წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
2-11 აპრილი
2-11 აპრილის პერიოდი ვერძის ნიშნის მეორე დეკადას განეკუთვნება.
ამ დეკადას მზე მფარველობს. ამ პერიოდში დაბადებულები პატივმოყვარე, მტკიცე და ძალაუფლებისმოყვარე ადამიანები არიან.
მნიშვნელოვანი წლებია: 15,19, 30, 35, 45, 57, 60, 76.
ამ ადამიანთა სიმბოლოა მაგნოლია.
ამ პერიოდში დაბადებულები ძალზე პატივმოყვარე პიროვნებები არიან. პირველობისკენ სწრაფვაში ხშირად ავიწყდებათ სხვების ინტერესები, ხანდახან ვერ საზღვრავენ საკუთარ ძალებს და თავიანთ შესაძლებლობებს აზვიადებენ. ხშირად ყურადღებას არ აქცევენ გარშემომყოფების რჩევებს. მათ უნდა ისწავლონ სხვა ადამიანების რჩევებისა და ინტერესების გათვალისწინება.
როგორ უნდა გავაძლიეროთ ჩვენი ენერგეტიკა ზოდიაქოს ნიშნის მიხედვით>>
4 აპრილს დაბადებულები
4 აპრილს ბედის ნებიერები იბადებიან. ისინი რამდენადმე ქარაფშუტები არიან. არ იციან, რა არის შიში. იღბალი ყველაფერში სდევთ თან. არიან გულუხვი ადამიანები, რაც ხანდახან მფლანგველობის ზღვართან ახლოს დგას. რადგან ყველაფერი კარგად გამოსდით და ყველაფერში უმართლებთ, დიდხანს უნდებიან პროფესიის შერჩევას.
4 აპრილს დაბადებულები მუდამ ინიციატივას საჭიროებენ, რათა საკუთარი ინდივიდუალობა გამოხატონ. ხანდახან ვითარება მათ წინააღმდეგ ეწყობა, რასაც მის ხასიათზე გარშემომყოფების რეაქცია იწვევს. არის რისკი, რომ თავად გახდნენ საკუთარი თავის მტერი. ამ დღეს დაბადებულებმა გარშემომყოფებს უნდა დაუმტკიცონ, რომ შეუძლიათ ჩანაფიქრის ბოლომდე მიყვანა. მათ მუდამ უნდა აკონტროლონ თავიანთი ჰიპერაქტიურობა, განსაკუთრებით ახალ წამოწყებებში. თუ არასწორ გზას დაადგებიან, ჰყოფნით ძალა, რომ აღიარონ ეს და შეეცადონ ამის გამოსწორებას.
თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>
4 აპრილს დაბადებულები ძალზე ჯიუტი ადამიანები არიან, ამიტომ მათთან კამათს აზრი არა აქვს. კარიერული თვალსაზრისით, ისინი სიმაღლეების დაპყრობისა და საყოველთაო აღიარების მოპოვებისკენ ისწრაფვიან; თუმცა, მიუხედავად ამისა, ამ მიზნების მიღწევა მათთვის ყველაზე მნიშვნელოვანი არ არის. ამ დღეს დაბადებულებმა უნდა განივითარონ ნოვატორობისა და ინიციატივების ნიჭი. თუ ამ ტალანტს ჩაახშობენ, ეს მათში შემოქმედებით მხარეს ჩაკლავს.
ამ დღეს დაბადებულების ნაკლია მოთმინების არქონა იმ მომენტებში, როდესაც მათი არ ესმით და როდესაც ერთისა და იმავეს რამდენჯერმე გამეორება უწევთ. სწორედ ამიტომ მათ უმრავლესობას მარტო მუშაობა ურჩევნია. ბედნიერი რომ იყვნენ, აუცილებლად უნდა იყვნენ რეალისტები და დასახული გზიდან არ უნდა გადაუხვიონ. და თუ გადაუხვიეს, სწორ გზაზე დაბრუნებისთვის ახლობლების, ოჯახის დახმარება სჭირდებათ. რა თქმა უნდა, თვითონაც ხვდებიან, რომ დაგეგმილ კურსს ასცდნენ, მაგრამ კალაპოტში დაბრუნებაზე ბევრ დროს ხარჯავენ.
ჯანმრთელობა
4 აპრილს დაბადებულების ჯანმრთელობას ყველაზე დიდი საფრთხე მათი იმპულსურობიდან გამომდინარე ემუქრება. ისინი უნდა მოერიდონ დაძაბულ სამუშაოს, სადაც დიდია ფსიქოლოგიური და ნერვული სტრესები. ორგანიზმის მოდუნებისთვის წაადგებათ აბაზანები ეთერზეთებით, მასაჟი და მანუალური თერაპია. რაც შეეხება მათ კვების რაციონს, შეუძლიათ მრავალფეროვანი საკვების მიღება და დაბალანსებული დიეტის დაცვა.
ვირუსები და ზოდიაქოს ნიშნები: ვის არ აშინებს კორონავირუსიც კი>>
რჩევა:
ეცადეთ, სანამ რამეს იტყოდეთ, დაფიქრდეთ. ისწავლეთ დუმილი. საჭიროა ასევე ისწავლოთ გუნდში მუშაობა და მათთვის გამოცდილების გაზიარება, საკუთარი ემოციების, აგრესიისა და სისასტიკის გაკონტროლება.
