ფრანები ბათუმის თავზე: მზე, ზღვა და კარგი განწყობა

ყველაზე ხელსაყრელი და ყველაზე საშიში დღეები ოქტომბერში

2558
(განახლებულია 11:12 03.10.2019)
ოქტომბერში ხუთი დადებითი და ხუთი - საშიში დღე გველის. ასტროლოგების რჩევები დაგვეხმარება, რომ სწორად დავგეგმოთ თვე - პოზიტიურ დღეებში არ გავუშვათ შანსები ხელიდან, ხოლო ნეგატიურ დღეებში კი თავიდან ავირიდოთ პრობლემები.

ყოველდღიურად ვარსკვლავები და პლანეტები სხვადასხვაგვარ განწყობას ქმნიან, ხან ჰარმონიულად ერწყმიან ერთმანეთს, ხან კი მათი განლაგება უარყოფით ფონს ქმნის.

წაიკითხეთ აქ: პლანეტების ზემოქმედება ადამიანების ცხოვრებასა და ბედზე – ის, რაც უნდა ვიცოდეთ

მნიშვნელოვანია ვიცოდეთ, ღამის მანათობლები როდის გამოსცემენ მაქსიმალურად დადებით ენერგეტიკას და როდის პირიქით - მათი განლაგება და ურთიერთდამოკიდებულება ადამიანებისთვის საშიშ ენერგეტიკას წარმოშობს.

პოზიტიური დღეები

3 ოქტომბერი - შემოდგომის უმნიშვნელოვანესი დღე

3 ოქტომბერს პლუტონი სვლის მიმართულებას შეიცვლის - ის გათავისუფლდება რეტროგრადულობისგან, რაც ცხოვრების ყველა სფეროში ხელსაყრელ ცვლილებებს გამოიწვევს. ამ დღიდან დაწყებული სასიყვარულო, პარტნიორული, ნათესაური თუ მეგობრული ურთიერთობები გათავისუფლდება პრობლემებისგან, ადამიანები უფრო ადვილად იპოვიან საერთო ენას, იოლად შეძლებენ ურთიერთობას.

3 ოქტომბერი ძალზე მშვიდი დღე იქნება. ამ მდგომარეობას პოზიტივს შემატებს მზარდი მთვარე მშვილდოსნის ნიშანში. ადამიანები მეტ ყურადღებას დაუთმობენ სასიამოვნო საქმეებს, კმაყოფილებას მიიღებენ სამუშაოსა და საოჯახო საქმეებისგან.

8 ოქტომბერი - კომფორტის ზონიდან გამოსვლის დღე

მზარდი მთვარე ამ დღეს მერწყულს შეხვდება. ჰაერის სტიქია და მთვარის აქტიურობა ჩვენში ცხოვრების უკეთესობისკენ შეცვლის სურვილს წარმოშობს. ეს იქნება არა უბრალოდ ფიქრები და საკუთარი თავისთვის მიცემული ფუჭი დაპირებები, არამედ რეალური მოქმედებები. შესანიშნავი დღეა ახალი წამოწყებებისთვის.

ასტროლოგები გვირჩევენ, ამ დღეს მივენდოთ შინაგან ხმას, გავეშუროთ ახალი სიმაღლეების დასაპყრობად და ახალი მიზნები დავისახოთ.

15 ოქტომბერი - დრო, რომელიც საკუთარ თავს უნდა მივუძღვნათ

სავსემთვარეობის შემდეგ, 15 ოქტომბერს ბევრ ჩვენგანს მუხლჩაუხრელი შრომა მოგვიწევს, მაგრამ საღამოს, მძიმე სამუშაო დღის შემდეგ, მეტი დრო უნდა დავუთმოთ საკუთარ თავს. იდეალური დროა შოპინგისთვის, იმიჯის გასაახლებლად. გაუკეთეთ საკუთარ თავს საჩუქარი.

