ბეღურა ხის ტოტზე

2020 წლის ჰოროსკოპი - სასწორი

14830
(განახლებულია 12:57 05.12.2019)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

როგორი იქნება 2020 წელი სასწორისთვის - ზოგადი მიმოხილვა

2019 წლის ბოლოს დიდი ჯაფა გადგათ. ეს ეხება არა მხოლოდ სამსახურს, არამედ საკუთარ თავზე მუშაობასაც. 2020 წლის იანვარში გარშემომყოფები სათანადოდ შეაფასებენ თქვენს მომხიბვლელობას, ენამახვილობასა და საქმიან თვისებებს. დატკბით დამსახურებული რეპუტაციით, მაგრამ არ დაივიწყოთ, რომ მიღწეულზე გაჩერება არ ივარგებს. ამისთვის ეცადეთ, არ დასვათ ზედმეტი კითხვები, არავის მოახვიოთ თავზე საკუთარი მოსაზრებები და რა თქმა უნდა, განაგრძოთ საკუთარ ჯანმრთელობასა და გარეგნობაზე ზრუნვა.

სასწორი
სასწორი

შუა ზამთარში ბედმა სიურპრიზი მოგიმზადათ - დიდი ალბათობით, გამოჩნდება ძველი ნაცნობი, რომელიც მოულოდნელად საინტერესო საქმიან ან პირად წინადადებას შემოგთავაზებთ. თქვენი გადასაწყვეტია, დათანხმდებით თუ არა ამ წინადადებას, მაგრამ გახსოვდეთ, რომ ყველაფერი ახალი - კარგად დავიწყებული ძველია.

წლის პირველ ნახევარში გელოდებათ საჩუქრები, მგზავრობა, შეხვედრები, აღიარებები და დამაინტრიგებელი წინადადებები. სამწუხაროდ, ემოციებისგან გამოფიტვა გემუქრებათ. კრიზისი რომ აიცილოთ თავიდან, რომელიც გაზაფხულზეა მოსალოდნელი, ეცადეთ, ცოტა თავი აარიდოთ მიმდინარე საქმეებს. წარმოიდგინეთ, რომ თქვენი ცხოვრების მთავარი მოქმედი პირი თქვენ არ ხართ, არამედ სხვაა, თქვენ კი დამკვირვებლის როლში ხართ. რა თქმა უნდა, გაგიხარდებათ და გეწყინებათ კიდეც, მაგრამ მხოლოდ, როგორც სხვისი ცხოვრების დამკვირვებელს. მაგრამ არ დაივიწყოთ ამ ნიღბის მოხსნა საყვარელ ადამიანთან: გულწრფელი ემოციები პირად ფრონტზე ყველასთვის დიდი წყალობა იქნება.

წლის მეორე ნახევარში, შესაძლოა, დაფიქრდეთ იმაზე, თუ რამდენად სწორად აირჩიეთ პროფესია. არ ინერვიულოთ - პრობლემები სამუშაოზე დროებითია და ეს სულაც არ ნიშნავს, რომ ცუდი სპეციალისტი ხართ. წლის ბოლოსთვის ყველაფერი თავის კალაპოტში ჩადგება და უფრო მეტიც - შესაძლოა, ხელმძღვანელობა თქვენი იდეებით დაინტერესდეს კიდეც. მარტოხელა სასწორები შეიძლება გაოცდნენ იმით, რომ არ ჰყავთ ერთი უცვლელი პარტნიორი, ხოლო დაოჯახებულები დაფიქრდნენ, რომ მათი ურთიერთობა მეორე ნახევართან რაღაცნაირად გაცივდა. სიტუაცია სასწრაფოდ უნდა მოაგვაროთ, თუ არ გინდათ, რომ მარტო დარჩეთ, რასაც სასწორი, როგორც წესი, ვერ იტანს.

ვინ მიაღწევს წარმატებებს 2020 წელს - ზოდიაქოს ოთხი ნიშანი და რჩევები სხვა ნიშნებისთვის>>

დეკემბერში მშვიდი, ზომიერი ცხოვრება გექნებათ. ბევრ დროს დაუთმობთ საკუთარი თავის სრულყოფაზე მუშაობას. არის იმის ალბათობა, რომ მეგობრებმა და ნათესავებმა თქვენი ეს საკუთარ თავში ჩაღრმავების პროცესი ვერ გაიგონ და თქვენგან მოშორებით დადგნენ. აქედან საუკეთესო გამოსავალი საერთო საქმე იქნება. აუცილებელია არაა, ეს საქმე ბიზნესს უკავშირდებოდეს. შესაძლებელია ერთობლივად სპორტდარბაზში წასვლა, ან სხვადასხვა კურსზე ჩაწერა. ვისაც მეორე ნახევარი ჯერ არ ჰყავს, ყურადღება უნდა გაამახვილოს - წლის ბოლოს აუცილებლად მიიღებთ რაღაც მინიშნებას, თუ სად უნდა ეძებოთ თქვენი ერთადერთი სიყვარული.

