შეყვარებულები

ზოდიაქოს ერთნაირი ნიშნების სასიყვარულო შეთავსებადობა

10435
(განახლებულია 12:23 23.01.2020)
თუ ორი ადამიანი ხასიათითა და ჩვევებით ერთმანეთს ჰგავს, ეს კიდევ არ ნიშნავს, რომ მათი კავშირი წარმატებული იქნება. შესაძლოა, თქვენ და თქვენს საყვარელ ადამიანს მომავალი სწორედ იმიტომ არ გაქვთ, რომ ერთი და იმავე ნიშნის წარმომადგენლები ხართ

როდესაც ადამიანები თავიანთ სიყვარულს პოულობენ, თავდაპირველად ერთმანეთს შორის განსხვავებას ვერ ხედავენ. ხანდახან წყვილები ადვილად ურიგდებიან, ეგუებიან ერთმანეთის ნაკლოვანებებს, მაგრამ ეს ვერ ხერხდება და ისინი შორდებიან ერთმანეთს. ზოდიაქოს ნიშნის კუთვნილება ხშირად ძალზე მნიშვნელოვან როლს ასრულებს პირად ცხოვრებაში. სწორედ შეთავსებადობის წყალობით ადამიანებს შეუძლიათ მთელი ცხოვრება ერთად გაატარონ. თუ შეყვარებული ხართ და გაინტერესებთ, გაქვთ თუ არა საყვარელ ადამიანთან მომავალი, გაეცანით ჩვენს ჰოროსკოპს.

ვერძი - ვერძი

ცეცხლოვანი ნიშნების წარმომადგენლებს ფეთქებადი ხასიათი აქვთ. ამ ადამიანების კავშირი შესაძლებელია მხოლოდ იმ შემთხვევაში, თუ ერთ-ერთი პარტნიორი დათმობას ისწავლის. ვერძებს, სხვა ნიშნებისგან განსხვავებით, შეუძლიათ, იყვნენ ყურადღებიანი და შემწყნარებლური თავიანთი ახლობლების მიმართ. აქედან გამომდინარე, ამ ნიშნის წარმომადგენლებს შეუძლიათ ცხოვრების გზის ერთად გავლა. რა თქმა უნდა, სკანდალები იქნება, ამას თავს ვერ აარიდებენ, მაგრამ თუ არ დაწვრილმანდებიან და არ იქნებიან ძალიან კრიტიკულები საყვარელი ადამიანის მიმართ, ჩხუბიც ნაკლები იქნება.

საუკეთესო წყვილები ზოდიაქოს ნიშნის მიხედვით>>

კურო - კურო

მიწის ნიშნების განმასხვავებელი თვისებაა სტაბილურობა. მათ არ უყვართ კონფლიქტები და ყოველთვის ცდილობენ, ურთიერთობებში ჰარმონია შეინარჩუნონ. ასეთი წყვილი შეთავსებადია, მათი კავშირი დიდხანს შეიძლება გაგრძელდეს. მაგრამ ამ ცხოვრებაში ყველაფერი იდეალური არ არის. კუროს მთავარი ნაკლი ზედმეტი ეკონომიურობაა. მას არ უყვარს ფულის ფუჭად დახარჯვა და საყიდლებს დეტალურად გეგმავს. ერთადერთი, რასაც ამ წყვილის დაშორება შეუძლია, ეს ფულის გამო ჩხუბია. თუ გსურთ, რომ თქვენი ურთიერთობები ხანგრძლივი იყოს, სანამ რამეს იყიდით, განიხილეთ ეს თქვენს პარტნიორთან.

ტყუპი - ტყუპი

ზოდიაქოს ამ ნიშნის წარმომადგენლებს მუდამ ახასიათებთ თავგადასავლების ძიება, განსაკუთრებით კი - სასიყვარულო. ჩვეულებრივ, ტყუპს არ უყვარს მხოლოდ ერთი პარტნიორისთვის ყურადღების დათმობა და უარს არ ამბობს სხვასთან არშიყზე. ძალიან ხშირად ეს ხდება ღალატის მიზეზი. ტყუპის შემთხვევაში ეს ხშირად ორმხრივია. ამ ადამიანების დიდი ხნით კავშირს შანსი თითქმის არ გააჩნია. უფრო შესაძლებელია, რომ ისინი კარგი მეგობრები გახდნენ, ვიდრე - წყვილი.