ასტროლოგები გვირჩევენ, განვმარტოვდეთ, მაგრამ ურთიერთობები, მეგობრებთან შეხვედრა ზედმეტი არ იქნება, განსაკუთრებით, თუ ვინმეს რჩევა გვჭირდება. ვარსკვლავები და მთვარე მოგვანიჭებს კარგ განწყობას და მოგვიმატებს საკუთარი თავის სიყვარულს.

21 ოქტომბერი - ოჯახის, სიყვარულისა და რომანტიკის დღე

კლებადი მთვარე კირჩხიბის ნიშანშია, რაც ხელსაყრელ პერიოდს ქმნის საყვარელი ადამიანის საძებნელად, პაემნებისთვის. ამაში დაგვეხმარება მზეც, რომელთანაც მთვარე კვადრატურით იქნება დაკავშირებული. ეს ასპექტი მთვარისა და მზის ზეგავლენიდან საუკეთესოს მიღების შესაძლებლობას მოგვცემს. საუბარია კაშკაშა ემოციებზე, რომელსაც მზე განაგებს და სულიერ სითბოზე - მთვარის დახმარებით. ერთობლიობაში მივიღებთ რაღაც მართლა ჯადოსნურსა და საოცარს.

წაიკითხეთ აქ: თქვენი მფარველი პლანეტა ზოდიაქოს ნიშნის მიხედვით და მისი გავლენა თქვენზე

ასტროლოგები გვირჩევენ, 21 ოქტომბერს განსაკუთრებული ყურადღება დავუთმოთ სასიყვარულო სფეროს. ამ დღეს დიდია საყვარელი ადამიანის პოვნის ალბათობა. შეიძლება სიყვარულში გამოტყდომა, ხელისა და გულის შეთავაზება.

30 ოქტომბერი - აქტიურობისა და იღბლიანი ცვლილებების დღე

თვის ბოლოს მზარდი მთვარე მშვილდოსნის თანავარსკვლავედში იდეალურ პირობებს შექმნის იმისთვის, რომ ადამიანები პოზიტიურ ტალღაზე განეწყონ, გაერკვნენ მტკივნეულ პრობლემებში. ამ დღეს სასურველია ფიზიკური აქტიურობა.

მაღალია ცვლილებების ალბათობა. ვიღაცას დააწინაურებენ, ვიღაც სიყვარულს იპოვის, ვიღაც - მნიშვნელოვან გადაწყვეტილებას მიიღებს. ასტროლოგები გვირჩევენ, ვიყოთ თანამიმდევრული, არ გავრისკოთ და რამდენიმე საქმეს ერთდროულად არ შევეჭიდოთ.

ნეგატიური დღეები

ერთი საშიში დღე იყო 2 ოქტომბერს - ემოციური „აფეთქებების" დრო.

6 ოქტომბერი - შეყვარებულებს შორის უთანხმოებების დღე

ძალზე ცუდი დღეა ურთიერთობების გამორკვევისთვის, ჩხუბისთვის. მზარდი მთვარე თხის რქის ნიშანში გააძლიერებს დამანგრეველ და უსიამოვნო გრძნობას - ეჭვიანობას.

მთვარისა და ვენერას კვადრატურა კი ცეცხლს ნავთს დაასხამს. ეს ასპექტი ადამიანებში გაამძაფრებს შურისა და ეგოიზმის გრძნობებს. დიდი ალბათობით, 6 ოქტომბერს მოსალოდნელია სხვადასხვა უსიამოვნო წვრილმანი, რასაც ჩვენი კალაპოტიდან ამოგდება, საკუთარ თავსა და გარშემომყოფებში დაეჭვება შეუძლია.

14 ოქტომბერი - აპათიისა და მოტივაციის დაკარგვის დღე

სავსე მთვარე ვერძის თანავარსკვლავედში - ესაა განგაშის სიგნალი, რადგან ასეთ დღეებში მრავალი არაპროგნოზირებადი რამ არის მოსალოდნელი. ამასთან, მთვარე პლუტონთან კვადრატურაში იქნება. ეს ასპექტი ცხოვრების მრავალ სფეროში იწვევს კრიზისს მოტივაციისა და ენთუზიაზმის დაკარგვის გამო.

