ვლადიმერ ვისოცკი

შეხვედრა ლეგენდასთან: სოხუმი, ვლადიმირ ვისოცკი და მიშა ხერგიანი

646
(განახლებულია 19:51 26.01.2017)
დღეს საოცარი პიროვნების დაბადების დღეა; დღეს ვლადიმირ ვისოცკი 81 წლის უნდა გამხდარიყო. ამბავს, რომელსაც დღეს გიამბობთ, ცოცხალ მოწმედ მხოლოდ მეღა შემოვრჩი და, ალბათ, მოვალეც ვარ, გავიხსენო...

პირველად სოხუმის ბულვარში სეირნობისას ვნახე. ეს ის დროა, როცა ბიჭები, სმენა გვქონდა თუ არა, ჩახლეჩილი ხმით ვცდილობდით მიგვებაძა ვისოცკისთვის და გიტარასაც ვაჩხაკუნებდით. იმავდროულად ყველას გვიყვარდა ანრი მიშელის დიდებული ფილმი „ჯადოქარი“ და მისი მთავარი გმირი ინგა, რომელსაც მარინა ვლადი ასრულებდა.

წარმოიდგინეთ ჩემი მდგომარეობა, როდესაც სოხუმის ბულვარზე ეს ორი ადამიანი ერთად გამომეცხადა!

ფილმებში გინახავთ, ალბათ, რაღაც საოცარი სანახაობისგან გაშტერებული ადამიანი, მივიწყებული სიგარეტისგან ხელდამწვარი რომ მოდის გონს. ზუსტად ასეთ ვითარებაში აღმოვჩნდი. მაშინ არ ვიცოდი, რომ ძალიან მალე საშუალება მომეცემოდა, პირისპირ ვმჯდარიყავი ამ ადამიანებთან და მთელი ღამე მესაუბრა მათთან.

ვლადიმირ ვისოცკი და მარინა ვლადი ბიჭვინთაში
ვლადიმირ ვისოცკი და მარინა ვლადი ბიჭვინთაში

მომდევნო წელს მოსკოვში გახლდით ჩემ მეგობრებთან ბეჟან ხურციძესა და რიჩო ჯავახაძესთან ერთად. ამ ორს ახლო მეგობრობა აკავშირებდა ცნობილ დრამატურგ არტურ მაკაროვთან, რომელიც, თავის მხრივ, ვალოდია ვისოცკის უახლოეს მეგობრად ითვლებოდა.

ბევრი რომ არ გავაგრძელო, პოდმოსკოვიეში, არტურ მაკაროვის აგარაკზე შედგა ჩვენი შეხვედრა, რომელსაც ზემოთ ჩამოთვლილთა გარდა ესწრებოდა არტურის მეუღლე, ცნობილი მსახიობი ჟანა ბოლოტოვაც.

ვლადიმირ ვისოცკი ხშირად მოგზაურობდა  საქართველოში.
ვლადიმირ ვისოცკი ხშირად მოგზაურობდა საქართველოში.

თავიდან, რა თქმა უნდა, მუნჯური კინოს სტატისტის როლში გახლდით. მერე და მერე ცალკე სასმელმა, ცალკე თანამეინახეთა უშუალობამ და ცოტა ქართულმა თავმოყვარეობამაც იძალა და საუბარში ჩავერთე. ეს მაშინ მოხდა, როცა ჩვენ პატივსაცემად ვალოდიამ ცნობილი სიმღერა შეასრულა, რომელიც თავის დროზე მიხეილ ხერგიანის ხსოვნას მიუძღვნა.

დავინტერესდი, იცნობდა თუ არა პირადად ხერგიანს. 

