ესთეტიკური მედიცინის ცენტრი ნეო-ნეო

პერმანენტული მაკიაჟი - მარტივი გამოსავალი საქმიანი ქალბატონებისათვის

1473
(განახლებულია 21:10 12.04.2018)
პერმანენტული ანუ კონტურული მაკიაჟი მარტივი გამოსავალია იმ ქალბატონებისთვის, რომლებსაც არ უყვართ, ან უბრალოდ არ აქვთ დრო ყოველ დილით სარკის წინ გარკვეული დრო გაატარონ. ეს პროცედურა ტატუაჟის ნაირსახეობაა. პერმანენტული მაკიაჟის საშუალებით, შესაძლებელია ნებისმიერ დროს უბადლოდ გამოიყურებოდეთ.

პერმანენტული მაკიაჟი გვაძლევს საშუალებას შევცვალოთ ტუჩის, წარბის, ქუთუთოს ფერი და ფორმა, გავასწოროთ ასიმეტრია, დავხატოთ არარსებული ხალი ან დავფაროთ დეფექტები ჩამოთვლილ ზონებზე. რა დადებითი და უარყოფითი მხარეები გააჩნია აღნიშნულ პროცედურას, როგორ კეთდება პერმანენტული მაკიაჟი, ამის შესახებ ესთეტიკური კლინიკა „ნეო-ნეოს“ ლაზერო თერაპევტი, კოსმეტოლოგი თიკო ჯანჯალაშვილი გვესაუბრა.

Центр эстетической медицины Нео-Нео
© Sputnik / Denis Aslanov
კოსმეტოლოგი თიკო ჯანჯალაშვილი

— პერმანენტული მაკიაჟი, ანუ კონტურული მაკიაჟი ყველაზე მარტივი გამოსავალია იმ ქალბატონებისთვის, რომლებსაც სურთ, ყოველდღიურად ლამაზად გამოიყურებოდნენ. მაკიაჟის დროს ხდება თვალის, წარბის, ტუჩის მოხატვა, ფორმის, ფერის შეცვლა. ტუჩის კონტურის შემთხვევაში ხდება უმნიშვნელო ასიმეტრიების გასწორება.

- როგორ კეთდება კონტურული მაკიაჟი?

— პროცედურა კეთდება სპეციალური აპარატით, ერთჯერადი ინსტრუმენტების გამოყენებით. ამ დროს  ხდება პიგმენტის შეღწევა კანის ზედა შრეში. პიგმენტს ვირჩევთ ინდივიდუალურად, კანის ტიპის და თმის ფერის შესაბამისად, რა თქმა უნდა პაციენტთან შეთანხმებით.

Центр эстетической медицины Нео-Нео
© Sputnik / Denis Aslanov
ესთეტიკური კლინიკა „ნეო-ნეო“

- რამდენად ხარისხიანი და უსაფრთხოა მასალა, რომლითაც კონტურულ მაკიაჟს აკეთებთ?

— ძირითადად ისრაელში წარმოებული პიგმენტები გვაქვს, რომელიც არის ბუნებრივ მინერალებზე დამზადებული და ანტიალერგიულია. საკმაოდ დიდხანს ნარჩუნდება ფერი. დაახლოებით წელიწად ნახევრიდან ორ წლამდე. გააჩნია კანის ტიპს. მშრალი კანის შემთხვევაში დიდხანს ნარჩუნდება პიგმენტი, ცხიმიანი კანის შემთხვევაში უფრო მალე გაიწოვება. ჩვენი პიგმენტები არ იცვლის ფერს, არ ლურჯდება და ინარჩუნებს მდგრადობას.

- რამდენი პროცედურა უნდა ჩაიტაროს პაციენტმა, რომ სასურველ შედეგს მიაღწიოს?

— პირველი პროცედურიდან ერთი თვის გასვლის შემდეგ უნდა მოხდეს განმეორებითი კორექცია, რადგან გავამყაროთ ფერი და იყოს უფრო მდგრადი. ორი პროცედურა საკმარისია სასურველი შედეგის მისაღწევად.

