ვარსკვლავიანი ცა

ტყუპი ინტელექტუალი, ორბუნებოვანი, ცვალებადი, გამჭრიახი ზოგადი დახასიათება

7994
(განახლებულია 14:02 21.05.2018)
ტყუპის მთავარი მახასიათებლებია კომუნიკაბელურობა, გამჭრიახობა, ამბიციურობა, მუდმივი მოძრაობა. სიყვარულში მათთვის აუცილებელია ინტრიგა, ფსიქოლოგიური ბატალიები, რთული და საინტერესო ურთიერთობები.
7994
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
ნახევარმთვარე

მთვარის კალენდარი: 22 ოქტომბერი რისი გაკეთება შეიძლება და რისი არა

16
(განახლებულია 10:00 21.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

22 ოქტომბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

ამ დღეს სიტყვას განსაკუთრებული ძალა გააჩნია. არ შეიძლება მოტყუება, ფუჭი ლაპარაკი. დღის ძალა ადამიანს ქმედითი ენერგიითა და სასიცოცხლო აქტიურობით აჯილდოებს.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები.

ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების გამართვა, ახალი კავშირების დამყარება, სარეკლამო და სააგიტაციო კამპანიის წარმოება, გასაუბრება, სიტყვის ძალის გამოყენება ინვესტორების, პარტნიორებისა თუ სპონსორების დარწმუნებისთვის, ხელმძღვანელი პირების მხრიდან ხელქვეითებისთვის მადლობის გადახდა და წახალისება, ხელქვეითებისთვის კი ხელმძღვანელობისთვის თხოვნით მიმართვა, თითოეული სიტყვის აწონ–დაწონა, ბიზნესმენების მხრიდან შემოქმედებითი ადამიანების მხარდაჭერა, მათი სპონსორობა.

არარეკომენდებულია ვინმეს გადმობირების დროს ზედმეტი მცდელობა, ეჭვებისა და შიშების შესახებ საუბარი.

ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

16
შემოდგომა

22 ოქტომბერს დაბადებულები ზოდიაქო, დახასიათება, რჩევები

9
(განახლებულია 09:48 21.10.2020)
გაეცანით 22 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

14-22 ოქტომბრის პერიოდი

14-22 ოქტომბრის პერიოდი სასწორის ნიშნის მესამე დეკადას განეკუთვნება.

მნიშვნელოვანი წლებია: 8, 10, 20, 30, 32, 40, 48, 50, 56, 60, 70, 74.

ამ პერიოდში დაბადებულთა სიმბოლოა იასამანი.

14-22 ოქტომბრის პერიოდში დაბადებულებს პლანეტა იუპიტერი მფარველობს.

Знаки Зодиака - Весы
© Sputnik / Maria Tsimintia
ზოდიაქოს ნიშანი სასწორი

ამ პერიოდში დაბადებულ ადამიანებს იზიდავს ფუფუნება, ცხოვრების კომფორტული პირობები, ლამაზად მოწყობილი სახლი. ხანდახან ჭეშმარიტი ფასეულობები სიყალბესა და ილუზიებში ერევათ. ისინი მუდამ უნდა მიიწევდნენ წინ, ევოლუციის გზაზე, სრულყოფილებისკენ, რათა დეპრესიაში არ ჩავარდნენ. როგორც წესი, ამ პერიოდში დაბადებულები პუნქტუალური, გარშემომყოფების მიმართ ყურადღებიანი ადამიანები არიან, აქვთ ცხოვრებისეული მიზანი. ყოველთვის არ ჰყოფნით თავდაჯერებულობა, ხშირად სწყინთ და მოუთმენელნი არიან გარშემომყოფთა ნაკლოვანებების მიმართ.

22 ოქტომბერს დაბადებულები

22 ოქტომბერს დაბადებულები ძალზე მიზანსწრაფული და ჯიუტი არიან. გამოირჩევიან ადამიანის ფსიქოლოგიისა და ქცევის ფაქიზი შეგრძნებით. აქვთ ინტუიცია, აბსტრაქტული აზროვნება. ამ ადამიანებს ურთიერთობების პრობლემა არა აქვთ.

