თბილისი

11 ივნისს დაბადებულები ზოდიაქო, დახასიათება, რჩევები

56
(განახლებულია 11:38 11.06.2020)
გაეცანით 11 ივნისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

11-20 ივნისი

11-20 ივნისის პერიოდი ტყუპის ნიშნის მესამე დეკადას განეკუთვნება.

ამ დეკადას მთავარი პლანეტა – მზე მართავს, რომელიც ამ პერიოდში დაბადებულებზე დიდ გავლენას ახდენს. ეს ადამიანები უზარმაზარი ფიზიკური და სულიერი ძალით გამოირჩევიან, მაგრამ, ჩვეულებრივ, იმპულსური, თავშეუკავებელი და უხეში არიან.

მნიშვნელოვანი წლებია: 10, 20, 30, 40, 50, 60, 70, 80.

ამ დეკადაში დაბადებულთა სიმბოლოა ზიზილა.

ეს ადამიანები ძალზე საზრიანი არიან, მაგრამ რომანტიზმის შეგრძნება სრულიად არ გააჩნიათ. ისინი ხშირად ეჭვობენ, სანამ რაიმეს გააკეთებენ. მათ შორის თითქმის არ გვხვდებიან ისეთი ადამიანები, რომლებიც სარისკო საქმიანობისკენ ისწრაფვიან. მათ უყვართ მშვიდი ვითარება, სიჩუმე და ოჯახური სიმყუდროვე. ცხოვრებისეული წარმატების მისაღწევად სჭირდებათ თავდაჯერებულობა. ამ ადამიანებმა უნდა ისწავლონ ადამიანებთან ურთიერთობები, იყვნენ უფრო აქტიური და თამამი.

11 ივნისს დაბადებულები

11 ივნისს დაბადებულები მიზანსწრაფული, შეუპოვარი და დიპლომატიური ადამიანები არიან. მათ ნებისმიერი თანამოსაუბრის მოხიბვლის უნარი გააჩნიათ. ისინი ნებისყოფიანი, მტკიცე ადამიანები არიან, რომელთაც ცივი გონების, სიმშვიდის შენარჩუნება ნებისმიერ სიტუაციაში შეუძლიათ; არასდროს ვარდებიან პანიკაში, ხელს არასდროს იქნევენ საქმეზე, არამედ მშვიდად იღებენ სწორ გადაწყვეტილებებს. შეიძლება ითქვას, რომ იღბლიანი და ბედნიერი ადამიანები არიან. მათ თავიანთ საქმიანობად, სჯობს, სამსახიობო ან დიპლომატიური სფეროები შეარჩიონ.

ამ დღეს დაბადებულები გაბედული და მამაცი ადამიანები არიან დიპლომატიური თვისებებით, რაც მათ ნებისმიერი დაბრკოლების გადალახვაში ეხმარება. ზოგჯერ გარშემომყოფებს რჩებათ შთაბეჭდილება, რომ ისინი მტრულად განწყობილი პიროვნებები არიან, რომლებიც ზედმეტად აფასებენ საკუთარ შესაძლებლობებსა და ძალებს. მაგრამ, თუ ყურადღებით დავაკვირდებით, ისინი მდიდარი წარმოსახვის მქონე, მშრომელი ადამიანები არიან, რომლებიც თავიანთ საქმეს მთელი სულითა და გულით ასრულებენ. არიან ფართო შეხედულებების მქონე, ისწრაფვიან ყოველი ახლის, განსაკუთრებით ტექნოლოგიებისა და ინოვაციების შეცნობისკენ, განვითარების, სრულყოფისკენ. არ ეშინიათ საფრთხეების, პირიქით, მეტი სტიმული ეძლევათ და როდესაც დასახული მიზნისკენ მიდიან, ნებისმიერ ბარიერს ლახავენ. ეს ეხება ნებისმიერ სფეროს – ბიზნესს, განათლებას, დასვენებას, სპორტს, სექსუალურ თუ ოჯახურ ურთიერთობებს...

