მონადირე

2020 წლის ჰოროსკოპი - მშვილდოსანი

10137
(განახლებულია 12:29 20.12.2019)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

რა გველოდება 2020 წელს აღმოსავლური კალენდრის მიხედვით>>

როგორი იქნება 2020 წელი მშვილდოსნისთვის - ზოგადი მიმოხილვა

2020 წელი, შესაძლოა, თავსატეხით დაიწყოს: „სად ვიშოვო ფული?". ფინანსური არასტაბილურობის მიზეზი, დიდი ალბათობით, გაჭიანურებული საახალწლო დღესასწაულები და საჩუქრების თვალსაზრისით თქვენი გულუხვობა იქნება. მაგრამ პანიკაში არ ჩავარდეთ, არ ჩაეფლოთ ერთი შეხედვით მომგებიან, მაგრამ ფრიად საეჭვო ფინანსურ ავანტიურაში.

მშვილდოსანი
მშვილდოსანი

წლის პირველ ნახევარში არაერთი ორგანიზატორული უნარი მოითხოვება თქვენგან. დასახული ამოცანები მაქსიმალურად ეფექტურად და მოკლე დროში რომ გადაწყვიტოთ, როგორც სამუშაოზე, ისე სახლში მეთაურის როლის მორგება მოგიწევთ. მთავარია, გაიღიმოთ და ენას დროზე დააჭიროთ კბილი: გესლიან შენიშვნებსა და კრიტიკას კოლეგებისა და ახლობლების განაწყენება შეუძლია, ეს კი საქმეს არ წაადგება.

წლის მეორე ნახევარში სამუშაოზე მსუბუქი და მარტივი დრო დადგება, მაგრამ ეს თქვენს საფულეზე არ აისახება. სახლში კი, შესაძლოა, ღრუბელი მოიყაროს. თქვენი ღრუბლებში ფრენა წლის პირველ ნახევარში შეუმჩნეველი არ დარჩენილა, ამიტომ მეორე ნახევარი კატეგორიულად მოითხოვს ყურადღებას. ეცადეთ, სასწრაფოდ დააკმაყოფილოთ მეუღლის მოთხოვნა, წინააღმდეგ შემთხვევაში, კონფლიქტმა, შესაძლოა, კატასტროფული მასშტაბები შეიძინოს.

თუ ყველაფერს სწორად გააკეთებთ, შუა შემოდგომაზე თქვენს ოჯახში ჰარმონია დაბრუნდება. კეთილგანწყობილი ატმოსფერო მოდუნებისა და ტემპის შენელების საშუალებას მოგცემთ. ესაა იდეალური დრო მომავლის დაგეგმვისთვის, რადგან ამისთვის ტრადიციულად მიჩნეულ დეკემბერში კვლავ დაბრკოლებების მხიარული ხანა გელოდებათ. მოსალოდნელია გრაფიკის ჩავარდნები, წვრილმანი ყოფითი პრობლემები, მაგალითად, ტექნიკის გაფუჭება, წუნიანი ნივთის ყიდვა და სხვა წვრილ-წვრილი უსიამოვნებები. შეინარჩუნეთ სიმშვიდე! წელი მიწურულს იქნება და სწორედ ამ დროსაა მოსალოდნელი დიდი სიურპრიზები: გულისა და ხელის თხოვნა, ბინის გასაღები, დიდი ხნის ნანატრი ორსულობა...

როგორი დედამთილები არიან ზოდიაქოს ნიშნები>>

სასიყვარულო ჰოროსკოპი

2020 წელს თქვენი სასიყვარულო თავგადასავლები სტიქიური უბედურებების მსგავსი იქნება. ეს ყველაფერი - პლანეტების განლაგების გამო. თავს იმ რომანის გმირად იგრძნობთ, რომელსაც ბედნიერების შესანარჩუნებლად გამბედაობა და ათასი რამის მოფიქრება უწევს. მთლიანობაში, ყველაფერი კანონზომიერი, შეიცვლებით თქვენ, შეიცვლება სიყვარულისადმი თქვენი დამოკიდებულება, გაჩნდება ახალი შეხვედრებისა და შთაბეჭდილებების სურვილი, თქვენ გვერდით გაჩნდება ახალი ადამიანი (და დიდი ალბათობით, არა ერთი), გექნებათ დიდი არჩევნის საშუალება.

დაოჯახებულებისთვის გარდამტეხი პერიოდი დადგება. ან გადალახავთ ყველა უთანხმოებას და გახდებით ძლიერი, ან, სამწუხაროდ, თქვენი გზები გაიყრება. შესაძლოა, უკვე დიდი ხანია, გამძიმებთ ეს კავშირი და განშორების საბაბს ელოდებით; ან პარტნიორს ახალი თვალით შეხედავთ და მიხვდებით, რომ ცხოვრებაში ერთი გზა არა გაქვთ. არ ინერვიულოთ. ყველა ცვლილება უკეთესობას მოიტანს. წარსულს ნუ ჩაებღაუჭებით.

მარტოხელა მშვილდოსნებისთვის ეს წელი ძლიერი სიყვარულის პერიოდი იქნება, რომელსაც თქვენი საყვარელი ადამიანიც ამითვე უპასუხებს. ასეც ხომ ხდება, რომ შეხვდით, შეხედეთ ერთმანეთს და მიხვდით, რომ "ის ისაა". შესაძლოა, პლანეტების ასპექტების გამო პირველი შეხვედრა არცთუ სახარბიელო აღმოჩნდეს, ან თქვენ შორის რამე წინააღმდეგობა გაჩნდეს. ასე თუ ისე, იგრძნობთ, რომ მთების გადადგმა შეგიძლიათ და სიტუაციას მთლიანად ფლობთ. წლის ბოლოს დიდი ბედნიერება გელოდებათ, მათ შორის, შესაძლოა, ქორწილისთვის მზადებაც შედიოდეს.

