მთების პეიზაჟი

22 ივლისს დაბადებულები ზოდიაქო, დახასიათება, რჩევები

450
(განახლებულია 10:26 22.07.2020)
გაეცანით 22 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

12–22 ივლისი

12–22 ივლისის პერიოდი კირჩხიბის ნიშნის მესამე დეკადას განეკუთვნება.

ამ დეკადას მთვარე მართავს. ამ პერიოდში დაბადებულები გამოირჩევიან შესანიშნავი ინტუიციით, უყვართ მოგზაურობა. არიან მხიარული, საკმაოდ კეთილი ადამიანები, შეუძლიათ კონფლიქტების მოგვარება. მთვარის გავლენის წყალობით ოკულტიზმის უნარები გააჩნიათ.

მნიშვნელოვანი წლებია: 16, 26, 36, 48, 50, 60, 72. 

ამ პერიოდში დაბადებულთა სიმბოლოა ია.

ამ დეკადაში დაბადებული ადამიანები, კარგი იქნება, თუ მეტად მეგობრული და კეთილგანწყობილი, უფრო გულგახსნილი და მიმნდობი იქნებიან გარშემომყოფების მიმართ. ამ ადამიანებმა უნდა გააცნობიერონ, რომ გარშემომყოფებს მათ მიმართ გულითადი განწყობა აქვთ. თუ ამ ნაკლოვანებებს გაითვალისწინებენ, მერყეობა და შიშის გრძნობა დატოვებს და სილაღისა და თავისუფლების შეგრძნებით იცხოვრებენ.

22 ივლისს დაბადებულები

22 ივლისს დაბადებულებს თავდაჯერებულობა აკლიათ, აქვთ დაბალი თვითშეფასება, ახასიათებთ მერყეობა გადაწყვეტილებების მიღებისას. იმისთვის, რომ მშვიდი ცხოვრება ჰქონდეთ, მეტად მტკიცე და თავდაჯერებული უნდა გახდნენ; უნდა იმუშაონ ნებისყოფაზე. ისინი ხშირად არიან გატაცებული ოკულტური მეცნიერებებით, მისტიციზმით, თავი შეიძლება გამოავლინონ, როგორც მკურნალებმა; ხანდახან აქვთ ექსტრასენსორული უნარები, მაგრამ ამისთვის ენერგეტიკის გამტკიცება სჭირდებათ.

სიმაღლის, სიბნელის, დახურული სივრცის თუ... ზოდიაქოს ნიშნების ფობიები>>

22 ივლისს დაბადებულებს უჭირთ კარიერაში წონასწორობის შენარჩუნება, ამიტომ ხშირად წარმატებებსა და სიმშვიდეს მარცხი და წარუმატებლობა ცვლის. შესაძლოა, გარკვეული პერიოდი საზოგადოებისგან გარიყული იყვნენ, ერთ დღესაც კი მისგან მადლობა და აღიარება მიიღონ. ჩვეულებრივ, დამსახურებებისთვის აღიარება სიკვდილის შემდეგ აქვთ. ასეთი აღმაფრენები და ვარდნები ეხება არა მარტო მათ კარიერულ, არამედ პირად ცხოვრებასაც: ოჯახური ცხოვრება სავსეა სირთულეებით, ქორწინებებითა და განქორწინებებით, სასიყვარულო რომანებით; მიუხედავად ამ ყველაფრისა, ამ დღეს დაბადებულებს წინსვლისა და მწვერვალების დაპყრობის დიდი სურვილი აქვთ.

დიდების ზენიტში მყოფ ძალზე ძლიერ პიროვნებებსაც კი შეიძლება მარცხი ეწვიოთ, რისი მიზეზიც ისაა, რომ ეს ადამიანები ვერ ამჩნევენ თავიანთ ნაკლს, ამიტომ არაფრის შეცვლა არ სურთ არც ცხოვრებაში და არც ხასიათში. ამას გარდა, ამ დღეს დაბადებულებს ძალიან უჭირთ ემოციებთან გამკლავება – ხანდახან ამისთვის არ ჰყოფნით ნებისყოფა, სირთულეების გადალახვის სურვილი და მაშინ ყველაფერს მომავლისთვის გადადებენ ხოლმე; ხანდახან კი ძალზე მტკიცენი არიან თავიანთ მოსაზრებებში. გარშემომყოფებს ყოველივე ამის გამო ასეთ გაუწონასწორებელ ადამიანებთან ყოფნა უჭირთ.

