წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 აპრილი
2-11 აპრილის პერიოდი ვერძის ნიშნის მეორე დეკადას განეკუთვნება.
ამ დეკადას მზე მფარველობს. ამ პერიოდში დაბადებულები პატივმოყვარე, მტკიცე და ძალაუფლებისმოყვარე ადამიანები არიან.
მნიშვნელოვანი წლებია: 15,19, 30, 35, 45, 57, 60, 76.
ამ ადამიანთა სიმბოლოა მაგნოლია.
ამ პერიოდში დაბადებულები ძალზე პატივმოყვარე პიროვნებები არიან. პირველობისკენ სწრაფვაში ხშირად ავიწყდებათ სხვების ინტერესები, ხანდახან ვერ საზღვრავენ საკუთარ ძალებს და თავიანთ შესაძლებლობებს აზვიადებენ. ხშირად ყურადღებას არ აქცევენ გარშემომყოფების რჩევებს. მათ უნდა ისწავლონ სხვა ადამიანების რჩევებისა და ინტერესების გათვალისწინება.
7 აპრილს დაბადებულები
7 აპრილს რთული ხასიათის ადამიანები იბადებიან. არიან ჯიუტი, კეთილი, დამოუკიდებელი და მამაცი ადამიანები. არიან კომუნიკაბელურები, ურთიერთობა ნებისმიერ ადამიანთან შეუძლიათ. აქვთ ძალზე განვითარებული ინტუიცია. თუ ამ ადამიანებს ოჯახი და ახლობლები დაეხმარებიან, დიდ წარმატებებს მიაღწევენ. მათი ერთობლივი ცხოვრება პარტნიორთან, ჩვეულებრივ, ბედნიერი და ნათელი ემოციებით აღსავსეა.
ზოდიაქოს ნიშნების მაგიური უნარები>>
ამ დღეს დაბადებულები ენერგიული და ენთუზიაზმით აღსავსე ადამიანები არიან. მათზე დიდ გავლენას ახდენს ბავშვობა. თუ ბავშვობაში სიყვარული და მზრუნველობა აკლდათ, ეს ნაღველი მათ მთელი ცხოვრება გაჰყვებათ. ახალგაზრდობაში ცდილობენ, სიბერე უზრუნველყონ. ვერძის ნიშანი მათში მეამბოხის დაღს ასვამს - ახალგაზრდობისას დიდ ენერგიას ხარჯავენ ურთიერთობების გამორკვევაში, ასაკთან ერთად კი სიბრძნეს იძენენ, თუმცა, შინაგანი მეამბოხე სული მათთვის მაინც დამაბრკოლებელი რჩება.
ამ დღეს დაბადებულების მნიშვნელოვანია 28 და 42 წლის ასაკი. თუ ამ ასაკში სწორ არჩევანს გააკეთებენ, წარმატებით გაივლიან ამ ეტაპებს, დანარჩენი ცხოვრებაც წარმატებული ექნებათ. ეს ადამიანები სხვებზე უკეთ შეიგრძნობენ სხვა ადამიანებისგან გამომავალ დადებით ენერგიას, ამიტომ ხშირად ღვთისმსახურები ხდებიან. ადამიანებსა და გარშემო მოვლენებს ძალზე ლოიალურად უყურებენ, ამ მხრივ კი სიფრთხილის გამოჩენა მართებთ, რადგან ყოველთვის არ არიან ადამიანები ისეთი კარგები, როგორც მათ ჰგონიათ.
ვირუსები და ზოდიაქოს ნიშნები: ვის არ აშინებს კორონავირუსიც კი>>
ამ დღეს დაბადებულ, ნაკლებად განვითარებულ ადამიანებს რთულ ცხოვრებისეულ სიტუაციებში შეუძლიათ, ახლობელი ადამიანი თავის პრობლემებს მარტო შეატოვონ და გაქრნენ. მაღალი ინტელექტის მქონეებს, რომლებიც დიდ წარმატებებს აღწევენ, შეიძლება პასუხისმგებლობის გრძნობა გაუჩნდეთ. ამ დროს ისინი ცდილობენ მყუდრო ადგილი მოძებნონ, განმარტოვდნენ. მათ მეორე ნახევრებს, შეიძლება ითქვას, რომ გაუმართლათ - ამ დღეს დაბადებულებს უყვართ თავიანთი პარტნიორებში ღირსების გრძნობის წახალისება, მზად არიან მათ დასახმარებლად. ამ ადამიანებს იოლად შეუძლიათ საზოგადოებრივ თანამდებობაზე მუშაობა, თუმცა წარუმატებლობასა და აუხდენელ ოცნებებს მძიმედ იტანენ.
ჯანმრთელობა
7 აპრილს დაბადებულები მყარი ჯანმრთელობითა და დღეგრძელობით გამოირჩევიან. მათ მიაჩნიათ, რომ ჯანმრთელობა ყველაფერს გაუძლებს და ეს დიდი შეცდომაა. დღე და ღამ მუშაობა, უძილობა და არასწორი და არასაკმარისი კვება არაფერ კარგს არ მოიტანს. ამ ადამიანებს ხშირად უჩნდებათ კუჭ-ნაწლავთან დაკავშირებული პრობლემები, ამიტომ უნდა ერიდონ სტრესს, ცხარე და მწარე, ცხიმიან და შემწვარ საკვებს.
რჩევა:
ყველას არ აქვს დიდი ენთუზიაზმი და მისწრაფება მიზნისკენ, ამიტომ ნუ მოახვევთ ადამიანებს თქვენი ქცევის მოდელს, ყველა მომხდარზე თავისებურად რეაგირებს. ყველას აქვს არჩევნის უფლება და მიეცით ადამიანებს ამის შესაძლებლობა.
