მამაკაცი

მთავარი რომანტიკოსი მამაკაცი ზოდიაქოს ნიშნებში - რეიტინგი

2416
(განახლებულია 11:40 25.02.2020)
კონკია პრინცს გაჰყვა ცოლად. პრინცმა კონკიას ოთახში ვარდის ფურცლები მოაბნია, მაგრამ როდესაც საათმა თორმეტი ჩამოჰკრა, ვარდის ფურცლები წინდებად გადაიქცა...

ვინ არის მთავარი რომანტიკოსი ზოდიაქოს ნიშნებს შორის? ამის შესახებ ჩვენი ჰოროსკოპი-რეიტინგიდან შეიტყობთ.

მე-12 ადგილი - ვერძი

ვერძი და რომანტიკა - სხვადასხვა ოპერიდანაა. თუ სადმე ნახეთ ვერძი, რომელიც გალაკტიონის ლექსს კითხულობს და საწოლზე ვარდის ფურცლებს აბნევს, დაგვირეკეთ და სანიტარს გამოვაგზავნით. რომანტიკა ვერძისთვის - ესაა იყიდოს „კამსამოლკა, სპარტსმენკა, პროსტო კრასავიცა" ცხვრის ფარითა და ფინური მაცივრით (როგორც საახოვმა ბრძანა ფილმში „კავკასიელი ტყვე ქალი"), და არა თვეობით აქეთ-იქით იტრიალოს.

მე-11 ადგილი - თხის რქა

თხის რქები ვერძებთან ძალიან ახლოს არიან. მაგრამ მათგან განსხვავებით, მათ გულში ცოტაოდენი რომანტიკა მაინც ტრიალებს, ოღონდ ამის საქვეყნოდ ჩვენების ძალიან ეშინიათ - ვაიდა, ზოდიაქოს ნიშნებს შორის მთავარი „გულცივი" ნიშნის სტატუსი არ ჩამომართვანო. თხის რქა საბაზო კომპლექტაციაში - ეს პირქუში რქიანი კაცია (რქიანში იგულისხმება გარეული თხა და არა ღალატის შედეგად დადგმული რქები). მოკლედ, თავის რომანტიკულ ოცნებებში ის თავის მეორე ნახევართან ერთად ნათელ მომავალში დაიარება.

სახუმარო ჰოროსკოპი – რაზე ოცნებობენ სინამდვილეში ზოდიაქოს ნიშნები>>

მე-10 ადგილი - ქალწული

ქალწულისთვის არაფერია იმაზე რომანტიკული, ვიდრე ახლად გარეცხილი და გაუთოებული საწოლის თეთრეული, რომელსაც ალპური სურნელი ასდის. შეიძლება ითქვას, სულ ესაა, რისი თქმაც ამ ნიშანზე შეიძლება რომანტიკის თვალსაზრისით. და ერთიც, დაიმახსოვრეთ, ქალწული მამაკაცი ძუნწია, და თუ რამეს გაჩუქებთ, მხოლოდ დიდი სკანდალისა და მკაცრი გათვლის შემდეგ - რომ თქვენი წასვლის შემთხვევაში საჩუქარი თავის „ბიუჯეტში" დარჩეს.

მე-9 ადგილი - კურო

კუროს სიწყნარე, სიჩუმე, სიმშვიდე და კომფორტი უყვარს, ხოლო რომანტიკაში რაღაც „შფოთვა" იგულისხმება: ყვავილები უნდა იყიდო, დილით ახალ-ახალ ფუნთუშებზე, კრუასანებზე უნდა გაიქცე, ყავა უნდა მოადუღო და საყვარელ ქალს საწოლში მიართვა. კურო თვითონაც არაა წინააღმდეგი, ყავა დილით საწოლში დალიოს და ცხელ-ცხელი კრუასანი მიაყოლოს მაგრამ ისე, რომ ამისთვის ადგომა არ მოუწიოს. მაგრამ ხუთწლედში ერთხელ მაინც უწევს ამის გაკეთება, მაგრამ არა რომანტიკის გამო, არამედ იმისთვის, რომ შემდეგი ხუთი წელი საყვარელი ქალი ყავისა და კრუასანებისთვის გაგზავნოს სიტყვებით: „მე ხომ მოგიტანე!".

