ხელბორკილი

რეციდივისტის საქვეყნო ფიცი და შეწყალების უცნაური ისტორია: ნამდვილი ამბავი

374
(განახლებულია 21:32 02.04.2020)
სააპარატოში მე და კახას ცრემლით გვქონდა თვალები სავსე. მონიტორში ვხედავდით, როგორ იმშრალებდა ბორია წანწკარით მომდინარე სისველეს. სრული სიჩუმე დარბაზში დაახლოებით ერთ წუთს გაგრძელდა...

გემახსოვრებათ, 1995 წლიდან ვიდრე 2004 წლამდე საქართველოს ტელევიზიის პირველ არხზე გადიოდა გადაცემა „ფორტუნა“, სადაც ახალდაქორწინებული წყვილები თავიანთი სიყვარულის ისტორიასაც ჰყვებოდნენ და ერთმანეთსაც ეჯიბრებოდნენ ინტუიციით კარტების გამოცნობაში.

გადაცემა ბრიტანული პროდუქტი იყო. საქართველოში მის ჩამოტანაში და ქართული ვერსიის ხორცშესხმაში „დამნაშავე“ იმ დროს საქტელერადიოს თავმჯდომარის მოადგილე და ცნობილი ტელერეჟისორი კახა (გიორგი) კახაბრიშვილი გახლდათ. სწორედ კახამ მიმიწვია ამ თამაშის რედაქტორად. გადაცემის წამყვანი კი მისი სული და გული, მსახიობი ბორის წიფურია გახლდათ. 

„ფორტუნას“ ისტორიიდან ერთი შემთხვევა მინდა გავიხსენო: ერთხელ, საღამოს კახასთან შევიკრიბეთ. ბორიამ შემოგვთავაზა, გადაცემისთვის ციხეში მოვძებნოთ წყვილებიო. იდეა მოგვეწონა და მეორე დღიდანვე შევუდექით საქმეს. ჩავრთეთ შინაგან საქმეთა სამინისტრო და, ბოლოს და ბოლოს, შევარჩიეთ ორი მსჯავრდებული. ერთი — სამჯერ ნასამართლევი რეციდივისტი, მეორე — ახალგაზრდა ყმაწვილი, რომელსაც ბედის უკუღმართობამ გადაადგმევინა მცდარი ნაბიჯი. როგორც გავარკვიეთ, ორივეს ჰყავდა შეყვარებული, რომლებიც მოთმინებით ელოდნენ თავიანთი საბედოების გათავისუფლებას, რომ ჯვარი დაეწერათ. გადაცემის ჩაწერას, როგორც წესი, მაყურებელი არ აკლდა, მაგრამ იმ დღეს ტელევიზიის პირველ სტუდიაში იმდენი მსურველი მოგროვდა, იძულებული გავხდით, ბევრისთვის უარი გვეთქვა.

ორივე პატიმარი ბადრაგმა მოიყვანა. თამამად შემიძლია ვთქვა, რომ 10 წლის განმავლობაში მსგავსი ემოციური გადაცემა არ გაგვიკეთებია. ახლა დეტალების მოყოლისგან თავს შევიკავებ და მხოლოდ ერთ მომენტზე გავამახვილებ ყურადღებას.

სრულიად მოულოდნელად რეციდივისტის შეყვარებულმა ბორიას სთხოვა, ნება მომეცით, ავთოს (მსჯავრდებული) მივმართოო. 20 ნოემბერი იყო, „ფორტუნა“ კი 23-ში, გიორგობას უკვე დამონტაჟებული უნდა გასულიყო ეთერში. ქალბატონს მანანა ერქვა. მივიდა ბორიასთან და დაახლოებით ასეთი რამ უთხრა: ავთო, გულზე ჯვარი გკიდია, ქრისტიანი კაცი ხარ, ამ გიორგობის დღესასწაულზე მომეცი პირობა, რომ აღარასოდეს მოხვდები ციხეში და სიკვდილამდე შენი ერთგული და მოსიყვარულე ცოლი ვიქნებიო. 

