვის საყვარელი რამე ნივთი, მაგრამ ძალიანაც არ გადააჭარბოთ.

ზოდიაქოს თითოეული ნიშნის ლაკონური დახასიათება - ხასიათის მხოლოდ ექვსი შტრიხი>>

ტყუპი

ტყუპები ყველაზე მეტად ვერ იტანენ, როცა მოწყენილი არიან. მათ შეუძლიათ კარგად სწავლა, თუ რამით დაინტერესდებიან. მაგრამ თუ სკოლაში მოიწყინეს, კარგ შეფასებებს ნუ დაელოდებით. ჩაატარეთ ერთად საინტერესო ცდები, მოუყევით მათ წიგნების შესახებ, სადაც აღწერილია შორეულ მოგზაურობებზე ან სამეცნიერო გამოგონებებზე, „გამოკვებეთ“ პატარის ფანტაზია და ნუ დატოვებთ მარტოს რთულ და მოსაწყენ დავალებებთან.

კირჩხიბი

კირჩხიბები ყველაზე ფაქიზი და მგრძნობიარე ნატურები არიან. მათ პირველ დღეებში სკოლაში ძალიან უჭირთ, მაგრამ სტრესთან გამკლავებაში მას სულ უბრალოდ დაეხმარებით – საკმარისია შეიცოდოთ ის და არ დასაჯოთ. დროთა განმავლობაში ბავშვი შეეგუება თავის სოციალურ როლს. მნიშვნელოვანია, რომ ეს პროცესი ბუნებრივად წარიმართოს.

ლომი

ლომის დასჯა არავითარ შემთხვევაში არ შეიძლება – ის მხოლოდ უნდა შეაქოთ და წაახალისოთ. ლომის ნიშნის წარმომადგენლები ბავშვობაში ბევრ კომპლექსს იძენენ და შემდეგ ამ კომპლექსებისგან გათავისუფლებას მთელი ცხოვრება უნდებიან. ნუ შეგეშინდებათ პატარა ლომების შექება, მეტ ეფექტს მიაღწევთ, თუ ბავშვს ეტყვით, რომ მასზე დიდ იმედებს ამყარებთ. უთხარით, რომ ხვალ ის უკეთესად მოიქცევა და შედეგიც არ დააყოვნებს.

ყველაზე, ყველაზე... ზოდიაქოს ნიშნების ძლიერი მხარეები>>

ქალწული

ქალწულებს ხშირად აწუხებთ ეჭვები, ამიტომ მშობლებმა მათ ყველაფერი დაწვრილებით უნდა აუხსნან: რისთვისაა საჭირო სკოლა, რა ელოდებათ მომავალში, რას მოუტანს სწავლა... ასწავლეთ მათ, რომ იყვნენ თავდაჯერებული საკუთარ თავში, საკუთარ ძალებში და ნახავთ, როგორი სიხარულით დაიწყებენ ისინი ყოველ დილით სკოლაში სიარულს.

სასწორი

სასწორ ბავშვებს უნდა ელაპარაკოთ და შეუთანხმდეთ ისე, როგორც მოზრდილებს. სერიოზული საუბრები და მსჯელობა მათში პასუხისმგებლობის გრძნობას აღვიძებს. გახსოვდეთ, რომ მათ თავიანთი უპირატესობები აქვთ. მათთვის ბრძანება არავითარ შემთხვევაში არ შეიძლება – ეს მთელ ნებისყოფას ჩაკლავს მათში. მოძებნეთ კომპრომისი, მაგალითად: თუ მათემატიკა არ გიყვარს, კარგი, მაგრამ მაშინ კეთილი ინებე და დანარჩენი ყველა საგანი ფრიადზე ისწავლე.

