ქალი საქანელაზე

2020 წლის ჰოროსკოპი - ქალწული

13306
(განახლებულია 11:08 29.11.2019)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

როგორი იქნება 2020 წელი ქალწულისთვის - ზოგადი მიმოხილვა

2020 წლის დასაწყისი მრავალი შთაბეჭდილებით დაგამახსოვრდებათ. ეს შეიძლება უკავშირდებოდეს ახალ წიგნს, მოგზაურობას, ნაცნობობასა და მოულოდნელ აღმოჩენა-გონების განათებებს. უკვე იანვრის შუა რიცხვებში, შესაძლოა, დაღლილობა და ნაღველიც კი იგრძნოთ, რადგან თქვენი ცხოვრება ისეთი არაა, როგორზეც ოცნებობდით. სჯობს, ცოტა დაისვენოთ, შეზღუდოთ საქმეებისა და კონტაქტების რაოდენობა, მაგრამ დასვენება არ გააჭიანუროთ: იანვრის ბოლოსა და თებერვლის დასაწყისში ვარსკვლავები კარიერული ნახტომის შესაძლებლობას მოგცემენ, ამიტომ ამისთვის მზად უნდა იყოთ.

ქალწული
ქალწული

წლის პირველ ნახევარში ნერვიულობა მოგიწევთ. გარშემომყოფები მოულოდნელად განსაკუთრებულ ყურადღებას მოითხოვენ: ბავშვებიდან დაწყებული მეზობლებით ან მოხშირებული სტუმრებით დამთავრებული. ხსნა მუშაობაშია. ხოლო დანარჩენი თავისთავად დალაგდება. მარტოხელებს სასიამოვნო ნაცნობობა გელოდებათ. განსაკუთრებით ყურადღება გულისყურს მაისის ბოლოს მიაქციეთ - თქვენი მომავალი სიყვარული სადღაც სულ ახლოსაა.

წლის მეორე ნახევარი არცთუ წარმატებით დაიწყება. ამის მიზეზი, დიდი ალბათობით, თქვენივე ილუზიები იქნება, რომელთა ტყვეობაშიც მოექცევით. შედეგად კი იმედგაცრუება და სტრესი გელოდებათ. აიყვანეთ თავი ხელში, მოიხსენით ვარდისფერი სათვალე და ფხიზლად შეაფასეთ, რამდენად არის დაშორებული რეალობა გამოგონილ სამყაროს და რა უნდა გააკეთოთ მათ შორის დისტანციის შესამცირებლად. მხარდაჭერა ძველ მეგობრებში, ბუნებასა და ფიქრებში, ასევე, მოგზაურობაში ეძებეთ.

ნოემბრის ბოლოსა და დეკემბერში ცხოვრებაში დიდი მოვლენები გელოდებათ - საჩქარო საქმეები სამუშაოზე და ასევე, მოულოდნელი სამსახურებრივი რომანი, რომელიც თქვენთვის შთაგონების წყარო გახდება, მაგრამ, ამავე დროს, გაანერვიულებს დაქორწინებულ ქალწულებს. ღირს თუ არა ამ რომანის გაბმა - დასკვნების გამოტანა ნაადრევია. უბრალოდ, დაელოდეთ დღესასწაულებს ურთიერთობების გამორკვევის გარეშე და შემდეგ საკუთარ ინტუიციას მიენდეთ - ის გიკარნახებთ სწორ გზას.

ვინ მიაღწევს წარმატებებს 2020 წელს - ზოდიაქოს ოთხი ნიშანი და რჩევები სხვა ნიშნებისთვის>>

სასიყვარულო ჰოროსკოპი

2020 წელს სიყვარულისთვის არ გეცლებათ - თქვენი ფიქრები კარიერით იქნება დაკავებული. მჭიდრო ურთიერთობები გექნებათ ნათესავებთან. თუ თქვენი საყვარელი ადამიანი თქვენს ოჯახში არ მოეწონებათ, ამას ძალიან განიცდით. მაგრამ თუ თქვენი რომანი ხელს შეუშლის სამსახურებრივი მოვალეობების შესრულებას, არჩევანს კარიერის სასარგებლოდ გააკეთებთ. და თუ მიზნის მისაღწევად „იძულებული" იქნებით, საჭირო ადამიანს გაეარშიყოთ, რას იზამთ - საქმე ამას მოითხოვს.

დაოჯახებული ქალწულებისთვის სასიყვარულო გატაცებები გასულ წელს დარჩა. ახლა ურთიერთობებში სტაბილურობას ემხრობით, მაგრამ გამორიცხული არაა მსუბუქი ფლირტი, განსაკუთრებით, სადმე გამგზავრებისას. დიდი ალბათობით, შორს არ წახვალთ, რადგან პარტნიორი თქვენთვის ძალზე ძვირფასია. სირთულეებია მოსალოდნელი მშობლების მხრიდან - მათ თქვენი რჩეულის მიღება არ სურთ.

მარტოხელები დაიწყებთ თქვენთვის შესაფერისი ადამიანის მოძებნას. 2020 წელს კი თქვენი კრიტერიუმები სრულიად განსაზღვრულია: გჭირდებათ გავლენიანი პარტნიორი, რომელიც კარიერულ წინსვლაში დაგეხმარებათ. შესაძლოა, იგრძნოთ რომ ახლანდელ სამსახურში თქვენი „სამეფო ტახტი" ირყევა და სხვა ადგილზე მოისურვოთ „გამეფება". შესაძლოა, იპოვოთ ადამიანი, რომელიც თქვენს ამ არაორაზროვან მინიშნებებს გამოეხმაურება და თქვენთან არშიყს დაიწყებს. მაგრამ რამდენ ხანს გაგრძელდება ეს?

