გულები და ჯვრები

როგორ ამჟღავნებენ სიყვარულს ზოდიაქოს ნიშნები

22186
(განახლებულია 11:18 25.06.2019)
ზოდიაქოს ნიშნები განსხვავდებიან ერთმანეთისგან, განსაკუთრებით, თუ საქმე სიყვარულს ეხება...

ადამიანებს სიყვარულში გამოტყდომის თავიანთი ხერხები აქვთ. ზოდიაქოს თითოეულ ნიშანს, ამ თვალსაზრისით, საკუთარი  მახასიათებლები აქვს. როგორ შეუძლიათ მათ თავიანთი გრძნობების გამჟღავნება, როგორ უტყდებიან სიყვარულში საყვარელ ადამიანს, რას აკეთებენ (ან არ აკეთებენ) ამისთვის – გაეცანით ჩვენს ჰოროსკოპს.

ვერძი

ვერძებს გრაციოზულობა და ლამაზი წარმოდგენები უყვართ. ამ ნიშნით დაბადებული მამაკაცი იყიდის საქორწინო ბეჭედს და ქალს მუხლდაჩოქილი გამოუტყდება თავის გრძნობებში, სთხოვს ხელს. ქალები კი, ჩვეულებრივ, მამაკაცებს, მათზე კარგი შთაბეჭდილების მოსახდენად, სასიამოვნო სიურპრიზებს უწყობენ, შემდეგ კი სიყვარულს უხსნიან.

კურო

კუროები სიყვარულის ახსნისას ნამდვილ ზეიმს აწყობენ. ისინი საყვარელ ადამიანს იწვევენ ვახშამზე რესტორანში, ან სახლში, სადაც ამზადებენ საჭმელს, ანთებენ სანთლებს, ქმნიან განსაკუთრებულ ენერგეტიკას. თუ კურო იტყვის „მიყვარხარ“, ამას მაქსიმალურად მოსახერხებელ და კომფორტულ გარემოში იტყვის.

ტყუპი

ტყუპები მოქმედებებით მეტყველებენ. სიყვარულის აღიარება, ალბათ, ერთადერთი დროა მათ ცხოვრებაში, როცა პირს არ აღებენ და მხოლოდ საყვარელ ადამიანთან ერთად რამის გაკეთება სურთ. ისინი იწვევენ მას კონცერტზე, ან კინოში, ან სადმე, ქალაქგარეთ პიკნიკზე, მოკლედ, რაც უფრო რომანტიკულად მიაჩნიათ. მათთვის მთავარია, რომ საყვარელი ადამიანი მათ გვერდით იყოს და თვითონ მიხვდეს ყველაფერს.

კირჩხიბი

კირჩხიბები ძალზე მორცხვი არიან, გრძნობებს მალავენ. თუ საწინააღმდეგო სქესის ადამიანის სახე მათ სიმპათიით უპასუხებს, ამ ადამიანს სასიყვარულო ბარათების ზღვა ელოდება. კირჩხიბები საოცრად რომანტიკული არიან, ამიტომ სიყვარულში გამოტყდომისთვის ირჩევენ ვარსკვლავიან ღამეს, ან ზღვის სანაპიროს. მათ ლამაზი მომენტი სჭირდებათ ამისთვის.

ლომი

ლომები იმგვარად უხსნიან სიყვარულს საყვარელ ადამიანს, რომ უარის თქმა შეუძლებელი ხდება. აქვთ უნიკალური მეთოდები, რადგან მთელი პოტენციალი მოჰყავთ მოქმედებაში. ისინი იყვირებენ რუპორში, რომ უყვარხართ, ისეთ საჩუქრებს გაგიკეთებენ, რომ არც დაგსიზმრებიათ. აბა, გაბედეთ და თქვით, რომ არ გიყვართ! სხვათა შორის, რომ თქვათ კიდეც, არ დაგიჯერებთ.