ზოდიაქოს სამი ნიშანი - სამი იდეალური პარტნიორი>>

კირჩხიბი - კირჩხიბი

ეს ნიშანი ემოციურობით გამოირჩევა და ეს ადრეული ასაკიდან ვლინდება. უყურადღებობის გამო ხშირად დეპრესიულ მდგომარეობაში არიან, თუმცა, თვითონ არცთუ ყურადღებიანი არიან სხვების მიმართ. რა თქმა უნდა, ორ კირჩხიბს შეუძლია, კარგად შეეწყოს ერთმანეთს. მათ ურთიერთობებში ყოველთვის იქნება ურთიერთგაგება, მაგრამ მოუწევთ ერთმანეთის გრძნობების პატივისცემა. კირჩხიბის წყენინება ძალზე ადვილია, უმნიშვნელო კრიტიკაც კი ძალიან მოქმედებს მათ თავმოყვარეობაზე, ამიტომ თუ ამ ადამიანებისთვის ურთიერთობა ძალზე ძვირფასია, საჭიროა, პარტნიორის მიმართ იყვნენ ალერსიანი, ყურადღებიანი, უნდა ინტერესდებოდნენ მეორე ნახევრის განცდებითა და პრობლემებით.

ლომი - ლომი

ლომები ბავშვობიდან ხედავენ თავს ლიდერებად. ისინი განსხვავდებიან ცეცხლოვანი სხვა ნიშნებისგან თავიანთი დაჟინებულობით, ზედმეტი თავმოყვარეობითა და გარშემომყოფების მხრიდან ყურადღების მოთხოვნილებით. წყვილი მხოლოდ იმ შემთხვევაში შედგება, თუ ერთმანეთს არ დათრგუნავენ. შესაძლოა, თითოეულმა მოინდომოს ლიდერობა, რის გამოც სკანდალებია მოსალოდნელი. თუ შეძლებენ თავიანთი მგზნებარების მოთოკვას და შეწყვეტენ ერთმანეთის კონკურენტობას, შესაძლებელია ხანგრძლივი ურთიერთობები. თუ ასე არ მოიქცევიან, შეყვარებულების ნაცვლად მეტოქეები და მტრები გახდებიან.

ზოდიაქოს რომელი ნიშნების მამაკაცებს შეუძლიათ ძლიერი სიყვარული>>

ქალწული - ქალწული

თუ ზოდიაქოს ამ ნიშნის წარმომადგენლები გათავისუფლდებიან თავიანთი ნაკლოვანებებისა და პერფექციონიზმისგან, მათი კავშირი დიდხანს შეძლებს არსებობას. მთავარი ამ წყვილში ისაა, რომ მათ წვრილმანებს არ უნდა მიაქციონ ყურადღება. საჭიროა გაგება იმისა, რომ ადამიანი არ შეიძლება სრულად შეესატყვისებოდეს მეორე ადამიანის იდეალს, საჭიროა ადამიანების რეალურად აღქმა, თუნდაც მათ ნაკლოვანებები ჰქონდეთ. უნდა აღინიშნოს, რომ ქალწულებს ბევრი საერთო აქვთ. ისინი აფასებენ სილამაზეს, უზადობას გარშემო, აღფრთოვანებული არიან ერთი და იმავე ნივთებით. სწორედ გემოვნებისა და ხასიათების მსგავსების გამო ისინი შეთავსებადი არიან.

სასწორი - სასწორი

სასწორები პირველივე შეხვედრის დროს გრძნობენ კომფორტს. ისინი აფასებენ სტაბილურობას, წონასწორობას ყველაფერში, ეს განსაკუთრებით ურთიერთობებს ეხება. სასწორებისთვის მნიშვნელოვანია, რომ მათი პარტნიორი არა მხოლოდ გულწრფელი და მგზნებარე იყოს, არამედ - კარგი მეგობარიც. ისინი ცდილობენ, სკანდალებს აარიდონ თავი, უთანხმოებები კი მათ შორის ძალზე იშვიათად ხდება. თუ დაუპირისპირდნენ კიდეც ერთმანეთს, მათ შორის გამარჯვებული არც ერთი არაა. ასეთი კავშირი შეიძლება არა მხოლოდ წარმატებული, არამედ მარადიულიც იყოს.

ზოდიაქოს ყველაზე „გულცივი“ ხუთი ნიშანი, რომლებიც სიყვარულს ვერ გამოხატავენ>>

მორიელი - მორიელი

ზოდიაქოს ამ ნიშანს ემოციურობა და შეუპოვრობა გამოარჩევს. მათ შიგნით მუდამ ნაპერწკალი ელვარებს, სავსენი არიან ვნებითა და მგზნებარებით, ამიტომ კარგი საყვარლები შეიძლება გახდნენ. მაგრამ საკითხი ისაა, თუ რამდენად შეძლებენ ოჯახის შექმნას და თანაცხოვრებას. პასუხი აუცილებლად დადებითია. მათ წყვილში მუდამ იქნება გულგახსნილობა, აღიარებები, სინაზე. სხვა ადამიანებთან ერთად ყოფნისას მათ შეიძლება იჩხუბონ, მოაწყონ ისტერიკა, ერთმანეთს განშორებით დაემუქრონ, მაგრამ მარტო ყოფნისას სულ სხვაგვარად იქცევიან. მორიელები ერთმანეთს მუდამ გაუგებენ და მხარს დაუჭერენ. დროთა განმავლობაში ასეთი წყვილი ნამდვილი ტანდემი ხდება და მათი გრძნობები კიდევ უფრო ძლიერდება.

