სანაპირო

2020 წლის ჰოროსკოპი - ტყუპი

17013
(განახლებულია 11:16 31.10.2019)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

Знаки Зодиака - Близнецы
© Sputnik / Maria Tsimintia
ტყუპი

როგორი იქნება 2020 წელი ტყუპებისთვის - ზოგადი მიმოხილვა

2020 წლის იანვარში ურთიერთობების დეფიციტი გაგიჩნდებათ და აქედან გამომდინარე, თქვენი დევიზი გახდება „არც ერთი დღე ახალი ნაცნობობის გარეშე". შეხვდებით სხვადასხვა უჩვეულო და საინტერესო ადამიანს. ნუ იჩქარებთ ახალი კავშირების საკუთარი მიზნებისთვის გამოყენებას. ჯერჯერობით შეაგროვეთ ინფორმაცია და განამტკიცეთ ურთიერთობები.

წლის პირველ ნახევარში მოსალოდნელია სამუშაოსთან დაკავშირებული წინადადებების მიღება. ვარსკვლავები, რომლებიც ამ მხრივ ძალზე კონსერვატორი არიან, გირჩევენ, ახალი ჰორიზონტების მიმართ ფრთხილი დამოკიდებულება გამოიჩინოთ, უკან დასახევი გზა მოიტოვოთ. ასეთი მდგომარეობა წლის მეორე ნახევრამდე გაგრძელდება. ამ დროს პერსპექტივები ძველ ადგილზეც გამოჩნდება და ეს, სავარაუდოდ, ყველაზე მომგებიანი ვარიანტია.

პირადი ცხოვრება სტაბილური და პროგნოზირებადი იქნება. შესაძლოა, სექტემბრისთვის ზოგიერთ თქვენგანს ასეთი ზომიერი ცხოვრება მოყირჭდეს და გრძნობების ალში გახვევა მოინდომოს. სანამ ახალი რომანის ჭაობი ჩაგითრევთ, კარგად დაფიქრდით, რა შეიძლება ამას მოჰყვეს, თუ თქვენი პარტნიორი შეიტყობს. ასტროლოგები გირჩევენ, მოერიდოთ "გარე-გარე" ვნებების ძიებას და საკუთარ თავს მიხედოთ - ჯანმრთელობას, იმიჯს, განვითარებას.

ნოემბერსა და დეკემბრის დასაწყისში დადგება დრო, როდესაც საკუთარი ორგანიზატორული ნიჭი უნდა გამოავლინოთ. არ შეუშინდეთ პასუხისმგებლობის აღებას - დეკემბერში, სავარაუდოდ, გამოჩნდება საქმე, რომელიც დიდ მოგებას მოგიტანთ. მაგრამ შედეგებს 2020 წელს ნუ დაელოდებით - ამ წელს დაწყებული საქმეების ნაყოფს ბევრად გვიან მიიღებთ.

სასიყვარულო ჰოროსკოპი

ეს წელი, დიდი ალბათობით, თქვენს ცხოვრებასა და გრძნობებში ყველაფერს თავდაყირა დააყენებს. პირველ რიგში, შესაძლოა, ისეთი გატაცებული აღმოჩნდეთ, რომ დასახული მიზნები და გეგმები მთლიანად დაგავიწყდეთ - საყვარელი ადამიანის გავლენის ქვეშ მოექცევით. ამასთან, ამ ურთიერთობებს ხელს ვერ შეუშლის უკვე არსებული სტაბილური ურთიერთობები (თუ ასეთი გაქვთ). მზად ხართ, ყველაფერი დაივიწყოთ და მთლიანად ახალ გრძნობებსა და ემოციებს აჰყვეთ. ასევე, არ არის გამორიცხული სრულიად საწინააღმდეგო რამ - საყვარელმა ადამიანმა, შესაძლოა, თქვენს თავს სხვა ამჯობინოს. ასეთ შემთხვევაში ტანჯვა და განცდები გელოდებათ გარკვეული პერიოდის განმავლობაში.

2020 წელი დაოჯახებული ტყუპებისთვის, მათი პარტნიორებისა და მთლიანობაში, ქორწინებისთვის ძალზე სახიფათოა. ასეთ ვნებათა მორევში ძალიან საეჭვოა, რომ ძველი ურთიერთობები გადარჩეს. შესაძლოა, თქვენი პარტნიორი მოიქცეს ისე, რომ ურთიერთობებს წერტილი დაესვას. ან თქვენ შეგიყვარდეთ სხვა ადამიანი. სირთულეებია მოსალოდნელი ნებისმიერ შემთხვევაში.

თუ ეძებთ სიყვარულს, ბედნიერებამდე დიდი დრო არ დაგრჩათ. დიდი ალბათობით, ის უკვე ან გაიცანით, ან ძალიან ახლოსაა და თქვენი გაცნობა უნდა. ურთიერთობები სწრაფად განვითარდება. და თუ გრძნობთ, რომ იდეალურად ეწყობით ერთმანეთს, რატომ უნდა გააჭიანუროთ? რა თქმა უნდა, თქვენს გზაზე დაბრკოლებებიც შეიძლება აღმოცენდეს, მაგრამ ყველაფერი მოგვარდება და 2021 წელს უკვე, შესაძლოა, დაოჯახებულიც შეხვდეთ.

კარიერა და ფინანსები

2020 წელს ბევრი ხარჯი გექნებათ - მოდური სამოსი, დიზაინერების სამკაულები, ინტერიერის ძვირფასი ნივთები, ახლობლების საჩუქრები - ეს იქნება თქვენი ხარჯების ძირითადი ჩამონათვალი. საბედნიეროდ, შემოსავალიც გექნებათ, რომ ეს სურვილები დაიკმაყოფილოთ. დიდი შენაძენები, სჯობს, აპრილის მეორე ნახევრიდან ზაფხულის დასაწყისამდე და ნოემბრის მეორე ნახევრიდან დეკემბრის მეორე ნახევრამდე გააკეთოთ.

