მამაკაცი ღამით

ზოდიაქოს ნიშნები, რომლებიც სტრესულ ვითარებებს შესანიშნავად უმკლავდებიან

4136
(განახლებულია 11:37 27.02.2020)
გაეცანით ჩვენს ჰოროსკოპს და გაიგეთ, ზოდიაქოს რომელ ნიშნებს სჩვევიათ სიმშვიდის შენარჩუნება ნებისმიერ სიტუაციაში და სტრესულ ვითარებაში პრობლემებთან გამკლავება

როდესაც საქმეები ისე არ მიდის, როგორც გვინდა, ბევრი ჩვენგანი ემოციურ დისკომფორტს განიცდის, ზოგიერთს, შესაძლოა, პანიკური შეტევაც კი დაემართოს. ასეთ ადამიანებს გვერდით სჭირდება ისეთი ადამიანი, რომელიც მათ ყურადღების კონცენტრაციასა და სიმშვიდის შენარჩუნებაში დაეხმარება.

როგორ უმკლავდებიან ზოდიაქოს ნიშნები განშორებას>>

ხოლო ვინც სტრესულ სიტუაციებში სიმშვიდეს ინარჩუნებს, მას შეუძლია არა მხოლოდ საკუთარი პრობლემების დამოუკიდებლად გადაჭრა, არამედ სხვების დახმარებაც, ვინც ასეთ ვითარებაში პანიკაში ვარდება. ასეთი ადამიანების უმეტესობა ზოდიაქოს ხუთი ნიშნის წარმომადგენელი არიან.

ლომი

მრავალი მიზეზია იმისა, რომ ლომი მტკიცე ადამიანებად მივიჩნიოთ: მათ აქვთ ძლიერი ლიდერის თვისებები, იციან, როგორ გაუმკლავდნენ პრობლემებს, შეუძლიათ სიმშვიდე ნებისმიერ სტრესულ ვითარებაში შეინარჩუნონ. ისინი ინარჩუნებენ ცივ გონებას და ოხუნჯობენ კიდეც, როდესაც სიტუაცია ძალიან იძაბება.

იუმორის გრძნობა მათ ეხმარება, როდესაც თითქოს არანაირი გამოსავალი აღარ არის რამე რაციონალური გადაწყვეტილებების მისაღებად. მაგრამ ისიც იციან, როდის არის სერიოზულობა საჭირო. ლომს შეუძლია როგორც საკუთარი თავის პრობლემების ჭაობიდან ამოყვანა, ისე სხვების დახმარება.

თხის რქა

ძალიან სასარგებლოა, თუ თქვენი ახლობელი თხის რქაა და ის თქვენ გვერდით დგას სტრესულ ვითარებაში. ამ ნიშნის წარმომადგენლები ბრძენი და მომთმენი ხალხია, ისინი სწორ გადაწყვეტილებებს იღებენ და შეუძლიათ ვითარების გაუმჯობესება. თხის რქებს ასევე შეუძლიათ, გაარჩიონ, რისი შეცვლა შეუძლიათ და რისი - არა.

ამ ნიშნით დაბადებულები არც დროსა და არც ენერგიას არ შეალევენ იმას, რისი გაკონტროლებაც შეუძლებელია. მიმდინარე მოვლენებზე მშვიდად და ლოგიკურად რეაგირებენ. მხოლოდ მათი გვერდით ყოფნაც კი დადებით გავლენას ახდენს ყველაზე, ვინც სტრესულ სიტუაციაში იმყოფება.

კურო

კუროები მშვიდი ადამიანები არიან, იციან საკუთარი ემოციების გაკონტროლება. შეგიძლიათ, მათი იმედი გქონდეთ, როდესაც ნეგატიური ემოციების გავლენას განიცდით. ისინი არასდროს მოქმედებენ იმპულსურად, არ იქცევიან დაუფიქრებლად. მათი თითოეული ნაბიჯი კარგად მოფიქრებული და სტრატეგიულად გათვლილია.

კუროები ცნობილი არიან თავიანთი მზადყოფნით, დაეხმარონ გაჭირვებულებს. ეს გულუხვობა განსაკუთრებით ვლინდება სტრესულ ვითარებებში. კუროები ინარჩუნებენ სიმშვიდეს და სხვებსაც ამის გაკეთებაში ეხმარებიან. მათთან ადვილია ურთიერთობები ნებისმიერ გარემოებაში. კუროები არ ნებდებიან, როდესაც ყველაფერი რთულდება, შეუძლიათ გამარჯვებამდე ბრძოლა და სწორ გადაწყვეტილებებს პოულობენ.