ზოდიაქოს „მეფური" ნიშნები>>

და რამდენ ხანს მოიტყუებთ თვითო თავს, რომ შეყვარებული ხართ, ან რამდენ ხანს დაარწმუნებთ თავს ამაში? ქალწულებს სიყვარულის სფეროში ანგარების გამო სამყარო, როგორც წესი, მკაცრად სჯის - გაითვალისწინეთ.

კარიერა და ფინანსები

2020 წელს სახარბიელო მატერიალური მდგომარეობა გექნებათ: ერთდროულად რამდენიმე დამატებითი შემოსავლის წყარო გაგიჩნდებათ. მთავარია, უარი არ თქვათ წინადადებებზე და კარგად გათვალოთ მოქმედებები.

იანვარში თამამად ჩადეთ ფული საკუთარი საქმის განვითარებაში, გაეცით სესხი, სპონსორობა გაუწიეთ პროექტებს. ამ თვეში პლანეტების განლაგება ფულის უკან მალე დაბრუნებას უწყობს ხელს. მარტში, ივლისსა და ნოემბერში კი სანამ საკუთარ სახსრებს რამე საქმეში გამოიყენებთ, ასჯერ დაფიქრდით - პლანეტების განლაგება ამ პერიოდებში არახელსაყრელია გარიგებებისა და ბიზნეს-იდეების რეალიზებისთვის.

გაზაფხულის დასაწყისში, შესაძლოა, ფინანსური დახმარება დაგჭირდეთ, რაშიც ნათესავები ან ახლობლები დაგეხმარებიან. ისინი განსაკუთრებით გულუხვი იქნებიან მარტის მეორე ნახევარში.

საინტერესო წინადადება შეიძლება მიიღოთ იმ დროს, როდესაც სახლიდან შორს იქნებით. კარგად დაფიქრდით - შესაძლოა, მიღებულ წინადადებაზე დათანხმებით, შემოსავლების გარდა, საკუთარი პოტენციალის გახსნისა და ახალ პროფესიულ საფეხურზე გადასვლის შანსი მიიღოთ. ამისთვის საუკეთესო დროა აპრილის ბოლო.

ზოდიაქოს ნიშნები, რომლებსაც ვერ მოატყუებ>>

ზაფხულში დიდ შენაძენთან, განათლებასთან ან ქორწილთან დაკავშირებით ხარჯები გელოდებათ. ეცადეთ, ეს ხარჯები ივნისის ბოლომდე მოასწროთ.

შემოდგომაზე ბევრი სამუშაო გელოდებათ, მაგრამ თქვენი ძალისხმევა დაფასდება შემოსავლებისა და ხელმძღვანელობის მხრიდან ყურადღების თვალსაზრისით. შესაძლოა, დაწინაურებაც შემოგთავაზონ. ეცადეთ, თანამდებობა ნოემბრის პირველ და მეორე დეკადაში არ შეიცვალოთ.

არ გაგიტაცოთ აზარტულმა თამაშებმა და ლატარიამ ნოემბრის პირველ დეკადაში, რადგან დიდი თანხის დაკარგვის საფრთხეა. ფრთხილად იყავით და არ გაებათ თაღლითების ავანტიურაში. დაიმახსოვრეთ, რომ ამ წელს მატერიალურ კეთილდღეობას თავდაუზოგავი შრომა მოგიტანთ და არა იღბალზე გათვლილი სარისკო თამაში.

ჯანმრთელობა

შეავსეთ ორგანიზმი ენერგეტიკულად, მიიღეთ სასარგებლო ნივთიერებებით, ვიტამინებითა და მინერალებით სავსე საკვები, რომლებიც ორგანიზმს დაავადებებისგან იცავს.

პირველ დეკადაში დაბადებულები (24.08 - 2.09) - დილა ვარჯიშით დაიწყეთ და ეს მთელი დღე ენერგიითა და პოზიტივით აგავსებთ. საღამოს დაღლილობას კონტრასტული შხაპი მოგიხსნით. თქვენთვის აუცილებელია სრულფასოვანი ძილი.

მეორე დეკადაში დაბადებულები (3.09 - 12.09) - შეადგინეთ ჯანსაღი რაციონი - თქვენთვის ეს აუცილებელია. ბევრი არ ჭამოთ. უარი თქვით კარტოფილსა და ცომეულზე, შეამცირეთ შაქრისა და მარილის მიღება. იკვებეთ დღეში 5-6-ჯერ, მაგრამ მიირთვით მცირე ულუფები. მიიღეთ სეზონური ხილი.

მესამე დეკადაში დაბადებულები (13.09 - 23.09) - თვითმკურნალობას და განსაკუთრებით, ინტერნეტში მოძიებული მასალებით თავი დაანებეთ. შეიმოწმეთ კუჭი და ღვიძლი. თუ ცუდად გახდებით, სპეციალისტებს მიმართეთ. სწორი მკურნალობა, რეჟიმი, დიეტური კვება ორგანიზმში ყველა პროცედურას დაალაგებს.

მიწის სტიქია: ზოდიაქოს სამი ნიშანი>>

2020 წლის ჰოროსკოპი დაბადების წლის მიხედვით:

ქალწული-ვირთხა

მოვლენებით სავსე პერიოდი გელოდებათ. მოგიწევთ პროფესიულ საქმიანობას, პირად ცხოვრებასა და საოჯახო ზრუნვის საკითხებს შორის გახლეჩა. ძალების ეფექტური და გონივრული გამოყენების მიზნით მოქმედებების მკაფიო გეგმა შეადგინეთ. ეს დაგეხმარებათ, რომ თავიდან აირიდოთ სტრესი და ჩამოყალიბებული ვითარებიდან მაქსიმალური სარგებელი მიიღოთ. თუ მიგაჩნიათ, რომ სამუშაო არ გაკმაყოფილებთ და უფრო მეტის მიღწევა გსურთ, 2020 წელი სამსახურის გამოცვლისთვის შესაფერისი დროა.

