ჩიტი ხის ტოტზე

ზოდიაქოს ნიშნები და მათი მავნე ჩვევები

4895
(განახლებულია 13:16 03.03.2020)
მავნე ჩვევები ხშირად ძლიერ დამოკიდებულებაში გადადის. ეს შეიძლება იყოს ნიკოტინზე, ალკოჰოლზე, ნარკოტიკზე ან სხვა რამეზე დამოკიდებულება. საინტერესოა, ზოდიაქოს ნიშნებს რომელი მავნე ჩვევებისკენ აქვთ მიდრეკილება

ყველა ადამიანს აქვს თავის სისუსტე. ზოდიაქოს ნიშნებს სისუსტეები ხშირად საერთო აქვთ. რომელი სისუსტეები და მავნე ჩვევებია დამახასიათებელი ზოდიაქოს თითოეული ნიშნისთვის - გაეცანით ჩვენს ჰოროსკოპს

ვერძი

ვერძები გადაწყვეტილებებს სწრაფად იღებენ. ხშირად არიან თამბაქოს ან ალკოჰოლის მომხმარებელი. სიჯიუტის გამო ხშირად ამ მავნე ჩვევებზე უარს ვერ ამბობენ. ისინი მიიჩნევენ, რომ ალკოჰოლი და ნიკოტინი ამსუბუქებს სტრესს. ამასთან, მოწევა მოდურია.

კურო

კურო ძალზე მტკიცე ნიშანია, მაგრამ სისუსტეები მასაც აქვს. კუროებს უჭირთ საჭმელზე უარის თქმა. ამის გამო ხშირად უჩნდებათ ზედმეტი წონა და კუჭ-ნაწლავის პრობლემები. მავნე ჩვევაა ასევე ტელევიზორთან მიჯაჭვულობა, რაც ჯანმრთელობის შერყევასა და დაბალ თვითშეფასებას იწვევს.

ტყუპი

ტყუპები ცვალებადი განწყობის ხალხია, რაც მრავალ დამოკიდებულებას იწვევს. არიან რა ჰაერის ნიშნები, მათ შორის ბევრ მწეველს შეხვდებით. უყვართ მძაფრი შეგრძნებები და ადრენალინის აფეთქებები. მთლიანობაში, ისინი შემოქმედებითი ადამიანები არიან და უყვართ ბევრი მუშაობა.

ზოდიაქოს ნიშნების კომპლექსები>>

კირჩხიბი

კირჩხიბებს მთვარე მართავს, რომელიც მათ საკუთარი განწყობების მსხვერპლად აქცევს. არაფერია უჩვეულო კირჩხიბისთვის, რომ შეეცადოს განწყობის შეცვლას ალკოჰოლის ბოროტად გამოყენებით. როდესაც გაჯავრებულია, ის ამ გრძნობას საჭმლით ან მოწევით ახშობს.

ლომი

ლომები მუდამ მოითხოვენ ყურადღებას. ამის გამო ხშირად ცდილობენ, რომ სხვებისგან განსხვავებული იყვნენ. ხშირად ხდებიან ალკოჰოლზე ან აზარტულ თამაშებზე დამოკიდებული. მათში არის ავანტიურიზმის წილი, მაგრამ ჯიუტად სწამთ, რომ იღბლიანი ადამიანები არიან.

ქალწული

ქალწულები ხშირად არიან დაძაბული, როგორც ზედმეტად შრომისმოყვარეთა უმეტესობა. ძალიან განიცდიან, როდესაც ჩანაფიქრს ვერ ახორციელებენ. ასეთ პოზიციას შეუძლია ალკოჰოლიზმისა და ტრანკვილიზატორების ჭარბად მოხმარება გამოიწვიოს. ბევრი მათგანი მოწევას ამჯობინებს, ვიდრე წონაში მატებას ზედმეტი კვების გამო. ქალწულები მიიჩნევენ, რომ მსუქანი ადამიანები ძალიან ზარმაცები არიან.

