თბილისის მეტრო

მაჭანკლობა სახალისო ელემენტებით, ანუ ვინ დაგეხმარებათ, თუ მეტროში „დაიქრაშეთ“

345
(განახლებულია 21:17 09.06.2020)
19 წლის ელენე ახვლედიანმა სოციალურ ქსელ „ფეისბუქში“ შექმნა ჯგუფი სახელად „მეტროს ქრაში“. ჯგუფში შეგიძლიათ იპოვოთ ის „ქრაში“, რომელთან მისვლა და გასაუბრება ვერ გაბედეთ...

ვუყურებ – მიყურებს, ვუყურებ – მიყურებს, ვუყურებ და… ჩადის. ნეტავ ესეც რუსთაველზე ჩამოვიდეს, ნეტავ ესეც რუსთავ... შენი!..

ფეისბუქი რომ გავხსნა და ჩემი გვერდი დაინახოს? ტეხავს? კაი დროსია, ჩავიდა... ვის არ მოსვლია... Well, well, well...

გოგოებო და ბიჭებო. ეძებთ ქრაშს, რომლის სახელიც არ იცით? გაგაცნობთ 21-ე საუკუნის ერთგვარი მაჭანკლობის სერვისს სახალისო ელემენტებით „მეტროს ქრაში“, რომელიც 19 წლის ელენე ახვლედიანმა სოციალურ ქსელში შექმნა.

ჯგუფის მეშვეობით უკვე ბევრმა ადამიანმა იპოვა ერთმანეთი. ზოგი დამეგობრდა, ზოგიც დაშორდა, რადგან პირველი შთაბეჭდილება ხშირად გვატყუებს. თუმცა მოგონებები საკმაოდ სახალისო და დადებითი დარჩა ყველას. როგორც ყველას, ელენესაც თავისი ისტორია აქვს ამ ჯგუფში.

- ელენე, 27 იანვარს ფეისბუქში ჯგუფი სახელად „მეტროს ქრაში“ შექმენი. ახლა 45 ათასზე მეტი წევრი გყავს. რატომ გადაწყვიტე, რომ ეს ჯგუფი საჭირო იყო და ვინ იყო ამ იდეის ქრაში?

- კომუნიკაციისა და გართობის ახალი ხერხი შევქმენით, რომლის მეშვეობითაც მეტროს ერთფეროვან და დაღლილ დღეებს ვიხალისებთ. მე ჩემ ისტორიას მოგიყვებით და იმას, თუ როგორ შევქმენი ეს ჯგუფი:

მორიგი დაღლილი დღე იყო, სამსახურიდან მოვდიოდი და სადგურის მოედანზე ველოდებოდი მატარებელს. რაღაც მომენტში უკან გავიხედე და დავინახე ერთი ბიჭი. როგორ ვთქვა... ერთი ნახვით შეყვარება მაშინ დავიჯერე. სადგურის მოედნიდან ვარკეთილამდე ერთად ვიმგზავრეთ, შემდეგ ერთ უბნის მიკროავტობუსშიც ამოვყავით თავი. როცა ჩავედი, თითქოს ჩემი გულიც იქ დავტოვე. ძალიან მინდოდა მეპოვნა, რადგან გულში ჩამივარდა ეგ ადამიანი. სამი დღე ვფიქრობდი. არც სახელი ვიცოდი, არც გვარი. თითქმის მეწურებოდა იმედი, როცა გავიფიქრე, რატომ არ არსებობს ჯგუფი, რომელშიც დავპოსტავდი და ვიპოვიდი. გაჩნდა იდეა, თუმცა თავიდან მაინც სასაცილოდ მეჩვენებოდა. ვიფიქრე, შევქმნი და ერთ-ორ დღეში წავშლი-მეთქი. თუმცა, როცა ხალხმა მალევე დაიწყო ჯგუფში მატება, ყველაფერი შეიცვალა. და, აი, 27 იანვარს შეიქმნა ჩვენი „მეტროს ქრაშები“ და ორ დღეში ჩემმა „ქრაშმაც“ მომწერა.

მეტროს ქრაში
photo: courtesy of Ellen Walst
მეტროს ქრაში

ენით ვერ აღვწერ, რამხელა ბედნიერება იყო ეს ჩემთვის. ამ დღიდან მოყოლებული მე და მოდერატორები ვეხმარებით მსგავს სიტუაციაში მყოფ ადამიანებს, რომ იპოვონ მეორე ნახევარი, ერთგვარი მაჭანკლობის სერვისია, სახალისო ელემენტებით.

- ჯგუფის თემატიკა გასცდა მეტროსა და ქრაშებს. რამდენად აქტიურია ჯგუფი?

