დედა და შვილი

„შეცდომები მოსულა“, ნუ მოსთხოვთ სრულყოფილებას როგორ აღვზარდოთ ბედნიერი ბავშვი

308
(განახლებულია 18:02 24.07.2019)
რუბრიკა „ფასილიტატორის“ სტუმარია ფსიქოლოგი, სპეციალური მასწავლებელი სკოლაში ნატო ბაქრაძე.

ნებისმიერი მშობლის პასუხი კითხვაზე – რა გსურთ შვილებისთვის – არის: მათი კეთილდღეობა, ბედნიერება და ყველაფერი საუკეთესო.

რას ნიშნავს შვილების კეთილდღეობა, ბედნიერება და ყველაფერი საუკეთესო? ჯანსაღი საკვები, კარგი ტანსაცმელი, წარმატებული მომავალი, კარგი განათლება და ა.შ. ჩამონათვალი შეიძლება უსასრულოდ გაგრძელდეს.

როგორი აღზრდის სტილს იყენებენ მშობლები შვილებთან? როგორი მშობელი ხართ?

1. ავტორიტარი, რომელიც გამუდმებით აკონტროლებს და ზღუდავს შვილის პირად საზღვრებს?

2. დემოკრატი, რომელიც ანგარიშს უწევს შვილის სურვილებს და აღიქვამს მას როგორც პიროვნებას?

3. ლიბერალი, რომელიც ყველაფრის უფლებას აძლევს შვილს და არანაირ პასუხისმგებლობას არ აკისრებს მას?

4. ინდიფერენტული, რომლისთვისაც სულ ერთია რას აკეთებს თქვენი შვილი და ცივად ექცევით მას?

გამომდინარე იქიდან, რომ ბავშვები მშობლების საშუალებით იწყებენ სამყაროს გაცნობასა და მასზე მორგებას, მნიშვნელოვანია თქვენი, როგორც დედის ან მამის დამოკიდებულება მათ მიმართ, ხედვა, ურთიერთობის ფორმა, შეხედულებები, ბავშვის კეთილდღება. ბედნიერება ერთმნიშვნელოვნად მხოლოდ დემოკრატიული აღზრდის სტილის შემთხვევაშია შესაძლებელი. მაშინ, როცა ბავშვს აქვს ქცევის საზღვრები, წესებით რეგულირებული გარემო, პასუხისმგებლობები, გათვალისწინებულია მისი სურვილები და საჭიროებები, არსებობს მჭიდრო, პოზიტიური, ემოციური კავშირი ორივე მშობელთან. ერთი სიტყვით, ეს ოქროს შუალედია, რომელიც ხშირ შემთხვევაში რთული მისაღწევია.

რა ფაქტორები განაპირობებს შვილის ბედნიერებას ფიზიკური და მატერიალური სიკეთეების გარდა და რა იგულისხმება დემოკრატიული აღზრდის სტილში?

რა უცნაურადაც არ უნდა ჟღერდეს, პირველი და მთავარი – ეს არის თქვენი, როგორც მშობლის ბედნიერება. საერთაშორისო კვლევებმა აჩვენა, რომ შვილების ემოციური მდგომარეობა პირდაპირ კავშირშია დედის ემოციურ მდგომარეობასთან. ქცევითი პრობლემები, რომლებიც დაკავშირებულია ბავშვის ადაპტაციასთან გარემოსთან, გამოწვეულია მშობლის დეპრესიით, მძიმე ემოციური მდგომარეობით.

ბედნიერი მშობელი ბედნიერ ბავშვს ნიშნავს. თუ თქვენთვის მშობლობა მძიმე ტვირთია, ის შვილებისთვისაც რთული გადასატანია. არ არის აუცილებელი იყოთ შვილებსა და ოჯახზე შეწირული მშობელი, გარკვეული დოზით საკუთარ თავზე ზრუნვა თქვენი შვილებისთვის ისეთივე მნიშვნელოვანია, როგორც მათი საჭიროებების უზრუნველყოფა.

დაეხმარეთ შვილებს ურთიერთობების ჩამოყალიბებაში

გისაუბრიათ ოდესმე შვილებთან როგორ უნდა დაამყარონ ურთიერთობები თანატოლებთან? როგორ მოიქცნენ მათთან, განსაკუთრებით მაშინ, თუ ბავშვი მორცხვია და კომუნიკაციის სირთულეები აქვს?.. თუ ბავშვი ბაღის ასაკისაა, კარგია თუ მოდელირებით დაანახებთ როგორ გაიცნოს თანატოლი. ითამაშეთ მათთან ერთად გარკვეული პერიოდი, თუმცა ეს არ უნდა გადაიზარდოს იმაში, რომ თქვენ მოგეჯაჭვოთ და დამოუკიდებლად ვერ შეძლოს ურთიერთობის წამოწყება, ასეთ დროსაც მნიშვნელოვანია მხარდაჭერა დაანახოთ, შეაქოთ, ემოციური მხარდაჭერა აგრძნობინოთ. მოზრდილ ასაკშიც მნიშვნელოვანია მსგავსი ქმედებები, ამ შემთხვევაში პირადი გამოცდილების გაზიარება საუკეთესო საშუალებაა – საუბარი გამოცდილებებზე შვილთან, როგორც მეგობართან.

