ყვავილები ზღვის სანაპიროზე

21 მარტს დაბადებულები ზოდიაქო, დახასიათება, რჩევები

69
(განახლებულია 10:51 21.03.2020)
გაეცანით 21 მარტს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

21 მარტი - 1 აპრილი

21 მარტი - 1 აპრილის პერიოდი ვერძის ნიშნის პირველ დეკადას განეკუთვნება.

ამ პერიოდში დაბადებულებს მარსი მფარველობს. ის მათ ანიჭებს დიდ ენერგიას, მიზანსწრაფულობას, უდრეკ ნებისყოფას, სიმტკიცეს, ფეთქებად ხასიათსა და ნამდვილ მამაკაცურ უშიშრობას.

ვერძი
ვერძი

მნიშვნელოვანი წლებია: 15, 30, 45 და 75.  

ამ ადამიანთა სიმბოლოა ფუტკარა (Digitalis ferruginea).

მფარველი პლანეტის გავლენით ამ დეკადაში დაბადებულები ბუნებით მეომრები და ლიდერები არიან. ინტუიციისა და სრულყოფილი ლოგიკის შერწყმით შეუძლიათ სიტუაციის განვითარების შესაძლო ვარიანტების შეფასება. რთულ ვითარებებში გონივრულად მოქმედებენ.

მათ უნდა გაითვალისწინონ, რომ ღმერთი არ არიან, ყველაფერს ვერ გააკონტროლებენ და ვერ გარდაქმნიან სამყაროს; წინააღმდეგ შემთხვევაში მათ ემუქრებათ გადაღლა, ნერვული სისტემისა და შინაგანი ემოციური რესურსის გამოფიტვა.

21 მარტს დაბადებულები

21 მარტს დაბადებულები საკმაოდ უჩვეულო ადამიანები არიან. მათი ცხოვრების გზა სავსეა როგორც მწვერვალების ტრიუმფული დაპყრობებით, ისე სასტიკი ვარდნებით, მიმართულებების მკვეთრი ცვლილებებით. მათი დადებითი თვისებებია ძალა, სიჯიუტე, შემოქმედებითი აზროვნების უნარი, ახალი ცოდნისა და უნარების სწრაფი ათვისება. უარყოფითი თვისებებია თავშეუკავებლობა, ფეთქებადი ხასიათი, მოუთმენლობა, ზედმეტად დიდი ამბიციები.

ამ ნიშნის წარმომადგენლები თუ ისწავლიან საკუთარი ემოციების გაკონტროლებას, დადებითი თვისებების გამოყენებით შეძლებენ საზოგადოებაში ისეთი მდგომარეობის მოპოვებას, რომელიც მათ ამბიციებს დააკმაყოფილებს.

ზოდიაქოს ნიშნები, რომლებსაც ერთი ნახვით უყვარდებათ>>

21 მარტს დაბადებულების პირადი მახასიათებლებია უკომპრომისობა, მზადყოფნა სიახლეებისადმი, ზედმეტი პირდაპირობა, ახალ-ახალი შემოქმედებითი იდეებისა და მათი რეალიზების უნარი. ეს თვისებები გაზაფხულის ბუნიობის დღესთანაც არის დაკავშირებული. ეს ასტრონომიული მოვლენა უწინ გაზაფხულის მოსვლას, სინათლის სიბნელეზე გამარჯვებას ნიშნავდა. ეს დღე, მარსის ზეგავლენასთან ერთად, აძლიერებს ამ დღეს დაბადებულების ენერგიას, ანიჭებს მათ შემოქმედებით პოტენციალსა და სუფთა აურას.

21 მარტს დაბადებულების მიმართ ხშირად ანტიპათიით არიან გამსჭვალული, რადგან მათ არ უყვართ თვალთმაქცობა, ვერ იტანენ სხვებისადმი დამორჩილებას, ისწრაფვიან ყველაფრის სათავისოდ მორგებისკენ.

