იახტკლუბი

2020 წლის ჰოროსკოპი - მორიელი

12880
(განახლებულია 18:53 14.12.2019)
ჰოროსკოპი ზოდიაქოს მორიელის ნიშანში დაბადებულ ადამიანებს დაეხმარება, სწორად დაგეგმოს ახალი, 2020 წელი, გაითვალისწინოს ასტროლოგების რჩევები და გამარჯვების შანსი ხელიდან არ გაუშვას

აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

მორიელი
მორიელი

როგორი იქნება 2020 წელი მორიელისთვის - ზოგადი მიმოხილვა

2020 წლის დასაწყისში იძულებული იქნებით, ყურადღება ფინანსური პრობლემების (აუცილებელი არაა, საკუთარი) გადაწყვეტაზე და ურთიერთობების გამორკვევაზე გადაიტანოთ. საოცარია, მაგრამ დაძაბული დიალოგები სკანდალის მსუბუქი ნიშნებით კმაყოფილებას მოგანიჭებთ - თქვენ ხომ მორიელი ხართ, სამართლიანობის დაცვის მოყვარული. იანვრის ბოლოს, დიდი ალბათობით, გრძელვადიან ბიზნეს-პროექტს შეუდგებით. გელოდებათ მივლინებები, საქმიანი შეხვედრები, ასევე, კორპორატიული საღამოები.

სამუშაოთი გატაცება, იანვრიდან მოყოლებული, რამდენადმე შეამცირებს გრადუსს პირად ცხოვრებაში, მაგრამ გაზაფხულის დასაწყისიდან სამუშაო აქტიურობა შენელდება და ადვილად შეძლებთ რომანტიკის დაბრუნებას ურთიერთობებში. ვისაც არ ჰყავს პარტნიორი, ის აუცილებლად იპოვის მას. თუმცა, როგორც არ უნდა წარიმართოს ახალი ურთიერთობები, ეცადეთ, ჯერ ქორწინებაზე არ იფიქროთ. თუ მოვლენებს დააჩქარებთ, შესაძლოა, პარტნიორი შეაშინოთ და ხანგრძლივი ურთიერთობების შანსი ხელიდან გაუშვათ.

წლის მეორე ნახევარში წინა პლანზე ოჯახი გამოვა, რომელიც, სიხარულთან ერთად, სამწუხაროდ, ნერვიულობასაც მოგიტანთ. განსაკუთრებულად გაგანერვიულებენ ასაკოვანი ნათესავები - ისინი ერთი გოჯის დათმობასაც არ მოინდომებენ. მათ სიჯიუტეს მზრუნველობითა და ყურადღებით უპასუხეთ და მათთან საერთო ენას გამონახავთ. ზაფხულის დასაწყისში შეზღუდეთ ფიზიკური აქტივობა, არ გადაიღალოთ.

ზოდიაქოს მამაკაცური და ქალური ნიშნები და მათი თავისებურებანი>>

დეკემბრის დასაწყისში, სავარაუდოდ, ძალიან მოიწყენთ. ამან, შესაძლოა, რამე ავანტიურისკენ გიბიძგოთ. შესაძლოა, ეს წამოწყება არცთუ წარუმატებელი იყოს, მაგრამ მისი შედეგები კმაყოფილებას მაინც არ მოგიტანთ. მდგომარეობიდან საუკეთესო გამოსავალი რამე ახლის სწავლა იქნება.

სასიყვარულო ჰოროსკოპი

სიყვარულის თვალსაზრისით საკმაოდ ჰარმონიული წელი გელოდებათ. ვარსკვლავები სასიხარულო მოლოდინს გაჩუქებენ: შესაძლოა, ოჯახში ბავშვის გაჩენა გადაწყვიტოთ, ან უკვე ორსულობის შესახებ გაიგოთ. ასეა თუ ისე, ბევრს იფიქრებთ, რომ გახდეთ მშობელი. ემოციური ფონი ბევრად მშვიდი იქნება გასულ წელთან შედარებით.

