მზე

თქვენი მფარველი პლანეტა ზოდიაქოს ნიშნის მიხედვით და მისი გავლენა თქვენზე

17997
(განახლებულია 11:39 18.09.2019)
თითოეულ ადამიანს თავისი მფარველი პლანეტა ჰყავს. იმისთვის, რომ გაიგოთ, რა გავლენას ახდენს ის თქვენს ფინანსურ მდგომარეობაზე და საქმიან სფეროზე ზოგადად, თქვენი ზოდიაქოს ნიშნის ცოდნაა საკმარისი

მფარველი პლანეტები ადამიანებზე სერიოზულ გავლენას ახდენენ. სწორედ მათზეა დამოკიდებული ჩვენი შემოქმედებითი მუხტი, ენერგეტიკული შესაძლებლობები, წარმატებაზე ორიენტაცია, ფინანსური იღბალი და კარიერა. იმის გაგებით, თუ როგორ ზემოქმედებს მფარველი პლანეტა თითოეულ ჩვენგანზე და რა განსაკუთრებულობა ახასიათებს ამ გავლენას, შევძლებთ უფრო კომფორტულად ცხოვრებას, ჩვენი ძლიერი და სუსტი მხარეების გაგებას.

გაიგეთ, რომელია თქვენი მფარველი პლანეტა ზოდიაქოს ნიშნის მიხედვით. გაითვალისწინეთ, რომ ზოგიერთ ნიშანს ორი მფარველი პლანეტა ჰყავს.

ბედნიერების შეგრძნება
ბედნიერების შეგრძნება

მზე - ლომი

მზეს უზარმაზარი ძალა და მძლავრი ენერგეტიკა აქვს. მფარველის ძალა, რა თქმა უნდა, ლომებზეც გადადის. სწრაფვა ძალაუფლებისა და მართვისკენ ხშირად იწვევს იმას, რომ ლომები შესანიშნავი ორატორები, ქოუჩები, პედაგოგები, პოლიტიკოსები და ფსიქოლოგები დგებიან. ლომები დიდი შემოქმედებითი პოტენციალისა და საოცარი ქარიზმის მქონე ადამიანები არიან. ეს მათ წარმატებების ადვილად მიღწევაში ეხმარება. უნდა აღინიშნოს, რომ მზემ ლომებს ორგვარი ნატურა უბოძა. ერთი მხრივ, ისინი ინიციატივიანი, მტკიცე, ამბიციური არიან, ხოლო მეორე მხრივ - ეგოისტი და თავდაჯერებული.

ახალგაზრდა ქალი მთვარის ფონზე
© CC0 / Pixabay
ახალგაზრდა ქალი მთვარის ფონზე

მთვარე - კირჩხიბი

მთვარე კირჩხიბის ნიშნით დაბადებულებს მფარველობს, მათ განსაკუთრებულ მგრძნობიარობას, ემოციურობასა და შესაშურ ინტუიციას ანიჭებს. იმის მიუხედავად, რომ ასტროლოგიაში ეს კოსმოსური ობიექტი ცვალებად და „თავქარიან" ნატურასთან ასოცირდება, კირჩხიბები აგებენ მტკიცე ურთიერთობებს, აფასებენ კომფორტსა და სტაბილურობას, უყვართ ყურადღების ცენტრში ყოფნა. საკუთარი თავის გამოვლენის საუკეთესო დრო ზოდიაქოს ამ ნიშნის წარმომადგენლებისთვის სავსემთვარეობა და ახალმთვარეობაა. დანარჩენ პერიოდებში კირჩხიბები ხშირად პასიური და უინიციატივონი ხდებიან.

მერკური - ტყუპი, ქალწული

მერკური წარმატების, ვაჭრობის, ცოდნისა და ფულის პლანეტაა. მფარველისგან ტყუპებსა და ქალწულებს იღბლიანობა, მეწარმეობის უნარი, გამჭრიახობა ერგო. ამ ნიშნების წარმომადგენელთა ინტელექტუალური უნარები მხოლოდ სამეცნიერო აღმოჩენებზე არ არის მიმართული. ისინი თავიანთი მიზნების მისაღწევად იყენებენ საკუთარ ცოდნას, გამოცდილებას, მჭევრმეტყველებასა და უნარებს. „მერკურიანელები" ძალზე დაკვირვებული არიან და მცირეოდენ წვრილმანსაც ამჩნევენ, რაც მათ ეხმარება, რომ არა მხოლოდ ადვილად გადალახონ დაბრკოლებები, არამედ მათ გვერდი აუარონ. როგორც ჩანს, ამ თვისებების გამო ტყუპებისა და ქალწულებისთვის ცხოვრების გზაზე სიარული და ნებისმიერ ამოცანასთან გამკლავება, სხვა ნიშნებთან შედარებით, იოლია.

