საზოგადოება

რაშია მომთხოვნი ზოდიაქოს თითოეული ნიშანი

2505
(განახლებულია 11:02 18.02.2020)
თითოეული ადამიანი პრიორიტეტებს თავისებურად ანაწილებს. ზოგისთვის უზარმაზარი მნიშვნელობა აქვს გარეგნობას, ზოგისთვის - განათლების დონეს, ზოგისთვის - კარიერას...

იყო მომთხოვნი - სულაც არ ნიშნავს მავნებლობასა და ჭირვეულობას. თითოეული ჩვენგანი ამ თვისების ამა თუ იმ დონით გამოირჩევა, მაგრამ, როდესაც ჩვენს მოთხოვნებს სხვებს ვუყენებთ, არ უნდა დაგვავიწყდეს, რომ ყველას საკუთარი ინტერესი და პირადი სივრცის უფლება აქვს. როდესაც სხვის მოსაზრებას პატივს სცემ, ეს ადამიანებში აღფრთოვანებას იწვევს.

ვერძი

ვერძს არ უყვარს კომპრომისზე წასვლა. ათასი რამიდან მხოლოდ საუკეთესოს ირჩევს. მას შეუძლია ხელფასის ნახევარი ერთ, მაგრამ ხარისხიან ნივთში გადაიხადოს მაშინ, როდესაც სხვები ამ ფასში ათობით ნივთს ყიდულობენ. ვერძს სურს, რომ გარშემო მხოლოდ ყველაზე ძვირადღირებული ნივთები ერტყას და ერთგული ადამიანები ჰყავდეს.

ზოდიაქოს ექვსი ნიშანი და მათი „შავი სია“: თუ გინდათ, რომ ამ სიაში არ მოხვდეთ...>>

კურო

კურო ცნობილი მელომანია. უფროსი თაობის წარმომადგენლები მზად არიან, იშვიათ ჩანაწერში მთელი ქონება გადაიხადონ. როდესაც მუსიკის სამყაროში არაფერია მიუწვდომელი, კურო ინტერნეტში პოულობს საუკეთესო ჰიტებს და მათ მოსმენას მთელ თავისუფალ დროს უთმობს. მნიშვნელოვან საქმეებსაც კი მუსიკის თანხლებით აკეთებენ.

ტყუპი

ტყუპი დიდ მნიშვნელობას ანიჭებს საურთიერთობო წრეს. ის ეკონტაქტება მხოლოდ იმ ადამიანებს, რომლებთანაც ცხოვრებაზე საერთო შეხედულებები აქვს. თუ ვინმე მასთან კამათობს ან აკრიტიკებს მას, ტყუპი ასეთი ადამიანის წინაშე კარს სამუდამოდ კეტავს. არა, ის არ ცდილობს, ვინმე „გადააკეთოს" და თავის „გემოვნებას მოარგოს", უბრალოდ, არ უყვარს, როცა მის პირად საზღვრებს არღვევენ და ცხოვრებას ასწავლიან.

ზოდიაქოს ნიშნები სულ სხვა რაკურსით - შეიტყვეთ მათი პიროვნული საიდუმლოებები>>

კირჩხიბი

კირჩხიბები მეგობრებს ახარისხებენ. ისინი არ ურთიერთობენ მათთან, ვინც მათ იდეალს არ შეესატყვისება. მათი აზრით, საუკეთესო მეგობარი ისაა, რომელიც მუდამ მზად არის მათ დასახმარებლად. თავად კირჩხიბები არასდროს ტოვებენ მეგობრებს გაჭირვებაში და თავადაც საპასუხო რეაქციას ელოდებიან. ვერ იტანენ ღალატს, რადგან ადამიანებს ძალიან ეჩვევიან.

ლომი

ვერძის მსგავსად, ლომსაც ფუფუნებაში უყვარს ცხოვრება. არჩევს მხოლოდ საუკეთესოს, ამიტომ მისი ცხოვრება ხშირად თეატრს წააგავს. ლომი ზრუნავს საკუთარ რეპუტაციაზე, ისწრაფვის, რომ გარშემომყოფებს აჩვენოს თავისი მაღალი სოციალური სტატუსი და მატერიალური შესაძლებლობა. თუ ვერ ახერხებს, მნიშვნელოვანი პერსონა გახდეს, თავს ასეთად მაინც წარმოაჩენს.