22 ივლისს დაბადებულები ერთდროულად არიან ჯიუტი, უხეში, რეალობის გრძნობას მოკლებული, მაგრამ, ამავე დროს, ნებისყოფიანი, თამამი და მტკიცე, უდრეკი. მათ უნდა ისწავლონ არა მხოლოდ საკუთარი ნაკლოვანებებისა და შეცდომების დანახვა, არამედ აქედან გაკვეთილის გამოტანაც და წინსვლის გაგრძელება მხოლოდ ამის შემდეგ. თუ ამას არ გააკეთებენ, შესაძლოა ტრაგიკული ფიგურა გახდნენ – ამის ყველანაირი შანსი აქვთ. და თუ ამ ყოველივეს გაითვალისწინებენ, წარმატებების მიღწევა და შემდეგ შენარჩუნება მათთვის ბევრად იოლი გახდება. ნაკლოვანებების გარდა, ამ დღეს დაბადებულებმა კარგად უნდა გაიაზრონ თავინთი ძლიერი მხარეებიც, რათა ობიექტურად გათვალონ თავიანთი წარმატების შანსები.

ჯანმრთელობა

დასვენებისა და საკუთარი თავის შესწავლის გარეშე 22 ივლისს დაბადებულები ფსიქოლოგიური ხასიათის პრობლემებით რისკავენ. ფიზიკურ პრობლემებამდე მათი მიყვანა ზედმეტად დინამიკურ საქმიანობას შეუძლია ამას კი, თავის მხრივ, სტრესამდე. ამიტომ მათ უნდა ისწავლონ საქმიანობისა და დასვენების სწორად განაწილება. მათი სუსტი ორგანოებია კუჭი, წელი, გული. უნდა დაიცვან დაბალანსებული დიეტა. მათთვის რეკომენდებულია ფიზიკური სავარჯიშოები და სრულფასოვანი დასვენება.

რჩევა:

თქვენთვის ძალზე მნიშვნელოვანია ცხოვრების ორგანიზება, მხოლოდ ამის შემდეგ შეძლებთ ცხოვრებაში სტაბილურობის მიღწევას. ყოველთვის უნდა იპოვოთ დრო განმუხტვისთვის, მოდუნებისა და დასვენებისთვის. ნუ იქნებით სამუშაოთი შეპყრობილი, უბრალოდ, ის გულმოდგინედ შეასრულეთ.

450
ბროკოლი

ბროკოლი, ანუ სატაცურა კომბოსტო და მისი სასარგებლო თვისებები

59
(განახლებულია 14:22 21.09.2020)
ბროკოლი ეფექტურია კიბოს, დიაბეტის, შეკრულობისა და სხვა დაავადებების დროს, მაგრამ მისი მომზადებისა და მიღების დროს გასათვალისწინებელია რეკომენდაციები, რათა ამ ძალზე სასარგებლო პროდუქტისგან უკუშედეგები არ მივიღოთ

ბროკოლი (ლათ.Brassica oleracea ან Brassica sylvestris) კომბოსტოსებრთა ოჯახის ერთწლიანი ბოსტნეული მცენარეა. იტალიური სიტყვა broccoli ითარგმნება, როგორც კომბოსტოს აყვავებული ყლორტი.

ბროკოლი, ანუ სატაცურა კომბოსტო იტალიაში ჯერ კიდევ ჩვენს წელთაღრიცხვამდე გაჩნდა. ის დიდი ხნის განმავლობაში ქვეყნის ფარგლებს გარეთ უცნობი იყო. მცენარის შესახებ პირველი ცნობები საფრანგეთში მე-16 საუკუნით თარიღდება, აშშ-ში კი ბროკოლი მხოლოდ მე-20 საუკუნის დასაწყისში „გაიცნეს“.