ქალწული

ქალწული სანუკვარ სიტყვებს მაშინ წარმოთქვამს, როცა მას, საყვარელი ადამიანის გარდა, არავინ უსმენს და ვერავინ ხედავს. ლაპარაკობენ იმას, რასაც ფიქრობენ, მაგრამ ასჯერ მაინც დაუსვამენ საკუთარ თავს კითხვას, სჭრდებათ თუ არა ეს. თუ ქალწულზე დადებით შთაბეჭდილებას მოახდენთ და აგრძნობინებთ, რომ მოგწონთ, სასიყვარულო აღიარებაც არ დააყოვნებს.

სასწორი

სასწორი ორჭოფობს. სწორედ ამიტომ, ყოველთვის შესაფერის მომენტს ელოდება. სიყვარულში გამოტყდომის დროს ყველაფერი ჩვეული სქემით მიდის – ყვავილები, თუ მამაკაცია, შეფაკლული ლოყები და სიმორცხვე – თუ ქალია. ისინი არასდროს აღიარებენ ეგოისტი ადამიანების სიყვარულს, თუ ისინი სასწორებს საწინააღმდეგოში არ დაარწმუნებენ.

მორიელი

მორიელებს სიყვარულის ახსნა არ უყვართ, ამიტომ, იყენებენ რა ბუნებრივ მაგნეტიზმსა და უძლიერეს ენერგეტიკას, ისე გააკეთებენ, რომ საყვარელი ადამიანი თვითონ გამოუტყდეს მათ სიყვარულში, ხოლო მათ მისი სიტყვები მიიღონ. ხანდახან ისეც ხდება, რომ მორიელი იტყვის „მიყვარხარ“, მაგრამ ეს – ას წელიწადში ერთხელ.

მშვილდოსანი

მშვილდოსნებისთვის ყოველთვის ყველაფერი მსუბუქადაა. თუ შეყვარებული არიან, ამას ყველაზე ძალდაუტანებლად და მარტივად გააკეთებენ. ხანდახან სიტყვებს არ იშურებენ, მაგრამ თუ საყვარელ ადამიანს ძალზე სერიოზული ზრახვები აქვს, მაშინ მშვილდოსნები ასევე მთელი სერიოზულობით ილაპარაკებენ თავიანთ სამომავლო გეგმებზე, რათა შთაბეჭდილება მოახდინონ.

თხის რქა

თხის რქა შეიძლება ყველანაირი იყოს, გარდა რომანტიკოსისა. თუ მას სანუკვარი რამის თქმა მოუნდება, ამას არავითარ შემთხვევაში არ გააკეთებს მუხმოდრეკილი. ამ კუთხით უფრო პასიური ქალები არიან – მათთვის ხანდახან საერთოდ არა აქვს მნიშვნელობა, იცის თუ არა მათმა რჩეულმა, რომ მის მიმართ გულგრილი არ არის.

მერწყული

მერწყული პირველი არასდროს გამოტყდება სიყვარულში, მნიშვნელობა არა აქვს, მამაკაცია ის თუ ქალი. ეს ნიშანი სიყვარულს მეგობრობად აღიქვამს, ამიტომ თავის სიყვარულს მიმიკით, ჟესტებითა და მზერით გამოხატავს. ამიტომ, მასთან ურთიერთობებისას ყურადღებაა საჭირო.

თევზები

თევზებს საკუთარ გრძნობებზე მინიშნებები იტაცებთ, პირდაპირ თქმა არ უყვართ. მათი მეთოდები ბევრისთვის გაუგებარია, რადგან ეს ხანდახან აბსურდამდე მიდის. თევზები სიყვარულში უტყდებიან ისე, რომ თავსა და ბოლოს ვერ გაიგებ; მერყეობენ, განიცდიან და თავს ვერ აიძულებენ, გრნობები გამოხატონ.

22186
თემები:
ასტროლოგიური პროგნოზი ზოდიაქოს თითოეული ნიშნისთვის (186)
მთვარის ფაზები

მთვარის კალენდარი: 23 ოქტომბერი რისი გაკეთება შეიძლება და რისი არა

27
(განახლებულია 10:25 22.10.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

23 ოქტომბერი, პარასკევი. ამ დღეს ვენერა მართავს. მზარდი მთვარე თხის რქის ნიშანშია, საღამოს მერწყულის ნიშანში გადადის.

