საჰაერო ბურთები ცაში

ზღაპრული და ჯადოსნური ზოდიაქოს რომელ ნიშნებს ელოდება „გიჟური" სიყვარული ამ ზაფხულს

5531
(განახლებულია 11:37 09.06.2020)
გაეცანით ჩვენს ჰოროსკოპს და გაიგეთ, ზოდიაქოს რომელი ნიშნების წარმომადგენლებს ელოდება ვარსკვლავების მხარდაჭერა მტკიცე ურთიერთობების აწყობასა და ბედნიერების მოპოვებაში

ამ ზაფხულში სიყვარულთან შეხვედრა ზოდიაქოს რამდენიმე ნიშნის წარმომადგენლებს ელოდება.

ზოდიაქოს ნიშნების ინტიმური შეთავსებადობა>>

ტყუპი

ზაფხულის თვეები ტყუპებისთვის ძალზე ხელსაყრელი იქნება როგორც კარიერის, ისე სიყვარულის თვალსაზრისით. გელოდებათ „გიჟური“ რომანი, რომელიც, შესაძლოა, მტკიცე ქორწინებაში გადაიზარდოს. მაგრამ ეს რომ ასე მოხდეს, უნდა შეწყვიტოთ წარსულზე ჩივილი და ცხოვრებაში ახალი ფურცელი უნდა გადაშალოთ.

ახალი ნაცნობობისთვის, დიდი ლბათობით, ზაფხულის პირველი თვეა ყველაზე უპრიანი. ივნისში შეგიძლიათ, დააკვირდეთ თქვენს „ახლად გამომცხვარ“ პარტნიორს, შეისწავლოთ მისი ქცევები, მანერები და შესაბამისი დასკვნები გამოიტანოთ, ივლისსა და აგვისტოში კი განამტკიცოთ და განავითაროთ ურთიერთობები.

ქალწული

ასტროლოგები ქალწულებისთვის დაუვიწყარ ზაფხულს წინასწარმეტყველებენ. თქვენში გაჩენილი გრძნობები ნამდვილ ბედნიერებას მოგიტანთ. ზოგიერთი თქვენგანისთვის ეს იმდენად მოულოდნელი იქნება, რომ დაჯერებაც კი გაგიჭირდებათ. როგორც სპეციალისტები აცხადებენ, დიდია შანსი იმისა, რომ ეს ურთიერთობები ოჯახურ კავშირად გადაიქცეს.

ახალი ნაცნობობა ივნისში ნაკლებად მოსალოდნელია. სამაგიეროდ, ივლისი და აგვისტო ამ კუთხით საკმაოდ ნაყოფიერი იქნება. თქვენს მეორე ნახევარს შემთხვევით იპოვით, დიდი ხნის განმავლობაში მის მიმართ სერიოზული დამოკიდებულება არ გექნებათ. ასტროლოგები გირჩევენ, სხვების გასაგონად არ გაიხსენოთ წარსული ურთიერთობები, რომ ბედნიერება არ დააფრთხოთ.

სასწორი

ბოლო რამდენიმე თვის განმავლობაში ცხოვრებაში არ გყოფნიდათ კაშკაშა მოვლენები, მაგრამ ზაფხულის დღეები ამას აანაზღაურებს. მნიშვნელოვანია, რომ თქვენი ემოციები და გრძნობები წინასწარ გააანალიზოთ, გაიგოთ, როგორ პარტნიორს ეძებთ, სხვაგვარად, შესაძლოა, შანსი ხელიდან გაუშვათ.

ივლისში სასწორების მფარველი პლანეტის გავლენა თქვენზე აბსოლუტურად დადებითი იქნება. სიყვარული თქვენ ცხოვრებაში მოულოდნელად შემოიჭრება, როგორც მეხის გავარდნა მოწმენდილ ცაზე. სამომავლო გლობალური გეგმების დაწყობა გართულებული იქნება, რადგან ეს შეხვედრა რადიკალურად შეცვლის თქვენს ცხოვრებას, თან – პოზიტიურად.

ზოდიაქოს ნიშნები, რომლებიც ნებისმიერ ასაკში იოლად თხოვდებიან>>

მორიელი

მორიელებს სიყვარული სხვა ნიშნებზე მეტად ესაჭიროება, ამიტომ ისინი ხშირად იწყებენ ჩანასახშივე განწირულ ურთიერთობებს. თუმცა, ამ ზაფხულში შეხვდებით ადამიანს, რომელიც ძირფესვიანად და პოზიტიურად შეცვლის თქვენს ცხოვრებასა და შეხედულებებს ამ სამყაროზე. თქვენ შორის ნამდვილი სიყვარული გაჩნდება, ისეთი, როგორიც ზღაპრებში გვხვდება.