22 ოქტომბერი - განწყობის ხშირი ცვლის დღე

კლებადი მთვარე ლომის ნიშანში - ეს დიდი ენერგეტიკული დისონანსის დროა. ამ დღეს განწყობა „იხტუნავებს" ხან მაღლა და ხან დაბლა. ამ „ნახტომების" შედეგები რომ მინიმალურად ნეგატიური იყოს, სამყაროს პოზიტიურად უნდა შევხედოთ. ეს დღე განსაკუთრებით უარყოფითი იქნება პესიმისტი ადამიანებისთვის.

ამ დღეს დიდ სარგებელს მოგვიტანს ადამიანების დახმარება, ეგოისტური აზრებისგან გათავისუფლება და საერთო გამარჯვებებზე ფიქრი, ოჯახთან, ახლობელ, საყვარელ ადამიანებთან ყოფნა.

29 ოქტომბერი - ფინანსური სირთულეების დღე

29 ოქტომბერს უნდა მოვერიდოთ ძვირად ღირებული ნივთების შეძენას, სპონტანურ შენაძენებსა და ფინანსურ რისკებს. არ ღირს ვალის აღება და გაცემა. როგორც წესი, ასეთ დღეებში ადამიანები იქცევიან ისე, რომ შემდეგ სანანებელი უხდებათ. ამ ყოველივეს მიზეზია მზარდი მთვარე მორიელის ნიშანში და მერკურისთან შერწყმაში, რომელიც განაგებს ფინანსებს, ინფორმაციებსა და ციფრებს. ეს იქნება წარუმატებელი სამუშაო დღე მათემატიკისა და ფიზიკის ბევრი მასწავლებლისთვის, ბუღალტრების, ეკონომისტებისთვის და მსგავსი, ციფრებთან დაკავშირებული პროფესიების წარმომადგენლებისთვის.

2558
შეყვარებულები

ქალი ქორწინებამდე პროვოკატორია, ქორწინების შემდეგ...

77
(განახლებულია 13:06 09.07.2020)
უცოლო მამაკაცმა ერთმნიშვნელოვნად უფრო მეტი იცის ქალების შესახებ, ვიდრე ცოლიანმა. სხვაგვარად, ისიც უკვე ცოლიანი იქნებოდა.

აზრების ფოიერვერკი" წარმოგიდგენთ ჰენრი ლუის მენკენის მოსაზრებებს.

ჰენრი ლუის მენკენი (Henry Louis Mencken, 1880-1956) ამერიკელი ჟურნალისტი, ესეისტი, სატირიკოსი; როგორც ფრენსის სკოტ ფიცჯერალდმა აღნიშნა, „ადამიანი, რომელმაც ამერიკული ლიტერატურისთვის ყველაზე მეტი გააკეთა".

თუ ვინმეს მართლა უყვარდი და გიღალატა, იცოდე, იგი ამას უშენოდ ვერ შეძლებდა…>>

ჰენრი ლუის მენკენმა დაამთავრა ზოგადსაგანმანათლებლო სკოლა „ბალტიმორის პოლიტექნიკური ინსტიტუტი". ეწეოდა ჟურნალისტურ მოღვაწეობას, ხოლო ლიტერატურულ მოღვაწეობას, ძირითადად, მეოცე საუკუნის პირველ ოცწლეულში. მისი მთავარი ნაშრომებია: „ჯორჯ ბერნარდ შოუ. პიესები", „წინასიტყვაობათა წიგნი", „ცრურწმენები", „შენიშვნები დემოკრატიის შესახებ".