ტიბეტური ჰოროსკოპი
© photo: Sputnik
ტიბეტური ჰოროსკოპი

ქალწული-ხარი

არაერთმნიშვნელოვანი წელი იქნება. რთულია იმის თქმა, თუ როგორ განვითარდება ის. იქნება სიხარულიცა და მღელვარებაც, მიღწევებიცა და იმედგაცრუებებიც. რთული საკითხი დადგება საქმეებში „უძრაობის" გამო, გაგიჭირდებათ მათი ლოგიკურ დასასრულამდე მიყვანა. მთავარია, არ დაიბნეთ და ხელი არ ჩაიქნიოთ. წლის მეორე ნახევარში, შესაძლოა, საყვარელ ადამიანთან ურთიერთობები გაგიფუჭდეთ. ნუ მისცემთ დიდ მნიშვნელობას უთანხმოებებს და საკუთარი პრეტენზიები ტაქტიანად გამოთქვით.

ქალწული-ვეფხვი

წლის პირველ ნახევარში რამე კარდინალურ ცვლილებებს მოერიდეთ. ოცნებების ცხოვრებაში განხორციელების მცდელობისას სხვადასხვა ბარიერთან შეჯახებით რისკავთ. დარტყმის ქვეშ შეიძლება აღმოჩნდეს პირადი, ოჯახური ცხოვრება და პარტნიორული ურთიერთობები. მაგრამ ეს მხოლოდ იმ წყვილებს ემუქრება, ვინც არ არის მიჩვეული პრობლემების განხილვას ერთმანეთში. წლის მეორე ნახევარი ბევრად უფრო ხელსაყრელი პერიოდი იქნება.

ქალწული-კატა (კურდღელი)

არცთუ მარტივი წელი გელოდებათ. ძნელი სათქმელია, კარგი მოვლენები უფრო ხშირად იქნება, თუ ცუდი. მაგრამ ნებისმიერ შემთხვევაში ფრთხილი და წინდახედული უნდა იყოთ. ყველანაირი ძალისხმევა უნდა გამოიჩინოთ, რომ სერიოზული შეცდომები არ დაუშვათ. რა თქმა უნდა, ეს მდგომარეობა გადაგღლით, მაგრამ ამას უნდა შეხედოთ, როგორც ცხოვრებისეულ გამოცდას, რომელიც შეუდარებელ გამოცდილებას მოგცემთ. ასევე ყურადღება გმართებთ ახალი ნაცნობების მიმართ, რათა სადმე მახე არ დაგიგონ.

ზოდიაქოს ყველაზე გულწრფელი ნიშნები>>

ქალწული-დრაკონი

საკმაოდ წარმატებული დღეა. ბევრი რამ იქნება დამოკიდებული თავად თქვენზე, რადგან მოვლენების უმრავლესობაზე უშუალო გავლენის მოხდენას შეძლებთ. თქვენი ინტელექტუალური უნარები საშუალოზე მაღალ დონეზე იქნება და ეს წარმატებებს მოიტანს სამუშაოსა თუ სწავლაში. წარმატებული პერიოდი იქნება სასიყვარულო და პარტნიორული ურთიერთობების თვალსაზრისით. ვირაც შეძლებს საყვარელი ადამიანის პოვნას, ოჯახის შექმნას, ვიღაც მოინდომებს შვილის გაჩენას. ისარგებლეთ ამ კარგი პერიოდით.

ქალწული-გველი

ლითონის ვირთხის წელი მრავალფეროვნებას გპირდებათ. ბევრი თქვენგანი შეძლებს მუდმივად ცვალებად გარემოებებთან შეგუებას და ცხოვრებისეულ ლაბირინთებში ლავირებას. ხელსაყრელი წელია პროფესიული სფეროში საქმიანობის გაფართოებისა და გამოცდილების რეალიზებისთვის. დიდი ალბათობით, გზაზე რამე სერიოზული დაბრკოლებები არ უნდა გაჩნდეს. თქვენი ნება იქნება, ყველაფერს საკუთარ ადგილზე დატოვებთ, თუ გამოიყენებთ შანსს და ახალ საქმეს შეუდგებით.

ქალწული-ცხენი

2020 წელს საჭირო იქნება სწრაფი აზროვნება და ოპერატიულობა გადაწყვეტილებების მიღებაში. წინ უნდა გაიხედოთ და არა წარსულისკენ. თუ რამეს დაიწყებთ, საქმე ლოგიკურ დასასრულამდე მიიყვანეთ და არავითარ შემთხვევაში არ მიატოვოთ ის შუა გზაში. საქმიანი ურთიერთობების თვალსაზრისით განსაკუთრებით პერსპექტიული იქნება წლის მეორე ნახევარი. ამიტომ ყველაზე მნიშვნელოვანი საქმეები, შეხვედრები, მოლაპარაკებები, კონტრაქტებზე ხელმოწერა და სხვა, სჯობს, ამ პერიოდისთვის დაგეგმოთ. საყვარელ ადამიანთან ურთიერთობებში ჰარმონია დაისადგურებს.

საუკეთესო წყვილები ზოდიაქოს ნიშნის მიხედვით>>

ქალწული-თხა (ცხვარი)

წინ დიდი ცვლილებები გელოდებათ, რომლებიც, შესაძლოა, ცხოვრების სხვადასხვა სფეროს შეეხოს. პროფესიული საქმიანობა, უმეტეს შემთხვევებში, კმაყოფილებას მოგიტანთ. თამამად იქონიეთ ახლობლების დახმარების იმედი. დაისახეთ რეალური მიზანი, რომლის გადაჭრაც მთელ სასიცოცხლო ენერგიას არ წაგართმევთ. თუ წაიქცევით, კვლავ ფეხზე წამოდექით და წინ განაგრძეთ სვლა. ამ შემთხვევაში იღბალი არავითარ შემთხვევაში არ მიგატოვებთ.