ყველაზე ერთგული მამაკაცების „კვარტეტი" ზოდიაქოს ნიშნით>>

მე-8 ადგილი - მორიელი

მორიელებისთვის რომანტიკის მწვერვალია სექს-შოპში სხვადასხვა რამის ყიდვა და მათი საყვარელ ადამიანზე გამოცდა, ან აბაზანის შამპანიურით ავსება, შემდეგ კი მისი ამ ცივ აბაზანაში „დაბანა". იმიტომ, რომ??? უბრალოდ, მორიელებს ადამიანების გაკვირვება უყვართ. მაგრამ რადგანაც ამ ნიშნის წარმომადგენლებს ყველაზე მეტად საკუთარი თავი უყვართ, ხანდახან რომანტიკულ იმპროვიზაციებს მხოლოდ თავისი თავისთვის აწყობენ.

მე-7 ადგილი - ტყუპი

ტყუპს რომანტიკისა ცოტა რაღაც გაეგება, მაგრამ, გულახდილი რომ ვიყოთ, არ უნდა, ამით თავი შეიწუხოს. რა თქმა უნდა, ხანდახან მასში იღვიძებს ეს „მიძინებული" რომანტიკოსი და იწყებს აივნის ქვეშ სერენადის სიმღერას, რომანტიკული შეტყობინებების გაგზავნას, ბოლო თეთრის დახარჯვას ყვავილების თაიგულზე. მაგრამ შემდეგ ახსენდება, რომ ყმაწვილკაცობაში მაჩოსა და კაზანოვას „გვირგვინზე" ოცნებობდა და ქალებთან მორიგ „თავდავიწყებაში" ეშვება.

ზოდიაქოს სამი ნიშანი, რომლებიც პარტნიორს ღალატს არ პატიობენ>>

მე-6 ადგილი - მერწყული

კლასიკური მერწყული მთელი რომანტიკა ისაა, რომ საყვარელ ქალს ღამის სამ საათზე დაურეკოს და უთხრას, რომ პოლიციის განყოფილებაშია ლუდის ბართან არასანქცირებული მიტინგის გამო და მისი სასწრაფოდ დახსნაა საჭირო. მერწყულის საყვარელი ქალი მზად უნდა იყოს იმისთვის, რომ, შეიძლება დეკაბრისტის, ან, უარეს შემთხვევაში, ქალაქის გიჟის ცოლი გახდეს და არავითარ შეთხვევაში - ბანალური ცოლი (ყვავილები, საჩუქრები, ქორწინების სახლი - ეს ყველაფერი მერწყულისთვის ბანალურია).

მე-5 ადგილი - მშვილდოსანი

მშვილდოსანი - ეს ქარიშხალია, რომელიც საყვარელი ადამიანის ცხოვრებაზე გადაივლის და მისგან ცარიელ ძვალსა და ტყავს დატოვებს. მანამდე კი, სანამ ქალის გულის დაპყრობის „კანფეტ-ბუკეტის" პერიოდი გრძელდება. ისე „ახვევს" თავის „მსხვერპლს", რომ ქალი ბედნიერებისგან დნება: ცხენითა და ეტლით გასეირნება, საჰაერო ბურთით ფრენა, თხილამურები კურშაველში და პლაჟი ბალიზე. მაგრამ ეს ყველაფერი იმ მომენტამდე, სანამ მშვილდოსანი არ მიიღებს იმას, რაც სურს და ეს ყველაფერი არ მოყირჭდება.

საბედისწერო ასაკი ზოდიაქოს თითოეული ნიშნისთვის>>

მე-4 ადგილი - სასწორი

სასწორს სულ ცოტა დააკლდა, რომანტიკული ჰიტ-აღლუმის ლიდერთა სამეულში რომ მოხვედრილიყო. და ეს იმიტომ, რომ კი არის რომანტიკული, მაგრამ მერყეობა და შიში ახასიათებს. მას ასევე აკავებს პროკრასტინაცია (საქმეების სამომავლოდ გადადება), ასე რომ, ცხოვრების რაღაც მომენტში ეზარება საყვარელი ქალის ფანჯარაში გადაძრომა. მეორე მხრივ, სასწორი ემპათიურია (თანაგანცდა, სხვისი როლის ათვისების უნარი, სხვების გაგება), ასე რომ, რომანტიკის მოსაწყობად ერთი ბოთლი შამპანიური და ფილა შოკოლადი ეყოფა.