მორიელი

ასწავლეთ ბავშვს უფროსების და მათ შორის, მასწავლებლების პატივისცემა. არავითარ შემთხვევაში არ უსაყვედუროთ მასწავლებელს ბავშვის თანდასწრებით, თუნდაც ეთანხმებოდეთ თქვენს შვილს. თუ პატარა მორიელი კარგად იქცევა, მაგრამ მისი შეფასებებით ხართ უკმაყოფილო, პირდაპირ უთხარით, თუ როგორ ნიშნებს ელოდებით მისგან. ეს უფრო კარგად იმოქმედებს, ვიდრე ჩხუბი და აყალმაყალი.

სად იმალება ზოდიაქოს თითოეული ნიშნის წარმატების ძალა>>

მშვილდოსანი

მშვილდოსნები მეოცნებეები არიან. თუ მას სკოლიდან მხოლოდ ცუდი ნიშნები მოაქვს, არ ეჩხუბოთ – ეს შედეგს არ მოიტანს. სჯობს, დაანახოთ მას მომავალი, აჩვენეთ პერსპექტივები, რომელიც კარგად სწავლას მოაქვს, თვალსაჩინო მაგალითები მოიშველიეთ. ეს მშვილდოსნებს სწავლისთვის განაწყობს.

თხის რქა

თხის რქები იშვიათად თუ აშფოთებენ თავიანთ მშობლებს ცუდად სწავლის გამო. ეს ყველაზე სერიოზული და პასუხისმგებლიანი ნიშანია, მაგრამ, ამავე დროს, ყველაზე მოწყვლადიც. თუ თხის რქა სირთულეებს წააწყდა, ნუ წაუკითხავთ მას მორალს, უბრალოდ, მიეალერსეთ, აჩვენეთ, რომ მის გვერდით ხართ და რომ გიყვართ.

მერწყული

მერწყულებს დამოუკიდებლობა ჰაერივით სჭირდებათ, ამის გარეშე ისინი „დაჭკნებიან“. პასუხისმგებლობა მათთან საკუთარი თავისუფლების შეგრძნებიდან გამომდინარე მიდის. ამიტომ არ ღირს წამდაუწუმ მათთვის მითითება, რა უნდა გააკეთონ, მიეცით მათ არჩევნის თავისუფლება, მაგრამ, ამავე დროს, არ მოუხსნათ პასუხისმგებლობა თავის არჩევანზე.

რა ფარული ნიჭი იმალება ზოდიაქოს თითოეულ ნიშანში>>

თევზები

მოსაწყენი რუტინისგან თავდასაღწევად თევზებს მუდამ ოცნებები შველის. თუ გინდათ, რომ თქვენს შვილს დაეხმაროთ, სამომავლო გეგმები მასთან ერთად დააწყვეთ. იოცნებეთ ერთად, როგორი ექიმი ან ფსიქოლოგი გახდება ის მომავალში – სწორედ ეს სპეციალობები იზიდავს მათ ყველაზე ხშირად. ასწავლეთ პატარას საკუთარი თავის რწმენა და ის თვითონ გაუმკლავდება სირთულეებს.

 

მასალა მომზადებულია ასტროლოგ მარინა ფიშერის მოსაზრებებზე დაყრდნობით

767
ბროკოლი

ბროკოლი, ანუ სატაცურა კომბოსტო და მისი სასარგებლო თვისებები

59
(განახლებულია 14:22 21.09.2020)
ბროკოლი ეფექტურია კიბოს, დიაბეტის, შეკრულობისა და სხვა დაავადებების დროს, მაგრამ მისი მომზადებისა და მიღების დროს გასათვალისწინებელია რეკომენდაციები, რათა ამ ძალზე სასარგებლო პროდუქტისგან უკუშედეგები არ მივიღოთ

ბროკოლი (ლათ.Brassica oleracea ან Brassica sylvestris) კომბოსტოსებრთა ოჯახის ერთწლიანი ბოსტნეული მცენარეა. იტალიური სიტყვა broccoli ითარგმნება, როგორც კომბოსტოს აყვავებული ყლორტი.

