ვარსკვლავთცვენა 12 აგვისტოს და მისი გავლენა ზოდიაქოს ნიშნებზე, ანუ შეუძლებელი არაფერია

5547
(განახლებულია 11:04 12.08.2020)
12 აგვისტო განსაკუთრებული დღეა – ამ დროს პერსეიდების ნაკადის, იგივე „მეტეორების წვიმის“ პიკი მოდის.

პერსეიდები – ესაა მეტეორთა ნაკადი პერსევსის თანავარსკვლავედიდან. წარმოიშვება დედამიწის კომეტა სვიფტ-ტატლის ორბიტის კვეთის დროს. მიკროსკოპული ნაწილაკები იწვიან ატმოსფეროში და წარმოშობენ ვარსკვლავთა წვიმას. იწყებს დიდი ინტენსივობით, დროთა განმავლობაში - იკლებს.

პერსეიდები 17 ივლისი – 24 აგვისტოს პერიოდშია აქტიური და აქტიურობის პიკს 12 აგვისტოს აღწევს.

12 აგვისტო ძალზე პოზიტიური და მნიშვნელოვანი დღეა. ასტროლოგებმა ზოდიაქოს თითოეული ნიშნისთვის ამ კაშკაშა და ხელსაყრელი დღის პროგნოზი შეადგინეს.

ვერძი

ვერძებს 12 აგვისტოს შემოქმედებითი აღმაფრენა გელოდებათ. გახდებით ძალზე ემოციური, ამიტომ სჯობს, თუ გარშემომყოფებს თქვენს უკმაყოფილებას არ აჩვენებთ. შინაგანი ძალები აღმშენებლობით კალაპოტში მიმართეთ. შეძლებთ ძველი პრობლემებისა და გაუგებრობების მოგვარებას.

კურო

გექნებათ ბედნიერება, რომ განუმეორებელი ქარიზმით „აღიჭურვოთ“. განსაკუთრებით პოზიტიური იქნება სასიყვარულო სფერო. მთელი ძალები მეორე ნახევრის ძებნისკენ უნდა მიმართოთ. ასევე კარგ შთაბეჭდილებას მოახდენთ საქმიან პარტნიორებზე.

ზოდიაქოს რომელ ნიშნებს უმართლებს მოწიფულობისას>>

ტყუპი

უნდა გააკეთოთ ის, რაც ყველაზე მეტად გიყვართ. საჭიროა მეტი ურთიერთობები, კონტაქტები, მოძრაობა, ახალი გატაცებების ძებნა. პერსეიდები საოცარ სულიერ ძალას მოგანიჭებთ და სურვილს გაგიჩენთ, რომ უკეთესი გახდეთ. არ არის გამორიცხული, რომ ახალი მიზნებიც გაგიჩნდეთ.

კირჩხიბი

კირჩხიბებმა ეს დღე ახლობლების – მეგობრების, ნათესავების, ოჯახის წევრების გარემოცვაში უნდა გაატაროთ. იდეალური დღეა იმისთვის, რომ გარშემომყოფებს აჩვენოთ თქვენი სიყვარული და საპასუხოდაც ეს გრძნობა მიიღოთ. ასევე ძალზე პროდუქტიული დღე იქნება. მიხედეთ დაუმთავრებელ საქმეებს.

ლომი

ლომებს ვარსკვლავთცვენის პიკი შესანიშნავ განწყობასა და ტოქსიკური ადამიანებისგან დაცვას მოგიტანთ. შესანიშნავი დროა მუშაობის, დასვენების, საყიდლების, მოგზაურობისთვის. იქნებით განსაკუთრებულად კაშკაშა, იღბლიანი და მიმზიდველი. განსაკუთრებული ყურადღება დაუთმეთ გარეგნობას.

აგვისტოს ხვატი, ზღვის სანაპირო და ზოდიაქოს ნიშნები: ვის მოხვდება კუპიდონის ისარი>>

ქალწული

ქალწულებმა რაც შეიძლება მეტი უნდა იფიქროთ დადებითზე. უნდა შეინარჩუნოთ თავდაჯერებულობა – ეს ძალზე მნიშვნელოვანია, რადგან ეს დღე აზრების მატერიალიზებისთვის იდეალურია. პერსეიდები ქალწულებს ყოველთვის ეხმარებიან სასურველი მიზნების ჩვეულებრივზე სწრაფად მიღწევაში.