იანვარი და თებერვლის დასაწყისი სერიოზული ხარჯებისთვის არასასურველი დროა, სჯობს, ამ პერიოდში ეკონომია გასწიოთ.

აპრილის მეორე ნახევრამდე მცირე ვალიც კი არ აიღოთ. ძირითადი საჭიროებებისთვის საკუთარი თანხაც გეყოფათ, ხოლო ძვირადღირებული გართობა და საყიდლები მომავლისთვის გადადეთ. მარტის ბოლოს ხელი არ მოკიდოთ სხვის ფულს - არის საშიშროება, რომ დაკარგოთ.

აპრილის მეორე ნახევრიდან ზაფხულის დასაწყისამდე შესაძლებელია ხელფასის მომატება, ასევე, თანამდებობაზე დაწინაურება, ან დიდი ოდენობის პრემია.

ბინის მოწყობასთან დაკავშირებული ხარჯები აგვისტოსთვის დაგეგმეთ. ასევე შეგიძლიათ ბინის რემონტი გააკეთოთ.

იღბალი აზარტულ თამაშებში ოქტომბრის მეორე ნახევარში გელოდებათ. შემოსავალი დიდი არ იქნება, მაგრამ ეს გაგახალისებთ და განწყობას აგიმაღლებთ. ამ დღეებში ლატარიის ბილეთების შეძენაც შეგიძლიათ.

ჯანმრთელობა

ყურადღება მიაქციეთ უმნიშვნელო პრობლემასაც კი.

ტყუპის ნიშნის პირველ დეკადაში დაბადებულები (21.05 – 31.05) - ყველაფერს მოასწრებთ, ნუ დაარღვევთ კვების რეჟიმს, ნუ მიეძალებით სწრაფი კვების ობიექტებს, სხვაგვარად კუჭის პრობლემები არ აგცდებათ. მიირთვით სასარგებლო პროდუქტები, უარი თქვით ალკოჰოლზე, დაიწყეთ ვარჯიში, მაგრამ სიმძიმეები არ ასწიოთ - ხერხემალი რისკის ზონაშია.

მეორე დეკადა (1.06 - 10.06) - გაზაფხულზე, ზამთრის დატვირთული დღესასწაულების შემდეგ, შესაძლოა, ღვიძლის პრობლემები გაჩნდეს, ამიტომ ყურადღებით იყავით, ჩაიტარეთ პროფილაქტიკური ღონისძიებები.

მესამე დეკადა (11.06 - 21.06) - სამუშაოზე დატვირთულმა გრაფიკმა, შესაძლოა, ნერვული შეტევების პროვოცირება გამოიწვიოს. გაუფრთხილდით ნერვულ სისტემას. იარეთ ფეხით, მოდუნდით, გამოიძინეთ. რაციონში შეიტანეთ ცილოვანი და რძის პროდუქტები, დაივიწყეთ მძიმე საკვები. დალიეთ ბევრი წყალი, გამოდევნეთ ორგანიზმიდან მარილები, შეზღუდეთ შაქრის მიღება.

2020 წლის ჰოროსკოპი დაბადების წლის მიხედვით:

ტყუპი-ვირთხა

ამ წელს პროფესიულ სფეროში თქვენთვის ახალი პერსპექტივები გაიხსნება. მაგრამ ამისთვის ინიციატივის გამოჩენა გჭირდებათ. თუ მოთოკავთ საკუთარ ამბიციებს და ნეგატიურ ემოციებს არ აჰყვებით, კარიერულ კიბეზე წინსვლის შესაძლებლობა გაგიჩნდებათ. სავსე იქნებით მიმზიდველი სასიყვარულო ენერგეტიკით. მარტოხელებს გელოდებათ ხანგრძლივი რომანტიკული ისტორია. დაოჯახებულებს არ გაწყენთ ურთიერთობების გამრავალფეროვნება.

კულინარიული ჰოროსკოპი ქალებისთვის: საყვარელი მამაკაცის გემო-ვნება ზოდიაქოს ნიშნის მიხედვით>>

ტყუპი-ხარი

2020 წელი აღიქვით, როგორც გარკვეული დამაბოლოებელი ეტაპი ახალი ცხოვრებისეული ციკლის დაწყებისთვის. მოგიწევთ ძალისხმევა, რომ პარტნიორული ურთიერთობები მოაწესრიგოთ. ზოგიერთს სამუშაოს შეცვლა მოუწევს. თუ გრძნობთ, რომ პროფესიულ სფეროში ცვლილებები გარდაუვალია, არ გააჭიანუროთ მნიშვნელოვანი გადაწყვეტილების მიღება. ეცადეთ, ეს გაზაფხულზე მოხდეს. წლის მეორე ნახევარი საკმაოდ წინააღმდეგობრივი დროა, მოსალოდნელია პრობლემები და სირთულეები.

ტიბეტური ჰოროსკოპი
© photo: Sputnik
ტიბეტური ჰოროსკოპი

ტყუპი-ვეფხვი

ვირთხის წელიწადი მრავალ მოულოდნელ მოვლენას გპირდებათ. სანამ პრობლემების გადაჭრას შეუდგებით, ჯერ სამუშაოს მოცულობა განსაზღვრეთ, სწორად გადაანაწილეთ ძალები, ენერგია. წლის პირველ ნახევარში საყვარელ ადამიანთან უთანხმოებებია მოსალოდნელი, დიდი ძალისხმევა დაგჭირდებათ, რომ კონფლიქტს სერიოზული სახე არ მიეცეს.