მშვილდოსანი - მშვილდოსანი

მშვილდოსნები თავიანთი მიზანსწრაფულობით გამოირჩევიან. მათ სურთ, რომ ყველაზე საუკეთესონი იყვნენ, ამიტომ ახლობლებშიც კი კონკურენტებს ხედავენ. მეგობრული ურთიერთობებიც კი ამ ნიშნის წარმომადგენლებს შორის იშვიათად ყალიბდება. როდესაც უყვარდებათ, გრძნობები მათ თვისებებს მთლიანად თრგუნავს, ისინი დუნდებიან და მთლიანად საყვარელ ადამიანში „იხსნებიან", ავიწყდებათ საქმეები. თუ დროთა განმავლობაში შეატყვეს, რომ მათი საყვარელი ადამიანი რაღაცით მათზე უკეთესია, რისხვის გრძნობა ეუფლებათ და საყვარელ ადამიანში უკვე კონკურენტს ხედავენ. მუდმივი ბრძოლა ხშირ შემთხვევებში განშორებით მთავრდება.

თუ ცოლის შერთვას აპირებთ - საუკეთესო ცოლების ტოპ-სამეული ზოდიაქოს ნიშნის მიხედვით>>

თხის რქა - თხის რქა

ზოდიაქოს ამ ნიშნის წარმომადგენლებს, ჩვეულებრივ, საერთო ინტერესები აქვთ. ამის გამო მათ შორის თბილი ურთიერთობები ყალიბდება, რომელშიც ყოველთვის არის მრავალფეროვნება. შეუძლიათ, ერთად "იგიჟონ", ან მთელი დღე ფილმების ყურებაში გაატარონ. თხის რქები ერთად კომფორტულად გრძნობენ თავს, შეუძლიათ ერთმანეთის მხარდაჭერა ნებისმიერ ვითარებაში, თუნდაც ერთ-ერთი მართალი არ იყოს. მთავარია, მხიარულად გრძნობდნენ თავს - ასეთ შემთხვევაში ეს თანაცხოვრება სიცოცხლის ბოლომდე გაგრძელდება.

მერწყული - მერწყული

თუ ორ მერწყულს დამეგობრება სურს, ეს უპრობლემოდ მოხდება. თუმცა, სასიყვარულო ურთიერთობები ძალიან იშვიათად ყალიბდება მათ შორის. ამ ნიშნის წარმომადგენლებისთვის ძალზე მნიშვნელოვანია, რომ თავისუფლად იგრძნონ თავი, ხოლო წყვილში ამ გრძნობის დათრგუნვა უწევთ, რადგან ერთმანეთის მიმართ სხვადასხვა ვალდებულება იჩენს ხოლმე თავს. ასეთ შემთხვევაში მერწყულებს საშინელი დისკომფორტი ექმნებათ. ამ ადამიანებისთვის აუცილებელია, იყვნენ იმათთან, ვინც მოითმენს მათ გარკვეულ გულგრილობას და მათ თვისებებს შეეგუება. სამწუხაროდ, ეს ნიშანი მოთმინებითა და გაგებით არ გამოირჩევა. დრო რომ ფუჭად არ დაკარგონ, სჯობს, თავიანთი შესაფერისი ადამიანი სხვა ნიშნებს შორის იპოვონ.

ზოდიაქოს ნიშნების ინტიმური შეთავსებადობა>>

თევზები - თევზები

წყლის ნიშნების შეთავსება მხოლოდ იმ შემთხვევაშია შესაძლებელი, თუ ისინი ერთმანეთს უგებენ. თევზების შემთხვევაში ეს რთულია. ეს ნიშანი წყალივითაა. ერთი შეხედვით მშვიდი მოჩანან. ძნელი მისახვედრია, რა ხდება მათ შიგნით - ხშირად აუხსნელი რამეები. ხშირად ეცვლებათ განწყობა, იშვიათად ხსნიან გულს და საუბრობენ საკუთარ ფიქრებზე. უყვართ საკუთარ თავთან მარტო დარჩენა, ურთიერთობებში კი ეს იშვიათად შეიძლება მოხდეს. ამ ადამიანებს ერთმანეთისთვის უთქმელი და საიდუმლო ბევრი რამ დაუგროვდებათ. ერთხელაც, ჩიხში აღმოჩნდებიან და წინ წასვლას ვეღარ შეძლებენ.