მან თავი გამოიჩინა, როგორც ბრწყინვალე ჟურნალისტმა და დააარსა ჟურნალი „ამერიკენ მერკური". ის ცნობილია, როგორც „ბალტიმორელი ბრძენი“ (Sage of Baltimore), ასევე „ბალტიმორის ანტიქრისტე". ის მეოცე საუკუნის პირველი ნახევრის ერთ-ერთ ყველაზე გავლენიან მწერლად მიიჩნევა.

რაც არ უნდა ბედნიერი იყოს ქალი ქორწინებაში, მაინც ყოველთვის კმაყოფილებით ამჩნევს, რომ არიან ამ ქვეყნად მამაკაცები, რომლებიც ისურვებდნენ, რომ ის გათხოვილი არ ყოფილიყო...

უცოლო მამაკაცმა ერთმნიშვნელოვნად უფრო მეტი იცის ქალების შესახებ, ვიდრე ცოლიანმა. სხვაგვარად, ისიც უკვე ცოლიანი იქნებოდა.

ძნელი დასაჯერებელია, რომ ადამიანი სიმართლეს გეუბნებათ, როცა იცით, რომ თქვენ მის ადგილზე მოიტყუებოდით.

სიყვარული – წამება, უსიყვარულობა – სიკვდილი>>

მამაკაცი ეძებს ისეთ ვინმეს, რომლის წინაშეც მას სიამაყე შეუძლია. ქალი ეძებს მხარს, რომელსაც მიეყრდნობა...

როცა ქალი ქმარს სიტყვაზე ენდობა, ის ეჭვის საბაბს იძლევა.

უსამართლობის გადატანა შედარებით ადვილია. რაც ნამდვილად გვაყენებს ტკივილს - ეს სამართლიანობაა.

სიყვარული - ეს წარმოსახვის გამარჯვებაა გონებაზე.

მამაკაცი თავისი ბუნებით პოლიგამიურია. ერთი ქალი მისით ყოველთვის მანიპულირებს, ხოლო მეორე - კისერზე აზის.

სიყვარულში ბედნიერების უდიდესი საიდუმლოა - გიხაროდეს, რომ მასზე სხვა დაქორწინდა

იდეალისტი - ეს ადამიანია, რომელიც, როცა აღმოაჩენს, რომ ვარდს კომბოსტოზე უკეთესი არომატი აქვს, მიდის დასკვნამდე, რომ ვარდისგან უკეთესი სუპი გაკეთდება.

მამაკაცები ბევრად უკეთესად ცხოვრობენ, ვიდრე ქალები. პირველ რიგში, ისინი გვიან ირთავენ ცოლს; მეორეც - ადრე კვდებიან.

სიყვარული – არა რაოდენობა, არამედ ხარისხი, რომელიც არ იზომება>>

ერთადერთი ნამდვილად ბედნიერი ადამიანები - ეს გათხოვილი ქალები და უცოლო მამაკაცები არიან.

ქალებს არ უყვართ მორცხვი მამაკაცები. კატებს არ უყვართ ფრთხილი თაგვები.

ქალები და მამაკაცები ერთ საკითხში თანხმდებიან: ორივენი არ ენდობიან ქალებს.

წარსულის წინაშე თავი დახარე, მომავლის წინაშე - სახელოები აიკაპიწე.

საყვარელი - მსხვერპლი ნომერი ორი.

ფსიქოთერაპია - ესაა მეცნიერება, რომელიც ამბობს, რომ პაციენტი, დიდი ალბათობით, გამოჯანმრთელდება, მაგრამ სამუდამოდ დარჩება ჩამოყალიბებული იდიოტი.

ქველმოქმედება და პატრიოტიზმი - მთავარი თვისებებია ამერიკელისა, რომელსაც რამის გაყიდვა სურს.