მე-3 ადგილი - თევზები

რომანტიკოსთა ლიდერების სამეულში ბოლო საპატიო ადგილი უკავია თევზებს. ნაზი, მგრძნობიარე, მეოცნებე ნატურა რომანტიკულ ტალღაზეა აწყობილი 24 საათის განმავლობაში (პრინციპი – 24/7). იმდენად რომანტიკულია, რომ თავისი ნაირ–ნაირი თაიგულებითა და სიყვარულით ადამიანის „დახრჩობა" შეუძლიათ. მაგრამ ძალიანაც ნუ გაგიხარდებათ, თუ თევზების ბადეში გაებით - ამ რომანტიკულ ჭაობში ხომ შეიძლება ადვილად ჩაიძიროთ კიდეც.

როდის და რატომ ღალატობენ ზოდიაქოს ნიშნები>>

მე-2 ადგილი - ლომი

ვერცხლის მედლის მფლობელია მისი უდიდებულესობა ლომი. გულუხვი, დიდსულოვანი, მეფური ჟესტებით - ვის, თუ არა ლომს შეუძლია სწორედ რომ თავი წარმოადგინოს, როგორც ყველაზე, ყველაზე... და მათ შორის - რომანტიკოსმა. მაგრამ ამაში ერთი რამ იმალება - როდესაც მას უზარმაზარი თაიგული მიაქვს ან საყვარელი ქალი ბალიზე მიჰყავს დასასვენებლად, ამით ის აჩვენებს არა სიყვარულს, არამედ თავის დიდებას - მე ეს შევძელი და გავაკეთე ქალისთვის და შენ რა შეგიძლია?

პირველი ადგილი - კირჩხიბი

პირველ საპატიო ადგილზეა კირჩხიბი - თავად ის თეთრ რაშზე ამხედრებული პრინცი, რომელზეც მთელი მსოფლიოს ქალები ოცნებობენ. მას შეუძლია, გადალახოს ცხრა მთა და ცხრა ზღვა, რომ ულამაზესი პრინცესა ბოროტ ურჩხულს გამოსტაცოს ხელიდან. ის ერთგვარი სიმბიოზია პრინცის, მამაცი რაინდისა და თოვლის ბაბუის, რომელსაც, საბოლოოდ, აღარ იცი, სად დაემალო. მაგრამ ქალები ერთ რამეში უნდა გაფრთხილდნენ - მისი „საქმენი საგმირონი" ყოველთვის გასაგები როდია ლოგიკის თვალსაზრისით, განსაკუთრებით, ლექსები, რომლებსაც ის მოგიძღვნით - სიმართლე რომ ვთქვათ... ან რა უნდა ვთქვათ?..

2416
შორენა მიქიაშვილი აღსაზრდელებთან ერთად

სამი შვილის დედა, მისი მოქსოვილი თოჯინების თეატრი და „წყნარი სივრცე" პატარებისთვის

279
(განახლებულია 22:38 02.03.2021)
„პატარებისგან ბევრს ვსწავლობ და ბევრი რამ ოჯახშიც გადმოვიტანე“ – ეს შორენა მიქიაშვილია, თბილისის 123-ე საჯარო ბაგა-ბაღის აღმზრდელი.

შორენამ ორი პროფესია აითვისა – ხატვა და თოჯინების ქსოვა დამოუკიდებლად ისწავლა. როცა პატარების აღმზრდელად დაიწყო მუშაობა, უკვე სამი შვილის დედა იყო. დღეს თვლის, რომ ბაგა-ბაღის აღმზრდელობა მისი მოწოდებაა და ეს არაერთი საინტერესო ინციატივით დაადასტურა კიდეც...

შორენა მიქიაშვილი
შორენა მიქიაშვილი

- შორენა, სანამ ბავშვების გულის კარს შეაღებდით, თანაც ასე ლამაზად, რა გზა გაიარეთ?

- პროფესიით აღმოსავლეთმოცოდნე ვარ არაბული ენის განხრით, ასევე ფილოლოგი - ქართული ენის და ლიტერატურის მასწავლებელი. ოთხი წელი მუსიკალურ სასწავლებელშიც ვსწავლობდი ვოკალის ფაკულტეტზე. ცხრა წელი აფხაზეთის სახელმწიფო კაპელაში ვმღეროდი, ჩემი პირველი პროფესიით არასოდეს მიმუშავია.