10435
შორენა მიქიაშვილი აღსაზრდელებთან ერთად

სამი შვილის დედა, მისი მოქსოვილი თოჯინების თეატრი და „წყნარი სივრცე" პატარებისთვის

279
(განახლებულია 22:38 02.03.2021)
„პატარებისგან ბევრს ვსწავლობ და ბევრი რამ ოჯახშიც გადმოვიტანე“ – ეს შორენა მიქიაშვილია, თბილისის 123-ე საჯარო ბაგა-ბაღის აღმზრდელი.

შორენამ ორი პროფესია აითვისა – ხატვა და თოჯინების ქსოვა დამოუკიდებლად ისწავლა. როცა პატარების აღმზრდელად დაიწყო მუშაობა, უკვე სამი შვილის დედა იყო. დღეს თვლის, რომ ბაგა-ბაღის აღმზრდელობა მისი მოწოდებაა და ეს არაერთი საინტერესო ინციატივით დაადასტურა კიდეც...

შორენა მიქიაშვილი
შორენა მიქიაშვილი

- შორენა, სანამ ბავშვების გულის კარს შეაღებდით, თანაც ასე ლამაზად, რა გზა გაიარეთ?

- პროფესიით აღმოსავლეთმოცოდნე ვარ არაბული ენის განხრით, ასევე ფილოლოგი - ქართული ენის და ლიტერატურის მასწავლებელი. ოთხი წელი მუსიკალურ სასწავლებელშიც ვსწავლობდი ვოკალის ფაკულტეტზე. ცხრა წელი აფხაზეთის სახელმწიფო კაპელაში ვმღეროდი, ჩემი პირველი პროფესიით არასოდეს მიმუშავია.

შორენა მიქიაშვილი კოლეგასთან ერთად
შორენა მიქიაშვილი კოლეგასთან ერთად

- ბავშვობაში მხატვრობაზე ოცნებობდით, მაგრამ რატომ ვერ აისრულეთ ოცნება?

- ჩემი აუხდენელი ოცნებაა, რომ მხატვარი გავმხდარიყავი. ხატვა ბავშვობიდან მიყვარს, განსაკუთრებით პორტრეტის ხატვა მიზიდავს. შვიდი წლის ასაკში დავხატე ბაბუა, რომელიც ძალიან დავამსგავსე. საერთოდ, ხატვის ნიჭი გენეტიკურად გამომყვა დედის მხრიდან. ახლა ვთვლი, ბევრი რომ მეშრომა, საკუთარ თავს მხატვრობაში ვიპოვიდი და წარმატებული ვიქნებოდი. დაახლოებით ათი წლის ასაკში დედამ შემიყვანა სამხატვრო სკოლაში, სადაც გამოცდები უმაღლესი შეფასებით გავიარე, მაგრამ, სამწუხაროდ, უსახსრობის გამო ექვს თვეზე მეტხანს ვერ შევძელი, რომ სწავლა გამეგრძელებინა.

შორენა მიქიაშვილი ბავშვებთან ერთად
შორენა მიქიაშვილი ბავშვებთან ერთად

- ახლანდელ სამსახურში როგორ იპოვეთ საკუთარი თავი?

- რაც შეეხება ჩემს ახლანდელ სამსახურს, ვიტყოდი, რომ ეს მხოლოდ სამსახური არ არის. ჩემთვის ეს ყველაზე ფაქიზ და ღვთიურ არსებებთან ურთიერთობაა, რაც უდიდეს სიყვარულს და პასუხისმგებლობას მოითხოვს. ბავშვთან მიმართებაში ოდნავი შეცდომაც კი დაუშვებელია, ამიტომ როცა საქმე პატარებს ეხება, საშინლად მომთხოვნი ვარ...

შორენა მიქიაშვილი
შორენა მიქიაშვილი

- როგორ უფერადებს ბავშვებს ცხოვრებას მასწავლებელი, რომელსაც ხატვა უყვარს? 

- ვცდილობ, რომ ბავშვებისთვის ყოველი დღე სიხარულით სავსე იყოს, დღე არ გავა, რომ მინიმუმ ორი შემოქმედებითი აქტივობა არ მქონდეს. ბავშვებს სრულ შემოქმედებით თავისუფლებას ვაძლევ. ხატვას დიდი მნიშვნელობა აქვს, რადგან ისინი არა მარტო ხატავენ, არამედ ხატვის დროს გადმოსცემენ ემოციას, რასაც იმ მომენტში განიცდიან. მე ვხედავ, რომ მათთვის უფრო მნიშვნელოვანია ხატვის პროცესი, ვიდრე შედეგი. ამიტომ მეც ზუსტად ან განწყობით მივყვები ბოლომდე. მნიშვნელოვანია, რომ ბავშვებმა მეტი შეგრძნებები და ემოციები გამოიმუშაონ. ჩვენთან მოწყენა არასდროსაა. ხშირად ერთად ვცეკვავთ, რადგან ცეკვაც განტვირთვის ერთ-ერთი საშუალებაა, რაც ბავშვებს მეტ თავდაჯერებულობას და სიმხნევეს მატებს.