დაოჯახებულ მორიელებს ექსპერტები ურჩევენ, მეორე ნახევართან მეტი დრო გაატარონ. ეს განსაკუთრებით მათ ეხება, ვინც თავისი სიყვარული 2019 წელს იპოვა. ახლა მათ ერთმანეთის ხასიათის გაგების არცთუ მარტივი პერიოდი ეწყებათ, ამიტომ მეტი ურთიერთობაა საჭირო. არ ჩარიოთ საკუთარ საქმეებში აქტიური ნათესავები და მეგობრები, რომლებიც თავიანთი დაუკითხავი რჩევებითა და სტუმრიანობით მოსვენებას არ მოგცემენ.

თავისუფალი მორიელების უმრავლესობა 2020 წელს გარკვეულწილად დაცარიელებული შეხვდება. შესაძლოა, ზოგიერთმა ძალზე რთული და მტკივნეული ურთიერთობები დაასრულა, ამიტომ მათთვის ახალი რომანის წამოწყება ნაადრევია. მაგრამ თუ თაყვანისმცემლებს შორის ძველი ნაცნობი გამოჩნდა, მას ყველაზე მეტი შანსი ექნება, რომ გულგატეხილი მორიელის გული მოინადიროს.

კარიერა და ფინანსები

არის რისკი, რომ 2020 წელს ხარჯი მეტი იყოს, ვიდრე შემოსავალი. მაგრამ მაინც იქნება პერიოდები, როდესაც მატერიალური მდგომარეობა გაგახარებთ. დიდი ფინანსური შემოსავლები მოსალოდნელია აპრილში, სექტემბერსა და დეკემბერში.

სახალისო „შპარგალკა“ ზოდიაქოს თითოეული ნიშნის ქალებისთვის>>

იანვრის მეორე ნახევარში, შესაძლოა, ბიუჯეტის შევსების ალტერნატიული, დამატებითი წყარო მოძებნოთ. ამ პერიოდში ხელსაყრელი იქნება შეთანხმებების დადება.

მცირეოდენი დანაკარგებია მოსალოდნელი მაისში. რამდენადმე გონებაგაფანტული გახდებით და, შესაძლოა, იმაზე მეტი გადაიხადოთ რამეში, ვიდრე საჭიროა. ეს თქვენი ნიშნისთვის არატიპურია და საბედნიეროდ, უცნაური პერიოდი დიდხანს არ გაგრძელდება. განსაკუთრებული ყურადღება ხარჯების მიმართ მაისის ბოლო კვირაში გმართებთ.

მაისის ბოლოდან აგვისტოს ბოლომდე მოსალოდნელია რამე მომგებიან პროექტში მონაწილეობა, რომელიც თქვენს ძირითად სამსახურთან არ იქნება დაკავშირებული.

შემოდგომა ხარჯების დროა გავლენიან და საჭირო ადამიანებთან ნაცნობობის სახელით. არ დაგენანოთ ფული, რომ მოხვდეთ შესაბამის ღონისძიებაზე. სექტემბრის მეორე ნახევარში შეძლებისდაგვარად განაახლეთ გარდერობი, შეიცვალეთ იმიჯი. ოქტომბრის მეორე ნახევარში, დიდი ალბათობით, გამოგიჩნდებათ სპონსორი, რომელიც თქვენი საქმის განვითარებაში დიდ ფულს ჩადებს.

ნოემბერში წაგადგებათ რამე ახლის სწავლა. კარგი იქნება, თუ აიმაღლებთ კვალიფიკაციას, ან მონაწილეობას მიიღებთ პროფესიულ სემინარებში. სწავლისთვის თანხის გადახდის პრობლემა არ შეგექმნებათ.

ზოდიაქოს ამ სამი ნიშნით ყველაზე ცოტა ადამიანი იბადება>>

ჯანმრთელობა

2020 წელს არის საშიშროება, რომ ძალიან გადაიღალოთ, მოუმატოთ საკვების მიღებას და ხშირ-ხშირად მიეცეთ განცხრომას დივანზე.

მორიელის პირველ დეკადაში დაბადებულები (24.10 - 2.11) - მიჩვეული ხართ, რომ საკუთარ თავს არაფერზე ეუბნებით უარს, ამ დროს კი უკვე წონაში მოიმატეთ - აშკარად. რაციონში ჩართეთ დიეტური კვება, მისდიეთ ვარჯიშს. და რაც მთავარია, განწყობისთვის იმიჯი შეიცვალეთ.