ტყუპი-კატა (კურდღელი)

ბევრ თქვენგანს დაბრკოლებები ელოდება ჩანაფიქრის განხორციელებაში. საკუთარი ამოცანები დამოუკიდებლად გადაწყვიტეთ, დაიცავით პირადი სივრცე და მისი გარედან ხელყოფის უფლება არვის მისცეთ, თუნდაც ახლობელ ადამიანებს. გადაუმოწმებელი ინფორმაციებით გამოწვეული ემოციები მოთოკეთ. არ ეცადოთ ძველი ურთიერთობების აღდგენა - ძველი გრძნობების გაღვიძება ჩიხში შეგიყვანთ.

ტყუპი-დრაკონი

2020 წელი ხელსაყრელი პერიოდია პროფესიული მიღწევებისთვის. თქვენი რეკორდული ინტელექტუალური აქტიურობა საშუალებას მოგცემთ, წინ წაიწიოთ კარიერულ კიბეზე. ეცადეთ, გააფართოვოთ საურთიერთობო წრე. გარშემო პოზიტიური ადამიანები შემოიკრიბეთ.

ტყუპი-გველი

2020 წელს უამრავი ცვლილება გელოდებათ საქმიანობის სხვადასხვა სფეროში. ძალები წინასწარ გაანაწილეთ. თუ ამჟამინდელი მდგომარეობა არ გაკმაყოფილებთ, შეგიძლიათ, ყველაფერი თავიდან დაიწყოთ და საკუთარი გეგმების რეალიზებისთვის მტკიცე საფუძველი მოამზადოთ. ამ წელს შექმნილი ოჯახი მტკიცე და ხანგრძლივი იქნება. დაოჯახებულების ცხოვრებაში არანაირი იმედგაცრუება არ არის მოსალოდნელი. გაუფრთხილდით ჯანმრთელობას.

როგორი მამები არიან ზოდიაქოს ნიშნები>>

ტყუპი-ცხენი

საკმაოდ მნიშვნელოვანი დრო დგება თქვენს ცხოვრებაში. აუცილებელია მუდმივად შეავსოთ თქვენი ცოდნა. ყურადღება მიაქციეთ წვრილმანებს, გაითვალისწინეთ სხვების გამოცდილება და დაბრკოლებებზე ნუ „ჩაიციკლებით". თუ ოპტიმისტურად ხართ განწყობილი და უკეთესი ცხოვრება გსურთ, იმოქმედეთ.

ტყუპი-თხა (ცხვარი)

რაც ჩაფიქრებული გაქვთ, არის შანსი, რომ ყველაფერი განახორციელოთ. იგრძნობთ, რომ მთების გადადგმა შეგიძლიათ, მოჭარბებული ენერგია ოპტიმიზმსა და თავდაჯერებულობას ჩაგინერგავთ. ფულთან დაკავშირებით სერიოზული პრობლემები მოსალოდნელი არ არის. იყავით გულმოდგინე, მომთმენი და დაწყებული საქმეები შუა გზაზე არ მიატოვოთ.

ტყუპი-მაიმუნი

თქვენი ყურადღების ცენტრში აღმოჩნდება გარკვეული ამბიციური მიზნები როგორც პროფესიულ, ისე პირად ცხოვრებაში. სასიცოცხლო ენერგიის მოზღვავება თქვენი ავტორიტეტისა და ენთუზიაზმის ზრდას შეუწყობს ხელს. ჩანაფიქრის განხორციელების დროს ფსონი საკუთარ გამოცდილებაზე დადეთ. ეცადეთ, თავიდან აიცილოთ კონფლიქტები და ფარული უთანხმოებები. სასიყვარულო ასპარეზზე მრავალი დასამახსოვრებელი მოვლენა და კაშკაშა ემოცია გელოდებათ.

ტყუპი-მამალი

თუ რამე არ მოგწონთ თქვენს ცხოვრებაში, 2020 წელს აიყვანეთ თავი ხელში და ყველაფერი სუფთა ფურცლიდან დაიწყეთ. არსებული მდგომარეობა რომ კარდინალურად შეცვალოთ უკეთესობისკენ, საღად უნდა შეაფასოთ მიმდინარე მოვლენები, კარგად აწონ-დაწონოთ გადაწყვეტილებები, მოიფიქროთ და დააწყოთ გეგმები, განსაზღვროთ ბიუჯეტი. საკმაოდ კარგი წელია ოჯახის შექმნისა და ახალი ურთიერთობების დაწყებისთვის.

ტყუპი-ძაღლი

თქვენგან მოითხოვება მოხერხებულობა, ოსტატობა, სიმარჯვე, შედეგების გათვლის უნარი. შესაძლოა, სადღაც შეცდომა დაუშვით, მაგრამ თუ ყველაფერს კარგად გააანალიზებთ, შეძლებთ მის გამოსწორებას. ბევრი რამაა დამოკიდებული გარშემომყოფებზე - ეცადეთ, მხოლოდ იმათთან გქონდეთ ურთიერთობები, ვის საიმედოობაშიც ეჭვია არ გეპარებათ.

ტყუპი-ღორი (ტახი)

თუნდაც პრობლემებს წააწყდეთ 2020 წელს, არ ინერვიულოთ, ყველაფერი მოგვარდება ისე, რომ ხანდახან ძალისხმევაც არ დაგჭირდებათ. აქედან გააკეთეთ დასკვნები და შეცდომები მომავლისთვის გაითვალისწინეთ. ოჯახური ცხოვრება, დიდი ალბათობით, უპრობლემოდ ჩაივლის. მარტოხელებმა შეიძლება საყვარელი ადამიანი იპოვონ, რომელიც მათ ცხოვრებას უკეთესობისკენ შეცვლის.