ზოდიაქოს ნიშნები სულ სხვა რაკურსით - შეიტყვეთ მათი პიროვნული საიდუმლოებები>>

ფინანსები

2020 წელს ფინანსებს უფრო გონივრულად განკარგავთ, ვიდრე ამას ჩვეულებრივ აკეთებთ. ეს თანხების დაგროვებაში დაგეხმარებათ, ხოლო გაზაფხულზე ან შემოდგომაზე შესაძლებლობა გექნებათ, საოცნებო რამ შეიძინოთ. შემოსავლები, დიდი ალბათობით, სტაბილური გელოდებათ.

ბიუჯეტის გონივრული დაგეგმვა განსაკუთრებით წაგადგებათ წლის პირველ თვეებში. გასწიეთ ეკონომია, დასჯერდით მცირედს. თუნდაც, დიდი თანხა მიიღოთ, არ იჩქაროთ დახარჯვა.

გაზაფხულზე დამატებითი სამუშაოს სახით 2-3 წინადადება შეიძლება მიიღოთ. კარგად დაფიქრდით და რომელიმე ერთი შეარჩიეთ. თუ რამდენიმე საქმეს ერთდროულად შეეჭიდებით, დიდი ალბათობით, გამკლავებას ვერ შეძლებთ. განსაკუთრებით პერსპექტიული იქნება წინადადება, რომელსაც მარტის შუა რიცხვებში ან აპრილის პირველ ნახევარში შემოგთავაზებენ.

ზაფხულში ოჯახის წევრების ხარჯების გაკონტროლება წაგადგებათ. ოღონდ ეს ისე გააკეთეთ, რომ არავის აწყენინოთ - ზედმეტი სიმკაცრისა და კატეგორიულობის გარეშე.

სექტემბრის დასაწყისიდან ნოემბრის ჩათვლით კარგი დროა სხვადასხვა საყიდლებისთვის. შეიძინეთ ნივთები სახლისთვის, სამოსი, სამკაული. ოქტომბრის პირველ ნახევარში არასასურველია ნახმარი, მაგრამ ძვირადღირებული ნივთის შეძენა.

როგორ იკლებენ წონაში ზოდიაქოს ნიშნები>>

ფინანსური კეთილდღეობის პიკი ნოემბრის მეორე ნახევარიდან წლის ბოლომდეა მოსალოდნელი. მოსალოდნელია მსხვილი თანხის მიღება. ფულის მეოთხედი გადადეთ ან პირად საჭიროებებს მოახმარეთ, ხოლო დანარჩენი, სჯობს მიმოქცევაში ჩადოთ.

ჯანმრთელობა

თქვენი ჯანმრთელობა თქვენ ხელშია. მიხედეთ თავს, ოღონდ სხეულის წრთობას სეზონების შეცვლის დროს მოერიდეთ.

მშვილდოსნის პირველ დეკადაში დაბადებულები (23.11 - 2.12) - ეს წელი ძალზე მრავალფეროვანი და მოვლენებით დატვირთული გელოდებათ. ყველაფერი რომ მოასწროთ და ჯანმრთელობა არ შეირყიოთ, დროულად უნდა დაისვენოთ და ეცადოთ, უარი თქვათ მავნე ჩვევებზე. თქვენთვის მოძრაობაა აუცილებელი.

მეორე დეკადაში დაბადებულები (3.12 - 12.12) - გადით ქალაქგარეთ, დაისვენეთ ბუნებაში ზამთარშიცა და ზაფხულშიც. ეცადეთ, არ გაცივდეთ და პირველი სიმპტომებს მიაქციეთ ყურადღება. მიიღეთ ვიტამინები, ჯანსაღი საკვები.

მესამე დეკადაში დაბადებულები (13.12 - 21.12) - გაუფრთხილდით ნერვულ სისტემას. მოდუნდით ხშირად, გაიწმინდეთ ორგანიზმი. მოიხსენით სტრესი მასაჟით, სპორტით, მეგობრებთან. არ გადააჭარბოთ ალკოჰოლის მიღება, არ გადაიტვირთოთ ორგანიზმი საკვებით.

ზოდიაქოს ყველაზე ოხუნჯი ნიშნები - ტოპ-ოთხეული>>

2020 წლის ჰოროსკოპი დაბადების წლის მიხედვით:

მშვილდოსანი-ვირთხა

2020 წელს შეძლებთ იმ საკითხების გადაწყვეტას, რომლებიც მანამდე ვერ მოასწარით. დაგეხმარებიან ნათესავები, ახლობლები. თქვენ წინაშე ბევრი კარი გაიღება, გაჩნდება პერსპექტიული კავშირები. პრობლემების უმეტესობა საოცრად მსუბუქად გადაწყდება. ბევრ თქვენგანს გაუჩნდება ნაცნობების წრისა და ურთიერთობების გაფართოების სურვილი. ზოგიერთს დიდი რომანტიკული თავგადასავლები ელოდება. არის ქორწინებებისა და ახალი პარტნიორული კავშირების ალბათობა.

ტიბეტური ჰოროსკოპი
© photo: Sputnik
ტიბეტური ჰოროსკოპი

მშვილდოსანი-ხარი

ეს წელი მსუბუქი და უზრუნველი არ იქნება, რადგან არ არის გამორიცხული შეცდომები. უსიამოვნებების მიზეზი, შესაძლოა, მომავლის მიმართ მუდმივი ეჭვები და საკუთარ თავში მერყეობა იყოს. ეცადეთ, ყველაფერს ოპტიმისტურად შეხედოთ. არ დაივიწყოთ ჯანმრთელობაზე ზრუნვა. ეს განსაკუთრებით მათ ეხება, ვინც ძალიან ბევრს მუშაობს და ემოციურად დაძაბულია.