- ჩემი მოდერატორები რომ არა, ალბათ ჯგუფს წავშლიდი, რადგან დღეში უამრავი მესიჯი, პოსტი და გაწევრიანების მოთხოვნაა. მახსოვს, თავიდან 800-ზე მეტი პოსტი იყო დასადასტურებელი და დღეში 4 ათასამდე ადამიანი ითხოვდა გაწევრიანებას. ბევრი გათამაშება გვინდა გავაკეთოთ, გავამრავალფეროვნოთ რუტინა, სოციალურად სასარგებლო საქმეები განვახორციელოთ. რადგან ჯგუფში 45 ათასზე მეტი ადამიანია, გვინდა ბევრი კარგი იდეა ჩავნერგოთ. რაც მთავარია, ჯგუფის თემატიკა გასცდა მეტროს. შეგიძლიათ ნებისმიერ ადგილზე „დაქრაშული“ ადამიანი მოძებნოთ, მოგვიყვეთ სახალისო თუ უხერხული ისტორიები, გავრცელებული შემთხვევები ტრანსპორტში, მემანქანეები თავიანთ გამოცდილებას გვიზიარებენ და ვართ ასე. ჩვენი სივრცე შევქმენით და, მიუხედავად ცოტა ნეგატიური უკუკავშირისა, უბედნიერესი ვარ, რომ ეს ჯგუფი შევქმენი.

- როგორ მივხვდე არის თუ არა ჩემი ქრაში ამ ჯგუფში?

- სტიკერები დავბეჭდეთ ჩვენი ლოგოთი და სანამ კარანტინი დაიწყებოდა, რამდენიმემ შეიძინა. ქეისებზე ვაკრობთ ან ჩანთებზე და ჯგუფის წევრები მეტროში ერთმანეთს ვცნობთ. ამიტომაცაა, რომ უფრო მეტი დადებითი ემოცია მოგვაქვს ერთმანეთისთვის.

- რა შეზღუდვებია ჯგუფში?

- იკრძალება ყველანაირი სახის დისკრიმინაცია (ეთნიკური, რელიგიური, სექსუალური). პოსტის კომენტარებით ადამიანის დაცინვა, შეურაცხყოფა. აღნიშნულ შემთხვევაში აუცილებელია დაარეპორტოთ კომენტარი და აცნობოთ ადმინისტრაციას.

ვინაიდან ფოტო/ვიდეო მასალა დაცინვისა და დისკრიმინაციის საბაბი ხდება (ჩაცმულობა ა.შ), მხოლოდ იმ შემთხვევაში დაიდება, თუ გვექნება ნებართვა ან/და საზოგადოდ გავრცელებული იქნება სოციალურ ქსელში.

იკრძალება ნებისმიერი სახის რეკლამა.

ადამიანის აღწერისას ადმინისტრაცია ჯგუფის წევრებს ურჩევს პოსტი შემდეგნაირად დაწერონ: ჩაცმულობა, გარეგნობა, შეხვედრის დრო, ადგილი, თარიღი.

რაც შეეხება სანქციებს, თუ წევრი დაარღვევს ისეთ წესებს, როგორციაა დისკრიმინაცია და რეკლამირება, მიიღებს ერთკვირიან ბანს. იგივე დანაშაულის გამეორებისთვის დატოვებს ჯგუფს.

ელენემ საუბრისას აღნიშნა, რომ სტატისტიკის მიხედვით ჯგუფში ნაპოვნი ქრაშების უმეტესობა მეგობრებად რჩება, თუმცა პარალელურად ბევრი სიურპრიზიც ხდება...

 

345
პლანეტა მერკური

მერკურიმ რეტროსვლა შეწყვიტა: ზოდიაქოს ხუთი ნიშანი, რომლებსაც ფინანსებში გაუმართლებს

1314
(განახლებულია 11:51 12.07.2020)
რეტროგრადული მერკური 12 ივლისს ნორმალურ მდგომარეობას უბრუნდება, ანუ დირექტული ხდება. პლანეტის ენერგეტიკა მჭიდროდაა დაკავშირებული ფინანსურ ნაკადებთან, რაც უკვე 12 ივლისს გამოვლინდება ზოდიაქოს ხუთი ნიშნისთვის

მერკურის მძლავრი ენერგია შემოიჭრება ჩვენს ცხოვრებაში და პოზიტიურად იმოქმედებს მუშაობისა და ფულის სფეროებზე.