სასიყვარულო ჰოროსკოპი

2020 წელს სიყვარულში ექსპერიმენტები გაგიტაცებთ - როგორც ფსიქოლოგიური, ისე ფიზიკური. მთავარია, იპოვოთ ადამიანი, რომელთანაც საკუთარი ფანტაზიების რეალიზებას შეძლებთ. მაგრამ ეჭვი არ შეგეპაროთ - ასეთ ადამიანს აუცილებლად იპოვით. შესაძლოა, ის ახლა თქვენი მეგობრები, ახლობლების ან კოლეგების სიაშია. კარგად გადახედეთ თქვენს გარშემო მყოფ ადამიანებს და აუცილებლად იპოვით მას.

დაოჯახებულ სასწორებს სიყვარულში სრული სტაბილურობა ელოდება. არ გაინტერესებთ ახალი თავგადასავლები. თუ საყვარელ ადამიანთან ქორწინება ოფიციალურად არ გაქვთ გაფორმებული, ახლა ესეც შეიძლება, თუ ამის სურვილი გექნებათ, ყოველ შემთხვევაში, თქვენი ურთიერთობები ჩვეულებრივი ოჯახური ურთიერთობების მსგავსად ვითარდება. ამასთან, თუ თქვენი ოჯახის წევრები, დავუშვათ, ალმაცერად უყურებდნენ თქვენს საყვარელ ადამიანს, ახლა მათი დამოკიდებულება მისდამი შეიცვლება.

ურთიერთობები და შეთავსებადობა აღმოსავლური სასიყვარულო ჰოროსკოპის მიხედვით>>

მიუხედავად იმისა, რომ, ზოგადად, ერთგული პარტნიორები ხართ, ამ წელს გვერდით გახედვის სურვილი გაგიჩნდებათ. თუ თავისუფალი ხართ, თქვენთვის მაშინ არანაირი დაბრკოლება არ არსებობს. ამასთან, მარტოხელები საკმაოდ „ამჩატებულად" იქცევით გრძნობების საკითხებში, მაგრამ, სავარაუდოდ, საკმარის სიფრთხილესაც გამოიჩენთ.

კარიერა და ფინანსები

ვარსკვლავები უხვმოსავლიან წელიწადს გპირდებიან, ოღონდ იმ პირობით, თუ მუხლჩაუხრელად იშრომებთ. თუ ქვეშევრდომი ხართ, არ შეუშინდეთ რთული ამოცანებისა და დავალებების შესრულებას. თქვენს ძალისხმევას ხელმძღვანელობა დააფასებს. მოსალოდნელია ხელფასის მომატება, პრემია ან ახალი, მაღალი თანამდებობა. ეს უკვე მარტის ბოლოს შეიძლება მოხდეს. თუ ხელმძღვანელ პირთა რიცხვში შედიხართ, მოემზადეთ იმისთვის, რომ მოგიწევთ მნიშვნელოვანი საკითხების მარტოს გადაწყვეტა და პასუხისმგებლობას სხვებს ვერ გადააბარებთ. ეს დიდი შრომისა და ნერვების ფასად დაგიჯდებათ, მაგრამ, სამაგიეროდ, გაიზრდება კომპანიისა და, შესაბამისად, თქვენი შემოსავლები.

გაზაფხულზე ხარჯების ზრდაა მოსალოდნელი, თუმცა, ამას იოლად გაუმკლავდებით - გაზაფხულის ბოლოს შესაძლებელია შემოსავლის დამატებითი წყაროს გამოჩენა.

ზაფხულის დასაწყისში, სავარაუდოდ, ახალ პროექტს შეეჭიდებით, რომელიც მომგებიანი იქნება.

აგვისტოს დასაწყისიდან სექტემბრის შუა რიცხვებამდე არ არის რეკომენდებული ლატარიის თამაში, რამე სახის ღონისძიებაში მონაწილეობა, რომელიც იოლ ფულს გპირდებათ. ეს წელი და განსაკუთრებით, ეს პერიოდი არახელსაყრელია აზარტული მოთამაშეებისთვის.

განსაკუთრებული ყურადღება ფულის მიმართ ნოემბერში გმართებთ. მოსალოდნელია სხვადასხვა სახის თაღლითობა, ამიტომ ყველა წინადადება კარგად აწონ-დაწონეთ.

ჯანმრთელობა

ეცადეთ, თავი აარიდოთ გაციებას, ქრონიკული დაავადებების გამწვავებას.

