ქუაქანცალია

რას გვიქადის შემოდგომის პირველი კვირა: 31 აგვისტო–6 სექტემბრის ასტროლოგიური პროგნოზი

10762
(განახლებულია 19:25 31.08.2020)
იწყება წელიწადის ახალი სეზონი – შემოდგომა და ახალი ახალი თვე –სექტემბერი. რას მოუტანს ის ზოდიაქოს ნიშნებს, რისი იმედი შეიძლება გვქონდეს და რისი – არა, რას გვიმზადებენ ვარსკვლავები და პლანეტები – ამის შესახებ ჩვენი ჰოროსკოპიდან შეიტყობთ

31 აგვისტოსა და 1 სექტემბერს მთვარე ზრდის ფაზაშია. ეს დღეები ხელსაყრელია საქმეების დასაწყებად, მოლაპარაკებების, ახალი ნაცნობობის, სასიყვარულო თავგადასავლებისთვის.

ეცადეთ, ამ დღეებში ნებისმიერი სადავო საკითხი მშვიდობიანად მოაგვაროთ.

რამდენად ემოციური ხართ ზოდიაქოს ნიშნის მიხედვით>>

2 სექტემბერს სავსემთვარეობაა – ემოციური და ფსიქოლოგიური თვალსაზრისით რთული დღე. ამ დღეს არ დაგეგმოთ მნიშვნელოვანი საქმეები, არ მიიღოთ სერიოზული გადაწყვეტილებები.

3–6 სექტემბერი კი უკვე მთვარის კლების ფაზაა, როდესაც უმჯობესია, დაასრულოთ დაწყებული საქმეები და შეაჯამოთ თქვენი მუშაობა.

ვერძი

მნიშვნელოვანი მოლაპარაკებების ან შეხვედრებისა თუ კონფერენციების დროს არ ენდოთ ინტუიციას, არამედ გონებას მოუხმეთ და ლოგიკის კარნახით იმოქმედეთ. მოერიდეთ კონფლიქტებს. მეგობრებთან და ნაცნობებთან შეხვედრა მოულოდნელ შედეგებს გამოიღებს. სასიყვარულო ფრონტზე სასიამოვნო სიურპრიზები გელოდებათ. ასევე, ასტროლოგები გირჩევენ, ახალ კოლეგებს დააკვირდეთ – შესაძლოა, თქვენი ბედი მათ შორის იპოვოთ.

კურო

თქვენს ამტანობაზე იქნება ბევრი რამ დამოკიდებული ამ კვირაში. მთელი ნებისყოფა უნდა მოიკრიბოთ და გაუგებრობები, კონფლიქტები მშვიდობიანი გზით, კომპრომისებით გადაწყვიტოთ. ამ შემთხვევაში გაჩნდება პერსპექტივები ყველა მიმართულებით. ზოგადად, ამ კვირაში, სჯობს, ყველა მნიშვნელოვანი საქმე გადადოთ, რადგან დიდია შეცდომების ალბათობა. თავდაჯერებულობის შენარჩუნებაში ახლობლები და მეგობრები დაგეხმარებიან. თუ რამე შეგეშალათ, არ ინერვიულოთ: არ ეშლება მხოლოდ მას, ვინც არაფერს აკეთებს.

ტყუპი

ამ კვირაში შეიძლება პროფესიულ საკითხებთან დაკავშირებით საბედისწერო გადაწყვეტილებების მიღება. კოლეგები მხარს დაგიჭერენ. მათი დახმარების წყალობით ბრწყინვალე შედეგებს მიიღებთ. ბონუსს კარგად შესრულებული სამუშაოსთვის კვირის ბოლოს ელოდეთ. პირად ფრონტზე ერთგვარი „უძრაობის“ ხანა დაისადგურებს. ამასთან, მოსალოდნელია, რომ ახლობელი ადამიანის მიმართ ობიექტურობის შენარჩუნება გაგიჭირდეთ.

კირჩხიბი

პროფესიულ ასპარეზზე მნიშვნელოვანი ნაბიჯები არ გადადგათ, ასევე, სჯობს, ახალი საქმეები არ დაიწყოთ, თუნდაც ერთი შეხედვით ძალზე პერსპექტიულად მოგეჩვენოთ. კარგი იქნება ძველი პროექტების გაგრძელება – ასე უფრო უპრიანი იქნება. თანაც, ახალ საქმეებს თუ შეეჭიდებით, მოსალოდნელია, რომ საკუთარ შესაძლებლობებში ეჭვი გაგიჩნდეთ. გაითვალისწინეთ, რომ ეს პერიოდი მალე გადაივლის. ოჯახში სრული ურთიერთგაგება და ჰარმონია დაისადგურებს.