17013
ზღვასთან

დღის ასტროპროგნოზი ზოდიაქოს ნიშნებისთვის: 13 ივნისი

92
(განახლებულია 10:45 13.06.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 13 ივნისია, კვირა. მზარდი მთვარე კირჩხიბის ნიშანშია. ამ დღეს პლანეტა მზე მფარველობს.

მრავალფეროვანი დღეა. ბევრი შეძლებს საკუთარ გრძნობებში გარკვევას, მნიშვნელოვან კითხვებზე პასუხების პოვნას. წარსულს ჩაბარდება ეჭვები, შფოთვა. გაჩნდება ახალი საინტერესო საქმეები. აჯობებს თანამიმდევრული მოქმედება გაუგებრობებისა და გადაღლილობის თავიდან ასაცილებლად. საღამო კარგი დროა შეხვედრებისთვის.

ზოდიაქო: მამაკაცები, რომლებსაც ძლიერი სიყვარულის უნარი შესწევთ>>

ვერძი: კარგი დღეა თანამოაზრეების მოსაძებნად. ადვილად ეკონტაქტებით ადამიანებს და მათთან საერთო ენას პოულობთ. ბევრი დაგეხმარებათ თამამი იდეების რეალიზებაში. ზოგიერთი თქვენგანი მომგებიან გარიგებას დადებს ან შემოსავლების ახალ წყაროს იპოვის. დღის მეორე ნახევარი ხელსაყრელია ფინანსური საკითხების გადაწყვეტისთვის. მხედველობიდან არაფერი გეპარებათ – სულ უმნიშვნელო დეტალიც კი.

კურო: არ იჩქაროთ. დღის დასაწყისი, შესაძლოა, საკმაოდ რთული აღმოჩნდეს. მოსალოდნელია მცირე გაუგებრობები, უთანხმოებები ახლობლებთან. თანდათანობით გაძლიერდება პოზიტიური ტენდენციების გავლენა, სიტუაცია მეტად პროგნოზირებადი გახდება. განსაზღვრავთ გეგმებსა და პრიორიტეტებს და ყურადღებას სწორედ ყველაზე მნიშვნელოვანზე გაამახვილებთ, მიაღწევთ წარმატებას. საღამოს სასიამოვნო სიახლეებია მოსალოდნელი.

ტყუპი: დღის დასაწყისი საკმაოდ საინტერესო და ხელსაყრელი იქნება. გაჩნდება უამრავი ახალი შესაძლებლობა. შესაძლებელია შეხვედრები არასტანდარტულად მოაზროვნე ადამიანებთან, რომლებიც გაგიზიარებენ ცოდნას და საუკეთესო რჩევებს მოგცემენ. კარგად ჩაივლის დღის მეორე ნახევარიც, მაგრამ ნაკლებად პროდუქტიულად – საქმეებზე მეტად ახლობლებთან და მეგობრებთან შეხვედრები და გართობა გაინტერესებთ.

კირჩხიბი: ხელსაყრელი დღეა. შეგიძლიათ რამე ახალი საქმე წამოიწყოთ. განსაკუთრებით გამოგივათ ის საქმე, რომელიც ფანტაზიასა და შემოქმედებით დამოკიდებულებას მოითხოვს. შესაძლოა, რამე ისეთი ფარული ნიჭი გამოამჟღავნოთ, რომელზეც წარმოდგენა არავის ჰქონდა და მათ შორის, არც თქვენ. მოსალოდნელია თანხის მიღება. შეგიძლიათ საყიდლებზე წასვლა, მაგრამ მოერიდეთ ფულის გართობაზე დახარჯვას – ეს შეიძლება სანანებელი გაგიხდეთ.

ლომი: შესაფერისი დღეა იმისთვის, რომ გეგმები დააწყოთ და გადაწყვეტილებები მიიღოთ. ბევრი დრო არ დაგჭირდებათ არაერთმნიშვნელოვან ვითარებებში გასარკვევად, თქვენი საქციელის შედეგების შესაფასებლად. ბევრ თქვენგანს მნიშვნელოვან მიზნამდე გზის მოძებნაში ინტუიცია დაეხმარება. დღის მეორე ნახევარი ხელსაყრელი დროა ურთიერთობებისთვის. არ არის გამორიცხული ხანგრძლივი თანამშრომლობის დაწყება.

ქალწული: დღის პირველ ნახევარში შეიძლება ნერვიულობა მოგიწიოთ, რამე გეგმის მიხედვით არ წავიდეს და გაგიჭირდეთ ახალ ვითარებებში ორიენტირება. შესაძლოა, სწორი გადაწყვეტილებები ვერ მიიღოთ, მაგრამ, საბედნიეროდ, მალე შეამჩნევთ შეცდომებს და სწრაფადვე გამოასწორებთ. სრულიად განსხვავებული იქნება დღის მეორე ნახევარი – ხელსაყრელი და მსუბუქი. ვარსკვლავები თქვენს ახალ წამოწყებებს დაუჭერენ მხარს. შეგიძლიათ რთულ საქმესაც შეეჭიდოთ. საჭირო შედეგს აუცილებლად მიიღებთ.

სასწორი: წვრილმანების გამო ნუ ინერვიულებთ. ეს დღის პირველ ნახევარში გაგიჭირდებათ – ყველაფერი მნიშვნელოვანი გგონიათ, ხოლო თუ რამე გეგმის მიხედვით არ წავიდა, ძალიან განიცდით. პოზიტიური ტენდენციების გავლენა ეტაპობრივად ძლიერდება და მეტი საფუძველი გიჩნდებათ, რომ მომავალს ოპტიმისტურად შეხედოთ. შესაძლოა, წინადადება მიიღოთ, რომელზეც უარის თქმა არ მოგი ნდებათ.