მედლის ორი მხარე – ზოდიაქოს ნიშნების დახასიათება>>

სასწორი

სასწორები დიდი იდეალისტები არიან. როდესაც რამე ისე არ მუშაობს, როგორც მათ წარმოუდგენიათ, ალკოჰოლსა და ნარკოტიკებს ეტანებიან. არ უნდა ცხოვრების რეალობის მიღება. სასწორებს ეშინიათ, რომ მათ უარყოფენ და მარტონი დარჩებიან, ამიტომ საიდუმლოს იშვიათად უზიარებენ ვინმეს.

მორიელი

მორიელებისთვის პრობლემა ხშირად ყველაფერი აკრძალულისადმი ლტოლვაა. ისინი ბევრ თანხას ხარჯავენ ტანსაცმელზე, რესტორნებზე, რომ პარტნიორზე შთაბეჭდილება მოახდინონ. არ მიაჩნიათ, რომ მოწევა მავნე ჩვევაა და ამას მოდურ ტენდენციად აღიქვამენ.

მშვილდოსანი

მშვილდოსნები ძალზე ცნობისმოყვარენი არიან. მოგზაურობაზე მილიონების დახარჯვა შეუძლიათ. ხშირად არიან დამოკიდებული ალკოჰოლზე და საწინააღმდეგო სქესის წარმომადგენელთა ყურადღებაზე. მათთვის მნიშვნელოვანია, რომ გარშემომყოფებს მოსწონდეთ. სვამენ ალკოჰოლურ სასმელებს და შესაძლოა, მსუბუქმა ნარკოტიკებმაც გაიტაცოს, რადგან სწამთ, რომ მედიცინა მათ განკურნავს. ესაა მათი ყველაზე დიდი შეცდომა.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

თხის რქა

თხის რქა ზოდიაქოს მყარი, მტკიცე ნიშანია. იშვიათად აქვთ მავნე ჩვევები, პირიქით, ზრუნავენ საკუთარ ჯანმრთელობაზე. ბევრი მათგანი შეიძლება იტანჯებოდეს ანორექსიით ან ბულემიით და ეს იმიტომ, რომ სურთ, ლამაზი აღნაგობა შეინარჩუნონ.

მერწყული

ამ ნიშნის წარმომადგენლებს უყვართ აზროვნების ახალი ხერხების გამოცდა და ირგვლივ სამყაროს სხვადასხვანაირი აღქმა, ამიტომ ხშირად შეუძლიათ ექსპერიმენტების ჩატარება ნარკოტიკებთან მიმართებით. მერწყულები შეიძლება რა საქმიანობით გახდნენ „შეპყრობილი", მაგალითად ვეგეტარიანელობით. თუ მათ რამე იტაცებთ, ამ მდგომარეობიდან მათი გამოყვანა ძალიან რთულია.

თევზები

ესაა წყლის ნიშანი, რომელიც მჭიდროდ უკავშირდება ალკოჰოლური სასმელების მიღებას. ისინი სვამენ ალკოჰოლს, რათა დაივიწყონ ტანჯვა, მტკივნეული გამოცდილება ან წარუმატებლობები.

4895
ფორთოხალი

ციტრუსები მაშინ გავნებთ, თუ... - დიეტოლოგი გირჩევთ

137
(განახლებულია 15:05 25.11.2020)
ირკვევა, რომ წლის ცივ სეზონზე C ვიტამინის მარაგის შევსება საკვები პროდუქტებიდან უფრო ეფექტურია

თბილისი, 25 ნოემბერი — Sputnik. წლის ცივ სეზონზე ციტრუსები ხელს უწყობს C ვიტამინითა და ენერგიით მომარაგებას, მაგრამ ამან ზედმეტად არ უნდა გაგიტაცოთ, გვაფრთხილებს დიეტოლოგი ნატალია ნეფედოვა და რადიო Sputnik-თან ინტერვიუში მიზეზებს განმარტავს.