ურთიერთობები და შეთავსებადობა აღმოსავლური სასიყვარულო ჰოროსკოპის მიხედვით>>

მშვილდოსანი-ვეფხვი

მოსალოდნელია სულიერი მდგომარეობის ხშირი ცვლა, რამაც, შესაძლოა, არჩეული კურსიდან გადაგიყვანოთ. ეცადეთ, დაკვირვებული იყოთ ადამიანებთან ურთიერთობებში. არაფერი თქვათ ზედმეტი და არ გადაუშალოთ გული ნაკლებად ნაცნობ ადამიანებს. არის დიდი ალბათობა იმისა, რომ ვინმემ უწესო მეთოდებს მიმართოს. შედეგად თქვენი ნერვები დაზიანდება.

მშვილდოსანი-კატა (კურდღელი)

მთელი წლის განმავლობაში, შესაძლოა, გადაუჭრელ საკითხებთან, დაუმთავრებელ საქმეებთან დაბრუნება მოგიწიოთ. ადამიანებთან ურთიერთობებში, ასევე, სასიყვარულო კავშირის აწყობისას ძალიან ტაქტიანი უნდა იყოთ, ნუ მოითხოვთ პარტნიორისგან შეუძლებელს. თავშეუკავებლობამ კონფლიქტები და ნეგატიური შედეგები შეიძლება გამოიწვიოს.

მშვილდოსანი-დრაკონი

ძნელია იმის თქმა, რომ 2020 წელს მშვიდად და უზრუნველად გაატარებთ. ვარსკვლავები არ გირჩევენ, რომ გულხელდაკრეფილი ისხდეთ. ეს წელიწადი თქვენთვის, შესაძლოა, გარდამტეხი აღმოჩნდეს, თან უკეთესობისკენ. გაჩნდება წარმატებების მიღწევის შანსი, ამიტომ ამით აუცილებლად ისარგებლეთ. მკაფიო წარმოდგენა უნდა გქონდეთ იმაზე, თუ რა გსურთ. იმოქმედეთ დაუყოვნებლივ, ნუ დაელოდებით, რომ რაღაც თავისით შეიცვლება. შეინარჩუნეთ კარგი ფიზიკური ფორმა.

ზოდიაქოს რომელი ნიშნების მამაკაცებს შეუძლიათ ძლიერი სიყვარული>>

მშვილდოსანი-გველი

ამ წელს, დიდი ალბათობით, გლობალური ცვლილებები პროფესიულ საქმიანობაში არ მოგინდებათ, მაგრამ გაჩნდება მდგომარეობის გაუმჯობესების ან სტაბილურობის შენარჩუნების შანსი. მეტად ენდეთ საკუთარ გამოცდილებასა და ძალებს. დამოუკიდებლად დასახულ მიზნებს უფრო უკეთესად და სწრაფად მიაღწევთ, ვიდრე გარშემომყოფების იმედად თუ იქნებით. არ არის გამორიცხული, რომ ახალი მისწრაფებები, ინტერესები გაგიჩნდეთ. ამის წყალობით გაიზრდება საურთიერთობო წრე. თვალი მიადევნეთ საკუთარ ჯანმრთელობას. დაძაბულმა მუშაობამ, შესაძლოა, ნერვული შეტევები გამოიწვიოს.

მშვილდოსანი-ცხენი

2020 წლის პირველი ნახევარი, სავარაუდოდ, მრავალფეროვანი და მოვლენებით მდიდარი არ იქნება. მაგრამ ეს არ გაგანაწყენებთ. სექტემბრიდან უკვე შესაძლებელი იქნება ინიციატივის საკუთარ ხელში აღება, თავბრუდამხვევი წარმატებების მიღწევა პროფესიულ სარბიელზე. ძალზე დიდი გამარჯვებებია მოსალოდნელი იმ ადამიანებისთვის, ვისი საქმიანობაც კულტურასთან არის დაკავშირებული. ბევრს ელოდება პირად ცხოვრებასთან დაკავშირებული ემოციური აღმასვლა.

მშვილდოსანი-თხა (ცხვარი)

2020 წელს თქვენ წინაშე ცხოვრების სხვადასხვა სფეროში ახალი შესაძლებლობები და პერსპექტივები გაიხსნება. მთავარია, შეადგინოთ გეგმა და მას მისდიოთ. თუ თქვენი მთავარი მიზანი კარიერაა, არ გადადოთ საკითხის გადაწყვეტა, გექნებათ კარიერულ კიბეზე ნახტომის გაკეთების საშუალება. შესაძლებელია ახალი სამუშაო ადგილის ძებნა. შემოსავალი შეიძლება გაიზარდოს, მაგრამ სახსრები სწორად უნდა გაანაწილოთ.

როგორი სიყვარული იციან ზოდიაქოს ნიშნებმა>>

მშვილდოსანი-მაიმუნი

მზად იყავით ბევრი შრომისთვის. იგრძნობთ ენერგიის მოზღვავებას. თუ სამსახურის გამოცვლა გსურთ, ამისთვის შესაფერისი დროა. გაქვთ შანსი, რომ ისეთი სამუშაო იპოვოთ, რომელიც სულიერად დაგაკმაყოფილებთ. პირადი ცხოვრება ინტენსიური და დატვირთული იქნება მოვლენებით. სერიოზული უთანხმოებები არსებულ ურთიერთობებში მოსალოდნელი არ არის. თუ ურთიერთობებმა უკვე ამოწურა თავი, გაჩნდება ახალი ურთიერთობების დაწყების შანსი.

მშვილდოსანი-მამალი

წლის დასაწყისში, დიდი ალბათობით, გარკვეული ჯერ არ გექნებათ, რა გსურთ სინამდვილეში. ეჭვების გამო, შესაძლოა, კარგი შესაძლებლობები გაუშვათ ხელიდან, რაც შემდეგ სანანებელი გაგიხდებათ. თუ ეჭვები გულს გიღრღნით, რჩევა უფროსებს, მეგობრებს ან პროფესიონალებს ჰკითხეთ. თქვენთვის 2020 წელი ოჯახის წელია. ვიღაც შეძლებს უკვე არსებული ურთიერთობების გამტკიცებას, ვიღაც - დაქორწინებას, ვიღაცის ოჯახში მატება იქნება პატარის სახით. თუ ოჯახში სიმშვიდე და ჰარმონიაა, ვერანაირი სირთულე ვერ შეგაშინებთ.