ქალწული-მაიმუნი

2020 წელს გაიზრდება თქვენი მიზანსწრაფულობა, ფიზიკური ძალა და აქტიურობა. ამ პერიოდმა რომ იღბლიანად ჩაიაროს, მკაფიოდ ჩამოყალიბებული ამოცანები უნდა დაისახოთ და წვრილმანებს არ მიაქციოთ ყურადღება. ეცადეთ, სხვის რჩევებს არ მოუსმინოთ და საკუთარი გონებით იცხოვროთ. ცვლილებები პირად ცხოვრებაში, შესაძლოა, არ იყოს გლობალური ხასიათის, მაგრამ აშკარად პოზიტიური იქნება. თავისუფალი ქალწული მაიმუნები, თუ მიზანს დაისახავთ, აუცილებლად გაიცნობთ ღირსეულ ადამიანს.

ქალწული-მამალი

წარმატებული წელი გელით. დადგა დრო, რომ წინ მიმავალი მიზნები დაისახოთ, შეიმუშაოთ მოქმედებების კონკრეტული სტრატეგია. თქვენი გათვლები გამართლდება და მიზნებს დროულად მიაღწევთ, რაშიც ლომის წვლილს კეთილი ნაცნობები შეიტანენ. წარმატებებში ენთუზიაზმი და შემოქმედებითი განწყობა დაგეხმარებათ. იფრთხილეთ იმ ადამიანებთან, ვინ ფულის სესხებას გთხოვთ. ეცადეთ, დიდი თანხა არ ასესხოთ სანდო ადამიანებსაც კი.

ქალწული-ძაღლი

წელიწადი ახალ სურვილებსა და გეგმებს მოგიტანთ. თქვენ წინაშე არანაირი გაურკვეველი დაბრკოლება არ შეიქმნება, შეძლებთ ნებისმიერ ამოცანასთან გამკლავებას. მაგრამ მზად იყავით იმისთვის, რომ საკუთარ თავზე მუშაობა მოგიწევთ. შეაფასეთ თქვენი ყველა პლუსი და მინუსი, შესაძლებლობები, ძალები, უნარები. თქვენი წარმატების საიდუმლო გარშემომყოფებთან თბილ და მეგობრულ ურთიერთობებშია. გაიცნობთ უამრავ ადამიანს, მაგრამ ამასობაში არ დაივიწყოთ თქვენი ოჯახის წევრები და საყვარელი ადამიანები. მათ, შესაძლოა, თქვენი ყურადღება და მზრუნველობა მოაკლდეთ.

ქალწული-ღორი (ტახი)

ხელსაყრელი წელი იქნება პროფესიული საქმიანობის გაფართოებისა და გამოცდილების რეალიზებისთვის. წარმატებისკენ მიმავალი რთული გზა საინტერესო თამაშად მოგეჩვენებათ, რომელიც მხოლოდ კმაყოფილებას მოგანიჭებთ. მოგეცემათ კარიერულ კიბეზე დაწინაურების შანსი. სასიამოვნო ურთიერთობები გექნებათ როგორც ძველ, ისე ახალ ნაცნობებთან. შესაძლოა, ადამიანი, რომელიც გჭირდებათ, თქვენთან ახლოსაა. დაოჯახებულებს არანაირი „შავი დღეები" არ გელოდებათ - ურთიერთობებში ჰარმონია დაისადგურებს.

13306
ფრანგ მოსწავლეებთან ერთად

მუსიკის მასწავლებელი, რომელიც ფრანგებს ქართულად ამღერებს, და კარნავალის „ოქროს ნიღაბი“

27
(განახლებულია 21:33 21.10.2020)
რუბრიკაში „ქართველები უცხოეთში“ დღეს საფრანგეთში მცხოვრებ შემოქმედსა და საოცრად საინტერესო პიროვნებას გიული ერგემლიძეს გაგაცნობთ.

უკვე 25 წელია, რაც საფრანგეთში, ნორმანდიაში ცხოვრობს და ძირითადი საქმიანობის გარდა აქტიურ შემოქმედებით ცხოვრებასაც ეწევა.

გარდა იმისა, რომ ქალბატონი გიული ფრანგ ბავშვებს ქართულ სიმღერებს ასწავლის, ადგილობრივ ღონისძიებებსა და სხვადასხვა კონცერტებზეც ხშირად გამოდის, მღერის ფრანგულ გუნდში "ბორბოლეტა", თამაშობს მოყვარულთა თეატრის სპექტაკლებში, ერთ-ერთ ფრანგულ კარნავალზე მის მიერ შეკერილმა ქართულმა სამოსმა გაიმარჯვა და ჯილდო გადაეცა. გარდა ამისა, ის მსოფლიოს სხვადასხვა ქვეყანაში მცხოვრებ ქართველებს სიხარულს ანიჭებს – მათ ლექსებს სიმღერებად აქცევს და დღემდე ასე სიმღერა 60-ზე მეტ ლექსზე დაწერა.

გიული ერგემლიძე გაკვეთილზე
გიული ერგემლიძე გაკვეთილზე

- ქალბატონო გიული, დღეს საფრანგეთში იმ მცირე ქართველ ემიგრანტთა შორის ხართ, ვინც ფრანგი პუბლიკის წინაშე ქართულად მღერის, იფიქრებდით ამაზე საქართველოში?