შორენა მიქიაშვილი კოლეგასთან ერთად
შორენა მიქიაშვილი კოლეგასთან ერთად

- ბავშვობაში მხატვრობაზე ოცნებობდით, მაგრამ რატომ ვერ აისრულეთ ოცნება?

- ჩემი აუხდენელი ოცნებაა, რომ მხატვარი გავმხდარიყავი. ხატვა ბავშვობიდან მიყვარს, განსაკუთრებით პორტრეტის ხატვა მიზიდავს. შვიდი წლის ასაკში დავხატე ბაბუა, რომელიც ძალიან დავამსგავსე. საერთოდ, ხატვის ნიჭი გენეტიკურად გამომყვა დედის მხრიდან. ახლა ვთვლი, ბევრი რომ მეშრომა, საკუთარ თავს მხატვრობაში ვიპოვიდი და წარმატებული ვიქნებოდი. დაახლოებით ათი წლის ასაკში დედამ შემიყვანა სამხატვრო სკოლაში, სადაც გამოცდები უმაღლესი შეფასებით გავიარე, მაგრამ, სამწუხაროდ, უსახსრობის გამო ექვს თვეზე მეტხანს ვერ შევძელი, რომ სწავლა გამეგრძელებინა.

შორენა მიქიაშვილი ბავშვებთან ერთად
შორენა მიქიაშვილი ბავშვებთან ერთად

- ახლანდელ სამსახურში როგორ იპოვეთ საკუთარი თავი?

- რაც შეეხება ჩემს ახლანდელ სამსახურს, ვიტყოდი, რომ ეს მხოლოდ სამსახური არ არის. ჩემთვის ეს ყველაზე ფაქიზ და ღვთიურ არსებებთან ურთიერთობაა, რაც უდიდეს სიყვარულს და პასუხისმგებლობას მოითხოვს. ბავშვთან მიმართებაში ოდნავი შეცდომაც კი დაუშვებელია, ამიტომ როცა საქმე პატარებს ეხება, საშინლად მომთხოვნი ვარ...

შორენა მიქიაშვილი
შორენა მიქიაშვილი

- როგორ უფერადებს ბავშვებს ცხოვრებას მასწავლებელი, რომელსაც ხატვა უყვარს? 

- ვცდილობ, რომ ბავშვებისთვის ყოველი დღე სიხარულით სავსე იყოს, დღე არ გავა, რომ მინიმუმ ორი შემოქმედებითი აქტივობა არ მქონდეს. ბავშვებს სრულ შემოქმედებით თავისუფლებას ვაძლევ. ხატვას დიდი მნიშვნელობა აქვს, რადგან ისინი არა მარტო ხატავენ, არამედ ხატვის დროს გადმოსცემენ ემოციას, რასაც იმ მომენტში განიცდიან. მე ვხედავ, რომ მათთვის უფრო მნიშვნელოვანია ხატვის პროცესი, ვიდრე შედეგი. ამიტომ მეც ზუსტად ან განწყობით მივყვები ბოლომდე. მნიშვნელოვანია, რომ ბავშვებმა მეტი შეგრძნებები და ემოციები გამოიმუშაონ. ჩვენთან მოწყენა არასდროსაა. ხშირად ერთად ვცეკვავთ, რადგან ცეკვაც განტვირთვის ერთ-ერთი საშუალებაა, რაც ბავშვებს მეტ თავდაჯერებულობას და სიმხნევეს მატებს.

შორენა მიქიაშვილი
შორენა მიქიაშვილი

- ვიცი, რომ ბაღში ე.წ. „წყნარი სივრცე" გაქვთ, რას ნიშნავს ეს?

- ჯგუფში ბევრი რამ საკუთარი ხელით მაქვს გაკეთებული და ერთი მათგანი სწორედ „წყნარი სივრცეა". ესაა ხე, რომელიც კედელს მიჰყვება და რომლის ფოთლებიც ჭერიდან დაბლა ეშვება. ბუნებასთან ურთიერთობას ხომ სიმშვიდე მოაქვს. ჩვენი „წყნარი სივრცეც“ ბავშვებისთვის ამის შეხსენებაა. ასევე სხვადასხვა სახის წრეებისთვის მოვხატე წარწერები და ამან უდიდესი სიამოვნება მომანიჭა. ამ ყველაფერში ჩემთვის უსაყვარლესი ადამიანი შორენა წერეთელი მეხმარება. ის, რაც იმ გარემოში ხდება, ბევრისთვის წარმოუდგენელი და მიუღწეველია, მე კი, მიუხედავად სირთულეებისა, ეს შევძელი...