11 ივნისს დაბადებულები ოცნებებითა და იმედებით ცხოვრობენ, რომლებსაც დროთა განმავლობაში მაინც ასხამენ ხორცს. საქმიანობის ნებისმიერ სფეროში ისინი ღრმად წვდებიან საგნის არსს, იკვლევენ მას; სურთ თავიანთი ცოდნის გაღრმავება. მიზნისკენ სწრაფვისას მათი ცხოვრებისეული პრინციპია „სჯობს, ფეხზე მოკვდე, ვიდრე დაჩოქილმა იცოცხლო“. მათ ყველაფერში უყვართ სისწრაფე, მეტოქეობა და მარცხზე არ ფიქრობენ. ამ ადამიანებისთვის მთავარია კონკურენციაში მონაწილეობა და არა გამარჯვება, თუმცა, ხშირად იმარჯვებენ კიდეც.

ისინი წარმატებებს აღწევენ თავიანთი ინდივიდუალობისა და ნებისყოფის წყალობით, მაგრამ, ასევე, საერთო საქმის კეთებისას ითვალისწინებენ სხვების მოსაზრებებს. ამიტომ ეს ადამიანები იმსახურებენ გარშემომყოფთა პატივისცემასა და სიყვარულს. მათი უარყოფითი თვისებაა ზედმეტი ამპარტავნება და ქედმაღლობა გარშემომყოფების მიმართ. ეს ადამიანები უნდა ებრძოლონ ეგოიზმს და განივითარონ თანაგრძნობის უნარი.

ჯანმრთელობა

11 ივნისს დაბადებულები დიდი ენერგიულობითა და მოძრაობით გამოირჩევიან. მაგრამ რადგან ხშირად არ იცავენ კვების რეჟიმს და სულ ეჩქარებათ, ჯანმრთელობის პრობლემები უჩნდებათ. ჯანმრთელობისა და შრომისუნარიანობის შენარჩუნებაში მათ სწორი კვება და ცხოვრების ჯანმრთელი წესის დაცვა დაეხმარება. აუცილებლად უნდა დაუთმონ ყურადღება პირად ცხოვრებასა და დასვენებას. მხოლოდ სრულფასოვანი ცხოვრება მოუტანს მათ ჰარმონიას, ენერგიასა და ჯანმრთელობას.

რჩევა:

გაუფრთხილდით და დააფასეთ გარშემომყოფების გრძნობები. ისწავლეთ თავშეკავება, იყავით მომთმენი. ზედმეტი ამბიციები და ამპარტავნება საზოგადოების მხრიდან მტრულ დამოკიდებულებას იწვევს.

56
ქალი

შევარჩიოთ ჩანთა ზოდიაქოს ნიშნის მიხედვით: პროფესიონალების რჩევები

21
(განახლებულია 16:21 13.07.2020)
მოდა იცვლება, მაგრამ როგორიც არ უნდა იყოს ახალი კოლექცია, მათ შორის მაინც შეიძლება იმ განსაკუთრებული ჩანთის პოვნა, რომელზეც ქალი იტყვის „საჩემოა“

ჩანთა ერთ–ერთი უმნიშვნელოვანესი აქსესუარია ქალის გარდერობში და გარდა იმისა, რომ მას აუცილებელი პრაქტიკული დანიშნულება აქვს, ის ასევე ხაზს უსვამს ადამიანის ინდივიდუალობასა და ხასიათს.

როგორი ჩანთა შეეფერება ზოდიაქოს თითოეული ნიშნის ქალებს, როგორს ანიჭებენ ისინი უპირატესობას – ამის შესახებ გაეცანით ექსპერტების მოსაზრებას.

ვერძი

ვერძი ავანტიურისტია თავისი ბუნებით. ხანდახან ძნელად განსაჭვრეტია, რით დამთავრდება საღამო და საით წაიყვანს მას მოვლენების მთელი რიგი. ამ ნიშნის ქალებს ყველაზე მეტად ტევადი ჩანთა მიესადაგება, სადაც მოათავსებენ კბილის ჯაგრისს, ფეხსაცმელს, თმის ლაქს და საყვარელი სუნამოს ფლაკონს. ვერძების ცხოვრება ხომ სიურპრიზებითაა სავსე, ამიტომ ნუ გაიფუჭებთ განწყობას პატარა ჩანთით.