ამ დღეს დაბადებულები განსაკუთრებული მეოცნებეები და ფანტაზიორები არიან - ნებისმიერი დაუჯერებელი და ფანტასტიკური იდეიდან მატერიალური მოგების მიღება შეუძლიათ. მათ უყვართ ისეთ პროექტებზე მუშაობა, რომლებიც ბევრი ადამიანის ჩართულობას მოითხოვს; პროექტის ხორცშესხმის დროს იქმნება სტრუქტურები, რომლებიც ადრე თუ გვიან ინგრევა, რადგან მისი შემქმნელი მისდამი ინტერესს კარგავს. ამას საფუძვლად შეიძლება ისიც ედოს, რომ ამ დღეს დაბადებულებს არ უყვართ კომპრომისებზე წასვლა არათუ საქმიან პარტნიორებთან, არამედ თავად რეალობასთანაც კი.

ვის ირჩევენ პარტნიორად ზოდიაქოს ნიშნები>>

სწორედ უკომპრომისობა, პრინციპულობა და ქედუხრელი თავდაჯერებულობა უშლის ხშირად ხელს 21 მარტს დაბადებულებს, რომ საკუთარ თავსა და ცხოვრებას სხვა კუთხიდან, სხვა თვალსაზრისით შეხედონ. ისინი სხვა ადამიანებს უმეტესად სუსტებად, პასიურებად, უმწეოებად მიიჩნევენ.

ჯანმრთელობა

21 მარტს დაბადებულებს საკმაოდ კარგი ჯანმრთელობა აქვთ. ისინი კარგად იტანენ მარტოობას, არ აშინებთ ავადმყოფობები. ხშირად სერიოზულ დაავადებას ძალზე უჩვეულო მეთოდებით, ან შემთხვევითობის წყალობით უმკლავდებიან. მათ ჯანმრთელი სხეულისა და ფსიქიკის შენარჩუნებაში ცეკვა და იოგა ეხმარებათ. მათი გემოვნება საკვებში დახვეწილობით არ გამოირჩევა, მაგრამ უყვართ ნოყიერი, უხეში და ქორფა საკვები.

რჩევა:

წარმატების მისაღწევად საკმარისია, ისწავლოთ საკუთარი მრისხანების მართვა, განავითაროთ საკუთარ თავში ტაქტი და სიფაქიზე. ხმამაღლა განაცხადეთ თქვენი სურვილებისა და მოთხოვნების შესახებ, რადგან ადამიანებს სხვისი ფიქრების წაკითხვის უნარი არ აქვთ. ნუ იქნებით მეწვრილმანე, ამპარტავანი და ნუ მოინდომებთ შურისძიებას წლების შემდეგ. სიამაყე და მსგავსი ემოციები რეალობის ადეკვატურად აღქმაში გიშლით ხელს და ამას ცხოვრებისა და თქვენი პიროვნების ტრაგიკული დანგრევა შეუძლია.

69
სავსე მთვარე

მთვარის კალენდარი: 4 ივლისი რისი გაკეთება შეიძლება და რისი არა

480
(განახლებულია 11:18 04.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 ივლისი, შაბათი. ამ დღეს სატურნი მართავს. მზარდი მთვარე თხის რქის ნიშანშია.

კარგი დღეა ჯგუფური მუშაობისთვის, ახალი ინფორმაციის მიღებისთვის. ამ დღეს რეკომენდებულია კორექტივების შეტანა ბიზნესში, გავლენის სფეროს გაფართოება, შეთანხმებებზე ხელმოწერა, საზოგადოებრივი ღონისძიებების ჩატარება, ახალი ცოდნის მიღებს, მუშაობა, მატერიალურ საკითხებზე მუშაობა.

არარეკომენდებულია სერიოზული საქმეების წამოწყება, განსაკუთრებით – მარტო, ასევე დიდი ხნით უსაქმოდ ყოფნა, დასვენება. დღე კატეგორიულად არ მიესადაგება დიდ ხარჯებს, ანუ არ შეიძინოთ ძვირადღირებული არაფერი.

თმის შეჭრა, შეღებვა: მთვარე თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეცერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

მებაღეობა: რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

შეიძლება სარეველასთან, მავნებლებთან ბრძოლა, მორწყვა და სასუქის მიცემა იმ მცენარეებისთვის, რომლებსაც სუსტი ფესვები აქვთ.

480
ვერის ბაღი

4 ივლისს დაბადებულები ზოდიაქო, დახასიათება, რჩევები

300
(განახლებულია 10:44 04.07.2020)
გაეცანით 4 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

ზოდიაქოს თითოეული ნიშნის წარმომადგენლებს თავიანთი ზოგადი საერთო თვისებები აქვთ, მაგრამ თითოეულ დღეს დაბადებულები კიდევ განსხვავებული მახასიათებლებით გამოირჩევიან.

