გულები და ჯვრები

როგორ ამჟღავნებენ სიყვარულს ზოდიაქოს ნიშნები

16193
(განახლებულია 11:18 25.06.2019)
ზოდიაქოს ნიშნები განსხვავდებიან ერთმანეთისგან, განსაკუთრებით, თუ საქმე სიყვარულს ეხება...

ადამიანებს სიყვარულში გამოტყდომის თავიანთი ხერხები აქვთ. ზოდიაქოს თითოეულ ნიშანს, ამ თვალსაზრისით, საკუთარი  მახასიათებლები აქვს. როგორ შეუძლიათ მათ თავიანთი გრძნობების გამჟღავნება, როგორ უტყდებიან სიყვარულში საყვარელ ადამიანს, რას აკეთებენ (ან არ აკეთებენ) ამისთვის – გაეცანით ჩვენს ჰოროსკოპს.

ვერძი

ვერძებს გრაციოზულობა და ლამაზი წარმოდგენები უყვართ. ამ ნიშნით დაბადებული მამაკაცი იყიდის საქორწინო ბეჭედს და ქალს მუხლდაჩოქილი გამოუტყდება თავის გრძნობებში, სთხოვს ხელს. ქალები კი, ჩვეულებრივ, მამაკაცებს, მათზე კარგი შთაბეჭდილების მოსახდენად, სასიამოვნო სიურპრიზებს უწყობენ, შემდეგ კი სიყვარულს უხსნიან.

კურო

კუროები სიყვარულის ახსნისას ნამდვილ ზეიმს აწყობენ. ისინი საყვარელ ადამიანს იწვევენ ვახშამზე რესტორანში, ან სახლში, სადაც ამზადებენ საჭმელს, ანთებენ სანთლებს, ქმნიან განსაკუთრებულ ენერგეტიკას. თუ კურო იტყვის „მიყვარხარ“, ამას მაქსიმალურად მოსახერხებელ და კომფორტულ გარემოში იტყვის.

ტყუპი

ტყუპები მოქმედებებით მეტყველებენ. სიყვარულის აღიარება, ალბათ, ერთადერთი დროა მათ ცხოვრებაში, როცა პირს არ აღებენ და მხოლოდ საყვარელ ადამიანთან ერთად რამის გაკეთება სურთ. ისინი იწვევენ მას კონცერტზე, ან კინოში, ან სადმე, ქალაქგარეთ პიკნიკზე, მოკლედ, რაც უფრო რომანტიკულად მიაჩნიათ. მათთვის მთავარია, რომ საყვარელი ადამიანი მათ გვერდით იყოს და თვითონ მიხვდეს ყველაფერს.

კირჩხიბი

კირჩხიბები ძალზე მორცხვი არიან, გრძნობებს მალავენ. თუ საწინააღმდეგო სქესის ადამიანის სახე მათ სიმპათიით უპასუხებს, ამ ადამიანს სასიყვარულო ბარათების ზღვა ელოდება. კირჩხიბები საოცრად რომანტიკული არიან, ამიტომ სიყვარულში გამოტყდომისთვის ირჩევენ ვარსკვლავიან ღამეს, ან ზღვის სანაპიროს. მათ ლამაზი მომენტი სჭირდებათ ამისთვის.

ლომი

ლომები იმგვარად უხსნიან სიყვარულს საყვარელ ადამიანს, რომ უარის თქმა შეუძლებელი ხდება. აქვთ უნიკალური მეთოდები, რადგან მთელი პოტენციალი მოჰყავთ მოქმედებაში. ისინი იყვირებენ რუპორში, რომ უყვარხართ, ისეთ საჩუქრებს გაგიკეთებენ, რომ არც დაგსიზმრებიათ. აბა, გაბედეთ და თქვით, რომ არ გიყვართ! სხვათა შორის, რომ თქვათ კიდეც, არ დაგიჯერებთ.

ქალწული

ქალწული სანუკვარ სიტყვებს მაშინ წარმოთქვამს, როცა მას, საყვარელი ადამიანის გარდა, არავინ უსმენს და ვერავინ ხედავს. ლაპარაკობენ იმას, რასაც ფიქრობენ, მაგრამ ასჯერ მაინც დაუსვამენ საკუთარ თავს კითხვას, სჭრდებათ თუ არა ეს. თუ ქალწულზე დადებით შთაბეჭდილებას მოახდენთ და აგრძნობინებთ, რომ მოგწონთ, სასიყვარულო აღიარებაც არ დააყოვნებს.