მეორე დეკადაში დაბადებულები (3.11 - 13.11) - ჯანმრთელობასთან დაკავშირებით განსაკუთრებული პრობლემები მოსალოდნელი არ არის, მაგრამ სტომატოლოგს აუცილებლად უნდა ეწვიოთ. კბილების პრობლემამ კუჭ-ნაწლავის დაავადებები შეიძლება გამოიწვიოს. არ გადაიღალოთ, გაუფრთხილდით ნერვულ და გულ-სისხლძარღვოვან სისტემას. წაგადგებათ საცურაო აუზის სტუმრობა - წყალი ნეგატივს წაიღებს და კარგ განწყობას დაგიბრუნებთ.

მესამე დეკადაში დაბადებულები (14.11 - 22.11) - თქვენი შეუძლოდ ყოფნა და ცუდი განწყობა ფინანსურ სირთულეებთან იქნება დაკავშირებული. მოძებნეთ საშუალება, რომ დაგროვებული ნეგატივი მოიხსნათ. მატერიალური პრობლემები გადაწყდება, აი, ჯანმრთელობამ კი, შესაძლოა, სერიოზული პრობლემები შეგიქმნათ. ნერვული სისტემის გამტკიცებაში დაგეხმარებათ მასაჟი, არომათერაპია, დამამშვიდებელი ჩაი, ფეხით სიარული, ასევე, ბავშვებთან ურთიერთობები.

2020 წლის ჰოროსკოპი დაბადების წლის მიხედვით:

მორიელი-ვირთხა

ახალ წელს მრავალი გაჭიანურებული საქმის დასრულება მოგიწევთ. ძველ პრობლემებს როდესაც მოაგვარებთ, ახალი ძალებითა და ენთუზიაზმით აღივსებით და შეძლებთ, რომ პერსპექტიულ პროექტებს შეუდგეთ და გეგმების რეალიზაციას მიჰყოთ ხელი. პრობლემებს მარტო ნუ შეებრძოლებით. ყურადღებით იყავით ახლად გაცნობილი ადამიანების მიმართ, ასევე, საქმიან წინადადებებთან დაკავშირებით. თქვენ ირგვლივ ადამიანები შეიძლება შეიცვალონ, შესაძლოა, ვინმესთან განშორება მოგიწიოთ. მარტოხელებს აქვთ შანსი, რომ შეხვდნენ ადამიანს, რომელიც მათ ცხოვრებას ძირფესვიანად შეცვლის.

ტიბეტური ჰოროსკოპი
© photo: Sputnik
ტიბეტური ჰოროსკოპი

მორიელი-ხარი

დაგეგმილიდან ყველაფერს ვერ განახორციელებთ. მუდმივად გამოჩნდება ახალ-ახალი ამოცანები, რომელთა გადაწყვეტა ბევრ დროს წაიღებს. ისეთი მიზნები დაისახეთ, რომელთა განხორციელების ძალაც შეგწევთ. ნუ შეაფასებთ გადაჭარბებით საკუთარ შესაძლებლობებს. ზოგიერთი თქვენგანი, შესაძლოა, ფინანსურ პრობლემებს წააწყდეს, ამიტომ ეცადეთ, არ აიღოთ კრედიტი და რა საშუალებაც გაქვთ, იმით იცხოვროთ. დაგჭირდებათ კოლეგებისა და ახლობლების მხარდაჭერა. თანამშრომლობისა და პარტნიორებზე პასუხისმგებლობის ნაწილის გადაბარებით წყალობით შეძლებთ ჩაკეტილი წრიდან გამოსვლას.

