წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
13-22 აგვისტო
13-22 აგვისტოს პერიოდი ლომის ნიშნის მესამე დეკადას განეკუთვნება.
ამ დეკადას მარსი - მეომართა პლანეტა მართავს, რომელიც ამ პერიოდში დაბადებულებს განსაკუთრებულ ძალაუფლებას, ნებისყოფასა და აგრესიულობას ანიჭებს.
მნიშვნელოვანი წლებია: 15, 19, 30, 35, 36, 57, 60, 76.
ამ ადამიანების სიმბოლოა გაშლილი ვარდი.
პირველი შეხვედრისას ამ პერიოდში დაბადებულები ქედმაღალი, ამპარტავანი ადამიანების შთაბეჭდილებას ტოვებენ. მაგრამ ეს მხოლოდ ნიღაბია - ცხოვრებამ ასწავლა მათ, რომ ასეთი იყვნენ. ამ ადამიანებმა უნდა ისწავლონ მოდუნება, ხასიათში მეტი სირბილე შეიტანონ და ახსოვდეთ, რომ პრობლემების უმეტესობა მათ ცხოვრებაში გადაღლილობის ბრალია.
22 აგვისტოს დაბადებულები
22 აგვისტოს დაბადებულები ძლიერი ხასიათითა და აქტიური ცხოვრებისეული პოზიციებით გამოირჩევიან. არიან დაბადებით ლიდერები, მამაცი, გულადი ადამიანები, ინტრიგებისგან შორს მყოფი. აქვთ საკუთარი ღირსების შეგრძნება, იციან საკუთარი თავის ფასი და ყველაფერზე თავიანთი მოსაზრება აქვთ. არიან აქტიური, მტკიცე ადამიანები, კეთილი და სამართლიანი, ბრძენი.
ამ დღეს დაბადებულები პატივს სცემენ ტრადიციებსა და ჩვეულებებს, გრძნობენ უწყვეტ კავშირს თავიანთ წარმომავლობასთან. უყვართ მშობლები და ზრუნავენ მათზე სიბერისას. სხვა ადამიანების ცხოვრებაში მათ მხოლოდ სიხარული მოაქვთ.
ზოდიაქოს ნიშნები, რომლებიც დიდებისა და პოპულარობისთვის დაიბადნენ>>
თავიანთი მიზნების მისაღწევად 22 აგვისტოს დაბადებულები ყოველთვის პირადად დაგროვებულ გამოცდილებას იყენებენ. რასაც აკეთებენ, ცდილობენ, რომ რაც შეიძლება პროდუქტიულად და ტექნოლოგიურად შეასრულონ. სახლის საქმეებსაც კი უდიდესი პასუხისმგებლობით ასრულებენ. არ აშინებთ თამამი გრანდიოზული გეგმები. თუ რამეს მოჰკიდეს ხელი, მას აუცილებლად მიიყვანენ ბოლომდე.
ამ დღეს დაბადებულების დაინტერესება მხოლოდ წარმატებული პროექტით შეიძლება. ისინი არავის მოსაზრებას, მათ შორის სკეპტიკურს, არ აქცევენ ყურადღებას, თუ ეს მოსაზრება ავტორიტეტული და საკმარისად საფუძვლიანი არ არის. შეუძლიათ ფსონზე ყველაფერს ჩამოვიდნენ და უმეტესად იგებენ კიდეც. ამ ადამიანებს გამოარჩევს ორიგინალურობა და საქმის მიმართ შემოქმედებითი დამოკიდებულება.
ძალიან ხშირად ამ დღეს დაბადებულებს აინტერესებთ კაცობრიობის ისტორია, სწავლობენ ძველი დროის მოვლენებსა და ფაქტებს. თუმცა, ეს გატაცება ხშირად მათ რეალობასა და ცოცხალ ადამიანებს აშორებს. მიუხედავად ამისა, ისინი ყოველთვის კარგად ეპყრობიან მეგობრებს, ახლობლებს. ამ ადამიანებს იტაცებს თავგადასავლები.
ჯანმრთელობა
22 აგვისტოს დაბადებულებს, რადგან თავგადასავლების მოყვარული არიან და საფრთხეს არად აგდებენ, ხშირად რისკავენ, რაც, შესაძლოა, მათ ჯანმრთელობაზე ნეგატიურად აისახოს. ასევე, ამ ადამიანებს ძალიან უყვართ გემრიელი კვება, ამიტომ უფრო მოწიფულ ასაკში ჭარბწონიანობა ემუქრებათ. ამიტომ უნდა შეზღუდონ ტკბილეულისა და ცხიმიანი საკვების მიღება და არ დაივიწყონ მსუბუქი ფიზიკური დატვირთვების შესახებ.
რჩევა:
ყური დაუგდეთ მეგობრებისა და ახლობლების რჩევებს, კომპეტენტური ადამიანების მოსაზრებებს. ნუ დათრგუნავთ სხვების პოზიციებს, ეს ახლობლებზე მორალურად მოქმედებს. ეცადეთ, ადამიანებთან მეტად უბრალო დამოკიდებულება გქონდეთ.