სასწორი

სასწორი ორჭოფობს. სწორედ ამიტომ, ყოველთვის შესაფერის მომენტს ელოდება. სიყვარულში გამოტყდომის დროს ყველაფერი ჩვეული სქემით მიდის – ყვავილები, თუ მამაკაცია, შეფაკლული ლოყები და სიმორცხვე – თუ ქალია. ისინი არასდროს აღიარებენ ეგოისტი ადამიანების სიყვარულს, თუ ისინი სასწორებს საწინააღმდეგოში არ დაარწმუნებენ.

მორიელი

მორიელებს სიყვარულის ახსნა არ უყვართ, ამიტომ, იყენებენ რა ბუნებრივ მაგნეტიზმსა და უძლიერეს ენერგეტიკას, ისე გააკეთებენ, რომ საყვარელი ადამიანი თვითონ გამოუტყდეს მათ სიყვარულში, ხოლო მათ მისი სიტყვები მიიღონ. ხანდახან ისეც ხდება, რომ მორიელი იტყვის „მიყვარხარ“, მაგრამ ეს – ას წელიწადში ერთხელ.

მშვილდოსანი

მშვილდოსნებისთვის ყოველთვის ყველაფერი მსუბუქადაა. თუ შეყვარებული არიან, ამას ყველაზე ძალდაუტანებლად და მარტივად გააკეთებენ. ხანდახან სიტყვებს არ იშურებენ, მაგრამ თუ საყვარელ ადამიანს ძალზე სერიოზული ზრახვები აქვს, მაშინ მშვილდოსნები ასევე მთელი სერიოზულობით ილაპარაკებენ თავიანთ სამომავლო გეგმებზე, რათა შთაბეჭდილება მოახდინონ.

თხის რქა

თხის რქა შეიძლება ყველანაირი იყოს, გარდა რომანტიკოსისა. თუ მას სანუკვარი რამის თქმა მოუნდება, ამას არავითარ შემთხვევაში არ გააკეთებს მუხმოდრეკილი. ამ კუთხით უფრო პასიური ქალები არიან – მათთვის ხანდახან საერთოდ არა აქვს მნიშვნელობა, იცის თუ არა მათმა რჩეულმა, რომ მის მიმართ გულგრილი არ არის.

მერწყული

მერწყული პირველი არასდროს გამოტყდება სიყვარულში, მნიშვნელობა არა აქვს, მამაკაცია ის თუ ქალი. ეს ნიშანი სიყვარულს მეგობრობად აღიქვამს, ამიტომ თავის სიყვარულს მიმიკით, ჟესტებითა და მზერით გამოხატავს. ამიტომ, მასთან ურთიერთობებისას ყურადღებაა საჭირო.

თევზები

თევზებს საკუთარ გრძნობებზე მინიშნებები იტაცებთ, პირდაპირ თქმა არ უყვართ. მათი მეთოდები ბევრისთვის გაუგებარია, რადგან ეს ხანდახან აბსურდამდე მიდის. თევზები სიყვარულში უტყდებიან ისე, რომ თავსა და ბოლოს ვერ გაიგებ; მერყეობენ, განიცდიან და თავს ვერ აიძულებენ, გრნობები გამოხატონ.

16193
თემები:
ასტროლოგიური პროგნოზი ზოდიაქოს თითოეული ნიშნისთვის (186)
ბავშვი ყურზე აფარებული ხელით

ყურის ტკივილი: კატეგორიული აკრძალვა პედიატრ კომაროვსკისგან

46
(განახლებულია 13:36 02.06.2020)
უმაღლესი კატეგორიის პედიატრი ევგენი კომაროვსკი მშობლებს ასწავლის, როგორ უნდა აღმოუჩინონ პატარას პირველი დახმარება ყურის ტკივილის დროს და რა გავრცელებული მეთოდების გამოყენება იკრძალება ამ დროს

თბილისი, 2 ივნისი — Sputnik. არსებობს პატარა ბავშვისთვის დახმარების საერთო წესები, რომლებსაც მშობლებმა ნებისმიერი ლოკალიზაციისა და ინტენსივობის ტკივილის დროს უნდა მიმართონ, აცხადებს უმაღლესი კატეგორიის უკრაინელი პედიატრი ევგენი კომაროვსკი. 