სასწორი

სასწორებისთვის 12 და 13 აგვისტო იდეალურია საყიდლებისთვის. როდესაც პერსეიდების ვარსკვლავების ცვენა პიკურ მნიშვნელობას აღწევს, სასწორებს ფინანსურად უმართლებს. ეს გამოიხატება ასევე ბიზნესსა და სამუშაოზე მოგების გაზრდაში. ამ დღეებში გეგმის გადაჭარბებით შესრულების შანსია.

მორიელი

მორიელებს 12 აგვისტოს ისედაც მძლავრი ინტუიცია კიდევ უფრო გაგიძლიერდებათ. ეს იქნება ძალზე პროდუქტიული და წარმატებული დღე იმ მორიელებისთვის, რომლებიც მნიშვნელოვან გადაწყვეტილებებს არ შეუშინდებიან. დგება ცხოვრებისეული პრინციპების გადახედვის დრო. შეძლებთ განგაშის მომგვრელი ფიქრების დაძლევასა და დილემის გადაწყვეტას.

ყველაზე, ყველაზე... ზოდიაქოს გენიალური ნიშნები>>

მშვილდოსანი

მშვილდოსნებს ასტროლოგები გირჩევენ, სიყვარულსა და საქმეებში მეტი ჟინი და სიჯიუტე გამოიჩინოთ. საჭიროა, რომ ნებისმიერ ვითარებაში დარჩეთ ის, ვინც ხართ, გააკეთოთ მეტი სიკეთე და სიტყვებიდან საქმეზე გადახვიდეთ. ვარსკვლავთცვენა ცხოვრებისეული პრიორიტეტების სწორად განაწილებაში დაგეხმარებათ.

თხის რქა

12 აგვისტოს არავითარ შემთხვევაში არ უნდა დაიხიოთ სირთულეების წინაშე. ვარსკვლავთცვენის ენერგია დაგეხმარებათ, რომ გარშემომყოფებისთვის მისაბაძი მაგალითი გახდეთ, მოიპოვოთ მეტი ავტორიტეტი და პატივისცემა ხელმძღვანელობის, კოლეგებისა და მეგობრების მხრიდან.

მერწყული

ასტროლოგები გირჩევენ, ამ ხელსაყრელ დღეს ყველაფრის მიმართ ძალზე ყურადღებიანი იყოთ. ჩართული უნდა იყოთ ყველა მიმდინარე მოვლენაში. ბევრი პრობლემა თავისთავად გადაწყდება. პერსეიდები ენერგიის ფარულ მარაგებს ააქტიურებენ.

როგორ დავეხმაროთ ზოდიაქოს ნიშნების პატარა წარმომადგენლებს სწავლაში>>

თევზები

თევზებს 12 აგვისტოს მძლავრი პოზიტიური იმპულსი გელოდებათ. მოსალოდნელია სასიამოვნო ნაცნობობა, მომხიბვლელობისა და ქარიზმის მომძლავრება, მეხსიერების გაძლიერება. ასტროლოები გირჩევენ, ყველაზე მნიშვნელოვან საქმეებზე გაამახვილოთ ყურადღება. შეიძლება საქმეებში „თავით გადაშვება“ ან დღის რომანტიკის, სიყვარულისა და ურთიერთობებისთვის დათმობა.

5547
მზის ჩასვლა

კვირის ასტროპროგნოზი: სიყვარული, ფინანსები, სამუშაო 28 სექტემბერი 4 ოქტომბერი

205
(განახლებულია 15:23 27.09.2020)
ასტროლოგები გვირჩევენ, ამ კვირაში დიდი ყურადღება მივაქციოთ შინაგან ჰარმონიას. ძალზე მნიშვნელოვანია ვაკეთოთ ის, რაც მოგვწონს. საკმაოდ ხელსაყრელი კვირა ელოდება ზოდიაქოს ნიშნების უმრავლესობას

როგორი იქნება ვარსკვლავებისა და პლანეტების განწყობა ამ კვირაში ზოდიაქოს ნიშნებისთვის, როგორ იმოქმედებენ ისინი ადამიანებზე, რა უნდა გავითვალისწინოთ, რომ წარმატებებს მივაღწიოთ – ყოველივე ამის შესახებ კვირის ასტროლოგიური პროგნოზიდან შეიტყობთ.