მშვილდოსანი-ძაღლი

ბევრ წამოწყებაში იღბალი თქვენი თანმდევი იქნება, ვერ შეგაჩერებთ ვერანაირი დაბრკოლება, სირთულე. აქტიურად გამოიყენებთ კავშირებს, არ არის მოსალოდნელი დაუფიქრებელი ნაბიჯების გადადგმა. პირად ცხოვრებაში სასიკეთო ცვლილებებია მოსალოდნელი. თუ მარტო ხართ, შესაძლოა, ღირსეულ ადამიანს შეხვდეთ და მას დაუკავშიროთ ბედი. თუ წვრილმანებზე „დახურდავდებით" და განცხრომას მიეცემით, იღბალი გვერდს აგივლით.

როგორ ამჟღავნებენ სიყვარულს ზოდიაქოს ნიშნები>>

მშვილდოსანი-ღორი (ტახი)

2020 წელს თქვენი ინტერესების სფერო გაიზრდება, რაც ცხოვრებას უფრო საინტერესოსა და მრავალფეროვანს გახდის. სერიოზული დაბრკოლებები თქვენს გზაზე მოსალოდნელი არ არის. მოგეცემათ ადრე დაშვებული შეცდომების გამოსწორების შესაძლებლობა. მარტოხელები შეძლებთ საყვარელი ადამიანის პოვნას, ოჯახური ბუდის მოწყობას. ვისაც არცთუ სახარბიელო ოჯახური ურთიერთობები აქვს, ერთ-ერთი ყველაზე რთული პერიოდის გავლა მოუწევს. ასტროლოგები გირჩევენ, თუ ურთიერთობებმა თავი ამოწურა და ის თქვენთვის ზედმეტად მძიმე ტვირთია, სინანულის გარეშე გაწყვიტოთ ეს კავშირი.

10137
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 26 იანვარი

2
(განახლებულია 11:58 25.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 26 იანვარია, სამშაბათი. მზარდი მთვარე კირჩხიბის ნიშანშია. ამ დღეს პლანეტა მარსი მფარველობს.

დღევანდელი დღე ადამიანებისგან მეტ კონკრეტულობას მოითხოვს. ნებისმიერი გაურკვევლობა გაღიზიანებას გამოიწვევს. გამძაფრდება რეაქციები მიმდინარე მოვლენებზე, რაც, შესაძლოა, კონფლიქტების საფუძველი გახდეს. ამავე დროს დღეს ძალიან იოლი იქნება ღრმად მიმალულ გრძნობებზე საუბარი, ადამიანისთვის პირდაპირ თქმა, თუ რას ფიქრობთ მასზე. თუმცა, ამ შემთხვევაში სჯობს, ფარგლებს არ გასცდეთ და უკმეხად არაფერი წამოგცდეთ – ამას ურთიერთობებში ბზარის შეტანა შეუძლია.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს თქვენთვის საქმეების მოწესრიგების დღეა. თუნდაც ეს გაწერილი არ გქონდეთ, დიდი ალბათობით, ამის აუცილებლობას შექმნილი ვითარება მოითხოვს. მოწესრიგება შეიძლება დასჭირდეს თქვენს სამუშაო ადგილს, ან საქმეებსა და გეგმებს. არ არის გამორიცხული, რომ მოწესრიგების პროცესში დავიწყებული რამ აღმოაჩინოთ, რომელიც დღემდე აქტუალური და თან – საკმაოდ ფასეული.

კურო: დღეს გარშემომყოფებთან და მათ შორის, ახლობელ ადამიანებთან დისონანსში იქნებით. შესაძლოა, მოგეჩვენოთ, რომ თქვენ ირგვლივ ადამიანები ძალიან სერიოზული განწყობით დაიარებიან, ისინი კი, თავის მხრივ, უკმაყოფილო იქნებიან თქვენი უზრუნველობით. სერიოზულ კამათს ეს, დიდი ალბათობით, არ გამოიწვევს, თუმცა იმისთვის, რომ ირგვლივ მყოფებთან ურთიერთობებში ბზარი არ გაჩნდეს, ხშირად მოირგეთ „სერიოზული და ჭკვიანი“ ადამიანის სახე, თუნდაც ეს ძალზე სასაცილოდ გეჩვენებოდეთ.

ტყუპი: დღეს მზად ხართ, რომ მტკიცე და შეიძლება რადიკალური ზომებიც გადადგათ და ეს განსაკუთრებით ფინანსების სფეროს ეხება. იმის ნაცვლად, რომ ასჯერ გაზომოთ და ერთხელ გაჭრათ, ასჯერ გაჭრის განწყობაზე იქნებით. ერთი მხრივ, არის საფრთხე, რომ ფული ქარს გაატანოთ; მეორე მხრივ კი ეს საბრძოლო განწყობა ბიძგს მოგცემთ, გადადგათ ის ფინანსური ნაბიჯები, რომლებიც უკვე მომწიფებულია და დიდი ხანია, გადაწყვეტას მოითხოვს.

კირჩხიბი: დღეს კირჩხიბები კრიტიკოსების სახით მოგვევლინებით. ამასთან, თქვენი კრიტიკა ყველა ნაკლებად იქნება მიმართული საკუთარი თავისადმი, კრიტიკის ობიექტები დიდწილად გარშემომყოფები იქნებიან. თქვენი შენიშვნები ადამიანებს შეცდომების გამსოწორებას აიძულებს, თუმცა ყველაფერი მარტივადაც არ იქნება. თქვენი ბრძნული რჩევები, შესაძლოა, ყურს მიღმა გატარდეს, ხოლო კრიტიკა კი წყენის წყარო გახდეს. თქვენი გადასაწყვეტია – ღირს თუ არა კრიტიკაზე დროისა და ძალების  დახარჯვა, თან, როდესაც შედეგის იმედი ნაკლებადაა.