შორენა მიქიაშვილი
შორენა მიქიაშვილი

- ვიცი, რომ ბაღში ე.წ. „წყნარი სივრცე" გაქვთ, რას ნიშნავს ეს?

- ჯგუფში ბევრი რამ საკუთარი ხელით მაქვს გაკეთებული და ერთი მათგანი სწორედ „წყნარი სივრცეა". ესაა ხე, რომელიც კედელს მიჰყვება და რომლის ფოთლებიც ჭერიდან დაბლა ეშვება. ბუნებასთან ურთიერთობას ხომ სიმშვიდე მოაქვს. ჩვენი „წყნარი სივრცეც“ ბავშვებისთვის ამის შეხსენებაა. ასევე სხვადასხვა სახის წრეებისთვის მოვხატე წარწერები და ამან უდიდესი სიამოვნება მომანიჭა. ამ ყველაფერში ჩემთვის უსაყვარლესი ადამიანი შორენა წერეთელი მეხმარება. ის, რაც იმ გარემოში ხდება, ბევრისთვის წარმოუდგენელი და მიუღწეველია, მე კი, მიუხედავად სირთულეებისა, ეს შევძელი...

შორენა მიქიაშვილი
შორენა მიქიაშვილი

- საბავშვო ბაღში თოჯინების თეატრის შექმნის იდეა როგორ გაგიჩნდათ?

- დიახ, სახლში მუყაოს გამოყენებით გავაკეთე პატარა მინი-თოჯინების თეატრი და ბაღში მივიტანე. თოჯინების თეატრის შექმნის იდეამ კიდევ სხვა საკითხი დააყენა დღის წესრიგში და სხვა წამოწყებას შეუწყო ხელი. ეს არის ქსოვა. თეატრისთვის დამჭირდა თოჯინები და ნელ-ნელა, ნაბიჯ-ნაბიჯ დავიწყე ქსოვის ათვისება. მერე ჩემი მოქსოვილი პატარა თოჯინების საშუალებით დავიწყეთ მინი-სპექტაკლების დადგმა. დღესაც კი, ყოველდღე მე და ჩემი პატარები სულ სიახლის ძიებაში ვართ, რაც ბედნიერებას გვანიჭებს და სიცოცხლით გვავსებს. აქვე გეტყვით, რომ სათამაშოების ქსოვა დროთა განმავლობაში ჩემი ჰობი გახდა, პანდემიის დროს კი დამატებითი შემოსავლის წყაროც.

შორენა მიქიაშვილის მოქსოვილი თოჯინები
შორენა მიქიაშვილის მოქსოვილი თოჯინები

- აქვე ისიც უნდა ვთქვათ, რომ სამი შვილი გყავთ, თქვენმა პროფესიამ მათთან ურთიერთობაც გაგიადვილათ?

- მე 41 წლის ვარ და სამი შვილი მყავს – 11, 9 და 6 წლის არიან. პატარებისგან ბევრს ვსწავლობ და ბევრი რამ ოჯახშიც გადმოვიტანე. ახლა თამამად შეიძლება ვთქვა, რომ შვილებთან დამოკიდებულებას უკვე სულ სხვა თვალით ვუყურებ. ყველაფერი გაცილებით მიადვილდება და უფრო მაბედნიერებს.

შორენა მიქიაშვილი
შორენა მიქიაშვილი

- ხატვის სურვილი და ნიჭი თუ აქვთ?

- მიხარია, რომ ხატვის ნიჭი ჩემს შვილებსაც გამოჰყვათ. სამიდან ერთ-ერთი შესანიშნავად ხატავს. თავისებური ხედვა, ფანტაზია და ფერების აღქმის უნარი აქვს. მიხარია, რომ ისინი ცხოვრებაში ყველაფერს ემოციურად აღიქვამენ. მახსოვს, რომ ჩემმა უფროსმა ქალიშვილმა მარიამ სონგულიამ, როცა ცხრა წლის იყო, თავისუფალი თემაში ასეთი რამ დაწერა: „ზოგჯერ ადამიანი თავს სწირავს და სხვას სიცოცხლეს ჩუქნის. ხან როცა ადამიანს მანქანა ეჯახება, მეორე არ ტოვებს მას და გადაარჩენს. როცა დედები შვილებს აჩენენ, სამყაროს ხალხი ემატება და ესეც გმირობაა“. მიხარია, რომ დედის ამაგს უკვე აქედანვე ხედავს და ასე აფასებს.