დღის პირველ ნახევარში – თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

თქვენი მფარველი პლანეტა ზოდიაქოს ნიშნის მიხედვით და მისი გავლენა თქვენზე>>

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

დღის მეორე ნახევარში, თბილისის დროით 16:22 საათიდან მთვარე მერწყულის ნიშანში გადადის. ჩნდება ინტერესი ყოველი ახლისადმი, მოულოდნელად მოდის საინტერესო იდეები, ადამიანებში იზრდება დამოუკიდებლობის წყურვილი, ექსტრავაგანტულობა, კომუნიკაბელურობა, ექსპერიმენტებისკენ სწრაფვა, შემოქმედებითი დამოკიდებულება ყველაფრისადმი.

კარგი დღეა მეგობრობისა და ფლირტისთვის. თუ გინდათ, რომ პარტნიორისთვის საყვარელი ადამიანი იყოთ, გახდით მისი მეგობარიც და არ შეუშინდეთ ორიგინალობას. მთვარეს მერწყულში უცნაური და უჩვეულო ნაცნობობა შეუძლია მოიტანოს. არ გაგიკვირდეთ ვითარების სწრაფი ცვლა, ეცადეთ, პარტნიორი იდეალურად არ აღიქვათ.

ასეთ დროს სასიყვარულო ურთიერთობებზე დიდ გავლენას ახდენს მეგობრების მოსაზრებები. თუ გაჩნდება მეგობრობა, ურთიერთგაგება, მაშინ რომანი, დიდი ალბათობით, დიდხანს გაგრძელდება. ეს უფრო ორიგინალური კავშირი იქნება, ვიდრე მგზნებარე და ვნებიანი.

რეკომენდებულია დღის პირველ ნახევარში მოლაპარაკებების გამართვა, ახალი კავშირების დამყარება, სარეკლამო და სააგიტაციო კამპანიის წარმოება, გასაუბრება, სიტყვის ძალის გამოყენება ინვესტორების, პარტნიორებისა თუ სპონსორების დარწმუნებისთვის, ხელმძღვანელი პირების მხრიდან ხელქვეითებისთვის მადლობის გადახდა და წახალისება, ხელქვეითებისთვის კი ხელმძღვანელობისთვის თხოვნით მიმართვა, თითოეული სიტყვის აწონ–დაწონა, ბიზნესმენების მხრიდან შემოქმედებითი ადამიანების მხარდაჭერა, მათი სპონსორობა.

არარეკომენდებულია ვინმეს გადმობირების დროს ზედმეტი მცდელობა, ეჭვებისა და შიშების შესახებ საუბარი.

რეკომენდებულია დღის მეორე ნახევარში ძველი პროექტების განხორციელებისას კრეატიული იდეების გამოყენება, მცირე ფინანსური საქმეების გადაწყვეტა, ახალი პარტნიორების ძებნა, ინდივიდუალურად მუშაობა და გუნდური მუშაობის შეზღუდვა.

არარეკომენდებულია საკუთარ შესაძლებლობების ზედმეტად შეფასება, დატვირთვა სამუშაოზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის. დღის მეორე ნახევარში, სჯობს, თმის შეჭრისგან თავი შეიკავოთ. შეღებვისთვის კარგი დროა.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

საღამოს კი, ვინაიდან მერწყულის ნიშანი მებაღეობის მხრივ არცთუ ნაყოფიერი პერიოდია, შეიძლება მხოლოდ ბრძოლა მავნებლებთან, მცენარეების შეწამვლა, ნიადაგის გაფხვიერება, არ ღირს პიკირება, მცენარეების დარგვა და გადარგვა.

