წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
20–29 თებერვალი
20–29 თებერვლის პერიოდი თევზების ნიშნის პირველ დეკადას განეკუთვნება.
ამ პერიოდში დაბადებულებს პლანეტა მერკური მართავს. ისინი მეოცნებე ადამიანები არიან და ისწრაფვიან მარტოობისა და ცვლილებებისკენ.
მნიშნელოვანი წლებია: 12, 24,36, 58, 60,72.
ამ პერიოდში დაბადებულთა სიმბოლოა მიმოზა.
ამ დეკადაში დაბადებულები მგრძნობიარენი არიან, ადვილია მათი წყენინება და გულისტკენა. თავიანთ სამუშაოს ისინი დიდი პასუხისმგებლობით ასრულებენ, ხანდახან საკუთარი ძალების ზღვარიც კი ავიწყდებათ, ამიტომ მათთვის მნიშვნელოვანია, ისწავლონ მოდუნება, დასვენება, რომ წარმატებით შეძლონ საქმიანობა და სხვადასხვა ავადმყოფობამ ხელი არ შეუშალოს.
26 თებერვალს დაბადებულები
26 თებერვალს დაბადებულები ძლიერი ნებისყოფისა და მტკიცე ხასიათის ადამიანები არიან. მათი ახალგაზრდობა ბევრ სიძნელესთანაა დაკავშირებული, რაც მათი ხასიათის გამოწრთობას ეხმარება. ისინი არ უნდა დაქორწინდნენ ადრეულ ასაკში - ეს მხოლოდ იმედგაცრუებასა და პრობლემებს მოუტანს. სიმწიფესთან ერთად მოვა იღბალიც, რასაც მოჰყვება კარდინალური ცვლილებები მრავალ სფეროში, კარიერაში, ოჯახში. საქმიან წამოწყებებში წარმატებას მიაღწევენ საკუთარი სიჯიუტის, თავდაჯერებულობისა და ნებისყოფის წყალობით. გადალახავენ ყველა ბარიერს, რომლებიც გზაზე შემოხვდებათ, მაგრამ ფრთხილად უნდა იყვნენ გარშემომყოფებთან დამოკიდებულებისას და ყურადღებით უნდა შეარჩიონ მეგობრები, არ აჰყვნენ მლიქვნელობასა და პირფერობას.
მამაკაცთა გულთამპყრობელი ქალები ზოდიაქოს ნიშნის მიხედვით>>
26 თებერვალს დაბადებულები დადებით ემოციებს იწვევენ გარშემომყოფებში. ყურადღებიანი არიან ახლობლების მიმართ და მათი დახმარებისთვის ნებისმიერ წუთს მზად არიან. მშვენივრად გრძნობენ სატირულ და იუმორისტულ შტრიხებს, ამიტომ კარგად ეხერხებათ კრიტიკა, მათ შორის - ხელისუფლებისა და საზოგადოებრივი წყობილებისაც კი. განათლებულ პიროვნებებს საზოგადოების კეთილდღეობისთვის თავგანწირვაც შეუძლიათ. ისინი სამაგალითონი არიან სხვებისთვის.
26 თებერვალს დაბადებულები ინდივიდუალისტები არიან, პირველ ადგილზე პირად მიზნებს აყენებენ. მათში არის საოცარი მაგნეტიზმი, რაც გარშემომყოფებზე მოქმედებს. თუმცა, ცხოვრებაში ხანდახან ისე ხდება, რომ ამ დღეს დაბადებულები მათგან, ვისთანაც ურთიერთობები აქვთ, სიყვარულს ვერ იღებენ. ისინი ხშირად ხვდებიან ისეთ კომპანიაში, სადაც თავიანთ განსაკუთრებულ მოსაზრებებს გამოთქვამენ, ეს მოსაზრებები კი საზოგადოდ მიღებულ პრინციპებს ეწინააღმდეგება.
26 თებერვალს დაბადებულები მშვიდი, სერიოზული, მშვიდობისმოყვარენი არიან, შეუძლიათ თავიანთი გრძნობების გაკონტროლება; თუმცა, ძალზე ემოციური პიროვნებები არიან. თუ საქმე მათი ოჯახის წევრებს, ახლობლებს ეხება, ისინი საოცარ გრძნობებს ამჟღავნებენ. პრაქტიკული საკითხების გადაწყვეტისას მათ უნდა მოთოკონ თავიანთი სიჯიუტე, რაც გარშემომყოფებს აღიზიანებს. მეტი კეთილგანწყობა უნდა გამოამჟღავნონ სხვა ადამიანების მიმართ, ასევე ურიგო არ იქნებოდა ცოტა ირონია საკუთარი თავის შეფასებისას, თუმცა, ამ დღეს დაბადებულ უფრო დახვეწილ ადამიანებს შეუძლიათ, დასცინონ საკუთარ თავს და თან ისე, რომ ღირსება და თავისი თავის პატივისცემა შეინარჩუნონ.
ისინი უმრავლესობაში სიმპათიას იწვევენ, მაგრამ გაურბიან ურთიერთობას ნაკლებად ნაცნობ ან უცნობ ადამიანებთან. მათთვის ძალზე მნიშვნელოვანია ყურადღება, ამიტომ, ხშირად თავს გარიყულად გრძნობენ; საზოგადოებრივი აღიარების მოსაპოვებლად გამიზნულად აბამენ საჯარო კავშირებს. მაგრამ ხანდახან, როდესაც მიაღწევენ მაღალ მდგომარეობას და აბსოლუტურ წარმატებას, უჩნდებათ სრულ მარტოობაში მუშაობის სურვილი.
ჯანმრთელობა
26 თებერვალს დაბადებულებს სწამთ, რომ შეუძლიათ ჯანმრთელობის შენარჩუნება. თუმცა, მათში დიდია გრძნობებთან დაკავშირებული მოთხოვნები - კმაყოფილების მიღებისა სექსუალურ-ფიზიკური და კვების კუთხით. ამიტომ ძალიან უჭირთ დიეტის დაცვა. მათ უნდა შეამცირონ ცხიმიანი საკვებისა და სხვადასხვა მავნე პროდუქტების მიღება. ხშირად იტანჯებიან ალერგიით. ახალგაზრდობაში ისინი ბევრად მოძრავი და აქტიური არიან, მაგრამ მოწიფულობაში, ძირითადად, ცხოვრების მჯდომარე წესი აქვთ, ამიტომ მათთვის ძალზე მნიშვნელოვანია ფიზიკური დატვირთვები, მაგრამ უნდა მოერიდონ შეჯიბრებით სახეობებს.
ვის როგორ უმართლებს სიყვარულში>>
რჩევა:
სინამდვილე უფრო მარტივად აღიქვით, გამოავლინეთ ჰუმანურობა. "მოარჯულეთ" თქვენი სერიოზულობა. ისწავლეთ გარშემომყოფების მოსმენა და მათთან ერთად პასუხისმგებლობის გაზიარება. ხანდახან სხვამაც შეიძლება გიხელმძღვანელოთ.