ვენერა - კურო, სასწორი

ვენერა სიყვარულის, ბედნიერების, სილამაზის, ფულისა და მომხიბვლელობის მფარველია. სიყვარული ამ პლანეტის მფარველობით მყოფი ადამიანებისთვის არა კონკრეტული, არამედ ზოგადი ცნებაა: ესაა სიყვარული ადამიანის მიმართაც, ფულის მიმართაც და მიწიერი ტკბობის მიმართაც. სასწორები და კუროები აფასებენ მატერიალურს, აღმერთებენ ძვირფას ნივთებს და ყველაფერს, რაც მათ სიამოვნებას ანიჭებს. არიან ქარიზმატული, მჭევრმეტყველი, ნატიფი გრძნობების მქონე პიროვნებები, რისი წყალობითაც დიდ სიმაღლეებს აღწევენ ცხოვრების სხვადასხვა სფეროში. თუმცა, საქმეში რომ თავი გამოიჩინონ, მათ სერიოზული მოტივაცია სჭირდებათ. ამასთან ვენერა ამ ნიშნებს შემოქმედებით უნარებსაც ანიჭებს, ამიტომ ბევრი კურო და სასწორია მხატვრებს, პოეტებს, მუსიკოსებს, მსახიობებს შორის.

Парад планет с участием Солнца и Венеры
© photo: Sputnik / Виталий Аньков
პლანეტების აღლუმი მზისა და ვენერას მონაწილეობით

მარსი - ვერძი, მორიელი

მარსი ომის ღმერთია, რომელიც თავისი მფარველობის ქვეშ მყოფ ადამიანებს აგრესიას, ნებისყოფას, გამორჩენის წყურვილს, ინიციატივიანობას, სიჯიუტესა და სიმტკიცეს ანიჭებს. ვერძებსა და მორიელებში ცეცხლი გიზგიზებს. არიან ძალზე თავდაჯერებული, მტკიცე, ვერ ეგუებიან წაგებას. უმოწყალო მარსი მათ უმძაფრებს სურვილს, იცხოვრონ ისე, როგორც თავად სურთ, დაბრკოლებებისა და შეზღუდვების გარეშე. ამიტომ „მარსის შვილები" არ აგებენ ოცნების კოშკებს, სიტყვებს აქეთ-იქით არ ისვრიან, არამედ მაშინვე საქმეზე გადადიან. აქვთ საკუთარი თავის იმედი, გამოირჩევიან სხვა ადამიანებს შორის სიამაყითა და ამპარტავნებით. „მარსიანელები" ხშირად აღწევენ კარიერის პიკს, ხდებიან ხელმძღვანელები არჩეულ სფეროში ან საკუთარ ბიზნესს აწარმოებენ. კარგად გამოსდით კრიტიკულ სიტუაციებთან გამკლავება, სხვა ადამიანების დამორჩილება და მათი მართვა.

Снимок поверхности Марса
© photo: Sputnik
მარსის ზედაპირი

იუპიტერი - მშვილდოსანი, თევზები

დიდი ბედნიერების პლანეტა - სწორედ ასე უწოდებენ იუპიტერს. ის მშვილდოსნებსა და თევზებს მფარველობს და მათ ანიჭებს სულიერ თვისებებს, სინამდვილის ფხიზელ აღქმას, რაც მშვიდობისმყოფელობასა და გამჭრიახობაში ვლინდება.

იუპიტერი მშვილდოსნებს აჯილდოებს ხიბლით, ოპტიმიზმითა და შინაგანი ძალით. ეს თვისებები მათ ეხმარება, ლიდერის პოზიცია დაიკავონ ნებისმიერ ადგილას და კარიერაში და ფულის საკითხებში მაქსიმუმს მიაღწიონ. როგორც წესი, მშვილდოსნებს არაფერი აშინებს, შეიძლება ითქვას, რომ საფრთხე იზიდავს კიდეც. რისკის ელემენტი ზოდიაქოს ამ ნიშნის წარმომადგენლებისთვის გარკვეული გამოწვევაც კია. წარმატების მიღწევისთვის მან უნდა ისწავლონ ყურადღების ერთ რამეზე კონცენტრირება.