სასწორის ნიშნის პირველ დეკადაში დაბადებულები (24.09 - 3.10) - ჯანმრთელობის შესანარჩუნებლად შეგიძლიათ სტრესი ბუნებაში გასვლით მოიხსნათ. ეწვიეთ აგარაკს, სოფელს, დაამუშავეთ ბოსტანი ან ბაღი, დაისვენეთ, მოდუნდით, დააგროვეთ ენერგია.

მეორე დეკადაში დაბადებულები (4.10 - 13.10) - წელი საკმაოდ დაძაბული და გიჟური იქნება, ამიტომ საჭიროა, რომ ჯანმრთელობა არ დაივიწყოთ. შუაღამემდე ნუ იმუშავებთ, დიდხანს ნუ ისხდებით კომპიუტერთან. დაიცავით კვების რეჟიმი.

მესამე დეკადაში დაბადებულები (14.10 - 23.10) შემოდგომაზე, შესაძლოა, მელანქოლიური შემოტევები გქონდეთ. მისგან თავის დაღწევაში საოჯახო და სამსახურის საქმეები დაგეხმარებათ. იარეთ სპორტდარბაზში, ან ფიზიკურად სახლში ან სუფთა ჰაერზე ივარჯიშეთ. შესაძლებელია საჭმლის მომნელებელი სისტემის პრობლემები, ამიტომ იკვებეთ დღეში 5-6-ჯერ, ოღონდ მცირე ულუფებით.

2020 წლის ჰოროსკოპი დაბადების წლის მიხედვით:

სასწორი-ვირთხა

ბევრ სასწორ-ვირთხას ელოდება ნაყოფიერი წელი. შეაჯამეთ და გააანალიზეთ გასული პერიოდი, რომ აღმოაჩინოთ და გამოასწოროთ შეცდომები. თქვენი გეგმების რეალიზებაში განსაკუთრებული როლის შესრულება შეუძლიათ მეგობრებსა და თანამოაზრეებს. ვირთხის წელი მოგიტანთ ბევრ სასარგებლო ნაცნობობას, შეხვედრას, მგზავრობასა თუ მოგზაურობას. ბევრ წყვილს გაუმძაფრდება გრძნობები. ამ წელს დაქორწინებულებს ხანგრძლივი და მყარი ურთიერთობები ელოდება.

სასწორი-ხარი

ცვლილებები წლის პირველ ნახევარშია მოსალოდნელი. მაგრამ წარმატებებით აღტყინებულებს სიფრთხილე არ დაგავიწყდეთ. მაისიდან მოყოლებული თავი შორს უნდა დაიჭიროთ სარისკო და ავანტიურული საქმეებისგან, ამ პერიოდში ადვილია ვინმეს მახეში გაბმა. გაგიტაცებთ რომანტიკული თავგადასავლები. გააფართოეთ ინტერესების წრე, ბევრი დრო გაატარეთ მეგობრების კომპანიაში და თქვენს ბედს აუცილებლად შეხვდებით.

ტიბეტური ჰოროსკოპი
© photo: Sputnik
ტიბეტური ჰოროსკოპი

სასწორი-ვეფხვი

ასტროლოგები გირჩევენ, არ მოდუნდეთ. ეცადეთ, იმოქმედოთ თანამიმდევრულად, დაწყებული საქმეები ლოგიკურ დასასრულამდე მიიყვანოთ. მხოლოდ ასე შეიძლება საკუთარი მიზნების მიღწევა. წლის პირველ ნახევარში იფრთხილეთ ნებისმიერ საქმეში. მოსალოდნელია მოშურნე ადამიანების გააქტიურება. ასევე იფრთხილეთ ფულის ინვესტიციების საკითხში. წლის მეორე ნახევარი უფრო ხელსაყრელად განვითარდება.

ეგვიპტური ჰოროსკოპი – დაინახეთ თქვენი თავი განსხვავებულად>>

სასწორი-კატა (კურდღელი)

ამ ნიშნების ტიპური წარმომადგენლები არ მოინდომებთ დროის უქმად დაკარგვას და შეეცდებით მის სასარგებლოდ გამოყენებას. სასურველია, რომ საქმეები გადაუდებლად, მაშინვე გააკეთოთ, რომ დაგიგროვდეთ და შემდეგ მათ გასაკეთებლად დამხმარე ძალა არ დაგჭირდეთ. დიდი ხნის წყვილებში ურთიერთობების გადახედვის საჭიროება იჩენს თავს. ეცადეთ, გარშემომყოფებთან კონფლიქტებს აარიდოთ თავი.

სასწორი-დრაკონი

2020 წელს ბევრ საქმეს წარმატებით გაართმევთ თავს. მნიშვნელოვანია, რომ ახალი საქმეებისთვის მყარი ბაზა შექმნათ. წინ მტკიცედ ივლით და ნებისმიერ დაბრკოლებას გადალახავთ. წარმატებული წელია პირადი და ოჯახური ურთიერთობების თვალსაზრისით. შინაგანი ჰარმონია რომ მოიპოვოთ და ღირსეულ ადამიანს შეხვდეთ, ზოგჯერ უნდა მოწყდეთ პროფესიულ საქმიანობას და აქეთ-იქით გაიხედოთ - ასე შეხვდებით თქვენს რჩეულს.

