საჰაერო ბურთები

ქოლერიკი, ფლეგმატიკი თუ... გაარკვიეთ თქვენი ტემპერამენტი ზოდიაქოს ნიშნის მიხედვით

1738
(განახლებულია 11:09 25.08.2020)
ტემპერამენტების მრავალფეროვნება ოთხ ტიპად იყოფა: ქოლერიკი, ფლეგმატიკი, სანგვინიკი და მელანქოლიკი, და თითოეული ზოდიაქოს ამა თუ იმ ნიშანს შეესატყვისება

ქოლერიკი მგზნებარე, გაუწონასწორებელი და ემოციური ტიპია. ფლეგმატიკი – დუნე, მიზანსწრაფული, მაგრამ მშვიდი; სანგვინიკი სიცოცხლის მოყვარული, კომუნიკაბელური, მოძრავი და მუდამ ცვალებადი, ხოლო მელანქოლიკი – მგრძნობიარე, დეპრესიული, გულდახურული, მაგრამ შემოქმედებითად განვითარებული.

ზოდიაქოს თითოეული ნიშანი ამ ოთხი ტემპერამენტის შესატყვისი ნიშნების უნიკალურ ნაკრებს აერთიანებს.

ვერძი

ვერძი სუფთა წყლის ქოლერიკია. ტემპერამენტების ნაზავი გვხვდება, მაგრამ ასეთი შემთხვევა – იშვითად. ეს ნიშანი მუდამ სადღაც მიისწრაფვის და მუდამ მზადაა, იბრძოლოს თავისი იდეების, აზრებისა და შეხედულებების დასაცავად.

კურო

კუროები ფლეგმატური ხასიათის თვისებებს ამჟღავნებენ და ამავდროულად ქოლერიკები არიან. „მოთავხედო“ ქოლერიკის მხარეს უფრო მამაკაცი კუროები იხრებიან, ხოლო ქალებს ორივე ტემპერამენტის თანაბარი წილი ახასიათებთ.

ტყუპი

ტყუპები სუფთა წყლის სანგვინიკები არიან. მათი უმრავლესობა ემოციების დიდ სპექტრს განიცდის, ერთსა და იმავეზე არ „იციკლება. ყოველთვის სიხარულითა და ძალებით არიან აღსავსე. ერთი სიტყვით, იდეალური სანგვინიკის განსახიერება არიან.

კირჩხიბი

კირჩხიბი მელანქოლიკია. იმას ვერ ვიტყვით, რომ კირჩხიბები სულ ტირიან და მუდამ დეპრესიაში ვარდებიან, უბრალოდ, ძალზე ჩაკეტილი არიან. მათი უმეტესობა არ ამჟღავნებს ბობოქარ ემოციებს. ხანდახან ქოლერიკულობაც ახასიათებს.

ლომი

ლომების ტემპერამენტის განსაზღვრა საკმაოდ რთულია. არიან ემოციური, როგორც სანგვინიკები, მაგრამ, ამავე დროს, რამდენადმე გაუწონასწორებლები ქოლერიკების მსგავსად. ამითომ მათთან სიფრთხილეა საჭირო – დღეს კეთილი არიან, მაგრამ თუ რამე არ მოეწონათ – თავის „მოჭმაც“ იციან.

ქალწული

ქალწულების უმრავლესობა სუფთა ფლეგმატიკია. არის ამ ადამიანების მცირე ნაწილი, რომელთაც ვერც ერთ ტემპერამენტს ვერ მიუსადაგებ. როგორც წესი, დროგამოშვებით ისეთ რამეს სჩადიან, რაც ამ ტემპერამენტისთვის არაა დამახასიათებელი და ამით გარშემომყოფებს აბნევენ.