უეცრად მეორე, სრულიად ახალგაზრდა გოგონა შეუერთდა „კოლეგას“ და იმანაც თავის შეყვარებულს მიმართა: გურამ, თუ დაიფიცებ, რომ კანონს აღარასდროს დაარღვევ, ბევრ შვილს გაგიჩენ და პირობას გაძლევ, შენზე ადრე არ მოვკვდებიო.

სააპარატოში მე და კახას ცრემლით გვქონდა თვალები სავსე. მონიტორში ვხედავდით, როგორ იმშრალებდა ბორია წანწკარით მომდინარე სისველეს. სრული სიჩუმე დარბაზში დაახლოებით ერთ წუთს გაგრძელდა. ერთი წუთი თითქოს არაფერია, მაგრამ ტელევიზიისთვის ეს უზარმაზარი დროა, ხოლო სიჩუმე ეთერთან ვერ თავსდება. ოპერატორებმა ივაჟკაცეს და საოცარი ემოციები აღბეჭდეს...

უეცრად ორივე მამაკაცი ერთდროულად მიუახლოვდა ბორიას გვერდით მდგომ ქალბატონებს, მუხლებზე დადგნენ და დაიფიცეს, არა მარტო ამ ორი დიდებული ქართველი ქალის, არამედ მთელი საქართველოს წინაშე… 

მერე კიდევ უფრო მაგარი რამ მოხდა: 25 ნოემბერს, ჩვენთვისაც მოულოდნელად, ედუარდ შევარდნაძემ ორივე მსჯავრდებული შეიწყალა!

როგორც გაირკვა, „ფორტუნას“ იმ დროის საქართველოს ხელისუფალნიც სიამოვნებით უყურებდნენ.

P.S. წესად გვქონდა, ქორწილებში მიპატიჟებას არ ვიღებდით. ეს ტაბუ არც იმ ჯერზე დაგვირღვევია. თუმცა, ერთი წლის შემდეგ საქართველოს ორ პატარა ქალაქში ორი ვაჟკაცი რომ მოინათლა, ნათლიებს შორის, ბორის წიფურიასთან და კახა კახაბრიშვილთან ერთად, ამ სტრიქონების ავტორიც იყო.

374
შემოდგომა

ოქტომბრის ასტროლოგიური პროგნოზი ზოდიაქოს ნიშნებისთვის

400
(განახლებულია 12:26 30.09.2020)
ოქტომბერში ვარსკვლავები შეეცდებიან, მხარი დაგვიჭირონ, რათა საკუთარი თავის რეალიზება შევძლოთ. საჭიროა აქტიურობა – გახსოვდეთ, რომ ყველაფერი ჩვენ ხელთაა.

ოქტომბერი უფრო მეტ სტაბილურობას გვპირდება, ვიდრე ეს სექტემბერში იყო. ვარსკვლავები და პლანეტები ხელსაყრელ განლაგებაში იქნებიან და განწყობას ხშირად არ შეიცვლიან.

ვერძი

ვერძებისთვის ძალზე მნიშვნელოვანი პერიოდი იწყება. ეს განსაკუთრებით მათ ეხება, ვინც მარტოა და მეორე ნახევრის პოვნა სურს. ვარსკვლავები დაგეხმარებიან, გაზრდიან თქვენს მომხიბვლელობასა და ქარიზმას. ეს უკვე ოქტომბრის პირველ რიცხვებში გახდება შესამჩნევი.

რაც შეეხება მუშაობას, ამ სფეროში ასევე წარმატებები გელოდებათ. განსაკუთრებით გაუმართლებს იმ ვერძებს, რომელთა საქმიანობა ურთიერთობებთან არის დაკავშირებული.

კურო

კუროებისთვის ძალზე მნიშვნელოვანი იქნება სახლის ენერგეტიკული გაწმენდა. პირველივე დღეებში გადაყარეთ უსარგებლო ნივთები და ძველმანები, დაასუფთავეთ სახლი საფუძვლიანად და გადააადგილეთ ავეჯი. ეს ყველაფერი შესანიშნავად აისახება თქვენს განწყობასა და იღბალზე.