ექიმის თქმით, დილით ფორთოხალი ან ჭიქა ახლად გამოწურული წვენი გამოგაფხიზლებთ და გაგამხნევებთ, თუმცა უნდა გახსოვდეთ, რომ უმჯობესია წვენი წყლით განზავდეს.

„მე ჩემს პაციენტებს ვურჩევ, დილით რომელიმე ციტრუსი მიირთვან. საქმე ისაა, რომ ადამიანის ორგანიზმი ღამით ტენიანობას კარგავს და მასთან ერთად — ელექტროლიტებსაც. ციტრუსებით კი ვივსებთ მის მარაგს და ამის გამო ვგრძნობთ თავს უფრო მხნედ. ეს შეიძლება იყოს წყალი ლიმნის ან ფორთოხლის წვენით. შეგიძლიათ მიირთვათ ფრეშიც, მაგრამ ის წყლით უნდა გააზავოთ. ასე ნაკლებ კალორიას, მეტ სითხეს და კარგი რაოდენობის ელექტროლიტებსაც მიიღებთ“, —განმარტა ნატალია ნეფედოვამ.

მისი თქმით, წლის ცივ სეზონზე, როცა რესპირატორულ-ვირუსული დაავადებები მძლავრობს, საჭირო არ არის C ვიტამინის აფთიაქებში შეძენა, რადგან მისი საკმარისი რაოდენობით მიღება საკვები პროდუქტებიდანაცაა შესაძლებელი. თანაც, ეს კიდევ უფრო ეფექტურია.

„მიკროელემენტები საკვებიდან უფრო კარგად შეიწოვება, ვიდრე დანამატებიდან. C ვიტამინს არა მარტო ფორთოხლიდან, მანდარინიდან თუ გრეიფრუტიდან მიიღებთ, არამედ მას შეიცავს მწვანილიც, ბულგარული წიწაკაცა და პომიდორიც“, — ამბობს ექიმი–დეიტოლოგი.

თუმცა სპეციალისტი გვაფრთხილებს, რომ ციტრუსისა და C ვიტამინის შემცველი სხვა საკვები პროდუქტების მიღებისას რაოდენობას უნდა დავაკვირდეთ, რაღა ზედმეტი არ მოგვივიდეს. საქმე ისაა, რომ დიდი რაოდენობით C ვიტამინს უკვე აქვს არა ანტიოქსიდანტის, არამედ საპირისპირო ეფექტი — მოქმედებს როგორც დამჟანგველი. და ეს მაშინ, როცა ერთი ფორთოხალი 60-80 მილიგრამ C ვიტამინს შეიცავს, დღიური ნორმა კი სულ 75-90 მილიგრამია.

137
თემები:
სასარგებლო რჩევები
სავსე მთვარე

მთვარის კალენდარი: 25 ნოემბერი რისი გაკეთება შეიძლება და რისი არა

250
(განახლებულია 10:31 25.11.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 25 ნოემბერი, ოთხშაბათი. ამ დღეს მერკური მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია ნებისმიერი საქმისთვის გეგმაზომიერი მომზადება, საქმიანობაში მტკიცედ მოქმედება, მცირე ფინანსური საქმეებით დაკავება, ჩანაფიქრის განხორციელება, კონტრაქტების დადება, დაწყებულის დასრულება, სულიერი ასპექტისთვის ყურადღების დათმობა.

