შემოდგომა

წინასაახალწლო ჰოროსკოპი: რა ელოდება ზოდიაქოს ნიშნებს 2019 წლის ბოლოს

13324
(განახლებულია 11:00 27.11.2019)
წლის ბოლოს ყველას უყვარს წლის შეჯამება, ყველაზე სასიამოვნოს გახსენება და ნეგატივის წარსულში დატოვება. ასტროლოგები საუბრობენ იმის შესახებ, რა მოვლენები ელოდება ზოდიაქოს ნიშნების წარმომადგენლებს წინასაახალწლოდ

წინასაახალწლო ჰოროსკოპი ზოდიაქოს თითოეული ნიშნისთვის განსხვავებულია, მაგრამ ყველას ერთი რამ აერთიანებს - ახალი წელი რომელი ცხოველის მფარველობით ჩაივლის. დანარჩენში კი მნიშვნელოვანია, რომ მივენდოთ არა მხოლოდ ვარსკვლავების გულმოწყალებას, არამედ საკუთარ ძალებს - ასეთ შემთხვევაში სამყარო ბედნიერი შემთხვევითობებით დაგვასაჩუქრებს.

ვერძი

ვერძებს წლის ბოლოს ვალების სასწრაფოდ გასტუმრების სურვილი გაუჩნდებათ. თანაც, საქმე მხოლოდ ფულს არ ეხება. უფრო დიდი სიამოვნებით დააბრუნებენ ისინი მოქმედებებისა და საქმეების „ვალებს". მნიშვნელოვანია, რომ დრო გამოყოთ საკუთარ ცხოვრებისეულ მიზნებზე, ასევე უნდა გაიხსენოთ, ვინ გიხსნათ რთული სიტუაციიდან 2019 წელს და ვის უნდა უპასუხოთ სიკეთეზე სიკეთით.

2020 წლის ჰოროსკოპი - ვერძი

კურო

კუროებს წინასაახალწლოდ საკუთარი ძალების რწმენა და ამტანობა იხსნის. თუ ნებისმიერ წვრილმანზე გაღიზიანდებით, ნერვები ზღვარზე გექნებათ. მნიშვნელოვანია, რომ მოვლენების დრამატიზირება არ მოახდინოთ, თავი ხელში აიყვანოთ და ამოცანები ეტაპობრივად გადაწყვიტოთ. ამ შემთხვევაში 2020 წელს სიხარულითა და „კუდების" გარეშე შეხვდებით.

2020 წლის ჰოროსკოპი - კურო

ტყუპი

ტყუპებს ბევრი ცვლილება ელოდება სასიყვარულო ფრონტზე. მაგრამ არის მედლის მეორე მხარეც - ჩვენ არა მხოლოდ ადამიანებს, არამედ ნივთებსაც ვეჩვევით. თამამად უნ და გააფართოვოთ ჰორიზონტები და აღმოაჩინოთ სიახლეები გვერდით, სცადოთ უჩვეულო ჰობი, თუნდაც სოციალურ ქსელში ბლოგერი გახდეთ. თამამად იარეთ წინ, სანამ ზურგის ქარი თქვენთვის უბერავს.

2020 წლის ჰოროსკოპი - ტყუპი

კირჩხიბი

საახალწლო დღესასწაულებს რომ გამოფიტული და გადაღლილი არ შეხვდეთ, ასტროლოგები გირჩევენ: ნუ დააწყობთ დიდ გეგმებს, ნუ შეადგენთ საქმეების უსაშველოდ გრძელ ნუსხას. მონიშნეთ სასურველი თემები. წაიკითხეთ თუნდაც ფსიქოლოგიური ლიტერატურა, ან უყურეთ საინტერესო ფილმებს - ეს ყველაფერი მოტივაციის შექმნაში დაგეხმარებათ.

2020 წლის ჰოროსკოპი – კირჩხიბი

ლომი

ლომები დეკემბრის ბოლოს იღბალს ხელში ჩაიგდებთ და ფინალურ აკორდს დასვამთ ისე, რომ 2020 წლის დასაწყისი კაშკაშა და დაუვიწყარი იქნება. აქედან გამომდინარე, სჯობს, წინასაახალწლოდ უმნიშვნელო და ბევრ საქმეზე არ „ჩაიციკლოთ", არამედ ორ-სამ ნამდვილად მნიშვნელოვან საქმეს მიხედოთ. პრიორიტეტების ასეთი განაწილება მეტად შთაგაგონებთ და იღბალს თქვენ მხარეს მოიზიდავს.