ბროკოლი, ანუ სატაცურა კომბოსტო იტალიაში ჯერ კიდევ ჩვენს წელთაღრიცხვამდე გაჩნდა. ის დიდი ხნის განმავლობაში ქვეყნის ფარგლებს გარეთ უცნობი იყო. მცენარის შესახებ პირველი ცნობები საფრანგეთში მე-16 საუკუნით თარიღდება, აშშ-ში კი ბროკოლი მხოლოდ მე-20 საუკუნის დასაწყისში „გაიცნეს“.

ბროკოლის კალორიულობა და შემადგენლობა

ბროკოლის კალორიულობა 100 გრამ პროდუქტზე არის 28 კკალორია. მოხარშულში - 35 კკალორია. გაყინულის - 23 კკალორია.

ბროკოლი შეიცავს ცილებს, ცხიმებს, ნახშირწყლებს, ნაცარს, წყალს. ვიტამინებს: А (კომბოსტოს სახეობებს შორის ამ ვიტამინის შემცველობით „რეკორდსმენია“),С, В1, В2, В5, В6, РР, Е, К; უჯრედისს, კალიუმს, ფოსფორს, კალციუმს, მაგნიუმს, რკინას, თუთიას, მანგანუმს, გოგირდს, ფოლიუმის მჟავას, ბეტა-კაროტინს.

ბროკოლი კალციუმის შემადგენლობით ტოლს არ უდებს რძეს – 100 გრამ მოხარშულ კომბოსტოში არის 180 მილიგრამი კალციუი მაშინ, როცა 100 გრამ რძეში მისი რაოდენობა 120 მილიგრამია; შეიცავს რკინის დღიური ნორმის 10%–ს (ნორმაა 18 მილიგრამი, ბროლოლი შეიცავს 1,8 მილიგრამს); შეიცავს С–ვიტამინის თითქმის 100% დღიურ ნორმას – 89,2 მილიგრამი, დღიური ნორმაა 90 მილიგრამი დღეში.

ბროკოლის სასარგებლო თვისებები

ბროკოლი შესანიშნავი დიეტური პროდუქტია ისეთი დაავადებების პროფილაქტიკისა და მკურნალობისთვის, როგორიცაა ონკოლოგიური, გულ-სისხლძარღვთა დაავადებები, ნერვული აშლილობები, კუჭ-ნაწლავის სისტემის დაავადებები, ნივთიერებათა ცვლის დარღვევა, პოდაგრა.

ბროკოლი კიბოს წინააღმდეგ

ბროკოლიდან გამოყვეს ანეტოლ-ტრიტიონი, რომელიც ამცირებს სწორი ნაწლავისა და მკერდის კიბოს დაავადებების შემთხვევებს.

იმის შესახებ, რომ ბროკოლი შესანიშნავი პროფილაქტიკური საშუალებაა კიბოს წინააღმდეგ, ცნობილი არცთუ დიდი ხნის წინ გახდა. ჯონ ჰოპკინსის კოლეჯის მედიკოსების მიერ ჩატარებული კვლევების შედეგად დადგინდა, რომ მცენარე შეიცავს განსაკუთრებულ ნივთიერება სულფორაფანს, რომელიც კლავს კუჭის ზოგიერთი სახეობის წყლულის გამომწვევ ბაქტერიებს, აბრკოლებს კუჭის კიბოს განვითარებას.

არაქისი, იგივე მიწის თხილი – სასარგებლო და მავნე თვისებები>>

უფრო მეტიც, სულფორაფანი იმ ბაქტერიებსაც ანადგურებს, რომლებიც ანტიბიოტიკებს არ ემორჩილება. ახლა მეცნიერები ცდილობენ  ამ ქიმიურ ნივთიერებაზე დაყრდნობით პრეპარატი შექმნან, რომელსაც ადამიანის ორგანიზმი ოპტიმალურად შეითვისებს.