ბროკოლის კალორიულობა და შემადგენლობა

ბროკოლის კალორიულობა 100 გრამ პროდუქტზე არის 28 კკალორია. მოხარშულში - 35 კკალორია. გაყინულის - 23 კკალორია.

ბროკოლი შეიცავს ცილებს, ცხიმებს, ნახშირწყლებს, ნაცარს, წყალს. ვიტამინებს: А (კომბოსტოს სახეობებს შორის ამ ვიტამინის შემცველობით „რეკორდსმენია“),С, В1, В2, В5, В6, РР, Е, К; უჯრედისს, კალიუმს, ფოსფორს, კალციუმს, მაგნიუმს, რკინას, თუთიას, მანგანუმს, გოგირდს, ფოლიუმის მჟავას, ბეტა-კაროტინს.

ბროკოლი კალციუმის შემადგენლობით ტოლს არ უდებს რძეს – 100 გრამ მოხარშულ კომბოსტოში არის 180 მილიგრამი კალციუი მაშინ, როცა 100 გრამ რძეში მისი რაოდენობა 120 მილიგრამია; შეიცავს რკინის დღიური ნორმის 10%–ს (ნორმაა 18 მილიგრამი, ბროლოლი შეიცავს 1,8 მილიგრამს); შეიცავს С–ვიტამინის თითქმის 100% დღიურ ნორმას – 89,2 მილიგრამი, დღიური ნორმაა 90 მილიგრამი დღეში.

ბროკოლის სასარგებლო თვისებები

ბროკოლი შესანიშნავი დიეტური პროდუქტია ისეთი დაავადებების პროფილაქტიკისა და მკურნალობისთვის, როგორიცაა ონკოლოგიური, გულ-სისხლძარღვთა დაავადებები, ნერვული აშლილობები, კუჭ-ნაწლავის სისტემის დაავადებები, ნივთიერებათა ცვლის დარღვევა, პოდაგრა.

ბროკოლი კიბოს წინააღმდეგ

ბროკოლიდან გამოყვეს ანეტოლ-ტრიტიონი, რომელიც ამცირებს სწორი ნაწლავისა და მკერდის კიბოს დაავადებების შემთხვევებს.

იმის შესახებ, რომ ბროკოლი შესანიშნავი პროფილაქტიკური საშუალებაა კიბოს წინააღმდეგ, ცნობილი არცთუ დიდი ხნის წინ გახდა. ჯონ ჰოპკინსის კოლეჯის მედიკოსების მიერ ჩატარებული კვლევების შედეგად დადგინდა, რომ მცენარე შეიცავს განსაკუთრებულ ნივთიერება სულფორაფანს, რომელიც კლავს კუჭის ზოგიერთი სახეობის წყლულის გამომწვევ ბაქტერიებს, აბრკოლებს კუჭის კიბოს განვითარებას.

არაქისი, იგივე მიწის თხილი – სასარგებლო და მავნე თვისებები>>

უფრო მეტიც, სულფორაფანი იმ ბაქტერიებსაც ანადგურებს, რომლებიც ანტიბიოტიკებს არ ემორჩილება. ახლა მეცნიერები ცდილობენ  ამ ქიმიურ ნივთიერებაზე დაყრდნობით პრეპარატი შექმნან, რომელსაც ადამიანის ორგანიზმი ოპტიმალურად შეითვისებს.

ბროკოლის სხვა სასარგებლო თვისებები

ბროკოლს აქვს არა მხოლოდ კიბოს საწინააღმდეგო მოქმედება, არამედ ასევე ხელს უწყობს სისხლის შედედებას, ეფექტურია ათეროსკლეროზის საწინააღმდეგოდ, არის დამამშვიდებელი, გამხსნელი და ნაღვლმდენი საშუალება.

ბროკოლი ამცირებს ინფარქტებისა და ინსულტების რისკს. აძლიერებს სისხლძარღვების კედლებს, აფერხებს ქოლესტერინის დაგროვებას ორგანიზმში.