ოქტომბერი თქვენთვის წარმატებების მომტანი თვე იქნება. ასტროლოგები გირჩევენ, არ ჩაებათ კონფლიქტებში, განსაკუთრებით თვის მესამე დეკადაში. მშვიდად შეხვდით კრიტიკას. ოქტომბერში მეტი ყურადღება დაუთმეთ ოჯახსა და ნათესავებს.

ტყუპი

ამურულ სფეროში ყველაფერი წესრიგშია. ოქტომბერში მარტოხელებს საინტერესო ადამიანთან შეხვედრის დიდი შანსი გაქვთ. ვისაც ჰყავს პარტნიორი, მათ ასტროლოგები გირჩევენ, მეტი დრო გაატაროთ საყვარელ ადამიანთან.

ოქტომბრის პირველ თვეში ძალზე მნიშვნელოვანია, რომ ტოქსიკურ ადამიანებსა და მტრებს მოერიდოთ, გამოიჩინოთ სიფრთხილე. არ ღირს ვინმესთან საკუთარ სამომავლო გეგმებზე, მიზნებსა და ამბიციებზე საუბარი.

კირჩხიბი

კირჩხიბები ოქტომბერში ერთ–ერთი ყველაზე იღბლიანი და ბედნიერი ადამიანები გახდებით. ერთადერთი, რასაც უნდა მოერიდოთ, ეს ძვირადღირებული რამის შეძენაა. სამსახურში დიდი წარმატებები გელოდებათ, თუ საქმეებს მთლიანად მიუძღვნით თავს. ახლა თქვენი მთავარი მტერი სიზარმაცე და საქმეების სამომავლოდ გადადებაა.

იღბალი თქვენ გვერდით იქნება, მაგრამ გარკვეული ყურადღება უნდა მიაქციოთ ჯანმრთელობას. საუბარია ცხოვრების ჯანსაღ წესზე. ასევე ასტროლოგები გირჩევენ, არ გაცივდეთ და საჭესთან ფრთხილად იყოთ.

ლომი

ლომებისთვის ოქტომბერში უმთავრესი სიყვარული და ურთიერთობები გახდება. ამ თვეში არ შეიძლება დიდხანს მარტო დარჩენა, ამიტომ იაქტიურეთ და ხშირად იქონიეთ კონტაქტი ახლობლებთან. ექსპერტები გირჩევენ, რომ ენდოთ საყვარელ ადამიანს, რომელიც სასარგებლო რჩევებს მოგცემთ.

ლომებს 4 ოქტომბრიდან ფინანსური მდგომარეობა გამოგისწორდებათ. გაჩნდება ახალი შესაძლებლობები ბიზნესსა და სამუშაოზე. დიდი წარმატებები გელოდებათ მომსახურების სფეროსთან დაკავშირებული პროფესიების მქონე ლომებს. თვის მეორე ნახევარში შეგიძლიათ იმოგზაუროთ, ეწვიოთ სავაჭრო ცენტრებს. შოპინგი განწყობას აგიმაღლებთ.

ქალწული

ქალწულებმა ჯანმრთელობასა და ენერგიის დონეს უნდა მიხედოთ. ამაში ძალიან წაგადგებათ სხვაგან გადასვლა, მოგზაურობა ან საქმიანი მივლინება. გარემოს გამოცვლა სასარგებლოა ენერგეტიკისთვის და განწყობასა და იღბალზე კარგად აისახება. თვის ბოლოს ვარსკვლავები სიმხნევეს შეგმატებენ, მანამდე კი ამაზე თავად უნდა იზრუნოთ.

ოქტომბერში ნებისმიერი შესაძლებლობა უნდა გამოიყენოთ, რომ შეურიგდეთ ნათესავებს, მეგობრებს, საყვარელ ადამიანს. ექსპერტები გირჩევენ, არ ჩაიდოთ გულში წყენა. უნდა დაივიწყოთ ყველაფერი ცუდი, რათა პოზიტიური ემოციებისთვის ადგილი გაათავისუფლოთ.