კურო

კუროებმა აქცენტი დეტალებზე უნდა გააკეთოთ. თუ რესტორანში ან წვეულებაზე მიდიხართ, შავი პატარა ჩანთა დაგჭირდებათ. თუ შოპინგზე მეგობართან ერთად – დიდი ჩანთა, რომელსაც თავისი „ეშხი“ ექნება – განსაკუთრებული ფერი ან ორნამენტი. მთავარია, რომ შინაგანად გრძნობდეთ, რომ ნივთი უნიკალურია, საინტერესო და გარშემომყოფების ყურადღებას იპყრობს.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

ტყუპი

ტყუპებმა ბოლომდე თავადაც არ იცით, რა გსურთ. მიზეზი მარტივია: ერთი მხრივ, თქვენში მოკრძალებული ნატურა ცხოვრობს, რომელიც მოდის ბოლო ტენდენციებს მისდევს, ხოლო მეორე მხრივ – მეამბოხე, რომელსაც თვითგამოხატვის სურვილი არ ასვენებს. თქვენი ხასიათის გათვალისწინებით შეარჩიეთ ორფერიანი ჩანთები. თქვენი განწყობის ცვალებადობის მიუხედავად, არის შანსი, რომ ჩანთის ფერი გაგახარებთ.

კირჩხიბი

კირჩხიბები არ ჩქარობთ, რომ თითოეული ადამიანის წინაშე გული გახსნათ – ეს თქვენთვის საინტერესო არაა. თუმცა ნივთების საშუალებით თავის წარმოდგენა გიყვართ. საჭიროა არაა, ეს რამე მყვირალა და ორიგინალური იყოს, უფრო დახვეწილი, ნატიფი და უჩვეულო იქნება. მაგალითად, საშუალო ზომის „დუტის“ ჩანთა.

ლომი

ლომებს ყურადღების გარეშე ყოფნა არ შეგიძლიათ, ამიტომ ყველაფერს აკეთებთ, რომ ყურადღება მიიქციოთ, მათ შორის, ტანსაცმლისა და აქსესუარების გამოყენებით. მოგიხდებათ ლითონით დამშვენებული კაშკაშა ფერის ჩანთები. ეს გარშემომყოფების ყურადღებას მიიპყრობს.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

ქალწული

ქალწულები, თუ არ მოგწონთ, მოდის გამო ჩანთას არ იყიდით – უფრო საკუთარ თავს მოუსმენთ და რამე უნივერსალურს, საიმედოს და ვინტაჟურსაც კი შეარჩევთ. ჩანთის ფერი ისეთი იქნება, რომ ნებისმიერ სამოსს მოუხდეს, ზომა კი – იმაზე დამოკიდებული, თუ რა მიზნით ყიდულობთ მას.

სასწორი

ზოდიაოქს ნიშანი თვითონ მეტყველებს ყველაფერზე – სასწორები დიდხანს წონიან დასკვნებს, სანამ არჩევანს გააკეთებენ. ამასთან, გადაწყვეტილება სრულიად მოულოდნელია ხოლმე. მაგალითად, თუ არჩევენ ჩანთას – წითელი აიღონ თუ ნაცრისფერი, უეცრად თვალს მოჰკრავენ დამაჯერებლი ზომის ჩანთა–საქაღალდეს და არჩევანს მასზე აჩერებენ. აქ წინასწარ ვერასდროს გამოიცნობთ. უბრალოდ, მოუსმინეთ საკუთარ თავს.

მორიელი

მორიელის გარდერობში იდეალურად ჩაეწერება რთული შეფერილობის ჩანთა აქტუალური პალიტრიდან. ეს შეიძლება იყოს ტყავის ან ზამშის ჩანთა, ოღონდ უნიკალური და თავისი საოცარი პეწით. ასეთი ჩანთების შეხამება სხვადასხვა სტილის ნივთებთან შეიძლება. თუმცა, მორიელები თავადაც შესანიშნავად ერკვევიან ამაში – გემოვნების „დეფიციტი“ არა აქვთ.

როგორია თქვენი აურის ფერი ზოდიაქოს ნიშნის მიხედვით>>

მშვილდოსანი

მშვილდოსნებს ორიგინალური ნივთები უყვართ, მათ შორის სხვადასხვა მორთულობა. გამონაკლისი არც ჩანთაა. ფერი და ზომა სხვადასხვა შეიძლება იყოს, მთავარია, რომ ხაზი გაუსვას თქვენს ორიგინალობასა და გადმოსცეს განუმეორებელი გემოვნება.