მორიელი: დღის დასაწყისი ხელსაყრელი დროა ურთიერთობებისთვის. ადამიანებთან საერთო ენის გამონახვის უნარი დაგეხმარებათ, რომ დაეხმაროთ რთულ ვითარებაში ჩავარდნილ ახლობლებს, კოლეგებს. ასევე შეძლებთ მათ მიერ დაშვებული შეცდომების გამოსწორებას, სამართლიანობის აღდგენას. დღის მეორე ნახევარში ადრე დაწყებული საქმის დასრულების შესაძლებლობა გექნებათ. ხართ მიზანსწრაფული, რაც ბარიერების გადალახვაში დაგეხმარებათ. კარგად აეწყობა პირადი ურთიერთობები. გაგიმართლებთ სიყვარულში.

მშვილდოსანი: ეცადეთ, ირგვლივ მყოფების მიმართ ყურადღებიანი იყოთ. შესაძლოა, მათ თქვენი მხარდაჭერა სჭირდებათ, თქვენ კი – მათი რჩევები. საკითხების განხილვისას მოთმინება და თვითკონტროლი გმართებთ. მნიშვნელოვანია, რომ საქმე კონფლიქტამდე არ მივიდეს. ვითარების განმუხტვაში დაგეხმარებათ იუმორის გრძნობა. დღის მეორე ნახევარი კარგი დროა სწავლის, ანალიტიკური და კვლევითი საქმიანობისთვის. გამძაფრებული იქნება ინტუიციაც.

თხის რქა: მარტივი დღე არ გელოდებათ. წარმატების მიღწევა უფრო იოლი იქნება მათთვის, ვინც მხოლოდ საკუთარ ძალებს დაეყრდნობა. გარშემომყოფების დიდი იმედი ნუ გექნებათ. სამწუხაროდ, შეიძლება დაგაღალატონ უკვე გამოცდილმა მოკავშირეებმაც. გამოგადგებათ ადრე მიღებული გამოცდილება. შეძლებთ სიტუაციის უკეთესობისკენ შემობრუნებას. გექნებათ შანსი, რომ რთულ ვითარებაში ჩავარდნილ ახლობელს დაეხმაროთ ან რამეოჯახური პრობლემა გადაწყვიტოთ.

მერწყული: დღე იღბლიანად იწყება. დღის პირველ ნახევარში სრულიად განსხვავებული საქმეები შეგიძლიათ გააკეთოთ – მარტივი და ჩვეული და სრულიად ახალი და რთული. მიიღებთ სწორ გადაწყვეტილებებს, არ აჰყვებით პროვოკაციებს. ხშირად პოულობთ უმოკლეს გზას მიზნისკენ. დღის მეორე ნახევარში გარკვეული დაბრკოლებებია მოსალოდნელი საქმეებში, გაუგებრობები, მაგრამ სერიოზული პრობლემები ნაკლებად სავარაუდოა. მცირე სირთულეებს კი აუცილებლად გაუმკლავდებით.

თევზები: შესანიშნავი დღეა მოკავშირეებისა და თანამოაზრეების მოსაძებნად. ცხადად გამოვა წინა პლანზე თქვენი ლიდერის თვისებები. ბევრზე დიდ შთაბეჭდილებას მოახდენთ თქვენი იდეებით. შესაძლებელია იღბლიანი გადაწყვეტა საკითხების, რომლებიც ბოლო დროს გაღელვებდათ. მნიშვნელოვანი მოლაპარაკებების გამართვა არაფორმალურ გარემოში აჯობებს. ცოტა ტრადიციებისგან გადახვევაც არ გაწყენთ – ეს ირგვლივ მყოფებზე კარგ შთაბეჭდილებას მოახდენს.

92
ქეთევან ჭკუასელი

„რომ არა მუსიკა... იქნებოდა ისევ მუსიკა“ - რიტმი, როგორც თავისუფლების შეგრძნება

218
(განახლებულია 05:16 12.06.2021)
ამბობს, რომ მუსიკისადმი მისი დამოკიდებულება, შეიძლება ითქვას, რომ ჯერ კიდევ მის დაბადებამდე გაჩნდა. ეს სიყვარული ბედისწერისა და გენეტიკის ერთობლივი შედეგია...

მუსიკოსმა, მომღერალმა და დღეს უკვე პედაგოგმა ქეთევან ჭუასელმა, პროფესიონალის ჩამოყალიბებისთვის საჭირო შემოქმედებითი გზა სრულად გაიარა. ის მუსიკიდან- მუსიკაში მოვიდა და დღეს, დედასთან ერთად, დიდი ტრადიციების მქონე საბავშვო მუსიკალურ სტუდია „ბომბორას“ ხელმძღვანელობს. ბავშვის აქ მოყვანა უკვე იმის წინაპირობაა, რომ თუკი მომღერალი ვერ გამოვა, გემოვნებიანი მუსიკა აუცილებლად ეყვარება და ქართულ სიმღერებს სწორად და რაც მთავარია, ქართულად  იმღერებს...

ქეთევან ჭკუასელი
ქეთევან ჭკუასელი

- ქეთი, მუსიკალურ სამყაროში თქვენს შემოსვლას როდიდან აცნობიერებთ, ანუ როდის მიხვდით, რომ ეს თქვენი სამყაროა?

