სოფი მეიშვილი

ინკოგნიტო თოვლის ბებოები და მოძრაობა სახელად „სიკეთე სიცოცხლისთვის"

547
(განახლებულია 12:36 05.01.2020)
ამას წინათ სოციალურ ქსელებში გავრცელდა ერთი წერილი, რომლის ავტორი უცნობია, ადრესატი თოვლის ბაბუა, ანუ ყველა ჩვენგანი...

 

„თოვლის ბაბუ! გუშინ რომ მოგწერე ის ვარ, აღარ მინდა ჩემი საჩუქარი, ნიკას მიუტანე დედა რომ მოუკვდა იმას, იმან წერა არ იცის, ოღონდ თოჯინის მაგივრად მანქანა მიუტანე.“- ალბათ ასეთია სიკეთე, რომელსაც ბავშვურსა და უანგაროს ვეძახით უფროსები. ამ ამბის მერე, კომენტარების მიხედვით თუ ვიმსჯელებთ, „თოვლის ბაბუობის“ ბევრი მსურველი გამოჩნდა. ზუსტად ვერ გეტყვით რა მოხდა, მაგრამ დარწმუნებული ვარ, რომ ის ობოლი გოგო ერთის ნაცვლად ბევრ თოჯინას მიიღებდა...

ეს პირველი შემთხვევა არ არის, როცა ქართულ ვირტუალურ სივრცეში ასეთი წერილებს შედეგად ბავშვების გახარება მოჰყვა. ერთ-ერთი პირველი ინიციატორი და დამფუძნებელი ასეთი სახალხო მოძრაობის, რომლის შემდეგაც დაარსდა საქველმოქმედო ფონდი "სიკეთე სიცოცხლისთვის" სოფი მეიშვილი გახლავთ.

სოფი მეიშვილი
სოფი მეიშვილი

- სოფი, როდის და როგორ დაიწყო ეს მოძრაობა?

- 2013 წელს, ფეისბუკზე დავწერე პოსტი: მოდი, ახალ წელს მარტოხელა ბებიებთან წავიდეთ და გავახაროთ მეთქი. ჩემს ინიციატივას იმდენი ადამიანი შემოუერთდა, რომ არც ველოდი. მაშინ ბევრი სასოწარკვეთილი მოხუცის გახარება შევძელით. მერე გაგვიჩნდა სურვილი, რომ სოციალურად დაუცველი ოჯახების ბავშვებსაც დავხმარებოდით. ბავშვებს ვუთხარი: დამიწერეთ რას თხოვდით თოვლის ბაბუას მეთქი. ასე გაჩნდა მოძრაობა „სიკეთე სიცოცხლისთვის“.

წერილი თოვლის ბაბუას
წერილი თოვლის ბაბუას

- მსგავსი ტრადიცია მთელ მსოფლიოშია ცნობილი...

- დიახ, ეს ჩემი იდეა არ არის, ასეთი რამ მსოფლიო მასშტაბით კეთდება. ბოლო დროს კი, მადლობა ღმერთს და საქართველოშიც ხდება. პირველად ბავშვებმა გადმომცეს თავისი თხოვნები და აქციას „თოვლის ბაბუას წერილები“ დავარქვით. ამის მერე ასეთი რამ ტრადიციად იქცა და უკვე მერამდენე წელია, რაც მეგობრებთან ერთად ბავშვების საახალწლო სურვილებს ვასრულებ. ისინი მე მწერენ, მე ამ წერილებს ჩემს გვერდზე ვათავსებ. ყველა ირჩევს რომელიმე წერილს და ამა თუ იმ ბავშვის თოვლის ბაბუა ხდება.

წერილი თოვლის ბაბუას
წერილი თოვლის ბაბუას

- საჩუქრების დარიგება როგორ ხდებოდა?

- აქამდე ჩემთან მოჰქონდათ საჩუქრები და მე ვარიგებდი. ამჯერად „თოვლი ბაბუებს“ თავად მიაქვთ ისინი ადგილზე. თოვლის ბაბუობის სურვილი უფრო ხშირად ბებოებს უჩნდება ხოლმე. ზოგჯერ თოვლის ბებოებს არ სურთ გამოაშკარავება და მათ სურვილსაც ვითვალისწინებ, ისინი ინკოგნიტოდ რჩებიან. ვერ წარმოიდგენთ, ადგილზე რომ მივდივართ და ბავშვები საჩუქრებს იღებენ რა სიხარულია. უფრო სწორედ, მხიარული საგიჟეთია! მათი სიხარული ჩვენთვისაც გასაგებია და რაც მთავარია, ეს ყველაფერი ბედნიერებით გვავსებს.

