ასკილის ყვავილი

24 აგვისტოს დაბადებულები ზოდიაქო, დახასიათება, რჩევები

294
(განახლებულია 10:29 24.08.2020)
გაეცანით 24 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 აგვისტო - 2 სექტემბერი

ეს პერიოდი ქალწულის ნიშნის პირველ დეკადას განეკუთვნება.

მათი მფარველი პლანეტაა მზე, რომელიც ქალწულის თანავარსკვლავედთან ერთად ამ პერიოდში დაბადებულებს თავშეკავებულ და წყნარ ხასიათს ანიჭებს; თუმცა, გარკვეულ მომენტებში, შესაძლოა, ძალზე იმპულსური გახდნენ. ამ პერიოდის ადამიანების განმასხვავებელი ნიშანია უზადო წესრიგი, კომფორტი და წონასწორობა.

მნიშვნელოვანი წლებია: 21, 31, 50, 51.

23 აგვისტო - 2 სექტემბრის პერიოდში დაბადებულთა სიმბოლოა დელფინიუმი. ამ ადამიანებს შეუძლიათ სხვებისგან ბრძანებებისა და სხვადასხვა ინსტრუქციების უსიტყვოდ შესრულების მოთხოვნა, მაგრამ თვითონ სხვისი ბრძანებების შესრულება არ უყვართ.  ისინი, სხვებისგან განსხვავებით, ხშირად ხვდებიან არასტანდარტულ სიტუაციებში, მათ ხშირად ადანაშაულებენ სხვადასხვა საქციელსა და შეცდომაში. მათ უნდა ისწავლონ საკუთარი ძალების რწმენა და სიცოცხლის სიყვარული. თავად უნდა გახდნენ მეტად პასუხისმგებლიანი მანამ, სანამ ამას სხვებისგან მოითხოვენ.

24 აგვისტოს დაბადებულები

24 აგვისტოს დაბადებულებს სამყარო აძლევს შესაძლებლობას, დამოუკიდებლად შექმნან საკუთარი ცხოვრებისეული გზა. ფორტუნა მთლიანად იმაზე იქნება დამოკიდებული, თუ როგორ ურთიერთობას დაამყარებენ ისინი გარემო სამყაროსთან. თუ ევოლუციისა და ჰარმონიის კანონებს მიჰყვებიან, სიყვარულისა და სიკეთის გზაზე ივლიან, მათი ცხოვრება მშვიდი და პოზიტიური იქნება, თუ ბოროტებისა და ნგრევის გზას აირჩევენ, შესაბამისად, მათი ცხოვრებაც მრავალი უარყოფითი მოვლენით იქნება სავსე. ხშირად ამ დღეს დაბადებულებს თავიანთ საგვარეულო კარმის „გამოსყიდვა“ უწევთ. წარმატებისა და კეთილდღეობის მიღწევას მხოლოდ სიკეთითა და გულმოწყალებით შეძლებენ. ხშირად აქვთ მუსიკის, ხატვის, თეატრალური ხელოვნების ნიჭი.

ამ დღეს დაბადებულების ცხოვრების თემა ხშირად ხდება საიდუმლოებები და აღმოჩენები. მათ იზიდავს ყველაფერი იდუმალი, შეუსწავლელი, აუხსნელი, მისტიკური. ყოველდღიურ საქმეებში ჩაფლულნიც კი გამონახავენ დროს, რომ შეივსონ მეცნიერული ცოდნა და თავიანთ კვლევებზე იმუშაონ. 

24 აგვისტოს დაბადებულები ადვილად ერკვევიან ნებისმიერ რთულ საკითხში. მათ შეუძლიათ იოლად ამოხსნან თავსატეხები, ამოცანები, რებუსები, შარადები, რაც სხვებისთვის ძნელად გასაკეთებელია. თუმცა, გარშემომყოფებისთვისაც ისინი ერთგვარ ამოცანას წარმოადგენენ. მათი გაგება ხშირად უჭირთ, თუმცა, თავს დაკარგულად და უბედურად არ გრძნობენ. ისინი კომფორტულად გრძნობენ თავს თავიანთი აზრებისა და სხვადასხვა იდეის ლაბირინთებში.

ამ დღეს დაბადებულები მნიშვნელობას არ ანიჭებენ იმას, თუ რაოდენ მძიმეა გარშემომყოფებისთვის მათი იდუმალი, რთული და არაორდინარული ნატურის აღქმა. ამ ადამიანებს აკვირვებს და აღიზიანებს ის, რომ მათთვის მკაფიო და მარტივი მოთხოვნები ადამიანებისა და სამუშაოს მიმართ სხვებისთვის გაუგებარია. გარშემომყოფებს უჭირთ მათთან ყოველდღიური ურთიერთობები; იდუმალი და ამოუხსნელი რჩებიან ძალიან ახლობლებისთვისა და ოჯახის წევრებისთვისაც.