— „ვერტიკალის“ გადაღებებზე 1966 წელს კონსულტანტად იყო მოწვეული და იქ გავიცანი. შინაგანი ძალა ჰქონდა ისეთი, რომლის ახსნაც შეუძლებელია. ის უკვე ლეგენდა იყო, მე — დამწყები მსახიობი. მონუსხულივით დავდევდი უკან. ორი წლის მერე სუ-ალტოზე მისი დაღუპვის ამბავი რომ შევიტყვე, ვერ დავიჯერე, რადგან მიშას მძლეველი მთა დედამიწაზე არ არსებობს. ვცადე სიმღერით მეთქვა სათქმელი, მგონი გამომივიდა, — მითხრა ვისოცკიმ და გაიღიმა. 

მისი ეს ღიმილიანი სახე კიდევ ერთხელ ვნახე სამი წლის მერე, ტაგანკის თეატრის ფოიეში, როცა გამოსათხოვარ პანაშვიდზე მივედი. მოსკოვში გაგანია ოლიმპიადა მიდიოდა და მისი გარდაცვალების მიჩქმალვა სცადეს, მაგრამ გასვენებას უამრავი ადამიანი დაესწრო. მოგვიანებით სადღაც წავიკითხე მარინა ვლადის სიტყვები, პრინცებისა და მეფეების დასაფლავებას დავსწრებივარ, მაგრამ მსგავსი არაფერი მინახავსო. 

ვისოცკის გარდაცვალების ზუსტი მიზეზი ბურუსითაა მოცული (ასე ინებეს ოჯახის წევრებმა), თუმცა ვერსიები მრავლად იყო. მე შევესწარი არტურ მაკაროვისა და ლევ ფილატოვის საუბარს, სადაც ასეთმა თეორიამ გაიჟღერა: ბოლო პერიოდში ვალოდიას რომ არ დაელია, კაფსულას უყენებდნენ. ის კი, სანამ დალევდა, წინასწარ სასწრაფოს იძახებდა. როგორც კი დაინახავდა ეზოში შემოსულ მანქანას, უკვე მომზადებულ არაყს სვამდა და მერე ექიმების დახმარებით გამოდიოდა მდგომარეობიდანო. იმ დღესაც ასე მოქცეულა. ეზოში შესული სასწრაფო დახმარების მანქანა დაუნახავს, დაულევია, მაგრამ, საუბედუროდ, ეს ბრიგადა მეზობელ სადარბაზოში მცხოვრებთან ყოფილა მისული...

სულ რაღაც 42 წლის იყო, თუმცა ისეთი ბობოქარი ცხოვრება ჰქონდა, იმდენის გაკეთება მოასწრო, ბევრი რვა ათეულ წელს რომ მოანდომებდა. 

646
სავსე მთვარე

მთვარის კალენდარი: 4 ივლისი რისი გაკეთება შეიძლება და რისი არა

285
(განახლებულია 11:18 04.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 ივლისი, შაბათი. ამ დღეს სატურნი მართავს. მზარდი მთვარე თხის რქის ნიშანშია.

კარგი დღეა ჯგუფური მუშაობისთვის, ახალი ინფორმაციის მიღებისთვის. ამ დღეს რეკომენდებულია კორექტივების შეტანა ბიზნესში, გავლენის სფეროს გაფართოება, შეთანხმებებზე ხელმოწერა, საზოგადოებრივი ღონისძიებების ჩატარება, ახალი ცოდნის მიღებს, მუშაობა, მატერიალურ საკითხებზე მუშაობა.

არარეკომენდებულია სერიოზული საქმეების წამოწყება, განსაკუთრებით – მარტო, ასევე დიდი ხნით უსაქმოდ ყოფნა, დასვენება. დღე კატეგორიულად არ მიესადაგება დიდ ხარჯებს, ანუ არ შეიძინოთ ძვირადღირებული არაფერი.

თმის შეჭრა, შეღებვა: მთვარე თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეცერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

მებაღეობა: რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

შეიძლება სარეველასთან, მავნებლებთან ბრძოლა, მორწყვა და სასუქის მიცემა იმ მცენარეებისთვის, რომლებსაც სუსტი ფესვები აქვთ.