ლომი: დღეს დიდი ალბათობაა, რომ ირგვლივ მყოფი ადამიანები შეეცადონ, თავიანთი წილი პასუხისმგებლობა თქვენ მხრებზე გადმოიტანონ. ისინი იგრძნობენ, რომ დამყოლ ხასიათზე ხართ და ამის გამოყენებას ურცხვად შეეცდებიან. ამის გამოსწორება შეგიძლიათ, თუ მკაცრად დაიცავთ თქვენს პოზიციებს და აღკვეთ ამგვარ მცდელობებს. სხვაგვარად მოგიწევთ სხვისი საქმეების გაკეთება და საკუთარის გადადება.

ქალწული: მთელი დღე გარედან აკვიატებული ზეწოლა შეიძლება იგრძნოთ. შესაძლოა, ეს დროის დეფიციტი იყოს, ან ვითარება მოითხოვდეს თქვენგან სწრაფ მოქმედებებს, ასევე გარშემომყოფები გამუდმებით მოგმართავდნენ თხოვნით. ნებისმიერ შემთხვევაში, ამ ზეწოლისგან გათავისუფლება გაგიჭირდებათ, ამიტომ, სჯობს, შეეგუოთ ასეთ მდგომარეობას. ყველაფერს აჯობებს, განმარტოვდეთ, თუ ამის შესაძლებლობა გაქვთ და სიმშვიდეში მიხედოთ თქვენს საქმეებს.

სასწორი: დღეს იშვიათი შანსი გაქვთ, რომ რომელიმე საქმეში დიდი ნაბიჯი გადადგათ წინ. მთავარია, საჭირო მომენტი დროულად დაინახოთ, ხელიდან არ გაუშვათ და მტკიცედ, მკაფიოდ იმოქმედოთ. აქტიური და შეუპოვარი მოქმედებების წყალობით გამარჯვების დიდი შესაძლებლობა გაქვთ. გამოიყენეთ ეს დღე ახალი სიმაღლეების დასაპყრობად და კონკურენტების უკან ჩამოსატოვებლად.

მორიელი: დღეს სამართლიანობის გრძნობა გამძაფრდება თქვენში. მზად ხართ, ვინმე ან რამე საკუთარი მკერდით დაიცვათ, თუ ჩათვლით, რომ მას ჩაგრავენ და ავიწროებენ. რას იზამთ, ხანდახან ცუდი არაა სამართლიანობისთვის ბრძოლა და მოძალადისთვის ადგილის მიჩენა. თუმცა დღეს უსამართლობა შეიძლება იქაც „დაინახოთ“, სადაც ამის ნატამალიც კი არაა. ასე რომ, მეტი დაკვირვება გმართებთ, რომ განგაშის ზარი ტყუილუბრალოდ არ შემოჰკრათ.

მშვილდოსანი: დღეს, შესაძლოა, მთელი დღე ჭეშმარიტების ფუჭ ძებნაში დაკარგოთ, თან დარწმუნებული იყოთ, რომ ის „სადღაც აქვეა“. ეს ძებნა ნებისმიერ საკითხს შეიძლება უკავშირდებოდეს – ურთიერთობებს, მუშაობას, პირად ცხოვრებას. თუმცა, რაც არ უნდა მოგეჩვენოთ, რომ სამართლიანობა „ჰა და ჰა, გაიმარჯვებს“, იცოდეთ, რომ ეს მხოლოდ მოჩვენებაა. შეიძლება გაკვირვებულმა აღმოაჩინოთ, რომ „სუფთა სახის“ ჭეშმარიტება თითქმის უსარგებლო რამაა და თქვენ გარდა ის არავის სჭირდება.

თხის რქა: ასტროლოგები დღეს მხოლოდ პირდაპირი გზებით სიარულს გირჩევენ. საკუთარ თამაშის წამოწყების მცდელობას, ან, უფრო უარესი – რამის დამალვას ან დამახინჯებას, სავალალო შედეგები შეიძლება მოჰყვეს. თუ საჭირო შედეგის მიღება გსურთ, ღიად, პირდაპირ და პატიოსნად უნდა იმოქმედოთ. გარშემომყოფებიც სწორედ ამ თვისებებს დააფასებენ თქვენში. მაგრამ ერთიცაა – გულწრფელობასაც თავის საზღვრები აქვს და დაიცავის ეს ფარგლები.

მერწყული: დღეს საჭირო შედეგების მისაღწევად იმის ლაპარაკი მოგიწევთ, რასაც თქვენგან ელოდებიან და არა იმის, რასაც სინამდვილეში ფიქრობთ. ხანდახან შეიძლება გაჩუმებაც უპრიანი იყოს. რას იზამთ, გულწრფელობა ზოგჯერ უადგილოა ხოლმე და მით უმეტეს – მნიშვნელოვან საუბრებში, მოლაპარაკებებში. დღეს თუ სათქმელს პირდაპირ იტყვით, შეიძლება ავნოთ საქმესაც და საკუთარ თავსაც. თუ გაჩუმდებით, მომგებიან პოზიციაში აღმოჩნდებით.

თევზები: დღეს საქმიანობაში მტკიცედ და საბრძოლოდ ხართ განწყობილი. რატომ უნდა იწვალოთ კვანძის გახსნაზე, როცა მისი ნაჯახით გადაჭრა შეიძლება? ყველაზე საინტერესო ისაა, რომ ზოგიერთ საკითხში რადიკალური ზომები სწორედაც რომ ყველაზე მომგებიანი შეიძლება აღმოჩნდეს. მაგრამ ისეთ საქმეებს, რომლებიც დროსა და დელიკატურ დამოკიდებულებას საჭიროებს, სჯობს, სათოფეზეც არ გაეკაროთ. ან წინასწარ შეეგუოთ, რომ ისინი, ასეთ შემთხვევაში, სრული კრახისთვისაა განწირული.

2
ნინო კრავეიშვილი

ინდური კულტურის ფერადოვნება, ტაჯ-მაჰალის წინ შესრულებული ქართული ცეკვა ანუ ნამასტე!