უკუსვლის დროს ყველაზე საშიშად მიჩნეულია პლანეტები, რომლებიც ყველაზე ახლოს არიან განლაგებული დედამიწასთან, კერძოდ, ვენერა, მარსი და მერკური. სწორედ ეს უკანასკნელი წყვეტს რეტროსვლას, რომელიც 18 ივნისს ტყუპის ნიშანში დაიწყო კირჩხიბის ნიშანში დაასრულა.

მერკური უკუსვლას იწყებს: რა გავლენას მოახდენს რეტროგრადული პლანეტა და როგორ ვიმოქმედოთ>>

2020 წელს რეტროგრადული ბევრი პლანეტა იქნება, მაგრამ ასტროლოგები განსაკუთრებულ ყურადღებას ყოველთვის მერკურის უთმობენ. მისი უკუსვლა ყველაზე ნეგატიურად მოქმედებს ისეთ სფეროებზე, როგორიცაა სწავლა, ურთიერთობები, ფინანსები და სამუშაო.

ზოგადად, მერკური რეტროგრადული წელიწადში 3-4-ჯერ არის, დაახლოებით ოც-ოცი დღის განმავლობაში. ამ წელიწადში ის რეტროგრადული იყო პირველად 17 თებერვლიდან 10 მარტამდე, მეორედ კი 18 ივნისიდან 12 ივლისამდე.

მზესთან ყველაზე ახლოს მყოფმა მერკურიმ თავისი სახელწოდება რომაულ მითოლოგიაში ვაჭრობის, მოგების, გამდიდრების ღმერთისგან, ასევე მოგზაურთა მფარველისგან მიიღო – მერკური (ლათ. Mercurius) მომდინარეობს ლათინური სიტყვიდან merx, რაც ვაჭრობას ნიშნავს.

მერკური ადამიანების ინტელექტსა და ინდივიდუალობას მართავს. როდესაც ეს პლანეტა ძლიერი და აქტიურია, ის ადამიანებში აღვიძებს შემეცნების, ახლის შეცნობის სურვილს. სწრაფად ხდება სწავლის, ათვისების პროცესი. ის მოქმედებს შემოსავლებზე, მუშაობაზე.

მერკური ხელს უწყობს საქმიანი მივლინებების, გაყიდვებისა და ყიდვების პროცესის წარმატებას. ბევრი ფიქრობს, რომ პლანეტა ადამიანებს ფულის დაგროვებაში ეხმარება, მაგრამ ეს ასე არაა – მერკური ეხმარება ფულის ხარჯვაში და ამისგან მოგების მიღებაში.

ერთადერთი მინუსი დირექტული, მძლავრი მერკურისა ისაა, რომ ის მოვლენებს უმართავს ხდის, აჩქარებს. ის, ვინც მოახერხებს ამ პლანეტას მიჰყვეს, მას იღბალიც გაუღიმებს.

ასტროლოგები აღნიშნავენ, რომ 12 ივლისიდან ფინანსურ საკითხებში ზოდიაქოს ხუთ ნიშანს გაუმართლებს.

კირჩხიბი

მერკური ამ მომენტში კირჩხიბის ნიშანში იმყოფება, ამიტომ ზოდიაქოს ამ ნიშნის წარმომადგენლებს დიდი ფინანსური წარმატება ელოდება. ექსპერტები გირჩევენ, ფული დახარჯოთ საკუთარ საცხოვრებელზე, ახლობლებისთვის საჩუქრები ყიდვაზე. ეს ძალზე პოზიტიურად აისახება ურთიერთობებზე.

გახსნილი ფულის ნაკადი რთული ვითარებებისა და პრობლემების გადაჭრის გზებს გიკარნახებთ. შესაძლოა, ღირდეს დახმარებისთვის ახლობლებს მიმართოთ, ვალის აღებაც შეგიძლიათ, მაგრამ მცირე რაოდენობით და არავითარ შემთხვევაში – გართობისთვის. კარგი იქნება, თუ ფულს მოახმართ სწავლას, გამოცდილების მიღებას, ბიზნესის განვითარებას და სხვ.

ლომი

ლომებმა 12 ივლისსა და უახლოეს რამდენიმე დღეში, შესაძლოა, თანხა მიიღოთ. ეს შეიძლება იყოს ადრე გაცემული ვალის დაბრუნება, ან ბიზნესში წარმატება.

გელოდებათ ახალი შესაძლებლობები, ამიტომ 12 ივლისიდან შეიძლება სამუშაოს გამოცვლა, ბიზნესის დაწყება, ახალი შემოსავლების ძებნა. ფინანსური ნაკადები საკმაოდ მძლავრი იქნება, მაგრამ მუშაობაც ბევრი მოგიწევთ.