2020 წლის ჰოროსკოპი - ლომი

ქალწული

ქალწულებს წინასაახალწლოდ საქმეების აჩქარებულ ტემპში გაკეთება მოგიწევთ. შესაძლებელია მოულოდნელობები, მაგალითად, მოულოდნელი ზარი, ცვლილება - ნებისმიერი წინასაახალწლო ორომტრიალი. ამას მედგრად უნდა შეხვდეთ - არ ინერვიულოთ, არ იღელვოთ, არ გადაუხვიოთ არჩეული კურსიდან. სიმშვიდე დაგეხმარებათ, რომ ახალ წელს მშვიდად, გადაღლის გარეშე შეხვდეთ და ლამაზად დაასრულოთ დაწყებული პროექტები.

სასწორი

სასწორები საახალწლო შთაბეჭდილებებისთვის ადრევე უნდა მოემზადოთ: მოიფიქროთ შეხვედრების ადგილები, შეიძინოთ ან შეარჩიოთ სადღესასწაულო სამოსი, საჩუქრები მოუმზადოთ ახლობლებს. პროდუქტების ყიდვაც კი არ გადადოთ 31 დეკემბრისთვის. ახალი წელი აუჩქარებლად - ეს შესანიშნავი განწყობისა და ბედნიერი 2020 წლის გარანტია.

მორიელი

მორიელებს დეკემბერში ფინანსური წარმატებები გელოდებათ, შეგიძლიათ, დადოთ გარიგებები, იყიდოთ რამე ძვირადღირებული ნივთი. გასაკვირი არ იქნება, თუ დღესასწაულის წინ გადაიღალოთ და შვებულება მოგინდეთ სადმე სანატორიუმში და არა საახალწლო ფოიერვერკები და ხმაურიანი დღესასწაული. თქვენთვის რეკომენდებულია საკუთარ თავზე ზრუნვა. ერთი-ორი დღე უსაქმურობა ახალი წლის წინ - იდეალური ვარიანტია ძალების აღდგენისთვის.

მშვილდოსანი

მშვილდოსნების წინასაახალწლო ჰოროსკოპი პერსპექტივაში ძალზე მნიშვნელოვან და სასიამოვნო სიახლეებს შეიცავს: დეკემბერში, შესაძლოა, ძველ ურთიერთობებში გაუგებრობები დაამთავროთ. დროა, შეურიგდეთ ახლობლებს, უარი თქვათ ტოქსიკურ პიროვნებებზე, გაერკვიოთ მიმდინარე პრობლემებში და მომავალში ნაბიჯი თავდაჯერებულმა გადადგათ, მხარში ამოიყენოთ ახლო მეგობრები და საყვარელი ადამიანები. ისინი 2020 წელს თქვენი საყრდენი გახდებიან.

რა გველოდება 2020 წელს აღმოსავლური კალენდრის მიხედვით

თხის რქა

საქმიანი და რაციონალური თხის რქები 2019 წლის დეკემბერში სასიყვარულო ტკბობას, სულიერ განცდებსა და რომანტიკულ ოცნებებს მიეცემიან. შესაძლებელია წარსულთან სრულიად მოულოდნელი შეხვედრა, ან ნოსტალგია გარდასულ დღეებზე - იმაზე, რასაც ვეღარ დაიბრუნებთ. ყველაფერი წესრიგშია - ხანდახან ყველას სჭირდება მატერიალურიდან ცოტაოდენი გადახვევა და ოცნებებში წიაღსვლა, ახლობლებთან გულწრფელი და ემოციური ურთიერთობები.

