გუგა მამფორია

როგორ მოხვდა ჩხოროწყუელი მოზარდი რძის მწარმოებელი ევროპული ბრენდის რეკლამაში

1835
(განახლებულია 15:42 18.11.2019)
ბიჭის ორიგინალური გარეგნობა, როგორც აღმოჩნდა, საქართველოშიც შეუმჩნევიათ და რეიტინგულ ტელესერიალ „ჩემი ცოლის დაქალებში“ გადაღებაც შეუთავაზებიათ.

ერთი ჩვეულებრივი ბიჭი, 11 წლის მოსწავლე გუგა მამფორია ცნობილი ბრიტანულ სარეკლამო რგოლში გადაღების შემდეგ გახდა. იგი დასავლეთ საქართველოში, ჩხოროწყუს რაიონში ცხოვრობს.

გუგა მამფორია
© photo: Sputnik / Nika Lataria
გუგა მამფორია

გუგა არაორდინარული გარეგნობით გამოირჩევა – წითურია, ჭორფლიანი და ლამაზი ცისფერი თვალები აქვს. სარეკლამო სინჯებზე გუგა შემთხვევით მოხვდა. ბიჭისთვის საბედისწერო შეხვედრა სარეკლამო სტუდიის წარმომადგენელთან, რაოდენ უცნაურადაც არ უნდა ჟღერდეს, შემთხვევით თბილისში შედგა, სადაც მამფორია დედასთან ერთად იყო ჩამოსული.

შეხვედრის დეტალებზე „Sputnik–საქართველოსთან“ გუგას დედამ ია ვეკუამ ისაუბრა:

© Sputnik / STRINGER
ჩხოროწყუელი გუგა მამფორია ევროპული კომპანიის სარეკლამო კლიპის გმირი გახდა

„წინასასკოლო პერიოდი იყო. თბილისში წავედით საყიდლებზე. გადავწვიტე ბავშვებისთვის მთაწმინდის პარკი მეჩვენებინა. იქვე, „თავისუფლების“ მეტროს გაჩერებასთან, როცა ტრანსპორტს ველოდებოდით, გოგომ მთხოვა, შენს შვილს ფოტოს გადავუღებო, მე დავთანხმდი. შემდეგ ფოტო სოციალურ ქსელში განუთავსებია და ბრიტანელი რეჟისორი დაინტერესებულა, თუმცა ჩვენი კოორდინატები და ტელეფონის ნომერი არ იცოდა...

ფოტოს ძალიან დიდი გამოხმაურება მოჰყვა. დაიწყეს გუგას ძებნა და ორი დღის მერე მოგვაგნეს. დაგვიბარეს კასტინგზე, სურათები გადაუღეს. ორი თვის მერე დაგვირეკეს კინოსტუდია „სარკიდან" და გვითხრეს, ინგლისური კომპანია არის დაინტერესებული გუგათიო. მითხრეს, 50 ქართველი ბავშვიდან შევარჩიეთო...

გუგა მამფორია მეგობართან ერთად
© photo: Sputnik / Nika Lataria
გუგა მამფორია მეგობართან ერთად

ჩვენ ჩხოროწყუდან ვართ, გუგა ჩხოროწყუს პირველი საჯარო სკოლის მე-7 კლასის მოსწავლეა და გადაღებებისთვის თბილისში ჩავდიოდით. თან იმ პერიოდში მარტვილში საფეხბურთო ტურნირი ტარდებოდა, გუგა კი მარტვილის საფეხბურთო აკადემიაში ირიცხება და ვფიქრობდით, რამდენად მოვახერხებდით კასტინგებზე სიარულს. შერჩევის მესამე ეტაპზე თვითონ ინგლისელები გაესაუბრნენ გუგას, მოეწონათ, თქვეს, სპეციფიკური ვიზუალი აქვსო და რეკლამაში გადაიღეს".