27
ჰალერბოსის ტყე

23 ოქტომბერს დაბადებულები ზოდიაქო, დახასიათება, რჩევები

10
(განახლებულია 09:50 22.10.2020)
გაეცანით 23 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

Знаки Зодиака - Скорпион
© Sputnik / Maria Tsimintia
მორიელი – ზოდიაქოს ნიშანი

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

23 ოქტომბერს დაბადებულები

23 ოქტომბერს ძალზე მიმზიდველი ადამიანები იბადებიან. ისინი ადვილად იპყრობენ გარშემომყოფთა ყურადღებას. აქვთ უნიკალური უნარი, მალევე მოიპოვონ ავტორიტეტი. არიან ჭკვიანი, მიმზიდველი, ქარიზმატული, თავდაჯერებული და ძალიან ძლიერი პიროვნებები. გარშემომყოფები ხშირად ფიქრობენ, რომ არ დღეს დაბადებულებს შეცდომის დაშვება არ შეუძლიათ.

ამ ადამიანებს აქვთ გამჭრიახი გონება, იუმორის გრძნობა. არიან ენერგიული, საქმიანი, რაც ნებისმიერ საქმეში წარმატებების მიღწევაში ეხმარება. ისინი გულმოდგინედ სწავლობენ და სამუშაოს დიდი პასუხისმგებლობით ეკიდებიან; ისახავენ მიზნებს და ამ მიზნებისკენ თავდაჯერებულად მიისწრაფვიან.

ზოდიაქოს სამი ნიშანი – სამი ნამდვილი „ოტელო“>>

23 ოქტომბერს დაბადებულებს სასწორის ნიშნის გავლენაც აქვთ. ეს, უპირველესად, წინააღმდეგობრივ ხასიათში ვლინდება. არიან არაორდინარული ადამიანები. ისინი არავის ტოვებენ გულგრილს - მათ აღმერთებენ, სძულთ, ეშინიათ, პატივს სცემენ. ამ დღეს დაბადებულებს უყვართ სამართლიანობა და სიმართლისთვის ბრძოლისთვის მუდამ მზად არიან.

23 ოქტომბერს დაბადებულები არიან ძლიერი, თავდაჯერებული პიროვნებები, პრაქტიკულად, არასდროს აგებენ. თუ შემთხვევით წააგეს, ამას განიხილავენ, როგორც მიზნისკენ მიმავალ გზაზე შეცვლილ საფეხურს.

წინააღმდეგობრივი ნატურები პროფესიულ საქმიანობაში საოცრად სტაბილური არიან. არ არიან მიდრეკილი განწყობების ხშირი ცვლისკენ, ერთგულად ემსახურებიან თავიანთ იდეალებს; საქმის წარმატებისთვის ყველაფერზე მზად არიან. მათი ნდობა თავისუფლად შეიძლება.

23 ოქტომბერს დაბადებულები სრულყოფისკენ ისწრაფვიან, რასაც აკეთებენ, ცდილობენ, იდეალური შედეგი აჩვენონ. მათი საქმისადმი პროფესიული დამოკიდებულება შეუმჩნეველი არ რჩება უფროსობის მხრიდან.

ჯანმრთელობა

23 ოქტომბერს დაბადებულებში მაღალია უბედური შემთხვევების რისკი, აქედან გამომდინარე - ტრავმების მიღების ალბათობა. ფსიქოლოგიური თვალსაზრისით საშიშროებას წარმოადგენს დათრგუნული აგრესია. მათ უნდა მოძებნონ ენერგიის უსაფრთხო გამოსავალი. ამაში მათ სპორტი დაეხმარება, მაგრამ არა - ექსტრემალური სახეობები.

რჩევა:

აგრესიის დათრგუნვა, ემოციების შეკავება ფსიქოლოგიურ პრობლემებს იწვევს. მოძებნეთ შესაძლებლობა, რომ უარყოფითი ენერგია გარეთ გამოდევნოთ ისე, რომ არც თქვენ ავნოთ საკუთარ თავს და არც სხვებს ავნოთ რაიმე.