სასწორი

პრიორიტეტების თვალსაზრისით ფინანსური სფერო სასწორებისთვის პირველი ნომერი უნდა გახდეს. დაასრულეთ დაწყებული საქმეები და გამოავლინეთ მაქსიმალური პასუხისმგებლობა.13 ოქტომბრიდან იღბალი გაგიღიმებთ. გაძლიერდება თქვენი ინტუიცია.

სჯობს, უარი თქვათ ურთიერთობების გამორკვევაზე, მით უმეტეს – სახალხოდ. სამუშაოზეცა და სახლშიც ყველაფერი თავისთავად მოგვარდება, თქვენ მხოლოდ მოთმინება გჭირდებათ. პროვოკაციებს არ უპასუხოთ აგრესიით, ეს ძალზე ნეგატიურ შედეგებს მოიტანს. ოქტომბერში იაქტიურეთ ფიზიკურად, მაგრამ ზედმეტად არ დაიტვირთოთ თავი.

მორიელი

ოქტომბერში დასვენება თქვენთვის უპრიანი იქნება. ეს თქვენს იღბალსა და ენერგეტიკას წაადგება. თუ დაღლას იგრძნობთ, მაშინვე თავი გაანებეთ ყველაფერს და მოდუნდით. შეგიძლიათ წახვიდეთ სადმე და ბუნების პეიზაჟებით დატკბეთ.

თუნდაც ხანმოკლე შვებულება მოგიწესრიგებთ ფიქრებს, გრძნობებს, სამყაროზე სხვაგვარად შეხედვაში დაგეხმარებათ. შესანიშნავი დროა ნიჭის განვითარებისთვის, თვალსაწიერის გაფართოებისთვის, ახალი ცოდნის, უნარების თვისებისა და ახალი ემოციების მიღებისთვის. თუ გეგმები ჩაგეშალათ, საპანიკო არაფერია.

მშვილდოსანი

მშვილდოსნებს ოქტომბრის დასაწყისში სიფრთხილე გმართებთ, რადგან, შესაძლოა, წინა პლანზე გამოვიდეს თქვენი (და ასევე ზოდიაქოს სხვა ნიშნების) ხასიათის ცუდი თვისებები. ეს რთული დღეები იქნება, რადგან საკუთარ თავთან მოგიწევთ ბრძოლა, შინაგანი ბარიერების გადალახვა.

თვის მეორე დეკადიდან უკვე დიდი წარმატებებისა და გამარჯვებების პერიოდი გეწყებათ. ეს შეეხება მუშაობასაც, სწავლასაც და სიყვარულსაც. შეგიძლიათ რამდენიმე საქმეს ერთდროულად შეეჭიდოთ, მაგრამ მოვლენების არ დააჩქაროთ. ვარსკვლავები გირჩევენ, არ „ჩაიციკლოთ“ წყენებზე და წვრილმანების გამო არ განაწყენდეთ.

თხის რქა

თუ თქვენი გეგმები მოულოდნელად ჩაიშალა, არ ინერვიულოთ. აუცილებელია საკუთარი თავის რწმენა და წინსვლა. ძალიან დაგეხმარებათ ინტუიცია. პოზიტიურ განწყობას დაგაკარგვინებთ არა მხოლოდ უარყოფითი აზრები, არამედ ზოგიერთი მავნე ჩვევაც.

ოქტომბრის ბოლო კვირა ძალზე პროდუქტიული და დადებითი იქნება. ფინანსური საკითხები და პრობლემები სამუშაოზე სწრაფად გადაწყდება. ასტროლოგები გირჩევენ, მოერიდოთ არასაჭირო ხარჯებს, ებრძოლოთ ცდუნებებს. თვის მეორე ნახევარში ბევრად იოლი იქნება საერთო ენის გამონახვა გარშემომყოფებთან.