ბროკოლის სხვა სასარგებლო თვისებები

ბროკოლს აქვს არა მხოლოდ კიბოს საწინააღმდეგო მოქმედება, არამედ ასევე ხელს უწყობს სისხლის შედედებას, ეფექტურია ათეროსკლეროზის საწინააღმდეგოდ, არის დამამშვიდებელი, გამხსნელი და ნაღვლმდენი საშუალება.

ბროკოლი ამცირებს ინფარქტებისა და ინსულტების რისკს. აძლიერებს სისხლძარღვების კედლებს, აფერხებს ქოლესტერინის დაგროვებას ორგანიზმში.

ბროკოლის სისტემატური გამოყენება აბრკოლებს ათეროსკლეროზის განვითარებას, ნაადრევ სიბერეს, მას ორგანიზმიდან გამოაქვს მძიმე ლითონების მარილები.

ბროკოლი მდიდარია უჯრედისით (ნედლი პროდუქტის 100 გრამზე 2,6 გრამი). ის წმენდს ნაწლავებს, აწესრიგებს მის მუშაობას. აქვს გამხსენლი ეფექტი და მისი რეგულარული მიღებით შესაძლებელია ქრონიკული შეკრულობისგან გათავისუფლება.

ასევე, კომბოსტოს ეს სახეობა ასტიმულირებს ნაღვლის გამოდევნას, აუმჯობესებს ღვიძლისა და ნაღვლის ბუშტის მუშაობას.

ბროკოლი აწესრიგებს სისხლში შაქრის შემცველობას. ის შეუცვლელი პროდუქტია პირველი და მეორე ტიპის შაქრიანი დიაბეტით დაავადებული ადამიანებისთვის. მის შემცველობაში არსებული სულფორაფანი, რომელიც წარმატებით ებრძვის კიბოს, ასევე ასტაბილურებს შაქრის დონეს.

ვიტამინი В1 არეგულირებს ნერვული სისტემის საქმიანობას. ამ ვიტამინის უკმარისობა კი აუარესებს ნერვული სისტემის, გულის, სისხლძარღვებისა და საჭმლის მომნელებელი სისტემის ფუნქციონირებას. ამიტომ ბროკოლი აუცილებელია იმ ადამიანების რაციონში, ვისაც აქვს ნერვული აშლილობები, არიან ზედმეტად გაღიზიანებული და აქვთ ცუდი მეხსიერება.

ბროკოლი შესანიშნავი პროდუქტია დასუსტებული ადამიანებისთვის, ორსულებისთვის, ბავშვებისა და ასაკოვანი ხალხისთვის.

აუცილებლად გასათვალისწინებელი რჩევები:

ბროკოლის მიღება შეიძლება ნედლი, მოხარშული, ორთქლზე დამზადებული და შემწვარი სახით. მას ასევე იყენებენ, როგორც ერთ-ერთ ინგრედიენტს სუპებში, სოუსებში, ომლეტებში, ბოსტნეულის გარნირებში.

ბროკოლი აუცილებლად უნდა კარგად გაირეცხოს - წყლის ჭავლით, რადგან მასში, შესაძლოა, მწერები იყვნენ დაბუდებული.

არარეკომენდებულია: ბროკოლის დამზადება მიკროტალღურ ღუმელში, გაყინულის გალღობა და შემდეგ ისევ გაყინვა, თბილ ადგილას შენახვა.

საჭმელად იყენებენ როგორც ყვავილედს, ისე ღეროს. ღერო უნდა გათალოთ კანისგან, და კანგაცლილი შემდეგ შეგიძლიათ დაამატოთ სუპში ან სხვა კერძში.

ბოლოკი – სასარგებლო, დიეტური და შემადგენლობით მდიდარი სამკურნალო მცენარე>>

ბროკოლის მოხარშვის წესი: ბროკოლი ჩაუშვით მდუღარე, მარილიან წყალში და ხარშეთ 5-7 წუთი. თუ გაყინული იყო, ხარშვის დრო 10-12 წუთამდე გაზარდეთ. მოხარშვის მერე გადაავლეთ ცივი წყალი, რადგან მასზე მაღალი ტემპერატურა კვლავ განაგრძობს გავლენას.