სასწორი-გველი

2020 წელი თქვენთვის იღბლიანი იქნება, თუ მცდელობასა და ძალისხმევას არ დააკლებთ და თავს საუკეთესო მხრიდან აჩვენებთ. უნდა შეძლოთ ლავირება, გარემოსა და ადამიანების განწყობის შეგრძნება. ინტუიცია ზედმეტი განგაშისა ეჭვების თავიდან აცილებაში დაგეხმარებათ. ბევრ თქვენგანს გაუმართლებს სიყვარულში.

სასწორი-ცხენი

2020 წელს მრავალი ჩანაფიქრის ასრულებას შეძლებთ. ეს, ძირითადად, საქმიან სფეროს ეხება. პროფესიული წარმატება მას ერგება, ვინც მცირედს არ სჯერდება და მაღალი შედეგებისკენ ისწრაფვის. შეიძლება ითქვას, რომ თეთრი ვირთხა ცხენის წელიწადში დაბადებულ ყველაზე აქტიურ და საქმიან სასწორებს გაუწევს მფარველობას.

სასწორი-თხა (ცხვარი)

ეცადეთ, რომ ყველაზე მნიშვნელოვანი საქმეები, რომლებიც დიდ ძალისხმევასა და დაძაბულობას მოითხოვს, წლის პირველ ნახევარში დაგეგმოთ. ეს ბევრად ხელსაყრელი პერიოდი იქნება, ვიდრე წლის მეორე ნახევარი, რადგან ამ დროს გააქტიურებული იქნება თქვენი საქმიანი ენერგია, ბევრად იოლად იპოვით გამოსავალს რთული ვითარებიდან, მოძებნით ეფექტურ მეთოდებს საკითხების გადასაჭრელად.

ნივთები, რომლებიც წარმატებას იზიდავს: რა დატვირთვა აქვს წითელ კარს, ჭიამაიასა თუ სპილოს>>

სასწორი-მაიმუნი

2020 წელს მრავალი საინტერესო და სასიამოვნო მოვლენა და სიახლე გელოდებათ, რომლებიც შეეხება როგორც პროფესიულ საქმიანობას, ასევე პირად ცხოვრებასა და ფინანსურ სფეროს. მთავარია, რომ რეალურად შეაფასოთ საკუთარი ძალები და პერსპექტივები, შეძლოთ ვითარების წინასწარ გათვლა. თუ თქვენი გული არ არის დაკავებული, ამ წელს, დიდი ალბათობით, ბედი საჩუქარს გამოგიგზავნით საყვარელი ადამიანის სახით.

სასწორი მამალი

2020 წელს შეძლებთ მყარი ნაბიჯების გადადგმას მომავალში, საქმიანობის სფეროებში უფრო მაღალ საფეხურზე ასვლას. ეს, რა თქმა უნდა, ენერგეტიკულ ხარჯებს, ემოციურ დატვირთვას მოითხოვს, მაგრამ როდესაც საკუთარი შრომის ნაყოფს დაინახავთ, ძალა მოგემატებათ. მატერიალური თვალსაზრისით იღბლიანი წელი გელოდებათ, მაგრამ მხოლოდ იმ შემთხვევაში, თუ მფლანგველობის გზას არ დაადგებით.

სასწორი-ძაღლი

ვირთხის წელი თქვენთვის ხელსაყრელი დროა, რომ დაიწყოთ ახალი გრძელვადიანი სასიყვარულო რომანი ან საქმიანი პარტნიორობა, ასევე, გარშემომყოფებთან ჰარმონიული ურთიერთობები დაამყაროთ. გაგიჩნდებათ ახლის გაგების სურვილი. ეს, შესაძლოა, კარგი სტიმული გახდეს პროფესიული კვალიფიკაციის ამაღლებისა და განათლების მიღებისთვის. მარტოხელებს სასიამოვნო ცვლილებები გელოდებათ - თქვენი საოცარი მომხიბვლელობა საწინააღმდეგო სქესის წარმომადგენელთა ყურადღებას მიიპყრობს.

ჰოროსკოპების ერთობლიობით გაარკვიეთ, მეფე ხართ, რაინდი, არისტოკრატი თუ...>>

სასწორი-ღორი (ტახი)

ეჭვები უკან მოიტოვეთ. ეცადეთ, განსაზღვროთ მიზნები, შეაფასოთ ისინი რეალურად და თქვენი შესაძლებლობების შესატყვისად. დეტალურად მოიფიქრეთ ნებისმიერი წვრილმანიც კი. დაიწყეთ ყველაზე იოლიდან. ეცადეთ, გვერდი აუაროთ იმას, რისი შეცვლის ძალაც არ შეგწევთ. პირად ცხოვრებაში დიდი ცვლილებები მოსალოდნელი არ არის.