10
დანთებული სანთლები სვეტიცხოვლის საკათედრო ტაძარში

საეკლესიო კალენდარი: 23 ოქტომბერი

0
(განახლებულია 08:51 23.10.2020)
საქართვლოს მართლმადიდებელი ეკლესია 23 ოქტომბერს მოწამეთა ევლამპის და ევლამპიას, თეოტეკნის, ღირსი ბასიანეს, ღირსი თეოფილე აღმსარებელის ხსენების დღეს აღნიშნავს.

Sputnik საქართველო გიამბობთ ვინ იყვნენ ეს ადამიანები და რატომ არიან მოხსენიებულნი საეკლესიო კალენდარში.

წმიდა მოწამენი ევლამპი და ევლამპია 

წმიდა მოწამენი ევლამპი და ევლამპია და-ძმანი იყვნენ და ქალაქ ნიკომიდიაში ცხოვრობდნენ IV საუკუნეში. როცა იმპერატორმა მაქსიმიანემ (284-305; 307-310) გამოსცა ბრძანება, რომლის მიხედვითაც ყველა ქრისტიანი სიკვდილით უნდა დაესაჯათ, ევლამპიმ საჯაროდ ამხილა თვითმპყრობელი, რომელიც ქვეყნის მტრების ნაცვლად საკუთარ ქვეშევრდომებს უცხადებდა ბრძოლას. ამისთვის ნეტარი შეიპყრეს, სამსჯავროზე წარადგინეს და ქრისტეს უარყოფა მოსთხოვეს. როცა პასუხად მტკიცე უარი მიიღეს, უღმრთოებმა ჯერ რკინის იარაღებით სასტიკად აწამეს წმიდა აღმსარებელი, შემდეგ კი უფლის რჩეულები გახურებულ ქურაში შეყარეს, მაგრამ უვნებლად გადარჩნენ. ბოლოს ძმას თავი მოჰკვეთეს, დას კი წამებით ამოხადეს სული.
ეს მოხდა 303, სხვა ცნობით კი - 311 წელს.

წმიდა მოწამე თეოტეკნი

წმიდა მოწამე თეოტეკნი მხედართმთავარი იყო იმპერატორ მაქსიმიანე გალერიუსის (305-311) დროს. ერთხელ ანტიოქიაში, სადაც მსახურობდა უფლის რჩეული, იმპერატორი ჩავიდა და მოითხოვა, ქალაქის ყველა მკვიდრს წარმართული ღვთაებებისთვის მსხვერპლი შეეწირა. ქრისტიანმა თეოტეკნმა უარი განაცხადა ბრძანების შესრულებაზე. მაშინ უსჯულო თვითმპყრობელმა, რომელიც აბუჩად იგდებდა მაცხოვრის სარწმუნოებას, ახოვან რაინდს დედათა სამოსელი ჩააცვა და მხევლებთან ერთად ძაფის სართავად დასვა. სამი კვირის შემდეგ მაქსიმიანემ თავისთან იხმო მარტვილი - იმედოვნებდა, რომ დამცირებით მისი სული უკვე მოდრეკილი იქნებოდა, მაგრამ ნეტარმა პასუხად ქრისტეს მხნე აღსარება შეაგება. განრისხებულმა მაქსიმიანემ ბრძანა, ეწამებინათ წმიდანი და შემდეგ მდუღარე ფისით სავსე ქვაბში ჩაეგდოთ; მაგრამ როგორც კი თეოტეკნი ქვაბში ჩააგდეს, მის ქვეშ დაგზნებული ცეცხლი ჩაქრა და ფისიც გაცივდა. იმპერატორი შეძრწუნდა, ვეღარ გაბედა წამების გაგრძელება, საპყრობილეში გაგზავნა მოწამე და თავის ასისთავს უბრძანა, გასწორებოდა ნეტარს.

