ვარსკვლავიანი ცა

ზოდიაქო: ერთი ნიშანი ერთი მთავარი დადებითი თვისება

20150
(განახლებულია 14:36 17.05.2018)
გაეცანით როგორც თქვენი, ისე თქვენი საყვარელი ადამიანების მთავარ დადებით მახასიათებლებს ზოდიაქოს ნიშნების მიხედვით, დააფასეთ თქვენ გვერდით მყოფნი და ეცადეთ, ეს თვისება თქვენ ურთიერთობებში ძლიერ მხარედ აქციოთ.
20150
თემები:
ასტროლოგიური პროგნოზი: ჰოროსკოპი ზოდიაქოს ყველა ნიშნისთვის - 2018 (652)
მზესუმზირა

მზესუმზირა და მისი სასარგებლო თვისებები

13
(განახლებულია 10:17 08.03.2021)
მზესუმზირა ძალზე სასარგებლოა ნერვული დაავადებების დროს და გუნება-განწყობილების გასაუმჯობესებლად. ის ასევე ჩინებული დამამშვიდებელი და ანტიდეპრესანტია. გარდა ამისა, მზესუმზირის მიღების პროცესს სიგარეტის მოწევის პროცესის ჩანაცვლება შეუძლია

მზესუმზირა (helianthus) რთულყვავილოვანთა ოჯახის ეს მცენარე ამერიკიდან გავრცელდა. მისი დასახელება თითქმის ყველა ენაზე მზეს უკავშირდება. ამის ორი მიზეზია – გარეგნული იერი და მისი მანერა, იბრუნოს მზისკენ.

ცნობილია, რომ მზესუმზირის თესლებიდან საუცხოო ხარისხის მცენარეული ზეთი იწარმოება, მაგრამ მცენარეს, ამის გარდა, ასევე უამრავი სასარგებლო თვისება აქვს.

მზესუმზირის პლანტაცია
მზესუმზირის პლანტაცია

მისი მარცვლები მდიდარია დიდი რაოდენობით კალციუმითა და მაგნიუმით, В, A, E და D ჯგუფის ვიტამინებით.

ამერიკელმა მეცნიერებმა აღმოაჩინეს, რომ მზესუმზირის თესლები ძალიან დიდი რაოდენობით შეიცავს ფიტოსტერინს, რომელსაც აქვს ქოლესტერინის დონის გაკონტროლების უნიკალური თვისება. მაგნიუმის მაღალი შემცველობის გამო, მზესუმზირა გულ-სისხლძარღვთა სისტემისთვის უებარია. ამას გარდა შეიცავს თუთიას, იოდს, სელენს, კალიუმს, ფოსფორს, რკინას. მზესუმზირა დაბერების პროცესს აფერხებს. მასში შემავალი პოლიგაჯერებული ცხიმოვანი მჟავები სასარგებლოა კანისა და თმისთვის.

А და Е ჯგუფის ვიტამინების წყალობით, მზესუმზირას ანტიოქსიდანტური თვისებები გააჩნია. ის გვიცავს ათეროსკლეროზისგან და სიმსივნეებისგან. დადებითად ზემოქმედებს მხედველობაზე, გაუჯერებელი ცხიმმჟავების წყალობით, მოუხალავი მზესუმზირა შესანიშნავია ფრჩხილებისა და თმის მტვრევადობის სამკურნალოდ. 

ერთ–ერთი უსაყვარლესი საკვები საქართველოში და მისი სასარგებლო თვისებები>>

მზესუმზირა შეიცავს დიდი რაოდენობით D ვიტამინს, რომელიც ცნობილია, როგორც რაქიტისგან დაცვის საშუალება. ის დიდ როლს ასრულებს ბავშვის ორგანიზმის ზრდაში.

მზესუმზირის მარცვლები მადას აქვეითებს. ამიტომ ის აქტიურად გამოიყენება ზოგიერთ გასახდომ დიეტაში, მაგრამ მაღალი კალორიულობის გამო – ზომიერად. მზესუმზირის ცხიმოვანი მჟავები ადამიანის ორგანიზმში ნივთიერებათა ცვლისთვის მნიშვნელოვანია. ისინი წვავენ ცხიმოვან უჯრედებს.

ასევე, მზესუმზირაში შემავალი სათრიმლავი ნივთიერებები და კარატინოიდები ჩვენს სხეულს ინფექციებთან და პარაზიტებთან ბრძოლაში ეხმარება.