ადრე გუგას არასოდეს მიუღია მონაწილეობა მსგავს პროექტებში. თუმცა გუგას ორიგინალური გარეგნობა საქართველოშიც შეუმჩნევიათ. ბიჭი რეიტინგული ქართული ტელესერიალის „ჩემი ცოლის დაქალების“ სინჯებზე იყო მიწვეული. თუმცა მაშინ, ბიჭის მშობლების თქმით, მათ გადაღებაზე უარის თქმა მოუწიათ, ვინაიდან გუგა ლიტვაში ფეხბურთის ტურნირზე მიემგზავრებოდა.

გუგა მამფორია აქტიურადაა დაკავებული ფეხბურთით და მარტვილის ფეხბურთის აკადემიაში ჩაბარებას აპირებს. როგორც ჩანს, გუგას ვარსკვლავური კარიერა ელის, ვინაიდან მას უკვე შესთავაზეს უცხოურ ფილმში გადაღება.

 

ნიკა ლატარია

 

1835
იოდი

იოდის ბადე მარტივი, იაფი და ეფექტური

43
(განახლებულია 15:21 09.08.2020)
იოდის ბადე მრავალი დაავადების განკურნებაში გვეხმარება. მისი გაკეთება მარტივია, იაფიც გვიჯდება და თან - შედეგიც ეფექტურია. ამისთვის მხოლოდ იოდი და ბამბის ჩხირებია საჭირო.

იოდი ძირითადად გამოიყენება ჭრილობების, ნაკაწრების, ანთების, დაზიანებების, ორგანიზმში იოდის ნაკლებობის დროს.

რატომ მაინც და მაინც ბადე?

იოდის ბადე ბაქტერიებს ერთმანეთისგან აცალკევებს და ასეთ მდგომარეობაში ისინი უფრო სწრაფად იხოცებიან.

იოდი არა მარტო ხოცავს ბაქტერიებს, არამედ ის ჩვენი ორგანიზმისთვის აუცილებელ ელემენტს წარმოადგენს — თუნდაც მიკროსკოპული დოზით. ის პირდაპირ აგებს პასუხს ჩვენი ფარისებრი ჯირკვლის მუშაობაზე. იოდი საკმარისი რაოდენობით უნდა იყოს ორსული ქალის ორგანიზმში, რათა ბავშვი ნორმალურად განვითარდეს.

იოდის ბადე ორგანიზმში იოდის დონის იდენტიფიცირების საშუალებას იძლევა. ამისთვის ჩაატარეთ ცდა: გაიკეთეთ იოდის ბადე ფეხის შიდა მხარეს, შემდეგ დააკვირდით — თუ ორგანიზმმა ბადე 4 საათზე ნაკლებ დროში შეიწოვა, ეს ნიშნავს, რომ სერიოზული პრობლემა გაქვთ; თუ ამას ხუთი და მეტი საათი მოუნდა, ორგანიზმს იოდის უკმარისობა აქვს და მისი კომპენსირებაა საჭირო.

ნახეთქები ქუსლზე: მიზეზები და მოშორების ხერხები>>

იოდის მიღება საკვების მეშვეობით შეიძლება. მას შეიცავს ზღვის კომბოსტო, იოდირებული მარილი, თევზის ცხიმი და, ზოგადად, ზღვის პროდუქტები, ასევე კომბოსტო, ბანანი, ლიმონი, ყურძენი, ტკბილი წიწაკა.

თუ ბადე 24 საათი არ შეიწოვა, ე.ი. იოდის ნორმალური შემცველობა გაქვთ.

იოდის ბადე ასევე შველის ხველებას, მაგრამ იოდით მკურნალობა მაშინ შეიძლება, თუ სხეულის ტემპერატურა 38 გრადუსს არ აღემატება. ბადე პირდაპირ ყელზე ან მკერდზე გაიკეთეთ, თუმცა, უცბად არა — შეამოწმეთ, რომ კანზე რაიმე ალერგიული რეაქცია არ გაჩნდეს (დაელოდეთ დაახლოებით 10-15 წუთი).

იოდის ბადე ეხმარება სურდოსაც — ცხვირზე წვრილი ბადე გაიკეთეთ.