არარეკომენდებულია ყურადღების მხოლოდ მატერიალურ ფასეულობებზე გამახვილება.
ხელსაყრელი დღეა მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს თმის ხარისხზე, თავის კანზე.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

250
მოდელი სალომე ღვინიაშვილი

„ჩემი პენსიაზე გასვლის დროა“- სალომე ღვინიაშვილმა ქალიშვილის პირველი ფოტოსესია გაასაჯაროვა

0
(განახლებულია 12:19 25.11.2020)
სალომე ღვინიაშვილის ერთ-ერთმა გოგომ ფოტოსესიაზე იპოზირა. როგორ გამოიყურება გოგონა, რომლის გამოც სალომე ღვინიაშვილი კარიერის დასრულებას და პოდიუმის შვილისტვის დათმობას აპირებს?

ტელეწამყვანი გადაღებების მიუხედავად ოჯახს დიდ დროს უთმობს. ფეხბურთელ მეუღლესა და სამ შვილთან ერთად ინტენსიურად მოგზაურობს და სოციალური ქსელის ოფიციალურ გვერდს გლამურული ფოტოებით ავსებს. ფაქტია, რომ სალომე ღვინიაშვილი წლიდან წლამდე უფრო საინტერესო და წარმატებული ხდება.

ყოფილმა მოდელმა დიზაინერობა დაიწყო და უამრავი მოდის მოყვარული ქალბატონი სამოსებით გაანებივრა. ღვინიაშვილი ადრეულ ასაკში გათხოვდა. პირველ ქორწინებაზე საჯაროდ საუბარს თავს არიდებს, თუმცა ბოლო პერიოდის მანძილზე მის წარუმატებელ ქორწინებაზე ბევრი საუბრობს. სალომეს უფროსი ვაჟი 17 წლის ასაკში შეეძინა, ორი გოგონა კი, მოგვიანებით  ცნობილი ფეხბურთელისგან გააჩინა.

სალომე ღვინიაშვილის ოჯახი გასაიდუმლოებული ფაქტის გამჟღავნების შემდეგ უფრო ცნობადი გახდა. სალომესთვის ფეხბურთელთან დაოჯახება საპასუხისმგებლო აღმოჩნდა, რადგან ეს მისი მეორე ქორწინებაა. წყვილს საერთო ორი ულამაზესი ქალიშვილი ჰყავს. ღვინიაშვილს სოციალურ ქსელში ინდივიდუალიზმით აღსავსე ფოტოები აქვს.

სწორედ ეს არის მისი პირადი სივრცეს ხიბლი. ტელეწამყვანის ვირტუალური სივრცე ერთ მიკრობლოგადაა გადაქცეული, რომელსაც თვალს ვერ მოსწყვეტთ. მას 205 ათასზე მეტი მიმდევარი ჰყავს. ეს რიცხვი დღითი დღე იზრდება. აღმოჩნდა, რომ სალომეს რთული და მტკივნეული ცხოვრება ჰქონდა. ის ადრეულ ასაკში მამაკაცზე გათხოვდა, რომელიც არ უყვარდა. სუპერ-მოდელს პირველი ქორწინებიდან ერთი ვაჟი შეეძინა. მოგვიანებით ზურა ხიზანიშვილი გაიცნო და ყველაფერი თავბრუდამხვევ ზღაპარს დაემსგავსა.

ახლა კი, მისი ცხოვრება ახალი ნათელი ფერებით აივსო. როგორც ჩანს, სალომე მოდის სფეროს ქალიშვილს- ტასო ხიზანიშვილს უთმობს. ამის შესახებ მან საკუტარ გვერდზე დაწერა და დასძინა, რომ პენსიაზე გასვლასაც აპირებს. ტასო ხიზანიშვილი ფოტოსესიაზე საკმაოდ ელეგანტურად გამოიყურება.

View this post on Instagram

A post shared by @tasokhizanishvili

აღსანიშნავია ისიც, რომ თინეიჯერი გოგონა ხელოვნებითაა დაკავებული. კერძოდ კი ის შესანიშნავად ხატავს. გოგონას ინტერესის სფერო ახლა სამოდელო კარიერაა, რომელშიც შეუდარებელმა დედამ ჩართო.

0
თემები:
სელებრითების ცხოვრება