ტყუპი

ტყუპი გონებაგამჭრიახია და შეუძლია იმის დანახვა, რასაც სხვები ვერ ხედავენ. როდესაც სტრესულ სიტუაციას ეჯახება, წინასწარ შეუძლია გათვალოს მოქმედებები. იცის, რომ იოლ ნაბიჯებს ჩიხში შეყვანა შეუძლია, ამიტომ იღებს პერსპექტივაზე გათვლილ რთულ გადაწყვეტილებას.

ტყუპს ძლიერი კომუნიკაციური უნარები აქვს განვითარებული, ამიტომ მისი უნარი, ჩაერთოს საქმეში, როგორც შუამავალი, აწარმოოს მოლაპარაკებები, შესაძლოა, კონფლიქტის გადაჭრის გასაღები გახდეს. მას შეუძლია დაამშვიდოს ნებისმიერი, რომელიც მძიმე ვითარებაშია ჩავარდნილი და მას უკეთესობის იმედი მისცეს. ტყუპი, ჩვეულებრივ, ძალზე პოზიტიური და ენერგიული ნიშანია.

მერწყული

მერწყულებმა იციან, როდის არის სანერვიულო და როდის - არა. სიტუაციებში, როდესაც ზოგიერთი კონტროლსა და ჯანსაღად აზროვნების უნარს კარგავს , მერწყულები ყველაფერს აწონ-დაწონიან და დასკვნები გამოაქვთ. ისინი დამკვირვებლის პოზიციას იკავებენ, რაც მათ პრობლემისგან აბსტრაგირებაში ეხმარებათ, რათა საუკეთესო სწორი გადაწყვეტილება მიიღონ.

გუნდში მერწყულები საკუთარ თავზე ხშირად ირგებენ მტრული მხარეების დამზავებლის როლს, შეუძლიათ განმუხტონ ყველაზე დაძაბული ვითარებაც კი. ამის გამო მათ თანამშრომლები აფასებენ.

4136
ფორთოხალი

ციტრუსები მაშინ გავნებთ, თუ... - დიეტოლოგი გირჩევთ

113
(განახლებულია 15:05 25.11.2020)
ირკვევა, რომ წლის ცივ სეზონზე C ვიტამინის მარაგის შევსება საკვები პროდუქტებიდან უფრო ეფექტურია

თბილისი, 25 ნოემბერი — Sputnik. წლის ცივ სეზონზე ციტრუსები ხელს უწყობს C ვიტამინითა და ენერგიით მომარაგებას, მაგრამ ამან ზედმეტად არ უნდა გაგიტაცოთ, გვაფრთხილებს დიეტოლოგი ნატალია ნეფედოვა და რადიო Sputnik-თან ინტერვიუში მიზეზებს განმარტავს.

ექიმის თქმით, დილით ფორთოხალი ან ჭიქა ახლად გამოწურული წვენი გამოგაფხიზლებთ და გაგამხნევებთ, თუმცა უნდა გახსოვდეთ, რომ უმჯობესია წვენი წყლით განზავდეს.

„მე ჩემს პაციენტებს ვურჩევ, დილით რომელიმე ციტრუსი მიირთვან. საქმე ისაა, რომ ადამიანის ორგანიზმი ღამით ტენიანობას კარგავს და მასთან ერთად — ელექტროლიტებსაც. ციტრუსებით კი ვივსებთ მის მარაგს და ამის გამო ვგრძნობთ თავს უფრო მხნედ. ეს შეიძლება იყოს წყალი ლიმნის ან ფორთოხლის წვენით. შეგიძლიათ მიირთვათ ფრეშიც, მაგრამ ის წყლით უნდა გააზავოთ. ასე ნაკლებ კალორიას, მეტ სითხეს და კარგი რაოდენობის ელექტროლიტებსაც მიიღებთ“, —განმარტა ნატალია ნეფედოვამ.

მისი თქმით, წლის ცივ სეზონზე, როცა რესპირატორულ-ვირუსული დაავადებები მძლავრობს, საჭირო არ არის C ვიტამინის აფთიაქებში შეძენა, რადგან მისი საკმარისი რაოდენობით მიღება საკვები პროდუქტებიდანაცაა შესაძლებელი. თანაც, ეს კიდევ უფრო ეფექტურია.

„მიკროელემენტები საკვებიდან უფრო კარგად შეიწოვება, ვიდრე დანამატებიდან. C ვიტამინს არა მარტო ფორთოხლიდან, მანდარინიდან თუ გრეიფრუტიდან მიიღებთ, არამედ მას შეიცავს მწვანილიც, ბულგარული წიწაკაცა და პომიდორიც“, — ამბობს ექიმი–დეიტოლოგი.