თევზებთან მიმართებით საქმე ცოტა სხვაგვარადაა. იუპიტერი ამ თანავარსკვლავედის წარმომადგენლებისთვის მეორე მფარველის როლში გვევლინება. ის თევზებს განვითარებული ინტუიციით ასაჩუქრებს, რაც მათ მრავალი უსიამოვნების თავიდან აცილებაში და განვითარების უფრო ხელსაყრელი გზების მოძებნაში ეხმარება.

Венера и Юпитер, видимые одновременно в предрассветном небе над Нью-Йорком 18 августа 2014 года
© AFP / STAN HONDA
ვენერა და იუპიტერი ერთდროულად ცაზე. ნიუ-იორკი, 2014 წელი

სატურნი - თხის რქა, მერწყული

სრულიად განსხვავებულ ნიშნებს - თხის რქასა და მერწყულს ერთი მფარველი ჰყავთ - სატურნი. ასტროლოგიაში ეს პლანეტა გონიერებასთან, თავშეკავებულობასთან, ცივ გონებასთან ასოცირდება.

როგორც ასტროლოგები აღნიშნავენ, თხის რქები და მერწყულები რაღაც საერთოს ორი უკიდურესობაა. ორივე ნიშანს აქვს მოუთოკავი სწრაფვა წარმატებისკენ, მატერიალური კეთილდღეობისკენ. მაგრამ თუ თხის რქებმა სატურნისგან შრომისმოყვარეობა, რაციონალიზმი და თანამიმდევრულობა მიიღეს, მერწყულებს მოკავშირე პლანეტისგან აქტიურად განვითარებისა და პრაქტიკული სარგებლის მიღწევის, საკუთარი ნიჭიერების გამოყენების უნარი ერგო.

ურანი - მერწყული

ურანი მერწყულების მთავარი მოკავშირეა. მმართველი პლანეტა ამ ნიშნის წარმომადგენლებს ანიჭებს არჩევნის თავისუფლებას, გენიალობას, ჩარჩოების არარსებობას, თავისუფლებისკენ სწრაფვასა და ბედის დარტყმებისადმი საოცარ მდგრადობას. ამ ადამიანებს აქვთ ორიგინალური აზროვნება, იდეების ნამდვილი „ოკეანეები", რაც ნებისმიერ გუნდში გამოარჩევს მათ. უყვართ საკუთარი წესებით ცხოვრება. აღმერთებენ ახალს, არიან გამომგონებლები, შესანიშნავი ორატორები, ორგანიზატორები. წარმატებებს ხშირად აღწევენ საკუთარი ნებისყოფისა და სურვილის, რომ სხვებისგან განსხვავებული იყვნენ, წყალობით. თუმცა, მათი გზა სიმდიდრისკენ ხშირად ჭიანურდება.

ნეპტუნი - თევზები

ნეპტუნი იდუმალი და მისტიკური პლანეტაა, რაც თევზებში ასევე იდუმალებას, ეჭვებს, მგრძნობიარობას, ღრმა შინაგან სამყაროსა და უზარმაზარ შემოქმედებით პოტენციალს აჩენს. როგორც წესი, ნეპტუნი ცნობიერების სიღრმეებში წვდომას აძლიერებს, რის გამოც თევზები მიდრეკილი არიან თვითჩაღრმავებისა და თვითნგრევისკენ. ნეგატიური ემოციებისგან გათავისუფლებისთვის ასტროლოგები მათ შემოქმედებით საქმიანობას ურჩევენ. ამას გარდა, თევზები ყოველთვის ნახულობენ კომფორტის ზონას და ემშვიდობებიან წარსულსა და უსარგებლოს. ადვილად ეგუებიან ახალ ცხოვრებისეულ პირობებს, გარშემო მეგობრულ ატმოსფეროს ქმნიან.