- ალბათ ვერც ვიოცნებებდი... ისე, რაც თავი მახსოვს, დედა კარგად მღეროდა, მშობლები ადრე დაოჯახდნენ. დედამ ოჯახზე მზრუნველობა არჩია, მაგრამ მუსიკას მაინც ვერ შეელია და სახლში სულ სიმღერ-სიმღერით აკეთებდა ყველაფერს. ბავშვობიდან ყურში ჩამესმოდა მისი ნამღერი ლამაზი მელოდიები. ამბობენ, რომ გაუჩერებლად, როგორც პატარა ბავშვს შეეფერება, ჩემებურად ვყვებოდი მას და "ვჭყლოპინებდი”. მერე ბაღიდან მოყოლებული სკოლაშიც გაუჩერებლად ვმღეროდი. დღემდე მადლობელი ვარ ჩემი პედაგოგების, რადგან მეუბნებოდნენ, ნიჭიერი ხარო. მე ვიცოდი, რომ მარტო ნიჭით ვერაფერს მიაღწევ, თუ არ იშრომებ კიდეც. ამიტომ ვაღიარებ, რომ სიზარმაცის გამო ვერ მივაღწიე იმას, რისი გაკეთებაც მინდოდა. სხვათა შორის, იყო დრო, მინდოდა კარგი ქირურგი გამოვსულიყავი და ხალხი გადამერჩინა, მაგრამ საბოლოოდ მუსიკის სიყვარულმა სძლია და მუსიკალური სასწავლებელი დავამთავრე ვიოლინოს განხრით. ასე გავხდი მუსიკის მასწავლებელი. ბედნიერი ვარ, რომ ბევრ მოსწავლეს გავუღვივე მუსიკისადმი სიყვარული, რის გამოც ბავშვებიც და მშობლებიც მემადლიერებიან.

გიული ერგემლიძე მუსიკის გაკვეთილზე
გიული ერგემლიძე მუსიკის გაკვეთილზე

- ამის მერე დაიწყო თქვენი ცხოვრების ფრანგული პერიოდი, მასაც მუსიკა „გასდევს ფონად“?

- დიახ, ასეა და ეს პერიოდი უკვე 25 წელია გრძელდება. აქ ვცხოვრობ, ნორმანდიის მიწაზე, ჩვენ ქალაქს ფრანგულად ჰქვია ქონ (Caen). ქართველები მას კაენს ვეძახით. თავიდანვე ძალიან დამეხმარა დედა, რომლის გარეშე ვერაფერს მივაღწევდი. ადრე მოხუცებულთა სახლებში ვატარებდი კონცერტებს მასთან ერთად და უმწეო ხალხს სიხარულს ვჩუქნიდი. ჩემმა შვილებმა აქ ჩამოსვლისთანავე მირჩიეს, ფრანგული ენა სასწრაფოდ მესწავლა. როცა ენის სასწავლებლად მოვხვდი სკოლაში, პირველივე გაკვეთილზე ყურადღება მომაქცია ფრანგულის მასწავლებელმა მარტინ ბონფუამ (Martine Bonfoiy), რომელმაც დიდი დახმარება გამიწია. გამიმართლა იმაშიც, რომ საფრანგეთის ამ ლამაზ ქალაქში კეთილი ადამიანების გარემოცვაში აღმოვჩნდი.

უცხოელ მოსწავლეებთან ერთად
უცხოელ მოსწავლეებთან ერთად

- როგორია თქვენი თვალით დანახული ფრანგული ცხოვრების შუქ-ჩრდილები?

- საფრანგეთი ძალიან ჰუმანური ქვეყანაა თავისი უდიდესი კულტურითა და ტრადიციებით, ისინი ყველას მოწიწებით და პატივისცემით ექცევიან. თუმცა არის მედლის მეორე მხარეც: აქ დიდი ბიუროკრატიაა და ყოველდღიურ საქმეებზე სირბილი ხშირად გიწევს. ხშირად ვეხმარები ქართველ ქალბატონებს, რომლებმაც ენა არ იციან, დავყვები მათ, ვინც ოპერაციისთვის არის ჩამოსული და ექიმებთან თარჯიმნობას ვუწევ. სხვა მხრივ კი აწყობილია ყველაფერი. გულსატკენია, რომ აქ ცხოვრების პირობები უკეთესია, ვიდრე ჩემს ქვეყანაში, მაგრამ თვალი და გული მაინც გაგირბის იქით, შენი რომ ჰქვია. აქ მაინც სტუმარი ხარ და ადრე თუ გვიან სახლში უნდა წახვიდე. ასე გადის დრო, მაგრამ თუ სიყვარულით ცხოვრობ, ლამაზად და ხალისით გაგყავს დღეები, ეს გეხმარება, რომ მონატრებას გაუძლო.

მეგობრებთან ერთად
მეგობრებთან ერთად

- როგორც ვიცი, თქვენ ამას ახერხებთ კიდეც და ბევრი ქართველი ემიგრანტი გაახარეთ მათი ლექსების ამღერებით...

- ფრანგები საოცარი ხალხია, უზომოდ კულტურული, თბილი და უშუალო ხალხია. თუ რამე მონდომება შეგამჩნიეს, გამხნევებენ და გახალისებენ. სწორედ მათი წახალისებით მოხდა ის, რომ შევძელი ჩემი პატარა წვლილი შემეტანა საფრანგეთში მყოფი ნიჭიერი ქართველი ქალბატონების წარმოჩენის საქმეში. დღემდე უკვე 60-ზე მეტ ლექსზე დაიწერა სიმღერა. ეს ზღვაში წვეთიც არ არის, რასაც ეს ნიჭიერი ქალბატონები აკეთებენ. თან არ დაგავიწყდეთ, საკუთარი თავის და ოჯახის გადასარჩენად რამდენს შრომობენ. ბოლოს იტალიაში მცხოვრები არაჩვეულებრივი პოეტი ქალის ფატი ბოკელავაძის ლექსი ავამღერე. ადრე თელაველი პოეტის ზინა სოლომნიშვილის ლექსზე დავწერე სიმღერა, ასევე მარი იმერის ლექსზეც, ისე, რომ არც ვიცნობდი ვინ იყო. ჩემი დაწერილი სიმღერებით ბავშვობის მეგობარი და ნიჭიერი მომღერალი თამარ ბოჭორიშვილი ხშირად გამოდის პუბლიკის წინაშე. პოეტი ბელა ალასანია სწორედ მან გამაცნო.