ბედის საჩუქარი რომ ხელიდან არ გაუშვათ, მოუსმინეთ შინაგან ხმას. ის სწორ მიმართულებაზე მიგანიშნებთ. ამის წყალობით ურთიერთობები სწრაფად და კარგად განვითარდება. არ შეგეშინდეთ – მიიღეთ ბედნიერება სათანადოდ.

მშვილდოსანი

ეს ნიშანი ცეცხლის სტიქიას განეკუთვნება, ამიტომ მის წარმომადგენლებს ხირად არ უმუშავებს „მუხრუჭი“ სასიყვარულო საკითხებში. ამ ზაფხულში არ მოგიწევთ მოწონებული ადამიანის გულის დასაპყრობად ათასი ხერხისა და მეთოდის მოსინჯვა.

თვენს გრძნობებს უპასუხებენ. საუკეთესო თვეები ივლისი და აგვისტო გახდება. ბევრი თქვენგანი მიიღებს დაქორწინების წინადადებას. თქვენი ახალი მეგზური გაიზიარებს თქვენს ინტერესებს. მიხვდებით, რომ ის „თქვენი“ ადამიანია.

5531
პლანეტა მერკური

მერკურიმ რეტროსვლა შეწყვიტა: ზოდიაქოს ხუთი ნიშანი, რომლებსაც ფინანსებში გაუმართლებს

1239
(განახლებულია 11:51 12.07.2020)
რეტროგრადული მერკური 12 ივლისს ნორმალურ მდგომარეობას უბრუნდება, ანუ დირექტული ხდება. პლანეტის ენერგეტიკა მჭიდროდაა დაკავშირებული ფინანსურ ნაკადებთან, რაც უკვე 12 ივლისს გამოვლინდება ზოდიაქოს ხუთი ნიშნისთვის

მერკურის მძლავრი ენერგია შემოიჭრება ჩვენს ცხოვრებაში და პოზიტიურად იმოქმედებს მუშაობისა და ფულის სფეროებზე.

უკუსვლის დროს ყველაზე საშიშად მიჩნეულია პლანეტები, რომლებიც ყველაზე ახლოს არიან განლაგებული დედამიწასთან, კერძოდ, ვენერა, მარსი და მერკური. სწორედ ეს უკანასკნელი წყვეტს რეტროსვლას, რომელიც 18 ივნისს ტყუპის ნიშანში დაიწყო კირჩხიბის ნიშანში დაასრულა.

მერკური უკუსვლას იწყებს: რა გავლენას მოახდენს რეტროგრადული პლანეტა და როგორ ვიმოქმედოთ>>

2020 წელს რეტროგრადული ბევრი პლანეტა იქნება, მაგრამ ასტროლოგები განსაკუთრებულ ყურადღებას ყოველთვის მერკურის უთმობენ. მისი უკუსვლა ყველაზე ნეგატიურად მოქმედებს ისეთ სფეროებზე, როგორიცაა სწავლა, ურთიერთობები, ფინანსები და სამუშაო.

ზოგადად, მერკური რეტროგრადული წელიწადში 3-4-ჯერ არის, დაახლოებით ოც-ოცი დღის განმავლობაში. ამ წელიწადში ის რეტროგრადული იყო პირველად 17 თებერვლიდან 10 მარტამდე, მეორედ კი 18 ივნისიდან 12 ივლისამდე.

მზესთან ყველაზე ახლოს მყოფმა მერკურიმ თავისი სახელწოდება რომაულ მითოლოგიაში ვაჭრობის, მოგების, გამდიდრების ღმერთისგან, ასევე მოგზაურთა მფარველისგან მიიღო – მერკური (ლათ. Mercurius) მომდინარეობს ლათინური სიტყვიდან merx, რაც ვაჭრობას ნიშნავს.

მერკური ადამიანების ინტელექტსა და ინდივიდუალობას მართავს. როდესაც ეს პლანეტა ძლიერი და აქტიურია, ის ადამიანებში აღვიძებს შემეცნების, ახლის შეცნობის სურვილს. სწრაფად ხდება სწავლის, ათვისების პროცესი. ის მოქმედებს შემოსავლებზე, მუშაობაზე.

მერკური ხელს უწყობს საქმიანი მივლინებების, გაყიდვებისა და ყიდვების პროცესის წარმატებას. ბევრი ფიქრობს, რომ პლანეტა ადამიანებს ფულის დაგროვებაში ეხმარება, მაგრამ ეს ასე არაა – მერკური ეხმარება ფულის ხარჯვაში და ამისგან მოგების მიღებაში.

ერთადერთი მინუსი დირექტული, მძლავრი მერკურისა ისაა, რომ ის მოვლენებს უმართავს ხდის, აჩქარებს. ის, ვინც მოახერხებს ამ პლანეტას მიჰყვეს, მას იღბალიც გაუღიმებს.

ასტროლოგები აღნიშნავენ, რომ 12 ივლისიდან ფინანსურ საკითხებში ზოდიაქოს ხუთ ნიშანს გაუმართლებს.

კირჩხიბი

მერკური ამ მომენტში კირჩხიბის ნიშანში იმყოფება, ამიტომ ზოდიაქოს ამ ნიშნის წარმომადგენლებს დიდი ფინანსური წარმატება ელოდება. ექსპერტები გირჩევენ, ფული დახარჯოთ საკუთარ საცხოვრებელზე, ახლობლებისთვის საჩუქრები ყიდვაზე. ეს ძალზე პოზიტიურად აისახება ურთიერთობებზე.

გახსნილი ფულის ნაკადი რთული ვითარებებისა და პრობლემების გადაჭრის გზებს გიკარნახებთ. შესაძლოა, ღირდეს დახმარებისთვის ახლობლებს მიმართოთ, ვალის აღებაც შეგიძლიათ, მაგრამ მცირე რაოდენობით და არავითარ შემთხვევაში – გართობისთვის. კარგი იქნება, თუ ფულს მოახმართ სწავლას, გამოცდილების მიღებას, ბიზნესის განვითარებას და სხვ.

ლომი

ლომებმა 12 ივლისსა და უახლოეს რამდენიმე დღეში, შესაძლოა, თანხა მიიღოთ. ეს შეიძლება იყოს ადრე გაცემული ვალის დაბრუნება, ან ბიზნესში წარმატება.

გელოდებათ ახალი შესაძლებლობები, ამიტომ 12 ივლისიდან შეიძლება სამუშაოს გამოცვლა, ბიზნესის დაწყება, ახალი შემოსავლების ძებნა. ფინანსური ნაკადები საკმაოდ მძლავრი იქნება, მაგრამ მუშაობაც ბევრი მოგიწევთ.

სასწორი

სასწორებს ნებისმიერი ტიპის ფინანსურ საქმიანობაში გელოდებათ წარმატება. მთავარია, რომ 12 ივლისიდან გამოხვიდეთ კომფორტის ზონიდან – მერკური იმ სასწორებს დაეხმარება, რომლებსაც წინსვლის სურვილი აქვთ. იდეალური დრო იქნება ძვირადღირებული შენაძენებისა და ახალი წამოწყებებისთვის.

გაიცნობთ ახალ ადამიანებს, რომლებიც თქვენთვის მოტივაციის წყარო გახდებიან. იმისთვის, რომ წარმატებებს მიაღწიოთ სამუშაოსა და ფინანსებში, დაუთმეთ დრო გარშემომყოფებს – ეს ნამდვილად ღირს.

როგორ მოქმედებს მთვარის ფაზები ადამიანის ენერგეტიკაზე>>

მშვილდოსანი

მშვილდოსნებისთვის შესანიშნავი პერიოდი დგება, რადგან რეტროფაზიდან გამოსული მერკური აქტიურ გადაადგილებაზე აკრძალვას აუქმებს. სამუშაო მივლინებები მოგიტანთ მოგებას, პირდაპირ ან ირიბად იმოქმეებს წარმატებებზე სამუშაოსა და ბიზნესში. ამასთან გარემოს შეცვლა თქვენზე ძალიან კარგად მოქმედებს შემოქმედებითი თვალსაზრისით – არაა გამორიცხული, რომ ბევრი ძალიან საინტერესო იდეა გაჩნდეს.

თვის მეორე ნახევარში წაგადგებათ ფულის დახარჯვა გართობაში, ცოდნის მიღებაში. როგორც მოგზაურობის მოყვარულებმა და ამასთან, რადგან თქვენი საქმიანობაც ხშირად მგზავრობასთან არის დაკავშირებული, შეგიძლიათ, ავტომობილი იყიდოთ ან გამოცვალოთ.

თევზები

ნებისმიერი პროფესიის წარმომადგენელი თევზებისთვის, მაგრამ განსაკუთრებით ფსიქოლოგების, ანალიტიკოსების, ექიმებისა და პერსონალის მართვის განყოფილების წარმომადგენლებისთვის მერკურის ჩვეულ ტრაექტორიაზე დაბრუნება ფინანსურ ნაკადებს გახსნის.

ფინანსური ნაკადების გასნა, რა თქმა უნდა, სხვადასხვა შენაძენში დაგეხმარებათ: შეგიძლიათ იმოგზაუროთ, შეიძინოთ ახალი ტექნიკა, გაარემონტოთ ბინა თუ სხვადასხვა ნივთი და სხვ.

1239
მოციმციმე ხე მთვარის ფონზე

მთვარის კალენდარი: 12 ივლისი რისი გაკეთება შეიძლება და რისი არა

454
(განახლებულია 10:23 12.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

12 ივლისი, კვირა ამ დღეს მზე მართავს. კლებადი მთვარე ვერძის ნიშანშია.

ვერძის დღეს სასურველია აქტიურობა, ორიგინალობისა და სიმტკიცის გამოჩენა; უნდა გახსოვდეთ ტაქტისა და დიპლომატიურობის შესახებ, მოერიდოთ აჩქარებას, მოუთმენლობასა და იმპულსურობას.

კარგი დღეა წინსვლისთვის, სწავლისთვის, ჯგუფური მუშაობისთვის.

წარმატებული დღეა, სამუშაო კარგად აეწყობა. კარგი დღეა მოგზაურობის დაწყებისთვის.

მთვარე ვერძის ნიშანში ამაღლებს საწინააღმდეგო სქესისადმი ინტერესს. ახალ ნაცნობობას, შესაძლოა, მგზნებარე რომანი მოჰყვეს, მაგრამ დიდი აბათობით – ხანმოკლე

რეკომენდებულია: წინსვლა, ფულის საკითხების გადაწყვეტა, აქტიურობა, ბიზნესის საქმეების გაკეთება, კონტაქტი ხელმძღვანელობასთან, ყველასთვის მნიშვნელოვანი საკითხების გადაჭრა, მუშაობა როგორც ინდვიდუალურად, ისე გუნდურად, შემოქმედებითი საქმიანობა, კარიერული წინსვლა, ახალი საქმეების დაწყება.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია გუნდიდან გამოყოფა და მასთან დაპირისპირება, წვრილმან საქმეებზე ყურადღების კონცენტრირება და მათზე დროის დაკარგვა.

თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

სახის ნიღბების სახით გამოიყენეთ მხოლოდ ნატურალური საშუალებები.

მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

454
დაკავება

ზუგდიდში „ტყის ძმების“ ლიდერის შვილი ნარკოდანაშაულზე დააკავეს

0
დაკავებულის პირადი, ავტომანქანის და საცხოვრებელი სახლის ჩხრეკისას ამოღებულია ნარკოტიკული საშუალებები - „მეტადონი” და „ლირიკა”. ასევე ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

თბილისი, 12 ივლისი – Sputnik. „ტყის ძმების“ ყოფილი ლიდერის დათო შენგელიას შვილის, 38 წლის დადუ შენგელიას დაკავებასთან დაკავშირებით შსს განცხადებას ავრცელებს.

სპეცოპერაცია ზუგდიდში დღეს რამდენიმე საათს მიმდინარეობდა.

სამართალდამცველებმა მოსამართლის განჩინების საფუძველზე ჩატარებული საგამოძიებო მოქმედებების შედეგად შენგელია ნარკოტიკული საშუალების უკანონო შეძენა-შენახვის ბრალდებით დააკავეს.

სამართალდამცველებმა, დაკავებულის პირადი, ავტომანქანის და საცხოვრებელი სახლის ჩხრეკისას, ნარკოტიკული საშუალებები - „მეტადონი” და „ლირიკა” ამოიღეს.

ასევე, ნივთმტკიცების სახით ამოღებულია დაკავებულის პირადი ავტომანქანა, 6785 აშშ დოლარი და 500 ევრო.

ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლით მიმდინარეობს.

0
თემები:
კრიმინალი საქართველოში