სოფი მეიშვილი
სოფი მეიშვილი

 - რახან სიკეთე გადამდებია-შესაბამისად, თოვლის ბაბუაც წლიდან წლამდე უფრო ბევრ წერილს იღებს...

- დიახ, მართლაც ასეა. შარშან დაახლოებით 45-მდე ბავშვი გავახარეთ, წელს ასეთი ბავშვის რიცხვი უფრო მეტია, 65-მდე იქნება. საბედნიეროდ ეს ამბავი და წამოწყება წლიდან წლამდე უფრო მასშტაბურ ხასიათს იძენს. ყველაზე მეტად ის მახარებს, რომ ამ სიკეთეში ბევრი აგვყვა... მინდა ახალი წელი მოგილოცოთ ყველას და ვისურვო, რომ არც ერთი ბავშვი არ დარჩეს თოვლის ბაბუას გარეშე და ჩვენში ბევრი თოვლის ბაბუა გამოჩნდეს იმისთვის, რომ ყველას ნატვრას ეყოს...

547
მაკარონის ნაწარმი

შეცდომები მაკარონის ხარშვისას: როგორ მოვამზადოთ იდეალური სპაგეტი

34
(განახლებულია 16:23 04.03.2021)
ცნობილი იტალიელი მზარეულები განმარტავენ, რა შეცდომებს ვუშვებთ სპაგეტის მომზადებისას და როგორ უნდა მოვხარშოთ მაკარონი

თბილისი, 4 მარტი — Sputnik. სპაგეტის მომზადებისას ადამიანები ბევრ შეცდომას უშვებენ, რის გამოც ის უგემური გამოდის, აცხადებს იტალიელი მზარეული, კულინარიული წიგნების ავტორი და ტელეწამყვანი სილვია კალოკა.

მთავარ შეცდომებს  შორის სპეციალისტმა ერთ–ერთ უპირველესად ის ფაქტი დაასახელა, რომ ზოგი შუაზე ამტვრევს მაკარონებს, ვინაიდან ისინი ქვაბში არ ეტევა. ამ დროს კი, რაც უფრო გრძელია სპაგეტი, მით მარტივად ეხვევა ჩანგალზე და ამასთან არც სოუსი წვეთავს.

მზარეულის თქმით, სპაგეტი მხოლოდ მაშინ შეიძლება დაიმტვერეს, თუ მას სუპში ამატებთ. ნებისმიერ სხვა შემთხვევაში სჯობს უფრო მოზრდილი ჭურჭელი გამოიყენოთ და სპაგეტი მთელი სიგრძით მოათავსოთ მასში.

სილვია კალოკას თქმით მეორე შეცდომა — ეს სპაგეტის ხარშვისას წყალში ზეთის დამატებაა, რასაც ხშირად მიმართავენ დიასახლისები იმის იმედით, რომ მაკარონები ერთმანეთს არ შეეწებება.

„თუ წყალში ზეთს დაამატებთ, ის უბრალოდ ზემოთ ამოტივტივდება და როდესაც წყალს გადაწურავთ, ფენად გადაეკვრება სპაგეტის. ეს კი ხელს შეუძლის მაკარონებს სოუსით გაჟღენთვაში“, — განმარტა მზარეულმა.

კოლოკას თქმით, იმისათვის, რომ მაკარონების შეწებება თავიდან ავირიდოთ, სჯობს ხარშვის პროცესში რამდენჯერმე ჩავამატოთ წყალში მარილი და კარგად მოვურიოთ.

ამასთან, სპეციალისტი გვირჩევს, რომ მაკარონი ყოველთვის მაღალ ცეცხლზე მოვხარშოთ, რათა წყალი გამუდმებით დუღილის რეჟიმში იყოს და სპაგეტი წებოვან მასად არ გადაიქცეს.

ამასთან მაკარონი მაშინ უნდა გადმოვდგათ ცეცხლიდან და გადავუწუროთ წყალი, როცა გვეჩვენება, რომ სრულ მომზადებას ერთ–ორი წუთი აკლია — შერჩენილი სითბო მზადების პროცესს ბოლომდე მიიყვანს.

კიდევ ერთი ცნობილი იტალიელი სპეციალისტი, მიშლენის ვარსკვლავებით დაჯილდოებული რესტორნების შეფ–მზარეული ანდრეა ტრანჩერო აცხადებს, რომ მოხარშვის შემდეგ მაკარონისთვის ცივი წყლის გადავლება უდიდესი შეცდომაა.

მისი განმარტებით, ეს სახამებელს აშორებს მაკარონს, რაც რეალურად თქვენს კერძს მხოლოდ გემრიელსა და აბრეშუმივით ნაზს ხდის.