გაციებისას ასევე შველის ბადის გაკეთება ფეხის კანჭსა და ტერფზე. გაფრთხილდით — იოდმა შეიძლება კანი დაწვას.

დაზიანებისას იოდის ბადე მაშინვე არ უნდა გაიკეთოთ — მხოლოდ 24 საათის შემდეგ, რაც დაზიანებულ ადგილზე დაიდებთ კომპრესს; როდესაც შეშუპება დაცხრება, შეგიძლიათ გაიკეთოთ იოდის ბადე.

ფეხის აბაზანა სულ ორი ინგრედიენტისგან და საოცარი შედეგი>>

იოდის ბადე ფართოდ გამოიყენება კისრის, ბეჭების, წელის ტკივილისას.

ამგვარად, იოდის ბადე მრავალმხრივ შეიძლება გამოვიყენოთ. თანაც, ეს ძალიან იაფი და მოსახერხებელია.

43
თემები:
სასარგებლო რჩევები
წყვილი კამათის დროს

იჩხუბეთ, მაგრამ... ანუ როგორ ავირიდოთ თავიდან სერიოზული კონფლიქტი ოჯახში

34
(განახლებულია 20:11 09.08.2020)
ყველაზე მოსიყვარულე და ერთგულ წყვილებშიც ხდება კონფლიქტი. ამას რომ უსიამოვნო შედეგები არ მოჰყვეს, საჭიროა ჩხუბი, ოღონდ წესების დაცვით!

ცნობილი ფსიქოლოგი მიხაილ ლაბკოვსკი გვთავაზობს ჩხუბის წესებს, რომელთა დაცვაც აუცილებელია პარტნიორებს შორის, თუ გვინდა, რომ ურთიერთობები საბოლოოდ არ დაინგრეს.

ზოგადად, ჩხუბის „ანატომია" რთული საკითხია, რადგან თავის საწყისშივე ჩხუბი ემოციების გადმოფრქვევას გულისხმობს, ხოლო „ჩხუბის წესები" — რომ ადამიანი აკონტროლებს თავის მრისხანებას და მას „ამოხეთქვის" უფლებას არ აძლევს, რაც, მთლიანობაში, ცუდია.

ზოგადად ჩხუბი კარგი რამეა გარკვეული თვალსაზრისით. ადამიანი კონფლიქტის დროს „აფრქვევს" ნეგატიურ ემოციებს: მრისხანებას, წყენას, ბოღმას. ფსიქიკისთვის ეს ბევრად უკეთესია, ვიდრე საკუთარ თავში დაიგროვო უსიამოვნო გრძნობები, რადგან ადრე თუ გვიან ეს გრძნობები რიგითი კონფლიქტისას ამოხეთქს და შეიძლება ისეთი სკანდალი მოხდეს, რომ მისი შედეგების წარმოდგენაც კი ძნელია.

მაგრამ, მიუხედავად ამისა, არის გარკვეული პრინციპები, თუ გინდათ, რომ ეს უსიამოვნო ეპიზოდი მეხსიერებას შემორჩეს როგორც უმნიშვნელო მოვლენა და არა ჩხუბი, რომელიც კისერზე მძიმე ქვასავით დაგაწვებათ.

საკუთარ თავზე ეკონომიის რეჟიმში - დაავადება, როდესაც ქალში ქალი ნადგურდება>>

წესი პირველი: იჩხუბეთ ხშირად. ეს, მართალია, ხუმრობაა, მაგრამ მასში დიდი სიმართლის მარცვალია. რაც უფრო მალე ამოთქვამთ უკმაყოფილებას ან წყენას, მით უფრო იოლი, ხანმოკლე და „მსუბუქი" იქნება ჩხუბიც.

წესი მეორე: ერთი მიზეზი — ერთი ჩხუბი. ერთ მიზეზს ნუ მიუმატებთ კონფლიქტებსა და წყენებს წარსულიდან, მეგობრების მაგალითებს და, მით უფრო, ნუ გააკეთებთ შორს მიმავალ დასკვნებს (მშვენიერი მაგალითია — დღეს სიგარეტს ეწევა და ხვალ „ბო…ბას" დაიწყებს).