სატუსაღოში თეოტეკნთან ერთად აღმოჩნდა ქრისტიანი აღმსარებელი ალექსანდრა. წმიდანი მას ციხიდან გაქცევაში დაეხმარა. ეს რომ შეიტყო, ასისთავმა მხეცურად აწამა მარტვილი, ბოლოს კი ყელზე ლოდგამობმული ზღვაში ჩააგდო. რამოდენიმე ხნის შემდეგ უფლის სათნომყოფლის წმიდა ნაწილები ზღვისპირა ქალაქ როსაში (კილიკია) იპოვეს ქრისტიანებმა და პატივით მიაბარეს მიწას.

ღირსი ბასიანე

ღირსი ბასიანე აღმოსავლეთ სირიაში დაიბადა. იგი იმპერატორ მარკიანეს (450-457) ზეობაში მოღვაწეობდა კონსტანტინოპოლში. აქ წმიდანმა დააარსა სავანე, რომელშიც თანდათან სამასამდე ბერმა მოიყარა თავი. მათ შორის იყო მამათა სამოსელში გადაცმული ღირსი მატრონაც ნეტარმა ბასიანემ ღრმა მოხუცებულობამდე იცხოვრა.
ღვთივსათნო ცხოვრებითა და სასწაულებით ცნობილი წმიდა ბასიანე მშვიდობით აღესრულა, დაკრძალეს მის მიერ დაარსებულ სავანეში.

ღირსი თეოფილე აღმსარებელი

ღირსი თეოფილე აღმსარებელი ბულგარელი იყო. იგი ქალაქ ტიბერიოპოლის (შემდგომ - სტრუნიცა, მაკედონიაში) მიდამოებში დაიბადა. ნეტარმა ცამეტი წლის ასაკში ფარულად დატოვა სახლი და სელენტიის მთაზე მდებარე ლავრას მიაშურა. სამი წლის შემდეგ იგი ბერად აღკვეცეს. როცა წმიდანის მშობლებმა შვილის ადგილსამყოფელი შეიტყვეს, სავანეში მივიდნენ და იღუმენს თხოვეს, თეოფილე რამდენიმე ძმასთან ერთად ტიბერიოპოლში გაეშვა, მშობლიური სახლის სიახლოვეს მონასტრის დასაარსებლად. იღუმენმა ღვთის ნების გასაგებად მონასტერში მკაცრი მარხვა და გაძლიერებული ლოცვა ბრძანა. მესამე დღეს ტაძარში გაისმა ხმა, რომელიც წინამძღვარს თეოფილეს გაშვებაზე აძლევდა კურთხევას, რადგან იგი ახალ სავანეში უნდა გაბრწყინებულიყო დიდი სულიერი ღვაწლით.
როცა ტახტზე ხატმბრძოლი იმპერატორი ლეონ ისავრიელი (717-741) ავიდა, წმიდა მამა დაუფარავად აღდგა ხატმბრძოლთა მწვალებლობის წინააღმდეგ. ამისთვის უსჯულო თვითმპყრობელის ბრძანებით იგი დამნაშავესავით შებოჭილი ატარეს ქალაქის ქუჩებში. შემდეგ იმპერატორმა უფლის რჩეული წარჩინებულ კარისკაცს, იპატის გადასცა. ამ უკანასკნელმა დიდხანს ტანჯა წმიდანი, მაგრამ მისი გადაბირება ვერ მოახერხა. თეოფილემ თავად იპატის შეაცვლევინა აზრები - მან გზაშეცდომილს მოაგონა მოსეს მიერ სპილენძის გველის აღმართვა, ქერუბიმთა დამაგრება სჯულის კიდობანზე, ბოლოს კი ისიც გაიხსენა, თუ როგორ გაუგზავნა მაცხოვარმა თავისი ხელთუქმნელი ხატი ედესის მეფე ავგაროზს. იპატიმ იმპერატორი ნეტარი მამის განთავისუფლებაზე დაიყოლია. აღმსარებელი თავის სავანეში დაბრუნდა. ამის შემდეგ მას დიდხანს არ უცხოვრია: VIII საუკუნეში მშვიდობით შეჰვედრა სული უფალს.

 

მასალა მომზადებულია ღია წყაროებზე დაყრდნობით.

0