ორთქლზე მომზადებისას გასათვალისწინებელია, თუ როგორ მდგომარეობაში გინდათ მისი მიღება - თუ ხრაშუნა გსურთ, ორთქლზე მოამზადეთ 5-7 წუთი, თუ ისეთი, პირში რომ დნებოდეს - 12-15 წუთი.

შეგიძლიათ ასევე ბროკოლის ბლანშირება, ღუმელში გამოცხობა, და ნედლი სახით მიღება (სხვადასხვა სალათში).

ბროკოლს აქვს უკუჩვენებებიც

გაითვალისწინეთ: მისი მიღება ნედლი ან შემწვარი სახით არ შეიძლება კუჭის მაღალი მჟავიანობის დროს, კუჭქვეშა ჯირკვლის დაავადებებისას, გასტრიტისა და წყლულის დროს.

როდესაც ექიმის მიერ დანიშნული გაქვთ დიეტა, რომელიც უხეში უჯრედისის მიღებას გამორიცხავს.

იდეალური ქინოა – ჯანმრთელობის საწინდარი>>

ინდივიდუალური აუტანლობის დროს.

ბროკოლის შეწვისას გამოიყოფა კანცეროგენები და ორგანიზმში გროვდება, ამიტომ რჩევაა, არ შეწვათ ის ბევრი რაოდენობის ცხიმში და მაღალ ცეცხლზე.

59
თემები:
სასარგებლო რჩევები
მკერდი

რა იწვევს მკერდის ტკივილს: ხუთი მიზეზი

77
(განახლებულია 16:58 21.09.2020)
სარძევე ჯირკვლის ტკივილი, ანუ მასტალგია – სარძევე ჯირკვლის ფიზიოლოგიური შეშუპებაა. ზოგჯერ მკერდის ტკივილის მიზეზის ახსნა ვერ ხერხდება. ის შეიძლება იყოს ერთი ან მეტი ფაქტორით გამოწვეული, რომლის დადგენა და პრევენცია აუცილებელია.

გაგაცნობთ რამდენიმე მიზეზს, რამაც შესაძლოა მკერდის ტკივილი გამოიწვიოს. თუმცა, როგორი ტკივილიც არ უნდა გქონდეთ, აუცილებლად მიმართეთ მამოლოგს და ჩაიტარეთ შესაბამისი გამოკვლევა.

მასტოპათია

ერთ-ერთი გავრცელებული ტკივილია მასტოპათიით გამოწვეული ტკივილი. საწყის ეტაპზე ქალი მკერდის ტკივილს მენსტრუაციის დაწყების წინ განიცდის, რის შემდეგაც ტკივილი ინტენსიური და ხანგრლივი ხდება. მამოლოგთან ვიზიტი და საფუძვლიანი კვლევა დაგეხმარებათ აიცილოთ გართულება და კვანძების წარმოქმნა მკერდში.

ფეხმძიმობა

შეშუპებული მკერდი, მომატებული მგრძნობელობა და ტკივილი მკერდის არეში ფეხმძიმობის პირველი სიმპტომია. რაც უფრო მეტ ესტროგენს გამოიმუშვებს ქალის ორგანიზმი, მით სწრაფად იზრდება მკერდი. ეს პროცესი კი შესაძლოა მტკივნეული იყოს. უმჯობესია გინეკოლოგ-ენდოკრინოლოგს გაესინჯოთ.

ფიზიკური დატვირთვა

ფიზიკური დატვირთვის, ვარჯიშის შემდეგ შესაძლოა მკერდში ტკივილი იგრძნოთ, ამიტომ ვარჯიშის დროს აუცილებლად ჩაიცვით სპორტული ბიუსჰალტერი. კუნთები სარძევე ჯირკვლების ქვეშაა განლაგებული, ამიტომაც გრძნობთ დისკომფორტს მკერდის არეში. თუ ვარჯიშის შემდეგ დისკომფორტი და ტკივილი იგრძენით, ცოტა ხანი შეწყვიტეთ ვარჯიში. ხოლო თუ ტკივილი გახშირდა, აუცილებლად მიმართეთ ექიმს.