სასწორი

სასწორებს ნებისმიერი ტიპის ფინანსურ საქმიანობაში გელოდებათ წარმატება. მთავარია, რომ 12 ივლისიდან გამოხვიდეთ კომფორტის ზონიდან – მერკური იმ სასწორებს დაეხმარება, რომლებსაც წინსვლის სურვილი აქვთ. იდეალური დრო იქნება ძვირადღირებული შენაძენებისა და ახალი წამოწყებებისთვის.

გაიცნობთ ახალ ადამიანებს, რომლებიც თქვენთვის მოტივაციის წყარო გახდებიან. იმისთვის, რომ წარმატებებს მიაღწიოთ სამუშაოსა და ფინანსებში, დაუთმეთ დრო გარშემომყოფებს – ეს ნამდვილად ღირს.

როგორ მოქმედებს მთვარის ფაზები ადამიანის ენერგეტიკაზე>>

მშვილდოსანი

მშვილდოსნებისთვის შესანიშნავი პერიოდი დგება, რადგან რეტროფაზიდან გამოსული მერკური აქტიურ გადაადგილებაზე აკრძალვას აუქმებს. სამუშაო მივლინებები მოგიტანთ მოგებას, პირდაპირ ან ირიბად იმოქმეებს წარმატებებზე სამუშაოსა და ბიზნესში. ამასთან გარემოს შეცვლა თქვენზე ძალიან კარგად მოქმედებს შემოქმედებითი თვალსაზრისით – არაა გამორიცხული, რომ ბევრი ძალიან საინტერესო იდეა გაჩნდეს.

თვის მეორე ნახევარში წაგადგებათ ფულის დახარჯვა გართობაში, ცოდნის მიღებაში. როგორც მოგზაურობის მოყვარულებმა და ამასთან, რადგან თქვენი საქმიანობაც ხშირად მგზავრობასთან არის დაკავშირებული, შეგიძლიათ, ავტომობილი იყიდოთ ან გამოცვალოთ.

თევზები

ნებისმიერი პროფესიის წარმომადგენელი თევზებისთვის, მაგრამ განსაკუთრებით ფსიქოლოგების, ანალიტიკოსების, ექიმებისა და პერსონალის მართვის განყოფილების წარმომადგენლებისთვის მერკურის ჩვეულ ტრაექტორიაზე დაბრუნება ფინანსურ ნაკადებს გახსნის.

ფინანსური ნაკადების გასნა, რა თქმა უნდა, სხვადასხვა შენაძენში დაგეხმარებათ: შეგიძლიათ იმოგზაუროთ, შეიძინოთ ახალი ტექნიკა, გაარემონტოთ ბინა თუ სხვადასხვა ნივთი და სხვ.

1314
მოციმციმე ხე მთვარის ფონზე

მთვარის კალენდარი: 12 ივლისი რისი გაკეთება შეიძლება და რისი არა

469
(განახლებულია 10:23 12.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

12 ივლისი, კვირა ამ დღეს მზე მართავს. კლებადი მთვარე ვერძის ნიშანშია.

ვერძის დღეს სასურველია აქტიურობა, ორიგინალობისა და სიმტკიცის გამოჩენა; უნდა გახსოვდეთ ტაქტისა და დიპლომატიურობის შესახებ, მოერიდოთ აჩქარებას, მოუთმენლობასა და იმპულსურობას.

კარგი დღეა წინსვლისთვის, სწავლისთვის, ჯგუფური მუშაობისთვის.

წარმატებული დღეა, სამუშაო კარგად აეწყობა. კარგი დღეა მოგზაურობის დაწყებისთვის.

მთვარე ვერძის ნიშანში ამაღლებს საწინააღმდეგო სქესისადმი ინტერესს. ახალ ნაცნობობას, შესაძლოა, მგზნებარე რომანი მოჰყვეს, მაგრამ დიდი აბათობით – ხანმოკლე

რეკომენდებულია: წინსვლა, ფულის საკითხების გადაწყვეტა, აქტიურობა, ბიზნესის საქმეების გაკეთება, კონტაქტი ხელმძღვანელობასთან, ყველასთვის მნიშვნელოვანი საკითხების გადაჭრა, მუშაობა როგორც ინდვიდუალურად, ისე გუნდურად, შემოქმედებითი საქმიანობა, კარიერული წინსვლა, ახალი საქმეების დაწყება.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია გუნდიდან გამოყოფა და მასთან დაპირისპირება, წვრილმან საქმეებზე ყურადღების კონცენტრირება და მათზე დროის დაკარგვა.

თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

სახის ნიღბების სახით გამოიყენეთ მხოლოდ ნატურალური საშუალებები.

მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

469
თბილისი

კუნძული მსოფლიოს Covid-რუკაზე: ავსტრიული გამოცემა საქართველოს ბრძოლაზე წერს

0
საქართველომ დაამტკიცა, რომ სწრაფი რეაგირება, დისციპლინა და მკაცრი ქმედებები ვირუსის წინააღმდეგ ბრძოლაში წარმატების საწინდარია, წერს გამოცემა

თბილისი, 12 ივლისი – Sputnik. ავსტრიული საზოგადოებრივი მაუწყებლის ბეჭდური გამოცემა – ORF Nachrichten სტატიას აქვეყნებს საქართველოს, როგორც კორონავირუსის წინააღმდეგ ბრძოლაში განსაკუთრებულად წარმატებული ქვეყნის შესახებ.

სტატიაში ნათქვამია, რომ საქართველო სამხრეთ კავკასიის პატარა ქვეყანაა, რომელიც „მაღალი ინფიცირების მქონე ქვეყნებით გარშემორტყმული ერთგვარი კუნძულია, რომელმაც ვირუსის წინააღმდეგ შემუშავებული ბრძოლის სტრატეგიით სახელი გაითქვა“.

„ქვეყანა 3,7 მილიონი მოსახლეობით მდებარეობს თურქეთსა და რუსეთის ფედერაციას შორის, ასევე ესაზღვრება სომხეთსა და აზერბაიჯანს. ყოფილ საბჭოთა რესპუბლიკებში, ასევე თურქეთში ინფიცირების შემთხვევების რაოდენობა მოსახლეობაში ზოგჯერ ათჯერ მაღალია“, - აღნიშნულია სტატიაში.

ავტორი აღნიშნავს, რომ ვირუსთან ბრძოლაში წარმატებული მოქმედებების შედეგად საქართველომ ყურადღება მიიპყრო რამდენიმე გავლენიანი საერთაშორისო გამოცემის და ანალიტიკური ცენტრის (BBC, ამერიკული და ბრიტანული ანალიტიკური ცენტრების), რომლებიც ზედმიწევნით სწავლობდნენ საქართველოს მაგალითს.

„საქართველომ ყველას დაუმტკიცა, რომ სწრაფი რეაგირება, დისციპლინა და მკაცრი ქმედებები (ზოგჯერ არცთუ ისე პოპულარული) Covid-ვირუსის წინააღმდეგ ბრძოლაში წარმატების საწინდარია“, – ნათქვამია სტატიაში.

მასალაში აღნიშნულია, რომ საქართველოს მთავრობის მიერ გადადგმული ეფექტური ნაბიჯების გარდა, ე.წ. სამმა მუშკეტერმა – დაავადებათა კონტროლის ცენტრის დირექტორმა ამირან გამყრელიძემ, მისმა მოადგილემ პაატა იმნაძემ და ვირუსოლოგმა, თბილისის ინფექციური საავადმყოფოს დირექტორმა თენგიზ ცერცვაძემ ერთობლივი სტრატეგია შეიმუშავეს.

რაც შეეხება საქართველოს მთავრობის მიერ გადადგმულ კონკრეტულ ნაბიჯებს, სტატიაში ნათქვამია, რომ მკაცრად კონტროლდებოდა შეზღუდვების დაცვა, საჭიროების შემთხვევაში კი ცალკეულ პირებს, ასევე კომპანიებს დიდი ოდენობის ჯარიმები დაეკისრა.

ამავე კონტექსტში აღნიშნულია, რომ მთავრობის მიერ მიღებული გადაწყვეტილებები ყოველთვის მოსაწონი არ იყო მოსახლეობისთვის, თუმცა მისი დიდი ნაწილი მთავრობის მოწოდებას დაემორჩილა და სახლში დარჩა. სტატიაში აგრეთვე ნახსენებია „ქართული მართლმადიდებლური ეკლესია”, რომელიც აგრძელებდა ღვთისმსახურებას.

საქართველო სომხეთს კორონავირუსთან ბრძოლაში დახმარებას კიდევ ერთხელ სთავაზობს >>

სტატიის დასასრულს ავტორი უამბობს მკითხველს, რომ საქართველო 1 ივლისიდან საერთაშორისო ტურისტებისთვის საჰაერო საზღვრების გახსნას აპირებდა, თუმცა ქვეყანაში ეპიდსიტუაციის სტაბილურობის შესანარჩუნებლად ამ თარიღმა ივლისის ბოლოსთვის გადაიწია.

0
თემები:
COVID-19-ის პანდემია მსოფლიოში