როგორ იკლებენ წონაში ზოდიაქოს ნიშნები>>

მორიელი-ვეფხვი

წლის დასაწყისი დაბრკოლებების, წარუმატებლობებისა და დამარცხებების პერიოდი იქნება, მაგრამ მნიშვნელოვანია, რომ არ დანებდეთ, არ მიატოვოთ დაწყებული საქმე შუა გზაზე, წამოდგეთ და მიზნისკენ სხვა იპოვოთ. მიზნის მიღწევას კი დრო, მოთმინება და შეუპოვრობა სჭირდება. ოცნებების რეალიზება შესაძლებელია, მაგრამ დიდი ძალისხმევის წყალობით. გაზაფხულზე არ აიღოთ კრედიტი და არც ვალი გასცეთ. წლის მეორე ნახევარში იღბალი ისევ თქვენ გვერდით დადგება.

მორიელი-კატა (კურდღელი)

2020 წელი რთულია, რომელიც ბევრ ძალასა და ენერგიას მოითხოვს საქმეების დასასრულებლად. დაუსრულებელი საქმეები შეგაწუხებთ და ამასთან, დიდ ხარჯებსაც მოითხოვს. ეცადეთ, გაუმკლავდეთ პროფესიულ პრობლემებს, რადგან მომავალში საინტერესო პერსპექტივები გელოდებათ. მაგრამ სანამ ძველ ვალებს არ გაისტუმრებთ, საკუთარი გეგმების განხორციელებას ვერ დაიწყებთ. თუ ფულის მიმართ სათანადო დამოკიდებულება გექნებათ, შესაძლებელი იქნება ფინანსური სტაბილური მდგომარეობის მიღწევა. ეს წელი ზომიერად უნდა გაატაროთ, ზედმეტი უაზრო დანახარჯების გარეშე.

მორიელი-დრაკონი

იმის თქმა, რომ 2020 წელს იღბალი თვითონ ჩაგივარდებათ ხელში და თქვენ თითის განძრევაც არ მოგიწევთ, არ შეიძლება. მოგიწევთ ბევრი შრომა, რომ სამსახურებრივ კიბეზე წინ წაიწიოთ. თქვენი შრომისუნარიანობისა და ამტანობის წყალობით ეს არც ისე რთული იქნება. ამასთან, დიდ როლს ითამაშებს მატერიალური სტიმული. თქვენს გულში ერთ-ერთ მთავარ ადგილს სიყვარული, ოჯახი და ახლობელი ადამიანები დაიკავებენ. ბევრ დაოჯახებულ წყვილს მეორე თაფლობის თვე დაუდგება, ხოლო მარტოხელებისთვის წელიწადი სასიყვარულო თავგადასავლებით მდიდარი იქნება.

რა გველოდება 2020 წელს აღმოსავლური კალენდრის მიხედვით>>

მორიელი-გველი

ვირთხის წელიწადში გეყოფათ ძალა და ენერგია, რომ ნებისმიერ გეგმას შეასხათ ხორცი. მთავარია, რომ ყურადღება არ მიაქციოთ წვრილმან უსიამოვნებებს. მიაღწევთ პროფესიულ წარმატებებს, თუ ამას მიზნად დაისახავთ. უარი არ თქვათ შეხვედრებსა და მოლაპარაკებებზე, თუნდაც ეს ერთი შეხედვით უპერსპექტივოდ მოგეჩვენოთ. თუ პროფესიული ოლიმპის დაპყრობა არ არის თქვენი მიზანი, არამედ ოჯახური კერის ან მტკიცე ურთიერთობების შექმნაა, წარმატებებს ამ სფეროშიც მიაღწევთ.

მორიელი-ცხენი

ეცადეთ, ვირთხის წელიწადში მოცემული შანსები ხელიდან არ გაუშვათ. მიმართეთ საკუთარი ძალები იმ საქმიანობაზე, სადაც ყველაზე მეტი წარმატება გაქვთ. იყავით თანამიმდევრული და შედეგზე ორიენტირებული. შეგიძლიათ წამოიწყოთ ახალი საქმეები, აიმაღლოთ კვალიფიკაცია. პროფესიული და საქმიანი თვისებებით შეძლებთ თანხის გამომუშავებას ან შემოსავლის დამატებითი წყაროს პოვნას. გაჩნდება სხვადასხვა ადამიანებთან თანამშრომლობის შესაძლებლობა, რაც წარმატებას შეუწყობს ხელს.