ღიმილი

გაღიმებული მშობლები ბავშვისთვის ბედნიერების მთავარი კომპონენტია. როცა შვილი ხედავს, რომ დედა და მამა ხშირად იღიმიან და მათ ურთიერთობაში სიყვარულია, არსებულ ემოციას ის სარკესავით ირეკლავს და თქვენთან ერთად ისიც სიხარულს განიცდის.

ელოდეთ შეცდომებს და არა სრულყოფილებას

მშობლებისთვის რთულია იმასთან შეგუება, რომ შვილი შეცდომას უშვებს. თუმცა, საინტერესოა, თუ არ დაუშვებს შეცდომას, როგორ უნდა მიხვდეს რა არის სწორი? გახსოვდეთ, რომ ყველა შეცდომა, დაშვებული თუნდაც ტესტებში, ურთიერთობებში, ყოველი მარცხი მისთვის წარმატების გზაზე ერთგვარი ბონუსებია. ნუ მოსთხოვთ სრულყოფილებას მათ, რადგან თქვენც არაერთ შეცდომას უშვებთ და ამ შეცდომებს საკუთარ თავს ძალიან მარტივად პატიობთ – „შეცდომები მოსულა“.

ასწავლეთ ოპტიმიზმი

ოპტიმიზმი ჩვენ გონებას დადებითი ფიქრებისკენ წარმართავს. ასეა ბავშვების შემთხვევაშიც. თქვენი მხრიდან იმაზე ზრუნვა, რომ სამყარო ძალიან ბევრი პოზიტივით არის აღსავსე ნეგატიურთან ერთად, მნიშვნელოვნად განსაზღვრავს თვენი შვილების მოტივირებას – იყონ ბედნიერები და იფიქრონ უფრო ნათელ ფერებში. ასეთი მიდგომა მათ განსაკუთრებით გარდატეხის ასაკში ეხმარებათ, მაშინ, როცა მათი აღქმით სამყარო ისედაც რთულდება და მძიმდება.

ასწავლეთ საკუთარ ემოციებთან ურთიერთობა. ემოციების კონტროლი როგორც ზრდასრულებისთვის, ისე ბავშვებისათვის მნიშვნელოვანია. ამისათვის კი აუცილებელია ჯერ თქვენ იმუშაოთ საკუთარ ემოციურ მდგომარეობაზე, დააკვირდეთ საკუთარ თავს და შეიგრძნოთ რას განიცდით, როცა რამე გიხარიათ, ან გწყინთ, ან როცა ბრაზობთ. პარალელურად მიეცით შვილებს საშუალება პატარა ასაკიდანვე გაიცნონ თავიანთი ემოციები, გაიაზრონ, მიეცით საშუალება ისაუბრონ თავიანთ განცდებზე, იმედგაცრუებაზე, სიხარულზე. ეს მათ საშუალებსა მისცემს, გათავისუფლდნენ ნეგატიური განცდებისაგან და უფრო მკვეთრად შეიგრძნონ პოზიტიური ემოციები.

ერთად გატარებული დრო

ერთ-ერთი ყველაზე მნიშვნელოვანი კომპონენტი, რაც ყველაზე მეტად აკლიათ ბავშვებს და რომელიც აუნაზღაურებელი დანაკლისია ყოველთვის. დაგეგმეთ ერთობლივი აქტივობები, პიკნიკი, ექსკურსია, ლაშქრობა, სადაც მხოლოდ თქვენ და თქვენი შვილები იქნებით. ერთად გაერთეთ, ითამაშეთ, გახდით მათი ასაკის იმისათვის, რომ ნდობა მოიპოვოთ, ბედნიერები იყვნენ და გრძნობდნენ მშობლების თანადგომას.

შვილების კეთილდღეობა და ბედნიერება ყველაზე მეტად დამოკიდებულია მათ მიმართ თქვენ დამოკიდებულებებზე, ურთიერთობებზე და ამ ურთიერთობებისა და დამოკიდებულებების ხარისხზე. იყავით მშობელი, რომელიც ზრუნავს, რომელსაც ესმის, მხარს უჭერს და რომელსაც შეუძლია გახდეს ზოგჯერ იმ ასაკის, რა ასაკისაც მისი შვილია.

 

308
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

18
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

18
მთების პეიზაჟი

9 აგვისტოს დაბადებულები ზოდიაქო, დახასიათება, რჩევები

13
(განახლებულია 10:25 06.08.2020)
გაეცანით 9 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

3-12 აგვისტო

3-12 აგვისტოს პერიოდი ლომის ნიშნის მეორე დეკადას განეკუთვნება.

ამ დეკადას იუპიტერი მართავს. ის ამ პერიოდში დაბადებულებს ჯანსაღ აზრსა და გონიერებას ანიჭებს. ამ ადამიანებს უყვართ მხიარულება და გართობა, ვერ წარმოუდგენიათ საკუთარი ცხოვრება საზოგადოების გარეშე.
მნიშვნელოვანი წლებია 19, 36, 40, 57, 76.