ლომი

დროა, საკუთარი თავი გაახაროთ და გაახალისოთ, იშოპინგოთ და გაერთოთ. მაგრამ მაღაზიების „შემოვლისას“ ზღვარს არ გადახვიდეთ – ფული გონივრულად დახარჯეთ. ვისაც ურთიერთობები უყვარს, თავი არ შეიზღუდოდ – ეკონტაქტეთ ახლობლებს და გაიცანით ახალი ადამიანები. ასევე კარგი იოქნება დასვენებაც – ბოლო დროს მუხჩაუხრელად იშრომეთ და კარგი დასვენება ნამდვილად დაიმსახურეთ.

ქალწული

თქვენი განწყობა, შესაძლოა, ნათესავებთან მოულოდნელმა კონფლიქტმა გააფუჭოს. ამ კვირაში შესაძლებელი გახდება ბევრი საკითხის მოგვარება, მაგრამ მხოლოდ იმ შემთხვევაში, თუ ყველა საკითხს, კონფლიქტურ სიტუაციასაც კი გაღიზიანებისა და ყვირილის გარეშე მოაგვარებთ. ყურადღებით იყავით ფინანსურ საკითხებში და გადაწყვეტილებების მიღებისას არ იჩქაროთ. ვინც ეძებს პარტნიორს, მათ მისი პოვნის შანსი მეგობრების მიერ მოწყობილ წვეულებაზე ექნება.

სასწორი

კარგი კვირაა გარიგებების დასადებად, კონტრაქტებისა და შეთანხმებების გასაფორმებლად. შეგიძლიათ მიხედოთ იმ საქმეებს, რომლებსაც აქამდე ვერ ყურადღებას ვერ უთმობდით. ფინანსურ საკითხებში სირთულეებია მოსალოდნელი. ეს რომ არ მოხდეს, სჯობს, წინასწარ მიიღოთ გარკვეული ზომები. ეცადეთ, არ გასცეთ და არ აიღოთ ვალი. სამუშაოზე მთელი ძალისხმევა დაგჭირდებათ, რომ წარმატებებს მიაღწიოთ. ყურადღება მიაქციეთ ჯანმრთელობას.

მორიელი

ეს კვირა ხელსაყრელია ნებისმიერი, თუნდა ყველაზე რთული წამოწყებისთვის. გელოდებათ დიდი წარმატებები. ეცადეთ, სადავო საკითხები მშვიდობიანად გადაჭრათ, რადგან კონფლიქტი, დიდი ალბათობით, თქვენ სასარგებლოდ არ დასრულდება. უარი არ თქვათ ურთიერთობებსა და შეხვედრებზე. ასევე კარგი კვირაა პირადი ურთიერთობებისთვის – თქვენთვის ძვირფას ადამიანთან ურთიერთობებში ურთიერთგაგება და ჰარმონია იქნება გამეფებული.

მშვილდოსანი

„ცხელი“ კვირა გელოდებათ. დენთივით იქნებით, რომელსაც ნაპერწკალი აკლია, რომ აფეთქდეს. სჯობს, ენას კბილი დააჭიროთ, სიტყვები და გრძნობები გააკონტროლოთ, რომ შემდეგ ახლობელ ადამიანებთან საბოდიშოდ არ გაგიხდეთ საქმე. ასე თავიდან აირიდებთ კონფლიქტებს და არც რეპუტაციას შეილახავთ. კიდევ ერთი რჩევა ასტროლოგებისგან: საიდუმლო თქვენთვის შეინახეთ – ახლა არაა იმის დრო, რომ სანუკვარი რამ თუნდაც ძალიან ახლო მეგობრებს ან პარტნიორებს გაანდოთ.

„დრამის დედოფლები" - ზოდიაქოს ნიშნები, რომლებსაც შექსპირისეული სცენის გათამაშება უყვართ>>

თხის რქა

უახლოეს დღეებში შეეჯახებით იმ ძირითად ამოცანებს, რომელთა გადაწყვეტაც სიამოვნებას მოგანიჭებთ. მიიღებთ ახალ საინტერესო წინადადებებს – მათზე ყურადღების მიქცევა ნამდვილად ღირს. თუ რამე მწვავე ვითარება წარმოიშვა, სჯობს, მასში დასვენებული გონებით ჩაერთოთ. საყვარელ ადამიანთან ურთიერთობებში არანაირი ცვლილებები არ არის მოსალოდნელი. ოჯახური კონფლიქტები მიწყნარდება ისე, რომ დაწყებასაც ვერ მოასწრებს. თქვენს ცხოვრებაში ახალი და საინტერესო პერიოდი იწყება.