გიული ერგემლიძე გაკვეთილზე
გიული ერგემლიძე გაკვეთილზე

- თავად თუ გიწევთ ფრანგული პუბლიკის წინაშე გამოსვლა?

- ჩემი ფრანგულის ენის მასწავლებელთან ერთად ქალაქის მუსიკალურ პროგრამაში ხშირად ვიყავი ჩასმული. კონცერტებსა და ღონისძიებებზე გამოვდიოდი. ადგილობრივი მოყვარულთა ორკესტრის პირველი ვიოლინოც ვიყავი. ასევე მოყვარულთა თეატრის სპექტაკლებში ვთამაშობდი. ქალაქი Caen რაიონებადაა დაყოფილი და ჩემს რაიონს ჰქვია Chemin-Verz, სადაც კულტურის ცენტრია. ამ ცენტრში იყო მოყვარულთა თეატრი, სადაც პატარ-პატარა სპექტაკლებს დგამდნენ. ჩვენი რეჟისორი, მადმუაზელ ვალერი (Balerie) ყოველთვის კმაყოფილებას გამოთქვამდა ჩემ მიერ შესრულებული როლებით. ეს სპექტაკლები ტარდებოდა ჩვენი რაიონის თეატრში. განსაკუთრებული მონდომებით შობის დღესასწაულისთვის გვამზადებდნენ. დროდადრო პარიზიდან ჩამოდიოდნენ მსახიობთა მცირე დასები, რომლებიც სპექტაკლებს ატარებდნენ. ამ დროს რეჟისორი გვიტარებდა გამოცდას, ვინც უკეთ შეასრულებდა თავის ეპიზოდურ როლს, მას მიეცეოდა საშუალება, რომ პროფესიონალ მსახიობებთან ერთად სპექტაკლში მიეღო მონაწილეობა. შემდეგ მათთან ერთად რეპეტიციებს გავდიოდით. ასევე ვმღერი ჩემს ქალაქში არსებულ ფრანგულ გუნდში, სახელად "ბორბოლეტა“. ვუკრავდი სიმებიან ორკესტრშიც.

- ფრანგული ცხოვრებიდან რომელი წარმატების ამბავს გაიხსენებთ?

- ერთ-ერთ კარნავალზე, რომელიც 2004 წელს ჩატარდა, მეც გამოვედი. უფრო სწორედ, მაშინ ცხოვრებაში პირველად ქართული ტრადიციული კაბა შევკერე. ძალიან გამიხარდა, როცა გავიგე, რომ გავიმარჯვე, პირველი ადგილი დავიკავე და „ოქროს ნიღაბი“ გადმომეცა. სასიხარულო იყო, რომ კარნავალზე წარმოდგენილი ყველა ქვეყნის ნაციონალური ტანსაცმლიდან სწორედ ჩემ მიერ შეკერილმა ქართულმა ეროვნულმა კაბამ გაიმარჯვა.

- რომელ ქართულ სიმღერებს უმღერით ფრანგებს?

- აქ, კაენში არსებობდა მუსიკალური საზოგადოება Les Iren. იმ პერიოდში მის პრეზიდენტად ქართველი მხატვარი ირინა ჯიბლაძე დანიშნეს. იქ ყოველწლიური პროგრამა მზადდებოდა, რომელშიც სხვადასხვა კონცერტები იყო შეტანილი. ასეთ ღონისძებებში შვიდი წლის განმავლობაში ჩემს მასწავლებელთან ერთად ვიღებდი მონაწილეობას. ხშირად გამოვდიოდი ქართული სიმღერით „ციცინათელა“. ასეც მომხდარა, რომ სამი სიმღერის მაგივრად, რასაც პროგრამა ითვალისწინებდა, თორმეტი სიმღერაც კი მიმღერია. დარბაზს ძალიან მოსწონდა ქართული მელოდიები. როცა სიმღერას დავასრულებდი, ფრანგულად იძახდნენ – "ონკოღ!" – ანუ ბისს, ისევ იმღერეო, მთხოვდნენ.

- გავიგე, რომ მხატვრული კითხვის კონკურსებშიც ხშირად იღებდით მონაწილეობას, რომელი ავტორის ნაწარმოებს კითხულობდით?

- როგორც გითხარით, რაც თავი მახსოვს, სულ ვმღერი. მოგვიანებით ვწერდი ლექსებს და მათ მელოდიების ფონზე ვკითხულობდი, მაგრამ მხოლოდ ჩემთვის ვხალისობდი. ასევე გაგრძელდა საფრანგეთშიც, სადაც რომელიმე გამოსვლის წინ ჩემს ლექსებს ვთარგმნიდი ფრანგულად და ჩემივე მელოდიის თანხლებით ვკითხულობდი, ყველას მოსწონდა.

- ფრანგ ბავშვებს ქართულად სიმღერას ასწავლით?