ზოდიაქოს ნიშნები, რომლებსაც განსაკუთრებული მისია აკისრიათ>>

ქალწული

შესაძლოა, გაგიკვირდეთ, მაგრამ ქალწულები ცნობილი გურმანები არიან. ისინი დაკვირვებით არჩევენ პროდუქტებს თავიანთი სუფრისთვის. არასდროს გამოიყენებენ საკვებად რამე არა ახალს ან არცთუ გემრიელს. ან იშიმშილებენ, ან მხოლოდ ხარისხიან საკვებს მიიღებენ. სხვათა შორის, ქალწულებს შიმშილის გრძნობის დათრგუნვა შეუძლიათ.

სასწორი

სასწორს ისე, როგორც სხვა არავის, დროის ფასი ესმის. ამ ნიშნის ზოგიერთი წარმომადგენლისთვის დრო ფულია, ზოგიერთისთვის - საკუთარი თავის მიხედვის შესაძლებლობა. თუ ვინმე მათ დროს არ აფასებს. ამ შემთხვევაში სასწორები წყვეტენ ამ ადამიანთან ურთიერთობას, და, შესაძლოა, აგრესიაც კი აჩვენონ. ამ ადამიანებს სჭირდებათ ჰარმონია და წესრიგი - დრო სწორედ ამისთვის სჭირდებათ.

როგორ იტყუებიან ზოდიაქოს ნიშნები>>

მორიელი

მორიელები ადამიანების ნათქვამ ყოველ სიტყვას უკირკიტებენ. ეს თანამოსაუბრეებს აიძულებს, თითოეული სიტყვა და რეაქცია შეარჩიონ. მორიელებს კი, თავის მხრივ, შეუძლიათ დაუფიქრებლად ატკინონ გული სხვას თავიანთი სარკასტული ფრაზებით და შემდეგ თვითონ განაწყენდნენ, რომ მათზე გაბრაზდნენ. ამ ნიშნით დაბადებულები აკონტროლებენ ყველაფერს, გარდა საკუთარი საქციელისა.

მშვილდოსანი

მშვილდოსნები დამოუკიდებელნი არიან. მეგობრებად ირჩევენ თავიანთ მსგავს ადამიანებს. მთავარი მოთხოვნაა თავისუფლებისა და თავგადასავლების სიყვარული. მშვილდოსნების ოჯახი ყოველთვის სავსეა ადამიანებით. ამ ხმაურიან კომპანიას რომ შეერწყათ, თვითონ უნდა გადადგათ პირველი ნაბიჯი და დაამტკიცოთ, რომ თავისუფლად აზროვნებთ და მზად ხართ, ნებისმიერ მომენტში მოწყდეთ ადგილს და სამოგზაუროდ გაემგზავროთ.

ზოდიაქოს ლიდერი ნიშნები - ტოპ-ოთხეული>>

თხის რქა

თხის რქა - კიდევ ერთი ნიშანი, რომელიც ყოველივე საუკეთესოს არჩევს. ის მზადაა, დიდი თანხა დახარჯოს უმნიშვნელო ნივთზე, ბოლო ფული მისცეს პირველადი საჭიროების ელიტ-კლასის საგნებზე. თხის რქის ნაცნობებს ხშირად არ ესმით ცხოვრებისადმი ამგვარი დამოკიდებულება, მაგრამ თხის რქების შეცვლა შეუძლებელია, რადგანაც მათთვის ფული არა მიზანი, არამედ საშუალებაა.

მერწყული

სანამ გადაწყვეტილებას მიიღებენ, მერწყულები ყველაფერს ბოლო წვრილმანამდე მოიფიქრებენ. ჩაწვდებიან არსს, ამიტომ იშვიათად ცდებიან. მერწყულებს გამოაქვთ არაორდინარული დასკვნები, აქვთ ყველას განცვიფრების უნარი. თავიანთ მსჯელობაში ქედუხრელნი არიან.

ზოდიაქოს ნიშნები, რომლებიც მხოლოდ საკუთარი სიამოვნებისთვის ცხოვრობენ>>

თევზები

თევზები მუდამ რაღაცით არიან უკმაყოფილონი. შეუძლიათ, უხილავი მიზეზის გარეშე შესძულდეთ ადამიანი და ეს იმიტომ, რომ მისი გარეგნობა მათში სიმპათიას არ იწვევს. განსაკუთრებით კარგად ერკვევიან საჩუქრებში - რასაც სხვებს ჩუქნიან და რასაც იღებენ საჩუქრად. ფასს მნიშვნელობა არა აქვს. მთავარია, ეს ნივთი სასარგებლო და პრაქტიკული იყოს.