მორიელი თხა (ცხვარი)

2020 წელი დინამიკური და პოზიტიური ცვლილებების წელია. წინსვლა საქმეებში დამოკიდებული იქნება თქვენს ძალისხმევაზე, თუმცა, სწორი რჩევები და ინფორმაცია ასევე დაგეხმარებათ გამარჯვებების მიღწევაში. მოგიწევთ შრომა, მაგრამ შედეგებმაც უნდა გაამართლოს მოლოდინები. მზად იყავით, რომ დაიცვათ საკუთარი მოსაზრებები, ოღონდ ეს დიპლომატიურად უნდა გააკეთოთ. ვარსკვლავები დიდ ხარჯებს ან სერიოზულ შემოსავლებს არ გპირდებიან, მაგრამ გიცავენ ფინანსებთან დაკავშირებული ავანტიურისგან.

თუ ქორწილს გეგმავთ: საქორწინო ჰოროსკოპი>>

მორიელი-მაიმუნი

საკმაოდ ნაირფერი და დატვირთული წელიწადი გელოდებათ. მოგიწევთ სამსახურსა და პირად ცხოვრებას შორის "გახლეჩა". ბევრს გაუჩნდება თვითდამკვიდრების, სამუშაო კოლექტივში ან მეგობრების წრეში საკვანძო ადგილის დამკვიდრების სურვილი. მოსალოდნელია მატერიალური მდგომარეობის გაუმჯობესება, ფულთან დაკავშირებული ზოგიერთი საკითხის წარმატებით გადაწყვეტა. მიუხედავად უამრავი საქმისა, ეცადეთ, დაიცვათ ბალანსი დასვენებასა და სამსახურებრივ საქმეებს შორის. დიდ ფიზიკურ დატვირთვას თქვენი ორგანიზმის ენერგეტიკულ გამოფიტვამდე მიყვანა შეუძლია და საბოლოოდ, ძალიან გადაიღლებით.

მორიელი-მამალი

ეცადეთ, ობიექტურად შეაფასოთ საკუთარი ძალები, რომელიც ამა თუ იმ მიზნის მისაღწევად გჭირდებათ. აწონ-დაწონეთ შესაძლებლობები როგორც საკუთარი, ისე გვერდით მყოფი ადამიანების. შესაძლოა, ბევრ თქვენგანს გაუჩნდეს შესაძლებლობა, რომ ახალ წელს საძირკველი ჩაუყაროს თვითრეალიზაციას მომავალში, გაზარდოს საქმიანობის სივრცე, გაიჩინოს ახალი გავლენიანი ნაცნობები. შეიძენთ უჩვეულო, სასარგებლო გამოცდილებას.. თუ ყველაფერს არ მიედ-მოედებით და წვრილმანებს დიდ დროს არ დაუთმობთ, მოახერხებთ საკუთარი ცხოვრების ისე მოწყობას, როგორც გსურთ.

მორიელი-ძაღლი

თეთრი ვირთხის წელი თქვენ წინაშე ახალ შესაძლებლობებს გახსნის. ნებისმიერი დაბრკოლების გადალახვაში დაგეხმარებათ ტაქტიკის შეცვლის უნარი სიტუაციიდან გამომდინარე, ასევე ხელსაყრელი გარემოებების გამოყენება. შესაძლოა, თქვენს გარემოცვაში გაჩნდეს გავლენიანი მფარველი, რომელიც საქმიან სფეროში რამის შეცვლას შემოგთავაზებთ. ასეთ წინადადებებს კარგად დააკვირდით. არასტანდარტული გადაწყვეტილებები ძალზე ეფექტური აღმოჩნდება. არ არის გამორიცხული მნიშვნელოვანი მოვლენები და პოზიტიური ცვლილებები პირად ცხოვრებაში.

ბოშური ჰოროსკოპი - გაიგეთ თქვენი და თქვენი ახლობლების თვისებები ახალი რაკურსით>>

მორიელი-ღორი (ტახი)

იყავით თამამი და არ გადაუხვიოთ დასახული მიზნებისგან. თუ პროფესიული სიმაღლეებისთვის ჯერ არ მიგიღწევიათ და ჯერ მხოლოდ ახლა შეუდექით კარიერულ კიბეზე სვლას. ამ წელიწადში შეძლებთ, დაუმტკიცოთ კოლეგებსა და ხელმძღვანელობას, რომ პასუხისმგებლიანი თანამშრომელი ხართ. გუნდთან ერთად აჩვენებთ მაღარ ეფექტურობას, შრომისუნარიანობასა და დაწყებული საქმის ბოლომდე მიყვანის უნარს. თუ სახლში რემონტს აპირებთ, ამის რეალიზებისთვის საკმარისი ენერგია და რესურსი გექნებათ.