- 18 წელია, რაც ვამეცადინებ ფრანგ და სხვადასხვა ეროვნების ბავშვებს, ვისაც სურვილი აქვს დაუკრას და იმღეროს. ამას დიდი სიყვარულით ვაკეთებ. ამ პატარებმა ქართული არც იციან. ფრანგ ბავშვებს პირველად ვასწავლი ადვილად დასამახსოვრებელ ქართულ სიმღერებს, შემდეგ კი „ჩემო ციცინათელას", „სულიკოს“, „სანთელივით დავდნების“, გოგი ცაბაძის „თბილისოს“ და სხვ. სამყაროში ბევრია ისეთი ადამიანი, ვისაც სიყვარული არ შეუძლია და მათგან განსხვავებით, ვფიქრობ, მე ვსუნთქავ სიყვარულით. ამის გამოხატულებაა ის, რასაც ვაკეთებ და ამ კუთხით გული მშვიდად მქვს.

- თუ გწყდებათ გული რამეზე?

- სამწუხაროდ, ვერ შევძელი ისეთი ცნობილი პიროვნება გავმხდარიყავი, რომ ჩემით ეამაყათ მეგობრებს, ახლობლებს და საქართველოს, მაგრამ იმას მაინც ვახერხებ, რომ აქ, უცხო ქვეყანას ქართულ სიმღერებს და ნიჭიერ ქართველებს ვაცნობ, ამაზე დიდი ბედნიერება რა უნდა იყოს. ქართველები ყველგან ვართ და ღმერთმა გვამრავლოს. სადაც ვიკრიბებით, ყველაგან პატარა საქართველოა...

27
კორონავირუსის პანდემია

როგორ ვუმკურნალოთ კორონავირუსს სახლის პირობებში ექიმის რეკომენდაციები

64
(განახლებულია 18:26 21.10.2020)
ბოლო რამდენიმე დღეა, კორონავირუსით ინფიცირებულთა რაოდენობა საქართველოში ათასს აჭარბებს. ქართველი ექიმები იმ მოქალაქეებს, ვისაც კორონავირუსის დადასტურებული დიაგნოზი აქვს, თუმცა სიმპტომები მსუბუქად მიმდინარეობს, სახლში, თვითიზოლაციის პირობებში მკურნალობას ურჩევენ.

ანესთეზიოლოგ-რეანიმატოლოგი არჩილ მარშანია დიდი ბრიტანეთის ჯანდაცვის ეროვნული სამსახურისა და საქართველოში COVID-19-ის ამბოლატორიული მართვის სახელმწიფო პროტოკოლზე დაყრდნობით გთავაზობთ რჩევებს, რომლებიც შინ მკურნალობის ან კორონავირუსის სიმპტომების აღმოჩენისას დაგეხმარებათ:

თვითიზოლაციის წესები თუ მარტო არ ცხოვრობთ

გაფრთხილებთ, პირველ რიგში დაუკავშირდით ცხელ ხაზს, ოჯახის ექიმს ან 112-ს, რომ მიიღოთ ოფიციალური ინსტრუქცია. ასევე გაარკვიეთ, შესაძლებელია თუ არა, რომ გადახვიდეთ კლინიკაში ან ე.წ. კოვიდ–სასტუმროში.

წესები შესაძლოა იცვლებოდეს

უმორჩილესად გთხოვთ, მე ნუ მეჩხუბებით იმაზე, რომ არ ირეკება, ან ადგილები არ არის და პასუხს წესიერად არ გაძლევენ. შეგახსენებთ, რომ უბალოდ ექიმი ვარ და არანაირ თანამდებობაზე არ ვმუშაობ, მსგავს ამბებზე ჩემი პასუხისმგებლობა არის ნული.

ქვემოთ ჩამოთვლილი წესები შედგენილია საქართველოს დაავადების კონტროლის ცენტრის რეკომენდაციების და დიდი ბრიტანეთის ჯანდაცვის ეროვნული სამსახურის რეკომენდაციების მიხედვით.

ვის შეიძლება გამოადგეს ეს რეკომენდაციები

მას, ვისაც აღენიშნება კოვიდ-19-სთვის დამახასიათებელი სიმპტომები, ვინც ელოდება კოვიდ-19-ზე PCR–ტესტირების პასუხს, ვისაც ტესტირებით დაუდასტურდა კოვიდ-19 (სიმპტომური ან ასიმპტომური), ვისაც ჰქონდა კონტაქტი ადამიანთან, რომელსაც დაუდასტურდა კოვიდ-19.

მოთავსდით ცალკე იზოლირებულ ოთახში, სადაც არის კარგი ვენტილაცია და ფანჯარა, რომელიც იღება. დახურეთ კარი.

გამოიყენეთ ცალკე აბაზანა, თუ ეს შესაძლებელია. თუ ამის საშუალება არ არის, აუცილებელია რეგულარული გაწმენდა. თუ ცალკე სველი წერტილი არ არის ხელმისაწვდომი, ის რიგრიგობით უნდა იყოს გამოყენებული. ანუ თვითიზოლაციაში მყოფმა პირმა სველი წერტილი ბოლომ უნდა გამოიყენოს და შემდეგ ისევ კარგად გაიწმინდოს სადეზინფექციო ხსნარებით.

კვებისთვის გამოიყენეთ ცალკე ჭურჭელი, საკვები მიიღეთ იზოლირებულ ოთახში, ნუ გამოიყენებთ სამზარეულოს. ჭურჭელი უნდა გაირეცხოს კარგად, სარეცხი საშუალებით, თბილი წყლით და გამშრალდეს ცალკე პირსახოცის საშუალებით. შესაძლებელია ჭურჭლის სარეცხი მანქანის გამოყენებაც.

თვითიზოლაციაში მყოფი პირი უნდა იყენებდეს პირსახოცებს (ხელის, სხეულის), რომელსაც ოჯახის სხვა წევრები არ გამოიყენებენ. 