ბროკოლის სისტემატური გამოყენება აბრკოლებს ათეროსკლეროზის განვითარებას, ნაადრევ სიბერეს, მას ორგანიზმიდან გამოაქვს მძიმე ლითონების მარილები.

ბროკოლი მდიდარია უჯრედისით (ნედლი პროდუქტის 100 გრამზე 2,6 გრამი). ის წმენდს ნაწლავებს, აწესრიგებს მის მუშაობას. აქვს გამხსენლი ეფექტი და მისი რეგულარული მიღებით შესაძლებელია ქრონიკული შეკრულობისგან გათავისუფლება.

ასევე, კომბოსტოს ეს სახეობა ასტიმულირებს ნაღვლის გამოდევნას, აუმჯობესებს ღვიძლისა და ნაღვლის ბუშტის მუშაობას.

ბროკოლი აწესრიგებს სისხლში შაქრის შემცველობას. ის შეუცვლელი პროდუქტია პირველი და მეორე ტიპის შაქრიანი დიაბეტით დაავადებული ადამიანებისთვის. მის შემცველობაში არსებული სულფორაფანი, რომელიც წარმატებით ებრძვის კიბოს, ასევე ასტაბილურებს შაქრის დონეს.

ვიტამინი В1 არეგულირებს ნერვული სისტემის საქმიანობას. ამ ვიტამინის უკმარისობა კი აუარესებს ნერვული სისტემის, გულის, სისხლძარღვებისა და საჭმლის მომნელებელი სისტემის ფუნქციონირებას. ამიტომ ბროკოლი აუცილებელია იმ ადამიანების რაციონში, ვისაც აქვს ნერვული აშლილობები, არიან ზედმეტად გაღიზიანებული და აქვთ ცუდი მეხსიერება.

ბროკოლი შესანიშნავი პროდუქტია დასუსტებული ადამიანებისთვის, ორსულებისთვის, ბავშვებისა და ასაკოვანი ხალხისთვის.

აუცილებლად გასათვალისწინებელი რჩევები:

ბროკოლის მიღება შეიძლება ნედლი, მოხარშული, ორთქლზე დამზადებული და შემწვარი სახით. მას ასევე იყენებენ, როგორც ერთ-ერთ ინგრედიენტს სუპებში, სოუსებში, ომლეტებში, ბოსტნეულის გარნირებში.

ბროკოლი აუცილებლად უნდა კარგად გაირეცხოს - წყლის ჭავლით, რადგან მასში, შესაძლოა, მწერები იყვნენ დაბუდებული.

არარეკომენდებულია: ბროკოლის დამზადება მიკროტალღურ ღუმელში, გაყინულის გალღობა და შემდეგ ისევ გაყინვა, თბილ ადგილას შენახვა.

საჭმელად იყენებენ როგორც ყვავილედს, ისე ღეროს. ღერო უნდა გათალოთ კანისგან, და კანგაცლილი შემდეგ შეგიძლიათ დაამატოთ სუპში ან სხვა კერძში.

ბოლოკი – სასარგებლო, დიეტური და შემადგენლობით მდიდარი სამკურნალო მცენარე>>

ბროკოლის მოხარშვის წესი: ბროკოლი ჩაუშვით მდუღარე, მარილიან წყალში და ხარშეთ 5-7 წუთი. თუ გაყინული იყო, ხარშვის დრო 10-12 წუთამდე გაზარდეთ. მოხარშვის მერე გადაავლეთ ცივი წყალი, რადგან მასზე მაღალი ტემპერატურა კვლავ განაგრძობს გავლენას.

ორთქლზე მომზადებისას გასათვალისწინებელია, თუ როგორ მდგომარეობაში გინდათ მისი მიღება - თუ ხრაშუნა გსურთ, ორთქლზე მოამზადეთ 5-7 წუთი, თუ ისეთი, პირში რომ დნებოდეს - 12-15 წუთი.

შეგიძლიათ ასევე ბროკოლის ბლანშირება, ღუმელში გამოცხობა, და ნედლი სახით მიღება (სხვადასხვა სალათში).