- დიდი მადლობა იმ აზრისა და ფიქრისათვის, რამაც ჩემთან, როგორც მუსიკოსთან ამ დიალოგის შესაძლებლობა მოამწიფა. ეს ჩემთვის სიხარულისა და ასევე პასუხისმგებლობის მიზეზია. ჩემი ბავშვობა დედის ნამღერ ტკბილ იავნანასთან, მისსავე საავტორო ზღაპრებსა და პროფესიულ ქართულ საგიტარო სიმღერებთან ასოცირდება. ვფიქრობ, ძალიან გამიმართლა, რომ ჯერ კიდევ მუცლად ყოფნისას მესმოდა დედის ნამღერი და ჩუმად მოყოლილი ზღაპარი... დღეს აღარაა გასაკვირი და უჩვეულო, თუ მეც შევუერთდები იმ ადამიანებს, რომლებიც ლაპარაკის დაწყებამდე ცდილობდნენ მათთვის განსაკუთრებული ემოციების მომგვრელ მელოდიებს აჰყოლოდნენ. ეს დასტურია იმისა, რომ მომავალში „ჩვენც“ ვიმღერებთ და ეს ფაქტი ნებისმიერ მშობელს ანიჭებს სიხარულს.

ქეთევან ჭკუასელი სამოგზაურო ტურში
ქეთევან ჭკუასელი სამოგზაურო ტურში

- გამოდის, რომ პირველი „სასიმღერო გამოცდილება“ დედასთანაა დაკავშირებული...

- რა თქმა უნდა დედასთან, ლია ხორბალაძესთანაა დაკავშირებული. ის ჩემი ასაკისთვის შესაფერის, სხვადასხვა დახვეწილ ქართულ სიმღერებს მასწავლიდა. იმ დროს 4-5 წლის ქეთისთვის, ჯერ კიდევ გაუაზრებლად ნერგავდა არა მხოლოდ მუსიკის, არამედ სამშობლოსადმი უპირობო სიყვარულსაც. 90-იანების რთული ათწლეულის იმ განსაკუთრებულმა საღამოებმა მძაფრი ემოციური გავლენა იქონია ჩემს სამომავლო განვითარებაზე, რაც დღემდე მომყვება. რაც შეეხება „მზიურის“ მელოდიებს, ისინი დღესაც ჩემი უსაყვარლესი საბავშვო სიმღერებია. მათ ფირსაკრავისა და ვინილების საშუალებით ვუსმენდი და ეს თითოეული „მზიურელის“ გულიდან წამოსულ სიმღერას ჩემთვის კიდევ უფრო ხელშესახებს ხდიდა.

ქეთევან ჭკუასელი
ქეთევან ჭკუასელი

- თქვენ სცენამდელ განწყობაზე ისაუბრეთ და სცენამ, ბუნებრივია, უფრო დიდი და რეალური ემოცია მოიტანა, ასეა?

- მართლაც ასეა, რადგან ჩემთვის ყველაფერი, რაც სცენის მიღმაა, ქრებოდა. როცა სცენაზე ფეხს გადავდგამდი, იქ ვიყავი ის, ვინც შიგნით ცოცხლობს ჩემში - თავისუფალი და ღია ადამიანი. ამას რათქმა უნდა, ახლა, ამ გადმოსახედიდან ვიაზრებ. მაყურებლის წინაშე დაკვრასა თუ სოლო სიმღერაში, ან ორივეში ერთდროულად ყოველთვის ბოლომდე ვიხარჯებოდი. ეს კი 1994 წელს დაიწყო, როდესაც გაჩნდა იდეა შექმნილიყო იმ პერიოდისთვის ახალი სიტყვა -საბავშვო ვოკალურ-ინსტრუმენტული ანსამბლი „ბომბორა“. ახალი იმიტომ, რომ „მზიურის“, „მაისის“, „ნერგების“ შემდგომ დიდი ხანია ეს ტრადიცია მივიწყებულიყო... „ბომბორას“ სამხატვრო ხელმძღვანელი დედა გახლდათ. იგი ასევე დრამის პედაგოგობასაც ითავსებდა. ანსამბლის მუსიკალური ხელმძღვანელი, გია ძიძიგური გახლდათ, ხოლო ვოკალის პედაგოგი მზია ღამბაშიძე. ანსამბლის პირველ თაობაში 6-9 წლის რვა წევრი ვიყავით: დრამი, ბას გიტარა, სოლო გიტარა, სამი კლავიში და ორი სოლისტი-მომღერალი. თუმცა რვავე წევრი პარალელურად სოლო და ანსამბლურ სიმღერებს ვმღეროდით. ეს იყო პირველი ბირთვი, რომლებმაც ცხრა თვის დაუღალავი შრომის თავზე, ფილარმონიის დიდ საკონცერტო დარბაზში, პირველი სოლო კონცერტი ცოცხალი შესრულებით გამართა.

ქეთევან ჭკუასელი ბომბორას ნორჩ მომღერლებთან ერთად...
photo: courtesy of Ketevan Chkuaseli
ქეთევან ჭკუასელი "ბომბორას" ნორჩ მომღერლებთან ერთად...

- „ბომბორას“ პირველ კონცერტს დიდი გამოხმაურება და სცენაზე ხშირი გამოსვლა მოჰყვა...

- პირველმა კონცერტმა ანშლაგით ჩაიარა. ჩვენგან გაცემული ბავშვური, გულწრფელი, ხალასი ენთუზიაზმით ანთებული ემოცია და ასევე არ მომერიდება ვთქვა, პროფესიული გამოსვლა, მსმენელისგან დიდი ოვაციით დაჯილდოვდა. კომპლიმენტები და აღფრთოვანებული საქებარი სიტყვები არ დაგვკლებია, მაშინდელ პრესაშიც ბევრი დაიწერა. სცენაზე ჩვენს პირველ ოფიციალურ გამოსვლას ცოცხლად ჩატარებული ბევრი კონცერტი მოჰყვა  თბილისსა და მის ფარგლებს გარეთ, ღია თუ დახურულ საკონცერტო სივრცეებში. დღეს ამ ყველაფრის გახსენება თითქოს ლამაზ ზღაპრად და დღესასწაულად მესახება. თითოეული ჩვენგანის პიროვნულ ზრდასა და მუსიკალური გემოვნების ჩამოყალიბებაში უდიდესი გავლენა იქონია სარეპეტიციო დარბაზში გატარებულმა დაუღალავმა საათებმა. აქვე გეტყვით, რომ ჩვენს რეპერტუარში ქორეოგრაფიაც იყო ჩართული. ამ საქმეს დიდი სიხარულით ვეკიდებოდით და ერთ-ერთი პირველები ვიყავით, ვინც 90-იანების თანმდევი საცეკვაო მიმდინარეობის ფეხდაფეხ, BREAK DANCE –ის ელემენტებით ვასრულებდით რამდენიმე ნომერს.