თხის რქა

თხის რქები ყველაფერში პრაქტიკულობას აფასებენ: ს ეხება როგორც ფინანსურ საკითხებს, ისე ნივთების შერჩევას. ამ ნიშნისთვის იდეალური ვარიანტია ნატურალური ტყავის ჩანთა. ჯერ ერთი, დიდხანს ძლებს, მეორეც – ყოველთვის მოდური და ესთეტიკურია.

მერწყული

ამ ნიშნის წარმომადგენლებს ექსპერიმენტებისა არ ეშინიათ. მათ „არსენალში“ შეიძლება შეგხვდეთ ნოუთბუქისთვის განკუთვნილი ან მყვირალა ლიმონისფერი ჩანთა, მაგრამ სრულიად ჩვეულებრივს ვერაფერს აღმოაჩენთ. განაგრძეთ ექსპერიმენტების ჩატარება და ირგვლივ მყოფთა გაოცება.

რომელი ფერია თქვენთვის ბედნიერებისა და წარმატების მომტანი ზოდიაქოს ნიშნის მიხედვით>>

თევზები

თევზები არ უშინდებიან სიახლეებს და ამიტომ ადვილად შეუძლიათ რამე მოულოდნელი, უჩვეულო მოსინჯონ, მაგალითად, კასრის ფორმის ჩანთა – ეს იდეალური გადაწყვეტილებაა ამ ნიშნის ქალებისთვის.

21
ნახევარმთვარე

მთვარის კალენდარი: 14 ივლისი რისი გაკეთება შეიძლება და რისი არა

14
(განახლებულია 11:37 13.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

14 ივლისი, სამშაბათი. ამ დღეს მარსი მართავს. კლებადი მთვარე კუროს ნიშანშია.

ესაა პროვოკაციებისა და ცდუნებების, ასევე მონანიების, პატიების დღე. ძალიან დიდ სარგებელს მოიტანს ამ დღეს სახლის საფუძვლიანი დალაგება, გაწმენდა, ზედმეტი ნივთების გადაყრა.

არასასურველი დღეა ურთიერთობებისთვის.

რეკომენდებულია: მარტივი საკითხების გადაჭრა, ადრე დაწყებულის დასრულება, აზრის მარტივად, მინიშნებების გარეშე გამოთქმა და საერთოდ, სჯობს ნაკლები ლაპარაკი და ურთიერთობები, შინაგანი სიმშვიდისა და წონასწორობის გამოხატვა, ხალხმრავალი ადგილებისგან თავის შორს დაჭერა, სიმტკიცის გამოჩენა.

არარეკომენდებულია: ბიზნესის საქმეები, რამე მნიშვნელოვანის გაკეთება, მოლაპარაკებები, საკუთარი აზრებისა და იდეების გაზიარება.

მოგზაურობისთვის არახელსაყრელი დღეა. სჯობს, შორ გზას არ დაადგეთ.

კუროს ნიშანი სიყვარულისთვის კარგი დროა. ამ დღეს ქალები განსაკუთრებით მომხიბლავი ხდებიან. ამ დღეს დაწყებული რომანი, დიდი ალბათობით, დიდხანს გასტანს და სტაბილური იქნება.

თმის შეჭრა, შეღებვა: კუროს დღეები კარგია სალონში ვიზიტისთვის. თმა კარგად გაიზრდება და გაუმჯობესდება მისი მდგომარეობა.

არახელსაყრელი დღეა ნიღბების გასაკეთებლად.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

მებაღეობა: კურო ნაყოფიერი ნიშანია. დასაშვებია მცენარეების დარგვა–გადარგვა, ფორმის მიცემა, მავნებლებთან (მღრღნელებთან) ბრძოლა.

მთვარის კალენდარი მებაღეებისთვის: 2020 წლის ივლისი>>

უნდა შეზღუდოთ ნიადაგის დატენიანებისა და სასუქის მიცემის სამუშაოები. შეიძლება სარეველებისგან გაწმენდის „არააგრესიული“ სამუშაოები.

14