204
(განახლებულია 16:13 25.01.2021)
ყველაფერი ალბათ მაშინ დაიწყო, როდესაც ჯერ კიდევ პატარა გოგომ ინდური ფილმი პირველად ნახა და მისი ფერადოვნებით ეგრევე მოიხიბლა.

იქიდან მოყოლებული, სიცოცხლის დღესასწაულივით შეგრძნება ნინო კრავეიშვილს დიდობაშიც გაყვა, ამიტომ არავის გაუკვირდა, როცა ერთ დღეს, ეს სიყვარული საქმედ აქცია. თბილისში მან ინდური კულტურის ცენტრი „ლაქშმი" დააარსა და მეგობრებთან ერთად დღემდე ენთუზიაზმზე მუშაობს. აქ ყველაფერი: ინდური სიმღერა, ცეკვა, სამზარეულო, ხელის მოხატვაც კი თვითონ შეისწავლეს. სანამ ინტერნეტი გაჩნდებოდა, საჭირო ინფორმაციას მხოლოდ ჟურნალ-გაზეთებიდან იგებდნენ.

დღეს ინდური კულტურის ცენტრი, სადაც ცეკვის ანსამბლიცაა, სოციალურ ქსელებშიც დარეგისტრირებულია და გამომწერი ყველგან ჰყავს. მათ ვიდეოარხს „იუთუბზე“ 250 000 -ზე მეტი გამომწერი ჰყავს და  მილიონობით ნახვა აქვს. მათ შესახებ დღეს ინდოეთშიც იციან, ბევრმა  მათგანმა საქართველოსა და ქართულ კულტურაზე პირველად სწორედ ინდური ცენტრის დახმარებით გაიგო...

ნინო კრავეიშვილი
ნინო კრავეიშვილი

- ქალბატონო ნინო, ინდურ კულტურასთან შეხება ჩვენს ქვეყანაში, ტრადიციულად ინდური ფილმებით იწყება ხოლმე, თქვენს შემთხვევაში როგორ იყო?

- ამ ქვეყანაზე იმდენად შორეული ბავშვობიდან ვარ შეყვარებული, რომ დაინტერესების წყარო, ცხადია, წიგნი ვერ გახდებოდა. ეს ყველაფერი ფილმებიდან დაიწყო. ინდური ფილმები დედაჩემს უყვარდა და კინოთეატრებში მათ სანახავად ბავშვობიდან დავყავდი. მაშინდელი შთაბეჭდილება, რომ ეს ზღაპრულად ფერადი და პოზიტიური ქვეყანაა, დიდხანს გამყვა. მოგვიანებით ცხადია, გავიგე, რომ სინამდვილეში ყველაფერი ნამდვილად არ არის ისე, როგორც ფილმებშია, თუმცა მთავარი შთაბეჭდილება არ შეცვლილა.

ნინო კრავეიშვილი ცენტრის წევრებთან და ინდოელ სტუმრებთან ერთად
ნინო კრავეიშვილი ცენტრის წევრებთან და ინდოელ სტუმრებთან ერთად

- როგორი იყო რეალობა, რომელიც მოგვიანებით აღმოაჩინეთ?

- რეალობა, რაც ინდოეთში, ვნახე, ასეთია: მიუხედავად უკიდურესი სიღარიბისა და ცხოვრების ელემენტარული პირობების არქონისა, ქუჩებში მხვდებოდნენ ადამიანები, რომელთაგანაც ნეგატივი არასოდეს მიგრძვნია. იქ ადამიანებს ყოველი გათენებული დღე უხარიათ და ელემენტარული წვრილმანები ახარებთ. ინდოეთში ფაქტობრივად, ვერ ნახავთ შავი ფერის ტანისამოსში ჩაცმულ ადამიანებს. იმ ქვეყანაში  იმდენად ადვილად იმსხვრევა ყველა კომპლექსი, იმდენად იკურნები და გრძნობ სულიერ წონასწორობას, რომ ამ ყველაფრით, შეუძლებელია არ მოიხიბლო.. ჰოდა, მეც სამუდამოდ შემეყარა ეს "სენი". დედაჩემს, ჩემს მეუღლეს და მეგობრებს ეგონათ, რომ დროთა განმავლობაში, ეს „გატაცება" გამივლიდა და მომბეზრდებოდა. თუმცა, ფაქტია, ასე არ მოხდა და ჩემი დამოკიდებულება ამ ქვეყნის მიმართ უფრო მყარდება და ღრმავდება. დღესდღეობით კი ყოველდღიურ საქმიანობაშიც გადაიზარდა.

ნინო კრავეიშვილი „ინდური კულტურის ცენტრის“ მოცეკვავეებთან ერთად
ნინო კრავეიშვილი „ინდური კულტურის ცენტრის“ მოცეკვავეებთან ერთად

- სწორედ საქმიანობაზე მინდა გკითხოთ: როდის დააარსეთ ინდური კულტურის ცენტრი საქართველოში და მასში გაერთიანების რამდენი მსურველი გამოჩნდა?

- ამ ორომტრიალში ათი წლის წინ ჩავები. საკუთარი ჩანაფიქრის განხორციელება, რომ თბილისში შემექმნა პატარა ინდური სამყარო, მოსვენებას არ მაძლევდა. ჰოდა, მიუხედავად იმისა, რომ ზოგადად ძალიან მიჭირს ხოლმე ფიქრისა და განსჯის გარეშე რაიმე გადაწყვეტა, ეს ნაბიჯი მგონი ერთადერთია, რაც ემოციურად გადავდგი და არასოდეს ვინანებ. თბილისს იმ დროს ინდოეთის მაშინდელი ელჩი სტუმრობდა და მზადდებოდა საღამო, რისთვისაც საკონცერტო ნომრები (ცეკვა, სიმღერა) იყო საჭირო. სასწრაფოდ შევკრიბე სოციალური ქსელებიდან ინდოეთით დაინტერესებული მეგობრის შვილები, მათი მეგობრები და ჩემს სახლში დავიწყეთ რეპეტიციები. მათ კოსტიუმებზეც თავად ვიზრუნე და დღემდე ანსამბლის ჩაუნაცვლებელი დიზაინერი ვარ. ერთადერთი, რაზეც ბევრი ვიფიქრე, ანსამბლის სახელი იყო. ინდურ ღვთაებებს მივადექი და საბოლოოდ შევჩერდი ლაქშმიზე, რაც ბედნიერებისა და წარმატების მომტანი ქალღმერთის სახელია და ჩავთვალე, რომ დადებითი აურის მატარებელი სახელწოდება აუცილებლად გაამართლებდა. 