რა ფარული ნიჭი იმალება ზოდიაქოს თითოეულ ნიშანში>>

ვერძი

ვერძებისთვის ამ კვირაში ყველაზე მნიშვნელოვანი სფერო სიყვარული იქნება. თამამად შიძლება ახალი ადამიანების გაცნობა, ახალი ურთიერთობების დაწყება, ან უკვე არსებულის ახალ დონეზე გადაყვანა. კარგად ჩაივლის სიყვარულში გამოტყდომა, საყვარელი ადამიანის მშობლებთან შეხვედრა, საცხოვრებლად სხვაგან გადასვლა, შოპინგი.

ვარსკვლავებისა და პლანეტების ენერგია დაგეხმარებათ ცნობიერებაში არსებული ბარიერების გადალახვაში, რომლებიც მიზნების მიღწევაში გიშლით ხელს. უნდა იყოთ გაბედული, მიზანსწრაფული და ნებისმიერი ცვლილებისთვის მზად. სამსახურსა და ბიზნესში სტაბილურობა არ გელოდებათ, მაგრამ ეს არ ნიშნავს, რომ ყველაფერი ცუდად მიდის. პირიქით, ახლა სწორედ ის დროა, როდესაც შესაძლებელია გამარჯვება და წარმატებების მიღწევა.

კურო

კუროებს მხოლოდ საკუთარი თავის იმედი უნდა გქონდეთ. ეს განსაკუთრებით ეხება 28 და 29 სექტემბერსა და 4 ოქტომბერს. ამ არახელსაყრელ დღეებში ბევრი მნიშვნელოვანი რამ შეიძლება მოხდეს. ასტროლოგები გირჩევენ, თვითონ გადალახოთ დაბრკოლებები, რომ გაძლიერდეთ, ისწავლოთ რამე ახალი და აიმაღლოთ ავტორიტეტი კოლეგებს, ხელმძღვანელობას, მეგობრებსა და ახლობლებს შორის.

ძალზე მნიშვნელოვან როლს შეასრულებს პოზიტიური აზროვნება. ეს დაგეხმარებათ სასურველის მოზიდვასა და დასახული მიზნების სწრაფად განხორციელებაში. პოზიტიური ადამიანები იზიდავენ არა მხოლოდ ფულს, არამედ სხვა ადამიანებსაც. ეს ნიშნავს, რომ კეთილ და მხიარულ კუროებთან წარმატება ნაცნობებისა და კავშირების მეშვეობითაც მივა. ექსპერტები გირჩევენ, იმოქმედოთ შედგენილი გეგმით და არ გარისკოთ.

ტყუპი

ყურადღება მიაქციეთ დესტრუქციულ აზროვნებას, რომელიც ხშირად გარშემომყოფებისგან მოდის. ეს საშიში გზაა, რომელიც ჩიხში შეგიყვანთ. უნდა იაროთ საკუთარი გზით, ჯანსაღად შეაფასოთ გარესამყარო და მოიქცეთ ისე, როგორც ამას საკუთარი გული გკარნახობთ და არა შემთხვევითი მრჩეველი. ამ კვირაში თქვენი ინტუიცია საკმაოდ ძლიერი იქნება.

ოქტომბრის დასაწყისში აუცილებლად მიქციეთ ყურადღება ჯანმრთელობას. მრავალრიცხოვან პრობლემებსა და მცირე გაუგებრობებს თქვენი კალაპოტიდან ამოგდება, შინაგანი ბალანსისა და ჰარმონიის დარღვევა შეუძლია. ასტროლოგები გირჩევენ, ყველანაირად ეცადოთ, რომ არ ინერვიულოთ. ამაში ფიზიკური აქტიურობა, აქტიური ცხოვრების წესი დაგეხმარებათ.