მერწყული

ოქტომბერი იდეალური დროა ფიზიკური აქტიურობისთვის, მგზავრობისა და გარემოს შეცვლისთვის. ეს ყველაფერი შესანიშნავად აისახება თქვენს იღბალსა და ენერგეტიკაზე. ოქტომბრის შუა რიცხვები იდეალური დროა საკუთარ გარეგნობასა და სტილზე ზრუნვისთვის, გარდერობის განახლებისთვის.

ასტროლოგები გირჩევენ, მოერიდოთ ტოქსიკურ ადამიანებს და იმათ, ვინც არ მოგწონთ. იქნებიან ფარული არაკეთილმოსურნეებიც, რომელთა ამოცნობაში ინტუიცია დაგეხმარებათ. ოქტომბერში მარტოხელებს ძალიან დიდი შანსი გაქვთ, რომ საყვარელ ადამიანს შეხვდეთ და ბედნიერი ურთიერთობები დაიწყოთ.

თევზები

თევზებისთვის იდუმალებით მოცული და უცნაური დრო დგება. ვარსკვლავები და პლანეტები თქვენგან ზოგიერთ მნიშვნელოვან რამეს დამალავენ და მხოლოდ მინიშნებებს მოგცემენ. მეორე მხრივ, მათ ზოგიერთ საბედისწერო და უაღრესად მნიშვნელოვან კითხვებზე პასუხი შეიძლება მოგცენ.

მოგზაურობისა და სავაჭრო ცენტრებში სტუმრობისთვის საუკეთესო პერიოდია 10–დან 25 ოქტომბრამდე პერიოდი. ვინც ახლა იწყებს ურთიერთობებს, სჯობს, არ დააჩქაროთ მოვლენები. სიყვარული თქვენზე დადებითად იმოქმედებს – გააძლიერებს სიმხნევესა და შემოქმედებით პოტენციალს.

400
სავსე მთვარე

მთვარის კალენდარი: 30 სექტემბერი რისი გაკეთება შეიძლება და რისი არა

140
(განახლებულია 10:51 30.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

30 სექტემბერი, ოთხშაბათი. ამ დღეს მერკური მართავს. მზარდი მთვარე თევზების ნიშანშია.

კარგი დღეა გუნდური მუშაობისთვის, ახალი ინფორმაციის მიღებისთვის.

ამ დროს ახლდება სასიცოცხლო ენერგია.

თევზების დღე რომანტიკულია და ადამიანებს დასვენებისა და შემოქმედებისკენ უბიძგებს. ადამიანებში ძლიერდება სენტიმენტალობა, ემოციურობა, მგრძნობელობა, ინტუიცია. შესანიშნავი დროა შემოქმედებითი ადამიანებისთვის. კარგი დღეა იურიდიული პრობლემების მოგვარებისთვის. მოსალოდნელია შემოსავლების ზრდა. შეიძლება სესხის აღება.

თუ სიყვარული ამ დღეს გეწვიათ, მან, შესაძლოა, ყოველგვარ მოლოდინს გადააჭარბოს. ამ გრძნობის შესანარჩუნებლად კი საჭიროა არა მხოლოდ ემოციები, არამედ სიფხიზლე, რეალობა, ძალა, პატიოსნება, გულწრფელობა და პასუხისმგებლობა სხვა ადამიანის მიმართ. პასუხისმგებლობის გრძნობა ერთმანეთის მიმართ კავშირს განამტკიცებს. ინტუიცია არ დაგაღალატებთ.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

რეკომენდებულია აქტიური და მტკიცე ნაბიჯების გადადგმა, მნიშვნელოვანი და სერიოზული საქმეების დაწყება, მოქმედებამდე საკუთარი ნაბიჯების დეტალურად გაანალიზება, ადამიანებთან ურთიერთობები, ოჯახური კავშირების გამტკიცება, კარიერაზე და ბიზნესზე ზრუნვა, ფინანსური საკითხების გადაჭრა, ზედმეტი საქმეებისა და სხვისი პრობლემების თავიდან არიდება.

არარეკომენდებულია უსაქმურად ყოფნა, უსარგებლო წვრილმანებზე დროის კარგვა.

არცთუ ხელსაყრელი დღეა მგზავრობისთვის.