ამ დღეს დაბადებულებს ურჩევნიათ შვებულება, სამყაროს შეცნობის მიზნით, მოძრაობაში გაატარონ, გაემგზავრონ ნაკლებად შესწავლილ ადგილებში, შემდეგ კი, ამ ადგილების შესწავლას, შესაძლოა, მთელი ცხოვრებაც მოანდომონ. ამ ადამიანებმა უნდა გადალახონ თავიანთი სურვილი, ჩაერიონ ახლობლებისა და გარშემომყოფების პირად ცხოვრებაში და მისცემენ მათ თავიანთი პრინციპებითა და იდეალებით ცხოვრების უფლებას.

ჯანმრთელობა

24 აგვისტოს დაბადებულებს ხშირად უჩნდებათ იპოქონდრიული სინდრომი, რომელიც თავიანთი ჯანმრთელობის მდგომარეობის, გამოგონილი უკურნებელი სენით დაავადების შიშის გამო უჩნდებათ. ეს ეჭვები, შესაძლოა, ხანდახან პარანოიაში გადაიზარდოს, ეს კი შემდგომ სამსახურსა და ადამიანებთან ურთიერთობაში აისახოს. ამ ადამიანებმა უნდა ისწავლონ, რომ საკუთარ ჯანმრთელობას რეალურად შეხედონ და ეჭვები და შიშები უკუაგდონ. მათთვის რეკომენდებული არ არის დიეტები. გემრიელი საკვები ამ ადამიანების გონებიდან ნეგატიურ აზრების განდევნას ეხმარება. სრულფასოვანი დასვენებისთვის სჭირდებათ კარგი გამოძინება. რაც შეეხება სპორტს, რეკომენდებულია მსუბუქი სახეობები და დილის ვარჯიში.

რჩევა:

ნუ მიაქცევთ დიდ ყურადღებას წვრილმანებს. მიეცით თავს დინების მიყოლის უფლება და ნუ გაცურავთ მის საწინააღმდეგოდ. ნუ შეიჭრებით ადამიანების პირად ცხოვრებაში. იმოქმედეთ გულის ძახილის კვალდაკვალ, მაგრამ გაითვალისწინეთ სხვების მოსაზრებები. ხანდახან სჯობს, ზოგიერთი მოსაზრება თქვენთვის შეინახოთ.

294
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

355
(განახლებულია 11:31 25.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

355
მთვარის ფაზები

მთვარის კალენდარი: 25 სექტემბერი რისი გაკეთება შეიძლება და რისი არა

100
(განახლებულია 11:09 25.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

25 სექტემბერი, პარასკევი. ამ დღეს ვენერა მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

იუპიტერი რეტროგრადულ სვლას წყვეტს: ზოდიაქოს ხუთ ნიშანს დიდი წარმატებები ელოდება>>

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია ძველი პროექტების განხორციელებისას კრეატიული დამოკიდებულება, მხოლოდ მცირე ფინანსური საკითხების გადაჭრა, ახალი პარტნიორების ძებნა, ინდივიდუალური მუშაობა და გუნდური მუშაობის შეზღუდვა.

არარეკომენდებულია საკუთარი შესაძლებლობების ზედმეტად შეფასება, ძალიან დატვირთვა სამუშაოზე.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

100

ქართული ტრანზიტი: აღმოსავლეთ-დასავლეთის ტრასის მონაკვეთი მზადაა

0
ხაშური – ქალაქი აღმოსავლეთ საქართველოში, თბილისიდან 125 კმ-ში, მოსახლეობა დაახლოებით 25 ათასი ადამიანი. ამ დასახლებულ პუნქტში გადის ცენტრალური მაგისტრალი და რკინიგზა.

ხაშურის მთავარ ქუჩებზე ყოველთვის დატვირთული მოძრაობა და ხშირი საცობები იყო. ახლა, ახალი მონაკვეთის მშენებლობის დასრულების შემდეგ, მოძრაობა განიტვირთა და შემცირდა მგზავრობის საერთო დრო საქართველოს დედაქალაქსა და ქვეყნის დასავლეთ ნაწილის ქალაქებს შორის.

ჩქაროსნული მაგისტრალის ახალი მონაკვეთი გვერდს აუვლის ხაშურს და მრავალრიცხოვან სავაჭრო ობიექტებს ძველი გზის გასწვრივ, სადაც ადგილობრივები სხვადასხვა პროდუქტებით ვაჭრობდნენ. იმის უზრუნველსაყოფად, რომ მოსახლეობამ არ დაკარგოს შემოსავლები, ახალი გზაზე სპეციალური სავაჭრო ადგილები მოწეყობა.

აღმოსავლეთ-დასავლეთის მაგისტრალი, ანუ ევროპული სატრანზიტო გზა E-60, სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ერკეშტამში (ყირგიზეთი). საქართველოში E-60 იწყება აზერბაიჯანის საზღვართან და მთავრდება შავი ზღვის სანაპიროზე, ფოთის პორტთან. საქართველოს ტერიტორიაზე სატრანსპორტო დერეფნის სიგრძე 392 კილომეტრია.

0