12880
სტაფილო და სტაფილოს წვენი

რატომ უნდა მიირთვათ სტაფილო და ვის ეკრძალება იგი: დიეტოლოგი გირჩევთ

37
(განახლებულია 16:56 27.11.2020)
სტაფილო ნივთიერებათა ცვლის დამაჩქარებელია, ამცირებს ქოლესტერინს, აახალგაზრდავებს კანს და აადვილებს წონაში კლებას. კიდევ თუ რატომ არის სტაფილო სასარგებლო, ამის შესახებ ექიმი-დიეტოლოგი ოლგა კორაბლიოვა საუბრობს

პირველად სტაფილოს მოყვანა ავღანეთში დაახლოებით ოთხი ათასი წლის წინ დაიწყეს და თანაც ღეროებისა და არა მისი ძირხვენების გამო — მწარე გემოს მიუხედავად, მათ საკვებად იყენებდნენ.

სასარგებლო თვისებები

სტაფილოში უამრავი A და ბეტა-კაროტინია, რომელზეც დამოკიდებულია ორგანიზმის მეტაბოლიზმიცა და ადამიანის გარეგნობაც. მაგალითად, თუ ადამიანს ვიტამინ A-ს დეფიციტი აქვს, კანი შრება და ჩნდება ქერტლი.

„ვიტამინი A გავლენას ახდენს თვალის კუნთებზე, ბადურაზე. როცა ადამიანი  ბინდისას უფრო ცუდად ხედავს, დღის განმავლობაში თვალებში ქვიშის შეგრძნება უჩნდება და ქუთუთოები უწითლდება, მან აუცილებლად უნდა მიაქციო ყურადღება მენიუს“, — ამბობს ექიმი.

სტაფილო შეიცავს B ჯგუფის, ასევე E და C ვიტამინებს, რომლებიც ორგანიზმს გაციებისა და ვირუსული ინფექციების წინააღმდეგ ბრძოლაში ეხმარება. ამასთან, თერმული დამუშავების დროს სტაფილოში შემავალი ვიტამინების 2/3-მდე იკარგება, ამიტომ პროდუქტი უმჯობესია უმი სახით მიიღოთ.

როგორც დიეტოლოგი ამბობს, სტაფილოს მაქსიმალური სარგებელი შუაგულში კი არა, კანშია. სწორედ იქაა უფრო უხეში, დაუმუშავებელი ბოჭკოები, რომლებიც ხელს უწყობს საჭმლის მონელებას.

მათ, ვისაც რკინის ნაკლებობა აღენიშნება, უნდა მიირთვას სტაფილოს წვენი, ვინაიდან სწორედ ამ სახით შეიწოვება კარგად ეს ნივთიერება. აღსანიშნავია, რომ 100 გრამი სწაფილოს წვენი 0,7 მილიგრამ რკინას, ანუ დღიური ნორმის ხუთ პროცენტს შეიცავს.

ექიმები ხშირად სტაფილოს სამკურნალო კვების სახითაც ნიშნავენ. მაგალითად, ნაღველკენჭოვანი დაავადების, სანაღვლე გზების დისკინეზიის, უმა დობის დროს. სტაფილოს სარგებელი ის არის, რომ ასტიმულირებს ნაღვლის გამოყოფას. კუჭის მომატებული მჟავიანობის დროს სტაფილოს წვენი არ იწვევს გულძმარვას.

გაახალგაზრდავებისთვის

პოპულარულია ნიღბები სტაფილოთი ან სტაფილოს წვენით — ეს კანს გამოშობისგან იცავს, ხელს უწყობს ცხიმოვანი ჯირკვლების მუშაობის ნორმალიზებას, E ვიტამინის  დიდი რაოდენობის წყალობით, აღადგენს კანის ზედა ფენას, კურნავს მცირე ბზარებს და ხსნის ანთებას. ხოლო ვიტამინი C არეგულირებს სახის ფერს და ალაგებს სიფერმკრთალეს.