ქეთევან ჭკუასელი
ქეთევან ჭკუასელი

-არ შემიძლია არ გკითხოთ: საბჭოთა საქართველოში და როგორც მოგვიანებითაც დადასტურდა, მსოფლიოში პირველი დრამერი გოგოს ქალიშვილს ამ ინსტრუმენტის ათვისება არ გიცდიათ?

- რა თქმა უნდა ვცადე და პირველი რიტმი, რაც დავუკარი ცეკვა ქართული იყო. მაშინ ხუთი წლის ვიყავი და დედას ეს ამბავი ძალიან გაუკვირდა და გაუხარდა. თანაც, იმ დროს, პიონერთა სასახლეში ცეკვაზე დავდიოდი ქალბატონ თამარ ჩხეიძესთან, რომელიც საოცრად მიყვარდა. პირველი სწორედ დაისის სოლო მასწავლა, რომელიც დღესაც ჩემი ფავორიტია. ალბათ ამ გავლენით მოვინდომე რიტმი დამეკვრა, პირველ ჯერზე, შიშველი ხელებით. ეს ფაქტი ერთ-ერთი იმ მოგონებათაგანია, რომელიც ჩემს მეხსიერებას მძაფრად შემორჩა. მოგვიანებით, ანსამბლში რამდენიმე სიმღერას ვუკრავდი დრამზეც, როცა ჩვენი დრამერი სოლო სიმღერას ასრულებდა.

თბილისის გოგონათა გუნდში
თბილისის გოგონათა გუნდში

- სამომავლოდ, რა გავლენა იქონია თქვენს პროფესიულ ზრდაზე საგუნდო ხელოვნებამ?

- მე კონსერვატორიის საგუნდო-სადირიჟორი ფაკულტეტი დავამთავრე. ჩემთვის ეს იყო სივრცე, სადაც მაქსიმალურად ამომწურავად შევძელი მესწავლა- ბგერა, სუნთქვა, სახმო აპარატი. ვფიქრობ, გუნდში სიმღერა, ნებისმიერი პროფესიონალი მომღერლის ცხოვრებისეულ გამოცდილებაში უნდა ფიგურირებდეს გარკვეულ ეტაპზე, ბავშვობაში თუ სტუდენტურ ასაკში. გუნდში სწავლობ თანადგომას, დიდ მოთმინებას, სიყვარულს- მუსიკისა და სამშობლოსი, ბრძოლას, სულიერ სიმტკიცეს... ერთი სიტყვით, გუნდურობის ძირითად პრინციპებს ყოველგვარი თეორიებისა და ტრენინგების გარეშე სწავლობ. ისმენდე საკუთარ ხმას, როგორც საერთო სივრცის შემადგენელ ნაწილს, გულისხმობს, რომ გესმოდეს შენი ტემბრი შიგნიდან და გვერდიდან, მრავალხმოვან გარემოცვაში. ეს კი, თავისთავად და ერთდროულად  გემოვნებიან მუსიკოსად და მსმენელად გაყალიბებს. მოკლედ, მუსიკის, როგორც სამყაროს ჯადოსნური ფენომენის წვდომისთვის, ამ გამოცდილების მიღება უმნიშვნელოვანესია.

ქეთევან ჭკუასელი
ქეთევან ჭკუასელი

- პედაგოგებშიც გაგიმართლდათ...

- დიახ, ძალიან გამიმართლა, რადგან ჩემს პროფესიულ ზრდას ისეთი  უდიდესი პროფესიონალები ხელმძღვანელობდნენ სწავლისა და შემდგომ პერიოდებში, როგორებიც იყვნენ: ბატონი ავთანდილ რევიშვილი, ქალბატონი ლია ჭონიშვილი, მაესტრო შალვა მოსიძე და ჩვენი დროის უდიდესი ქართველი საგუნდო კომპოზიტორი, იოსებ კეჭეყმაძე. წლებთან ერთად, ამ ადამიანების მიმართ მადლიერების შეგრძნება მხოლოდ იზრდება. საოცრად მიყვარს თითოეული მათგანი, დიდი პატივისცემა და მადლიერება მათ ჩემგან.

ქეთევან ჭკუასელი
ქეთევან ჭკუასელი

- ერთი პერიოდი ომარ ბურდულის გუნდშიც მღეროდით...

- სწავლის დამთავრების შემდგომ ორი წელი ვმღეროდი მაესტრო შალვა მოსიძესთან გორის ქალთა გუნდში, სადაც, ბატონ შალვასთან ურთიერთობით, დამატებით განსხვავებული პროფესიული გამოცდილება შევიძინე. ჩემი და ომარის გზები 2014 წლიდან გადაიკვეთა, დიდი სიყვარულით და მეგობრობით, რაც დღემდე გრძელდება. თბილისის ქალთა გუნდზე საუბარი დაუსრულებლად შეიძლება. იმაზე. თუ რამხელა ენთუზიაზმი, პასუხისმგებლობა, შრომა, თავგანწირვა და საგუნდო მუსიკისადმი სიყვარული გვაერთიანებს თითოეულ ჩვენთაგანს. ჩემი ამ გუნდში აღმოჩენის და დარჩენის განმსაზღვრელი გახდა სინათლის ის სხივი, რაც მათ პირველ გამოსვლაში დავინახე და რაც უპირობოდ გუნდის ხელმძღვანელისგან მომდინარეობდა. მაშინ ჩემში დაუძლეველი სურვილი გაჩნდა, რომ ამ ისტორიის ნაწილი გავმხდარიყავი, რაც ძალიან მახარებს. ვიცი, რომ წინ კიდევ დიდი, შემოქმედებითად და სირთულეებით დატვირთული, მაგრამ საინტერესო გზაა გასავლელი.

ქეთევან ჭკუასელი
ქეთევან ჭკუასელი

- სცენაზე სოლო მომღერლის ამპლუაში აქტიური გამოსვლა თუ შედიოდა თქვენს გეგმაში?

- რომ არ მოგატყუოთ, ნამდვილად არ შედიოდა... მიუხედავად იმისა, რომ ანსამბლში ვუკრავდი კლავიშებიან ინსტრუმენტზე და აქტიური სოლისტიც ვიყავი. 1997 წელს, ბორჯომის საბავშვო-საესტრადო სიმღერის კონკურსზე „ბროლის ნაძვი“, როგორც ახალგაზრდა ავტორ-შემსრულებელმა, მეორე საპრიზო ადგილი დავიმსახურე. 90-იანებიდან დღემდე როგორც სოლო შემსრულებელს საკმაოდ დიდი წყვეტა მქონდა. დღეს ჩემს ცხოვრებაში ახალი ეტაპია. ტრიო, რომელიც ახლახან დაიბადა, მეგობრებთან, მარიამ ბერძენიშვილსა და საბა ფეიქრიშვილთან ერთად, ჩემთვის ახალი და ლამაზი გამოცდილებაა. ჩვენ მოგვწონს და სიამოვნებას გვანიჭებს ერთად მუზიცირება. გვინდა, რომ ქართული ანსამბლური სიმღერის ტრადიცია გავაგრძელოთ და ახალი სიტყვაც ვთქვათ. დღეს არ ვჩერდებით, ვმუშაობთ და ვნახოთ მოვლენები როგორ განვითარდება.

- სამომავლოდ ამ მდიდარმა მუსიკალურმა გამოცდილებამ განაპირობა ის, რომ დღეს ქართულ, გემოვნებიან სიმღერას თავად ასწავლით ბავშვებს...

- პირველ რიგში უნდა ვახსენო დედა, რომლისგანაც მემკვიდრეობით და ამავე დროს, მასთან მუდმივად გვერდით ყოფნით გადმომეცა ის პედაგოგიური და ფსიქოლოგიური უნარ-რჩევები, რაც გადამწყვეტია ბავშვებთან საგანმანათლებლო ურთიერთობისთვის. ჩემმა მრავალწლიანმა გამოცდილებამ დამანახა, რომ პროფესიონალი პედაგოგი ერთდროულად არის: მასწავლებელი, ფსიქოლოგი და მშობელი. თუმცა ყოველივე ეს გულიდან წამოსული უპირობო სიყვარულით თუ არ მოედინება, მაშინ ყოველგვარი შრომა ფუჭი იქნება. საბოლოოდ ჩემმა პროფესიამ ბავშვებთან მუშაობის ჩემეული სპეციფიკის ჩამოყალიბება განაპირობა.

- ქეთევან, რომ არა მუსიკა თქვენს ცხოვრებაში, რა იქნებოდა?

- რომ არა მუსიკა... იქნებოდა ისევ მუსიკა... მხოლოდ იმ ჟანრით წარმოდგენილი, სადაც მუსიკასთან ერთად წამყვანი როლი რიტმს და სხეულის ენას ენიჭება, ანუ ვიქნებოდი მოცეკვავე. უდიდესი გატაცებითა და ამ საქმის ასევე დიდი სიყვარულით. ზოგადად რიტმი, როგორც სამყაროში არსებული რხევები, ჩემს შინაგან სამყაროსთან ღრმადაა დაკავშირებული. რიტმი ჰარმონიასთან ერთად თავისუფლების საოცარ შეგრძნებას მანიჭებს, რის გარეშეც წარმოუდგენელი ვხდები...

 

218

„ადამიანის ხორცი“: ესპანელი ვეგანების შემზარავი პერფორმანსი მადრიდში - ვიდეო

0
(განახლებულია 23:06 12.06.2021)
ესპანელმა აქტივისტებმა, რომლებიც ცხობველების ხოცვასა და ხორცის ჭამას აპროტესტებდნენ, მადრიდის ქუჩაში შთამბეჭდავი პერფორმანსი მოაწყეს. ნახეთ ვიდეო, რა ღირს ადამიანის ხორცი

ესპანელმა ვეგანებმა პერფორმანსი მოაწყეს, რისთვისაც გაშიშვლდნენ, წითელი საღებავი გადაისხეს და პენოპლასტის დაფებსა და პოლიეთილენის პაკეტებში ისე შეიფუთნენ, როგორც ჩვეულებისამებრ ხორცპროდუქტებია დაფასოებული. 

ამის შემდეგ პირდაპირ მოედანზე დაწვნენ ხალხის თვალწინ.

სანახაობა მეტად ნატურალისტური და ერთგვარად შემზარავიც იყო იმის გათვალისწინებით, რომ შეფუთვაზე დატანილ მარკირებაზე ხორცის ტიპიც ეწერა, „ვარგისიანობის“ ვადაც და ფასიც: „ადამიანის ხორცი, 1 კგ ფასი 3,08 ევრო“.

    

0