მერწყული

კარგი პერიოდია ახალი გეგმების განსახორციელებლად. გააკეთეთ ის, რაც თქვენი პოზიციების გამყარებას შეუწყობს ხელს – რბოლა სასურველ შედეგებს გამოიღებს. მაგრამ, ამასთან, მოიტოვეთ დრო მეგობრებთან და ახლობლებთან ურთიერთობებისთვის. ფინანსურ საკითხებში ყურადღებით ყოფნა გმართებთ. სჯობს, თავი შეიკავოთ დიდი ხარჯებისგან, არ აიღოთ სესხი და არ გასცეთ ვალი.

თევზები

ეს კვირა თქვენთვის, პირველ რიგში, სიყვარულთან და პირად ცხოვრებასთან იქნება დაკავშირებული. თქვენ ცხოვრებაში სერიოზული ურთიერთობების დაწყების ნიშნები გაჩნდება. მარტოხელებმა მეტი დრო უნდა გაატაროთ გარეთ, რომ თქვენს ბედს შეხვდეთ. ვისაც ჰყავს პარტნიორი, შეძლებს მნიშვნელოვან საკითხზე მასთან შეთანხმებას. მოერიდეთ ვალის აღებას და ეცადეთ, მეტი დრო გაატაროთ ჰაერზე.

10762
ნანუკა ჟორჟოლიანი

დაიკელით უსაფრთხოდ და სწრაფად: დიეტა, რომლითაც ნანუკა ჟორჟოლიანმა სასურველი წონა დაიბრუნა

101
(განახლებულია 18:20 22.09.2020)
ბევრი ადამიანი საჭიროებს წონის კონტროლს, ამისთვის კი სხვადასხვა დიეტას მიმართავენ. დღეს მეტად აქტუალურია და ადამიანები უპირატესობას ანიჭებენ ბალანსირებულ, რაციონალურ კვებას. ასეთი კვების დროს ორგანიზმი დაცულია შლაკების, ქოლესტერინის თუ სხვა მავნე ნივთიერებებისგან.

ბოლო პერიოდში განსაკუთრებით აქტუალურია ე.წ. 18-საათიანი დიეტა, რომელსაც ქართველი ცნობილი სახეებიც აქტიურად მიმართავენ. სწორედ ამ დიეტით დაიკლეს ჟურნალისტმა, ტელეწამყვანმა ნანუკა ჟორჟოლიანმა და მოდელმა ალექსანდრა პაიჭაძემ.

წლების მერე ნანუკამ სასურველი ფორმა სწორედ აღნიშნული დიეტით დაიბრუნდა და სოციალურ ქსელში თავის ხელმომწერებს გამოცდილება გაუზიარა.

ნანუკა ჟორჟოლიანი
ნანუკა ჟორჟოლიანი

„ამდენწლიანმა წვალებამ და რინგმა საკუთარ წონასთან დამარწმუნა, რომ ჩემ შემთხვევაში (ყველაფერი ინდივიდუალურია) გაამართლა ცომის და ტკბილის ამოღებამ. შიმშილი იწვევს განგაშს და სტრესს და შემდეგ უფრო მატებას. ბევრი წყალი, ბოსტნეული. ცოტა ბურღული. 16 საათიანს ვაკეთებ ბოლო სამი თვეა და ყველაზე ეფექტური აღმოჩნდა. ბოლო კვება 18:00, პირველი 10:00“, – წერს ფეისბუქ-გვერდზე ჟორჟოლიანი.

მოგვიანებით ნანუკამ 16-საათიანი შუალედი გაზარდა და 18-საათიანზე გადავიდა.

„ჭამის დროს სრულად ამოვიღე პური, მხოლოდ კეტო პურს ვჭამ, ამოვიღე ბურღულეული სრულად, ტკბილიც და გაზიანიც. ვარ 18 საათიანზე“, – წერს ნანუკა.

რას ნიშნავს 18-საათიანი დიეტა

18-საათიანი დიეტის დროს 24 საათიდან 18 საათის განმავლობაში არ უნდა მიიღოთ საკვები. მაგალითად, 12 საათიდან 6 საათამდე შეგიძლიათ მიირთვათ ნებისმიერი სახის საკვები, ხოლო დროის დანარჩენ მონაკვეთში – მხოლოდ წყალი. ამ პერიოდის განმავლობაში არ მიირთმევთ არც ჩაის და არც ყავას.