მერწყული

მერწყულები არ უნდა ეცადოთ მიუღწევლის მიღწევას, საკუთარი თავისთვის პირობის მიცემას, რომ „ეს აუცილებლად მოხდება მერმისს"; ასევე, სხვადასხვა საქმეს არ უნდა შეეჭიდოთ ერთდროულად. მრავალი ამოცანის ერთდროულად შესრულება საერთოდ არ არის ადამიანის ბუნებისთვის ჩვეული. კომფორტული ტემპი და ყურადღება საკუთარი ბიორიტმის მიმართ - ეს მიგიყვანთ სწორედ გამარჯვებებთან ღიმილით 2020 წელს.

თევზები

ასტროლოგები გირჩევენ, ახალი წლის წინა დღეებში არ გაგიტაცოთ თვითანალიზმა, არ დაიწყოთ შედეგების შეჯამება. ვარსკვლავების პროგნოზით, მოსალოდნელია ცოტაოდენი აპათია, დაღლილობა. ეს გასაკვირიც არაა, რადგან 2019 წელი საკმაოდ მრავალფეროვანი და დატვირთული გქონდათ. ასე რომ, არ გაიფუჭოთ განწყობა შეცდომების ანალიზითა და სხვადასხვა უსიამოვნო მომენტის გახსენებით. იზრუნეთ ჯანმრთელობაზე, მიიღეთ უბრალო სიამოვნებები ცხოვრებისგან და 1 იანვარს სრულიად განახლებული და ძალებით სავსე შეხვდით.

13324
ექიმი და სმენადაქვეითებული პაციენტი

ამწვავებს ამინდის ცვალებადობა: ექიმმა დაასახელა დაავადებები

64
(განახლებულია 17:34 27.01.2021)
ირკვევა, რომ ამინდის ცვლილებაზე ფაქტობრივად ყველა ადამიანის ორგანიზმი რეაგირებს, თუმცა გარკვეული დაავადებების მქონეებს გართულებები ეწყებათ

თბილისი, 27 იანვარი — Sputnik. არსებობს გარკვეული დაავადებები, რომელთა არსებობის შემთხვევაში ადამიანებმა ამინდის ტემპერატურული ცვლილების დროს შესაძლოა თავი ცუდად იგრძნონ, აცხადებს თერაპევტი ლუდმილა ლაპა.

„რისკ-ჯგუფებია გულ-სისხლძარღვთა დაავადებების მქონე ადამიანები, ინფარქტ– და ასევე ინსულტ–გადატანილები, ბრონქული ასთმით, ქრონიკული ბრონქიტით, ტონზილიტით, რინიტით დაავადებულები. ყველა ეს დაავადება მწვავდება სწორედ მაშინ, როცა ამინდი იცვლება“, — თქვა ლაპამ.

მისი განმარტებით, ასეთი რამ — რეაქცია ამინდის ცვლილებაზე — ფაქტობრივად ყველა ადამიანში ხდება, თუმცა ჯანმრთელებში ეს პროცესი შეუმჩნევლად მიმდინარეობს, ხოლო ქრონიკული დაავადებების მქონე პაციენტებს სხვადასხვა გართულებები უვითარდებათ.

როგორც ლუდმილა ლაპა აცხადებს, დაავადებები ადამიანის სიხლძარღვთა სისტემის ტემპერატურის ცვალებადობაზე რეაქციის გამო მწვავდება. ასეთ დროს აუცილებელია, მიმართოთ ექიმს, რათა დანიშნულება მიიღოთ და გარკვეული თერაპიული კურსი ჩაიტაროთ. 

 

64
თემები:
ექიმი გირჩევთ
ტესტი სისხლში შაქრის შემცველობაზე

მეორე ტიპის დიაბეტის დამარცხება თავადაც შეგიძლიათ: ექიმები მარტივ გზას ასახელებენ

58
(განახლებულია 16:41 27.01.2021)
კვლევამ, რომელშიც ათასზე მეტი კაცი მონაწილოებდა, დაადგინა, რომ მეორე ტიპის დიაბეტით დაავადებულებს უკვე ექვსი თვის შემდეგ შეუძლიათ, მესამედით გაზარდონ რემისიის შანსი

თბილისი, 27 იანვარი — Sputnik. მეორე ტიპის დიაბეტით დაავადებული ადამიანები, რომლებიც თორმეტი კვირის განმავლობაში იცავენ დაბალნახშირწყლოვან დიეტას, თითქმის მესამედით ზრდიან რემისიის ალბათობას, წერს Diabetes.co.uk ტეხასის A&M უნივერსიტეტის კვლევაზე დაყრდნობით.