285
ვერის ბაღი

4 ივლისს დაბადებულები ზოდიაქო, დახასიათება, რჩევები

217
(განახლებულია 10:44 04.07.2020)
გაეცანით 4 ივლისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

ზოდიაქოს თითოეული ნიშნის წარმომადგენლებს თავიანთი ზოგადი საერთო თვისებები აქვთ, მაგრამ თითოეულ დღეს დაბადებულები კიდევ განსხვავებული მახასიათებლებით გამოირჩევიან.

2-11 ივლისი

2-11 ივლისის პერიოდი კირჩხიბის ნიშნის მეორე დეკადას განეკუთვნება.

ამ დეკადას მერკური მართავს. ის ამ პერიოდში დაბადებულებს რთულ ხასიათსა და მოუთმენლობას ანიჭებს. მათი ძლიერი მხარეა ფინანსები.

მნიშვნელოვანი წლებია: 15, 25, 30, 35, 40, 45, 50, 55, 60, 75.

ამ დეკადაში დაბადებულთა სიმბოლოა დუმფარა.

ამ ადამიანებს ყოველთვის აქვთ მკაფიო მიზანი, კარგი ინტუიცია, რაც ეხმარება უსიამოვნებების თავიდან არიდებასა და წარმატებების მიღწევაში. ამ პერიოდში დაბადებულების მთავარი ამოცანაა საკუთარი ძალებისა და უნარების რწმენა. ამის შემდეგ მათი ცხოვრება სხვაგვარად წარიმართება და ახალი ჰორიზონტები გაიხსნება.

4 ივლისს დაბადებულები

4 ივლისს ყველაზე არაორდინარული და ბედნიერი ადამიანები ევლინებიან ქვეყანას. ისინი დამოუკიდებლები არიან, გარკვეული დოზით – მგრძნობიარენი. ხშირად ამ დღეს დაბადებულებს აუხსნელი ექსტრასენსორული უნარები აქვთ, ხან კი – ნათელმხილველობის. თავიანთი არაორდინარულობის წყალობით ისინი ადვილად აღწევენ პოპულარობასა და მაღალ საზოგადოებრივ მდგომარეობას; შეიძლება ითქვას, რომ იდეალურად აქვთ ფინანსური და სასიყვარულო საქმეები. საქმიანობის მხრივ მათი სფეროებია მასწავლებლობა და მეცნიერება.

ეგვიპტური ჰოროსკოპი – დაინახეთ თქვენი თავი განსხვავებულად>>

4 ივლისს დაბადებულები შესანიშნავად გრძნობენ თავს ჯგუფის თანასწორუფლებიანი წევრის რანგში, რა სახისაც არ უნდა იყოს ეს ჯგუფი – იქნება ეს ოჯახი, პოლიტიკური თუ რელიგიური ორგანიზაცია, სამუშაო კოლექტივი. საოცარი დამოკიდებულება აქვთ ტრადიციებისა და ოჯახური ფესვების მიმართ. ყოველთვის ისწრაფვიან იდეალური შედეგის მიღწევისკენ, საზოგადოებრივი საქმის კეთებისკენ. არ უყვართ მარტო მუშაობა. საზოგადოებრივ აღიარებას, როგორც წესი, 40 წლის შემდეგ აღწევენ, როდესაც იწყებენ ბრძოლას ლიდერობისთვის იმ ჯგუფში, რომელსაც წარმოადგენენ.

ამ დღეს დაბადებული ადამიანებისთვის განსაკუთრებული მნიშვნელობა აქვს მოვალეობას, ოჯახსა და სამშობლოსთვის მსახურებას. მათთვის პატრიოტიზმი სამშობლოს მხოლოდ ბრმა სიყვარული არ არის; მათთვის ძალზე მნიშვნელოვანია, რომ თავიანთი ქვეყნისთვის რაიმე ღირებული გააკეთონ. პოლიტიკისგან შორს ეს ადამიანები თითქმის არასდროს არიან. ისინი კარგად ერკვევიან ადამიანებში, გრძნობენ მათ განწყობებს. გარშემომყოფების გაჭირვების დროს განზე არასდროს გადგებიან.