შორენა მიქიაშვილი
შორენა მიქიაშვილი

- საბავშვო ბაღში თოჯინების თეატრის შექმნის იდეა როგორ გაგიჩნდათ?

- დიახ, სახლში მუყაოს გამოყენებით გავაკეთე პატარა მინი-თოჯინების თეატრი და ბაღში მივიტანე. თოჯინების თეატრის შექმნის იდეამ კიდევ სხვა საკითხი დააყენა დღის წესრიგში და სხვა წამოწყებას შეუწყო ხელი. ეს არის ქსოვა. თეატრისთვის დამჭირდა თოჯინები და ნელ-ნელა, ნაბიჯ-ნაბიჯ დავიწყე ქსოვის ათვისება. მერე ჩემი მოქსოვილი პატარა თოჯინების საშუალებით დავიწყეთ მინი-სპექტაკლების დადგმა. დღესაც კი, ყოველდღე მე და ჩემი პატარები სულ სიახლის ძიებაში ვართ, რაც ბედნიერებას გვანიჭებს და სიცოცხლით გვავსებს. აქვე გეტყვით, რომ სათამაშოების ქსოვა დროთა განმავლობაში ჩემი ჰობი გახდა, პანდემიის დროს კი დამატებითი შემოსავლის წყაროც.

შორენა მიქიაშვილის მოქსოვილი თოჯინები
შორენა მიქიაშვილის მოქსოვილი თოჯინები

- აქვე ისიც უნდა ვთქვათ, რომ სამი შვილი გყავთ, თქვენმა პროფესიამ მათთან ურთიერთობაც გაგიადვილათ?

- მე 41 წლის ვარ და სამი შვილი მყავს – 11, 9 და 6 წლის არიან. პატარებისგან ბევრს ვსწავლობ და ბევრი რამ ოჯახშიც გადმოვიტანე. ახლა თამამად შეიძლება ვთქვა, რომ შვილებთან დამოკიდებულებას უკვე სულ სხვა თვალით ვუყურებ. ყველაფერი გაცილებით მიადვილდება და უფრო მაბედნიერებს.

შორენა მიქიაშვილი
შორენა მიქიაშვილი

- ხატვის სურვილი და ნიჭი თუ აქვთ?

- მიხარია, რომ ხატვის ნიჭი ჩემს შვილებსაც გამოჰყვათ. სამიდან ერთ-ერთი შესანიშნავად ხატავს. თავისებური ხედვა, ფანტაზია და ფერების აღქმის უნარი აქვს. მიხარია, რომ ისინი ცხოვრებაში ყველაფერს ემოციურად აღიქვამენ. მახსოვს, რომ ჩემმა უფროსმა ქალიშვილმა მარიამ სონგულიამ, როცა ცხრა წლის იყო, თავისუფალი თემაში ასეთი რამ დაწერა: „ზოგჯერ ადამიანი თავს სწირავს და სხვას სიცოცხლეს ჩუქნის. ხან როცა ადამიანს მანქანა ეჯახება, მეორე არ ტოვებს მას და გადაარჩენს. როცა დედები შვილებს აჩენენ, სამყაროს ხალხი ემატება და ესეც გმირობაა“. მიხარია, რომ დედის ამაგს უკვე აქედანვე ხედავს და ასე აფასებს.

შორენა მიქიაშვილი აღსაზრდელებთან ერთად
შორენა მიქიაშვილი აღსაზრდელებთან ერთად

- ვიცი, რომ პანდემიის დროს თქვენი აღსაზრდელები არ დაგიტოვებიათ ყურადღების გარეშე...