2-11 ივლისი

2-11 ივლისის პერიოდი კირჩხიბის ნიშნის მეორე დეკადას განეკუთვნება.

ამ დეკადას მერკური მართავს. ის ამ პერიოდში დაბადებულებს რთულ ხასიათსა და მოუთმენლობას ანიჭებს. მათი ძლიერი მხარეა ფინანსები.

მნიშვნელოვანი წლებია: 15, 25, 30, 35, 40, 45, 50, 55, 60, 75.

ამ დეკადაში დაბადებულთა სიმბოლოა დუმფარა.

ამ ადამიანებს ყოველთვის აქვთ მკაფიო მიზანი, კარგი ინტუიცია, რაც ეხმარება უსიამოვნებების თავიდან არიდებასა და წარმატებების მიღწევაში. ამ პერიოდში დაბადებულების მთავარი ამოცანაა საკუთარი ძალებისა და უნარების რწმენა. ამის შემდეგ მათი ცხოვრება სხვაგვარად წარიმართება და ახალი ჰორიზონტები გაიხსნება.

4 ივლისს დაბადებულები

4 ივლისს ყველაზე არაორდინარული და ბედნიერი ადამიანები ევლინებიან ქვეყანას. ისინი დამოუკიდებლები არიან, გარკვეული დოზით – მგრძნობიარენი. ხშირად ამ დღეს დაბადებულებს აუხსნელი ექსტრასენსორული უნარები აქვთ, ხან კი – ნათელმხილველობის. თავიანთი არაორდინარულობის წყალობით ისინი ადვილად აღწევენ პოპულარობასა და მაღალ საზოგადოებრივ მდგომარეობას; შეიძლება ითქვას, რომ იდეალურად აქვთ ფინანსური და სასიყვარულო საქმეები. საქმიანობის მხრივ მათი სფეროებია მასწავლებლობა და მეცნიერება.

ეგვიპტური ჰოროსკოპი – დაინახეთ თქვენი თავი განსხვავებულად>>

4 ივლისს დაბადებულები შესანიშნავად გრძნობენ თავს ჯგუფის თანასწორუფლებიანი წევრის რანგში, რა სახისაც არ უნდა იყოს ეს ჯგუფი – იქნება ეს ოჯახი, პოლიტიკური თუ რელიგიური ორგანიზაცია, სამუშაო კოლექტივი. საოცარი დამოკიდებულება აქვთ ტრადიციებისა და ოჯახური ფესვების მიმართ. ყოველთვის ისწრაფვიან იდეალური შედეგის მიღწევისკენ, საზოგადოებრივი საქმის კეთებისკენ. არ უყვართ მარტო მუშაობა. საზოგადოებრივ აღიარებას, როგორც წესი, 40 წლის შემდეგ აღწევენ, როდესაც იწყებენ ბრძოლას ლიდერობისთვის იმ ჯგუფში, რომელსაც წარმოადგენენ.

ამ დღეს დაბადებული ადამიანებისთვის განსაკუთრებული მნიშვნელობა აქვს მოვალეობას, ოჯახსა და სამშობლოსთვის მსახურებას. მათთვის პატრიოტიზმი სამშობლოს მხოლოდ ბრმა სიყვარული არ არის; მათთვის ძალზე მნიშვნელოვანია, რომ თავიანთი ქვეყნისთვის რაიმე ღირებული გააკეთონ. პოლიტიკისგან შორს ეს ადამიანები თითქმის არასდროს არიან. ისინი კარგად ერკვევიან ადამიანებში, გრძნობენ მათ განწყობებს. გარშემომყოფების გაჭირვების დროს განზე არასდროს გადგებიან.

4 ივლისს დაბადებულების არაორდინარულობა გარშემომყოფებისთვის ყოველთვის გასაგები არ არის. მათი ჭეშმარიტი ნატურის გაგება მხოლოდ ძალიან ახლობელ ადამიანებს შეუძლიათ. ბევრი მათგანი ძალზე უბრალო და გასაგები პიროვნებაა. ისინი ხშირად თრგუნავენ ემოციურ გამოვლინებებს; თუმცა, უფრო თავიანთი ეგოიზმის, ამპარტავნებისა და მოუთოკავი მრისხანების დათრგუნვა მართებთ.