კირჩხიბი

თქვენთვის კვირის ყველაზე ხელსაყრელი დღეებია 2, 3 და 4 ოქტომბერი. ამ დღეებში ადვილი იქნება ნებისმიერი, განსაკუთრებით შემოქმედებითი სამუშაოს შესრულება. ვარსკვლავებისა და პლანეტებისგან მიიღებთ ძალებისა და ენერგიის დიდ მარაგს, რაც სირთულეების გადალახვაში დაგეხმარებათ.

კვირის დასაწყისში პრობლემების გაჩენისთანავე შეგიძლიათ დახმარებისთვის მეგობრებს, ნათესავებს ან კოლეგებს მიმართოთ. არ ღირს საკუთარ თავში ჩაკეტვა და ყველასგან იზოლირება, თუნდაც ამის ძლიერი სურვილი გაგიჩნდეთ. გარშემომყოფებისგან უნდა აიღოთ პოზიტიური ენერგია, ჩაკეტილობა კი იდეების წყაროებსა და შესაძლებლობებს გადაღობავს.

ლომი

დღის წესრიგი ადამიანის ბიოველსა და განწყობაზე მოქმედებს. ამ კვირაში ლომებს ექსპერტები გირჩევენ, მოაგვაროთ დღის რეჟიმი, შეასრულოთ ფიზიკური სავარჯიშოები, ბევრი იმოძრაოთ. ძალზე ხელსაყრელი პერიოდია იმისთვის, რომ გამოიმუშაოთ ახალი სასარგებლო ჩვევები და გათავისუფლდეთ მავნე ჩვევებისგან.

ვარსკვლავები თქვენ მხარეს იქნებიან, ამიტომ გქონდეთ იღბლის იმედი ნებისმიერ სფეროში. ყველაზე მეტად გაუმართლებს იმას, ვინც ადამიანებთან მუშაობს, მათთან ურთიერთობები აქვს. კვირის მეორე ნახევარი დაუთმეთ სწავლას, ახალი გამოცდილების მიღებას. ჩნდება დიდი შანსი მათთვის, ვინც სამუშაოს ეძებს.

ქალწული

ქალწულებისთვის ძალზე დინამიკური პერიოდი იწყება. ამ დროს ყურადღება ყველაზე მნიშვნელოვანზე უნდა გაამახვილოთ. არ ღირს ორ კურდღელზე გამოდევნება. დროა, ერთი პრიორიტეტული მიმართულება შეარჩიოთ. თუ დინამიკურ რიტმში იცხოვრებთ და ბევრ ამოცანას შეეჭიდებით ერთდროულად, ძალიან მალე დახარჯავთ ენერგიას, ძალას და სიტუაციაზე კონტროლს დაკარგავთ.

აუცილებლად უნდა იპოვოთ დრო დასვენებისთვის, თუნდაც გაჩაღებული მუშაობის დროს. უქმეებზე ძალიან წაგადგებათ გარემოს შეცვლა, სადმე წასვლა, ნათესავების მონახულება. ნერვების დამშვიდებასა და მოდუნებაში დაგეხმარებათ შოპინგი, გარდერობის განახლება.

სასწორი

სასწორებმა ეს კვირა მსუბუქი განწყობითა და ოპტიმიზმით უნდა გაატაროთ. არ შეიძლება წარსულზე, წყენებზე „ჩაციკლვა“ და მით უმეტეს, შურისძიებაზე, გულში ბოღმის ჩადებაზე. აპატიეთ საკუთარ თავსაც და სხვებსაც. თქვენთვის, როგორც ასტროლოგები მიიჩნევენ, პრიორიტეტულია პატიება და კომპრომისის მოძებნა.

კვირა მნიშვნელოვანი იქნება კარიერული წარმატებებისთვისაც. არაა გამორიცხული კარიერულ კიბეზე წინსვლა, ხელფასის მომატება. საკუთარ თავზე უნდა აიღოთ პასუხისმგებლობა როგორც გამარჯვებაზე, ისე მარცხზეც. კვირის ბოლოს, შესაძლოა, თქვენი ძალები ამოიწუროს, ამიტომ თქვენთვის რეკომენდებულია საღამოობით დასვენება და პოზიტივზე და არა ნეგატივზე ფოკუსირება.