4 ივლისს დაბადებულების არაორდინარულობა გარშემომყოფებისთვის ყოველთვის გასაგები არ არის. მათი ჭეშმარიტი ნატურის გაგება მხოლოდ ძალიან ახლობელ ადამიანებს შეუძლიათ. ბევრი მათგანი ძალზე უბრალო და გასაგები პიროვნებაა. ისინი ხშირად თრგუნავენ ემოციურ გამოვლინებებს; თუმცა, უფრო თავიანთი ეგოიზმის, ამპარტავნებისა და მოუთოკავი მრისხანების დათრგუნვა მართებთ.

ჯანმრთელობა

4 ივლისს დაბადებულები უნდა მოერიდონ ქანცგამწყვეტ შრომას არარეალურ მასშტაბურ პროექტებზე. ხშირად, საზოგადოებრივი საქმეებით იმდენად არიან გატაცებული, რომ ავიწყდებათ საკუთარი საქმეები. ეს მათი ჯანმრთელობისთვის შეიძლება ძალზე საშიში აღმოჩნდეს. მათ უნდა დაიცვან სწორი კვების რეჟიმი, გაამდიდრონ ყოველდღიური რაციონი ცოცხალი ხილითა და ბოსტნეულით. არ უნდა დაივიწყო რეგულარული ფიზიკური დატვირთვაც – მათ სპორტის გუნდური სახეობები წაადგებათ.

რჩევა:

მოერიდეთ შოვინიზმს თქვენი სოციალური ჯგუფის სოციალური სტატუსის მიმართ. იყავით ობიექტური და თვითკრიტიკული ამ არცთუ იოლ საკითხში. ერიდეთ ცრუ სოლიდარობას. მნიშვნელოვანია, შეინარჩუნოთ საკუთარი განუმეორებელი ინდივიდუალობა.

217
მარინა ეზუგბაია

მარინა ეზუგბაია: კორონავირუსის ახალი შემთხვევები იმპორტირებულია

0
(განახლებულია 13:35 04.07.2020)
სამივე შემთხვევაში კორონავირუსი სატვირთო ავტომობილების მძღოლებს დაუდასტურდათ, რომელთაგანაც ერთი ინფექციურ საავადმყოფოშია მოთავსებული.

თბილისი, 4 ივლისი — Sputnik. საქართველოში კორონავირუსის  სამივევე ახალი შემთხვევა იმპორტირებულია, განაცხადა თბილისის ინფექციური საავადმყოფოს სამედიცინო დირექტორმა, მარინა ეზუგბაიამ.

მისივე თქმით, სამივე შემთხვევაში კორონავირუსი სატვირთო ავტომობილების მძღოლებს დაუდასტურდათ, რომელთაგანაც ერთ-ერთი ინფექციურ საავადმყოფოშია მოთავსებული.

„ახალი პაციენტის პირველადი მდგომარეობაც არ არის მძიმე, რუტინული კვლევებით და სუბიექტურ-ობიექტური მონაცემებით ჯერ მისი მდგომარეობა საშუალო სიმძიმით ფასდება“, - განაცხადა ეზუგბაიამ.

თბილისის ინფექციურ საავადმყოფოში კორონავირუსის დიაგნოზით სულ 24 პაციენტი მკურნალობს.

საქართველოში ახალი კორონავირუსით ინფიცირებულთა რაოდენობა 946-ს შეადგენს.

ამ დროისათვის გამოჯანმრთელებულია 825 ადამიანი, გარდაცვლილია – 15, კარანტინის რეჟიმში იმყოფება 3310, ხოლო სტაციონარებში ექიმების დაკვირვების ქვეშ 203 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. მას შემდეგ ხელისუფლება შეზღუდვებს ეტაპობრივად ხსნის.

0
თემები:
COVID-19 საქართველოში