ბროკოლს აქვს უკუჩვენებებიც

გაითვალისწინეთ: მისი მიღება ნედლი ან შემწვარი სახით არ შეიძლება კუჭის მაღალი მჟავიანობის დროს, კუჭქვეშა ჯირკვლის დაავადებებისას, გასტრიტისა და წყლულის დროს.

როდესაც ექიმის მიერ დანიშნული გაქვთ დიეტა, რომელიც უხეში უჯრედისის მიღებას გამორიცხავს.

იდეალური ქინოა – ჯანმრთელობის საწინდარი>>

ინდივიდუალური აუტანლობის დროს.

ბროკოლის შეწვისას გამოიყოფა კანცეროგენები და ორგანიზმში გროვდება, ამიტომ რჩევაა, არ შეწვათ ის ბევრი რაოდენობის ცხიმში და მაღალ ცეცხლზე.

59
თემები:
სასარგებლო რჩევები
მკერდი

რა იწვევს მკერდის ტკივილს: ხუთი მიზეზი

75
(განახლებულია 16:58 21.09.2020)
სარძევე ჯირკვლის ტკივილი, ანუ მასტალგია – სარძევე ჯირკვლის ფიზიოლოგიური შეშუპებაა. ზოგჯერ მკერდის ტკივილის მიზეზის ახსნა ვერ ხერხდება. ის შეიძლება იყოს ერთი ან მეტი ფაქტორით გამოწვეული, რომლის დადგენა და პრევენცია აუცილებელია.

გაგაცნობთ რამდენიმე მიზეზს, რამაც შესაძლოა მკერდის ტკივილი გამოიწვიოს. თუმცა, როგორი ტკივილიც არ უნდა გქონდეთ, აუცილებლად მიმართეთ მამოლოგს და ჩაიტარეთ შესაბამისი გამოკვლევა.

მასტოპათია

ერთ-ერთი გავრცელებული ტკივილია მასტოპათიით გამოწვეული ტკივილი. საწყის ეტაპზე ქალი მკერდის ტკივილს მენსტრუაციის დაწყების წინ განიცდის, რის შემდეგაც ტკივილი ინტენსიური და ხანგრლივი ხდება. მამოლოგთან ვიზიტი და საფუძვლიანი კვლევა დაგეხმარებათ აიცილოთ გართულება და კვანძების წარმოქმნა მკერდში.

ფეხმძიმობა

შეშუპებული მკერდი, მომატებული მგრძნობელობა და ტკივილი მკერდის არეში ფეხმძიმობის პირველი სიმპტომია. რაც უფრო მეტ ესტროგენს გამოიმუშვებს ქალის ორგანიზმი, მით სწრაფად იზრდება მკერდი. ეს პროცესი კი შესაძლოა მტკივნეული იყოს. უმჯობესია გინეკოლოგ-ენდოკრინოლოგს გაესინჯოთ.

ფიზიკური დატვირთვა

ფიზიკური დატვირთვის, ვარჯიშის შემდეგ შესაძლოა მკერდში ტკივილი იგრძნოთ, ამიტომ ვარჯიშის დროს აუცილებლად ჩაიცვით სპორტული ბიუსჰალტერი. კუნთები სარძევე ჯირკვლების ქვეშაა განლაგებული, ამიტომაც გრძნობთ დისკომფორტს მკერდის არეში. თუ ვარჯიშის შემდეგ დისკომფორტი და ტკივილი იგრძენით, ცოტა ხანი შეწყვიტეთ ვარჯიში. ხოლო თუ ტკივილი გახშირდა, აუცილებლად მიმართეთ ექიმს.

ბიუსტჰალტერი

ქალების უმეტესობას მისთვის შეუფერებელი, არასწორად შერჩეული ბიუსტჰალტერი აცვია. სასურველია თქვენი ზომის და თქვენზე იდეალურად მორგებული, ბუნებრივი ქსოვილის ბიუსტჰალტერი გეცვათ. არასწორად შერჩეული ბიუსტჰალტერი იწვევს ზურგის ტკივილს, კუნთების დაჭიმულობას და შეიძლება თავის ტკივილის მიზეზიც გახდეს.