პლუტონი - მორიელი

თანამედროვე სამყაროში პლუტონს პლანეტების რიგს არ მიაკუთვნებენ, თუმცა, ეს ციური სხეული მზის სისტემაში შედის და სერიოზულ გავლენას ახდენს მორიელების ცხოვრებისეულ მოვლენებსა და მათ ხასიათზე. პლუტონმა მათ შესანიშნავი ინტუიცია, უზარმაზარი შინაგანი ძალა, ჟინი და რეფორმირებისკენ სწრაფვა მიანიჭა. ამ ნიშნის წარმომადგენლებისთვის ძალზე მნიშვნელოვანია საზოგადოებრივი და პროფესიული საქმიანობა, რადგან ისინი მუდამ ძალაუფლებისა და მართვისკენ ისწრაფვიან. ვერ იტანენ რუტინასა და მოსაწყენ ყოველდღიურობას, მალე იღლებიან ერთფეროვანი სამუშაოსგან და ხშირად გადაერთვებიან ხოლმე ექსტრემალურ ავანტიურაზე. თუმცა, იმპულსურობა, რომელიც უგუნურ საქციელს ემიჯნება, ყოველთვის არ შველის მორიელებს საქმეში. დროთა განმავლობაში, როდესაც ისინი აცნობიერებენ საკუთარ ძლიერ მხარეებს, ხშირად აღწევენ წარმატებას.

17997
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 25 იანვარი

51
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 25 იანვარია, ორშაბათი. მზარდი მთვარე ტყუპის ნიშანშია. ამ დღეს პლანეტა მთვარე მფარველობს.

დღეს ადამიანების უმრავლესობას ისეთი განწყობა შეექმნება, რომ სულ უბრალო ცხოვრებისეული მოვლენებისგან უსაზღვრო სიხარულს მიიღებს და პოზიტიური ენერგიით დაიმუხტება. გასეირნება ბუნებაში, სუფთა ჰაერზე, ფინჯანი ყავა ან ჩაი მეგობრებთან ერთად, გემრიელი საჭმელი – ეს ყოველივე იმდენ პოზიტიურ ემოციას მოგიტანთ, რამდენსაც რომელიმე ეგზოტიკურ ქვეყანაში მოგზაურობა მოგანიჭებდათ. ამ დღეს არ ღირს სერიოზულ გეგმებზე ფიქრი, რადგან დიდია ალბათობა, სასურველი რეალობად აღიქვათ. სამაგიეროდ, იდეალური დღეა რომანტიკისა და სიყვარულისთვის.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: განწყობის ნატამალიც კი არ გაქვთ იმისა, რომ რამე გააანალიზოთ ან დეტალებს ჩაუღმავდეთ. მზად ხართ, გადაწყვეტილებები დაუფიქრებლად მიღოთ და გულისძახილს მიჰყვეთ. თუმცა, ვარსკვლავები გაფრთხილებენ, რომ ინტუიციაზე დაყრდნობა დღეს არ ივარგებს. წინათგრძნობა მცდარი აღმოჩნდება და მათზე დაფიძნებული გადაწყვეტილება – არასწორი. შესაძლო გართულებებისა და უსიამოვნებების თავიდან ასაცილებლად, სჯობს, გადაწყვეტილებები ცხელ გულზე არ მიიღოთ.

კურო: დღეს ძალიან უნდა იფრთხილოთ, განსაკუთრებით სარისკო და ავანტიურულ პროექტებთან დაკავშირებით. იღბალზე მინდობა არ შეიძლება, არის დამანგრეველი კრახის საფრთხე. ასე რომ, თუ ფიქრობთ, რომ იღბალი თვითონ ჩაგივარდათ ხელში, იცოდეთ, რომ ეს მხოლოდ მოჩვენებითია და არავითარ შემთხვევაში არ უნდა გარისკოთ. გონივრული იქნება დროის მოგება და პროექტის სამომავლოდ გადადება: მალე სიტუაცია ცხადი გახდება და მიხვდებით, როგორ უნდა იმოქმედოთ.

ტყუპი: ისეთი ენთუზიაზმით ხართ სავსე, რომ უკუშედეგი შეიძლება მიიღოთ. იმის ნაცვლად, რომ წინ წახვიდეთ, გულმოდგინე „სწრაფვით, მგნებარებითა და გარღვევებით“ გარშემომყოფები შეიძლება გააღიზიანოთ და ეს ყველა წამოწყებას დაამუხრუჭებს. მსგავსი რამ რომ არ მოხდეს, სჯობს, დაზოგოთ ძალები და აქცენტი ახლობელ ადამიანებთან ურთიერთობებზე გადაიტანოთ. ხოლო თუ ვითარება თქვენს აქტიურობას მოითხოვს, ეცადეთ, ზედმეტი ენთუზიაზმი და გატაცება არ გამოავლინოთ.