შორენა მიქიაშვილი აღსაზრდელებთან ერთად
შორენა მიქიაშვილი აღსაზრდელებთან ერთად

- ვიცი, რომ პანდემიის დროს თქვენი აღსაზრდელები არ დაგიტოვებიათ ყურადღების გარეშე...

- მე ვხვდებოდი, რომ ბავშვებისთვის ბაღის დატოვება მძიმე იქნებოდა, სახლებში გამოკეტვა კი მათ ფსიქოემოციურ განვითარებაზე იმოქმედებდა. ამის გამო პანდემიის დროს გადავწყვიტე, რომ ინტერნეტში ბაღის ჯგუფი შემექმნა. ამ გვერდზე ზოგჯერ სახალისო ვიდეობს ვდებდი, ხან ზღაპრებს ვკითხულობდი, ხან ლექსებს, ხან რაიმე შემოქმედებით-გასართობ ვიზუალურ მასალას, რაც ბავშვებს ძალიან ახარებდა და მათგან სიკეთე პოზიტივის სახით ორმაგად მიბრუნდებოდა. როცა დღეს ამდენ თვალებგაბრწყინებულ პატარას ვხედავ, ბედნიერი ვარ. მათი ენერგია ჩემზე გადმოდის, შეუძლებელია, ეს ვერ იგრძნო და ამან არ შეგავსოს...

 

279
ხელით მოქარგული აქსესუარი

„დაქარგული“: ორსულობის დროს დაწყებული საქმე და ქარგვის სიყვარულით შთაგონებული აქსესუარები

186
„დაქარგული“ ნათია მიგრიაულის სტარტაპია, რომელიც მომხმარებლებს თემატურ, ნაქარგებიან აქსესუარებს სთავაზობს.

როგორია ახალბედა სტარტაპერის ისტორია და როგორ გაუმკლავდა ის ბრენდის შექმნის გამოწვევას, როგორ დაიმსახურა მომხმარებლების კეთილგანწყობა, ნდობა – ამ საკითხებზე ნათია თავად გვესაუბრა.

ნათია მიგრიაული
photo: courtesy of Natia Migriauli
ნათია მიგრიაული

- ჩემი პროფესია დაკავშირებული იყო და არის დიზაინთან და ხელოვნებასთან. დავამთავრე ტანსაცმლის დიზაინი და მოდელირება. დიზაინი ბავშვობიდანვე მიტაცებდა და ყოველთვის მიზნად მქონდა დავუფლებოდი ამ პროფესიას. ასევე ვხატავ და ძალიან მიყვარს სხვადასხვა ორნამენტებზე მუშაობა.

ხელით მოქარგული ჩანთა
photo: courtesy of Natia Migriauli
ხელით მოქარგული ჩანთა

- ქარგვა როდის შეისწავლეთ და რამდენად საინტერესო პროცესია ეს თქვენთვის?

- მიყვარს სიახლეების ძიება. ყველაფერი ლამაზი და ესთეტიური საინტერესოა ჩემთვის. პანდემიის პერიოდში, როცა ძალიან ბევრი თავისუფალი დრო მქონდა, დავინტერესდი ქარგვის ხელოვნებით და სურვილი გამიჩნდა შემესწავლა. ვუყურებდი სხვადასხვა ვიდეოებს იუთუბზე, ინსტაგრამზე და ინტერნეტის საშუალებით ვისწავლე ძალიან მალე.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

იმდენად მომწონდა ეს პროცესი, იმდენი სიმშვიდე და სიამოვნება ვიგრძენი ქარგვის დროს, რომ გადავწყვიტე   სხვადასხვა კომპოზიციები გადამეტანა და მომექარგა აქსესუარებზე. შემდეგ კი ერთ-ერთ ჯგუფში, რომელიც ხელოვნებასთან არის დაკავშირებული, გამოვაქვეყნე ჩემი ნამუშევრები. მსურდა გამეგო ხალხის აზრი, თუ როგორ შეაფასებდნენ თვითნასწავლი ხელოვანის ნამუშევრებს. მართლა არ მეგონა ასეთ დიდ მოწონებას თუ დაიმსახურებდა ჩემი ნამუშევრები. ძალიან თბილი და დადებითი კომენტარები მომდიოდა. პირად შეტყობინებებშიც ძალიან ბევრი მწერდა, თუ როგორ მოსწონდათ ნაქარგები და სურდათ ჩემი ნამუშევრების შეძენა.

