პლანეტა მერკური

მერკური უკუსვლას იწყებს: რა გავლენას მოახდენს რეტროგრადული პლანეტა და როგორ ვიმოქმედოთ

782
(განახლებულია 13:08 17.06.2020)
2020 წელი კაცობრიობისთვის საკმაოდ მძიმე აღმოჩნდა. კიდევ გველოდება საშიშროებები, კერძოდ, ივნისის მეორე ნახევარში, რაც შეიძლება მერკურის უკუსვლასა და მზის დაბნელებას უკავშირდებოდეს. ასტროლოგების რჩევები უსიამოვნებების თავიდან აცილებაში დაგვეხმარება

პლანეტების რეტროგრადულობა აპრიორი ნეგატიურ ასტროლოგიურ პროცესად არის მიჩნეული, მაგრამ ყველა პლანეტა ერთნაირად საშიში არაა ასეთ მდგომარეობაში.

რეტროგრადული მერკური, თუ მას დედამიწიდან შევხედავთ, თითქოს შემობრუნდება და საწინააღმდეგო მიმართულებით დაიწყებს მოძრაობას. რა თქმა უნდა, ორბიტიდან ის არ გადადის: მისი გზა კოსმოსურ სივრცეში უცვლელია. ტრაექტორიის ხილული დამახინჯება - ეს პლანეტების ორბიტებში სხვაობისა და მზის ირგვლივ მოძრაობის სისწრაფეში განსხვავების შედეგია.

მეტად გასაგები რომ იყოს, პლანეტების რეტროგრადული მოძრაობა ორ მოძრავ ობიექტს შეიძლება შევადაროთ - ავტომობილსა და ველოსიპედს. რა თქმა უნდა, ავტომობილის სიჩქარე უფრო მაღალია, ვიდრე ველოსიპედის. ამიტომ როდესაც ავტომობილი ეწევა ველოსიპედს და უსწრებს მას, ავტომობილში მჯდომს უჩნდება შეგრძნება, რომ ველოსიპედი უკან მოძრაობს, თუმცა ეს ასე არაა - ველოსიპედიც მოძრაობს, მაგრამ გაცილებით ნელა. ასეა პლანეტების შემთხვევაშიც.

უკუსვლის დროს ყველაზე საშიშად მიჩნეულია პლანეტები, რომლებიც ყველაზე ახლოს არიან განლაგებული დედამიწასთან, კერძოდ, ვენერა (ამჟამად რეტროგრადულია), მარსი და მერკური. სწორედ ეს უკანასკნელი დაიწყებს რეტროსვლას 18 ივნისს ტყუპის ნიშანში.

ამ პლანეტების ზემოქმედება ცალკეულ ადამიანებზე და ზოგადად, კაცობრიობაზე უკიდურესად ძლიერია მიუხედავად იმისა, რომ მათი ზომა დედამიწის ზომასთან ახლოსაა. ზოგადად, მიიჩნევა, რომ რაც უფრო პატარაა პლანეტა, მით უფრო მეტია მისი ფარული, სწრაფი და დინამიკური გავლენა ადამიანებზე.

2020 წელს ბევრი რეტროგრადული პლანეტა იქნება, მაგრამ ასტროლოგები განსაკუთრებულ ყურადღებას ყოველთვის მერკურის უთმობენ. მისი უკუსვლა ყველაზე ნეგატიურად მოქმედებს ისეთ სფეროებზე, როგორიცაა სწავლა, ურთიერთობები, ფინანსები და სამუშაო.

ზოგადად, მერკური რეტროგრადული წელიწადში 3-4-ჯერ არის, დაახლოებით ოც-ოცი დღის განმავლობაში. ამ წელიწადში ის რეტროგრადული იყო 17 თებერვლიდან 10 მარტამდე,

18 ივნისიდან გასაკუთრებული ყურადღება უნდა დავუთმოთ ფინანსურ საქმეებსა და სამუშაოს. ვალდებულებების შესრულება ძალიან გართულდება, ამიტომ სჯობს, არაფერი გადავდოთ სამომავლოდ. სანამ მერკური რეტროგრადულია, ნებისმიერმა წვრილმანმა, შესაძლოა, ჩააგდოს გეგმა, გამოიწვიოს გაუგებრობები.