14830
ნინო სამხარაძე

როცა შვილს ექიმის სახელს არქმევენ - მადლიანი ხელების სიკეთე

10
(განახლებულია 05:42 12.06.2021)
„წარმოუდგენელია, მოვეფერო ჩემს პაწაწინას და არ გამახსენდეს, რომ ღვთის წყალობასთან ერთად შენი პროფესიონალიზმის დამსახურებაა ის, რომ დედის სტატუსს ვატარებ.“

„მაკვირვებს, თითქოს ასაკისთვის შეუფერებელი შენი პროფესიული ცოდნა, ადამიანური სიბრძნე, თავშეკავება და თავმდაბლობა, რომელიც მთავარი შტრიხია შენი ხასიათის.“

„ვიცი, ყველას უყვარხარ შენი უშუალობის, სიკეთის, მშვენიერებისა და ჰუმანურობისთვის. ეს ის თვისებებია, რაც აუცილებლად უნდა გააჩნდეს მოწოდებით და მით უფრო, შენი სპეციალობის ექიმს. უფალმა დალოცოს შენი მადლიანი ხელები და ბუნების სიხალასე.“

ამ წერილების ადრესატის სადღეგრძელო დღეს ბევრ ოჯახში ტრადიციად დამკვიდრდა, მისი სახელი ნანატს შვილს, უკვე ბევრმა დაარქვა. საუბარია „იმედის კლინიკის“ მეან-გინეკოლოგ ნინო სამხარაძეზე, რომელიც საქართველოს ჯანმრთელობის ფედერაციის წევრია. ამ მასალის დაწერა პირველ რიგში, მისი პაციენტების ინიციატივა და ექიმის მიმართ გულწრფელი მადლიერების გამოხატულებაა.

ნინო სამხარაძე
ნინო სამხარაძე

- ქალბატონო ნინო, თავად ჯერ არ ხართ დედა, მაგრამ კარგად იცით როგორ ცვლის ქალს დედობა...

- მე დაოჯახებული არ ვარ, შვილი არ მყავს, მაგრამ იმდენჯერ ვარ დედა-შვილის პირველი შეხვედრის მომსწრე, რომ ზუსტად ვიცი, ეს რა გრძნობაა. დედობა სრულიად ცვლის ქალს, როგორც შინაგანად, ისე გარეგნულად.  იცვლება ადამიანის მიზნები და მისწაფებებიც. დედობის მერე ქალი გრძნობს, რომ შვილისთვის შეუძლებელსაც შეძლებს.

ნინო სამხარაძე იმედის კლინიკის კოლეგებთან ერთად
ნინო სამხარაძე "იმედის კლინიკის" კოლეგებთან ერთად

- ექიმობაზე ოცნება თქვენი იდეა-ფიქსიც იყო?

- ექიმობა ბავშვობის ოცნება იყო, სხვა პროფესიაზე არც მიფიქრია. ჩემს ცხოვრებაში იყო პოსტდიპლომური, ხუთ წლიანი პრაქტიკული სწავლების პერიოდი, რასაც რეზიდენტურა ჰქვია. ექიმობა სიცოცხლის სამსახურია, მეან-გინეკოლოგობა კი ერთდროულად ორ ან მეტ სიცოცხლეს ემსახურება. ამაზე მადლიანი პროფესია არ არსებობს. დღეს მეან-გინეკოლოგი ვარ, ვამშობიარებ, საკეისრო და გინეკოლიგიურ ოპერაციებს ვაკეთებ. ასევე ამბულატორიულად მყავს ორსულები და გინეკოლიგიური პაციენტები.

ნინო სამხარაძე  კოლეგებთან ერთად
ნინო სამხარაძე კოლეგებთან ერთად

- თქვენ კარგად იცნობთ მედიცინის ამ სფეროს, თუ შეგიძლიათ იმის თქმა, ხშირ შემთხვევაში რა ხდება საქართველოში უნაყოფობის მიზეზი?

- მსოფლიოში, მათ შორის საქართველოში, უნაყოფობის წილი 10-15% -ია. მცდარია შეხედულება, როდესაც უშვილობას მხოლოდ ქალის პრობლემად განიხილავენ, ეს წყვილის პრობლემაა. უნაყოფობა შეიძლება იყოს ორგანული, ფუნქციური, იმუნური, გენეტიკური ან უცნობი გენეზისის. დედობას ყველა ქალი იმსახურებს და დამხმარე რეპროდუქტიულმა საშუალებებმა შვილის ყოლის ბედნიერება ბევრ წყვილს მიანიჭა.