2505
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

36
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

36
მზის ჩასვლა

15 აგვისტოს დაბადებულები ზოდიაქო, დახასიათება, რჩევები

10
(განახლებულია 13:41 13.08.2020)
გაეცანით 15 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-22 აგვისტო

13-22 აგვისტოს პერიოდი ლომის ნიშნის მესამე დეკადას განეკუთვნება.

ამ დეკადას მარსი - მეომართა პლანეტა მართავს, რომელიც ამ პერიოდში დაბადებულებს განსაკუთრებულ ძალაუფლებას, ნებისყოფასა და აგრესიულობას ანიჭებს.

მნიშვნელოვანი წლებია: 15, 19, 30, 35, 36, 57, 60, 76.

Знаки Зодиака - Лев
© Sputnik / Maria Tsimintia
ლომი

ამ ადამიანების სიმბოლოა გაშლილი ვარდი.

პირველი შეხვედრისას ამ პერიოდში დაბადებულები ქედმაღალი, ამპარტავანი ადამიანების შთაბეჭდილებას ტოვებენ. მაგრამ ეს მხოლოდ ნიღაბია - ცხოვრებამ ასწავლა მათ, რომ ასეთი იყვნენ. ამ ადამიანებმა უნდა ისწავლონ მოდუნება, ხასიათში მეტი სირბილე შეიტანონ და ახსოვდეთ, რომ პრობლემების უმეტესობა მათ ცხოვრებაში გადაღლილობის ბრალია.

15 აგვისტოს დაბადებულები

15 აგვისტოს კეთილი და შრომისმოყვარე ადამიანები იბადებიან. ასეთებზე ამბობენ ხოლმე, ბედნიერ ვარსკვლავზეა დაბადებულიო. არიან სამართლიანი და ერთგული მეგობრები. არიან შესანიშნავი ლიდერები. თითოეულ საქმეს ნამდვილად დიდი მონდომებით უდგებიან.

ამ დღეს დაბადებულები საქმეში ძირითად ყურადღებას აქცევენ მთავარს და არა დეტალებს. ხშირად საზოგადოებრივი ან საქმიანი ჯგუფის, ან ოჯახური კლანის ლიდერად გვევლინებიან, რადგან თავს შესანიშნავად გრძნობენ, როდესაც საპასუხისმგებლო ამოცანებს წყვეტენ. თვითონ შეიძლება ვერც აცნობიერებდნენ, მაგრამ თავს ნამდვილ სამეფო ტახტის წარმომადგენლად აჩვენებენ.

ამ დღეს დაბადებული ქალები თავიანთ გარშემო მზრუნველ ადამიანებს იკრებენ. მათი სახლი სასახლეა, ქმარი - მეფე, ხოლო შვილები - პრინცები და პრინცესები. მამაკაცებს მართვის არაჩვეულებრივი უნარები გააჩნიათ. მიუხედავად აშკარად გამოხატული ძალაუფლების ენერგეტიკისა, მათ პატივისცემისა და ტაქტის საკმარისი მარაგი გააჩნიათ იმისთვის, რომ მოუსმინონ თანამოსაუბრეს და შესაძლოა, მიიღონ კიდეც მათი თვალსაზრისი, თუ ეს ამად ნამდვილად ღირს.

ამ ადამიანების ტიპური თვისებები სითბო და სიკეთე არ არის, მაგრამ არც ის შეიძლება, რომ სასტიკ ადამიანთა რიგს მივაკუთვნოთ. 15 აგვისტოს დაბადებულები თავს ძნელად აკონტროლებენ, რის გამოც ხშირად ხვდებიან ისეთ სიტუაციებში, რომელსაც შემდეგ დიდხანს ნანობენ. მათ აუცილებლად უნდა ისწავლონ მოთმინება და ადამიანების გაგება, რის შედეგად ამ ადამიანების პრობლემების დიდი ნაწილი თავისთავად მოგვარდება.

ჯანმრთელობა

15 აგვისტოს დაბადებულებს ძალიან უყვართ გემრიელი საკვები, ამან კი მათ ჯანმრთელობას შეიძლება საფრთხე შეუქმნას. ამიტომ გამოსავალი მხოლოდ ერთია - უნდა გააკონტროლონ რაციონი, მოერიდონ ცხიმიანისა და ტკბილის უზომოდ მიღებას; უნდა იაქტიურონ ფიზიკურად.

რჩევა:

გახსოვდეთ, რომ ყოველთვის და ყველაფერში პირველი ვერ იქნებით. მოერიდეთ უკონტროლო კონტროლისა და თქვენით აღფრთოვანების სურვილებს.

10