მორიელი

კვირის პირველი დღე საკმაოდ არახელსაყრელი და საშიში იქნება. ეს ეხება შაბათსაც. ამ დღეებში მეტი სიფრთხილე გმართებთ.

მომავალში წარმატებებისთვის ძალიან მნიშვნელოვანია ამ კვირაში ნათესავებთან ურთიერთობები. კავშირი უნდა გქონდეთ მეგობრებთან და ურთიერთობები – სასიამოვნო ადამიანებთან. რთულ მომენტებში შეგიძლიათ მათ დახმარება სთხოვოთ. ასტროლოგები გირჩევენ, მოერიდოთ ოჯახურ კონფლიქტებს, განსაკუთრებით უქმეებზე.

მშვილდოსანი

მშვილდოსნებმა უნდა იპოვოთ ენერგიისა და დადებითი ემოციების წყარო. მთელი შვიდი დღის განმავლობაში შრომისუნარიანობისა და კარგი განწყობის შენარჩუნება გაგიჭირდებათ, ამიტომ აუცილებლად გამონახეთ დრო დასვენებისთვის. თქვენი გარემოს შეცვლის ნიჭის გათვალისწინებით, იდეებთან დაკავშირებით პრობლემა არ უნდა გაჩნდეს.

კვირის პირველი ნაახევარი შემოქმედებას, ინტელექტუალურ მუშაობას, ახალი ცოდნის შეძენას, უცხო ენების შესწავლას მიესადაგება. ასტროლოგები გირჩევენ, ამ კვირაში შორეულ გზას არ დაადგეთ. 1–დან 4 ოქტომბრის ჩათვლით მოსალოდნელია სასიამოვნო შეხვედრები და ნაცნობობა.

თხის რქა

ასტროლოგები გირჩევენ, რომ ამ კვირაში მეტი ყურადღება დაუთმოთ სიყვარულსა და ურთიერთობებს. თუ თქვენი საყვარელი ადამიანი ეჭვიანია, სჯობს, არ მოახდინოთ მისი პროვოცირება. პირიქით, იყავით ლოიალური, გულღია დიალოგისთვის.

კარგი დროა თვალსაწიერის გაფართოებისთვის. მარტოხელებს არ გაწყენთ ახალი ნაცნობობა. რაც შეეხება სამუშაოს, ამ სფეროში იღბლიანი იქნება ნებისმიერი ახალი წამოწყება. კვირის პირველივე დღიდან ღირს ინიციატივის გამოჩნენა, თავდაჯერებულობისა და ოპტიმიზმის დემონსტრირება. კოლეგები და ხელმძღვანელობა ამას სათანადოდ შეაფასებს.

მერწყული

ამ კვირაში მერწყულებისთვის ყველაზე მნიშვნელოვანი ფინანსური სფერო გახდება. ვარსკვლავები და პლანეტები ყოველთვის კარგ განწყობაზე არ იქნებიან. ამ მხრივ უნდა იფრთხილოთ და გეგმას მისდიოთ, განსაკუთრებით 30 სექტემბერსა და 1 ოქტომბერს.

შუა კვირაში არ ღირს სესხის აღება და ძვირადღირებული რამის ყიდვა. იღბალი იმ მერწყულების გვერდით იქნება, რომლებიც დავალებებს პასუხისმგებლობით მოეკიდებიან, იმოქმედებენ და უქმად არ ისხდებიან. ეს იქნება დინამიკური დრო, როდესაც სარისკოა საქმეების თავის დინებაზე მიშვება. ამან შეიძლება დიდი პრობლემები გამოიწვიოს.

თევზები

თევზები ბედის იმედად არ უნდა იყოთ. უნდა გამოიჩინოთ მაქსიმალური აქტიურობა და მზად იყოთ ნებისმიერი ამოცანის გადასაჭრელად. ორშაბათი ძალზე ხელსაყრელი დღე იქნება, ამიტომ დილიდან უნდა განეწყოთ პოზიტიურ კილოზე, სწრაფად ჩაერთოთ მუშაობაში, მაგრამ ძალიან არ უნდა გადაიღალოთ.