წესი მესამე: აბსოლუტური ტაბუ ადევს ანალოგიების გავლებას „ბრალდებულის" მშობლებთან, ან, უფრო უარესი — ჩხუბის მიზეზში მათ დადანაშაულებას. ასევე უფრო დიდი ტაბუ ადევს ბავშვებს — ორი მოზრდილის ჩხუბში მხოლოდ ორი მოზრდილი მონაწილეობს. თქვენს კონფლიქტში სხვა პერსონაჟები ვირტუალურადაც კი არ უნდა ჩართოთ.

წესი მეოთხე: არის ორი აკრძალული ფრაზა, რომელთა წარმოთქმა არავითარ შემთხვევაში არ შეიძლება — „შენ ყოველთვის" და „შენ არასდროს". ასე ვთქვათ, გლობალური და ყოვლისმომცველი ბრალდება დაპირისპირებასა და აგრესიას წარმოშობს, თუნდაც თქვენი ოპონენტი უკვე მზად იყოს ბოდიშის მოსახდელად. „ყოველთვის" და „არასდროს" ნიშნავს, რომ ლოკალური კონფლიქტის საზღვრებიდან გახვედით და მთლიანობაში პარტნიორით უკმაყოფილო ხართ, მას არამზადად და უვარგისად მიიჩნევთ. აქ ყველა აღშფოთდება, არ შეიძლება იყოს კომპრომისი, რადგან არავინ იტყვის: „კი, მართალი ხარ, ცუდი ვარ, ყოველთვის მტყუანი ვარ, შენ კი — მართალი".

ორი გზა განშორების შემდეგ: მდგომარეობიდან გამოსვლა თუ თვითგვემა>>

წესი მეხუთე: ჩხუბის დაძაბულობის შესამცირებლად გააკრიტიკეთ საქციელი ან მოქმედება და არა ადამიანი. მაგალითად: „მაცოფებს, როცა შემოსასვლელში ტალახიანი ფეხსაცმელი დევს" და არა: „ისევ დასვარე შენი ტალახიანი ფეხსაცმლით შემოსასვლელი!"

წესი მეექვსე (პირველი თავისი არსით): ყველა ადამიანს სჭირდება განმარტოება. ჩხუბის უმრავლესობას თავიდან ავიცილებდით, ადამიანი რაღაც დროით მარტო რომ დარჩეს სიმშვიდესა და სიჩუმეში. გარკვეული პერიოდის შემდეგ პრობლემას უკვე არა ჩხუბით, არამედ წყნარი საუბრით მოვაგვარებდით. უფრო მეტიც, გამორიცხული არაა, რომ თავად პრობლემა მოგვარდეს, როგორც კი გავაცნობიერებთ, რომ საქმე ტალახიან ფეხსაცმელში კი არაა, არამედ, უბრალოდ, დასვენება, გამოძინება, მოდუნება გვჭირდება. ძალიან ხშირად ადამიანები ჩხუბობენ არა რაიმე მიზეზით, არამედ იმის გამო, რომ დაღლილი, არაქათგამოცლილი არიან, ეს კი ძლიერ გაღიზიანებას იწვევს.

რატომ არ თხოვდება ქალი?>>

ჩვეულებრივ, „შესვენება" ადამიანს 3-4 თვეში ერთხელ სჭირდება. საჭირო არაა ქვეყნის დასალიერში წასვლა. შეიძლება მეგობართან და მშობლებთან სტუმრობა, სეირნობა, კინოში მარტო წასვლა. არა სახლის დალაგება, მაღაზიებში სიარული პროდუქტებზე, არამედ განტვირთვა, მოდუნება და საკუთარ თავთან მარტო დარჩენა.