ხელით მოქარგული წინდები
photo: courtesy of Natia Migriauli
ხელით მოქარგული წინდები

ასეთმა დაინტერესებამ რა თქმა უნდა დიდი სტიმული და გამბედაობა მომცა. სწორედ ამის შემდეგ გადავწყვიტე შემექმნა გვერდი „დაქარგული“ და ყველას ჰქონოდა ჩემი ნამუშევრების ნახვის და შეძენის შესაძლებლობა. იდეამ ნამდვილად გაამართლა და შეკვეთებიც საკმაოდ ბევრი მაქვს. მეც ვცდილობ ჩემს მომხმარებლებს იმედები არ გავუცრუო და მრავალფეროვანი არჩევანი შევთავაზო.

ამასთან, ყოველთვის მსურდა ისეთ საქმეს შევჭიდებოდი, რომლითაც სულ ოდნავ მაინც მივიღებდი მონაწილეობას ქართული პროდუქტისა და კულტურის პოპულარიზებაში.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- რამდენად მოდური და მოთხოვნადია დღეს მოქარგული სამოსი და აქსესუარები?

- მოქარგული აქსესუარები და სამოსის დეტალები დღეს ძალიან მოდური და აქტუალურია. ქარგვამ და ხელნაკეთმა აქსესუარებმა მნიშვნელოვანი ადგილი დაიმკვიდრა ჩვენს საზოგადოებაში. მიხარია, რომ ადამიანები აფასებენ ხელით შესრულებულ ნამუშევრებს. ხელით  ქარგვა დიდ დროს და შრომას მოითხოვს, ამიტომ შესაბამისი დაფასება სჭირდება.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- ქარგვის დროს, ფერებთან მიმართებაში თამამი ხართ?

- ფერები, კომპოზიცია,  ნამუშევრის სისუფთავე და ხარისხი არის ის, რაც უნდა შესთავაზო მომხმარებელს. ვცდილობ ჩემი ნამუშევრები მრავალფეროვანი, დახვეწილი და რაც მთავარია ხარისხიანი იყოს.  ერთმანეთს ვუხამებ ნაზ, სადა ფერებს, რადგან შეინარჩუნოს კომპოზიციამ ბუნებრივი სახე. რაც შეეხება  ძაფებს, ეს ერთ-ერთ მნიშვნელოვანი დეტალია ქარგვის დროს. აუცილებელია ძაფი იყოს ხარისხიანი,  რადგან გარეცხვის დროს არ დაკარგოს ფერი.  DMC-ეს ის ფირმაა, რომელი ძაფებითაც სრულდება ჩემს მიერ დაქარგული ნამუშევრები.

ხელით მოქარგული ქუდი
photo: courtesy of Natia Migriauli
ხელით მოქარგული ქუდი

- ორსულად ხართ. არ გიჭორთ ამ მდგომარეობაში მუშაობა?

- ამჟამად ვარ  რვა თვის ორსული. აქამდე საერთოდ არ მიჭირდა მუშაობა. ახალი წლის პერიოდში საკმაოდ გადატვირთული გრაფიკი მქონდა, ძალიან ბევრი შეკვეთა იყო და ღამის თენებაც კი მიწევდა. ძალიან სასიამოვნოა, როცა ყოველი შეტყობინება ბედნიერებით და მადლიერებით არის სავსე და ეს მაძლევს სტიმულს, ძალას, რომ ჩემი საქმე პირნათლად შევასრულო, ამ მდგომარეობაშიც კი. უკვე მომიწევს, რომ რაღაც პერიოდი შევწყვიტო შეკვეთების მიღება. ალბათ ერთი თვით  შევისვენებ  და შემდეგ ისევ დავბრუნდები ახალი იდეებით და სიახლეებით. მომავალში მინდა უფრო მრავალფეროვანი და საინტერესო ნამუშევრები შევთავაზო ჩემს მომხმარებლებს და ბევრ სიახლეს ვპირდები მათ.

 

186
საქართველოში ბაზრობები ამუშავდა

საქართველოში ფასების ზრდამ პროგნოზს გადააჭარბა: „საქსტატის“ ახალი მონაცემები

0
(განახლებულია 23:13 02.03.2021)
თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

თბილისი, 2 მარტი – Sputnik. საქართველოში წლიურმა ინფლაციამ (2021 წლის თებერვალი – 2020 წლის თებერვალი) 3,6% შეადგინა – 3%-იანი მიზნობრივი მაჩვენებლის პირობებში, იუწყება საქართველოს სტატისტიკის ეროვნული სამსახური „საქსტატი“

2021 წლის თებერვალში, 2021 წლის იანვართან შედარებით, ინფლაციის დონემ 1,1% შეადგინა.

რუსული ხორბლის გაძვირება ქართველ მეწარმეებს ალტერნატივის ძებნას აიძულებს >>

„საქსტატის“ მონაცემებით, თებერვალში ფასები შემცირდა ტანსაცმელზე (3,4%) და კომუნალურ მომსახურებაზე (0,4%). ამავე დროს ფასები სურსათზე გაიზარდა 1,1%-ით, სასტუმროებისა და რესტორნების მომსახურებაზე - 3,7%-ით, ტრანსპორტზე - 2,5%-ით.