სასწორი

ფლეგმატიკოსები არიან ქალწულების მსგავსად, მაგრამ მათგან განსხვავებით, არ უყვართ „გამონაკლისები“. სასწორები, უბრალოდ, აკეთებნ იმას, რაც საჭიროა, ცხოვრობენ საკუთარ სამყაროში, მიზნისკენ ისწრაფვიან დიდი ნაბიჯებით, მაგრამ ამ ნაბიჯებს მათ გარდა ვერავინ ხედავს. და მაინც, სასწორები თავიანთ მიზნებს აღწევენ.

მორიელი

მორიელები ტემპერამენტით ქალწულებს ჰგვანან, მაგრამ, ამავე დროს, მათი ტემპერამენტი განსხვავებულია. ყველაზე ხშირად მორიელები ქოლერიკები არიან მელანქოლიკური „გადახრებით“. ერთი რამის დაზუსტებით თქმა კი შეიძლება – საერთოდ არ არიან ფლეგმატიკები.

მშვილდოსანი

მშვილდოსნებს უყვართ ლაპარაკი, ახალ–ახალი ემოციების მიღება, სხეულისა და ფიქრების „გამოფხიზლება“ და არასდროს სხედან ერთ ადგილზე. იფიქრებთ, რომ სანგვინიკები არიან, მაგრამ ფეთქებად ხასიათსა და ნერვოზულობას რა ვუყოთ? ძალზე რთულია, იპოვო სანგვინიკი მშვილდოსანი ქოლერიკის ნიშნების გარეშე.

თხის რქა

ძალზე საინტერესო პიროვნებები არიან. შეიძლება ითქვას, რომ ეს ნიშანი ერთადერთი ფლეგმა–სანგვინიკია ყველა ნიშანს შორის. ტემპერამენტი მარტივი და გასაგები აქვს. ნელა მიიწევენ მიზნისკენ, მაგრამ რთულ სიტუაციებში უპირატესობას ანიჭებენ არა კონფლიქტზე წასვლას, არამედ ლაპარაკს.

მერწყული

მერწყულები ტემპერამენტით მშვილდოსნებს ჰგვანან – სანგვინიკები არიან თხემით ტერფამდე, თუმცა ძალიან იშვიათად, მაგრამ ძალზე მკაფიოდ ქოლერიკის ნიშნებს ამჟღავნებენ. ეს იშვიათად ხდება, მაგრამ ყოველ ჯერზე ატომური ბომბის აფეთქებას ჰგავს.

თევზები

თევზები კირჩხიბებზე მეტად მელანქოლიკები არიან. სხვა ტემპერამენტის ნიშნები ნაკლბად ახასიათებთ, ამიტომ პრიზს, როგორც ყველაზე მელაქოლიური ხასიათის მქონენი შემოქმედებითი და გულდახურული თევზები იღებენ.

1738
სავსე მთვარე

მთვარის კალენდარი: 1 ოქტომბერი რისი გაკეთება შეიძლება და რისი არა

45
(განახლებულია 09:47 30.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

1 ოქტომბერი, ხუთშაბათი. ამ დღეს იუპიტერი მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, წარმატების მიღწევის რწმენა, გადასადგმელი ნაბიჯების კარგად მოფიქრება, ადამიანებთან ურთიერთობები, ოჯახური და ნათესაური კავშირების გამტკიცება, საკუთარი იდეებისა და გეგმების გამხელა, კარიერასა და ბიზნესზე ზრუნვა, ფინანსური საკითხების გადაჭრა.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებზე, წვრილმანებზე.

ხელსაყრელი დღეა ხანმოკლე მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

45
ფშავი

1 ოქტომბერს დაბადებულები ზოდიაქო, დახასიათება, რჩევები

9
(განახლებულია 11:10 28.09.2020)
გაეცანით 1 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

24 სექტემბერი - 3 ოქტომბრის პერიოდი

24 სექტემბერი - 3 ოქტომბრის პერიოდი სასწორის ნიშნის პირველ დეკადას განეკუთვნება.