- მე ვხვდებოდი, რომ ბავშვებისთვის ბაღის დატოვება მძიმე იქნებოდა, სახლებში გამოკეტვა კი მათ ფსიქოემოციურ განვითარებაზე იმოქმედებდა. ამის გამო პანდემიის დროს გადავწყვიტე, რომ ინტერნეტში ბაღის ჯგუფი შემექმნა. ამ გვერდზე ზოგჯერ სახალისო ვიდეობს ვდებდი, ხან ზღაპრებს ვკითხულობდი, ხან ლექსებს, ხან რაიმე შემოქმედებით-გასართობ ვიზუალურ მასალას, რაც ბავშვებს ძალიან ახარებდა და მათგან სიკეთე პოზიტივის სახით ორმაგად მიბრუნდებოდა. როცა დღეს ამდენ თვალებგაბრწყინებულ პატარას ვხედავ, ბედნიერი ვარ. მათი ენერგია ჩემზე გადმოდის, შეუძლებელია, ეს ვერ იგრძნო და ამან არ შეგავსოს...

 

279
ხელით მოქარგული აქსესუარი

„დაქარგული“: ორსულობის დროს დაწყებული საქმე და ქარგვის სიყვარულით შთაგონებული აქსესუარები

186
„დაქარგული“ ნათია მიგრიაულის სტარტაპია, რომელიც მომხმარებლებს თემატურ, ნაქარგებიან აქსესუარებს სთავაზობს.

როგორია ახალბედა სტარტაპერის ისტორია და როგორ გაუმკლავდა ის ბრენდის შექმნის გამოწვევას, როგორ დაიმსახურა მომხმარებლების კეთილგანწყობა, ნდობა – ამ საკითხებზე ნათია თავად გვესაუბრა.

ნათია მიგრიაული
photo: courtesy of Natia Migriauli
ნათია მიგრიაული

- ჩემი პროფესია დაკავშირებული იყო და არის დიზაინთან და ხელოვნებასთან. დავამთავრე ტანსაცმლის დიზაინი და მოდელირება. დიზაინი ბავშვობიდანვე მიტაცებდა და ყოველთვის მიზნად მქონდა დავუფლებოდი ამ პროფესიას. ასევე ვხატავ და ძალიან მიყვარს სხვადასხვა ორნამენტებზე მუშაობა.

ხელით მოქარგული ჩანთა
photo: courtesy of Natia Migriauli
ხელით მოქარგული ჩანთა

- ქარგვა როდის შეისწავლეთ და რამდენად საინტერესო პროცესია ეს თქვენთვის?

- მიყვარს სიახლეების ძიება. ყველაფერი ლამაზი და ესთეტიური საინტერესოა ჩემთვის. პანდემიის პერიოდში, როცა ძალიან ბევრი თავისუფალი დრო მქონდა, დავინტერესდი ქარგვის ხელოვნებით და სურვილი გამიჩნდა შემესწავლა. ვუყურებდი სხვადასხვა ვიდეოებს იუთუბზე, ინსტაგრამზე და ინტერნეტის საშუალებით ვისწავლე ძალიან მალე.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

იმდენად მომწონდა ეს პროცესი, იმდენი სიმშვიდე და სიამოვნება ვიგრძენი ქარგვის დროს, რომ გადავწყვიტე   სხვადასხვა კომპოზიციები გადამეტანა და მომექარგა აქსესუარებზე. შემდეგ კი ერთ-ერთ ჯგუფში, რომელიც ხელოვნებასთან არის დაკავშირებული, გამოვაქვეყნე ჩემი ნამუშევრები. მსურდა გამეგო ხალხის აზრი, თუ როგორ შეაფასებდნენ თვითნასწავლი ხელოვანის ნამუშევრებს. მართლა არ მეგონა ასეთ დიდ მოწონებას თუ დაიმსახურებდა ჩემი ნამუშევრები. ძალიან თბილი და დადებითი კომენტარები მომდიოდა. პირად შეტყობინებებშიც ძალიან ბევრი მწერდა, თუ როგორ მოსწონდათ ნაქარგები და სურდათ ჩემი ნამუშევრების შეძენა.

ხელით მოქარგული წინდები
photo: courtesy of Natia Migriauli
ხელით მოქარგული წინდები

ასეთმა დაინტერესებამ რა თქმა უნდა დიდი სტიმული და გამბედაობა მომცა. სწორედ ამის შემდეგ გადავწყვიტე შემექმნა გვერდი „დაქარგული“ და ყველას ჰქონოდა ჩემი ნამუშევრების ნახვის და შეძენის შესაძლებლობა. იდეამ ნამდვილად გაამართლა და შეკვეთებიც საკმაოდ ბევრი მაქვს. მეც ვცდილობ ჩემს მომხმარებლებს იმედები არ გავუცრუო და მრავალფეროვანი არჩევანი შევთავაზო.