მისი თქმით, უმთავრესი წესი ისაა, რომ ბავშვს არაფერი არ უნდა სტკიოდეს.

პედიატრი მშობლებს აძლევს რჩევებს, როგორ უნდა იმოქმედონ იმ შემთხვევაში, თუ მათ პატარას ყური სტკივა. მისი რეკომენდაციები ასე გამოიყურება:

სასწრაფოს გჭირდებათ ექიმი, თუ ყურის ტკივილი:

  • სამ თვემდე ასაკის ბავშვს დაეწყო;
  • ზომიერი ტკივილი გრძელდება სამ საათზე მეტ ხანს;
  • სუსტად გამოხატული ტკივილი ერთ–დღე–ღამეზე მეტ ხანს აწუხებს ბავშვს;
  • არსებობს უმცირესი ეჭვი იმისა, რომ ბავშვის ყურში რაიმე უცხო სხეული მოხვდა;
  • ყურის ტკივილს თან ახლავს თავის ან კისრის კუნთების ტკივილი.

პედიატრის თქმით, ყურის ატკივების შემთხვევაში მშობელმა გადაუდებელი დახმარების სახით, ბავშვს მტკივანი ყური ქუდით ან თავსაფრით უნდა დაუფაროს და ჩააწვეთოს ცხვირში(!) სისხლძარღვების შემავიწროვებელი წვეთები (სპეციალურად ბავშვებისთვის — ასაკის შესაბამისად).

ევგენი კომაროვსკის თქმით, დაუშვებელია ყურში რაიმეს ჩაწვეთება ან ყურის გათბობა ნებისმიერი მეთოდით.

უმაღლესი კატეგორიის პედიატრი მშობლებს კატეგორიულად აფრთხილებს, რომ მას შემდეგ, რაც პატარას პირველ დახმარებას აღმოუჩენთ, არავითარ შემთხვევაში არ უნდა დაგავიწყდეთ მიმართოთ ექიმს მაშინაც კი, თუ ბავშვს ყურის ტკივილი დაუამდა!

 

46
თემები:
სასარგებლო რჩევები
სავსე მთვარე

მთვარის კალენდარი: 2 ივნისი რისი გაკეთება შეიძლება და რისი არა

82
(განახლებულია 12:06 02.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

როგორ მოქმედებს მთვარის ფაზები ადამიანის ენერგეტიკაზე>>

2 ივნისი, სამშაბათი. ამ დღეს მარსი მართავს, რომელიც ადამიანებს ენერგიას ანიჭებს. მზარდი მთვარე სასწორის ნიშანშია.

ეს ერთ–ერთი ყველაზე პოზიტიური და ენერგეტიკულად მძლავრი დღეა. საქმიან სფეროში წარმატებული იქნება დაგეგმილი პროექტების განხორციელების დაწყება, თუმცა, დაუგეგმავად რამის დაწყება, დიდი ალბათობით, სასურველ შედეგებს არ მოიტანს.

კარგი დღეა ურთიერთობებისთვის, ფიზიკური აქტიურობისთვის. გაგიჭირდებათ მნიშვნელოვანი გადაწყვეტილებების მიღება, რადგან დიდხანს იორჭოფებთ. წარმატება ძლიერ, ნებისყოფიან ადამიანებს ელოდება.

თმის შეჭრა, შეღებვა: სასწორის ნიშანი თქვენი თმის ზოგად მდგომარეობას არ შეცვლის. შეჭრის შემდეგ თმა სწრაფად გაიზრდება, მაგრამ ვარცხნილობას ნაკლებად დაექვემდებარება. წაგადგებათ თმის ნატურალური ნიღბების გაკეთება. თმის ფერის კარდინალურად შეცვლა არ ღირს, რადგან საბოლოო შედეგი, დიდი ალბათობით, თქვენს მოლოდინს არ გაამართლებს. ასევე არარეკომენდებულია თმის ძალიან მოკლედ შეჭრა.