წესი მეშვიდე: იყვირეთ. სერიოზულად ვამბობ, მიეცით გრძნობებს თავისუფლება, ასე ჩხუბი მალე ჩაცხრება. ბევრჯერ გვსმენია, რომ ყვირილი არ შეიძლება, რადგან ეს კონფლიქტს გააღრმავებს. არაფერი მსგავსი — სჯობს, ყველაფერი ხმამაღლა ამოთქვათ, მთელი ძალით, ვიდრე ჩუმად „ისისინოთ" და ამით პარტნიორი მეტად გამოიყვანოთ წყობიდან. ამასთან, თუ ყვირით, თქვენი ოპონენტი ხედავს, რომ თქვენ ცუდად ხართ და თუ მას უყვარხართ, ის დაგაწყნარებთ და თქვენკენ გადმოდგამს ნაბიჯს. ეს სჯობს, ვიდრე ბოიკოტი გამოაცხადოთ და გაიბუტოთ.

  • და, ბოლო წესი: მიიყვანეთ საქმე ბოლომდე. თუ კონფლიქტი უკვე აღმოცენდა, ორივემ რაღაცნაირად უნდა დაასრულოთ ის. ის აღიარებს, რომ არასწორი იყო, თქვენ აღიარებთ, რომ თქვენი პრეტენზიები უსაფუძვლოა, აირჩიეთ კომპრომისი, ერთ-ერთმა უნდა დათმოს — სულ ერთია, რომელი და როგორ, მაგრამ ჩხუბს წერტილი უნდა დაესვას, წინააღმდეგ შემთხვევაში ეს შენელებული მოქმედების ბომბი გახდება და ადრე თუ გვიან აფეთქდება.
34
თემები:
სასარგებლო რჩევები
ბილ გეიტსი

ბილ გეიტსი: ეკოლოგიური კატასტროფა კორონავირუსზე საშინელი იქნება

0
(განახლებულია 19:49 09.08.2020)
მილიარდერი მოუწოდებს ადამიანებს, ახლავე დაუპირისპირდნენ ახალ კრიზისს, რომელსაც სამყარო ახლო მომავალში შეეჯახება

თბილისი, 9 აგვისტო - Sputnik. Microsoft–ის დამფუძნებელი, მილიარდერი ბილ გეიტსი მიიჩნევს, რომ რამდენიმე ათწლეულში კაცობრიობა ეკოლოგიურ კრიზისს გადააწყდება, რომლის შედეგებიც კორონავირუსის პანდემიაზე უარესი იქნება. ამის შესახებ ამრიკელმა მეწარმემ თავის ბლოგში დაწერა.

მისი თქმით, კრიზისს კლიმატის გლობალური ცვლილებები გამოიწვევს.

 „როგორი საშინელიც არ უნდა იყოს COVID-19–ის პანდემია, კლიმატის ცვლილებები შეიძლება უარესი იყოს“, – აცხადებს ის.

მილიარდერის აზრით, კატასტროფა რომ თავიდან იქნეს აცილებული, ახლავეა საჭირო ატმოსფეროში სათბური აირების რაოდენობის შემცირება.

მან ეკოლოგიური კრიზისის შესაძლო შედეგები კორონავირუსის პანდემიას შეადარა. ახალი ვირუსისგან სიკვდილიანობა 100 ათას მოსახლეზე დაახლოებით 14 ადამიანი. მისი შეფასებით, უახლოეს 40 წელიწადში სიკვდილიანობა დედამიწაზე ტემპერატურის მომატების გამო ასეთივე იქნება, ხოლო 20100 წლისთვის – ხუთჯერ მეტი.

გეიტსი მოწოდებით გამოდის, რომ ახლავე დაიწყოს კლიმატის ცვლილებებთან დაპირისპირება. ის ამაში მეცნიერებისა და ინოვაციების ჩართვის წინადადებით გამოვიდა.

იქნება თუ არა ეფექტური კორონავირუსის ვაქცინა – ბილ გეიტსი რისკის შესახებ>>

ის დარწმუნებულია, რომ ბრძოლა ეკოლოგიური პრობლემების წინააღმდეგ განვითარებად ქვეყნებშიც უნდა მიმდინარეობდეს. გეიტსმა აღნიშნა, რომ კაცობრიობას დრო არა აქვს და უკვე დღესვეა მოქმედება საჭირო.

0
თემები:
გარემოს დაცვა და ეკოლოგია