გასახდომად

სტაფილოს კალორიულობა დაბალია — 100 გრამზე მხოლოდ 33 კილოკალორია. მის შემადგენლობაში შემავალია ვიტამინი A აჩქარებს ნივთიერებათა ცვლას, ხოლო ტარტრონის მჟავა ხელს უშლის ნახშირწყლების ცხიმებად გადაქცევას.

მატონიზირებელი თვისებები

სტაფილო ამაგრებს სისხლძარღვებს, აუმჯობესებს სისხლის მიმოქცევას, ებრძვის ანემიას. როდესაც ჰემოგლობინი დაბალია, ადამიანი ჩვეულებრივზე სწრაფად იღლება და ხშირად თავს იჩენს მოთენთილობა. სტაფილოს წვენს ხშირად ზოგადგამაჯანსაღებლად ან ავიტამინოზის პროფილაქტიკისთვის ნიშნავენ.

 

© Sputnik / Denis Aslanov
სტაფილოს კექსი

ვის ეკრძალება სტაფილო

სტაფილოს გამოყენება არასასურველია ღვიძლის დაავადებების დროს: თუ ეს ორგანო ჯანმრთელი არ არის, ის ვერ აითვისებს კაროტინს.

სტაფილოზე უკუჩვენებებს შორის ასევე არის კუჭისა და ნაწლავის წყლული და ენტერიტი (წვრილი ნაწლავის კედლების ანთება).

როგორ ავირჩიოთ და შევინახოთ სტაფილო

სტაფილო არ უნდა იყოს რბილი და უსწორმასწორო, არ უნდა ჰქონდეს ლაქები და ბზარები (ეს ნიშნავს, რომ შუაგული დაზიანებული აქვს).

უნდა იცოდეთ, რომ თუ სტაფილოს ხშირი ფოჩები და ღეროები აქვს, ძირხვენა, სავარაუდოდ, მაგარი იქნება.

გაწმენდილი სტაფილო მაცივარში ერთ კვირამდე ინახება, გაუსუფთავებელი — დაახლოებით ერთი თვე. ხოლო თუ მას სარდაფში ან აივანზე შეინახავთ ნულიდან შვიდ გრადუსამდე ტემპერატურაზე, მაშინ ის შვიდიდან ცხრა თვემდე გაძლებს უვნებლად.


37
თემები:
სასარგებლო რჩევები
პურის დაჭრა

პური გახდომაში დაგეხმარებათ, თუ... დიეტოლოგი გირჩევთ

60
(განახლებულია 15:51 27.11.2020)
ექიმ-დიეტოლოგის თქმით, თუ გახდომა გსურთ, პური აუცილებლად უნდა მიირთვათ, და სპეციალისტი განმარტავს, როგორი უნდა იყოს ის.

თბილისი, 27 ნოემბერი — Sputnik. პური წონაში დაკლებაში და იმუნური სისტემის გაძლიერებაში დაგეხმარებათ, თუ ის შესაბამისად იქნება გამომცხვარი, აცხადებს დიეტოლოგი ელენა სოლომატინა.

სპეციალისტმა განმარტა, რომ სასურველია პურის შემადგენლობა მაქსიმალურად მარტივი იყოს.

„ის არ უნდა იყოს გამომცხვარი უმაღლესი ხარისხის ფქვილისგან, ანუ არ უნდა იყოს გაწმენდილი. უკეთესია, თუ პური იქნება მთელმარცვლოვანი, ჭვავის ფქვილის, ქატოიანი. და, რაღა თქმა უნდა, ყოველგვარი დამატებითი კომპონენტების გარეშე: მარგარინის, კულინარიული ცხიმებისა თუ გამაფხვიერებლებისა“, — ამბობს დიეტოლოგი.

ამასთან ერთად სოლომატინა გვირჩევს, მივირთავთ არა ახალი, რბილი პური, არამედ უკვე გამომშრალი, ვინაიდან ის ბევრად სასარგებლოა.