ნინო კრავეიშვილი ინდოეთში
ნინო კრავეიშვილი ინდოეთში

- როგორც ჩანს, გაამართლა...

- დიახ, ამაში ჯერ კიდევ მაშინ, წარმატებით ჩატარებულმა საღამომ დაგვარწმუნა. სტიმული მოგვცა საიმისოდ, რომ საყვარელი საქმე  თამამად გაგვეგრძელებინა. სულ მალე, ხუთწევრიანი ანსამბლი თანდათან გაიზარდა. ჩვენი ინტერესების სფერო გაფართოვდა და მას სიმღერა, მეჰენდის ხელოვნება და სამზარეულოც შეემატა. თანდათან უფრო მეტი ადამიანი შემოგვიერთდა და მალევე ოფიციალურად დავაარსეთ ინდური კულტურის ცენტრი, რომელსაც „ლაქშმი" ვუწოდეთ. ამჟამად მყავს საუკეთესო გუნდი, საქმეზე უზომოდ შეყვარებული და ერთგული ადამიანებით. ვცდილობ, მათ თავად მივცე  ხოლმე პასუხისმგებლობისა და საქმის სიყვარულის მაგალითი.

ინდოეთში ვიზიტის დროს
ინდოეთში ვიზიტის დროს

- საქართველოში მყოფი ინდოელები თუ არიან თქვენს ცენტრში?

- დიახ, ჩვენს გვერდით არიან ინდოელი მეგობრებიც, რომლებიც ჩვენს საკონცერტო ნომრებშიც იღებენ მონაწილეობას. რათქმაუნდა ინდოეთით და მისი კულტურით, მითუმეტეს ინდური ცეკვით დაინტერესება, ქალბატონებსა და გოგონებს შორის უფრო მეტია. თუმცა სხვადასხვა დროს ანსამბლში ინდური ცეკვით დაინტერესებული ქართველი ვაჟებიც გვყავდა. ამჟამად ქართველ გოგონებთან ერთად ანსამბლში ინდოელი სტუდენტი ვაჟები ცეკვავენ.

ინდოეთში ყოფნის დროს
ინდოეთში ყოფნის დროს

-  ინდოეთში როდის იყავით და ვისი მიწვევით?

- ინდოეთში 2020 წლის თებერვალში გავემგზავრეთ. საქართველოში ცხოვრობს ჩვენს ქვეყანაზე უზომოდ შეყვარებული ინდოელი, დარპან პრაშერი, რომელიც ქართველი და ინდოელი ახალგაზრდების დაახლოებისთვის ყველაფერს აკეთებს. ასევე ცდილობს, რომ იქაურ ინდოელებსაც გააცნოს ქართული კულტურა. სწორედ მისი ძალისხმევით გაიმართა ნიუ-დელიში ქართულ-ინდური ფესტივალი. ქართული მხრიდან ის გახლდათ ორგანიზატორი და ფესტივალზე მონაწილეობის მისაღებადაც სწორედ მან მიგვიწვია. ეს იყო ასრულებული ოცნება თითოეული ჩვენგანისთვის. საქართველოდან 30 კაციანი ჯგუფი გავემგზავრეთ: ჩვენი კულტურის ცენტრის წევრები და ქართული ცეკვის ანსამბლის „გიორგობა" არაჩვეულებრივი ბავშვები, ქორეოგრაფ ნიკოლოზ ხერხაძესთან ერთად.

- როგორ იმოქმედა ამ ქვეყნის კულტურამ და რამდენად გაამართლა ნანახმა მოლოდინი?

- ნანახმა მართლა ყოველგვარ მოლოდინს გადააჭარბა. ინდოეთის მიწაზე ფეხის დადგმის წუთიდან დაწყებული, ორი კვირის განმავლობაში პოზიტიური ემოციური შოკი მქონდა. ძნელია გადმოსცე ის განცდა, როდესაც თაჯ-მაჰალის წინ დგახარ. მიუხედავად იმისა, რომ ეს თეთრი მარმარილოს მავზოლეუმი ათასობით ფოტოზე მქონდა ნანახი, მონუსხული შევცქეროდი და კარგა ხანს ფოტოს გადაღებაც ვერ მოვახერხე. ინდოეთის ღირშესანიშნაობების სრულად სანახავად ალბათ მთელი დარჩენილი ცხოვრება დამჭირდება. ბევრი რამ ვნახეთ საფუძვლიანად, ბევრიც მხოლოდ გარეგნულად დავათვალიერეთ დროის სიმცირის გამო. თუმცა მაინც მინდა გამოვყო ჰავა-მაჰალი (ქარის სასახლე) ჯაიპურში და ლოტოსის ტაძარი (ბაჰაისტური სამლოცველო სახლი) დელიში. ცალკე თემაა ფესტივალის ფარგლებში განცდილი დაუვიწყარი ემოციები, ინდოელი მაყურებლის და ფესტივალის სტუმრების დადებითი შეფასებები, ადგილობრივი პრესისა და ტელევიზიის გამოხმაურება ჩვენს საფესტივალო პროგრამაზე, რომელიც სამი დღის განმავლობაში წარმოვადგინეთ...

- რომელი დღე იყო განსაკუთრებული?