როგორ იცვლებოდა ინფლაციის დონე გასულ წელს

2019 წელს წლიურმა ინფლაციამ 7% შეადგინა. მის შესაკავებლად ეროვნულმა ბანკმა 2019 წლის სექტემბრიდან მონეტარული პოლიტიკის გამკაცრება დაიწყო. წლის ბოლომდე რეფინანსირების განაკვეთი 6,5%-დან 9%-მდე გაიზარდა, ბოლოს იგი 2019 წლის დეკემბერში გაიზარდა. 

2020 წლის დასაწყისიდან ინფლაციის დონემ შემცირება დაიწყო – იანვარსა და თებერვალში მან 6,4% შეადგინა, მარტში – 6,1%, სექტემბერში – 3,8% და ამ დონეზე სამი თვე შენარჩუნდა. საქართველოში კორონავირუსის გავრცელების პრევენციის მიზნით ხელისუფლებამ 21 მარტიდან კარანტინი და კომენდანტის საათი დააწესა. ეკონომიკური აქტივობის სტიმულირებისთვის ეროვნულმა ბანკმა აპრილიდან სამ ეტაპად 8%-მდე შეამცირა მონეტარული პოლიტიკის ძირითადი განაკვეთი.

2021 წლის თებერვალში, გასული წლის ანალოგიურ პერიოდთან შედარებით, ფასები შემცირდა კომუნალურ მომსახურებაზე (21,2%).

ამასთან, წლის განმავლობაში სურსათი 6,2%-ით გაძვირდა, მათ შორის, რძე, ყველი და კვერცხი – 6,4%-ით, მზესუმზირის ზეთი – 34,3%-ით, ყავა და ჩაი – 12,4%-ით, პურპროდუქტები – 8,7%-ით. ხილი კი გაიაფდა 4,8%-ით. კორონავირუსის გამო შექმნილი ვითარების გათვალისწინებით, 9,8%-ით გაიზარდა ჯანდაცვის სფეროს მომსახურების ფასებიც.

რა მოქმედებს საქართველოში ფასების დინამიკაზე

ბოლო ორ თვეში წლიური ინფლაციის დონე 3%-იან მიზნობრივ მაჩვენებელზე დაბალია. საქართველოს ეროვნული ბანკის (სებ-ის) ინფორმაციით, ეს დაკავშირებულია სახელმწიფოს მხრიდან კომუნალური ხარჯების სუბსიდირებასთან, რაც დროებით ხასიათს ატარებს. 

პანდემიის პერიოდში საქართველოს ხელისუფლებამ გადაწყვეტილება მიიღო მოქალაქეებისთვის ელექტროენერგიისა და ბუნებრივი აირის (შესაბამისად, 200 კვტ/სთ და 200 მ3) ხარჯების დაფარვის შესახებ.

„როგორც წესი, ცენტრალური ბანკები მსგავსი ტიპის ეგზოგენური ფაქტორების გამო ინფლაციის დროებით გადახრებზე არ რეაგირებენ და ინფლაციის საშუალოვადიანი პროგნოზით ხელმძღვანელობენ. მიმდინარე პროგნოზის თანახმად, 2021 წელს ინფლაცია საშუალოდ 4%-ის ფარგლებში შენარჩუნდება და შემდეგ მიზნობრივ მაჩვენებელს ეტაპობრივად დაუახლოვდება“, – აღნიშნავს ეროვნული ბანკი.

 სებ-ის მონაცემებით, საერთაშორისო სასაქონლო ბაზრებზე ფასების მნიშვნელოვან ზრდასთან ერთად, რაც განსაკუთრებით იანვარში გამოიკვეთა, ინფლაციაზე აღმავალი ზეწოლა შენარჩუნებულია პანდემიასთან დაკავშირებული შეზღუდვების გახანგრძლივების ფონზე წარმოების ხარჯების ზრდისა და ლარის გაუფასურებული კურსის გამო.

„ნომინალური ეფექტური გაცვლითი კურსის გაუფასურება ასუსტებს ერთობლივი მოთხოვნის დაღმავალ გავლენას პროგნოზირებულ ინფლაციაზე, ხოლო ეკონომიკის მაღალი დოლარიზაციის გამო გაცვლითი კურსის ცვლილების გადაცემა ინფლაციაზე საგრძნობია“, – ნათქვამია ეროვნული ბანკის განცხადებაში.

რეგულატორის ინფორმაციით, რჩება გაურკვევლობის მაღალი დონე როგორც გლობალური ეკონომიკური აქტივობის აღდგენის დინამიკის, ისე ადგილობრივი დაკრედიტების ზრდის ტემპის თვალსაზრისით.

0