თმის შეჭრა, შეღებვა: არცთუ ხელსაყრელი დღეა თმის შეჭრისთვის, შეღებვისთვის, ასევე მანიკურისთვის – ფრჩხილების გაკეთებამ შეიძლება კანის გაღიზიანება გამოიწვიოს.

მებაღეობა: თევზები ერთ–ერთი ყველაზე ნაყოფიერი ნიშანია. ხელსაყრელი დღეა ოთახისა და აივნის ყვავილების მორწყვის, გაზონის გაკრეჭისთვის, ყვავილებისთვის სასუქის მიცემისთვის.

არახელსაყრელია ნაყოფიანი ხეებისა და ბუჩქების დარგვა, გასხვლა.

140
რევაზ არველაძე

პარლამენტში საგანგებო მდგომარეობისა და კომენდანტის საათის შემოღებაზე ალაპარაკდნენ

0
(განახლებულია 12:23 30.09.2020)
დეპუტატი ქვეყანაში ეპიდვითარების დასტაბილურებამდე საგანგებო მდგომარეობის გამოცხადების ინიციატივით გამოდის

 

თბილისი, 30 სექტემბერი  — Sputnik.  საპარლამენტო უმრავლესობის წევრი რევაზ არველაძე მიიჩნევს, რომ ქვეყანაში გართულებული ეპიდვითარების გამო, აუცილებელია საგანგებო მდგომარეობის გამოცხადება და კომენდანტის საათის შემოღება.

როგორც არველაძემ აღნიშნა, ეს მისი პირადი მოსაზრებაა და არა მმართველი პარტია „ქართული ოცნება – დემოკრატიული საქართველოს“ პოზიცია. 

 „ვფიქრობ, უკეთესი იქნებოდა, რომ არ გაუქმებულიყო საგანგებო მდგომარეობა და შენარჩუნებულიყო კომენდანტის საათი 22:00 საათიდან 07:00  საათამდე, ისეთი შეზღუდვებით, რომლის დროსაც ბიზნესის ზიანი იქნებოდა მინიმალური. ჩვენ საგანგებო მდგომარეობა მარტის თვეში შემოვიღეთ, როდესაც დღეში მაქსიმუმ  9 პირი სნეულდებოდა, ახლა კი შეხედეთ რა მდგომარეობაა“, – განაცხადა არველაძემ.

სექტემბერში 3 ჯერ უფრო მეტი დაინფიცირდა, ვიდრე, მთლიანად თებერვალ-აგვისტოში და დღეისთვის დაავადებულთა რაოდენობა 13 ჯერ აღემატება 1 სექტემბრის რაოდენობას.

მისი თქმით, მარტო სექტემბერში ინფიცირების 3–ჯერ მეტი შემთხვევა დაფიქსირდა, ვიდრე მთლიანად თებერვალ–აგვისტოში, დღეისთვის კი დაავადებულთა რაოდენობა 13–ჯერ აღემატება 1 სექტემბრის მაჩვენებელს.

 „ვთვლი, მდგომარეობა იმდენად შემაშფოთებელია, რომ აუცილებელია კვლავ შემოღებული იქნას საგანგებო მდგომარეობა და იგი არჩევნებმდე რამდენიმე დღით ადრე გაუქმდეს, რათა არჩევნებმა ნორმალურად ჩაიაროს და შემდეგ, სიტუაციის მიხედვით, ისევ აღდგეს. ვფიქრობ, არ უნდა დაველოდოთ, დაავადებულთა რაოდენობის პროპორციულად  როდის გაიზრდება სიკვდილიანობის მაჩვენებელი”, – განაცხადა რევაზ არველძემ.

ბოლო დღე–ღამეში საქართველოში კორონავირუსით ინფიცირებულთა რაოდენობა 326–ით გაიზარდა და  6192–ს მიაღწია. გამოჯანმრთელდა 3120, ეპიდემიის დაწყებიდან დღემდე გარდაიცვალა 37 ადამიანი.

0
თემები:
საქართველოს პარლამენტი