ნინო სამხარაძე
ნინო სამხარაძე

- ფსიქოლოგიურ განწყობას თუ აქვს მნიშვნელობა?

- არც თუ იშვიათია ფსიქოგენური უნაყოფობა. როდესაც ქალის ფიქრები მხოლოდ ორსულობაზე კონცენტრირდება და არ დგება ის ეტაპი, რომელიც ყველაზე სასურველია. ამ შემთხვევაში, ფსიქოთერაპევრის როლი უმნიშვნელოვანესია.

ნინო სამხარაძე ახალშობილთან ერთად
ნინო სამხარაძე ახალშობილთან ერთად

- ვიცი, რომ ბევრი პაციენტი გემადლიერებათ...

- ექიმისთვის მადლიერების გამოხატველი სიტყვები ძალიან დიდი სტიმულია, გავიწყებს დაღლას და გაძლევს იმის ენერგიას, რომ მუშაობა შემართებით გავაგრძელოთ. როცა ქალი მისთვის ძვირფასს არსებას ექიმის სახელს არქმევს, ეს პატივისცემის ყველაზე დიდი გამოვლენაა. ჩემს შემთხვევაში, ასეთი ფაქტი რამდენჯერმე იყო და იმის გარანტია, რომ ყოველთვის ემახსოვრება ექიმის წვლილი მის ბედნიერებაში.

ნინო სამხარაძე
ნინო სამხარაძე

- საქართველოში დღესაც ბიჭს უფრო თვლიან სასურველ შვილად თუ შეიცვალა ამ თემისადმი დამოკიდებულება?

- ჩვენში მართლა იყო პერიოდი, როდესაც ვაჟის დაბადებას მეტი სიხარულით ხვდებოდა ოჯახი, განსაკუთრებით თუ ის პირველი შვილი იყო. საბედნიეროდ ეს დამოკიდებულება დღეისთვის შეცვლილია. წყვილების უმრავლესობა ამბობს, რომ მათთვის შვილის სქესს მნიშვნელობა არ აქვს. ასეც უნდა იყოს... დედობა უმთავრესი სტატუსია, რასაც ქალი ატარებს, დედობრივი სიყვარული ყველაზე ძლიერი გრძნობაა. როდესაც ქალისთვის ამ სტატუსის მინიჭებაში წვლილი შეგაქვს, ეს სიამაყის და სახარულის საოცარი განცდაა. ამ დროს მისი ბედნიერების თანაზიარი ხდები და სურვილი გიჩნდება, რაც შეიძლება მეტი ქალი გააბედნიერო...

 

 

10
ზღვასთან

დღის ასტროპროგნოზი ზოდიაქოს ნიშნებისთვის: 13 ივნისი

126
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 13 ივნისია, კვირა. მზარდი მთვარე კირჩხიბის ნიშანშია. ამ დღეს პლანეტა მზე მფარველობს.

მრავალფეროვანი დღეა. ბევრი შეძლებს საკუთარ გრძნობებში გარკვევას, მნიშვნელოვან კითხვებზე პასუხების პოვნას. წარსულს ჩაბარდება ეჭვები, შფოთვა. გაჩნდება ახალი საინტერესო საქმეები. აჯობებს თანამიმდევრული მოქმედება გაუგებრობებისა და გადაღლილობის თავიდან ასაცილებლად. საღამო კარგი დროა შეხვედრებისთვის.

ზოდიაქო: მამაკაცები, რომლებსაც ძლიერი სიყვარულის უნარი შესწევთ>>

ვერძი: კარგი დღეა თანამოაზრეების მოსაძებნად. ადვილად ეკონტაქტებით ადამიანებს და მათთან საერთო ენას პოულობთ. ბევრი დაგეხმარებათ თამამი იდეების რეალიზებაში. ზოგიერთი თქვენგანი მომგებიან გარიგებას დადებს ან შემოსავლების ახალ წყაროს იპოვის. დღის მეორე ნახევარი ხელსაყრელია ფინანსური საკითხების გადაწყვეტისთვის. მხედველობიდან არაფერი გეპარებათ – სულ უმნიშვნელო დეტალიც კი.

კურო: არ იჩქაროთ. დღის დასაწყისი, შესაძლოა, საკმაოდ რთული აღმოჩნდეს. მოსალოდნელია მცირე გაუგებრობები, უთანხმოებები ახლობლებთან. თანდათანობით გაძლიერდება პოზიტიური ტენდენციების გავლენა, სიტუაცია მეტად პროგნოზირებადი გახდება. განსაზღვრავთ გეგმებსა და პრიორიტეტებს და ყურადღებას სწორედ ყველაზე მნიშვნელოვანზე გაამახვილებთ, მიაღწევთ წარმატებას. საღამოს სასიამოვნო სიახლეებია მოსალოდნელი.