პატარძალი საკურთხეველთან: „როგორც იქნა! როგორც იქნა!“. სიძე: „უკვე ძალიან გვიანია! ძალიან გვიანი!“

ქალი ქორწინებამდე - პროვოკატორია; ქორწინების შემდეგ - ჟანდარმი

მთელი ფილოსოფია, არსებითად, მიდის იმ აზრამდე, რომ ერთი ფილოსოფოსი ცდილობს დაამტკიცოს, რომ ყველა დანარჩენი ფილოსოფოსი სახედარია. ის, ჩვეულებრივ, ამას ახერხებს, უფრო მეტიც, ის დამაჯერებლად ამტკიცებს, რომ თვითონაც სახედარია.

შენთან ერთად. შენ წინააღმდეგ. უშენოდ...>>

რა ცოტაა საჭირო იმისთვის, რომ ცხოვრება აუტანელი გახადო! კენჭი ფეხსაცმელში, ტარაკანი მაკარონში, ქალის სიცილი!

ქმრები არასდროს ხდებიან კარგი; ისინი, უბრალოდ, გამოცდილებას იძენენ.

ჯენტლმენი - ესაა ადამიანი, რომელიც სიმართლეს ასიდან სულ ცოტა ოცდაათ შემთხვევაში ლაპარაკობს.

ყოველ წესიერ ადამიანს რცხვენია იმ მთავრობისა, რომლის მმართველობის დროსაც ცხოვრობს.

უცოლო - ეს ისაა, რომელსაც უნდა ცოლის შერთვა და თან, ამავე დროს, უხარია, რომ უცოლოა.

დემოკრატია - თეორია, რომლის შესაბამისად ორი ქურდი მოიპარავს ნაკლებს, ვიდრე ერთი; სამი - ნაკლებს, ვიდრე ორი; ოთხი - სამზე ნაკლებს და ასე, უსასრულობამდე.

სინდისი შინაგანი ხმაა, რომელიც გვაფრთხილებს, რომ ვიღაც გვითვალთვალებს.

სიმართლე ისეთი რამაა, რომელსაც ასე თუ ისე ვინმეს დისკრედიტირება შეუძლია...

გაზეთი - საშუალება, რომ უვიცი ადამიანები მეტად უვიცნი გახდნენ, ხოლო შეშლილნი - უფრო შეშლილნი.

იმედი - შეუძლებლის პათოლოგიური რწმენაა

რატომ თხოვდება ქალი მეორედ და რატომ ქორწინდება მეორედ მამაკაცი>>

ჯოჯოხეთი - ადგილი, სადაც ათ მცნებას კანონი დევნის.

მამაკაცი შეიძლება სულელი იყოს, მაგრამ ამის თაობაზე ეჭვი არ ეპარებოდეს - მაგრამ მხოლოდ იმ შემთხვევაში, თუ უცოლოა.

ქმარი - ესაა ადამიანი, რომელსაც სულ თვალი უნდა ადევნო; კისრის ზომა - 16, საყელოს - 15,5.

ეჭვიანობა - თვალსაზრისი, რომლის თანახმად ცუდი გემოვნებით მხოლოდ თქვენ არ გამოირჩევით.

მსახიობი - ადამიანი, რომელსაც ხის ფეხი უფრო უშლის ხელს, ვიდრე ხის თავი.

დემოკრატია - ესაა მეცნიერება და ხელოვნება, მართო მაიმუნების გალიისგან შემდგარი ცირკი.

დემოკრატია - ეს მხოლოდ ოცნებაა: ის ზღაპრული არკადიის, სანტა კლაუსისა და სამოთხის გვერდით დგას.

უზენაესი - კომედიანტი, რომლის მაყურებელს სიცილისა ეშინია.

ძალაუფლება - ღმერთისგან, იერარქია - ძალაუფლებისგან.

პურიტანობა - შიში, რომ ვიღაც სადღაც შეიძლება ბედნიერი იყოს.

კანონიერი, ნაკურთხი მრუშობა და წუთებად აკინძული ცხოვრება>>

ცუდად იფიქრო მოყვასზე - ცოდვაა, მაგრამ არა მგონია, რომ შეცდომა იყოს.