კირჩხიბი: დღეს ასტროლოგები მოდუნებასა და კარგად დასვენებას გირჩევენ. ეს აუცილებელია, რათა აღიდგინოთ ენერგია და სასიცოცხლო ძალები. ერთი კია – ირგვლივ მყოფების გაგების იმედი არ უნდა გქონდეთ, ამიტომ აჯობს, მოქმედების იმიტაციაზე იფიქროთ ისე, რომ არ დააზარალოთ არც საკუთარი თავი და არც სხვები. შესაძლოა, საკუთარი მოვალეობების ნაწილი სხვებს გადააბაროთ, ზოგიერთი სამომავლოდ გადადოთ. მთავარია, ამან არ დაგამძიმოთ – სულ მალე ამ საქმეებს ახალი შემართებითა და ძალებით შეუდგებით.

ლომი: დღეს კარგი „შეჯანჯღარება“ გჭირდებათ. ისეთი შთაბეჭდილება რჩება, თითქოს ყველაფერი სულერთია. სინამდვილეში კი თქვენი ემოციები რუტინამ ჩაახშო და თუ ყოველდღიურ ყოფაში მრავალფეროვნების შეტანას შეძლებთ, ჩამქრალ ენთიაზიაზმს გააცოცხლებთ. დაფიქრიდით, იქნებ ღირს, დროებით გადადოთ საქმეები და ქალაქგარეთ გახვიდეთ დასასვენებლად. ან პირიქით – ახალ პერსპექტიულ პროექტს შეეჭიდოთ, თუნდაც ეს პერსპექტივა ბოლომდე გამოკვეთილი არ იყოს. თქვენი გადასაწყვეტია, ვარსკვლავების აზრით კი დღეს ცოტაოდენი ავანტიურა არ გაწყენდათ.

ქალწული: დღეს ნებისმიერი რამ, რისი მამოძრავებელი ძალაც თქვენ ხართ, შეიძლება ჩავარდეს. და თუმცა ეს ჩავარდნები წვრილმანებს შეეხება, თქვენს ყურადღებას მთლიანად დაიპყრობს და აზროვნების კონცენტრირებაში შეგიშლით ხელს. შედეგად გაგიჭირდებათ კარგი შედეგებით თავის წარმოჩენა. სხვათა შორის, გარშემომყოფები და ხელმძღვანელობაც კი თქვენგან რამე სახის გმირობას არც ელოდება შექმნილი საერთო პრობლემების ფონზე.

სასწორი: ექსპერტები კატეგორიულად არ გიორჩევენ მარტო მოქმედებას. ეს ისეთი დღეა, როდესაც დამოუკიდებლად ვერაფერს გადაწყვეტთ და თუ მაინც ცდით, შეიძლება სავალალო შედეგები მიიღოთ. ასე რომ, თუ დღეს რამე მნიშვნელოვანი საკითხი გაქვთ მოსაგვარებელი, მოგიწევთ მისი გარჩევა ირგვლივ მყოფებთან, მათი რჩევების მოსმენა, კომპრომისის მოძებნა. მაგრამ შედეგი დახარჯული ძალისხმევის კომპენსირებას მოახდენს. ეს რთული გზა ბევრად ეფექტური აღმოჩნდება.

მორიელი: დღეს ავანტიურაში ჩაბმა კარგ არაფერს მოგიტანთ არც სამუშაო და არც პირად ცხოვრებაში. ყველგან, სადაც ოდნავ მაინც გაქვთ იღბლის იმედი, ჩავარდნა გელოდებათ. იღბალი დღეს თქვენთვის „ისვენებს“. უსიამოვნებები რომ აირიდოთ თავიდან, ამისთვის საკმარისი იქნება, რომ არ გარისკოთ და ყველაფერში ნაცადი, კონსერვატიული კურსი შეინარჩუნოთ. შეგიძლიათ მიმდინარე საქმეებს მიხედოთ – არე თუ გვიან, ისიც თქვენი გასაკეთებელია.