ჯანმრთელობა

4 ივლისს დაბადებულები უნდა მოერიდონ ქანცგამწყვეტ შრომას არარეალურ მასშტაბურ პროექტებზე. ხშირად, საზოგადოებრივი საქმეებით იმდენად არიან გატაცებული, რომ ავიწყდებათ საკუთარი საქმეები. ეს მათი ჯანმრთელობისთვის შეიძლება ძალზე საშიში აღმოჩნდეს. მათ უნდა დაიცვან სწორი კვების რეჟიმი, გაამდიდრონ ყოველდღიური რაციონი ცოცხალი ხილითა და ბოსტნეულით. არ უნდა დაივიწყო რეგულარული ფიზიკური დატვირთვაც – მათ სპორტის გუნდური სახეობები წაადგებათ.

რჩევა:

მოერიდეთ შოვინიზმს თქვენი სოციალური ჯგუფის სოციალური სტატუსის მიმართ. იყავით ობიექტური და თვითკრიტიკული ამ არცთუ იოლ საკითხში. ერიდეთ ცრუ სოლიდარობას. მნიშვნელოვანია, შეინარჩუნოთ საკუთარი განუმეორებელი ინდივიდუალობა.

300
მოსამართლის ჩაქუჩი

სასტიკი მკვლელობა პოლიციელების მონაწილეობით: სასამართლომ განაჩენი გამოიტანა

0
სასამართლომ ექვსიდან ხუთი ბრალდებული დამნაშავედ ცნო და სხვადასხვა ვადით პატიმრობა შეუფარდა. მეექვსე ბრალდებულის გამამართლებელ განაჩენს ბრალდების მხარე გაასაჩივრებს

თბილისი, 4 ივლისი — Sputnik. რუსთავის საქალაქო სასამართლომ დაასრულა საქმის განხილვა, რომელიც ეხება 35 წლის დავით მუმლაძის სასტიკ მკვლელობას და ექვსიდან ხუთ ბრალდებულს გამამტყუნებელი განაჩენი გამოუტანა, ნათქვამია გენერალური პროკურატურის განცხადებაში.

როდის მიიღებს საქართველო პოლიტიკურ გადაწყვეტილებას ხანგოშვილის მკვლელობის საქმეზე >>

დავით მუმლაძის ცხედარი მტკვარმა რუსთავში 2019 წლის 5 ოქტომბერს გამორიყა. გამოძიებამ დაადგინა, რომ ის 1 ოქტომბერს მოკლეს და მისი ცხედარი წყალში ხუთი დღე იყო.

ხუთმა ბრალდებულს 9-დან 20 წლამდე ვადით პატიმრობა მიესაჯათ. ყველაზე მკაცრი ზომა - 30 წელი ციხეში - შეეხო ზურაბ ჯღარკავას, ხოლო გიორგი ასათიანი სასამართლომ გაამართლა. პროკურატურა აპირებს გაასაჩივროს გამამართლებელი განაჩენი სააპელაციო სასამართლოში.

გამოძიების მონაცემებით, ერთ-ერთმა ბრალდებულმა მოტყუებით გამოიყვანა მუმლაძე საცხოვრებელი ბინიდან და ავტომანქანით მიიყვანა გლდანში, სადაც მათ დახვდათ პოლიციის ფორმაში გამოწყობილი სამი მამაკაცი - შსს-ს მოქმედი ორი თანამშრომელი და ერთი ყოფილი. პოლიციის ფორმიანებმა ჩაისვეს მუმლაძე თავის მანქანაში და იძულებით წაიყვანეს რუსთავში.

იქ მუმლაძე გადასცეს პირებს, რომლებმაც მისი მკვლელობა შურისძიების მიზნით ძველი კონფლიქტის გამო დაგეგმეს - წარსულში ნასამართლევ გიორგი ასათიანსა და ზურაბ ჯღარკავას. მათ მუმლაძე მტკვრის ნაპირზე წაიყვანეს, სადაც ცივი იარაღით 30 ჭრილობა მიაყენეს, შემდეგ კი ცხედარი მდინარეში ჩააგდეს.

0
თემები:
კრიმინალი საქართველოში