მათი სიმბოლოა მზესუმზირა.

ამ პერიოდში დაბადებულები ასხივებენ ნათელ, მზიან და მსუბუქ ენერგეტიკას. ამბიციები არ ჩრდილავს მათ გონებას, წარმატებებით ზედმეტი ქება-დიდების გარეშე ხარობენ, არ ახასიათებთ „ვარსკვლავური“ დაავადება. ოპტიმისტური განწყობა ეხმარება, რომ მიზნისკენ მსუბუქად იარონ.

9 აგვისტოს დაბადებულები

9 აგვისტოს ბედნიერი ადამიანები იბადებიან; მათ წინაშე უდიდესი შესაძლებლობებია გაშლილი, არიან ნიჭიერი, წარმატება ნებისმიერ ჩანაფიქრსა და საქმეში სდევთ თან. მათ მეტი თავდაჯერებულობა ესაჭიროებათ, უნდა განავითარონ სითამამე და სიმტკიცე, რთულ სიტუაციებში სიმტკიცე და ურყეობა უნდა გამოამჟღავნონ. თუ ამ თვისებებს შეიძენენ, ეს მათი წარმატებული ცხოვრების გარანტი იქნება, ხოლო ხასიათის სისუსტეები მათ ბედნიერ ცხოვრებას ხელს შეუშლის.

9 აგვისტოს დაბადებულები საიმედო საყრდენი არიან იმ ადამიანებისთვის, ვინც მათზეა დამოკიდებული. არიან შესანიშნავი გუნდური მოთამაშეები, შეუძლიათ მიმართულების მიცემა ნებისმიერი ჯგუფისთვის, რომლის ნაწილიც თვითონ არიან. მიუხედავად ლიდერის აშკარად გამოკვეთილი თვისებებისა, ამას ყოველთვის არ იყენებენ ცხოვრებაში და ამით თავიანთ გუნდს აზარალებენ.

9 აგვისტოს დაბადებულებს ბრძოლა სისხლში აქვთ გამჯდარი. ისინი ადვილად წვდებიან ადამიანების ფსიქოლოგიას, ყოველთვის იციან, რა აღელვებთ გარშემომყოფებს. მათ თავისუფლად შეიძლება ვუწოდოთ ადამიანის ხასიათის სფეროს სპეციალისტები. იციან ადამიანებთან ინდივიდუალური ურთიერთობების ხერხები. მათ მიმართავენ რჩევებისა და რეკომენდაციებისთვის; ამ ადამიანების მოსაზრებებს, როგორც წესი, წონა აქვს.

მათი გონება მუდმივად იდეებითაა დაკავებული და ეს იდეები, ჩვეულებრივ, ცხოვრებისგან მაქსიმალური სარგებლის მიღებას უკავშირდება. ხანდახან მათი რჩევები საზღვარს გადადის იმ თვალსაზრისით, რომ მოითხოვენ დაჟინებით მათ შესრულებას, სრულ კონტროლსა და დომინირებას სხვის მოსაზრებებზე. აქვთ სხვებზე ძლიერი ზეგავლენის უნარი, მაგრამ, ამავე დროს, თავიანთი მეურვეობის ქვეშ მყოფებზე პასუხისმგებლობასაც იღებენ. ეს პასუხისმგებლობა ნებისმიერ სფეროში ვლინდება - ფინანსები, განათლება, ჩვეულებები, დასვენება.

ამ დღეს დაბადებულებისთვის წარუმატებლობა იშვიათ გამონაკლისს წარმოადგენს. მათი უმეტესობა კარგი მშობელი და ახლო მეგობარია. ისინი ქორწინებაში მთლიანად იხარჯებიან, თავიანთ გრძნობებს ბოლომდე გასცემენ. თუმცა, საკუთარი აზრების სხვებზე მოხვევის თვისება ხშირად აქაც იჩენს ხოლმე თავს. ამ შემთხვევებში მათ ახლო მეგობარი სჭირდებათ, რომელიც სწორ გზას მიუთითებს.

ჯანმრთელობა

9 აგვისტოს დაბადებულებს, ზოგადად, კარგი ჯანმრთელობა აქვთ, მაგრამ არ უვლიან თავს და არ ითვალისწინებენ ექიმებისა თუ ახლობლების რჩევებს კვებასთან, დასვენებასთან თუ ფიზიკურ აქტიურობასთან დაკავშირებით. მათ გვერდით სჭირდებათ ახლობლები, რომლებიც მუდმივად შეახსენებენ მათ ცხოვრების ჯანსაღი წესის შესახებ.

რჩევა:

თქვენი აზრი ყოველთვის ჭეშმარიტება ვერ იქნება. თქვენი ოპტიმალური ვარიანტი სხვების წარმოდგენას აუცილებელი გადაწყვეტილების შესახებ შეიძლება არ შეესატყვისებოდეს. დაუფიქრდით სიტყვებს, ნუ ატკენთ გულს სხვა ადამიანებს, გააკონტროლეთ თქვენი გამონათქვამები.

13