თუ დღის რეჟიმის გამო ვერ ახერხებთ აღნიშნული რეჟიმის ზუსტად დაცვას, შეგიძლიათ შუალედი შეცვალოთ. მაგალითად, არ ჭამოთ 8 საათის მერე, შუადღის 2 საათამდე. ან, უკეთეს შემთხვევაში, 7-ის მერე შუადღის პირველ საათამდე.

დიეტის დროს შეგიძლიათ მიირთვათ რაც გსურთ, მაგრამ თუ მოკლე დროში გსურთ სასურველი შედეგის მიღწევა, რაციონში შეამცირეთ ცხიმიანი საკვების და ცომეულის რაოდენობა, სრულად ამოიღეთ გაზიანი სასმელები.

თუ 18-საათიანი შუალედის დაცვა გაგიჭირდებათ, შეგიძლიათ დაიწყოთ 16-საათიანი დიეტით და შემდეგ გაზარდოთ შუალედი.

აღნიშნული დიეტის დროს მოერიდეთ უმოძრაობას, ყოველდღიურად ირბინეთ, იძუნძულეთ, ან დაკავდით სპორტის რომელიმე სახეობით. დაკლებული კილოგრამების რაოდენობა დამოკიდებულია ადამიანის წონაზე. რაც უფრო მძიმეწონიანია ადამიანი, მით უფრო მეტის დაკლებას შეძლებს.

18-საათიანი დიეტის მთავარი ღირებულება ის არის, რომ დაკლებულ კილოგრამებს არ აღიდგენთ ისე სწრაფად, როგორც ეს სხვა დიეტების შემდეგ ხდება.

როგორც ენდოკრინოლოგი ლაშა უჩავა განმარტავს, შესაძლოა 18-საათიანი შიმშილი ჩაითვალოს ჯანსაღი კვების ერთ-ერთ სახეობად, თუმცა მოუწოდებს ადამიანებს, დიეტის დაწყებამდე მიმართონ ექიმს.

„18-საათიანი შიმშილი შეიძლება ჩაითვალოს ჯანსაღი კვების ერთ-ერთ სახეობად, თუმცა, რა თქმა უნდა, სანამ გადავწყვეტთ კვების ცვლილებებს, აუცილებელია წინასწარი დიაგნოსტიკა ორგანიზმის მდგომარეობის დასადგენად და მხოლოდ ამის შემდეგ უნდა მოხდეს ნებისმიერი კვების სტილის რეკომენდაციის გაცემა. მნიშვნელოვანია ვიცოდეთ ჩვენი ჯანმრთელობის მდგომარეობა და შემდგომ გადავწყვიტოთ ნებისმიერი სამკურნალო კვების დაცვა“, – ამბობს უჩავა.

გაითვალისწინეთ, დიეტოლოგები გვირჩევენ, რომ ე.წ. 18-საათიანი დიეტის ხანგრძლივად დაცვა სასურველი არ არის. როგორც უკვე აღვნიშნეთ, დღეს მთელ მსოფლიოში უპირატესობას ანიჭებენ ბალანსირებულ, რაციონალურ კვებას და არა მკაცრ დიეტებს, მით უმეტეს, შიმშილს.

 

101
თემები:
ჯანმრთელობა და სილამაზე
ფსტა

ვისთვისაა რეკომენდებული: მეცნიერებმა ფსტის უცნობი სიკეთეები დაადგინეს

78
(განახლებულია 17:00 22.09.2020)
კალიფორნიელმა მეცნიერებმა რამდენიმე ათეულ მოხალისეზე ექსპერიმენტი ჩაატარეს და დარწმუნდნენ, რომ ფსტას არაერთი მანამდე უცნობი სასარგებლო თვისება აქვს.

თბილისი, 22 სექტემბერი — Sputnik. ფსტის რეგულარული მიღება ხელს უწყობს წონაში დაკლებასა და სისხლის მაღალი წნევის დარეგულირებას, იუწყება გამოცემა La Vanguardia კალიფორნიის უნივერსიტეტის მეცნიერებზე დაყრდნობით.

გავრცელებული ინფორმაციით, ამგვარ დასკვნამდე მკვლევარები მას შემდეგ მივიდნენ, რაც რამდენიმე ათეული მოხალისის მონაწილეობით ექსპერიმენტი ჩაატარეს.