ამასთან, ყოველთვის მსურდა ისეთ საქმეს შევჭიდებოდი, რომლითაც სულ ოდნავ მაინც მივიღებდი მონაწილეობას ქართული პროდუქტისა და კულტურის პოპულარიზებაში.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- რამდენად მოდური და მოთხოვნადია დღეს მოქარგული სამოსი და აქსესუარები?

- მოქარგული აქსესუარები და სამოსის დეტალები დღეს ძალიან მოდური და აქტუალურია. ქარგვამ და ხელნაკეთმა აქსესუარებმა მნიშვნელოვანი ადგილი დაიმკვიდრა ჩვენს საზოგადოებაში. მიხარია, რომ ადამიანები აფასებენ ხელით შესრულებულ ნამუშევრებს. ხელით  ქარგვა დიდ დროს და შრომას მოითხოვს, ამიტომ შესაბამისი დაფასება სჭირდება.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- ქარგვის დროს, ფერებთან მიმართებაში თამამი ხართ?

- ფერები, კომპოზიცია,  ნამუშევრის სისუფთავე და ხარისხი არის ის, რაც უნდა შესთავაზო მომხმარებელს. ვცდილობ ჩემი ნამუშევრები მრავალფეროვანი, დახვეწილი და რაც მთავარია ხარისხიანი იყოს.  ერთმანეთს ვუხამებ ნაზ, სადა ფერებს, რადგან შეინარჩუნოს კომპოზიციამ ბუნებრივი სახე. რაც შეეხება  ძაფებს, ეს ერთ-ერთ მნიშვნელოვანი დეტალია ქარგვის დროს. აუცილებელია ძაფი იყოს ხარისხიანი,  რადგან გარეცხვის დროს არ დაკარგოს ფერი.  DMC-ეს ის ფირმაა, რომელი ძაფებითაც სრულდება ჩემს მიერ დაქარგული ნამუშევრები.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- ორსულად ხართ. არ გიჭორთ ამ მდგომარეობაში მუშაობა?

- ამჟამად ვარ  რვა თვის ორსული. აქამდე საერთოდ არ მიჭირდა მუშაობა. ახალი წლის პერიოდში საკმაოდ გადატვირთული გრაფიკი მქონდა, ძალიან ბევრი შეკვეთა იყო და ღამის თენებაც კი მიწევდა. ძალიან სასიამოვნოა, როცა ყოველი შეტყობინება ბედნიერებით და მადლიერებით არის სავსე და ეს მაძლევს სტიმულს, ძალას, რომ ჩემი საქმე პირნათლად შევასრულო, ამ მდგომარეობაშიც კი. უკვე მომიწევს, რომ რაღაც პერიოდი შევწყვიტო შეკვეთების მიღება. ალბათ ერთი თვით  შევისვენებ  და შემდეგ ისევ დავბრუნდები ახალი იდეებით და სიახლეებით. მომავალში მინდა უფრო მრავალფეროვანი და საინტერესო ნამუშევრები შევთავაზო ჩემს მომხმარებლებს და ბევრ სიახლეს ვპირდები მათ.

 

186
საქართველოში ბაზრობები ამუშავდა

საქართველოში ფასების ზრდამ პროგნოზს გადააჭარბა: „საქსტატის“ ახალი მონაცემები

0
(განახლებულია 23:13 02.03.2021)
თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

თბილისი, 2 მარტი – Sputnik. საქართველოში წლიურმა ინფლაციამ (2021 წლის თებერვალი – 2020 წლის თებერვალი) 3,6% შეადგინა – 3%-იანი მიზნობრივი მაჩვენებლის პირობებში, იუწყება საქართველოს სტატისტიკის ეროვნული სამსახური „საქსტატი“

2021 წლის თებერვალში, 2021 წლის იანვართან შედარებით, ინფლაციის დონემ 1,1% შეადგინა.