ხველის ან ცემინების დროს პირსა და ცხვირზე აიფარეთ ერთჯერადი ცხვირსახოცი.

თავი შეიკავეთ თქვენს შინაურ ცხოველებთან კონტაქტისგან.

ყველა ნარჩენი, რომელიც კონტაქტში იყო პირთან, გამოყენებული ცხვირსახოცების და პირბადეების ჩათვლით, უნდა მოთავსდეს პოლიეთილენის პარკში და ავსებისას თავი მოეკრას. ამის შემდეგ ეს პარკი მოათავსეთ მეორე პარკში და თავი შეუკარით. ასეთი ნარჩენების პარკში არ ჩაყაროთ საკვების ნარჩენები. ამის შემდეგ შეგიძლიათ ნარჩენების გადაყრა საერთო წესით.

დაიცავით ყველა ზოგადი რეკომენდაცია, დაიბანეთ ხელები, სადეზინფექციო ხსნარით გადაწმინდეთ მყარი ზედაპირები, გაანიავეთ ოთახი (არ გამოიყენოთ ვენტილატორი), იხმარეთ ნიღაბი.

ნუ მიიღებთ სტუმრებს

დააკვირდით სიმპტომებს, ტემპერატურა გაიზომეთ დღეში ორჯერ, აწარმოეთ დღიური და მოინიშნეთ სიმპტომები და ტემპერატურის მაჩვენებლები.

თუ თქვენი ჯანმრთელობის მდგომარეობა გაუარესდა

დაუყოვნებლივ მიმართეთ ექიმს, თუ თქვენი ჯანმრთელობის მდგომარეობა გაუარესდება. მსუბუქი სიმპტომების შემთხვევაში დარჩით იზოლაციაში 14 დღე (იქონიეთ კონტაქტი ექიმთან). თუ გქონდათ კონტაქტი ადამიანთან, ვისაც დაუდასტურდა კოვიდ-19, დარჩით თვითიზოლაციაში ბოლო კონტაქტიდან 12 დღე.

თუ თქვენ ოჯახის წევრს დაუდასტურდა კოვიდ-19, დარჩით თვითიზოლაციაში 14 დღე. დღეების ათვლა იწყება იმ დღიდან, როდესაც პაციენტს დაეწყო სიმპტომები. ასიმპტომური მიმდინარეობისას კი იმ დღიდან, როდესაც ტესტირებით დადასტურდა კოვიდ-19.

იზრუნეთ საკუთარ ფსიქოემოციურ მდგომარეობაზე: იკონტაქტეთ მეგობრებთან დისტანციურად, სოციალური ქსელებით, ტელეფონით. ფიზიკური აქტივობა არა მარტო ფიზიკური, არამედ ფსიქოლოგიური ჯანმრთელობისთვის არის მნიშვნელოვანი, ეცადეთ იყოთ აქტიურები ნორმის ფარგლებში, ნახეთ ონლაინ ვარჯიშები, იოგა და ა.შ.

დაგეგმეთ რის გაკეთება შეიძლება იზოლაციისას და ვინ მოგაწვდით საკვებს, მედიკამენტებს და ა.შ. განსაზღვრეთ 14 დავალება საკუთარი თავისთვის, რომელსაც დღეებზე გადაანაწილებთ. შფოთვების, თუ ნებისმიერი ფსიქოემოციური სტრესის მომატებისას დისტანციურად მიმართეთ სპეციალისტს.

იზოლაცია შეიძლება დასრულდეს, თუ სიმპტომების დაწყებიდან გასულია 10 დღე და თავს გრძნობთ კარგად, სიმპტომები „ალაგებულია“. ამის შესახებ მეტი დეტალები მიიღეთ ექიმისგან.

არ დაარღვიოთ თვითიზოლაციის წესები, ამით თქვენ დაიცავთ საკუთარ და სხვის ჯანმრთელობას. არ არსებობს არანაირი გარანტია, რომ ხართ დაცული რეინფექციისგან, ამიტომ თვითიზოლაციის დასრულების ან ინფექციის გადატანის შემდეგ დაიცავით ყველა ის ზოგადი რეკომენდაცია, რაც არის კოვიდ-19-ის პრევენციისთვის გამოცემული.

ჯანმრთელობას გისურვებთ!

 

64
თემები:
ჯანმრთელობა და სილამაზე
სპეცოპერაცია ზუგდიდში

სპეცოპერაცია ზუგდიდში: თითქმის ყველა მძევალი თავისუფალია - მედია

0
(განახლებულია 22:28 21.10.2020)
ტელეკომპოანია „იმედის“ ინფორმაციით, სავარაუდოდ, ბოროტმოქმედი დაკავებულია. რამდენიმე საათის განმავლობაში მას მძევლები ჰყავდა აყვანილი

 

თბილისი, 21 ოქტომბერი - Sputnik. სპეცოპერაცია ზუგდიდში: თითქმის ყველა მძევალი თავისუფალია, იუწყება „ტვ პირველი“. შსს-ს განცხადება ჯერ არ გაუკეთებია.

ავტომატით და ხელყუმბარით შეიარაღებულმა მამაკაცმა ოთხშაბათს ზუგდიდის ცენტრში „საქართველოს ბანკის“ ერთ-ერთი ფილიალის შენობაში მძევლები აიყვანა. დამნაშავე მოითხოვდა ნახევარმილიონ დოლარს და ვერტმფრენს ადგილის უსაფრთხო დატოვებისთვის.

„ტვ პირველი“ იუწყება, რომ მძევალმა შემთხვევის ადგილი პოლიციის მანქანით დატოვა, მასთან ერთად სამი მძევალი იმყოფება.

0
თემები:
ზუგდიდში შეიარაღებულმა პირმა 19 ადამიანი მძევლად აიყვანა