მზის ჩასვლა

2020 წლის ჰოროსკოპი - ვერძი

19748
(განახლებულია 11:35 18.10.2019)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

Знаки Зодиака - Овен
© Sputnik / Maria Tsimintia
ვერძი

როგორი იქნება 2020 წელი ვერძებისთვის - ზოგადი მიმოხილვა

2020 წელს ვერძები აღმოჩენებით დაიწყებენ - არ არის გამორიცხული, რომ მოულოდნელად საკუთარ თავში ახალი ნიჭი ან საკმაოდ არასტანდარტული სურვილები აღმოაჩინოთ. ვარსკვლავები გირჩევენ, ამას სრული სერიოზულობით მოეკიდოთ: ამის წყალობით ცხოვრების საფუძვლიანი შეცვლისა და მისი ცინცხალი სიამოვნებებით ავსების საშუალება შეიძლება მოგეცეთ. თებერვალში კარგი იქნება, თუ შვებულებას აიღებთ - წინა თვეში თვითანალიზი და მოულოდნელი „გაცისკროვნება" დიდ ენერგიას წაიღებს და ამ ენერგიის შევსება გჭირდებათ. ამასთან, ვირთხა მალე ახალ შესაძლებლობებს გაგიხსნით კარიერული ზრდისა და თვითრეალიზების კუთხით, ასე რომ, სხეულიცა და სულიც სათანადო ტონუსში უნდა იყოს.

წლის მეორე ნახევარი მოვლენებით იქნება დატვირთული. წაგადგებათ შვებულება ივლისში, წინააღმდეგ შემთხვევაში, იდუმალი სიყვარული, შემოსავლების დამატებითი წყარო, ახალი ჰობი და აქტიური საზოგადოებრივი საქმიანობა, რაც, დიდი ალბათობით, ამ პერიოდში მოგელით, ნერვულ გამოფიტვამდე მიგიყვანთ.

2020 წლის დეკემბერში გელოდებათ მეგობრული შეხვედრებისა და ელიტური ღონისძიებების კალეიდოსკოპი. გაიცნობთ მრავალ საინტერესო ადამიანს. მაგრამ არის ერთი საფრთხე - შესაძლოა, ერთ დღესაც აღმოაჩინოთ, რომ წონაში მოიმატეთ. სასწრაფოდ შეცვალეთ ცხოვრების სტილი და ფორმაში ჩადექით.

სასიყვარულო ჰოროსკოპი

ლითონის ვირთხის წელი ძალზე იღბლიანია პირადი ცხოვრებისთვის. გაჩნდება მეტი თავდაჯერებულობა, იგრძნობთ საკუთარ მომხიბვლელობას, ღიად აჩვენებთ თქვენს გრძნობებს. ეს განსაკუთრებით სუსტი სქესის წარმომადგენლებს ეხება, რომლებიც მდგომარეობის სრულფასოვან ბატონ-პატრონად იგრძნობენ თავს, შეძლებენ პარტნიორზე მსუბუქ „ბატონობას", საკუთარ თავზე რაღაც მნიშვნელოვანი გადაწყვეტილების აღებას. ამასთან, მამაკაცები თქვენი საქციელით აღფრთოვანებული დარჩებიან.

დაოჯახებულ ვერძებს პლანეტების განლაგება მკაფიოდ დაანახებს, ვინ იქნება ოჯახის წარმმართველი ძალა - რა თქმა უნდა, თქვენ. მაგრამ არ ღირს ამის შესახებ ხმამაღლა ყვირილი, ისიც საკმარისია, რომ თქვენ გარეშე არც ერთი ოჯახური ღონისძიება ან საქმე არ ჩაივლის. ამას გარდა, წლის განმავლობაში თაყვანისმცემლებიც გამოგიჩნდებიან. შესაძლებელია ცოტაოდენი ფლირტიც - ეს თქვენს ოჯახს არანაირ რისკს არ შეუქმნის, პირიქით, თქვენი პარტნიორი, იგრძნობს რა რაღაც „რისკს", უფრო მეტად დაგაფასებთ.

მარტოხელების სასიყვარულო ცხოვრება 2020 წელს გამოცოცხლდება. ურთიერთობები საწინააღმდეგო სქესის წარმომადგენლებთან გაგახარებთ, ბევრ სასიამოვნო შეგრძნებას გაჩუქებთ, რომლებიც, ფინალის მიუხედავად, ცხოვრების ბოლომდე გემახსოვრებათ.

კარიერა და ფინანსები

2020 წელს ფულს ხელმომჭირნედ დახარჯავთ, მაგრამ წუწურაქობას ვერავინ დაგწამებთ. თუ დაიცავთ ბალანსს ეკონომიასა და გულუხვობას, მუხლჩაუხრელ შრომასა და მხიარულ დასვენებას შორის, წელს ფინანსური სიდუხჭირის გარეშე გაატარებთ. მნიშვნელოვანი შემოსავალია მოსალოდნელი შუა ზაფხულში და შემოდგომის ბოლო დღეებში. ამ დროს არ დაივიწყოთ უფროსი ნათესავების მატერიალური დახმარება.

დიდი, ძვირფასი შენაძენების დროა იანვრის მეორე ნახევარი - თებერვლის დასაწყისი. ამისთვის ასტროლოგები განსაკუთრებით გამოყოფენ 23 იანვარს.

პლანეტების განლაგება გაზაფხულის დასაწყისში ახლობელი ადამიანების წარმატებულ საქმიან თანამშრომლობას პროგნოზირებენ, მაგრამ თქვენი მუშაობის ანაზღაურება წინასწარვე გაარკვიეთ, რომ შემდეგ რამე გაუგებრობა არ მოხდეს.

მცირე ფინანსური სირთულეებია მოსალოდნელი გაზაფხულის შუა პერიოდში, რაც, ძირითადად, სახლის პრობლემებთან იქნება დაკავშირებული.

ჯანმრთელობა

მოერიდეთ გაციებებსა და ვირუსულ დაავადებებს, ხოლო ყავის ნაცვლად ნატურალური წვენი სვით.

ვერძის ნიშნის პირველ დეკადაში დაბადებულები (21.03 – 30.03) - რაც შეიძლება მეტი დრო დაუთმეთ ფიზიკურ აქტივობას. საკვებში ჩართეთ მწვანილი, თხილი, ნიგოზი.

ნიშნის მეორე დეკადა (31.03 – 9.04) - დეპრესიაა მოსალოდნელი. ურთიერთობები იქონიეთ პოზიტიურ ადამიანებთან. ეწვიეთ სილამაზისა და გამაჯანსაღებელი პროცედურების სალონებს, შეიცვალეთ იმიჯი. აღიდგინეთ სულიერი წონასწორობა, სიმშვიდე.

მესამე დეკადა (10.04 – 20-04) - ძალზე ემოციური ხართ, ამიტომ ხშირად გაწუხებთ თავის ტკივილი. გაუფრთხილდით ნერვულ სისტემას. მიმართეთ არომათერაპიას, მოუსმინეთ წყნარ მუსიკას. გადით ქალაქგარეთ.

2020 წლის ჰოროსკოპი დაბადების წლის მიხედვით:

ვერძი-ვირთხა

ბევრი რამაა დამოკიდებული თქვენი მოქმედებების ეფექტურობაზე. მოგიწევთ ბრძოლა, შრომა, მაგრამ შედეგი გაგახარებთ. იფრთხილეთ უცნობ ადამიანებთან. შესაძლებელია მნიშვნელოვნად წაიწიოთ კარიერულ კიბეზე, განამტკიცოთ თქვენი ავტორიტეტი და მიაღწიოთ ფინანსურ კეთილდღეობას. ვინც დიდი ხანია, დაქორწინებულია, საჭიროა ურთიერთობები განახლება და ჩამქრალი გრძნობების გაღვივება. აიღეთ ინიციატივა საკუთარ ხელში.

ვერძი-ხარი

2020 წელს პერიოდულად წააწყდებით პრობლემებს სამუშაოზე. გაგიჩნდებათ გრძნობა, რომ თქვენს წარმატებებს ვიღაც შეგნებულად ეღობება. აღიჭურვეთ მოთმინებით და მოვლენებზე ძალზე ემოციური რეაგირება ნუ გექნებათ. არ ჩაებათ არანაირ ავანტიურაში. არ აიღოთ საკუთარ თავზე არანაირი მატერიალური პასუხისმგებლობა, არ ჩადოთ ფული ახალ პროექტებში. მნიშვნელოვანი ნაბიჯის გადადგმის წინ ყველაფერი აწონ-დაწონეთ.

ვერძი-ვეფხვი

თქვენთვის არცთუ მარტივი, მაგრამ იმედისმომცემი წელია. საქმეებში წარმატებებს მიაღწევთ მხოლოდ იმ შემთხვევაში, თუ ემოციებს გააკონტროლებთ. გაფრთხილდით ფულის ინვესტირებისას. თავი შეიკავეთ კრედიტის აღებისგან. ჩანაფიქრის განხორციელებას ზაფხულამდე არ შეუდგეთ. სანამ მიზნებსა და პრიორიტეტებს არ განსაზღვრავთ, სჯობს, არაფერი მოიმოქმედოთ.

ვერძი-კატა (კურდღელი)

ეცადეთ, ამ წელს ყველა დაწყებული საქმე დაამთავროთ. მოგიწევთ მძიმე ჯაფა. თუ რამე გამძიმებთ, მოიშორეთ ეს ტვირთი და ზედმეტი პასუხისმგებლობა. შესაძლოა, ვინმესთან დაშორება მოგიწიოთ. არ დაისახოთ მიზნად დიდი მასშტაბის საქმეები. ფრთხილად იმოქმედეთ ფინანსური საკითხების გადაწყვეტისას. მეტი ყურადღება მიაქციეთ ოჯახს.

ტიბეტური ჰოროსკოპი
© photo: Sputnik /
ტიბეტური ჰოროსკოპი

ვერძი-დრაკონი

2020 წელი საკმაოდ მრავალფეროვანი იქნება. მშვენივრად გაართმევთ თავს საქმეებს. გაიზრდება შემოსავლები. რომანტიკულ ურთიერთობებში დიდი წარმატებები გელოდებათ. ასევე ხელსაყრელი წელია დაოჯახებულებისთვის. გარშემორტყმული იქნებით სიყვარულითა და ზრუნვით.

ვერძი-გველი

ვირთხის წელი შემოქმედებითი პოტენციალის მაქსიმალურად რეალიზებისა და შემოსავლების ახალი წყაროების მოძებნის საშუალებას მოგცემთ. არ შეუშინდეთ ახალი პროექტების დაწყებას. პირადი ცხოვრება თქვენთვის შთაგონების წყარო გახდება პროფესიულ საქმიანობაში. შემოდგომაზე ყურადღება მიაქციეთ ჯანმრთელობას.

ვერძი-ცხენი

ვირთხა ოპტიმიზმით აგავსებთ, მრავალ პოზიტიურ ემოციას გაჩუქებთ. იგრძნობთ ძალისა და ენერგიის მოზღვავებას. იღბლიანი დროა პირადი გავლენის სფეროს გაფართოებისთვის. ასრულდება თქვენი ბევრი გეგმა და ოცნება. დადგება ყველაზე ხელსაყრელი დრო იმისთვის, რომ ცხოვრების მეგზური იპოვოთ. ამ წელს შექმნილი ოჯახი მყარი იქნება.

ვერძი-თხა (ცხვარი)

2020 წელს ბედი გწყალობთ. გზაზე სირთულეების უმრავლესობა გვერდს აგივლით. საქმისადმი რაციონალური დამოკიდებულება ცხოვრებაში პოზიტიური ცვლილებების დასაწყისი გახდება. კანონიერ ქორწინებაში მყოფთათვის სერიოზული პრობლემები მოსალოდნელი არაა. ვინც ურთიერთობების დაკანონებას გადაწყვეტს, ამისთვის, სჯობს, წლის პირველი ნახევარი შეარჩიოს.

ვერძი-მაიმუნი

თუ 2019 წელმა უსიამოვნებები მოგიტანათ, 2020 წელს ყველაფერი წარსულს ჩაბარდება. პროფესიულ საქმიანობაში სასიამოვნო სიურპრიზები გელოდებათ. თქვენ წინაშე გაიხსნება ახალი ჰორიზონტები. შესანიშნავი დროა რომანის დასაწყებად, ოჯახის შექმნისთვის, ბავშვის დაბადებისთვის, ან მეგობრული ურთიერთობების აღდგენისთვის.

ვერძი-მამალი

2020 წელს ცვლილებების წელი შეიძლება ვუწოდოთ. თქვენს ცხოვრებაში ბევრი რამ უნდა შეიცვალოს, თან სასიკეთოდ. შეგიძლიათ მყარი საძირკველი ჩაუყაროთ ახალ საქმეებს, იდეებისა და გეგმების განხორციელებას. დიდ როლს ითამაშებენ თქვენს ცხოვრებაში ახალი ნაცნობები, ამიტომ ახალ კავშირებს სერიოზულად მოეკიდეთ. მარტოხელებს სიყვარულის პოვნის დიდი შანსი გაქვთ.

ვერძი-ძაღლი

2020 წელი თქვენთვის ყველაზე თამამი გეგმების განხორციელების დროა. იგრძნობთ შემოქმედებითი ენერგიის მოზღვავებას და იპოვით საკუთარი პროექტების რეალიზების საშუალებას. ეცადეთ, გამოიჩინოთ ინიციატივა. კარგი წელია პოზიტიური ცვლილებებისთვის გრძნობების სფეროში. გააფართოვეთ საურთიერთობო წრე, ხშირად დაესწარით გასართობ ღონისძიებებს.

ვერძი-ღორი (ტახი)

2020 წელს უზარმაზარ ძალას იგრძნობთ და თუ სწორად დასვამთ აქცენტებს, სწორად შეარჩევთ მნიშვნელოვან მიმართულებებს, დიდი ძალისხმევის გარეშე მიაღწევთ წარმატებებს. თუ დაქორწინებული ხართ, ურთიერთობები ჰარმონიულად განვითარდება. ვისაც არ ჰყავს პარტნიორი, მას წინ რომანი და სასიყვარულო თავგადასავლები ელოდება.

19748
გაზაფხული თბილისის პარკებში

7 შეცდომა, რომლითაც შვილებს ბავშვობას ვუნგრევთ

67
(განახლებულია 08:31 30.05.2020)
ბავშვობის განუმეორებელი წლები მხოლოდ ერთხელ გვაქვს, ის არასოდეს მეორდება და უკან არ გვიბრუნდება.  ამ წლებს მთელს ჩვენს დანარჩენ ცხოვრებაზე  განსაკუთრებული გავლენა აქვს.

როდესაც ვიზრდებით, მხოლოდ შემდეგ ვფიქრობთ  და ვაანალიზებთ იმას, რასაც ბავშვობა გვთავაზობდა, კარგსაც და ცუდსაც. თამამად შეიძლება ითქვას, რომ მშობლის პასუხისმგებლობაა, ისე დაიცვას და იზრუნოს შვილზე, რომ მის ბავშვობას საფრთხე არ მიადგეს. თავისთავად, ყველა ცუდ მოვლენას თავიდან ვერ ავიცილებთ, თუმცა არსებობს გზები, რომ ბავშვმა ეს ნაკლებად მტკივნეულად გადაიტანოს და მის ბავშვობას ზიანი არ მიადგეს.

დღევანდელ სტატიაში ვეცდებით იმ შეცდომებზე გესაუბროთ, რასაც მშობლები ბავშვების აღზრიდასას უშვებენ და აზიანებენ მათ ბავშვობას, ბავშვობას, რომელიც უკან აღარ ბრუნდება.

დედა და შვილი
© CC0 / Pixabay
დედა და შვილი

1. ბავშვებს ისე ვექცევით, როგორც დიდ ადამიანებს

ხშირად მშობლები  შვილებს ისე ექცევიან, როგორც უფროსებს, თუმცა ისინი ნამდვილად არ არიან დიდები, ისინი ბავშვები არიან. მათ არ აქვთ იგივე უნარები, რაც უფროსებს, არ შეუძლიათ ინფორმაციის დამუშავება და სრულყოფილად გააზრება, რადგან მათი ტვინი ბოლომდე არ არის განვითარებული. ისინი ემოციურად და გონებრივად არ არიან მომწიფებულები იმისთვის, რომ პასუხი ისე მოვთხოვოთ, როგორც დიდებს. აბსურდია იმის მტკიცება, რომ ბავშვები აბსოლუტურად მსგავსად აზროვნებენ, როგორც ჩამოყალიბებული ადამიანები.

მარტივი მაგალითი რომ მოვიყვანოთ, მიგვყავს ბავშვები რესტორანში და მერე მათი საქციელით ვღიზიანდებით. ეს მიუღებელია. ისინი ზუსტად ისე იქცევიან, როგორც მათ ასაკს შეეფერება. ამიტომ, არ წავიყვანოთ პატარები ისეთ ადგილებში, სადაც მათი ქცევა ჩვენთვის გამაღიზიანებელი იქნება. ამით ბავშვებს გულს ვატკენთ და ვერც მიხვდებიან, რის გამო. ვიდრე ორი წლისები არიან, ზუსტად ისე მოიქცევიან, როგორც ორი წლის ბავშვები.

დაიმახსოვრეთ, ისინი მხოლოდ ერთხელ არიან ბავშვები და დაე, იყვნენ ბავშვები.

2. პატარებს მეტისმეტად გადატვირთული განრიგი აქვთ

ძალიან ბევრი ბავშვია, რომლებიც   მკაცრად გაწერილი განრიგით ცხოვრობენ. მთელი დღე სკოლაში არიან, გაკვეთილების შემდეგ სხვადასხვა აქტივობები აქვთ, იქნება ეს ცეკვა, სიმღერა, სპორტი და ა.შ. შემდეგ კი საშინაო დავალებების შესრულების დროც მოდის. 

დღის ბოლოს კი მათ საერთოდ არ აქვთ  თავისუფალი დრო, რომ იყვნენ უბრალოდ ბავშვები.  ისინი სტრესში  ცხოვრობენ,  ცდილობენ ყველაფერი გააკეთონ და გიჟური გრაფიკი შეინარჩუნონ. დროა, გადავხედოთ იმ ყველა აქტივობას, სადაც ბავშვები დაგვყავს. სჭირდებათ კი მათ ეს ყველაფერი  ბავშვობის წართმევის ფასად?

ბოლო დროს მოდური გახდა, თითქმის ჩვილობიდან,  ბავშვის სხვადასხვა აქტივობაში ჩართვა. მუსიკის გაკვეთილებიდან დაწყებული,სპორტი, ენების შესწავლა და ეს გრძელდება დაუსრულებლად. მათი დანარჩენი ცხოვრებაც ამ სისწრაფით მიექანება, თითქოს ერთგვარ მარათონში არიან ჩაბმულები.

უფროსებს გვავიწყდება, რომ ბავშვობა სწორედ ის დროა, როდესაც მათ დამატებითი დასვენება სჭირდებათ, რადგან სწორედ ამ დროს იზრდებიან როგორც ფიზიკურად, ასევე გონებრივად. რა თქმა უნდა, მშვენიერია მათი გონებისა და სხეულის ზრდის სტიმულირება დამატებითი აქტივობით, თუმცა ზომიერება აუცილებელია.

გაითვალისწინეთ, ბავშვებისთვის სასიცოცხლოდ მნიშვნელოვანია  თავისუფალი დრო თამაშისა და  წარმოსახვის განვითარებისთვის. თამაშის შეზღუდვა უარყოფითად იმოქმედებს მის განვითარებაზე.  ამერიკის პედიატრიის აკადემია ნათლად განმარტავს თამაშის დროის ხანგრძლივობის მნიშვნელობას: „თამაში აუცილებელია განვითარებისთვის, რადგან ის ხელს უწყობს ბავშვების  შემეცნებით, ფიზიკურ, სოციალურ და ემოციურ კეთილდღეობას.”

3. ფიზიკური, ან ემოციური ძალადობა

არავინ დავობს იმაზე, რომ ფიზიკური ძალადობა ბავშვს წარმოუდგენელ ზიანს აყენებს. ასეთივე საზიანოა ემოციური ძალადობაც.  ხშირად  ზოგი მშობელი ვერც კი ხვდება, რომ ბავშვზე ემოციურად ძალადობს.

 სიტყვები წებოსავითაა. შეუძლებელია მათი წაშლა გონებიდან.  როდესაც ბავშვს   ცუდს, მახინჯს ან რაიმე დამამცირებელს ვუწოდებთ, მათ არასოდეს დაავიწყდებათ.  განსაკუთრებით მტკივნეულია ეს სიტყვები მაშინ, როდესაც  მშობელმა თქვა. არ არსებობს ვინმეს სიტყვები, რომელსაც შეუძლია უფრო მეტი ზიანი მიაყენოს პატარას, ვიდრე მშობლის ნათქვამმა. ფრთხილად იყავით სიტყვებთან!  თუ გსურთ  ბავშვის რაიმე ქცევის გამოსწორება, ისე ესაუბრეთ, როგორც პიროვნებას.

4. ბავშვებისგან მოველით, რომ პრობლემებს უფროსებივით მოაგვარებენ

ბავშვებს არ ავკიდოთ ჩვენი პრობლემები. პირიქით, სწორედ მშობლის მოვალეობაა, დაიცვან შვილები საკუთარი პრობლემებისგან.  ალკოჰოლიზმი, ნარკოტიკების მოხმარება თუ სხვა სახის დამოკიდებულებები ის პრობლემებია, რომლებსაც ბავშვი ვერ უნდა ხედავდეს.

ძალიან გავრცელებული მიზეზი, რის გამოც დღეს ბავშვები ზიანდებიან, მშობლების განქორწინებაა.  როდესაც ერთი მშობელი ცდილობს  შვილი მეორე  მშობლის წინააღმდეგ მიმართოს, ეს დიდ ემოციურ დატვირთვას იწვევს პატარაში.  თუ განქორწინებული ხართ, ნუ ილაპარაკებთ თქვენს ყოფილზე  ცუდად შვილის თანდასწრებით!  ბავშვი ამას ძალიან განიცდის, რადგან მისი ერთი ნახევარი თქვენი  ნაწილია, მეორე კი მეორე მშობლის.

5. ზეწოლა წარმატების მისაღწევად

ბავშვებზე ზეწოლა წარმატების მისაღწევად საკმაოდ გავრცელებულია.  მშობლებს უნდათ მათი შვილები საუკეთესოები იყვნენ. ეს კი მათთვის დიდი სტრესია.  ნება მიეცით საკუთარი სურვილით  გააკეთონ ყველაფერი. დიდი განსხვავებაა წახალისებასა და ზეწოლას შორის. ეცადეთ,   შვილის გამამხნევებელი იყოთ და არა ემოციურად მოძალადე.

6. სოციალური იზოლაცია

ბავშვები სხვა ბავშვების გარემოცვაში უნდა იყვნენ. მხოლოდ უფროსებთან ურთიერთობამ შეიძლება ზიანი მიაყენოს თანატოლებთან ურთიერთობის უნარს.  მათ რეგულარული კავშირი  უნდა ჰქონდეთ თავისი  ასაკის ბავშვებთან,  რათა  სოციალური უნარ-ჩვევები განუვითარდეთ. ცხოვრების  პირველი რამდენიმე წელი უმნიშვნელოვანესი  პერიოდია, როდესაც პატრებმა დიდი დრო  უნდა გაატარონ სხვა ბავშვებთან. სწორედ ეს უვითარებთ მათ  სოციალური ადაპტაციის უნარს.

უამრავმა კვლევამ აჩვენა, რომ განვითარების ადრეულ ეტაპზე თანატოლები იმაზე მნიშვნელოვან როლს თამაშობენ ერთმანეთის ცხოვრებაში, ვიდრე ჩვენ შეგვეძლო წარმოგვედგინა. ცხოვრების პირველი ორი ან სამი წლის განმავლობაში მიღებული  გამოცდილება  უდიდეს  გავლენას ახდენს ბავშვების მომავალ განვითარებაზე. მათი სწორი განვითარება კი დამოკიდებულია თანატოლებთან სწორ ურთიერთობაზე.

7. მისაბაძი ადამიანები

მნიშვნელოვანია, რომ ბავშვს მისაბაძი ადამიანი ჰყავდეს. განსაკუთრებული სიფრთხილეა საჭირო  მათ სწორად შესარჩევად.  გსურთ ეს თუ არა, ყველაზე ხშირად სწორედ  მშობლები არიან ბავშვებისთვის  კერპები. ამიტომ, კარგად დაფიქრდით: ისე იქცევით, რომ ბავშვში აღტაცებას იწვევდეთ?  გსურთ თქვენმა შვილმა გაიმეოროს თქვენი ქცევები?

იყავით დადებითი მაგალითი თქვენი ბავშვისთვის, რადგან ისინი ყურადღებით აკვირდებიან, უთვალთვალებენ და იმეორებენ  ყველაფერს, რასაც არ უნდა აკეთებდეთ ცხოვრებაში.

 

წყარო: www.lifehack.org

67
საჰაერო ბურთები ცაში

30 მაისს დაბადებულები ზოდიაქო, დახასიათება, რჩევები

56
(განახლებულია 10:48 30.05.2020)
გაეცანით 30 მაისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

21-31 მაისი

21-31 მაისის პერიოდი ტყუპის ნიშნის პირველ დეკადას განეკუთვნება.

ამ დეკადას იუპიტერი მართავს. ამ პერიოდში დაბადებულები უანგარო, მშვიდი, ბუნებრივი ინტუიციის მქონე ადამიანები არიან.

მნიშვნელოვანი წლებია: 10, 20, 30, 40, 50, 60, 70.

ამ დეკადაში დაბადებულთა სიმბოლოა გვირილა.

21-31 მაისის პერიოდში მხიარული, კომუნიკაბელური ადამიანები იბადებიან. მათ განვითარებული აქვთ მეტოქეობის გრძნობა, რამაც ზოგჯერ უკიდურესობაზე წასვლა შეიძლება აიძულოს. თუ ვინმე გზაზე გადაეღობებათ, ნებისმიერი ხერხით ჩამოიშორებენ მას - ამ ადამიანებს უკან ჩამორჩენა არ უყვართ, ადვილად ვერ ეგუებიან სხვების წარმატებებს; მაგრამ თუ ვინმეს გაუჭირდა, დიდი სიხარულით ეხმარებიან. აქვთ თვითანალიზის უნარი, შეუძლიათ გაიაზრონ საკუთარი შეცდომები და მათი გადაწყვეტის გზები.

30 მაისს დაბადებულები

30 მაისს ნიჭიერი, მრავალმხრივ განვითარებული, პატივმოყვარე ადამიანები იბადებიან. სამართლიანობის გრძნობასთან ერთად დროთა განმავლობაში ნამდვილი მეომრის სული უყალიბდებათ. ხშირად რამდენჯერმე ქორწინდებიან და თითოეული ქორწინება შეიძლება სრულიად ბედნიერი იყოს. სასურველს, როგორც წესი, სწრაფად აღწევენ, ამის გამო საკმაოდ დაუდევარი და უზრუნველი ცხოვრებით ცხოვრობენ; საკუთარ ძალებს ხშირად ფუჭად ხარჯავენ, არცთუ იშვიათად ერთ ადგილს ტკეპნიან, მაგრამ თუ ძალებს საჭირო კალაპოტში მიმართავენ, წარმატებასა და კეთილდღეობას აღწევენ.

როგორია თქვენი აურის ფერი ზოდიაქოს ნიშნის მიხედვით>>

ამ დღეს დაბადებულები დამოუკიდებლობისა და თავისუფლებისკენ ისწრაფვიან. სურვილი აქვთ მოულოდნელი ცვლილებების, ამიტომ რუტინულ ატმოსფეროში ცხოვრება უჭირთ. ჩვეულებრივ, სურთ, რომ საიმედო და პასუხისმგებლიანი პარტნიორები იყვნენ, მაგრამ როგორც წესი, კარგად არ გამოსდით, უფრო ზუსტი იქნება, თუ ვიტყვით, რომ ეს მალე ბეზრდებათ. ყველაზე დიდი წარმატება მათ მეწარმეობაში ელოდებათ, ანუ იქ, სადაც შეიძლება საკუთარი აზრის გამოთქმა და ინიციატივების დაყენება.

ამ დღეს დაბადებულთა განწყობა (განსაკუთრებით, მამაკაცების) შეიძლება სულ ერთ წამში შეიცვალოს. ქალებს, თავის მხრივ, ერთნაირი წარმატებით შეუძლიათ რამდენიმე მიმართულებით მუშაობა: გაუძღვნენ სახლის საქმეებს და მართონ კომპანია, განავითარონ ახალი პროექტები და აღზარდონ შვილები.

30 მაისს დაბადებულთათვის საფრთხეს წარმოადგენს აზარტული თამაშებით გატაცება, რაც მათთვის და მათი ოჯახებისთვის დიდ რისკს წარმოადგენს. მათ ფხიზლად უნდა შეაფასონ საკუთარი შესაძლებლობები და სურვილები და ცხოვრება უფრო მშვიდად და სტაბილურად ააწყონ. მათი ხასიათის განმასხვავებელი ნიშანია სისწრაფე, რომელიც ხანდახან ძალების ფუჭად დახარჯვას იწვევს; მათ მიერ მიღებულმა მოულოდნელმა გადაწყვეტილებებმა კი გარშემომყოფებს შეიძლება თავბრუ დაახვიოს და ნამდვილ შოკში ჩააგდოს.

ვინ იყავით წინა ცხოვრებაში ზოდიაქოს ნიშნის მიხედვით>>

ამ დღეს დაბადებულებს დარწმუნების იმდენად კარგი უნარი აქვთ და იმდენად პროგრესულად აზროვნებენ, რომ წარმატებებს ნებისმიერ შემთხვევაში აღწევენ. პრობლემების მსხვერპლი მხოლოდ მაშინ ხდებიან, როცა ეს პრობლემები თავად მათ მიერ არის შექმნილი. ამიტომ ამ ადამიანებისთვის სასურველის მიღწევის გზაზე გადამწყვეტი და საკვანძო მომენტია სტაბილურობა და ზომიერება. ეს ეხება როგორც კარიერას, ისე პირად ცხოვრებას.

ჯანმრთელობა

30 მაისს დაბადებულებისთვის, ნერვული სისტემის გაკონტროლებისთვის, სასარგებლო იქნება, თუ ხანდახან ფსიქოლოგს და სხვადასხვა დამამშვიდებელ მედიტაციას მიმართავენ. დაახლოებით 50 წლის ასაკში ყურადღება უნდა მიაქციონ ორგანიზმის მინიშნებებს, სიგნალებს და ახლობლების რჩევებს ჯანმრთელობასთან დაკავშირებით. მათ ჯანმრთელობისა და ძალების საოცრად უზარმაზარი მარაგი აქვთ, მაგრამ დროთა განმავლობაში ყველაფერი იხარჯება. ისინი უნდა მოერიდონ ნიკოტინსა და ალკოჰოლს, რაც მათ მდგომარეობაზე სასიკეთოდ ნამდვილად არ აისახება.

რჩევა:

უნდა მისდიოთ ცხოვრების ძირითად მიზანს და წვრილმანებზე არ უნდა დაიხარჯოთ. უნდა იმოქმედოთ მიზანსწრაფულად, ძალდაუტანებლად.

56
ბერა ივანიშვილი და ნანუკა გუდავაძე

„წონის მატება ძალიან მოგიხდა“ - როგორ გამოიყურება ნანუკა გუდავაძე მშობიარობის შემდეგ?

0
(განახლებულია 14:48 30.05.2020)
ნანუკა გუდავაძემ წონაში საგრძნობლად მოიმატა. როგორ გამოიყურებოდა ბერა ივანიშვილის მეუღლე ფეხმძიმობამდე და მშობიარობის შემდეგ?

მშობიარობამდე და მშობიარობის შემდეგ - ქალების ცხოვრება, რომლებმაც საპასუხისმგებლო ნაბიჯი გადაგეს, სწორედ ასე იყოფა. ამბობენ, რომ ქალი განსაკუთრებულად ლამაზი მშობიარობის პერიოდშია. არასასურველი კილოგრამების მომატებაზე ბევრი მათგანი წუწუნებს, თუმცა ახალშობილის გაჩენის შემდეგ ყურადღება მხოლოდ მზრუნველობაზე გადააქვთ. ასე აღმოჩნდა ნანუკა გუდავაძის შემთხვევაშიც. დაოჯახებამდე ლამაზმანი სამოდელო სფეროთი იყო გატაცებული, ფოტოსესიებსაც ხშირად აწყობდა. ახლა მისი ყოველდღიურობა ყველაფრისგან გამორჩეულია. ბერას და ნანუკას სოციალური ქსელები ბერუკასთან გადაღებული შეუდარებელი კადრებით გამრავალფეროვნდა.

View this post on Instagram

💙🙈😇

A post shared by Nanuka Gudavadze (@nanukagudavadze) on

გასული წლის დეკემბერში საქართველოში ერთ-ერთ ყველაზე ცნობილ წყვილს – ნანუკა გუდავაძესა და ბერა ივანიშვილს ბიჭუნა, პატარა ბერუკა შეეძინათ. ახალბედა დედა იშვიათად ჩნდებოდა საზოგადოებაში, თუმცა ახლა აქტიურობას მოუმატა და ქმართან ერთად მისაბაძ კონტენტს ქმნის. ნათლობის შემდეგ წყვილი ბერუკას ფოტოებს ხშირად აქვეყნებს. ასეთ დროს სოციალური ქსელის მომხმარებლების ძირითადი განსახილველი თემაა – ვის ჰგავს პატარა. ბერა ივანიშვილის მეუღლე ყოფილი მოდელი და ამჟამად მოდის ბლოგერია. ნანუკას ოჯახზე ბევრი არაფერია ცნობილი. სოციალურ ქსელში იძებნება მისი დები – ანი და მარიამ გუდავაძეები. მარიამი ნანუკაზე და ანიზე ბევრად უმცროსია. რაც შეეხება ანის, ფოტოებიდან ირკვევა, რომ დაქორწინებულია. ბერას და ნანუკას ქორწილში ანი ორსულად იყო და ახლა პატარა ბიჭუნას დედაა. დების მსგავსება გაოცებას იწვევს.

View this post on Instagram

🌊🍫

A post shared by Nanuka Gudavadze (@nanukagudavadze) on

ბერასა და ნანუკას ჯვრისწერა 2018 წლის 11 ნოემბერს სვეტიცხოველში გაიმართა. მცხეთელების თქმით, ასეთი საზეიმო ჯვრისწერა ბოლოს ბაგრატიონების შთამომავლების შეუღლებისას ნახეს. „ამიერიდან და სამუდამოდ", „ქმარი და ცოლი" – ასე დაასათაურეს თავიანთი პოსტები საოცარი ფოტოებით ახლად შეუღლებულებმა. ბერას ქორწილი უსაფრთხოების გაძლიერებული ზომების დაცვით გაიმართა. ჯვრისწერას ესწრებოდნენ ხელისუფლების წარმომადგენლები და მაღალჩინოსნები, მათ შორის, თბილისის მერი კახა კალაძე და ექს-პრემიერი ირაკლი ღარიბაშვილი.

0
თემები:
სელებრითების ცხოვრება