ბიუსტჰალტერი

ქალების უმეტესობას მისთვის შეუფერებელი, არასწორად შერჩეული ბიუსტჰალტერი აცვია. სასურველია თქვენი ზომის და თქვენზე იდეალურად მორგებული, ბუნებრივი ქსოვილის ბიუსტჰალტერი გეცვათ. არასწორად შერჩეული ბიუსტჰალტერი იწვევს ზურგის ტკივილს, კუნთების დაჭიმულობას და შეიძლება თავის ტკივილის მიზეზიც გახდეს.

კონტრაცეპტივები

ნებისმიერ ჰორმონალურ პრეპარტს შეუძლია მკერდში ტკივილი გამოიწვიოს. როგორც წესი, ჩასახვის საწინააღმდეგო აბები დიდი რაოდენობით შეიცავს ჰორმონებს. მაგრამ მათ არც ფარისებრი ჯირკვლის სამკურნალო მედიკამენტები ჩამოუვარდება. დროთა განმავლობაში უკუჩვენების ეფექტი იკლებს, მაგრამ ექიმს ტკივილის შესახებ მაინც უნდა მოუყვეთ.

 

77
თემები:
ჯანმრთელობა და სილამაზე
ცესკოს შენობა

როგორ ჩატარდება არჩევნები კორონავირუსის პანდემიის პირობებში ცესკომ წესები დაადგინა

0
(განახლებულია 16:20 21.09.2020)
ცესკოს დადგენილებით რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენებისა და სხვა წესები.

თბილისი, 21 სექტემბერი – Sputnik. საქართველოს ცესკომ (ცენტრალური საარჩევნო კომისია) საპარლამენტო არჩევნების დღისთვის, მსოფლიოსა და ქვეყანაში კორონავირუსის ეპიდემიიდან გამომდინარე, ეპიდემიური პროტოკოლი შეიმუშავა, რომელიც განსაზღვრავს ამომრჩევლებისა და საუბნო საარჩევნო კომისიების წევრებისა და ჩართული მხარეების სანიტარიულ–ჰიგიენურ წესებს კენჭისყრის პერიოდში.

ეთიკა პოლიტიკოსებისთვის - ცესკომ პარტიებს სპეციალური კოდექსი შეუდგინა>>

ცესკომ მიიღო დადგენილება, რომლითაც რეგულირდება კენჭისყრის შენობებში შესვლის, გამოსვლის, ყოფნის, გადაადგილების, თერმოსკრინინგის, პირბადის გამოყენების, საარჩევნო უბანზე უფლებამოსილი პირის სხვა პირით ჩანაცვლების წესები.

თერმოსკრინინგის გავლა კენჭისყრის შენობაში შესვლამდე სავალდებულოა როგორც საუბნო საარჩევნო კომისიების წევრების, ისე საარჩევნო უბანზე ყოფნის უფლების მქონე პირებისთვის. თუ პირს დაუფიქსირდება 37°С, ან უფრო მეტი ტემპერატურა, ის საარჩევნო უბანზე არ დაიშვება. თუ მაღალი ტემპერატურის გამო კენჭისყრის შენობაში არ იქნა დაშვებული ან კენჭისყრის შენობა დატოვა პარტიის მიერ დანიშნულმა საუბნო საარჩევნო კომისიის წევრმა, პარტიას აქვს უფლება, მის ნაცვლად დაუყონებლივ დანიშნოს საუბნო საარჩევნო კომისიის სხვა წევრი.

საუბნო საარჩევნო კომისიების წევრები და საარჩევნო უბანზე ყოფნის უფლების მქონე პირები შენობაში შესვლამდე ხელებს დადგენილი წესით დაიმუშავებენ და გაიკეთებენ პირბადეს. საუბნო საარჩევნო კომისიის წევრები დამატებით უზრუნველყოფილი იქნებიან დამცავი ფარითა და ერთჯერადი ხელთათმანებით.