ეს ადამიანები ყურადღების ცენტრში მოქცევისკენ არ ისწრაფვიან, მაგრამ თითქმის ყოველთვის სწორედ იქ აღმოჩნდებიან ხოლმე, რადგან ადამიანები თავად ისწრაფვიან ამ დღეს დაბადებულებისკენ - ვიღაცას რჩევა უნდა, ვიღაცას, უბრალოდ, საინტერესო ურთიერთობა.

22 ოქტომბერს დაბადებულები ორბუნებოვანი ნატურები არიან. მათი დამახასიათებელი თვისებებია ემოციურობა და ლოგიკა, იდუმალება და გულღიაობა. რომელი მხარეა უფრო აქტიური, განწყობაზეა დამოკიდებული.

22 ოქტომბერს დაბადებული სასწორები არაორდინალური პიროვნებები არიან. მათ უყვართ ყველაფრისა და ყველას გაკონტროლება. თუ სიტუაციაზე კონტროლი დაკარგეს, ეს მათთვის ძლიერი სტრესის მიზეზია. მათ შეუძლიათ ცხოვრების მიმართ რამდენადმე გაუცხოებული დამოკიდებულებაც ჰქონდეთ და ასევე, შეუძლიათ, ყოფით პრობლემებში თავით გადაეშვან.

სასწორები ნებისყოფიანი, ენერგიული ადამიანები არიან. თუ ეს ადამიანები ემოციებს ვერ გამოხატავენ, ეს მათზე ძალიან ცუდად მოქმედებს. ნებისმიერ კომპანიაში მათი დანახვა უხარიათ, რადგან არიან ოპტიმიზმით აღსავსე, ენამახვილი და იუმორის გრძნობის მქონე ადამიანები. მეგობრებით განებივრებული არ არიან, რისი მიზეზიც ზედმეტი კრიტიკულობაა.

2021 წლის ჰოროსკოპი ქალებისთვის – რას უმზადებს თეთრი ხარის წელიწადი ზოდიაქოს ნიშნებს>>

22 ოქტომბერს დაბადებულები მეამბოხე ხასიათისა არიან. ამის გამო, შესაძლოა, სამსახურის გამოცვლა ხშირად მოუწიოთ. როგორც წესი, მათი კარიერა მოწიფულობაში ყალიბდება. ხშირად წარმატებებს სპონტანურად არჩეულ პროფესიაში აღწევენ, ამ დროს კი დიპლომი სულ სხვა სფეროში შეიძლება ჰქონდეთ.

ამ დღეს დაბადებულებს გამძაფრებული აქვთ სამართლიანობის გრძნობა. ვერ იტანენ ტყუილს. ხელმძღვანელ პოზიციებზე ეს ადამიანები ხელქვეითებს ზურგს უმაგრებენ და იცავენ.

ჯანმრთელობა

22 ოქტომბერს დაბადებულები ძალიან განიცდიან თავიანთ გარეგნობას - როგორც არ უნდა გამოიყურებოდნენ, მაინც ძალიან დიდ დროსა და ძალას ახმარენ იდეალური ფორმების შეძენას. ამ დროს, ჯანმრთელობას ყურადღებას, შეიძლება ითქვას, საერთოდ არ უთმობენ. მათთვის რეკომენდებულია კომპლექსური კვლევების პერიოდულად ჩატარება, მცირეოდენი ტკივილისა და სხვადასხვა სიმპტომისთანავე ექიმთან ვიზიტი, რათა ეს სერიოზულ დაავადებაში არ გადაიზარდოს.