34
თემები:
სასარგებლო რჩევები
გულის შეტევის სიმპტომები ქალებში

ორი მარტივი სავარჯიშო ინფარქტის რისკის შესამცირებლად: კარდილოგი გირჩევთ

50
(განახლებულია 13:49 04.03.2021)
ექიმები ირწმუნებიან, რომ ეს სავარჯიშოები კარგია როგორც გულის, ისე ხერხემლის ჯანმრთელობისთვის და ამასთან ებრძვის ცელულიტებსაც

თბილისი, 4 მარტი — Sputnik. ინფარქტის რისკის შესამცირებლად, გარდა იმისა, რომ აუცილებელია ყურადღების გამახვილება კვების რაციონსა და სუფთა ჰაერზე სეირნობაზე, ასევე საჭიროა სპეციალური სავარჯიშოების გაკეთება, აცხადებს კარდიოლოგი და გულ–სისხლძარღვთა ქირურგი ვლადიმირ ხოროშევი.

მისი თქმით, გულის ჯანმრთელობის შესანარჩუნებლად ადამიანმა მეტი რაოდენობით ხილ–ბოსტნეული უნდა მიირთვას, ხოლო ხორციანი კერძები კვირაში მხოლოდ ორ–სამჯერ უნდა მიიღოს.

რაც შეეხება ჰაერზე სეირნობას, ეს აძლიერებს ვენური სისხლის მიწოდებას გულის მარჯვენა პარკუჭში და ამასთან კარგად ავარჯიშებს ხერხემალსა და თავის ტვინს.   

ხოროშევმა გულის ჯანმრთელობისთვის ერთ–ერთ საუკეთესო და ეფექტურ სავარჯიშოდ ეგრეთ წოდებული დუნდულებზე სიარული დაასახელა.

  • ამისათვის უნდა დაჯდეთ იატაკზე, გაჭიმოთ ან მუხლებში მოხაროთ ფეხები ( როგორც უფრო იოლი იქნება თქვენთვის), შემდეგ კი თითოეული დუნდულით რვა–რვა ნაბიჯი „გადადგათ“ წინ და უკან. ამასთან ამ სავარჯიშოს შესრულება ხალიჩაზე რეკომენდებული არ არის.

კიდევ ერთი ეფექტური სავარჯიშო, ექიმის თქმით, არის „ოქროს თევზი“. ამისათვის უნდა დაწვეთ ზურგზე ამოძრაოთ სხეული ისე, რომ თავი და ტერფები არ გაანძრიოთ.

ამასთან სპეციალისტები ირწმუნებიან, რომ აღნიშნული სავარჯიშოები კარგია ხერხემლისა და კუნთების გასამაგრებლად და ასევე ებრძვის ცელულიტებს.    

მანამდე ჰარვარდელმა მეცნიერებმა დაადგინეს, რომ ერთი შეხედვით ისეთი უმნიშვნელო სიმპტომი, როგორიცაა გულძმარვა, შეიძლება პაციენტისთვის შეუმჩნეველ „ჩუმ ინფარქტზე“ მიანიშნებდეს. გარდა ამისა, მეცნიერების ინფორმაციით, მოახლოებულ შეტევაზე ასევე შეიძლება მეტყველებდეს კბილის ტკივილი, ნადები კბილებზე და ასევე ოფლიანობაც კი.

 

50
თემები:
ექიმი გირჩევთ

Freedom for Fox: ახალი აქცია "ნაცმოძრაობის" ლიდერ ნიკა მელიას მხარდასაჭერად

0
ხუთშაბათს „ერთიანი ნაცინალური მოძრაობის“ მომხრეებმა ახალი აქცია გამართეს, რომელზეც პოლიტიკური პარტიის ლიდერის, ნიკა მელიას გათავისუფლებას მოითხოვდნენ. დაწვრილებით - Sputnik-საქართველოს ვიდეოში იხილავთ

ნიკა მელიას მხარდამჭერ აქციაზე ლოზუნგით Freedom for Fox - „თავისუფლება „მელიას“ მონაწილეებმა ნარინჯისფერი ნიღბები გაიკეთეს შესაბამისი სიმბოლიკით.

თავდაპირველად დემონსტრანტები თბილისში პირველი რესპუბლიკის მოედანზე შეიკრიბნენ, შემდეგ ავტოკოლონით რუსთავისკენ გაემართნენ, სადაც ადგილობრივ ციხეში იმყოფება ნიკა მელია. მხარდამჭერები მას პოლიტპატიმრად მოიხსენიებენ.

აქციამ ექსცესების გარეშე ჩაიარა. ავტოგადარბენაში 60-ზე მეტი ავტომობილი მონაწილეობდა.

 

0