წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
11-20 იანვარი
ამ პერიოდში თხის რქის ზოდიაქოს ნიშნით იბადებიან - 22.12 – 20.01.
11-20 იანვრის პერიოდი თხის რქის ნიშნის მესამე დეკადას მიეკუთვნება. ამ დეკადას მზე მართავს. ის ამ პერიოდში დაბადებულებს სასიცოცხლო ენერგიითა და ძალებით კვებავს, აჯილდოებს ძლიერი ენერგეტიკით. ხშირად აქვთ არამდგრადი ფსიქიკა და მიდრეკილი არიან დეპრესიისადმი.
მნიშვნელოვანი ასაკია: 21, 30, 31, 41, 50, 57.
ამ ადამიანების ყვავილი-სიმბოლოა ნარშავი.
ისინი მოუსვენარი ადამიანები არიან, ხანდახან თავდაჯერებულობა აკლიათ. მშვიდად შეუძლიათ დაწყებული საქმის შუა გზაზე მიტოვება, ამიტომ მათთვის მხარდაჭერა და ყურადღება აუცილებელია. მნიშვნელოვანია იცოდნენ, რომ მათით და მათი შრომის შედეგებით ვინმეა დაინტერესებული, მოისმინონ დადებითი შეფასება. ქებას ისინი ძალიან დიდ მნიშვნელობას ანიჭებენ. უყვართ მეგობრებთან და საერთოდ ადამიანებთან ურთიერთობა. არიან კეთილი, საიმედო და პატიოსანი ადამიანები. ისინი უნდა გაუფრთხილდნენ ჯანმრთელობას და ორგანიზმი არ უნდა გადატვირთონ.
როგორ დავეხმაროთ ზოდიაქოს ნიშნების პატარა წარმომადგენლებს სწავლაში>>
19 იანვარს დაბადებულები
19 იანვარს წინააღმდეგობებით აღსავსე, ორბუნებოვანი პიროვნებები იბადებიან. მათში მუდმივი ეჭვებია ჩასახლებული, ამის გამო უამრავ შესაძლებლობასა და შანსს კარგავენ; ამიტომ იშვიათად ახერხებენ მთლიანად გახსნასა და საკუთარი ნიჭის გამოყენებას, რომელიც ამ დღეს დაბადებულებს უხვად აქვთ ბოძებული. ხასიათის მერყეობით აიხსნება მათი წარუმატებლობები მაშინ, როდესაც მათ ხელშია თავმოყრილი ყველა შესაძლებლობა ბედნიერი ცხოვრების მისაღწევად. ბედნიერებას ვერ აღწევენ, რადგან აკლიათ ჟინი, სიმტკიცე, ამტანობა; ომი საკუთარ თავთან და შინაგან შიშებთან მათ კეთილდღეობას აფერხებს. თავისი ცხოვრების მიმართ რომ უფრო დაფიქრებული და ბრძნული დამოკიდებულება ჰქონდეთ, დიდ წარმატებას მიაღწევდნენ, ეს კი შესაძლებელია მხოლოდ იმ პირობით, თუ შეიცვლება მათი არსი, ხასიათი, ბუნება.
19 იანვარს დაბადებულებს ხელი არ უნდა შეუშალონ ცხოვრებისადმი ინდივიდუალური დამოკიდებულების ხორცშესხმაში. თავიანთ პროფესიაშიც კი ისინი სამყაროს მასშტაბის რაღაც იდეალებით ხელმძღვანელობენ. არიან რა ძლიერი პიროვნებები, ამ დღეს დაბადებულები მენტალურ დონეზე ხშირად შედიან ურთიერთქმედებაში ადამიანთა სულებისა და ცნობიერის საიდუმლო ასპექტებთან. მათ აქვთ იმ ადამიანების ავტორიტეტი, რომელთაც ადვილად შეუძლიათ თავის იდეებში ადამიანების დარწმუნება. ეს მათი საოცარი მაგნეტიზმის წყალობით ხდება. მათთვის არ შეიძლება ნეგატიურ მოვლენებში ჩართვა, თვითგამანადგურებელ ტენდენციებს აყოლა. ხანდახან ასეთ ადამიანებთან ურთიერთობები ძალზე ძნელია, მათ რთული ცხოვრება აქვთ, თუმცა მაინც შეუძლიათ დინამიკურად მოქმედება და მოვლენებზე გავლენის მოხდენა.
რა დევიზით ჩაივლის 2020 წელი ზოდიაქოს თითოეული ნიშნისთვის>>
ამ დღეს დაბადებულთაგან ზოგიერთს საერთოდ არ შეუძლია ნორმალურ ცხოვრებას მოერგოს. ემოციური ეჭვებით შეპყრობილები ახალი ვარსკვლავივით უცბად გაანათებენ, მაგრამ ასევე მოულოდნელად ქრებიან. საჭიროა ამ უეცარი, ქაოტური ფეთქებადი ენერგიის გაკონტროლება, რომ მან ზიანი არ მოიტანოს. ამ დღეს დაბადებულების უსაზღვრო ენერგიის გაწონასწორება გვერდით მყოფ მშვიდ ადამიანს შეუძლია. მაგრამ მათ შორისაც არიან სხვებისგან განსხვავებულები, რომელთაც შეუძლიათ ოცნებების სამყაროს პირადულისგან განცალკევება, მიილტვიან სტაბილურობისკენ.
19 იანვარს დაბადებულები ბუნებით ენთუზიასტი, ენერგიული არიან. თუ საკუთარი ინდივიდუალობისა და შემოქმედებითი უნარების წინააღმდეგ წავლენ, შინაგანად გაღიზიანებული ხდებიან. როგორც წესი, 28 წლისებს კრიზისის პერიოდი უდგათ, შემდეგ უკვე - 42 წლისებს და მაშინ 19 იანვარს დაბადებულები გლობალური არჩევნის წინაშე დგებიან - მიჰყვნენ თავის ენერგიას და იყვნენ ასეთივე აქტიური, თუ მოუკლონ ცხოვრების ტემპს.
ჯანმრთელობა
19 იანვარს დაბადებულების უზარმაზარი ენერგია საჭირო კალაპოტისკენ უნდა წარიმართოს. სულიერი ტანჯვა რომ არ იყოს, ამ დღეს დაბადებულებმა წონასწორობა უნდა მოძებნონ სინამდვილესა და სურვილებს შორის. მათ სჩვევიათ ძალების ფლანგვა, ნერვული შეტევები, ამიტომ საკუთარ თავში უნდა განავითარონ ყურადღების კონცენტრაციის უნარი. ამაში ფიზიკური ვარჯიში და დიეტური კვება ძალზე წაადგებათ, რადგან ეს დისციპლინასა და დაგეგმვას მოითხოვს. სჯობს, უპირატესობა მიანიჭონ სპორტის მშვიდ სახეობებს - იოგას, უშუს. კვებისას უნდა დაიცვან ბალანსირებული დიეტა, შეამცირონ შაქარი და ალკოჰოლი, უნდა მიიღონ ვიტამინები.
ზოდიაქოს ნიშნების ახირებები, ანუ იუმორნარევი დახასიათება>>
რჩევა:
ისწავლეთ პერსპექტივების დანახვა. ნუ დაიხარჯებით წვრილმანებზე, როდესაც მნიშვნელოვან მიზანს ისახავთ. იყავით ოპტიმისტი. კარგია მოდუნება. ნებისმიერ სიტუაციაში შეინარჩუნეთ საქმიანი თვისებები.