მშვილდოსანი: დღეს მხოლოდ საკუთარი თავის იმედი არ უნდა გქონდეთ – ზედმეტმა თავდაჯერებულობამ შეცდომებამდე შეიძლება მიგიყვანოთ. არ არის გამორიცხული, რომ ცხვირწინ ვერ დაინახოთ და შეამჩნიოთ რამე, ან ელემენტარული რამ შეგეშალოთ. სამაგიეროდ, შესანიშნავად შეძლებთ მუშაობას მეწყვილესთან ერთად – მისი კონტროლი შეცდომებისგან დაგიცავთ და უფრო ყურადღებიანი გახდებით.

თხის რქა: დღეს კარგი იქნება, თუ სხვების მონაწილეობით დიდ პროექტებს არ შეეჭიდებით – ნაკლებად სავარაუდოა, რომ გამოგივიდეთ. იგივე ეხება ნებისმიერ ერთობლივ წამოწყებას. ერთადერთი ადამიანი, რომლის იმედიც უნდა გქონდეთ, ეს თვითონ თქვენ ხართ. ეს ნიშნავს, რომ ყურადღება იმ პროექტებზე უნდა გადაიტანოთ, სადაცთქვენ ხართ პირადად პასუხისმგებელი და სადაც ვერავინ შეგიშლით ხელს.

მერწყული: დღეს შესანიშნავი დროა იმისთვის, რომ მოაწყოთ პროექტის ან საკუთარი თავის პრეზენტაცია – გარშემომყოფები ამას ძალზე პოზიტიურად შეხვდებიან. გაქვთ განწყობა, რომ ემოციების ენაზე ისაუბროთ და ეს სწორედ ის ენაა, რომელსაც ყველა „ფრიადზე“ გაიგებს. სხვაგვარად რომ ვთქვათ, დღეს არაა აუცილებელი, მსმენელი ციფრებითა და ფაქტებით დაამძიმოთ. საკმარისია კაშკაშა, გადამდები ემოციები და ადამიანები სიამოვნებით გამოგყვებიან უკან.

თევზები: უნდა მოემზადოთ იმისთვის, რომ შესაძლოა ყველაფერი ისეთი არ აღმოჩნდეს, როგორც ერთი შეხედვით ჩანს. ამასთან სიურპრიზები შეიძლება იყოს როგორც სასიამოვნო, ისე უსიამოვნოც. მაგალითად, არაა გამორიცხული სირთულეები ისეთ საქმეებში, რომლებიც უკვე დიდი ხანია, გადაწყვეტილი გგონიათ. მოკლედ რტომ ვთქვათ, მთელი დღის განმავლობაში მოვლენების პულსზე უნდა გეჭიროთ ხელი და მზად იყოთ საქმეებში მოულოდნელობებისთვის.

51
თბილისი

დღის ასტროპროგნოზი ზოდიაქოს ნიშნებისთვის: 24 იანვარი

1443
(განახლებულია 12:50 24.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 24 იანვარია, კვირა. მზარდი მთვარე ტყუპის ნიშანშია. ამ დღეს პლანეტა მზე მფარველობს.

დღეს შესანიშნავი დღეა იმისთვის, რომე ნებისმიერ გადაუჭრელ საკითხში, ეხება ეს სამუშაოსა თუ პირად ცხოვრებას, სიცხადე შეიტანოთ. თუ შეძლებთ გრძნობების გაკონტროლებას, გაქვთ შანსი, რომ ჩაწვდეთ პრობლემის არსს და ერთადერთი სწორი გადაწყვეტილება მიიღოთ. მაგრამ საფრთხე ისაა, რომ ვნებათაღელვა და ტემპერამენტი მომატებული იქნება, ამიტომ, ეცადეთ, გამოავლინოთ მხოლოდ პოზიტიური ენერგია, ხოლო ნეგატიური დამალოთ, არ მოაწყოთ „საქმის გარჩევა“ საყვარელ ადამიანთან – ეს შეიძლება ძალიან მძიმე შედეგით დამთავრდეს.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს უნარი გაქვთ, საქმის არსს ჩასწვდეთ და თითოეული საკითხი „ატომებისა და მოლეკულების“ დონეზე „დაშალოთ“. ამან, შესაძლოა, სრულიად ახალ, მათ შორის, მოულოდნელ დასკვნებამდე მიგიყვანოთ. ყველაზე უბრალო ყოველდღიურ საქმეებშიც კი, თუ მათ სხვა კუთხით შეხედავთ, ადრე უხილავ ნიუანსებს დაინახავთ. ასევე იქნება ადამიანებთან მიმართებითაც – ირგვლივ მყოფნი თქვენგან სულ უმნიშვნელო საიდუმლოსაც ვერ დამალავენ.