გასათვალისწინებელია, რომ სასარგებლოა მზესუმზირის მხოლოდ კარგად გამომშრალი და მოუხალავი მარცვლები. მზესუმზირის მარცვლების კანის გაცლის ან მოხალვის შემთხვევაში, მასში შემავალი სასარგებლო ნივთიერებათა ნაწილი იკარგება.

უნიკალური მცენარე – ვიტამინებისა და სხვადასხვა ელემენტების ნამდვილი საბადო>>

მზესუმზირის მარცვლების ქერქი მოუხალავ მდგომარეობაში შესანიშნავად ინარჩუნებს ორგანიზმისთვის საჭირო მიკროელემენტებს — იოდს, რკინასა და მაგნიუმს, რაც აუცილებელია გულის სტაბილური მუშაობისთვის და სისხლძარღვების შლაკებისა და ტოქსინებისგან გასაწმენდად. თუ ზამთარში კვირაში ერთხელ მოუხალავი მზესუმზირის გულებს მიირთმევთ, ორგანიზმში ვიტამინებისა და მინერალების მოთხოვნილება სრულად დაკმაყოფილდება.

ვიტამინ В6-ისა და ფოლიუმის მჟავის წყალობით, მზესუმზირა უაღრესად სასარგებლოა ნერვული დაავადებების დროს და გუნება-განწყობილების გასაუმჯობესებლად.

მზესუმზირა ასევე ჩინებული დამამშვიდებელი და ანტიდეპრესანტია. გარდა ამისა, მზესუმზირის მიღების პროცესს სიგარეტის მოწევის პროცესის ჩანაცვლება შეუძლია — ბევრმა ადამიანმა ამ მავნე ჩვევის გადაგდება მზესუმზირის წყალობით მოახერხა.

ექიმები მიიჩნევენ, რომ მზესუმზირის გამოყენება საკვებში მთელი რიგი დაავადებების პროფილაქტიკური საშუალებაა, მათ შორის ინფარქტის, კანის დაავადებების, ძვლების მოტეხილობის.

გოგრის თესლი - მრავალი დაავადების მკურნალი>>

განსაკუთრებით უნდა აღინიშნოს მზესუმზირის ფესვების სასარგებლო თვისებები. მას ძალზე ეფექტურად გამოაქვს კენჭები თირკმელებიდან, ნაღვლის ბუშტიდან, ხსნის ე. წ. მარილების დაგროვებას სახსრებში, აქვეითებს მაღალ არტერიულ წნევას, აუმჯობესებს სმენასა და მხედველობას, კარგია თავბრუსხვევის, გულისა და თავის ტკივილის დროს.

ფესვებს შემოდგომაზე ამზადებენ. სამკურნალოდ გამოიყენება მხოლოდ ძირითადი, ცენტრალური ფესვი. გამომშრალ და დაქუცმაცებულ 1 ჭიქა ფესვს 3 ლიტრ წყალში ადუღებიდან სამი წუთის განმავლობაში ხარშავენ. ეს სამი ლიტრი ნახარში სამი დღის პორციაა, ანუ დღეში 1 ლიტრის ოდენობით უნდა მივიღოთ. ამავე ფესვებს შემდეგ ხარშავენ უკვე 5 წუთის განმავლობაში, ხოლო მესამედ – 10 წუთის განმავლობაში. ამის მერე ფესვები უკვე გამოუსადეგარია. შემდეგი ნახარში უკვე ახალი ფესვებისგან მზადდება. ფესვების ნახარშის მიღება შესაძლებელია ორი თვის განმავლობაში. მისი მიღება არ შეიძლება, თუ გაუხსნელი კენჭებია თირკმელებში, ასევე არ შეიძლება ორსულისა და მეძუძური დედებისთვისთვის.

მზესუმზირას, მრავალ სიკეთესთან ერთად, ზიანის მოტანაც შეუძლია, განსაკუთრებით, თუ მას დიდი რაოდენობით მივიღებთ. მაღალი კალორიულობის გამო ის ჭარბი წონის დაგროვებას უწყობს ხელს, განსაკუთრებით, თუ ადამიანი ფიზიკურად არააქტიურია.

კაკაო და მისი სასარგებლო თვისებები>>

მზესუმზირა კბილის ემალს აფუჭებს, ამიტომ მის გარჩევას სტომატოლოგები ხელით გვირჩევენ.

13
თემები:
სასარგებლო რჩევები
გაზაფხული

დღის ასტროპროგნოზი ზოდიაქოს ნიშნებისთვის: 8 მარტი

175
(განახლებულია 10:37 08.03.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 8 მარტია, ორშაბათი. კლებადი მთვარე თხის რქის ნიშანშია. ამ დღეს პლანეტა მთვარე მფარველობს.