გავრცელებული ინფორმაციით, სამეცნიერო კვლევაში 1357-მა ადამიანმა მიიღო მონაწილეობა. მათ უმეტესობას, 47-დან 67 წლამდე ასაკში, ჭარბი წონა ან გაცხიმოვნება აწუხებდა. კვლევის მონაწილეებმა დაბალნახშირწყლოვანი დიეტა 12 კვირის განმავლობაში დაიცვეს. პაციენტებმა უარი თქვეს სახამებლის ნახშირწყლებზე, რომლებიც მაკარონსა და კარტოფილში შედის.

ექვსი თვისა და ერთი წლის თავზე სპეციალისტებმა მათი მდგომარეობა ხელახლა შეაფასეს და დაადგინეს, რომ სხვა დიეტების მიმდევრებთან შედარებით, მათ, ვინც დაბალნახშირწყლოვან დიეტას იცავს, ექვსი თვის შემდეგ დაავადების სიმპტომების შემსუბუქების ბევრად მეტი შანსი აქვთ.  

სამეცნიერო ექსპერიმენტის ავტორები აღნიშნავენ, რომ მომავალში კვლავ ჩაატარებენ არაერთ კველვას, რათა დიაბეტის რემისიაზე დაბალნახშირწყლოვანი დიეტის დადებითი გავლენაში საბოლოოდ დარწმუნდნენ.

დაბალნახშირწლოვანი დიეტის შვიდი დღის მენიუს ერთ-ერთი ვარიანტი ასე გამოიყურება:

პირველი დღე

საუზმე: ომლეტი ორი კვერცხითა და რძით, ჩაი უშაქროდ;

სადილი: საქონლის ან ხბოს ხორცის ნაჭერი, ჩაშუშული ბადრიჯანი ქინძით;

სამხარი: ჭიქა უცხიმო იოგურტი დანამატების გარეშე, სალათის ფოთოლი;

ვახშამი: მთელმარცვლოვანი ფქვილისგან მომზადებული სპაგეტი ოდნავ მოუხარშავი ქათმის მკერდით.

მეორე დღე

საუზმე: მწვანე ფანტია წიწიბურა ყველით;

სადილი: ორთქლზე მომზადებული თეთრი თევზი, კიტრის, ხახვის, ბულგარული წიწაკისა და პომიდვრის სალათი;

სამხარი: უცხიმო კეფირი, მუჭა არაქისი მარილისა და გლაზურის გარეშე;

ვახშამი: უცხიმო ხაჭო, ფორთოხალი.

მესამე დღე

საუზმე: ხაჭოს ორცხობილა, ყავა;

სადილი: ყავისფერი ბრინჯი ქათმის მკერდით;

სამხარი: ჭიქა უცხიმო იოგურტი დანამატების გარეშე;

ვახშამი: მოთუშული მწვანე ლობიო, მოხარშული კვერცხი.

მეოთხე დღე

საუზმე: წიწიბურა რძით, ჩაი;

სადილი: ქათმის ბულიონი მწვანილითა და ხორცის ნაჭრით;

სამხარი: მუჭა გარგრის ჩირი;

ვახშამი: ყველთან ერთად გამომცხვარი ბადრიჯანი.

მეხუთე დღე

საუზმე: ხაჭოს ორცხობილა, ყავა;

სადილი: ძროხის ბულიონი, გამომცხვარი ბროკოლი, საქონლის ხორცის ნაჭერი;

სამხარი: პომიდვრის წვენი, ყველის ნაჭერი;

ვახშამი: ფორთოხალი, პეკინური ლობიოსა და მწვანილის სალათი.

მეექვსე დღე

საუზმე: მწვანე წიწიბურა რძით;

სადილი: ქათმის ბულიონი მწვანილითა და ხორცის ნაჭრით;

სამხარი: გამომცხვარი ბადრიჯანი;

ვახშამი: ჩაშუშული კომბოსტო პომიდვრით.