ხელის ჩამორთმევისა და გადაკოცნის გარეშე: დეპუტატებს სიფრთხილისკენ მოუწოდებენ>>

კენჭისყრის შენობის შესასვლელებთან განთავსებული იქნება დეზობარიერი, ხელის დეზინფექციისთვის საჭირო ხსნარი და ინფორმაცია ვირუსის გავრცელების პრევენციული ღონისძიებების შესახებ. ასევე საარჩევნო ადმინისტრაცია უზრუნველყოფს, რომ ზედაპირებს, რომლებზეც ხშირად ხდება შეხება, სათანადო წესით ჩაუტარდეს დეზინფექცია (სამ საათში ერთხელ ან დაბინძურების მიხედვით), ხოლო საარჩევნო უბნები შეძლებისდაგვარად განიავდეს.

როგორც დოკუმენტშია აღნიშნული, ფარული კენჭისყრის კაბინები ისე მოეწყობა, რომ მაქსიმალურად იყოს დაცული სანიტარულ-ჰიგიენური მოთხოვნები და ამასთან, არ დაირღვეს კენჭისყრის ფარულობის პრინციპი. 

რაც შეეხება ამომრჩეველს, მათთვის შემდეგი წესები იმოქმედებს:

ამომრჩეველი არ გაივლის თერმოსკრინინგს, მაგრამ ვალდებულია, ეკეთოს პირბადე.

ამომრჩეველს კენჭისყრის პერიოდში პირბადის მოხსნა ორჯერ მოუწევს – იდენტიფიცირებისა და კანონით განსაზღვრული პროცედურების შესასრულებლად. პირბადის გამოყენებაზე გამონაკლისი დაშვებული იქნება იმ პირებისთვის ვისაც ჯანმრთელობის მდგომარეობის გამო უჭირს პირბადის ტარება, ამ შემთხვევაში აღნიშნულმა პირმა სამედიცინო ცნობა უნდა წარადგინოს.

საარჩევნო კომისიების კონკურსებში მონაწილე კონკურსანტებს COVID-19 დაუდასტურდა>>

ამომრჩეველი კენჭისყრის შენობაში უზრუნველყოფილი იქნება ინდივიდუალური კალმისტრით, რომელიც ხმის მიცემის შემდეგ უნდა განათავსოს კალმისტრებისთვის განკუთვნილ სპეციალურ კონტეინერში და დროულად დატოვოს საარჩევნო უბანი.

სანიტარიულ–ჰიგიენურ წესები საარჩევნო უბნებზე ამომრჩევლების, საარჩევნო კომისიების წევრებისა და ჩართული მხარეებისთვის შეიმუშავა სპეციალურმა სამუშაო ჯგუფმა, რომელშიც საარჩევნო ადმინისტრაციის, პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები შედიან.

საარჩევნო ადმინისტრაცია იზრუნებს, რომ ამომრჩევლებს და არჩევნებში ჩართულ ყველა მხარეს დეტალურად მიაწოდოს ინფორმაცია დადგენილებით განსაზღვრული სანიტარულ-ჰიგიენური პროცედურების შესახებ. ამისთვის ფართომასშტაბიანი საინფორმაციო კამპანიაა დაგეგმილი.

„ცესკო აგრძელებს საქმიანობას პანდემიის პირობებში არჩევნების პროფესიულ დონეზე ორგანიზებისთვის და კენჭისყრის დღეს ყველასათვის უზრუნველყოფს თავისუფალ და ჯანმრთელობისთვის უსაფრთხო გარემოს“, – აღნიშნულია ცესკოს განცხადებაში.

საქართველოში საპარლამენტო არჩევნები 31 ოქტომბერს არის დანიშნული.

0
თემები:
საქართველოს საპარლამენტო არჩევნები 2020