ირკვევა, რომ საცდელი პირების ნახევარი ოთხი თვის განმავლობაში ყოველდღიურად მიირთმევდა დაახლოებით 40 გრამ ფსტას — სუფთა სახით, დანამატების გარეშე. ამასთან, მათ მიეცათ რეკომენდაცია ფიზიკური დატვირთვების გაზრდისა და კალორიული საკვების შემცირების თაობაზე.  

შედეგად – ყველა მათგანი, პირველად წონასთან შედარებით, 5%-ით გახდა და ამასთან შეუმცირდათ ცხიმის პროცენტულობა წელის ირგვლივ.

გარდა ამისა, იმ საცდელ პირებს, რომლებიც ფსტას მიირთმევდნენ, დამატებითი „სიკეთეებიც“ გამოუვლინდათ. მეცნიერებმა დაადასტურეს, რომ მათ შეუმცირდათ სისტოლური და დიასტოლური არტერიული წნევა, ხოლო ანტიოქსიდანტ ლუთეინის, ალფა–კაროტინისა და ბეტა–კაროტინის კონცენტრაცია სისხლში გაიზარდა. ამასთან მათვე აღენიშნებოდათ უჯერი და გაჯერებული ცხიმმჟავების ბევრად ჯანსაღი შეფარდება.

78
თემები:
მსოფლიო და მეცნიერება
რთველი

რთველი 2020: ჩაბარებული ყურძნის ღირებულება უკვე 133 მილიონ ლარს აჭარბებს

0
(განახლებულია 20:48 22.09.2020)
სუბსიდიას იღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა „რქაწითელის“ ან „კახურის მწვანის“ ჯიშის ყურძენს.

თბილისი, 21 სექტემბერი – Sputnik. 22 სექტემბრის მონაცემებით, კახეთში „რთველი-2020“-ის ფარგლებში უკვე გადამუშავებულია 134,8 ათასი ტონა ყურძენი, იუწყება ღვინის ეროვნული სააგენტო.

რთველი კახეთში წელს 22 აგვისტოს დაიწყო. გადამუშავების პროცესში 60-ზე მეტი ღვინის ქარხანაა ჩართული. ჩაბარებული ყურძნის ღირებულება ამ დროისათვის 133,7 მილიონ ლარზე მეტს შეადგენს.

საქართველოს მთავრობამ წელს COVID-19-ის პანდემიის შედეგად დაზარალებული მევენახეობა-მეღვინეობის დარგის მხარდასაჭერად „რქაწითელისა“ და „კახური მწვანეს“ ჯიშის ყურძნის სუბსიდირება გადაწყვიტა.

სუბსიდიას იღებენ ის კომპანიები, რომლებიც შეისყიდიან და გადაამუშავებენ ამ ჯიშების სულ ცოტა 1 ათას ტონა ყურძენს. ამასთან, ღვინის ქარხნებს დადგენილი აქვთ ერთი კილოგრამი ყურძნის ფასი – არანაკლებ 80 თეთრისა. სახელმწიფოს სუბსიდია ერთ კილოგრამზე 30 თეთრს შეადგენს.

სააგენტოს ცნობით, „რქაწითელი“ უკვე ჩაბარებულია 100,7 ათასი ტონა (81,3 მილიონი ლარის ღირებულების), „კახური მწვანე“ – 2,2 ათასი ტონა (2,1 მლნ ლარი), „საფერავი“ – 27,9 ათასი ტონა (44,9 მლნ ლარი), „ალექსანდროულ-მუჯურეთული“ – 125,12 ათასი ტონა (216 ათასი ლარი) და სხვა ჯიშების ყურძენი - 3,8 ათასი ტონა (5,1 მლნ ლარი).

იქიდან გამომდინარე, რომ ექსპორტის ძირითადი ნაწილი წითელ ღვინოზე მოდის, ხელისუფლებამ უარი თქვა „საფერავის“ ჯიშის ყურძნის სუბსიდირებაზე. ყურძნის იშვიათ ჯიშებზე, რომლებიც მეტ-ნაკლებადაა პოპულარული და ნაკლებად მოთხოვნადია, ასევე არ არის გათვალისწინებული სუბსიდია.

„რთველი 2020“-ის საკოორდინაციო შტაბი თელავში 24-საათიან რეჟიმში მუშაობს და აქტიურ კოორდინირებას უწევს სახელმწიფო ორგანოების, მეწარმეებისა და მევენახეების ურთიერთობებს.

0
თემები:
ღვინის კულტურა და მეღვინეობა