კურო: დღეს რაღაც ისეთ საქმეში იქნებით ჩართული, რომელიც ასე თუ ისე ფულთან არის დაკავშირებული. ეს შეიძლება ნებისმიერი რამ იყოს – ხელმძღვანელობასთან ხელფასზე საუბრიდან დაწყებული ბანალურ კამათამდე ზედმეტი ხარჯების გამო. ვარსკვლავები გირჩევენ, არ გაცხარდეთ ასეთი ლაპარაკის დროს და მოერიდოთ უსარგებლო დეტალებს. ეცადეთ, შეინარჩუნოთ სიმშვიდე და ფაქტებზე გაამახვალითო ყურადღება. წყენასა და ურთიერთპრეტენზიებს სერიოზული პრობლემების შექმნა შეუძლია დღეს.

ტყუპი: დღეს თქვენ ხმაში მბრძანებლური ტონი გაიჟღერებს. გარშემომყოფებისთვის საკუთარ სიმართლის მტკიცებას დაიწყებთ და არაა გამორიცხული, რომ ზედმეტად გაცხარდეთ. ზედმეტად თავდაჯერებული ბრძანდებით, ასი პროცენტით გჯერათ, რომ რასაც აკეთებთ, სწორად აკეთებთ. ირგვლივ მყოფებს კი ამაში ეჭვი ეპარებათ და დახმარების სურვილი არა აქვთ, რაც, შესაძლოა, საბოტაჟს დაემსგავსოს. დღე რომ უაზრო კამათში არ გავიდეს, უნდა მოთოკოთ თქვენი მღელვარება, შეაჩეროთ სხვებზე ზეწოლა. ბოლოს და ბოლოს, ხომ შეიძლება ამ ადამიანებთან შეთანხმება ჩხუბის გარეშე?

კირჩხიბი: კარგი დღეა იმისთვის, რომ ურთიერთობებში სიცხადე შეიტანოთ, თუ, რა თქმა უნდა, ამის აუცილებლობას ხედავთ. რაზეც ვერ ბედავთ დალაპარაკებას, კითხვები, რომლების დასმაც გერიდებათ – ეს ყველაფერი შეიძლება დღეს გააკეთოთ უშიშრად. თქვენი განწყობა იმგვარია, რომ იყოთ პატიოსანი, გულწრფელი და გამგები თანამოსაუბრე. ეს დაგეხმარებათ, რომ ისაუბროთ პრეტენზიების გარეშე თუნდაც ყველქზე ფაქიზ თემებზე.

ლომი: დღეს, შესაძლოა, რაღაც საკითხში თავდაჯერებულობამ გიღალატოთ. რაშიც ასი პროცენტით იყავით დარწმუნებული, არაა გამორიცხული, რომ სულ სხვაგვარად დაინახოთ, მოულოდნელი მხრიდან შეხედოთ მას. ასევე შესაძლებელია, რომ რაღაც საკითხზე მოსაზრება შეიცვალოთ. სხვა სიტყვებით რომ ვთქვათ, დღეს მზად უნდა იყოთ ცვლილებებისთვის, თუნდაც ეს ცვლილებები მხოლოდ თქვენს თავში „დატრიალდეს“.

ქალწული: მზად ხართ, ყველაფერს ძირისძირობამდე ჩაუღრმავდეთ, თუნდაც სულ უბრალო და მცირე მნიშვნელობის საკითხი იყოს. გაურკვევლობა საქმეებში თუ სიტყვებში გაგაღიზიანებთ და იქამდე „იკირკიტებთ“ საკითხში, სანამ ყველაფერი ნათელი არ გახდება. ეს დაგეხმარებათ, რომ შეცდომებს აარიდოთ თავი. თუმცა, იმდენ კითხვას დასვამთ დაზუსტების მიზნით, რომ გარშემომყოფებს შეიძლება მოეჩვენოთ, რომ დასცინით მათ.

სასწორი: დღეს უნდა გადაწყვიტოთ, რა არის ის, რისგანაც დიდი ხნის წინ უკვე უნდა გათავისუფლებულიყავით და ახლისთვის დაგეთმოთ ადგილი. შესაძლოა, უკან გექაჩებათ უკვე ყავლგასული რაღაც იდეები, განუხორციელებელი გეგმები, შეუსრულებელი ვალდებულებების ტვირთი. არ არის გამორიცხული, რომ დღეს რომელიმე ილუზიასთან ან ოცნებასთან დამშვიდობება მოგიწიოთ, მაგრამ მხოლოდ იმისთვის, რომ წინ ნამდვილი პერსპექტივები გახსნათ.