იღბალზე პოზიტიურად აისახება დამოუკიდებლობა. არ ღირს დახმარების თხოვნა გარშემომყოფებისთვის, განსაკუთრებით, თუ მათთან ურთიერთობები ყოველთვის სასიამოვნოდ არ ეწყობა. მოერიდეთ არაკეთილმოსურნეებს, ამასთან, მათი რიცხვი შეიძლება გაიზარდოს.

205
ნახევარმთვარე

მთვარის კალენდარი: 28 სექტემბერი რისი გაკეთება შეიძლება და რისი არა

51
(განახლებულია 21:01 26.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

28 სექტემბერი, ორშაბათი. ამ დღეს მთვარე მართავს. მზარდი მთვარე მერწყულის ნიშანშია.

გვიან საღამოს მთვარე თევზების ნიშანში გადავა.

ამ დღეს საჭიროა ძალების მიმართვა ოჯახური კავშირების გამტკიცებისკენ, ოჯახური ტრადიციების მხარდაჭერა, სახლის მოწყობაზე ზრუნვა.

ცხოვრებისეულ სფეროებში ადამიანებს იღბალი თან სდევს. იზრდება პროფესიული წარმატებების შესაძლებლობა.

აქტიურდება ქალური ენერგია, ემოციურობა, შემოქმედებითი ენერგია. სასურველია დროის დათმობა ოჯახისა და ბავშვებისთვის. ხელსაყრელი დღეა საოჯახო საყიდლებისთვის, სახლში მუშაობისთვის.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია მოლაპარაკებების წარმოება, დახმარების თხოვნა, ნებისყოფის, ამტანობისა და სიმტკიცის გამოჩენა, სადავო საკითხებიოს მოგვარების უნარის გამოჩენა, კონფლიქტების მოგვარება, ფინანსური ოპერაციების ჩატარება, მაგრამ მოგების ნაწილის ქველმოქმედებაზე დახარჯვა,

არარეკომენდებულია სერიოზული საქმეებით ზედმეტად თავის დატვირთვა, ახალი საქმეების წამოწყება, აჩქარება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს არასასურველია თმის შეჭრა, მაგრამ კარგი დღეა შეღებვისთვის. ხელსაყრელი დღეა მანიკურისთვის.

მებაღეობა: მერწყულის ნიშანი მებაღეობის მხრივ არცთუ ნაყოფიერი პერიოდია. ამ დღეს შეიძლება ბრძოლა მავნებლებთან, მცენარეების შეწამვლა, ნიადაგის გაფხვიერება, ხოლო არ ღირს პიკირება, მცენარეების დარგვა და გადარგვა.

51
ბათუმი

აჭარა კვლავ „ლიდერია": კორონავირუსით ინფიცირების შემთხვევები რეგიონების მიხედვით

0
(განახლებულია 12:11 28.09.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა  2054  ადამიანი, გარდაიცვალა 31 პაციენტი.

თბილისი, 28 სექტემბერი – Sputnik. საქართველოში ბოლო 24 საათში გამოვლენილი კორონავირუსის 298 ახალი შემთხვევიდან 175 აჭარას უკავშირდება, განაცხადა თბილისის ინფექციური საავადმყოფოს ბოქსირებული განყოფილების უფროსმა მარინა ენდელაძემ.   

რაც შეეხება სხვა რეგიონებს, მაჩვენებლები ასეთია:  32 – იმერეთი, 32 – თბილისი, 16 – გურია, 14 – სამეგრელო–ზემო სვანეთი, 11– სამცხე–ჯავახეთი, 7 – ქვემო ქართლი, 4 – კახეთი, 1 – შიდა ქართლი.

ენდელაძის განცხადებით, დღევანდელი მონაცემებით, ინფიცირებული პაციენტიდან 25-ის მდგომარეობა კრიტიკულია, მათგან 22 მართვით სუნთქვაზე იმყოფება.

რაც შეეხება უშუალოდ ინფექციურ საავადმყოფოს, კლინიკაში სულ 29  პაციენტი მკურნალობს, მათგან ორი მძიმე და ერთი კრიტიკული  პაციენტია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 298-ით გაიზარდა და 5552-ს მიაღწია, გამოჯანმრთელდა 2054  ადამიანი, გარდაიცვალა 31 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში