წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 აპრილი
2-11 აპრილის პერიოდი ვერძის ნიშნის მეორე დეკადას განეკუთვნება.
ამ დეკადას მზე მფარველობს. ამ პერიოდში დაბადებულები პატივმოყვარე, მტკიცე და ძალაუფლებისმოყვარე ადამიანები არიან.
მნიშვნელოვანი წლებია: 15,19, 30, 35, 45, 57, 60, 76.
ამ ადამიანთა სიმბოლოა მაგნოლია.
ამ პერიოდში დაბადებულები ძალზე პატივმოყვარე პიროვნებები არიან. პირველობისკენ სწრაფვაში ხშირად ავიწყდებათ სხვების ინტერესები, ხანდახან ვერ საზღვრავენ საკუთარ ძალებს და თავიანთ შესაძლებლობებს აზვიადებენ. ხშირად ყურადღებას არ აქცევენ გარშემომყოფების რჩევებს. მათ უნდა ისწავლონ სხვა ადამიანების რჩევებისა და ინტერესების გათვალისწინება.
6 აპრილს დაბადებულები
6 აპრილს დაბადებულები წარმატებული, სიყვარულით გარშემორტყმული ადამიანები არიან. აქვთ მსუბუქი ხასიათი, არიან კეთილი, კომუნიკაბელური, არ უყვართ მარტოობა და მუდამ მოვლენების ცენტრში სურთ ყოფნა. მათ მიმართ ყოველთვის იჩენენ ყურადღებას და ეს გასაკვირი არცაა - აქვთ მრავალმხრივი ნიჭი, არიან მოუსვენარი ადამიანები. უყვართ ფულის ფლანგვა, რამაც საბოლოოდ შეიძლება სავალალო მდგომარეობაში ჩააგდოს. ყურადღებით უნდა შეარჩიონ მეგობრები, ისეთები, ვისაც სხვის ხარჯზე გართობა არ ეყვარება. ახალგაზრდობიდანვე უნდა ისწავლონ საკუთარი ფასეულობების შენარჩუნება, ებრძოლონ თავიანთ სისუსტეებს, გამოიმუშაონ ისეთი თვისებები, როგორიცაა მოკრძალება და გონივრულობა, სურვილების კონტროლი. დაუშვებელია, რომ ქარს გაატანონ ის უზარმაზარი შესაძლებლობები, რაც ბუნებით აქვთ ბოძებული. ამან შეიძლება დიდი პრობლემები მოიტანოს.
ზოდიაქოს ნიშნების მაგიური უნარები>>
6 აპრილს დაბადებულები დიდი ბავშვური ცნობისმოყვარეობით გამოირჩევიან. სწორედ ესაა მათი კვლევითი საქმიანობის ლოკომოტივი. სამეცნიერო-კვლევით დამოკიდებულებას მთელი ცხოვრება ინარჩუნებენ ცხოვრების ყველა სფეროში, იქნება ეს ემოციური, ფსიქოლოგიური თუ ფიზიკური.
ამ დღეს დაბადებულები გამოირჩევიან მახვილგონიერებით, კარგი მეხსიერებით, ლოგიკური აზროვნებით, არიან ყურადღებიანი, ძალიან შრომისმოყვარენი. სწორედ ამ თვისებებით, არასტანდარტული აზროვნებით, ზუსტი შენიშვნებითა და დასკვნებით ისინი ანცვიფრებენ გარშემომყოფებს. აქვთ უნიკალური იდეები, პროექტები, შეუძლიათ მათი ხორცშესხმა. ამაში მათ ხელს უწყობს ის, რომ ვერ ამჩნევენ წესებს, ნორმებსა და საზღვრებს. მათთვის არ არსებობს სრულყოფილება, ყველაფერი დეტალურ კვლევასა და ანალიზს ექვემდებარება. თან, მათი მიზანია არა ნაკლოვანებების გამოვლენა, არამედ მათი გამოსწორება. დეტალურად აანალიზებენ ისინი თავიანთ ახლობლებსაც, უცხოებსაც და საკუთარ თავსაც.
მათი გულწრფელობის, ხანდახან მიამიტობის, ბავშვური უშუალობის გამო ისინი გარშემომყოფების დიდ სიყვარულს იმსახურებენ; თუმცა, ჰყავთ მოშურნეებიც, მტრებიც. ამ დღეს დაბადებულები არ არიან პატივმოყვარენი, შეუძლიათ სხვების დარდისა და ტკივილის გაზიარება. ამაში მათ მოვლენების ანალიზისა და შედეგების პროგნოზირების უნარი ეხმარება. ამ დღეს დაბადებულებს უმაღლესი მწვერვალების დაპყრობა შეუძლიათ, თავიანთი გრანდიოზული იდეებითა და გეგმებით სხვა ადამიანების მოხიბლვა, ამის ხორცშესასხმელად ყველაფრის ორგანიზება.
ჯანმრთელობა
6 აპრილს დაბადებულებს, თავიანთი ცნობისმოყვარე ხასიათიდან გამომდინარე, საკუთარი ორგანიზმი და მისი ფუნქციონირება დიდად აინტერესებთ. გარდა დაკვირვებისა, მათ ექსპერიმენტებიც უყვართ და ამ ექსპერიმენტებს რომ გაუძლოს ადამიანმა, რკინისებრი ჯანმრთელობა უნდა ჰქონდეს. ამასთან დაკავშირებით ამ დღეს დაბადებულებს ხშირად უჩნდებათ ჯანმრთელობის პრობლემები, რადგან ზოგიერთი ცდა (მაგალითად, ნარკოტიკებთან დაკავშირებული) მართლა სავალალო შედეგით შეიძლება დასრულდეს. სამეცნიერო-კვლევითი საქმიანობის დიდი სიყვარული მხედველობის დიდ დატვირთვას იწვევს. ამ დღეს დაბადებულები ძალზე მოძრავი არიან, ამიტომ დამატებით ფიზიკურ დატვირთვას აღარ საჭიროებენ. კვებას კი ყურადღება უნდა მიაქციონ და დაბალანსებული დიეტა დაიცვან.
ვირუსები და ზოდიაქოს ნიშნები: ვის არ აშინებს კორონავირუსიც კი>>
რჩევა:
აკონტროლეთ ემოციები, არ დაივიწყოთ თქვენი მოვალეობები და ნუ მოწყდებით რეალურ სამყაროს. მაშინ თქვენთვის ბედნიერი ვარსკვლავი მუდამ გაანათებს.