რუსული ხორბლის გაძვირება ქართველ მეწარმეებს ალტერნატივის ძებნას აიძულებს >>

„საქსტატის“ მონაცემებით, თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

როგორ იცვლებოდა ინფლაციის დონე გასულ წელს

2019 წელს წლიურმა ინფლაციამ 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. წლის ბოლომდე რეფინანსირების განაკვეთი 6,5%-დან 9%-მდე გაიზარდა, ბოლოს იგი 2019 წლის დეკემბერში გაიზარდა. 

2020 წლის დასაწყისიდან ინფლაციის დონემ შემცირება დაიწყო – იანვარსა და თებერვალში მან 6,4% შეადგინა, მარტში – 6,1%, სექტემბერში – 3,8% და ამ დონეზე სამი თვე შენარჩუნდა. საქართველოში კორონავირუსის გავრცელების პრევენციის მიზნით ხელისუფლებამ 21 მარტიდან კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად 8%-მდე შეამცირა მონეტარული პოლიტიკის ძირითადი განაკვეთი.

2021 წლის თებერვალში, გასული წლის ანალოგიურ პერიოდთან შედარებით, ფასები შემცირდა კომუნალურ მომსახურებაზე (21,2%).

ამასთან, წლის განმავლობაში სურსათი 6,2%-ით გაძვირდა, მათ შორის, რძე, ყველი და კვერცხი – 6,4%-ით, მზესუმზირის ზეთი – 34,3%-ით, ყავა და ჩაი – 12,4%-ით, პურპროდუქტები – 8,7%-ით. ხილი კი გაიაფდა 4,8%-ით. კორონავირუსის გამო შექმნილი ვითარების გათვალისწინებით, 9,8%-ით გაიზარდა ჯანდაცვის სფეროს მომსახურების ფასებიც.

რა მოქმედებს საქართველოში ფასების დინამიკაზე

ბოლო ორ თვეში წლიური ინფლაციის დონე 3%-იან მიზნობრივ მაჩვენებელზე დაბალია. საქართველოს ეროვნული ბანკის (სებ-ის) ინფორმაციით, ეს დაკავშირებულია სახელმწიფოს მხრიდან კომუნალური ხარჯების სუბსიდირებასთან, რაც დროებით ხასიათს ატარებს. 

პანდემიის პერიოდში საქართველოს ხელისუფლებამ გადაწყვეტილება მიიღო მოქალაქეებისთვის ელექტროენერგიისა და ბუნებრივი აირის (შესაბამისად, 200 კვტ/სთ და 200 მ3) ხარჯების დაფარვის შესახებ.

„როგორც წესი, ცენტრალური ბანკები მსგავსი ტიპის ეგზოგენური ფაქტორების გამო ინფლაციის დროებით გადახრებზე არ რეაგირებენ და ინფლაციის საშუალოვადიანი პროგნოზით ხელმძღვანელობენ. მიმდინარე პროგნოზის თანახმად, 2021 წელს ინფლაცია საშუალოდ 4%-ის ფარგლებში შენარჩუნდება და შემდეგ მიზნობრივ მაჩვენებელს ეტაპობრივად დაუახლოვდება“, – აღნიშნავს ეროვნული ბანკი.

 სებ-ის მონაცემებით, საერთაშორისო სასაქონლო ბაზრებზე ფასების მნიშვნელოვან ზრდასთან ერთად, რაც განსაკუთრებით იანვარში გამოიკვეთა, ინფლაციაზე აღმავალი ზეწოლა შენარჩუნებულია პანდემიასთან დაკავშირებული შეზღუდვების გახანგრძლივების ფონზე წარმოების ხარჯების ზრდისა და ლარის გაუფასურებული კურსის გამო.

„ნომინალური ეფექტური გაცვლითი კურსის გაუფასურება ასუსტებს ერთობლივი მოთხოვნის დაღმავალ გავლენას პროგნოზირებულ ინფლაციაზე, ხოლო ეკონომიკის მაღალი დოლარიზაციის გამო გაცვლითი კურსის ცვლილების გადაცემა ინფლაციაზე საგრძნობია“, – ნათქვამია ეროვნული ბანკის განცხადებაში.

რეგულატორის ინფორმაციით, რჩება გაურკვევლობის მაღალი დონე როგორც გლობალური ეკონომიკური აქტივობის აღდგენის დინამიკის, ისე ადგილობრივი დაკრედიტების ზრდის ტემპის თვალსაზრისით.

0