წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
21 ივნისი - 1 ივლისი
21 ივნისი - 1 ივლისის პერიოდი კირჩხიბის ნიშნის პირველ დეკადას განეკუთვნება.
ამ დეკადას ვენერა მართავს, რომელიც ამ პერიოდში დაბადებულებს განსაკუთრებულ მაგნეტიზმს, სილამაზეს, დამყოლ ხასიათსა და მომხიბვლელობას ანიჭებს. ეს ადამიანები კარგი მეოჯახეები არიან, ძალზე დამოკიდებული არიან ახლობლებზე და პატივს სცემენ ოჯახურ ტრადიციებს.
მნიშვნელოვანი წლებია: 25, 50, 75.
ამ დეკადაში დაბადებულთა სიმბოლოა ტიტა.
ამ პერიოდში დაბადებულებს საკმაოდ რთული ხასიათი აქვთ. ეს ხდება უსიამოვნებების მიზეზი სასიყვარულო ურთიერთობებში. ზედმეტი სიამაყე მათ ხელს უშლის შერიგებისკენ პირველი ნაბიჯის გადადგმაში მაშინაც კი, როცა თავად ტყუიან. ამ პერიოდში დაბადებულები ძალზე მგრძნობიარე და იმპულსური არიან. ეს მოქმედებს ადამიანებთან ურთიერთობებზე, ამიტომ მათ თავიანთი ემოციების გაკონტროლება უნდა ისწავლონ. ბედნიერებისა და კეთილდღეობის მისაღწევად მათ უნდა იფიქრონ თავიანთ ნაკლოვანებებზე, სისუსტეებზე, ხშირად გააანალიზონ საკუთარი საქციელი, ემოციები და იმუშაონ განვითარებაზე.
24 ივნისს დაბადებულები
24 ივნისს განსაკუთრებული ხიბლისა და ენერგეტიკის მქონე ადამიანები იბადებიან, რომლებიც იზიდავენ ადამიანებს და მათზე მომაჯადოებელ გავლენას ახდენენ. არიან ენამჭევრნი, მომხიბვლელნი, მათი სასიყვარულო მგზნებარება რამდენიმე ქორწინებას ეყოფა, რაც ხშირადაც ხდება. მათში დიდი პოტენციალია შემოქმედების, მუსიკისა და ლიტერატურის, ასევე, ეს პოტენციალი შეიძლება გამოვლინდეს რელიგიასა და მკურნალობაში. მათი ფინანსური საქმეები ხშირად ბრწყინვალე გამარჯვებებით სრულდება.
24 ივნისს დაბადებულები სამუშაოს ძალზე გულმოდგინებით ეკიდებიან. მორალურად ძლიერი და მეტად ინტელექტუალური პიროვნებები თავიანთ ძალებს შემოქმედებითი პროექტებისკენ მიმართავენ. საქმეს გააზრებულად, გონივრულად და დიდი ენთუზიაზმით ასრულებენ. აქვთ უნარები და ოსტატობა, რომლებიც მათი თვითრეალიზაციის ინსტრუმენტებია, საკუთარი ინდივიდუალობის გამოხატვის, ავტორიტეტისა და პოპულარობის მოპოვების საშუალება.
სულიერად უფრო განვითარებული პიროვნებები ზნეობრივი იდეალების მიღწევის გზაზე დგებიან, მათი ცხოვრება სიკეთითა და პატივისცემით არის სავსე. ვინც სრულყოფისკენ არ ისწრაფვის, მათთვის კონფლიქტური სიტუაციები ჩვეულებრივი რამ ხდება, მათი ცხოვრება პირველობისთვისა და უპირატესობისთვის ბრძოლის ფონზე მიედინება.
სახალისო „შპარგალკა“ ზოდიაქოს თითოეული ნიშნის ქალებისთვის>>
ამ დღეს დაბადებულები მიზანმიმართულად მიემართებიან თვითდისციპლინისკენ, კონცენტრირების საოცარი უნარი აქვთ. ხშირად, ორმოცი წლის ზღურბლზე, მათ ცხოვრებაში კრიზისული პერიოდი დგება. ამ დროს უყვართ ფიქრი და საყვარელი საქმის მარტოობაში კეთება. ახლობლებმა ეს უნდა გაითვალისწინონ და მათი მარტოობა არ დაარღვიონ. სწორედ ოჯახურ სიმყუდროვეში შეუძლიათ ამ დღეს დაბადებულ შემოქმედებით ადამიანებს შედევრების შექმნა, მნიშვნელოვანი შედეგების მიღება. მათთვის ოჯახური სითბოს გარეშე ცხოვრებას აზრი არა აქვს.
ჯანმრთელობა
მუდმივად შეყვარებულ მდგომარეობაში ყოფნას 24 ივნისს დაბადებულების ჯანმრთელობისთვის ზიანის მოტანა შეუძლია. მათთვის რეკომენდებულია მედიტაცია, რომ გონება ფიქრებისა და მძიმე ემოციებისგან გაათავისუფლონ, სხეული კი - ფიზიკური პრობლემებისგან. გამოსავალი დაბალანსებული დიეტის დაცვა - საკვების რეგულარული მიღება ამცირებს აგრესიას, განსაკუთრებით, თუ რაციონიდან ხორცი და შაქარია ამოღებული.
რჩევა:
შეაფასეთ საკუთარი ქმედებების შედეგები მორალური თვალსაზრისით, ობიექტურად და მიუკერძოებლად, ნუ უგულებელყოფთ საზოგადოებრივ ფასეულობებს. მოერიდეთ ზედმეტ მარტოობასა და თვითიზოლაციას.