მორიელი: დღეს არანაირ კომპრომისზე წასასვლელად არ ხართ მზად. თქვენი „დიახ“ ნიშნავს „დიახ“–ს და „არა“ – არას. მათ შორის სხვა არაფერი არსებობს. ასეთი უაპელაციო მცდელობა, რომ სამყარო შავ და თეთრ ფერებად დაყოთ, გარშემომყოფების მხრიდან აუცილებლად წინააღმდეგობას გამოიწვევს. დღეს ძალზე ემოციური და სიმართლისმოყვარული ბრძანდებით, ამიტომ ურთიერთობების გამორკვევის ნებისმიერი მცდელობა კამათით დამთავრდება. ეს რომ არ მოხდეს, უნდა გათავისუფლდეთ ილუზიისგან, რომ ვინმესთვის რამის დამტკიცებას შეძლებთ – ეს დღეს ნამდვილად არ გამოგივათ.

მშვილდოსანი: ექსპერტების მთავარი რჩევა დღეს ასეთია – არ იჩქაროთ არანაირი სერიოზული გადაწყვეტილების მიღება. სჯობს, დრო ინფორმაციის შეგროვებას დაუთმოთ. შესაძლოა, რაღაც ვერ გაითვალისწინეთ ან სათანადო ცნობები არ მოგეპოვებათ. შეცდომა არ დაუშვათ, დღეს ფაზლის ყველა დეტალი უნდა ააწყოთ: დაელაპარაკოთ საკითხის მცოდნე ადამიანებს, იპოვოთ პასუხები კითხვებზე, მოიძიოთ და ჩაუსხდეთ წიგნებს, შეისწავლოთ ფაქტები. მხოლოდ ამის შემდეგ შეგიძლიათ „ბრძოლის ველზე“ გასვლა.

თხის რქა: დიდი ალბათობით, მოგიწევთ საკუთარი შეხედულების გადახედვა რომელიმე ადამიანზე, რამე მოვლენაზე ან პრობლემაზე. ეს, შესაძლოა, საკუთარი სურვილის მიუხედავად გააკეთოთ, უბრალოდ, სიტუაციის გამო რაღაც ფაქტები შეიძლება ჩაგივარდეთ ხელში, რომელთა გათვალისწინებაც მოგიწევთ. ამან რომ მთელი დღე კალაპოტიდან არ ამოგაგდოთ, სჯობს, მოულოდნელობისთვის მზად იყოთ და აუცილებლობის შემთხვევაში რაღაც საკითხში მოქნილობა გამოავლინოთ.

მერწყული: დღეს გარშემომყოფებთან ურთიერთობებში, სავარაუდოდ, ძალიან გაჯიუტდებით. იმის გათვალისწინებით, რომ ძალზე ემოციური ხართ და ყველაფეი ადვილად გწყინთ, არ არის გასაკვირი, რომ ცხარე კონფლიქტების წყარო გახდეთ. ასტროლოგები გირჩევენ, დღეს თქვენთვის შეინახოთ ძვირფასი, „ერთადერთი სწორი“ მოსაზრება და მას ხმამაღლა გამოთქვამთ, მაშინ მზად იყავით, რომ კომპრომისზე წახვიდეთ და ბოდიშიც მოიხადოთ.

თევზები: ყველაფერი წესრიგში და სისუფთავეში უნდა იყოს – სულშიც, ფიქრებშიცა და მუშაობის მხრივაც. ყველაფერს ხედავთ და ამჩნევთ – სულ მცირე მტვრის ნაწილაკსაც კი და მთელი ძალით ცდილობთ დასუფთავებას. უმნიშვნელო არეულობას ან სიბინძურესაც კი გარშემომყოფების ნაკლოვანებების – მათი არაიდეალურად სუფთა საქციელისა და სიტყვების გამოვლენა შეუძლია. ნაკლებსავარაუდოა, რომ დღეს ვინმემ ან რამემ შეაკავოს თქვენი მისწრაფება, რომ პირდაპირ მიახალოთ სათქმელი სისუფთავის „დამრღვევს“.

1443