მთვარის კალენდარი მებაღეებისთვის: 2020 წლის ივნისი>>

მებაღეობა: ნაყოფიერი დღეა ბაღში მუშაობისთვის. შეიძლება ხეების, ბუჩქების, ყვავილების დარგვა, სასუქის მიცემა, გასხვლა, სამკურნალო მცენარეების შეგროვება, მცენარეების მავნებლებისგან გათავისუფლებისა და დაავადებებისგან დაცვის სამუშაოების ჩატარება.

82
ამირან გამყრელიძე

გახსნის თუ არა საზღვარს საქართველო სომეხი ტურისტებისთვის გამყრელიძის პასუხი

0
(განახლებულია 14:54 02.06.2020)
საქართველო ტურისტებს 1 ივლისიდან ელოდება, მაგრამ პირველ ეტაპზე „მწვანე ზონის“ სტატუსის მქონე ქვეყნებიდან, სადაც კორონავირუსის გავრცელების დონე მინიმალურია

თბილისი, 2 ივნისი — Sputnik. საქართველოს არ შეუძლია საზღვრების გახსნა ტურისტებისთვის იმ ქვეყნებიდან, სადაც კორონავირუსით დაინფიცირების მაღალი მაჩვენებელია, მათ შორისაა სომხეთი, განაცხადა  TV-Pirveli–ს ეთერში დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ.

Forbes-ის შეფასება: მოხვდა თუ არა საქართველო ტურისტებისთვის უსაფრთხო ქვეყნების სიაში>>

მისი თქმით, საქართველოში ჩამოსვლა 1 ივლისიდან შეუძლიათ ტურისტებს მხოლოდ „მწვანე ზონის“ სტატუსის მქონე ქვეყნებიდან. ტურიზმის ეროვნული ადმინისტრაცია ამ მიმართულებით მუშაობს. იმ ქვეყნებთან, სადაც კორონავირუსის გავრცელების დონე მინიმალურია, ორმხრივი შეთანხმებები გაფორმდება.

„პირველ რიგში, რა თქმა უნდა, ჩვენ ტურისტულ არხებსა და გზას ვერ გავაღებთ იმ ქვეყნების მოქალაქეებისთვის, სადაც ინფიცირების მაღალი მაჩვენებელია“, – განაცხადა გამყრელიძემ.

წამყვანის შეკითხვაზე, შედის თუ არა ამ ქვეყნების სიაში სომხეთი, გამყრელიძემ უპასუხა, რომ უპირობოდ შედის და საქართველოს ტურისტებისთვის ამ ქვეყნიდან თავისი კარის გახსნა არ შეუძლია.

გამყრელიძის განცხადებით, მუშავდება გარკვეული პროცედურები. კერძოდ, როგორი ტესტი უნდა გაიაროს ტურისტმა, სანამ საქართველოში ჩამოვა. მსგავსი წესები უკვე ბევრმა ქვეყანამ შემოიღო. მაგალითად, საქართველოს მოქალაქეები, რომლებიც სამკურნალოდ თურქეთში მიდიან, უნდა გაიარონ „პისიარ“ (PCR) ტესტი საზღვრის გადაკვეთამდე არაუმეტეს 48 საათით ადრე.

ასევე, თვითონ საქართველოში სპეციალისტები გარკვეულ მეთვალყურეობას გაუწევენ ჩამოსულ ტურისტებს.

გამყრელიძემ აღნიშნა, რომ საქართველომ შეძლო ოქროს შუალედის პოვნა შეზღუდვების შერბილებასა და ჯანდაცვის სისტემის სწრაფ რეაგირებას შორის.

თბილისი ევროპის ყველაზე უსაფრთხო ტურისტულ მიმართულებებად დასახელდა>>

ბოლო ინფორმაციით, სომხეთში კორონავირუსის შემთხვევებმა ათი ათასს გადააჭარბა, გარდაიცვალა 158 ადამიანი. ამ დღეებში ცნობილი გახდა, რომ კორონავირუსი აქვს სომხეთის პრემიერ–მინისტრს ნიკოლ ფაშინიანსა და მისი ოჯახის წევრებს.

საქართველო ტურისტები საზღვრებს 1 ივლისიდან ხსნის. წინასწარი ინფორმაციით, ე. წ. უსაფრთხო, ანუ „მწვანე დერეფანი“, პირველ რიგში, გაიხსნება ტურისტებისთვის ისრაელიდან, ავსტრიიდან, ჩეხეთიდან და უკრაინიდან.

0
თემები:
COVID-19 საქართველოში