ასტროლოგია და კარანტინი – ზოგადი ტენდენციები ზოდიაქოს ნიშნებისთვის>>

გაჭირდება საერთო ენის გამონახვა ადამიანებთან, რადგან მერკური ტყუპის ნიშანში იქნება. ჩვეულებრივ მდგომარეობაში ის დაეხმარებოდა ადამიანებს რთული საკითხების გადაწყვეტაში, ახლა კი ყველაფერი პირიქით იქნება.

მერკურის რეტროგრადულობის პერიოდში აჯობებს, თუ ყურადღებას ზედმეტად არ გავამახვილებთ ფინანსურ ან სამუშაო საკითხებზე. სასურველია, არ გავემგზავროთ შორს. საჭიროა მეტი დასვენება, ნაკლები დაღლა. ასტროლოგები გვირჩევენ, გავერთოთ შეძლებისდაგვარად, არ დავივიწყოთ სულიერი კომფორტი და ძალების აღდგენა.

მერკური პასუხისმგებელია არა მხოლოდ ფინანსურ სფეროზე, როგორც ზოგადად არის მიჩნეული, არამედ ასევე საინფორმაციო ნაკადებზე, ადამიანების ერთმანეთთან ურთიერთობების სურვილზე. რეტროგრადულ მდგომარეობაში კი ის საშიშია იმ ადამიანებისთვის, რომლებიც დაუფიქრებელ გადაწყვეტილებებს იღებენ, რისკავენ ფულთან, ჯანმრთელობასთან და თავიანთ მდგომარეობასთან დაკავშირებით.

როგორ მოქმედებს მთვარის ფაზები ადამიანის ენერგეტიკაზე>>

რეტრომერკურის პერიოდში სასურველია, არ გავრისკოთ და თავი საფრთხეში არ ჩავიგდოთ, არ დავხარჯოთ ზედმეტად ფული, არავის მივცეთ ფუჭი დაპირებები. ის ართულებს სწავლის პროცესს, ძნელდება ინფორმაციის დამახსოვრება, იკლებს ცოდნის მიღებისკენ სწრაფვა. განსაკუთრებით საშიშა რეტრომერკური ვერძის, კუროსა და ლომის ნიშანში.

რისი გაკეთება შეიძლება და რისი არა რეტროგრადული მერკურის დროს

მერკურის უკუსვლის პერიოდში ასტროლოგები სიფრთხილისკენ მოგვიწოდებენ.

რისი გაკეთება შეიძლება:

რეტრომერკურის პერიოდში იმ საქმეების სია, რომელთა გაკეთებაც შეიძლება, საკმაოდ ფართოა. მნიშვნელოვანია წესების დაცვა, აუჩქარებლობა და იმპულსურ გადაწყვეტილებებზე უარის თქმა.

  • დაკარგული კავშირების აღდგენა, კონტაქტები მოგვარება მეგობრებთან და კოლეგებთან
  • სამუშაოსა და სხვა საქმეების დასრულება
  • წარსულში რთული საკითხების გადაჭრასთან დაბრუნება
  • უკვე დაწყებული და დაუსრულებელი საქმეების დასრულება, განსაკუთრებით იმ საქმეების, რომლებიც ადრე რთულად გეჩვენებოდათ, ან ძალიან ნელა მიიწევდა წინ
  • ბიზნეს–სფეროს საქმეების გარკვევა, ვაჭრობასა და საშუამავლო საქმინობასთან დაკავშირებული საკითხების გადაწყვეტა
  • დოკუმენტებში კორექტივების შეტანა
  • ტექნიკის, მათ შორის, ავტომობილის რემონტი
  • დოკუმენტების მოწესრიგება, სურვილის მიხედვით, კრიტერიუმებით დალაგება
  • ძველ ნაცნობებთან და შორეულ ნათესავებთან კონტაქტი
  • სწავლის მხრივ განვლილი მასალის გამტკიცება
  • გეგმების შედგენა, იდეების გააზრება, თუმცა, ახალი საქმეების დაწყება მას შემდეგ სჯობს, რაც მერკური ჩვეულებრივ სვლას დაუბრუნდება (12 ივლისს)

სავარაუდოდ, წარუმატებელი იქნება:

  • შესაძლებელია ჩავარდნები მოლაპარაკებებში, საქმეების წარმოებაში. მცირდება საქმიანი აქტიურობა, ამიტომ არ ღირს პანიკაში ჩავარდნა და სიტუაციის გამოსწორების მცდელობა. როდესაც მერკური ჩვეულებრივ სვლას დაუბრუნდება, ყველაფერი მოგვარდება.
  • არ არის გამორიცხული საქმიანი ურთიერთობების შეწყვეტა
  • სჯობს, გადადოთ იმ დოკუმენტებზე და შეთანხმებებზე ხელმოწერა, რომლებიც პლანეტის რეტროსვლის დაწყების დროს დაიწყეთ. თუ გადადება არ ხერხდება, დაკვირვებით შეისწავლეთ ყველა დეტალი, არ აჩქარდეთ.
  • არასასურველია მნიშვნელოვანი გადაწყვეტილებების მიღება
  • გადაამოწმეთ ნებისმიერი გადახდის ქვითარი.
  • არ ღირს დოკუმენტების გაფორმების დაწყება. დიდია ჩავარდნის ალბათობა.
  • არ დაიწყოთ ახლის სწავლა, მხოლოდ განაგრძეთ უკვე დაწყებულის შესწავლა.
  • თითოეული ინფორმაცია განსაკუთრებული ყურადღებით შეამოწმეთ, არ გამოგეპაროთ ერთი შეხედვით უმნიშვნელო წვრილმანიც კი. იზრდება ცრუ ინფორმაციების ალბათობა.
  • არ ღირს ახალი გაჯეტების (ტელეფონი, პლანშეტი, კომპიუტერი) ყიდვა – შეიძლება იმედი გაგიცრუვდეთ.
  • მერკური ვაჭრობის მფარველი პლანეტაა, ამიტომ მისი უკუსვლა დაბრკოლებებს შეუმნის ამ სფეროს.
  • არასასურველია ხანგრძლივი მოგზაურობა, მივლინებები.
  • მძღოლებმა უნდა დაიცვან საგზაო მოძრაობის წესები და თუ შესაძლებელია, საერთოდ უარი თქვან შორეულ მგზავრობაზე.
  • არავითარ შემთხვევაში არ ღირს აჩქარება. სულ უმნიშვნელო საქმეც კი განსაკუთრებულ ყურადღებას მოითხოვს.
782
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

115
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

115
ნახევარმთვარე

მთვარის კალენდარი: 14 ივლისი რისი გაკეთება შეიძლება და რისი არა

20
(განახლებულია 11:37 13.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 ივლისი, სამშაბათი. ამ დღეს მარსი მართავს. კლებადი მთვარე კუროს ნიშანშია.

ესაა პროვოკაციებისა და ცდუნებების, ასევე მონანიების, პატიების დღე. ძალიან დიდ სარგებელს მოიტანს ამ დღეს სახლის საფუძვლიანი დალაგება, გაწმენდა, ზედმეტი ნივთების გადაყრა.

არასასურველი დღეა ურთიერთობებისთვის.

რეკომენდებულია: მარტივი საკითხების გადაჭრა, ადრე დაწყებულის დასრულება, აზრის მარტივად, მინიშნებების გარეშე გამოთქმა და საერთოდ, სჯობს ნაკლები ლაპარაკი და ურთიერთობები, შინაგანი სიმშვიდისა და წონასწორობის გამოხატვა, ხალხმრავალი ადგილებისგან თავის შორს დაჭერა, სიმტკიცის გამოჩენა.

არარეკომენდებულია: ბიზნესის საქმეები, რამე მნიშვნელოვანის გაკეთება, მოლაპარაკებები, საკუთარი აზრებისა და იდეების გაზიარება.

მოგზაურობისთვის არახელსაყრელი დღეა. სჯობს, შორ გზას არ დაადგეთ.

კუროს ნიშანი სიყვარულისთვის კარგი დროა. ამ დღეს ქალები განსაკუთრებით მომხიბლავი ხდებიან. ამ დღეს დაწყებული რომანი, დიდი ალბათობით, დიდხანს გასტანს და სტაბილური იქნება.

თმის შეჭრა, შეღებვა: კუროს დღეები კარგია სალონში ვიზიტისთვის. თმა კარგად გაიზრდება და გაუმჯობესდება მისი მდგომარეობა.

არახელსაყრელი დღეა ნიღბების გასაკეთებლად.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

მებაღეობა: კურო ნაყოფიერი ნიშანია. დასაშვებია მცენარეების დარგვა–გადარგვა, ფორმის მიცემა, მავნებლებთან (მღრღნელებთან) ბრძოლა.

მთვარის კალენდარი მებაღეებისთვის: 2020 წლის ივლისი>>

უნდა შეზღუდოთ ნიადაგის დატენიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.

20