დღეს არ ღის აჩქარება მნიშვნელოვანი გადაწყვეტილებების მიღების დროს. მით უფრო არ არის საჭირო ნაჩქარევად მიღებული გადაწყვეტილებების რეალიზება. რაც არ უნდა გენიალური გეჩვენებოდეთ თქვენი იდეა, ყველაზე გონივრული იქნება, თუ ერთი დღე მაინც დაიცდით. დღეს ემოციები ლოგიკას ჯაბნის, ამიტომ შეცდომის დაშვების ალბათობა დიდია.

ადამიანის ბიოველზე ძალადობა: გათვალვა, ჯადო, წყევლა – გავლენის ძალა, თავდაცვის ხერხები>>

ვერძი: დღეს ამტანობის მარაგი, რაც გაგაჩნიათ, მთლიანად გამოგადგებათ. სამწუხაროდ, სულ მცირე ნაპერწკალსაც კი დიდი „ხანძრის“ გამოწვევა შეუძლია ქარიშხალთან ერთად, რომელიც ყველა საქმესა და გეგმას წალეკავს. ერთი სიტყვით, დღეს ყველანაირად უნდა მოერიდოთ ნებისმიერ ძლიერ ემოციას. და თუ იგრძნობთ, რომ მზად ხართ „აფეთქებისთვის“, ორგანიზმი უნდა აიძულოთ, ერთი დღე მაინც მოიცადოს – ხვალ „აფეთქება“ უფრო მშვიდად ჩაივლის ასეთი დამანგრეველი ეფექტი არ ექნება.

კურო: დღეს თქვენი გონება სხვადასხვა სახის გეგმებითა და პროექტბით იქნება სავსე. და ეს შესანიშნავია, რადგან სწორედ დღეს გაძლევთ ბედი ამ გეგმების რეალიზების მაქსიმალურ შანსს. მხოლოდ ეცადეთ, ამ დღის ასეთი მდიდარი შესაძლებლობები ფუჭ და უბრალო საქმეებზე არ დახარჯოთ. დღეს არ უნდა მოერიდოთ დიდ და ხმაურიან კომპანიებს, რადგან წარმატება სწორედ იქ გელოდებათ.

ტყუპი: დღეს არ ღირს, „აალების“ უფლება მისცეთ საკუთარ ვნებებს – ამას თქვენ მაგივრად სხვები გააკეთებენ. მთელი დღე მოგეჩვენებათ, რომ გარშემომყოფებს მეტი საქმე არა აქვთ და ისინი მხოლოდ თქვენს ნერვებზე თამაშობენ, მაგრამ ეს ასე არ არის. სინამდვილეში მათ თავიანთი საქმეებიც ჰყოფნით. თქვენს ნერვებზე კი მხოლოდ დროდადრო ითამაშებენ.

კირჩხიბი: დღის განმავლობაში შესაძლოა მღელვარე გრძნობების ტყვეობაში აღმოჩნდეთ. ემოციების ნამდვილი ქარიშხალი შეიძლება რამე მოვლენამ ან მოულოდნელმა შეხვედრამ გამოიწვიოს. არც ისაა გამორიცხული, რომ ყოვლისმომცველმა ვნებამ შეგიპყროთ. მაგრამ რა გრძნობებიც არ უნდა ბობოქრობდეს თქვენში, აჯობებს, თუ ნაჩქარევ დასკვნებს არ გამოიტანთ. ერთ–ორ დღეში, შესაძლოა, ყველაფერი შეიცვალოს.

ლომი: დღეს განსაკუთრებულ თავშეუკავებლობას გამოიჩენთ წვრილმანების მიმართ. მნიშვნელოვან საქმეებშიც შეიძლება პრობლემები შეგექმნათ, მაგრამ თქვენი რეაქცია წვრილმანებზე ხანდახან შეიძლება კომიკურიც იყოს. საუკეთესო გამოსავალი დღეს თქვენთვის ის იქნება, თუ აურაცხელ გაუგებრობას ხუმრობად აქცევთ, რადგან მათზე მშვიდად და ადეკვატურად რეაგირებას, დიდი ალბათობით, მაინც ვერ შეძლებთ.

ქალწული: დღეს მრავაფეროვანი ემოციების დაუოკებელ მორევში შეიძლება აღმოჩნდეთ. მთელი დღე მოვლენებისა და ყურადღების ცენტრში იქნებით. ამის გაკეთება კი ძალზე მარტივია – საკმარისია, სიმდიდრისა და წარმატების თემას შეეხოთ. ყველაფერი, რაც დიდ ფულსა და საზოგადოებაში მაღალ მდგომარეობას ეხება, დღეს განსაკუთრებულად აქტუალური იქნება გარშემომყოფებში. არ გაგიჭირდებათ თანამოაზრეების მოძებნა და საინტერესო ადამიანებთან ურთიერთობები.

სასწორი: დღეს საკუთარი ენა უნდა აკონტროლოთ – არის დიდი ალბათობა იმისა, რომ ახლობლებს ზედმეტი რაღაცები უთხრათ და ამით თქვენი ურთიერთობები სერიოზული გამოცდის წინაშე დააყენოთ. ჩვეულებრივი საუბარი დღეს სწრაფად და შეუმჩნევლად, შესაძლოა, მაღალ ტონში საუბარში გადაიზარდოს და ჭურჭლის მსხვრევითაც დასრულდეს. ასე რომ არ მოხდეს, მოერიდეთ საჩოთირო თემებზე ლაპარაკს და არავითარ შემთხვევაში არ გადახვიდეთ პირად შეურაცხყოფაზე.

მორიელი: დღეს უსასრულო საუბრები გელოდებათ. მთავარი თემა კი უმეტეს შემთხვევაში იქნება წარმატება და ფული და ასევე მსჯელობა იმაზე, თუ რატომ არ გაქვთ არც ერთი და არც მეორე. არ არის გამორიცხული, რომ ერთ–ერთი გულითადი საუბრის დროს თავადაც ვერ შეამჩნიოთ, ისე გადახვიდეთ საკუთარი ღირსებების შელამაზებაზე, რომ ეს დიდი ხნით დაამახსოვრდებათ, როგორც ყველაზე დიდი ფანტაზიორის სახე და დიდება.

მშვილდოსანი: ეს ის დღეა, როდესაც თქვენი კეთილდღეობა მნიშვნელოვნად შეიძლება შეიცვალოს და არაა აუცილებელი, რომ ეს საუკეთესო მიმართულებით მოხდეს. დღეს სიფრთხილე გმართებთ ნებისმიერ საკითხში, რომელიც ფულთან არის დაკავშირებული. ასევე არ გაწყენთ ყურადღება საყვარელ ადამიანთან ურთიერთობაში. სამწუხაროდ, ნებისმიერ წვრილმან გაუგებრობასაც კი დღეს შეუძლება ქარიშხალი მოჰყვეს, რომლის დაცხრომა ძალიან რთული იქნება.

თხის რქა: დღეს „განდიდების მანიამ“ ან, უკიდურეს შემთხვევაში, „გიგანტიზმმა“ შეიძლება შეგიპყროთ. თუ გინდათ, უსიამოვნებებს აარიდოთ თავი, დღეს გმართებთ მეტი მოკრძალება და საკუთარი ამბიციების შესაძლებლობებთან შესატყვისებაში მოყვანა. გახსოვდეთ, რომ ნაპოლეონისმაგვარი გეგმები, რა თქმა უნდა, კარგია, მაგრამ ყველა ნაპოლეონს კარგად არ დაუსრულებია თავისი კარიერა.

მერწყული: დღეს ერთმანეთზე მიწყობით შეიძლება ჩაგივარდეთ გეგმები, რაც დინების წინააღმდეგ ცურვას გაიძულებთ. ამავე დროს, ასეთ მომენტებში უცნაურ პასიურობას იგრძნობთ და სურვილი არ გექნებათ, რომ ვითარებას შეებრძოლოთ. სამწუხაროდ, თუ ასეთ განწყობას აჰყვებით, ბევრ პრობლემას მოიხვევთ თავზე. ასე რომ, გინდათ თუ არა, მაინც მოგიწევთ დინების წინააღმდეგ ცურვა.

თევზები: დღეს ყველაფერი იმაზეა დამოკიდებული, თუ „რომელ ფეხზე ადგებით“. თუ „საჭირო“ ფეხზე ადგებით, ყველაფერი კარგად ჩაივლის ურთიერთობებში, და თან კარგად კი არა, შესანიშნავად. ხოლო თუ „საჭირო“ ფეხზე არ ადგებით, მთელი დღე ყველაფერი ხელიდან გაგისხლტებათ. ასე რომ, როცა დილით გაიღვიძებთ, მიმოიხედეთ და თუ მიხვდებით, რომ საჭირო განწყობა არა გაქვთ, ხელახლა დაწექით, იქნებ მეორე ჯერზე უფრო გაგიმართლოთ?

175