ტყუპი: დღის დასაწყისი საკმაოდ საინტერესო და ხელსაყრელი იქნება. გაჩნდება უამრავი ახალი შესაძლებლობა. შესაძლებელია შეხვედრები არასტანდარტულად მოაზროვნე ადამიანებთან, რომლებიც გაგიზიარებენ ცოდნას და საუკეთესო რჩევებს მოგცემენ. კარგად ჩაივლის დღის მეორე ნახევარიც, მაგრამ ნაკლებად პროდუქტიულად – საქმეებზე მეტად ახლობლებთან და მეგობრებთან შეხვედრები და გართობა გაინტერესებთ.

კირჩხიბი: ხელსაყრელი დღეა. შეგიძლიათ რამე ახალი საქმე წამოიწყოთ. განსაკუთრებით გამოგივათ ის საქმე, რომელიც ფანტაზიასა და შემოქმედებით დამოკიდებულებას მოითხოვს. შესაძლოა, რამე ისეთი ფარული ნიჭი გამოამჟღავნოთ, რომელზეც წარმოდგენა არავის ჰქონდა და მათ შორის, არც თქვენ. მოსალოდნელია თანხის მიღება. შეგიძლიათ საყიდლებზე წასვლა, მაგრამ მოერიდეთ ფულის გართობაზე დახარჯვას – ეს შეიძლება სანანებელი გაგიხდეთ.

ლომი: შესაფერისი დღეა იმისთვის, რომ გეგმები დააწყოთ და გადაწყვეტილებები მიიღოთ. ბევრი დრო არ დაგჭირდებათ არაერთმნიშვნელოვან ვითარებებში გასარკვევად, თქვენი საქციელის შედეგების შესაფასებლად. ბევრ თქვენგანს მნიშვნელოვან მიზნამდე გზის მოძებნაში ინტუიცია დაეხმარება. დღის მეორე ნახევარი ხელსაყრელი დროა ურთიერთობებისთვის. არ არის გამორიცხული ხანგრძლივი თანამშრომლობის დაწყება.

ქალწული: დღის პირველ ნახევარში შეიძლება ნერვიულობა მოგიწიოთ, რამე გეგმის მიხედვით არ წავიდეს და გაგიჭირდეთ ახალ ვითარებებში ორიენტირება. შესაძლოა, სწორი გადაწყვეტილებები ვერ მიიღოთ, მაგრამ, საბედნიეროდ, მალე შეამჩნევთ შეცდომებს და სწრაფადვე გამოასწორებთ. სრულიად განსხვავებული იქნება დღის მეორე ნახევარი – ხელსაყრელი და მსუბუქი. ვარსკვლავები თქვენს ახალ წამოწყებებს დაუჭერენ მხარს. შეგიძლიათ რთულ საქმესაც შეეჭიდოთ. საჭირო შედეგს აუცილებლად მიიღებთ.

სასწორი: წვრილმანების გამო ნუ ინერვიულებთ. ეს დღის პირველ ნახევარში გაგიჭირდებათ – ყველაფერი მნიშვნელოვანი გგონიათ, ხოლო თუ რამე გეგმის მიხედვით არ წავიდა, ძალიან განიცდით. პოზიტიური ტენდენციების გავლენა ეტაპობრივად ძლიერდება და მეტი საფუძველი გიჩნდებათ, რომ მომავალს ოპტიმისტურად შეხედოთ. შესაძლოა, წინადადება მიიღოთ, რომელზეც უარის თქმა არ მოგი ნდებათ.

მორიელი: დღის დასაწყისი ხელსაყრელი დროა ურთიერთობებისთვის. ადამიანებთან საერთო ენის გამონახვის უნარი დაგეხმარებათ, რომ დაეხმაროთ რთულ ვითარებაში ჩავარდნილ ახლობლებს, კოლეგებს. ასევე შეძლებთ მათ მიერ დაშვებული შეცდომების გამოსწორებას, სამართლიანობის აღდგენას. დღის მეორე ნახევარში ადრე დაწყებული საქმის დასრულების შესაძლებლობა გექნებათ. ხართ მიზანსწრაფული, რაც ბარიერების გადალახვაში დაგეხმარებათ. კარგად აეწყობა პირადი ურთიერთობები. გაგიმართლებთ სიყვარულში.

მშვილდოსანი: ეცადეთ, ირგვლივ მყოფების მიმართ ყურადღებიანი იყოთ. შესაძლოა, მათ თქვენი მხარდაჭერა სჭირდებათ, თქვენ კი – მათი რჩევები. საკითხების განხილვისას მოთმინება და თვითკონტროლი გმართებთ. მნიშვნელოვანია, რომ საქმე კონფლიქტამდე არ მივიდეს. ვითარების განმუხტვაში დაგეხმარებათ იუმორის გრძნობა. დღის მეორე ნახევარი კარგი დროა სწავლის, ანალიტიკური და კვლევითი საქმიანობისთვის. გამძაფრებული იქნება ინტუიციაც.