კონტრაცეპტივები

ნებისმიერ ჰორმონალურ პრეპარტს შეუძლია მკერდში ტკივილი გამოიწვიოს. როგორც წესი, ჩასახვის საწინააღმდეგო აბები დიდი რაოდენობით შეიცავს ჰორმონებს. მაგრამ მათ არც ფარისებრი ჯირკვლის სამკურნალო მედიკამენტები ჩამოუვარდება. დროთა განმავლობაში უკუჩვენების ეფექტი იკლებს, მაგრამ ექიმს ტკივილის შესახებ მაინც უნდა მოუყვეთ.

 

75
თემები:
ჯანმრთელობა და სილამაზე
პატრული

შსს-ს 13 თანამშრომელს კორონავირუსი დაუდასტურდა, მათგან 10 შემთხვევა აჭარაში დაფიქსირდა

0
(განახლებულია 15:29 21.09.2020)
უწყების ცნობით, შესაბამისი დანაყოფების ყველა თანამშრომელი, ვისთანაც ინფიცირებულებს უშუალო კონტაქტი ჰქონდათ, თვითიზოლაციაში იმყოფებიან – თითოეულ მათგანს PCR-ტესტი ჩაუტარდათ.

თბილისი, 21 სექტემბერი  — Sputnik.  ბოლო 24 საათში კორონავირუსი  შინაგან საქმეთა სამინისტროს სხვადასხვა დანაყოფის 13 თანამშრომელს დაუდასტურდა,  მათგან 10 შემთხვევა აჭარაში დაფიქსირდა, ნათქვამია უწყების მიერ გავრცელებულ განცხადებაში. 

გავრცელებული ინფორმაციით, ორი შემთხვევა დაფიქსირებულია დაცვის პოლიციის დეპარტამენტში,  ერთი შემთხვევა გამოვლინდა შსს–ს  თბილისის საგანგებო სიტუაციების მართვის სამსახურში, ერთი შემთხვევა დაფიქსირდა დაცვის პოლიციის სამმართველოში. კორონავირუსი დაუდასტურდა სამეგრელოში განსაკუთრებული დავალებათა დეპარტამენტის მეორე სამმართველოს თანამშრომელსაც.

რაც შეეხება აჭარას,  ინფიცირების სამი შემთხვევა დადასტურდა  საპატრულო პოლიციის დეპარტამენტის ბათუმის სახაზო სამსახურში, ერთი ფაქტი დადასტურდა ბათუმის საგანგებო სიტუაციების მართვის სამსახურში, ერთი შემთხვევა გამოვლინდა აჭარის პოლიციის დეპარტამენტში, ერთი შემთხვევა დაფიქსირდა შინაგან საქმეთა სამინისტროს საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს დასავლეთ საქართველოს სამსახურში და ორი შემთხვევა გამოვლინდა განსაკუთრებულ დავალებათა დეპარტამენტის აჭარის სამმართველოში. 

„შენობებში, სადაც აღნიშნული პირები სამსახურებრივ მოვალეობას ასრულებდნენ, სრული დეზინფექცია ჩატარდა. 13-ვე თანამშრომელს უტარდება შესაბამისი მკურნალობა. მათი მდგომარეობა სტაბილურია“,- ნათქვამია შინაგან საქმეთა სამინისტროს ინფორმაციაში.

უწყების ცნობით, შესაბამისი დანაყოფების ყველა თანამშრომელი, ვისთანაც ინფიცირებულებს უშუალო კონტაქტი ჰქონდათ, თვითიზოლაციაში იმყოფებიან – თითოეულ მათგანს PCR-ტესტი ჩაუტარდათ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 193-ით გაიზარდა და 3695-ს მიაღწია. ინფიცირების შემთხვევებიდან 92 აჭარას უკავშირდება.

ამ დროისათვის სულ გამოჯანმრთელდა 1534 ადამიანი. გარდაიცვალა 20. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

0
თემები:
COVID-19 საქართველოში