მდინარე არაგვი

ზოდიაქოს ნიშნების კომპლექსები

6446
(განახლებულია 11:19 22.10.2019)
რა თქმა უნდა, არ არსებობს სრულყოფილი ადამიანი, რომელსაც არანაირი კომპლექსი არ აწუხებს. ბევრ ჩვენგანს აქვს რთული ხასიათი და კომპლექსების მთელი „ნაკრები"

გარეგნულად ყველაზე თავდაჯერებულ ადამიანსაც კი თავში უამრავი შიში და ეჭვი აქვს. ეს პრობლემა ბავშვობიდან მოგვყვება. ამ კომპლექსებს კარგად ვნიღბავთ, მაგრამ ეს ბედნიერებაში არ გვეხმარება. ასტროლოგები გვთავაზობენ, სიმართლეს თვალებში ჩავხედოთ და გავთავისუფლდეთ უარყოფითი მომენტებისგან, რათა ჩვენი ცხოვრება უკეთესობისკენ შეიცვალოს.

ვერძი

ჯიუტი და ამბიციური ვერძი გამარჯვებებით ცხოვრობს. ის ლიდერი უნდა იყოს ყველაფერში. შეჯიბრებითობის ინსტინქტს ის წინ მიჰყავს. აქედან გამომდინარეა სხვადასხვა რეფლექსია ამ სტილში - ან მე, ან არავინ. ნებისმიერი მარცხი ვერძში თვითგვემის შეტევებს იწვევს. მას არ აწყენდა ცხოვრებისადმი მარტივი დამოკიდებულება. იყო საუკეთესო ყველაფერში - ეს ძალზე დამღლელია და თან - არასავალდებულო.

კურო

კუროს ცვლილებების ეშინია. მისი საყვარელი მდგომარეობა სტაბილურობაა, ამიტომ, როდესაც ცხოვრებაში ცვლილებები იწყება, კურო ნერვული და ბრაზიანი ხდება. გონებით აცნობიერებს, რომ მეტამორფოზები გარდაუვალი და მნიშვნელოვანია, მაგრამ ცვლილებებზე უარს ამბობს. ეს თავდაჯერებულობის ნაკლებობით არის გამოწვეული, ამ დროს კი ეს კომპლექსი უსაფუძვლოა. კუროს უპრობლემოდ შეუძლია ნებისმიერ ვითარებასთან ადაპტირება.

ტყუპი

ტყუპი ლიდერობით არის შეპყრობილი და საშინლად ეშინია, რომ იმქვეყნად უვიცი არ წავიდეს. სურს იყოს ავტორიტეტული ადამიანი, რომლის მოსაზრებებსაც ითვალისწინებენ. გარშემომყოფების ნებისმიერი ეჭვი მისი სიტყვების ფასეულობაში ტყუპს შინაგან ჰარმონიას უნგრევს და მის გულს შიშით აღავსებს.

კირჩხიბი

კირჩხიბი გარშემომყოფების მოსაზრებებზეა დამოკიდებული, მაგრამ ამას გულმოდგინედ მალავს. ეს ვითარებას კიდევ უფრო აუარესებს. მას ეშინია იმის დაკარგვის, რაც უკვე არის, არ არის დარწმუნებული, რომ მნიშვნელოვანი და საინტერესო ადამიანია, გარეგნობასთან დაკავშირებით კომპლექსებით არის სავსე. თვითშეფასების ამაღლებაში მას ნამდვილად ახლობელი ადამიანი დაეხმარება, რადგან თვითონ დამოუკიდებლად ეს არ შეუძლია.

ლომი

ლომი თავს, რა თქმა უნდა, საუკეთესო ნიშნად მიიჩნევს და ყველანაირად ცდილობს ამის ჩვენებას. მაგრამ თუ ღრმად დავუკვირდებით, ის აცნობიერებს თავის არასრულყოფილებას და ამასთან შეგუება არ შეუძლია. მუდმივად უწევს საკუთარ თავზე „გადახტომა", რომ „ოქროს სტანდარტების" შესატყვისი იყოს. ცხოვრებას ლომს უფუჭებს იმის შიში, რომ ამხელენ და სხვების დასაცინი გახდება.

ქალწული

ქალწული პერფექციონიზმითა და „ფრიადოსნის" კომპლექსით იტანჯება. რა თქმა უნდა, სურვილი, რომ ყველაფერში უკეთესს მიაღწიო, სანაქებოა, თუ ამას ნევროზამდე არ მივყავართ. განცდებით, თავბრუდამხვევი ძალისხმევით ქალწული ართულებს სასურველის მიღწევას. უფრო მეტიც, იდეალისკენ სწრაფვა ხშირად ცნებების აღრევას იწვევს: ქალწულისთვის მთავარი პროცესი კი არა, არამედ საკუთარი ამბიციები ხდება.

სასწორი

ამ ნიშნის მთავარი მიზანია მდგომარეობა საზოგადოებაში, პოპულარობა. საზოგადოების მოსაზრებები და სურვილი, იყოს საუკეთესოთა შორის საუკეთესო, მას სრულფასოვანი ცხოვრებით ცხოვრების საშუალებას არ აძლევს. სასწორის მთავარი პრობლემაა ის, რომ უფრთხილდება იმათ მოსაზრებებს, ვისგანაც თავის შორს დაჭერა უფრო უპრიანი იქნებოდა. საერთოდ ვერ ერკვევა ადამიანებში, ამიტომ გარშემო ხშირად მტრები და მოშურნეები ჰყავს შემოკრებილი. შემდეგ კი გულწრფელად უკვირს, რატომ არ აფასებს არავინ, არავის უყვარს და არავინ უჭერს მხარს.

მორიელი

მორიელისთვის სასიცოცხლოდ აუცილებელია ადამიანების მართვა. ხანდახან ის თავად ვერ ხვდება, რა სურს, მაგრამ როდესაც ძალაუფლება უვარდება ხელში, აცნობიერებს, რომ სწორედ ეს ავსებს მას ძალითა და მოტივაციით. ძალაუფლების სიყვარულის კომპლექსი, თუ ამაზე მორიელმა არ იმუშავა, სისასტიკეში, სარკაზმსა და სნობიზმში შეიძლება გადაიზარდოს.

მშვილდოსანი

მშვილდოსანი ზედმეტად ალტრუისტია, იმდენად, რომ გარშემომყოფებს ძაბავს. თანაგრძნობის გამოხატვა იმის მიმართ, ვინც ამას არ გთხოვს, ყველას დახმარება - სიამოვნებით. მოკლედ, მშვილდოსანს დედა ტერეზას კომპლექსი ავსებს, რაც სასიცოცხლო ძალების სიჭარბითა და განვითარებული ემპათიით არის გამოწვეული. მთელი უბედურება ისაა, რომ სანამ მშვილდოსანი სამყაროს გადასარჩენად მთელი ძალებითაა ჩართული, მას ავიწყდება იმ ადამიანების დახმარება, ვისაც ეს ყველაზე მეტად სჭირდება.

თხის რქა

თხის რქას კომპლექსები არ აწუხებს: ის თავდაჯერებული, მშვიდი და მტკიცეა. სხვათა შორის, მიზნების მიღწევაში სწორედ ეს უშლის ხელს. თხის რქა ზედმეტად თავმოყვარეა, რის გამოც თვითონ ირიყება ახლობლებისგან, იღბლიანი შესაძლებლობებისა და პერსპექტივებისგან და ამას თავისი ყურადღების ღირსად არ მიიჩნევს.

მერწყული

მერწყულის ცხოვრებას სერიოზულად ვნებს მარცხის შიში. ამ ნიშანს არ სწამს საკუთარი თავისა და შესაძლებლობებისა. პასუხისმგებლობა მასში საშინელ განცდებს იწვევს და ეს სერიოზული გამოცდა ხდება მისთვის. ყოველ ჯერზე, როცა რამე ახალს იწყებს, მერწყულს ეშინია, რომ ამას ვერ გაუმკლავდება. და ვერ დაუმტკიცებ, რომ მარცხი ცხოვრების გზაზე ჩვეულებრივი რამაა. უბრალოდ, საკუთარი თავის ხელში აყვანაა საჭირო.

თევზები

თევზები ვერ იტანენ, როცა დინების საწინააღმდეგოდ უწევთ ცურვა. ნებისმიერ ძალისხმევას ისინი ალმაცერად უყურებენ და ორომტრიალს უწოდებენ, ცდილობენ, საკუთარ თავზე მინიმუმი აიღონ. თევზების პასიურობა გადაწყვეტილების მიღების შიშითაა გამოწვეული. ოცნებისკენ გადადგმული ნებისმიერი ნაბიჯი აღიქმება, როგორც გამოცდა, რომელიც აუცილებლად ცუდი შედეგით დამთავრდება.

6446
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

155
(განახლებულია 10:59 01.03.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

155
კაკლის ხე ყვავილობისას

დღის ასტროპროგნოზი ზოდიაქოს ნიშნებისთვის: 1 მარტი

152
(განახლებულია 10:06 01.03.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 1 მარტია, ორშაბათი. კლებადი მთვარე სასწორის ნიშანშია. ამ დღეს პლანეტა მთვარე მფარველობს.

დღეს „გლობალური წესრიგის“ დღეა და ამისგან გარიდება რთული იქნება. თუ მიჩვეული ხართ, რომ თქვენი ნივთები აქეთ–იქითაა მიმოფანტული, მაშინ თქვენი დღე არ ყოფილა. ესაა ორგანიზებულობის დღე ყველაფერში – ჩვეულებრივი საშინაო საქმეებიდან დაწყებული რომანტიკული ურთიერთობებით დამთავრებული. თუ გსურთ, რომ იღბლიანი დღე იყოს, მაშინ ეცადეთ, რომ ყველაფერი მოაწესრიგოთ. ეს ძალან არც გაგიჭირდებათ, რადგან თვითორგანიზებულობა დღეს სათანადო დონეზე იქნება და სიზარმაცეს ადვილად დაძლევთ.

ზოდიაქოს ნიშნების ინტიმური შეთავსებადობა>>

ვერძი: დღეს ყველაზე მეტად სამართლიანობის საკითხები შეგაწუხებთ – როგორც პირადი, ისე გლობალური. წყენა, თუ როგორ მოგექცნენ, საკუთარი სიმართლის შეგრძნება და ამ სიმართლის დამტკიცების სურვილი – ასეთი ფიქრები დღეს თქვენს ნერვებზე იმოქმედებს. მიუხედავად საბრძოლო განწყობისა, ასტროლოგები კატეგორიულად გირჩევენ, არ ჩაებათ არანაირ კამათში იმის შესახებ, თუ ვინაა მართალი და ვინ – მტყუანი. ეს თემა დღეს ძალზე მტკივნეული იქნება და დიდი ალბათობით, საპირისპირო შედეგს მოიტანს.

კურო: დღეს გარშემომყოფები თავიანთი პრობლემებისა და საზრუნავის უმეტენს ნაწილს თქვენს მხრებზე გადმოიტანენ. მზად ხართ მხარდაჭერისა და დახმარებისთვის, შეგიძლიათ, საკუთარი საქმეებიც განზე გაწიოთ. მაგრამ ვინც დახმარებას გთხოვთ, შეიძლება ინანონ კიდეც, იმდენად ჩაუღრმავდებით მათ პრობლემებს და ძირფესვიანად გააანალიზებთ, ამასთან არ დაინდობთ მათ გრძნობებს. თქვენი სიტყვები ლოგიკური, მაგრამ სასტიკი და დაუნდობელი იქნება.

ტყუპი: დღეს თქვენში ნამდვილი ორგანიზატორი გაიღვიძებს და ეს ნიჭი უმაღლეს დონეს მიაღწევს. თქვენი „ნარინჯისფერი მაისური“ შორიდანაც კი შესამჩნევი იქნება და გარშემომყოფებს აიძულებს, უკან გამოგყვნენ. რამის ორგანიზება შეიძლება ირგვლივ მყოფებმა გთხოვონ, ან თვითონ აიღოთ პასუხისმგებლობა საკუთარ თავზე. მაგრამ ამას მნიშვნელობა არა აქვს, რადგან ხართ ენერგიული, მკაფიოდ ხედავთ მიზანს და თან, უარს არა ხართ, რომ ბრძანებები გასცეთ.

კირჩხიბი: დღეს ყურადღებას სახლის სხვადასხვა საზრუნავი მიიქცევს და თან არა მხოლოდ იმ წამს გასაკეთებელი, არამედ ისეთებიც, რომლებიც უკვე დაგროვდა და დიდი ხანია, მოსაგვარებელია. ამასთან, თქვენი ყურადღება და დახმარება შეიძლება ახლობლებსაც დასჭირდეთ. და რადგანაც ათასად ვერ გაიხლიჩებით, პრიორიტეტების გადანაწილება მოგიწევთ გზადაგზა – რომელია უფრო მნიშვნელოვანი საქმე და რომელ ახლობელს უფრო მეტად სჭირდება თქვენი დახმარება.

ლომი: დღეს სხვების დარწმუნების საოცარი უნარი გექნებათ და ამის მიზეზი თქვენი თანამიმდევრულობა და ლოგიკურობაა. შეგიძლიათ ნაბიჯ–ნაბიჯ ნებისმიერი დაარწმუნოთ რაშიც გინდათ: მგელი იმაში, რომ კომბოსტო სასარგებლოა ჯანმრთელობისთვის, დონ ჟუანი, რომ ერთგულება სასარგებლოა და ხელმძღვანელობა, რომ ვალდებულია, ხელფასი მოგიმატოთ. ახლობლების წრეში კი კი თქვენი ჯანსაღი აზროვნება, შესაძლებელია, მომაბეზრებელ აზრებად აღიქვან ხუმრობის სამიზნე გახდეთ.

ქალწული: შესანიშნავი დღეა იმისთვის, რომ საკუთარ ფინანსებს მიხედოთ. მოულოდნელად თქვენში შეიძლება დიდმა მუღალტერმა გაიღვიძოს და დეტალურად დაიანგარიშოთ ყველა ხარჯი და შემოსავალი. თუნდაც აღმოაჩინოთ, რომ თქვენს საბანკო ანგარიშზე რაღაც წესრიგში არაა, სიტუაციას ისე გამოაწორებთ, რომ ყველაფერს სასარგებლოდ შემოაბრუნებთ. და თუ ყველაფერი წესრიგშია, ფულს მაინც არ შეამცირებთ – დღეს ეკონომიურობა თქვენი მახასიათებელია.

სასწორი: მზად უნდათ იმისთვის, რომ თქენი ნებისმიერი გადაწყვეტილების, იდეისა და პროექტის საფუძვლიანი დასაბუთება მოგიწევთ. გარშემომყოფები სიტყვაზე არ გენდობიან და თქვენი „გადამდები“ ემოციები და ორატორული ოსტატობა სასურველ ეფექტს ვერ გამოიღებს. დღევანდელი წარმატების რეცეპტი – ეს ლოგიკაა და მხოლოდ ლოგიკა. მოგიწევთ ერთგვარი პრეზენტაციის მოწყობა, სადაც ნაბიჯ–ნაბიჯ განმარტავთ საკუთარ მოსაზრებებს და დაარწმუნებთ ირგვლივ მყოფებს თქვენი სიტყვების სიმართლეში.

მორიელი: თქვენი დაკვირვების უნარი და გამჭრიახობა ისეთ სიმაღლეებს მიაღწევს, რაზეც წარმოდგენაც კი არ გქონდათ. ინტუიციაცა და ლოგიკაც ერთნაირად მაღალ დონეზე იქნება, რაც მოგცემთ საშუალებას, ჩაწვდეთ საქმის არსს და სწორი დასკვნები გამოიტანოთ ცარიელ ადგილზე (როგორც შერლოკ ჰოლმსი). შედეგად გარშემომყოფებმა შეიძლება იფიქრონ, რომ ტელეპათი ხართ და მათ ფიქრებს კითხულობთ. ასეთი თვისებების წყალობით შეიძლება შეიტყოთ რამდენიმე ფაქტი გარშემომყოფებზე, რომლებსაც ისინი გულმოდგინედ მალავენ.

მშვილდოსანი: გარშემომყოფებთან ურთიერთობები დღეს უკიდურესად ჩახლართული შეიძლება იყოს. და ყველაფერი იმის გამო, რომ ერთსა და იმავე ადამიანზე ინტუიცია გეუბნებათ ერთს, ხოლო ფაქტები – სრულიად საპირისპიროს. სულ რომ არ დაკარგოთ ორიენტირები, ვარსკვლავები გირჩევენ, რომ პირველ რიგში, საკუთარ გულს მოუსმინოთ. ის გიკარნახებთ, ვინ არის თქვენი ნამდვილი მეგობარი ვინ – მხოლოდ გაჩვენებთ თავ მეგობრად.

თხის რქა: დღეს საქმიანი საკითხები შეგაშფოთებთ იქამდეც კი, რომ თუ რამე თქვენი კონტროლიდან გავა, ეს, შეიძლება, პირად შეურაცხყოფად აღიქვათ. ზოგადად, ემოციურობა და ზედმეტად მწვავე რეაქცია პრაქტიკულ ამოცანებზე შესაძლოა, თქვენი ამ დღის „სავიზიტო ბარათი“ გახდეს. განსაკუთრებით, თუ მოგეჩვენებათ, რომ გარშემომყოფები ზარმაცობენ და არ ასრულებენ საკუთარ მოვალეობებს – ვერავის მისცემთ უფლებას, თქვენი პროგრესი დაამუხრუჭოს.

მერწყული: დღეს გაქვთ შანსი, რომ ადამიანების „მიზიდულობის ცენტრი“ გახდეთ. გარშემომყოფები მოგაკითხავენ თავიანთი პრობლემებით, სიხარულით, საზრუნავით. ბევრ შემთხვევაში შეგიძლიათ მათი რეალური დახმარება უშუალო მონაწილეობითა თუ მხარდაჭერით. ვარსკვლავები გირჩევენ, რომ არ მოერიდოთ ადამიანების საქმეებში ჩარევას, თუ, რა თქმა უნდა, გთხოვენ ამის შესახებ. თქვენი ალტრუიზმი დაჯილდოებული იქნება – შესაძლოა, სიკეთის კეთებისას მონათესავე სულსაც შეხვდეთ.

თევზები: დღეს არავითარ შემთხვევაში არ უნდა ჩაებათ კონფლიქტში, რომელიც თუნდაც არაპირდაპირ უკავშირდება ძალაუფლებისთვის ბრძოლას. საერთოდ არ ღირს არანაირ კონფლიქტში ჩაბმა. თუნდაც გაიმარჯვოთ, ეს საბოლოოდ ცრუ გამარჯვება აღმოჩნდება და დამარცხებული შეძლებს რევანშის აღებას. ამიტომ ვარსკვლავები გირჩევენ, დღეს გუნდთან ერთად ითამაშოთ და არა მის წინააღმდეგ და განსაკუთრებით კარგად გამოგივათ დაცვის და არა თავდასხმის ხაზზე თამაში.

152
კორონავირუსის ეპიდემია

COVID-19-ის ერთი წლის ქრონიკა და ინფიცირებული ეკონომიკის ანამნეზი...

0
(განახლებულია 10:04 01.03.2021)
რატომ და როგორ იზრდებოდა საქართველოში კოვიდინფიცირებულთა რაოდენობა... ერთი წლის ქრონიკა ციფრებში... დაუშვა თუ არა მთავრობამ შეცდომა, როცა შეზღუდვების შემსუბუქებისა და ეტაპობრივად მოხსნის გადაწყვეტილება მიიღო და ბოლოს, რა დაღი დაასვა COVID-19-მა ქვეყნის ეკონომიკას?

სამსონ ხონელი

ერთი წელი გავიდა, რაც მთავრობის კანცელარიაში გამართულ ბრიფინგზე ოკუპირებული  ტერიტორიებიდან დევნილთა, შრომის, ჯანმრთელობის და სოციალური დაცვის მინისტრმა ეკატერინე ტიკარაძემ გვაუწყა, რომ საქართველოში COVID-19-ით ინფიცირების პირველი შემთხვევა ლაბორატორიულად დადასტურდა... ვფიქრობ, ურიგო არ იქნება, განვლილ პერიოდს კიდევ ერთხელ გადავავლოთ თვალი, ვნახოთ, როგორი იყო ვირუსის გავრცელების დინამიკა, რა კონკრეტული ნაბიჯები გადადგა სახელმწიფომ უხილავ მტერთან საბრძოლველად და რაც მთავარია, როგორ აისახა COVID-19-ის პანდემია ქვეყნის ეკონომიკაზე.

ამთავითვე უნდა ითქვას, მთავრობამ ეპიდემიოლოგების რეკომენდაციები გაითვალისწინა და COVID-19-თან საბრძოლველად მზადება ჯერ კიდევ 2019 წლის დეკემბერში დაიწყო და მომდევნო წლის იანვრის თვის ბოლოს ვირუსის გავრცელების პრევენციის სამოქმედო გეგმა დაამტკიცა, 29 იანვარს ჩინეთთან, ხოლო 23 თებერვალს ირანთან საჰაერო მიმოსვლა შეაჩერა.

მას შემდეგ, რაც COVID-19-მა საქართველომდეც მოაღწია, მარტის დასაწყისში სკოლებსა და უმაღლეს სასწავლებლებში სასწავლო პროცესი შეწყდა, დაიხურა საბავშვო ბაღებიც. მარტის პირველ კვირაში იტალიასთან ავიამიმოსვლა აიკრძალა, ხოლო მაღალი გავრცელების ზონის ქვეყნებიდან ჩამოსულ მოგზაურებს ორკვირიანი კრანტინი და თვითიზოლაცია დაუწესდა.

მარტის თვის მეორე დეკადაში ნებისმიერი უცხო ქვეყნის მოქალაქისთვის საზღვარი ჩაიკეტა. ამავე პერიოდში დაიხურა სამთო კურორტები, აიკრძალა სამარშუტო ტაქსების მოძრაობა, დაიხურა ყველა ტიპის ბაზრობები და სავაჭრო ცენტრები. 21 მარტს კი საგანგებო მდგომარეობა გამოცხადდა. აიკრძალა ათ ადამიანზე მეტის შეკრება და შესაძლო დარღვევევბზე საკმაოდ მაღალი ჯარიმა დაწესდა - ფიზიკური პირებისთვის 3000 ლარი, იურიდიული პირებისთვის 15 000 ლარი.

31 მარტს საყოველთაო კარანტინი გამოცხადდა. აიკრძალა საქალაქთაშორისო და ყველა სახის მუნიციპალური ტრანსპორტი. მგზავრობა ნებადართული დარჩა მხოლოდ კერძო ავტოობილებით, მათ შორის ტაქსით. საღამოს 21:00 საათიდან დილის 06:00 საათამდე კომენდანტის საათი გამოცხადდა, ხოლო დიდ ქალაქებში საკონტროლო-გამშვები პუნქტები მოეწყო. აღდგომის დღესასწაულთან დაკავშირებით სასაფლაოები ჩაიკეტა. ამავე პერიოდიდან დახურულ სივრცეში პირბადის ტარება სავალდებულო გახდა.

აპრილის თვის ბოლოს მკაცრი შეზღუდვების ეტაპობრივი მოხსნა დაიწყო, თუმცა საგანგებო მდგომარეობა მაისის თვის ბოლომდე გახანგრძლივდა. ამავე პერიოდში ხალხის რჩეულებმა „საზოგადოებრივი ჯანმრთელობის შესახებ“ კანონში ცვლილებები შეიტანეს. მთავრობას თითქმის იგივე უფლებები მიენიჭა, რაც საგანგებო მდგომარეობის დროს, იმ განხვავებით, რომ პრეზიდენტისა და პარლამენტის თანხმობა უკვე საჭირო აღარ იყო. კანონის მოქმედების ბოლო ვადა 15 ივლისით განისაზღვრა, თუმცა ის ჯერ მიმდინარე წლის 1 იანვრამდე, ბოლოს კი 1 ივლისამდე გახანგრძლივდა.

ზაფხულის თვეებში, სავარაუდოდ ტურისტული სეზონის გადასარჩენად, შეზღუდვების დიდი ნაწილი უკვე მოხსნილი იყო... 2020 წლის 31 აგვისტოს მდგომარეობით ინფიცირების სულ 1487 და გარდაცვალების 19 შემთხვევა დაფიქსირდა... ეს მოსახლეობის რაოდენობის გათვალისწინებით, მსოფლიოში ერთ-ერთი საუკეთესო შედეგი იყო... ეპიდემიოლოგთა დიდი უმრავლესობა მიიჩნევს, რომ საშემოდგომოდ ინფიცირების რაოდენობის მატება სწორედ საზაფხულოდ კოვიდრეგულაციების შემსუბუქების შედეგია...

სექტემბრის ბოლოს COVID-19-ით ინფიცირებულთა საერთო რაოდენობამ 6192-ს მიაღწია... ზუსტად ერთი თვის შემდეგ ეს მაჩვენებელი ორმოცი ათასს მიუახლოვდა... ინფიცირების შემთხვევათა რაოდენობამ პიკს ნოემბერ-დეკემბერში მიაღწია. თუ გიორგობისთვის ბოლოს ქვეყანას 136.000-მდე კოვიდინფიცირებული ჰყავდა, გასული წლის ბოლოს მათი რაოდენობა 227.000-მდე გაიზარდა.

მთავრობა იძულებული გახდა, ოქტომბრიდან შეზღუდვები ისევ გაემკაცრებინა... პირბადე გარე სიცრცეშიც სავალდებულო გახდა. ნოემბრის პირველი დეკადის ბოლოს გადაადგილება 21:00 საათიდან 05:00 საათამდემდე აიკრძალა. კომენდატის საათის გამოცხადებიდან მალევე, 28 ნოემბრიდან ქვეყანა კიდევ ერთხელ ჩაიკეტა ანუ ლოქდაუნი მეორედ გამოცხადდა... აქვე, მოგახსენებთ, რომ 2020 წლის 21 მარტიდან 31 დეკემბრის ჩათვლით კოვიდრეგულეციების დარღვევის გამო თითქმის 37 მილიონი ლარის ჯარიმა გამოიწერა...

დარწმუნებული ვარ, მკითხველს კარგად მოეხსენება, პრემიერ-მინისტრის თანამდებობაზე ახლადდამტკიცებულმა ირაკლი ღარიბაშვილმა სულ სამიოდე დღის წინათ საზოგადოებას კოვიდრეგულაციების ეტაპობრივად მოხსნის გეგმა გააცნო... გარკვევით ითქვა ისიც, რომ თუ მოსახლეობა პირბადის ტარებისა და დისტანციის დაცვის წესს გაითვალისწინებს, ქვეყანა თანდათან ცხოვრების ჩვეულ რიტმს დაუბრუნდება. როგორ აისახება შეზღუვების მორიგი მოხსნა ეპიდემიოლოგიურ ვითარებაზე, ამას დრო გვიჩვენებს, მანამდე კი საზოგადოებაში არ წყდება დისკუსია − როდიდან და რა სახის რეგულაციები უნდა დაწესებულიყო, როგორია კოვიდშეზღუდვების ეფექტი ეპიდსიტუაციაზე და მისი ნეგატიური ზემოქმედების ხარისხი ეკონომიკაზე.

არახალია, ეკონომიკური მდგომარეობა მძიმეა... თანმიმდევრულად მივყვეთ და რამდენიმე პარამეტრი მიმოვიხილით...

მთლიანი შიდა პროდუქტი − გასულ წელს ქვეყანაში ეკონომიკური ვარდნის მაჩვენებეელი 1994 წლიდან მოყოლებული ყველაზე უარესი, 6.1 პროცენტი იყო, რაც მსოფლიოში მთლიანი შიდა პროდუქტის შემცირების მაჩვენებელს 2.1 პროცენტით აღემატება. არასახარბიელოა მიმდინარე წლის პროგნოზიც. მართალია, ბიუჯეტი 4.3 პროცენტიან ეკონომიკურ ზრდაზე დაიგეგმა, ხოლო ეროვნული ბანკის შეფასებით, მიმდინარე წელს მთლიანი შიდა პროდუქტი 4 პროცენტით უნდა გაიზარდოს, მაგრამ ფაქტია, რომ ახალი წლის პირველი თვე ეკონომიკის 11.5 პროცენტიანი შემცირებით დასრულდა. 

პირდაპირი უცხოური ინვესტიციები − სტატისტიკის ეროვნულ სამსახურს გასული წლის საბოლოო შედეგები ჯერ არ გამოუქვეყნებია და ჩვენც ისღა დაგვრჩენია პირველი სამი კვარტალის მონაცემებით ვიხელმძღვანელოთ. ამ პერიოდში საქართველოში 719 მილიონი ამერიკული დოლარის პირდაპირი უცხოური ინვესტიცია განხორციელდა, რაც 2019 წლის ანალ0გიურ პერიოდთან შედარებით 24 პროცენტით ნაკლებია და ბოლო ათი წლის ყველაზე ცუდი მაჩვენებელია.

საგარეო ვაჭრობა − გასულ წელს საგარეო სავაჭრო ბრუნვა შემცირდა, კერძოდ, ექსპორტი 11.1 პროცენტით, ხოლო იმპორტი − 16.6 პროცენტით  შემცირდა. ანალიტიკოსთა შეფასებებით, იმპორტის შედარებით უფრო დიდი მოცულობით შემცირება, მისი ადგილობრივი ნაწარმით ჩანაცვლებამ კი არა, ნავთობზე ფასების ვარდნამ და მსყიდველობითუნარიანობის კლებამ განაპირობა.

ფულადი გზავნილები − გასული წლის განმავლობაში საქართველოში საზღვარგარეთიდან რეკორდული ოდენობის − 1.886 მილიარდი დოლარის ფულადი გზავნილი განახორციელდა, რაც 2019 წლის მაჩვენებელთან შედარებით 8.8 პროცენტით მეტია, ხოლო მიმდინარე წლის იანვარში ეს მაჩვენებელი გასული წლის ანალოგიურ პერიოდთან შედარებით 19 პროცენტით გაიზარდა. ანალიტიკოსთა შეფასებით, COVID-19-ის პანდემიისა და ეკონომიკური კრიზისის ფონზე, როდესაც საგარეო ვაჭრობაც შემცირდა, ინვესტიციების მოცულობაც, ტურიზმიც და პრაქტუკულად ყველა სხვა ეკონომიკური აქტიობა, უცხოეთიდან საქართველოში ფულადი გზავნილების ზრდაში გარკვეული როლი მისმა ბოლომდე გაოფიციალურებამაც შეასრულა. სატრანსპორტო მიმოსვლის აკრძალვის გამო, ემიგრანტებმა თანხის ახლობლისთვის ხელზე გატანების საშუალება დაკარგეს. ფულადი გზავნილები კონკრეტულ ადრესატამდე საბანკო სისტემის გავლით მიდიოდა და შესაბამისად, მარტივად აღრიცხვადიც იყო...

ტურიზმი − არავის გაუკვირდება, სფეროდან შემოსავალი ფაქტობრივად განულდა. სექტორი 2000-იანი წლების მაჩვენებლებს დაუბრუნდა.   

უმუშევრობა − გასული წლის მეოთხე კვარტალში უმუშევრობა 3.8 პროცენტით გაიზარდა და 20.4 პროცენტი შეადგინა, რაც 2018 წლის პირველი კვარტალის შემდეგ ყველაზე მაღალი მაჩვენებელია. დასაქმებულთა საერთო რაოდენობა 1.197 მილიონს დაუბრუნდა რაც შვიდი წლის წინანდელი მაჩვენებელია.  

ეროვნული ვალუტა − თავისი არსებობის მეოთხედსაუკუნოვანი ისტორიის განმავლობაში ლარის კურსი დოლართან მიმართებაში პირველად გასცდა სამიან ნიშნულს. გასულ წელს ლარი საშუალოდ 16 პროცენტით გაუფასურდა.

და ბოლოს, სიღარიბისა და უკიდურესი სიღარიბის ზუსტი სტასტისტიკა უცნობია, მაგრამ ცნობილია, რომ გასულ წელს სოციალური დახმარების მიმღებ პირთა რაოდენობა თითქმის 100.000-ით გაიზარდა და ნახევარ მილიონს გადააჭარბა.

ასეთია COVID-19-ის ერთი წლის არასრული სტატისტიკა... ვნახოთ, რა იქნება კიდევ ერთი წლის შემდეგ... შეძლებს თუ არა საქართველო დროულად დაიწყოს ვაქცინაციის პროცესი, გაუსწორდეს პანდემიას, დაამარცხოს უხილავი მტერი და დაუბრუნდეს ცხოვრების ჩვეულ რიტმს... მანამდე კი, სხვა რა დაგვრჩენია, გავიკეთოთ პირბადე, დავიცვათ დისტანცია და ხშირად დავიბანოთ ხელები...

 

0