თუმცა სპეციალისტი გვაფრთხილებს, რომ ციტრუსისა და C ვიტამინის შემცველი სხვა საკვები პროდუქტების მიღებისას რაოდენობას უნდა დავაკვირდეთ, რაღა ზედმეტი არ მოგვივიდეს. საქმე ისაა, რომ დიდი რაოდენობით C ვიტამინს უკვე აქვს არა ანტიოქსიდანტის, არამედ საპირისპირო ეფექტი — მოქმედებს როგორც დამჟანგველი. და ეს მაშინ, როცა ერთი ფორთოხალი 60-80 მილიგრამ C ვიტამინს შეიცავს, დღიური ნორმა კი სულ 75-90 მილიგრამია.

113
თემები:
სასარგებლო რჩევები
სავსე მთვარე

მთვარის კალენდარი: 25 ნოემბერი რისი გაკეთება შეიძლება და რისი არა

235
(განახლებულია 10:31 25.11.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 25 ნოემბერი, ოთხშაბათი. ამ დღეს მერკური მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია ნებისმიერი საქმისთვის გეგმაზომიერი მომზადება, საქმიანობაში მტკიცედ მოქმედება, მცირე ფინანსური საქმეებით დაკავება, ჩანაფიქრის განხორციელება, კონტრაქტების დადება, დაწყებულის დასრულება, სულიერი ასპექტისთვის ყურადღების დათმობა.

არარეკომენდებულია ყურადღების მხოლოდ მატერიალურ ფასეულობებზე გამახვილება.
ხელსაყრელი დღეა მგზავრობისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს თმის ხარისხზე, თავის კანზე.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

235
კორონავირუსის ეპიდემია. თბილისის მეტრო

თბილისის მეტრო მუშაობდა და იმუშავებს ჩვეულ რეჟიმში სატრანსპორტო კომპანია

0
(განახლებულია 16:43 25.11.2020)
პროფკავშირულმა ორგანიზაციამ, როგორც ჩანს, ვითარების დრამატიზაცია მოახდინა – საუბარია არა 20% ინფიცირებულებზე, არამედ 20 ინფიცირებულზე მეტროპოლიტენში მომუშავე 250 მემანქანიდან

თბილისი, 25 ნოემბერი - Sputnik. თბილისის მეტროპოლიტენში 250 მემანქანე მუშაობს, აქედან ამჟამად კორონავირუსით ინფიცირებულია 20 და სათანადო მკურნალობას გადის, მაგრამ ეს მეტროს მუშაობას კითხვის ნიშნის ქვეშ არ აყენებს, განუცხადეს Sputnik–საქართველოს თბილისის სატრანსპორტო კომპანიაში.

ზურაბ გურული: „მივექანებით მწვავე პიკისკენ და ამ პიკს ჯანდაცვის სექტორი ვერ გაუძლებს...“>>

კომპანიაში უარყვეს მეტროპოლიტენის მემანქანეთა დამოუკიდებელი პროფესიული კავშირი „ერთობა 2013"-ის ინფორმაცია იმის თაობაზე, რომ მეტროპოლიტენის მუშაობა საფრთხის ქვეშაა, რადგან მემანქანეთა 20% კორონავირუსით არის ინფიცირებული.

სატრანსპორტო კომპანია აცხადებს, რომ ყველა ადამიანური რესურსია იმისთვის, რომ მეტრომ სრული დატვირთვით იმუშაოს და მგზავრებს პრობლემები არ შეუქმნას.

„ერთობა 2013"-ს ჰქონდა შეთავაზება თბილისის სატრანსპორტო კომპანიისთვის, რომ შეემცირებით მეტროს მუშაობის დრო და ასევე, შედარებით ნაკლები რაოდენობის მატარებელს ემოძრავა. თუმცა კომპანიაში ვარაუდობენ, რომ ეს მხოლოდ მგზავრთა მეტ თავშეყრასა და პრობლემას გამოიწვევდა, რის წინააღმდეგაც გამოდიან ეპიდემიოლოგები.

თბილისის სატრანსპორტო კომპანიაში აღნიშნავენ, რომ უსაფრთხოების ზომები ყოველდღიურად არის დაცული: ხდება მეტროს სადგურების დეზინფექცია, მოწმდებიან მგზავრები პირბადის ტარებაზე, ხოლო თანამშრომლები პეიოდულად იტარებენ როგორც ექსპრეს, ისე PCR–ტესტებს.

0
თემები:
COVID-19 საქართველოში