- ყოველი დღე და საათი დაუვიწყარი თავგადასავალი იყო. საოცრად ემოციური იყო ტაჯ-მაჰალის წინ შესრულებული ქართული ცეკვა და ინდოელების და უცხო ქვეყნებიდან ჩამოსული ტურისტების ემოციები. ასევე არასოდეს დამავიწყდება ჯალ-მაჰალის (წყლის სასახლე) წინ ჩატარებული პატარა კონცერტი და სატელევიზიო გადაღება. როგორც იცით, ეს ულამაზესი სასახლე წყალშია აშენებული, სწორედ მის ფონზე გადაღებების დროს, ინდოელმა მაყურებელმა უზარმაზარი ალყა შემოგვარტყა. მანძილი ჩვენსა და მათ შორის იმდენად სწრაფად შემცირდა, რომ ლამის წყალში გადაგვყარეს. მათი ერთადერთი სურვილი ჩვენს მოცეკვავეებთან სელფის გადაღება იყო, თუმცა სიტუაცია თანდათან უმართავი ხდებოდა. რომ არა ჩვენი ორგანიზატორების და თანმხლები მამაკაცების მოხერხება, ალბათ იქიდან გაღწევა შეუძლებელი იქნებოდა.

- რომელიმე ინდურ ტრადიციას ხომ არ მისდევთ ცენტრში?

- ტრადიციების და მათი მკაცრი დაცვის მხრივ, ინდოეთი ერთ-ერთი გამორჩეული ქვეყანაა. გამომდინარე იქედან, რომ ჩვენი კულტურის ცენტრში მხოლოდ ქართველები ან საქართველოში მცხოვრები ადამიანები ვართ, პირად ცხოვრებაში მათ ტრადიციებს ცხადია, არ ვიცავთ. თუმცა საჩვენებლად ბევრ მათგანს ვუწევთ პოპულარიზაციას. მაგალითად, უძველეს ტრადიციულ დღესასწაულ ჰოლის (ფერების დღესასწაულს), რომელიც პირველად ბავშვობაში ვნახე დიდ ეკრანზე ინდურ ფილმში და ჩემზე დიდი შთაბეჭდილება მოახდინა.

- საქართველოში ჩატარებული ღონისძიებებიდან რომელს გაიხსენებთ?

- 2012 წელს, თბილისში, ინდოეთის მოყვარულ ადამიანებთან ერთად, ჰოლის ფესტივალი, სპეციალური საკონცერტო პროგრამით ავღნიშნეთ. წლების მანძილზე ვაცნობდით ასევე ქართველ მაყურებელს და დაინტერესებულ ადამიანებს ინდურ ტრადიციულ სამზარეულოს, რომელიც ასევე მრავალფეროვანია. ჩვენს საკონცერტო პროგრამებში შეტანილი გვქონდა თითოეულ პერსონაზე მენიუ, რომელშიც ინდური ტრადიციული სამზარეულოს კერძები შედიოდა. კულტურის ცენტრში გვყავს ინდური სამზარეულოს შესანიშნავი სპეციალისტი დიანა სონღულაშვილი, რომელიც არაჩვეულებრივ ინდურ კერძებს ამზადებს. 

ნინო კრავეიშვილი „ინდური კულტურის ცენტრის“ წევრებთან ერთად
ნინო კრავეიშვილი „ინდური კულტურის ცენტრის“ წევრებთან ერთად

- მათი ყოველდღიური წეს-ჩვეულებებიდან რომელს გამოყოფდით?

- ბავშვობიდან მხიბლავდა მათი მისალმება შეხვედრისას, როდესაც ისინი ხელისგულებს აერთებენ, ნიკაპამდე წევენ და მისალმების ნიშნად წარმოთქვამენ სიტყვას: ნამასტე! ასევე დალოცვის ტრადიციაც, როდესაც მშობლებს ან ასაკით უფროს ადამიანს დალოცვას სთხოვენ და პატივისცემის ნიშნად მათ ფეხზე ეხებიან. ქცევის თავისებურებები ალბათ უფრო კულტურის ნაწილია, მაგრამ აქვე გამახსენდა მათი საკვების მიღების წესი როცა ისინი მხოლოდ მარჯვენა ხელით იღებენ საკვებს, რადგან მარცხენა ხელი უსუფთაოდ ითვლება.

- ოდესმე ხომ არ გიფიქრიათ, რომ შესაძლოა, წინა ცხოვრებაში ინდოელი იყავით?

- მივადექით იმ კითხვას, რომელსაც ნაცნობები თუ უცნობები, ჩემი ამ ქვეყნისადმი სიყვარულის შესახებ როცა იგებენ, ყველგან და ყოველთვის მისვამენ. ამაზე მეც ბევრჯერ მიფიქრია. მართლმადიდებელი ქრისტიანი ვარ და ვიცით, რომ ჩვენი რელიგია ხელახლა განსხეულებას არ აღიარებს. თუმცა გული მაინც ეწინააღმდეგება გონებას და სადღაც გულის სიღრმეში, სულ მგონია, რომ მართლაც შეიძლებოდა ასე ყოფილიყო. როდესაც ინდურ ფილმებში ვხედავდი ფილმის გმირს, რომელიც პენჯაბის მინდვრებში მოაბიჯებდა, არაერთხელ მქონია შეგრძნება, რომ იმ ადგილზე მეც ვყოფილვარ და გამივლია. შემდეგ კი საკუთარი ფიქრის თავადვე შემშინებია და დამიბლოკავს. ერთი სიტყვით, გულის სიღრმეში მგონია, რომ წინა ცხოვრებაში ნამდვილად ინდოეთში ვცხოვრობდი. იმდენად კომფორტულად და უსაფრთხოდ ვგძნობდი იქ თავს, იმდენად აუხსნელი იყო ჩემი შეგრძნებები, რომ ამ ამბავზე ინდოეთის მიწაზე ფეხის დადგმისთანავე კიდევ ერთხელ დავფიქრდი. ბედნიერი ვარ, რომ ჩემი ოცნება ინდოეთში ჩავსულიყავი ასრულდა. ზუსტად ვიცი, რომ მხოლოდ ის სიყვარული კვდება, რომელზეც აღარ ოცნებობენ...

 

 

204