თხის რქა: მარტივი დღე არ გელოდებათ. წარმატების მიღწევა უფრო იოლი იქნება მათთვის, ვინც მხოლოდ საკუთარ ძალებს დაეყრდნობა. გარშემომყოფების დიდი იმედი ნუ გექნებათ. სამწუხაროდ, შეიძლება დაგაღალატონ უკვე გამოცდილმა მოკავშირეებმაც. გამოგადგებათ ადრე მიღებული გამოცდილება. შეძლებთ სიტუაციის უკეთესობისკენ შემობრუნებას. გექნებათ შანსი, რომ რთულ ვითარებაში ჩავარდნილ ახლობელს დაეხმაროთ ან რამეოჯახური პრობლემა გადაწყვიტოთ.

მერწყული: დღე იღბლიანად იწყება. დღის პირველ ნახევარში სრულიად განსხვავებული საქმეები შეგიძლიათ გააკეთოთ – მარტივი და ჩვეული და სრულიად ახალი და რთული. მიიღებთ სწორ გადაწყვეტილებებს, არ აჰყვებით პროვოკაციებს. ხშირად პოულობთ უმოკლეს გზას მიზნისკენ. დღის მეორე ნახევარში გარკვეული დაბრკოლებებია მოსალოდნელი საქმეებში, გაუგებრობები, მაგრამ სერიოზული პრობლემები ნაკლებად სავარაუდოა. მცირე სირთულეებს კი აუცილებლად გაუმკლავდებით.

თევზები: შესანიშნავი დღეა მოკავშირეებისა და თანამოაზრეების მოსაძებნად. ცხადად გამოვა წინა პლანზე თქვენი ლიდერის თვისებები. ბევრზე დიდ შთაბეჭდილებას მოახდენთ თქვენი იდეებით. შესაძლებელია იღბლიანი გადაწყვეტა საკითხების, რომლებიც ბოლო დროს გაღელვებდათ. მნიშვნელოვანი მოლაპარაკებების გამართვა არაფორმალურ გარემოში აჯობებს. ცოტა ტრადიციებისგან გადახვევაც არ გაწყენთ – ეს ირგვლივ მყოფებზე კარგ შთაბეჭდილებას მოახდენს.

126
გოგონა პირბადით

COVID-19 რეგიონებში: სად დაფიქსირდა ინფიცირების ყველაზე მეტი შემთხვევა

0
(განახლებულია 12:43 13.06.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს. მიაღწია.

თბილისი, 13 ივნისი – Sputnik. საქართველოში ბოლო 24 საათში გამოვლენილი კორონავირუსის 522 შემთხვევიდან ყველაზე მეტი – 276 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარაა, შემდეგ კი იმერეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 45, იმერეთი - 44, სამეგრელო - ზემო სვანეთი - 36, ქვემო ქართლი - 34, კახეთი - 32,  შიდა ქართლი - 25, მცხეთა-მთიანეთი - 16, სამცხე-ჯავახეთი - 10, გურია - 4, რაჭა-ლეჩხუმი და ქვემო სვანეთი - 0.

ბოლო 24 საათში ვირუსისგან გამოჯანმრთელდა 1.074 პირი, ხოლო ჯამში გამოჯანმრთელებულთა რაოდენობა 339.392-მდე. -მდე გაიზარდა.

ბოლო დღე-ღამის განმავლობაში გარდაიცვალა 14  ადამიანი და გარდაცვლილთა საერთო რაოდენობამ 5.048 მიაღწია.

ამ დროის მონაცემებით, საქართველოში 9.499 აქტიური შემთხვევაა. კოვიდ-კლინიკებში მოთავსებულია 3.155 პაციენტი, მათ შორის, თბილისში -  1.771, აჭარაში - 284, იმერეთში - 403.

688 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 190 პირი, მათგან თბილისში - 118, აჭარაში - 13, იმერეთში - 13. კოვიდ-სასტუმროში მოთავსებულია  610 ადამიანი. მათ შორის 345 - თბილისში, 232- აჭარაში.  5.734 პირი ვირუსის მკურნალობის კურსს გადის საცხოვრებელ ბინაზე.

დღევანდელი მდგომარეობით, საკარანტინო სივრცეში მოთავსებულია 41 ადამიანი (ყველა მათგანი თბილისში).

ამ ეტაპისთვის თვითიზოლაციაში იმყოფება 13.198 ადამიანი, მათ შორის თბილისში - 5.377, პირი, აჭარაში - 1.621, იმერეთში - 1.054.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 522-ით გაიზარდა და ინფიცირებულთა საერთო რიცხვმა 353.965-ს. მიაღწია.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0