„ასეთი პური ნელა ხვდება კუჭში. ჩვენ ის ჯერ კარგად უნდა დავღეჭოთ, ნერწვით დავარბილოთ. ამასთან სახამებლის ათვისება უკვე პირის ღრუში იწყება და რაც უფრო მეტ სახამებელს აითვისებს ორგანიზმი საწყის ეტაპზე, მით უკეთესი“, — გვირჩევს ექიმი.

სოლომატინა ამბობს, რომ ქატოსა თუ ჭვავის პურში დიდი რაოდენობით შედის უჯრედისი და В ჯგუფის ვიტამინები, რაც უკიდურესად მნიშვნელოვანია ადამიანის ნერვული სისტემისა თუ კუჭ-ნაწლავის სისტემის მიკროფლორისთვის. სწორედ ეს უკანასკნელი განსაზღვრავს როგორც იმუნიტეტის მდგომარეობას, ისე ადამიანის გუნება–განწყობასა და, რაც ყველაზე საინტერესოა, აღნაგობასაც კი.

„საოცარია, მაგრამ პური გახდომის მსურველებს წონაში დაკლებაშიც კი ეხმარება. როცა ჩვენ კერძს პურთან ერთად მივირთმევთ, ის დამატებით მოცულობას ქმნის და, შესაბამისად, სწრაფად ავსებს კუჭს, აჩენს რა სიმაძღრის შეგრძნებას. პურის გარეშე ადამიანი უფრო მეტ საჭმელს იღებს და, შესაბამისად, ბევრად მეტ კალორიასაც“, — გამარტავს სპეციალისტი.

დიეტოლოგის თქმით, პურის საშუალო ულუფა დღის განმავლობაში 2–3 ნაჭერია. თუმცა ზოგ შემთხვევაში ეს რაოდენობა ადამიანის ცხორების წესიდან და მისი რაციონის კალორიულობიდან გამომდინარე შეიძლება შეიცვალოს.

 

60
თემები:
სასარგებლო რჩევები
სასწრაფო დახმარება

კორონავირუსმა საქართველოში კიდევ ერთი ექიმი იმსხვერპლა

0
(განახლებულია 17:52 27.11.2020)
საქართველოში კორონავირუსის ინფიცირებული მედიკოსების რაოდენობა ხუთი ათასს აღწევს და მათი რიცხვი ყოველდღიურად იზრდება

თბილისი, 27 ნოემბერი - Sputnik. საქართველოში კორონავირუსს  კიდევ ერთი ექიმი, „იმედის კლინიკის“ გინეკოლოგი ზაზა იმერლიშვილი ემსხვერპლა, იუწყება ტელეკომპანია „იმედი“. 

გავრცელებული ინფორმაციით, 57 წლის მედიკოსი მეგობრის ოჯახში დაინფიცირდა. ის თავიდან სახლში მკურნალობდა, მოგვიანებით კი, ჯანმრთელობის მდგომარეობის გაუარესების გამო, მცხეთის ერთ-ერთ კლინიკაში გადაიყვანეს, სადაც გუშინ გარდაიცვალა.

მედიკოსს თანმხლები დაავადებები - შაქრიანი დიაბეტი, ჭარბი წონა, გულსისხლძარღვთა დაავადება და ონკოლოგიური პრობლემები აღენიშნებოდა.

საქართველოში  კორონავირუსით ინფიცირებული მედიკოსების რაოდენობა 5 ათასს აღწევს, გარდაცვლილია სამედიცინო სფეროს ათამდე წარმომადგენელი.

საქართველოში კორონავირუსის მეორე ტალღა მძვინვარებს. ინფიცირების დღიური მაჩვენებელი 4 ათასს აღწევს, დღეს კი რეკორდული მაჩვენებელი - 4.780 ახალი დადასტურებული შემთხვევა გამოვლინდა.

ბოლო 24 საათში საქართველოში 37 პაციენტი გარდაიცვალა. ქვეყანაში კორონავირუსის დიაგნოზით ჯამში 1.161 ადამიანი გარდაიცვალა.

საქართველოში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 123.470-ს შეადგენს.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში