მზის ჩასვლა მთების ფონზე

რა გველოდება 2020 წელს აღმოსავლური კალენდრის მიხედვით

24896
(განახლებულია 16:38 06.04.2020)
აღმოსავლური კალენდრით ყოველი წელიწადი სხვადასხვა ცხოველი-თილისმის მფარველობით მიმდინარეობს. 2020 წელს ღორს თეთრი ლითონის ვირთხა ჩაანაცვლებს

ექსპერტები 2020 წელს საკმაოდ საშიშსა და არაერთმნიშვნელოვანს უწოდებენ: არა მხოლოდ იმიტომ, რომ ლითონის სტიქია ცუდად ესადაგება ვირთხას, არამედ იმიტომაც, რომ ეს წელი ნაკიანი იქნება. მოგვიწევს შენობების ნეგატიური ენერგიისგან ხშირად გათავისუფლება.

თეთრი ლითონის ვირთხის წელი 2020 წლის 25 იანვარს დაიწყება. ის ამ წელიწადში მოიტანს ღრმა ცვლილებებს ცხოვრების ყველა სფეროში. და თუმცა ეს ცვლილებები შეიძლება პოზიტიური გახდეს, ადამიანებზე იმოქმედებს ისეთი ფაქტორები, როგორიცაა სკრუპულოზურობა, გონიერება, ეშმაკობა - სწორედ ეს თვისებები ახასიათებს 2020 წლის მფარველ ცხოველს.

ასტროლოგების რჩევაა, რომ 2020 წელს რაც შეიძლება მეტი დრო დაუთმოთ საკუთარ თავს, ოჯახს, ურთიერთობების მოგვარებას კოლეგებთან, საკუთარ ჯანმრთელობას. არ უნდა დაივიწყოთ თვითგანვითარებაზე ზრუნვა - იკითხეთ ბევრი, უყურეთ საინტერესო გადაცემებს და ურთიერთობები გქონდეთ ჭკვიან, მოაზროვნე ადამიანებთან.

2020 წლის აღმოსავლური კალენდარი გლობალური გეგმების დაწყობას არ გირჩევთ - ადრე დაწყებული საქმეების დასრულება სჯობს.

ფინანსები და სამუშაო ვირთხის წელიწადში

2020 წელს ხელსაყრელი დროა ფიზიკური მუშაობისთვის. ვინც ინტელექტუალური მუშაობით არის დაკავებული, ექსპერტები ურჩევენ, გამოიჩინონ მეტი გამჭრიახობა, მოხერხებულობა და არავის უამბონ საკუთარი გეგმების შესახებ.

უნდა გავაცნობიეროთ, რომ ნაკიან წელიწადში არაპროგნოზირებადი მოვლენები შეიძლება მოხდეს. სწორედ ასეთ პერიოდებშია საჭირო ინიციატივის საკუთარ ხელში აღება. ზოგიერთ ცხოვრებისეულ ვითარებაში მოგვიწევს სიმამაცისა და ლიდერის თვისებების გამოვლენა. ვირთხა ადამიანებს ეგოიზმისკენ უბიძგებს, ამიტომ აუცილებელია ამ გრძნობასთან ბრძოლა და ადამიანების დახმარება.

2020 წელი იდეალურია ძვირადღირებული რამის შესაძენად, მაგრამ ეს ადრევე უნდა დაგეგმოთ. ასეთ საკითხებში სიფრთხილე ზედმეტი ნამდვილად არ იქნება. ვირთხა ადამიანებს ეხმარება, რომ გახდნენ უფრო შორსმჭვრეტელი.

სიყვარული და ურთიერთობები 2020 წელს

ვირთხა სიყვარულისა და ყურადღების სიმბოლოა. პრობლემა ისაა, რომ ასეთ პერიოდებში ყურადღება ხანდახან უპასუხოდ რჩება. ზოგიერთი ადამიანი ვერ ამჩნევს სიკეთეს, არ აქცევს ყურადღებას გარშემომყოფების სიმპათიას. ახალი ნაცნობობა 2020 წელს გართულებული იქნება. ადამიანს პირდაპირ მოუწევს თავისი სიმპათიის შესახებ საუბარი, რადგან მინიშნებები, დიდი ალბათობით, არ გაჭრის.

ახალი ურთიერთობები ვირთხის წელიწადში მხოლოდ ნდობაზე უნდა იყოს დაფუძნებული. ამ თილისმას არ უყვარს, როდესაც ადამიანები ერთმანეთს რაღაცას უმალავენ. ძალზე პატიოსანი უნდა იყოს ურთიერთობები, რომ ახლადგამომცხვარი სიყვარული ბედნიერი და ხანგრძლივი აღმოჩნდეს.

წაიკითხეთ აქ: ურთიერთობები და შეთავსებადობა აღმოსავლური სასიყვარულო ჰოროსკოპის მიხედვით

მათ, ვისაც ჰყავს პარტნიორი, სასურველია, არ დაავიწყდეთ საყვარელი ადამიანისთვის სასიამოვნო სიურპრიზების მოწყობა. არ არის აუცილებელი, რომ ეს მატერიალური ნივთების ჩუქება იყოს: შესანიშნავი იქნება დაუგეგმავი რომანტიკული ვახშამი, ერთობლივი სასიამოვნო საქმიანობა, შეხვედრა ახლობლებთან და სხვა.

ახალი მეგობრის შეხვედრა ვირთხის წელიწადში ძალზე რთული აღმოჩნდება. ნაკიანმა წელიწადმა, შესაძლოა, მეგობრის ნიღაბს ამოფარებული არაკეთილმოსურნეები მოგიგზავნოთ. უნდა იყოთ ძალზე ფრთხილი და არ ენდოთ ნაკლებად ნაცნობ ადამიანებს. ლითონის სტიქია ადამიანებს უფრო გულცივსა და ნაკლებად კომუნიკაბელურს გახდის, ამიტომ ურთიერთობები ასეთ პერიოდებში ძალზე ნელა ეწყობა.

განწყობა და ჯანმრთელობა 2020 წელს

განწყობა ენერგეტიკული დისონანსის გამო მუდმივად შეიცვლება. ვირთხა ოპტიმისტია, მაგრამ ნაკიან წელიწადს და თან ლითონის სტიქიის გავლენით, სიმშვიდის ლოდინი არ ღირს. თეთრი და შავი პერიოდები მუდმივად შეცვლის ერთმანეთს, ოპტიმიზმი ხან გამოჩნდება და ხან გაქრება.

რაც შეეხება ჯანმრთელობას, ამ თვალსაზრისით 2020 წელმა ყველას სიხარული უნდა მოუტანოს. ექსპერტების რჩევაა, იყოთ აქტიური, დაკავდეთ სპორტით, გამოხვიდეთ კომფორტის ზონიდან. ეს გააუმჯობესებს განწყობასა და ზოგად მდგომარეობას.

24896
გველეთის ჩანჩქერი

დღის ასტროპროგნოზი ზოდიაქოს ნიშნებისთვის: 16 აპრილი

109
(განახლებულია 12:43 15.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 16 აპრილია, პარასკევი. მზარდი მთვარე ტყუპის ნიშანშია. ამ დღეს პლანეტა ვენერა მფარველობს.

დღეს მომატებულია სწრაფვა დამოუკიდებლობისკენ, ადამიანები მზად არიან, ნებისმიერ ფასად დაიცვან თავიანთი ინტერესები. წინა პლანზე გამოდის ისეთი თვისებები, როგორიცაა დამოუკიდებლობა, სიმტკიცე, კატეგორიულობა, ქედუხრელობა. აქედან გამომდინარე, ირგვლივ მყოფებისგან დათმობაზე წასვლის ლოდინი არავის უნდა ჰქონდეს. აქედან გამომდინარე, რეკომენდებულია დამოუკიდებელი პროექტების კეთება, სადაც მხოლოდ ერთი ადამიანი იღებს გადაწყვეტილებებს და არავიზე არაა დამოკიდებული.

როგორ ბერდებიან ზოდიაქოს ნიშნები>>

ვერძი: გარშემომყოფებმა, შესაძლოა, რამე კამათში, საკითხის უაზრო განხილვაში ან კონფლიქტში ჩაგითრიონ. არ არის გამორიცხული, ისიც კი იგრძნოთ, რომ ვიღაც თქვენი ემოციებით იკვებება, როგორც ენერგეტიკული ვამპირი. ვარსკვლავები გირჩევენ, რომ რაც შეიძლება სწრაფად გაეცალოთ სიტუაციას, სადაც არაკომფორტულად იგრძნობთ თავს, წინააღმდეგ შემთხვევაში გამოწურულ ლიმონს დაემსაგვსებით. ასე მოახერხებთ, რომ ვამპირები კისერზე არ დაისვათ და მათ ფეხქვეშ ნიადაგს გამოაცალოთ.

კურო: დღეს თქვენი წარმატების გარანტი სიმტკიცეა. შეგიძლიათ გადადგათ თამამი ნაბიჯი, ოღონდ ერთადერთი პირობით – ეს ნაბიჯი კარგად უნდა იყოს გათვლილი და მოფიქრებული. ასე რომ, თუ გაქვთ გეგმა, რომლის განსახორციელებლად სითამამე არ გყოფნიდათ, შეგიძლიათ დაიწყოთ მოქმედება. ცუდი იქნება, თუ სპონტანურად, წამიერი სურვილს ან ემოციის გავლენით დაიწყებთ საქმეს. ამის გამო სერიოზული შეცდომები შეიძლება დაუშვათ.

ტყუპი: თქვენ და დელიკატურობა დღეს ერთმანეთისგან ძალიან შორს იქნებით. გაქვთ სურვილი, რომ ყველაფერი, რაც საჭიროდ მიგაჩნიათ, გარშემომყოფებს პირში მიახალოთ. ამასთან, თქვენი ლოგიკა მარტივი იქნება – „თქვენზე უკეთესად ვიცი“, „ჩემი აზრი სწრორია“. ასეთი საქციელი კონფლიქტის სათავე რომ არ გახდეს, სჯობს, თქვენი დაუცხრომელი ვნებანი მშვიდობიან კალაპოტში მიმართოთ, ისეთ საქმეებში, სადაც ირგვლივ მყოფნი „ფეხებში არ მოგებლანდებიან“.

კირჩხიბი: აჯობებს, თუ უფროსობას დღეს თვალში არ მოეჩხირებით. აქ საუბარი შეიძლება იყოს არა მხოლოდ ხელმძღვანელ პირებზე, არამედ, სხვა ადამიანებზეც, რომლებზეც რაღაცით ხართ დამოკიდებული ან რომელთაც თქვენზე გავლენა აქვთ, მაგალითად მშობლებზე, საყვარელ ადამიანზე, მეგობრებზე... დღემ რომ ექსცესების გარეშე ჩაიაროს, თქვენსა და გარშემომყოფებს შორის მომხიბვლელობისა და იუმორის „ტყვიაგაუმტარი“ ფარი უნდა აღმართოთ.

ლომი: მოემზადეთ იმისთვის, რომ დღეს საკუთარი ინტერესების დაცვა მოგიწევთ. საუბარი შესაძლოა იყოს სასამართლო გარჩევაზე, ფულთან დაკავშირებულ დავაზე ან თქვენი მისამართით სხვაგვარ ბრალდებებზე. თანაც, ნაკლებსავარაუდოა, რომ ამ დავიდან გამარჯვებული გამოხვიდეთ და შეძლოთ გარშემომყოფებისთვის თქვენი სიმართლის დამტკიცება. თუნდაც ხელთ რკინისებრი არგუმენტები გეკავოთ, აჯობებს, ცოტა ხანი დაიცადოთ და მტკიცე არგუმენტები სხვა დროს აჩვენოთ, როცა ვარსკვლავები გამარჯვების მეტ შანსს მოგცემენ.

ქალწული: მოქმედების დრო დადგა. გეგმა რამდენიც უნდა შეადგინოთ, ერთ დღეს მათი განხორციელებაც უნდა დაიწყოთ. შესაძლოა, აქამდე ვერ გადაწყვიტეთ რამე პროექტის რეალიზება, ვინმეს გრძნობებში ვერ გამოუტყდით, ან ვერ შეიძინეთ რაღაც საოცნებო ნივთი. დღეს ძალიან კარგი დღეა იმისთვის, ძალა მოიკრიბოთ და ნაბიჯი გადადგათ. და თუნდაც წინ დიდი გზა გელოდეთ, საშიში არაფერია – ყველა გზა პირველი ნაბიჯით იწყება.

სასწორი: დღეს გაქვთ შანსი, რომ რაღაც შეცდომა გამოასწოროთ. ეს შესაძლოა, ეხებოდეს ყოფით საკითხებს, სამუშაოს ან ახლობელ ადამიანებთან ურთიერთობებს. რა თქმა უნდა, რთულია, გარშემომყოფებს გამოუტყდეთ, რომ რაღაც შეგეშალათ, მაგრამ ბოლოს და ბოლოს, ხომ ყველა ადამიანი უშვებს შეცდომებს? თუ დღეს აღიარებთ, რომ რომელიმე საკითხში არ იყავით მართალი, არ ინანებთ – მხრებიდან დიდ ტვირთს მოიშორებთ და სამაგიეროდ, წინ ახალი პერსპექტივები გამოჩნდება.

მორიელი: დღეს მზად ხართ აჩვენოთ, რომ უკომპრომისო ბრძოლა შეგიძლიათ. მრისხანება არ ასცდება მას, ვინც თქვენთვის გზაზე გადაღობვას შეეცდება. ასევე დაიცავთ თქვენი მეგობრებისა თუ უსამართლოდ დაჩაგრულების უფლებებს. ასეთი კატეგორიული განწყობით, ერთი მხრივ, ოპონენტების „მიწასთან გასწორება“ შეგიძლიათ, მაგრამ, მეორე მხრივ, საღამოს შეიძლება აღმოაჩინოთ, რომ ახალი მტრები ან მეგობრები შეიძინეთ.

მშვილდოსანი: ასტროლოგები გირჩევენ, დღეს არ იაროთ მიხევულ–მოხვეული გზებით იქ, სადაც პირდაპირ, ყველაზე მოკლე გზით წასვლა შეიძლება. დღეს თქვენი სტრატეგია ძალზე მარტივი უნდა იყოს: არანაირი ეშმაკობა, მოტყუება, რამის დამალვის მცდელობა. გულწრფელობა და პატიოსნება ცხოვრების ყველა სფეროში დაგეხმარებათ – მეგობრობაშიც, სამუშაოზეც, სიყვარულშიც. თუ პრობლემები გაქვთ, თქვით ამის თაობაზე. თუ რამის მიღწევა გსურთ, ხმამაღლა განაცხადეთ. მკაფიოდ ჩამოყალიბებული მიზანი თქვენ წინაშე ახალ შესაძლებლობებს გახსნის.

თხის რქა: ნებისმიერი წვრილმანი დღეს თქვენ თვალში შეიძლება სპილოდ იქცეს. ამის გამო გაგიჭირდებათ პრიორიტეტების განაწილება – რომელი საქმეა პირველ რიგში გასაკეთებელი და რომლის გადადება შეიძლება. ყველა საკითხი ერთნაირად მნიშვნელოვნად მოგეჩვენებათ. შედეგად, რამდენიმე კურდღელს ერთდროულად გამოედევნებით და შედეგი იცით – ვერც ერთს ვერ დაიჭერთ. გაითვალისწინეთ ასტროლოგების რჩევა – ადამიანების ბედნიერება თავისუფლებასა და დისციპლინის სადღაც შუაშია. ცოტაოდენი დისციპლინა ფიქრისას და საქმეების კეთებისას ნამდვილად არ გაწყენთ.

მერწყული: დღეს შეიძლება თქვენდაუნებურად ვინმეს აწყენინოთ. განწყობა გაქვთ იმგვარი, რომ ჯერ აკეთებთ და მერე ფიქრობთ. ემოციებს აყოლილმა, შესაძლოა, ვინმეს საიდუმლო გათქვათ ან თანამოსაუბრეს არცთუ სასიამოვნო სიმართლე პირში მიახალოთ. გაუგებრობები რომ თავი8დან აიცილოთ, აჯობებს, თუ სახლიდან გახვალთ და ისეთ ადგილს ეწვევით, სადაც არავის სცალია ერთმანეთთან სასაუბროდ – ყველა ერთობა, ცეკვავს და მუსიკა ჟღერს ბოლო ხმაზე.

თევზები: დღეს სიფრთხილე გმართებთ ურთიერთობებში, განსაკუთრებით ახლობელ ადამიანებთან. ზედმეტად კრიტიკული შეიძლება იყოთ ისეთ შემთხვევებშიც კი, როდესაც ფაქიზი დამოკიდებულებაა საჭირო. ახლობლებთან ურთიერთობები რომ არ გაიფუჭოთ, ეცადეთ, არ გამოთქვათ თქვენი უკმაყოფილება, არ შეეხოთ მტკივნეულ და დელიკატურ თემებს. პრობლემას მაინც ვერ გადაჭრით, მისი გამწვავება კი თავისუფლად შეგიძლიათ.

109
ხადას ხეობა

დღის ასტროპროგნოზი ზოდიაქოს ნიშნებისთვის: 15 აპრილი

1546
(განახლებულია 10:23 15.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 15 აპრილია, ხუთშაბათი. მზარდი მთვარე ტყუპის ნიშანშია. ამ დღეს პლანეტა იუპიტერი მფარველობს.

იდეალური დღეა მეგობრული შეხვედრების, სეირნობის, უდარდელად დროის გატარებისთვის და არასახარბიელო – სერიოზული საქმეებისთვის, ამიტომ არ ღირს საპასუხისმგებლო საქმეების კეთება, არის საფრთხე სერიოზული შეცდომების დაშვების. ადამიანები განწყობილი არიან, რომ დაივიწყონ პრობლემების შესახებ და ცხოვრებას ვარდისფერი სათვალით შეხედონ. მიეცით გასაქანი ფანტაზიებსა და ოცნებებს და ეს დაუვიწყარ შეგრძნებებს გაჩუქებთ სიყვარულსა და შემოქმედებაში.

ზოდიაქოს ნიშნები და მათი „შინაგანი დემონები“>>

ვერძი: ემოციებით დატვირთული დღე გაქვთ. ტირილი თუ სიცილი მოულოდნელად შეიძლება მოგინდეთ და თან სულ მცირე ინტერვალის დაშორებით. გარშემომყოფებს და ყველაზე ძვირფას ადამიანებსაც კი გაუჭირდებათ თქვენი მშფოთვარე განწყობის ატანა, მით უმეტეს, რომ შეიძლება მათზე გადმოანთხიოთ ეს ბობოქარი ემოციები და თან ყველაზე შეუფერებელ მომენტში. თუ თავს ხელში აიყვანთ, შეგიძლიათ ამ ძლიერი ემოციების იარაღად ქცევა დაბრკოლებების გადასალახავად და წარმატების მისაღწევად.

კურო: საქმეებში და განსაკუთრებით ფინანსურ საკითხებში დიდი სიფრთხილე გმართებთ, რადგან შეცდომების დაშვებაა შესაძლებელი. შესაძლოა, რაღაც საკითხის გადასაჭრელად არასაკმარისი ინფორმაცია გაგაჩნიათ. თქვენი რეპუტაცია და საფულე რომ არ დაზარალდეს, ხელი არ უნდა მოჰკიდოთ იმას, რაც თქვენი კომპეტენციის საზღვრებს სცილდება, თუნდაც ძალზე მარტივი საქმე იყოს. სჯობს, რჩევა პროფესიონალს ჰკითხოთ.

ტყუპი: არ ღირს მნიშვნელოვანი გადაწყვეტილებების მიღება ან საპასუხისმგებლო ნაბიჯების გადადგმა. შესაძლებელია არასწორი მიმართულებით წახვიდეთ, სასურველი რეალობად მიიღოთ. თუნდაც რამე იდეა ბრწყინვალედ მოგეჩვენოთ, რომელიც დაუყოვნებლივ გადაწყვეტას მოითხოვს, სჯობს, ერთი–ორი დღე მოიცადოთ და კარგად დაფიქრდეთ. დანარჩენში საკმაოდ კარგი დღეა, შეგიძლიათ დატკბეთ ცხოვრებით და მნიშვნელოვანი გადაწყვეტილებები სხვა დროისთვის გადადოთ.

კირჩხიბი: მოგიწევთ სიმტკიცის გამოჩენა, რომ გარშემომყოფებმა ზედმეტად არ დაგტვირთონ. შესაძლოა, ხელმძღვანელობას მოეჩევნოს, რომ საკმარისად დატვირთული არ ხართ და კიდევ ერთი ვალდებულების აღება შეგიძლიათ საკუთარ თავზე, ან კოლეგებმა იფიქრონ, რომ მათი საქმე თქვენ უნდა შეასრულოთ. ასევე არაა გამორიცხული, რომ თვითონ გადაწყვიტოთ საკუთარი თავის ექსპლუატაცია. ასეა თუ ისე, მოგიწევთ უარის თქმის სწავლა (თქვენი თავისთვისაც) და ამისთვის თავაზიანი სიტყვების მარაგის შევსება.

ლომი: დღეს, დიდი ალბათობით, რაღაც ცდუნების წინაშე დადგებით. არის ალბათობა იმისა, რომ მომხიბლავი წინადადება მიიღოთ, ან საწინააღმდეგო სქესის სიმპათიური წარმომადგენელი გაიცნოთ, ან სულაც, აკრძალულისთვის „გემოს გასინჯვის“ სურვილი გაგიჩნდეთ. ასე თუ ისე, ვარსკვლავები გირჩევენ, სანამ რამეს გადაწყვეტთ, ყველაფერი კარგად აწონ–დაწონოთ, რადგან ამ გადაწყვეტილებაზე, შესაძლოა, ბევრი რამ იყოს დამოკიდებული მომავალში.

ქალწული: სიტუაციამ, შესაძლოა, თქვენი პროფესიული უნარების მთლიანად გამომჟღავნება მოითხოვოს. საუბარი შეიძლება იყოს თქვენ სამუშაოზე, დასაქმებაზე, სწავლაზე, გამოცდაზე და ა.შ. მთავარია, რომ მოგიწევთ გარშემომყოფებისთვის ან საკუთარი თავისთვის იმის დამტკიცება, რომ საჭირო ცოდნა და უნარები გაგაჩნიათ, შეგწევთ ძალა იმისთვის, რომ დასახული ამოცანა შეასრულოთ და პრობლემები მაღალ პროფესიულ დონეზე გადაჭრათ.

სასწორი: დღეს თქვენში ჰარმონია დაიბუდებს. ნებისმიერ საქმეს იოლად გაუმკლავდებით. არაჩვეულებრივი განწყობა ყველაფერზე აისახება, რასაც ხელს მოჰკიდებთ. არც ისაა გამორიცხული, რაღაც საკითხები, რომლებიც დიდი ხნის განმავლობაში გამძიმებდათ, მოულოდნელად თავისთავად გადაწყდეს. ასევე შესანიშნავი დღეა გარშემომყოფებთან ურთიერთობების მოსაგვარებლად, რადგან ძალზე მომხიბლავი ხართ და ადვილად შეგიძლიათ სხვების გულის მოგება.

მორიელი: თქვენი წარმატების გარანტი დღეს სიფრთხილეა. სიტუაციაში სწრაფად და დამაჯერებლად ორიენტირებისთვის საჭირო მოქნილობა და რეაქციები დღეს არ გაქვთ. არ არის გამორიცხული, რომ ვინმემ თქვენი გარემოცვიდან ისარგებლოს თქვენი არაინფორმირებულობით და ინიციატივა ჩამოგართვათ, მოგატყუოთ. ეს რომ არ მოხდეს, ყურადღება უნდა გააასმაგოთ, არ ჩაებათ საეჭვო სქემებში, რომლებში თქვენ ჩათრევასაც მოინდომებენ გარშემომყოფები.

მშვილდოსანი: ჰარმონიისა და სიყვარულის დღეა. ამას იგრძნობთ იმ შემთხვევაშიც, თუ სიხარულის კონკრეტული საბაბი არ გაგაჩნიათ. ნეტარების მეცხრე ცაზე შეიძლება აღმოჩნდეთ ვინმეს ღიმილის, მზერის, რაღაც მინიშნების გამოც კი. მარტოხელებს დიდი შანსი გაქვთ, რომ სასიამოვნო რომანტიკულ სიურპრიზს შეეჯახოთ, მრავლისმთქმელი ნაცნობობა გააბათ. თუ გყავთ საყვარელი ადამიანი, კარგი იქნება, თუ დღეს მასთან ერთად გაატარებთ.

თხის რქა: დღეს არ ღირს ახალი პროექტების დაწყება, დიდი შანსია, რომ ყველაფერი აირ–დაირიოს. შესანიშნავი დღეა იმისთვის, რომ დრო საყვარელ ადამიანთან, მეგობრებთან ერთად გაატაროთ, არაფერი აკეთოთ, ან საკუთარ თავს ასიამოვნოთ. რაც შეეხება საქმეებს, დიდია ალბათობა, რომ არაფერი გამოგივათ, ვერაფერ შედეგს ვერ მიიღებთ. ასტროლოგების რჩევაა, უბრალოდ იცხოვრეთ, დატკბით მცირე სასიხარულო მოვლენებით და არაფერზე იდარდოთ.

მერწყული: შესანიშნავ ორატორულ უნარებს გამოავლენთ – თქვენთვის არანაირი პრობლემა არ იქნება, რომ გარშემომყოფები საკუთარ სიმართლეში დაარწმუნოთ ან რამე ავანტიურული იდეით „დააავადოთ“. თქვენი ენთუზიაზმი „გადამდები“ იქნება, თუნდაც ნაჩქარევი დასკვნები გამოიტანოთ, გააზვიადოთ ყველაფერი და სასურველი რეალობად აღიქვათ – სწორედ თქვენი ფანტასტიკით გაჟღენთილი აზრები მოხიბლავს დღეს ირგვლივ მყოფებს – ყველაფრის დაანგარიშება და აწონ–დაწონა კი სხვა, უფრო მოსაწყენ დღეს იქნება შესაძლებელი.

თევზები: დღეს ძალზე ღირებული იდეები შეიძლება გაგიჩნდეთ, მაგრამ ვარსკვლავები გირჩევენ, მათი რეალიზება სხვა დროისთვის გადადოთ. თქვენი წარმოსახვა ფერადოვანი და კაშკაშა იქნება და პრაქტიკულობასთან ერთად ერთი შეხედვით საკმაოდ რეალურ სახესაც მიიღებს. მიუხედავად იმისა, რომ ამ იდეების განხორციელების დაწყება დღეს არარეკომენდებულია, არც ამ იდეებისა და აქედან გამომდინარე გეგმების დავიწყება ივარგებს – დაიმახსოვრეთ ყველაფერი და მათ განხორციელებაზე ფიქრი სხვა დროისთვის გადადეთ.

1546
ხანძარი

შუახევში ხანძრის შედეგად 14 ადანიანი უსახლკაროდ დარჩა

0
(განახლებულია 10:39 16.04.2021)
შუახევის მერიის წარმომადგენელთა განცხადებით, უწყება დაზარალებულ ოჯახებს შესაბამის დახმარებას გაუწევს, მანამდე კი ისინი ნაქირავებ ფართებში დაბინავდებიან.

თბილისი, 16 აპრილი - Sputnik. შუახევის მუნიციპალიტეტში გაჩენილი ხანძრის შედეგად სამი საცხოვრებელი სახლი დაიწვა, იუწყება „აჭარის ტელევიზია“

შემთხვევა სოფელ ბარათაულში გუშინ, გვიან ღამით მოხდა. გავრცელებული ინფორმაციით, ხანძრის შედეგად ასევე დაიწვა საქონლის სამი სადგომი, რასაც 16 სული პირუტყვი ემსხვერპლა.

ცეცხლი თავდაპირველად ხის სახლს გაუჩნდა და სწრაფად გავრცელდა. შემთხვევის ადგილზე მისულმა სახანძრო–სამაშველო ბრიგადებმა ცეცხლის ლოკალიზება მოახერხეს.

შუახევში გაჩენილი ხანძრის შედეგად 14 ადამიანი უსახლკაროდ დარჩა. შუახევის მერიის წარმომადგენელთა განცხადებით, უწყება დაზარალებულ ოჯახებს შესაბამის დახმარებას გაუწევს, მანამდე კი ისინი ნაქირავებ ფართებში დაბინავდებიან.

ხანძრის შედეგად დაზარალებული თითოეული ოჯახისთვის აჭარის ბიუჯეტში ერთჯერადად 15 ათასი ლარის ოდენობის დახმარებაა გამოყოფილი.

0
თემები:
შემთხვევები საქართველოში