როგორ ქმარზე ოცნებობენ ქალები – ზოდიაქოს ნიშნის მიხედვით>>

რჩევა:

თქვენ ცდილობთ, როგორც დადებითი, ისე უარყოფითი ემოციები შეაკავოთ. ეს ნეგატიურად აისახება ფსიქიკურ ჯანმრთელობაზე. ასეთი მკაცრი თვითკონტროლი, შესაძლოა, ერთ წამში დაინგრეს. ეცადეთ, არ დაუშვათ ეს.

9
სპეცოპერაცია ზუგდიდში

გათავისუფლდა 43 მძევალი, სპეცოპერაცია ზუგდიდში გრძელდება: შსს განცხადებას ავრცელებს

0
(განახლებულია 01:26 22.10.2020)
ამ ეტაპზე ბანკის შენობაში შეიარაღებული თავდამსხმელის მიერ აყვანილი 43 მძევალი გათავისუფლებულია და ისინი პოლიციამ უსაფრთხო ტერიტორიაზე გადაიყვანა, აცხადებენ უწყებაში

თბილისი, 21 ოქტომბერი - Sputnik. ზუგდიდში სამართალდამცველების მიერ სპეციალური ოპერატიული და საგამოძიებო მოქმედებები ადგილზე ამ დრომდე არ დასრულებულა და აქტიურად მიმდინარეობს, ნათქვამია შინაგან საქმეთა სამინისტროს განცხადებაში.

„ამ ეტაპზე ბანკის შენობაში შეიარაღებული თავდამსხმელის მიერ აყვანილი 43 მძევალი გათავისუფლებულია და ისინი პოლიციამ უსაფრთხო ტერიტორიაზე გადაიყვანა. შემთხვევის ადგილზე მიმდინარეობს საგამოძიებო ღონისძიებები“, - ნათქვამია სამინისტროს ინფორმაციაში.
უწყების ცნობით, შინაგან საქმეთა სამინისტრო ფაქტთან დაკავშირებით დამატებით ინფორმაციას ეტაპობრივად გაავრცელებს.

„კიდევ ერთხელ მოგიწოდებთ, თავი შეიკავოთ გადაუმოწმებელი ინფორმაციის გავრცელებისგან, რომელმაც შესაძლოა ხელი შეუშალოს ოპერაციის განხორციელებას“, - ნათქვამია განცხადებაში.

ზუგდიდში უცნობ შეიარაღებულ პირს „საქართველოს ბანკის“ ფილიალში დღეს მთელი დღის განმავლობაში მძევლები ჰყავდა აყვანილი. იგი ხელისუფლებისგან ნახევარ მილიონ დოლარსა და ვერტმფრენს ითხოვდა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

შემთხვევის ადგილზე მობილიზებული იყო საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ცოტა ხნის წინ დასრულდა. პოლიციამ მიმდებარე ტერიტორიიდან ადამიანების ევაკუაცია განახორციელა.

ზუგდიდი: მიმდინარე მოვლენების მძიმე კადრები - ვიდეო >>

მედიაში გავრცელებული ინფორმაციით, თავდამსხმელმა, რომელსაც მოთხოვნილი თანხა მიუტანეს, ბანკის შენობა სამ მძევალთან ერთად პოლიციის „პიკაპით“ დატოვა. ერთ-ერთი მძევალი, რომელთან ერთადაც შენობა მან რამდენიმე წუთის წინ დატოვა, საქართველოს შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დირექტორი ავთანდილ გალდავაა.

გავრცელებული ინფორმაციით, სწორედ გალდავა აწარმოებდა შეიარაღებულ პირთან მოლაპარაკებებს და ბანკში თანხა, რომელიც თავდამსხმელმა მოითხოვა, გალდავამ მიიტანა.

 

ამ დროისთვის უცნობია, თუ რა მიმართულებით გადაადგილდა აღნიშნული ავტომანქანა. მანამდე შენობა გათავისუფლებულმა მძევლებმა დატოვეს.

შსს-ს მიერ ადრე გავრცელებული ინფორმაციით, მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

 

0
თემები:
ზუგდიდში შეიარაღებულმა პირმა 19 ადამიანი მძევლად აიყვანა