უცოლოებს ხანდახან სინდისი ქენჯნის. ცოლიანებს ამისთვის ცოლები ჰყავთ. „მე ჩემი ქმრის სინდისი ვარ“.

77
თემები:
აზრების ფოიერვერკი: ცნობილი ადამიანების ბრძნული გამონათქვამები
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

594
(განახლებულია 11:36 09.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

594
გია სურამელაშვილი

გია სურამელაშვილი სცენას ტოვებს - ქვეყნის დატოვება საყვარელი ადამიანის გამო გადაწყვიტა?

0
(განახლებულია 15:02 09.07.2020)
მომღერალი გია სურამელაშვილი გულახდილობით გამოირჩევა. გადაცემის ჩაწერის დროს მოულოდნელად საიდუმლო გაამხილა და წამყვანმა მისი დამშვიდება ვერ შეძლო

თბილისი, 9 ივლისი — Sputnik. ცნობილი მომღერალი გია სურამელაშვილი სცენას ტოვებს. ინფორმაცია გადაცემა „სიკეთე მარტივიაში“ანონსიდან ხდება ცნობილი, სადაც სურამელაშვილი გადაწყვეტილებას განმარტავს.

როგორც ანონსში სურამელაშვილი ამბობს, შესაძლოა მომღერალმა ქვეყანაც დატოვოს. ამ ეტაპზე უცნობია უკავშირდება თუ არა მისი სცენიდან წასვლა საყვარელ ადამიანს. გია სურამელაშვილი უკვე 35 წელია რაც სცენაზეა, მუსიკალური კუთხით მოღვაწეობა 16 წლის ასაკში დაიწყო.

მომღერალმა გია სურამელაშვილმა თოქ-შოუ „პროფილში“ რამდენიმე კვირის წინ საიდუმლო გაამხილა და განაცხადა, რომ კორონავირუსის პანდემიის დროს საყვარელ ადამიანს დაშორდა. მომღერალმა გადაცემაში ცრემლები ვერ შეიკავა და ატირდა, მისი დამშვიდება გადაცემის წამყვანს მოუწია.

„არ იტირო, გია, შენი ღირსი არ ყოფილა“, – უთხრა მას მაია ასათიანმა. თუმცა სურამელაშვილი გადაცემის მიმდინარეობისას რამდენიმე წუთი ტიროდა. მისი დამშვიდება ვერც მისმა მეგობარმა, ასევე სტუმრად მყოფმა ზალიკო ბერგერმა შეძლო, რომელიც ხუმრობებით სიტუაციის განეიტრალებას ცდილობდა.

ერთ დროს ცნობილი და ყველასათვის საყვარელი მომღერალი გია სურამელაშვილი გულახდილობით გამოირჩევა. სხვა ვარსკვლავებთან შედარებით მედიასთან კომუნიკაცია ძალიან ხიბლავს და ნებისმიერ გადაცემაში საზეიმო განწყობას ქმნის. გია სურამელაშვილის პოპულარობამ პიკს მაშინ მიაღწია, როცა საქართველოში სამოქალაქო ომი მიმდინარეობდა. თბილისის ქუჩებში ხალხი ერთმანეთს ესროდა, გია კი ფილარმონიის დარბაზს ავსებდა. მასზე შეყვარებული ქალბატონები ცრემლებს და ემოციურ შეძახილებს არ იშურებდნენ.

იუმორით აღსავსე შემსრულებელი საკუთარ ემოციებს არასდროს მალავს. გულწრფელობით გამოირჩევა და ამიტომ მასთან ურთიერთობა ადვილია. მაგრამ, როგორც ჩანს, ეს მხოლოდ მეგობრებს ეხება. პირად ურთიერთობაში გია საკმაოდ მომთხოვნი და მკაცრია. თავად აღნიშნავს, რომ ხშირად უხეში ხდება.

0
თემები:
სელებრითების ცხოვრება