მნიშვნელოვანი წლებია: 8,16, 24, 32, 40, 48, 56, 64, 72.

ამ პერიოდში დაბადებულთა სიმბოლოა მანანა.

24 სექტემბერი - 3 ოქტომბრის პერიოდში დაბადებულებს პლანეტა ვენერა მფარველობს და ზემოქმედებს მათ ემოციებზე, ვნებებზე, ინსტიქტებზე. ამ დეკადაში დაბადებულები მუდამ ისწრაფვიან ჰარმონიისკენ, არიან პატიოსანი, გულმოწყალე ადამიანები, უყვართ ყველაფერი მშვენიერი. აქვთ ძლიერი ინტუიცია, რაც ზერელე საქციელისგან იცავს და საკუთარი თავის რეალიზებაში ეხმარება მათ.

1 ოქტომბერს დაბადებულები

1 ოქტომბერს თავდაჯერებული ინდივიდუალისტები იბადებიან. ამასთან, მათ შეუძლიათ მუშაობა გუნდში, თანამშრომლობა. არიან წინააღმდეგობრივი ნატურები. ერთი მხრივ, დამოუკიდებლობისკენ ისწრაფვიან, მეორე მხრივ კი სურთ იყვნენ გუნდის ნაწილი. მათი გონება და გული იშვიათად თუ ერწყმის ერთმანეთს ჰარმონიულად. თითოეული იძულებულია, აირჩიოს - გრძნობებს ენდოს, თუ რაციონალურად მოიქცეს.

1 ოქტომბერს დაბადებულებს იმპულსურობა და მოუთმენლობა სჩვევიათ. ასევე, არიან ამბიციური, ისწრაფვიან აღიარებისკენ. უყვართ წარმატება და ყურადღების ცენტრში ყოფნა. თუმცა, ცხოვრების გარკვეულ პერიოდებში, შესაძლოა, მელანქოლიაც მიეძალოს.

ამ დღეს დაბადებულებს ცხოვრებისგან საუკეთესოს მიღება სურთ. ამასთან, ხანდახან, როცა მნიშვნელოვანი, საბედისწერო ნაბიჯი აქვთ გადასადგმელი, ძალზე მერყევი არიან. ამის გამო ხშირად უშვებენ ხელიდან შანსს.

1 ოქტომბერს დაბადებულებს კარგად აქვთ განვითარებული ლიდერის თვისებები. ისინი კარგი ხელმძღვანელები არიან, მაგრამ ხელმძღვანელი თანამდებობა მათთვის დიდ სტრესს წარმოადგენს.

ზედმეტი ფსიქოლოგიური დატვირთვა მათ ჯანმრთელობაზე ნეგატიურად აისახება. ხელქვეითის როლში კომფორტულად გრძნობენ თავს, თუ მათი საქმიანობა დიდ, გლობალურ პროექტებს უკავშირდება.

ჯანმრთელობა

1 ოქტომბერს დაბადებულებისთვის ჯანმრთელობაზე ზრუნვა ჩვეულებრივი საქმეა. ისინი ცდილობენ, დაიცვან დღის რეჟიმი, იკვებონ სწორად; მაგრამ სრულყოფილებისკენ სწრაფვა ყოველთვის არ იძლევა სასურველ შედეგს, რადგან, ხასიათიდან გამომდინარე, რამდენადმე „გადამლაშება“ უყვართ. მათთვის არაა რეკომენდებული სწრაფად გახდომა. მკაცრი დიეტა ცუდ შედეგებს გამოიღებს კუჭ-ნაწლავის სისტემისთვის.

რჩევა:

თქვენი მთავარი მტერი ისაა, რომ ერთ რამეზე იცით „ჩაციკლვა“. ასევე გიყვართ მოლოდინის იდეალიზება. შემდეგ რომ იმედი არ გაგიცრუვდეთ, დროა, ვარდისფერი სათვალე მოიხსნათ.

9