მეშვიდე დღე

საუზმე: ომლეტი ორი კვერცხითა და რძით, ჩაი უშაქროდ;

სადილი: მოხარშული წითელი თევზი ან თევზის ბულიონი, კიტრისა და პომიდვრის სალათი;

სამხარი: გრეიფრუტი, 3 ცალი შავი ქლიავის ჩირი;

ვახშამი: უცხიმო კეფირი, ვაშლი.

58
სავაჭრო ცენტრი Galleria Tbilisi

რა შეზღუდვები შემსუბუქდება 1 თებერვლიდან არასასურსათო სავაჭრო სექტორში

0
სავაჭრო ობიექტებში შესაძლებელი იქნება საქონლის გადაცვლა, ამუშავდება გასახდელები, სავაჭრო სივრცის ერთ კვადრატულ მეტრზე მომხმარებელთა დაშვების შეზღუდვაც შერბილდება

თბილისი, 27 იანვარი - Sputnik. არასასურსათო სავაჭრო სექტორში შეზღუდვები ნაწილობრივ შემსუბუქდება, ნათქვამია საქართველოს ეკონომიკისა და მდგრადი განვითარების მიერ გავრცელებულ განცხადებაში.

დღეს მთავრობის ეკონომიკური გუნდის წევრები სავაჭრო ცენტრებისა და არასასურსათო მაღაზიების ხელმძღვანელებს შეხვდნენ. შეხვედრაზე საუბარი შეეხო იმ ღონისძიებებს, რომლებიც კერძო სექტორის აქტიური ჩართულობით შემუშავდა და ბიზნესის გახსნის ეტაპზე კოვიდუსაფრთხოების მაღალი სტანდარტი უზრუნველყოფას ისახავს მიზნად.

როგორც ცნობილი გახდა, 1 თებერვლიდან შესაძლებელი იქნება საქონლის გადაცვლა, რაც საახალწლო პერიოდში დაშვებული არ იყო, ასევე, დასაშვები გახდება გასახდელების ფუნქციონირება. გარკვეული შემსუბუქება გავრცელდება სავაჭრო სივრცის ერთ კვადრატულ მეტრზე მომხმარებელთა დაშვების მიმართულებითაც.

ეკონომიკის  მინისტრმა ნათია თურნავამ შეხვედრა კონსტრუქციულად და პოზიტიურად შეაფასა.

„ჯერჯერობით კვლავაც დარჩება შაბათ-კვირის შეზღუდვა და შემდეგ ყველა ერთად დავაკვირდებით ე.წ. დადებითობის მაჩვენებელს. ბიზნესს სურს, რომ ყველაფერი ერთბაშად გაიხსნას, მაგრამ ჩვენ ამის გაკეთების შესაძლებლობას მოკლებული ვართ - ეტაპობრიობა და ფრთხილი ნაბიჯები იმის გარანტიაა, რომ ერთი თვის თავზე ჩვენ ისევ არ მოგვიწევს რომელიმე სფეროს დაკეტვა - მაღაზიის, მოლის, ბაზრობის“, - განაცხადა მინისტრმა.

უწყების ცნობით, სხვა რეგულაციებთან ერთად ბიზნესს ექნება ვალდებულება, მართოს რიგები, აკონტროლოს მაღაზიაში მომხმარებელთა რაოდენობა, ასევე, იზრუნოს პერსონალის ტესტირებაზე.

„ყველა ტიპის სავაჭრო ობიექტი, 30-ზე მეტი თანამშრომლით, მათ შორის ბაზრობები, ვალდებული იქნებიან, უზრუნველყონ ორ კვირაში ერთხელ თანამშრომელთა არანაკლებ 20%-ის ტესტირება. ბიზნესს აქვს საშუალება, დარეგისტრირდეს სპეციალურ პორტალზე – www.labour.moh.gov.ge და ინტენსიური ტესტირების ფარგლებში, პირველ მარტამდე, სახელმწიფო დაფინანსებით, უფასოდ გატესტოს თანამშრომლები“, – ნათქვამია განცხადებაში.

უწყებათშორისი საკოორდინაციო საბჭოს გადაწყვეტილებით,  1 თებერვლიდან ქვეყნის მთელ ტერიტორიაზე მუშაობას განაახლებს ყველა მაღაზია და სავაჭრო ცენტრი.

0