Центр эстетической медицины Нео-Нео
© Sputnik / Denis Aslanov
ესთეტიკური კლინიკა „ნეო-ნეო“

- მტკივნეულია ეს პროცედურა?

— ზონა ყუჩდება ადგილობრივი ანესთეზიით, ამიტომ პროცედურა უმტკივნეულოა.

- რა შემთხვევაში არ უნდა გაიკეთოს ადამიანმა პერმანენტული მაკიაჟი?

— არ შეიძლება კანის სხვადასხვა დაავადებების დროს, სისხლის დაავადებების დროს, ასევე ორსულობის და ლაქტაციის დროს.

- რა გართულებები და გვერდითი მოვლენები გააჩნია?

— რაიმე მნიშვნელოვანი ან განსაკუთრებული გვერდითი მოვლენები არ გააჩნია. უბრალოდ, წარბის შემთხვევაში შესაძლოა პაციენტს აღენიშნებოდეს ოდნავი შეშუპება.   თვალის და ტუჩის შემთხვევაში უფრო დიდხანს მუშავდება ზონა და შესაძლოა 3-4 დღის განმავლობაში იყოს გამოხატული შეშუპება და ტუჩის აქერცვლა.

© Sputnik / Denis Aslanov
GEO ლაზერო თერაპევტი, კოსმეტოლოგი თიკო ჯანჯალაშვილი საუბრობს, რამდენად ეფექტურია პერმანენტური მაკიაჟი

- კონტურული მაკიაჟის გაკეთების შემდეგ, როგორ უნდა მოუაროს და გაუფრთხილდეს პაციენტი?

— განსაკუთრებულ მოვლას არ საჭიროებს, უბრალოდ უნდა მოვერიდოთ მზის სხივებს და სოლარიუმს, რადგან მზის სხივები აღიავებს პიგმენტს.

- ქალბატონები ყველაზე ხშირად რა ზონაზე იკეთებენ პერმანენტულ მაკიაჟს?

— ყველაზე მოთხოვნადია წარბი. წარბის გაკეთება ხდება დაფერვა ან მიკრობლეიდინგი. მიკრობლეიდინგის დროს კანზე სპეციალური კალმის საშუალებით ხდება  ბუნებრივთან მაქსიმალურად მიახლოებული ფერის ჩახატვა. ეს უფრო მშრალი კანისთვის არის.  ცხიმიანი კანის შემთხვევაში უფრო მალე გაიწოვება მიკრობლეიდინგით გაკეთებული, ამიტომ კეთდება დაფერვით და უფრო დიდხანს ინარჩუნებს ფერს.

- რამდენად ხელმისაწვდომია პერმანენტული მაკიაჟის გაკეთება?

— ჩვენს კლინიკაში პერმანენტული მაკიაჟის გაკეთება ნებისმიერ ზონაზე 250 ლარი ღირს. ამ თანხაში შედის კორექციაც, როემლიც ერთი თვის შემდეგ ტარდება. უფრო სრულად ინფორმაციას კლინიკა „ნეო-ნეოს" შესახებ შეგიძლიათ ჩვენს facebook გვერდზე გაეცნოთ

- თუ ადამიანს მობეზრდა, მისი ნაადრევად მოცილება შესაძლებელია?

— მოცილება შესაძლებელია ლაზერის საშუალებით, თუმცა შესაძლოა რაღაც ნაწიბური მაინც დარჩეს შესამჩნევი.

1473
ნიკა ჭიკაიძე

„წლების წინ, ამაზე საუბარი ჩემთვის მტკივნეული იქნებოდა"

54
(განახლებულია 15:01 11.08.2020)
როცა „დედამიწის ნახევარი შეშლილია, ნახევარიც ალბათ მალე შეიშლება“ -ის „საკუთარი მერნებიდან“ გამოდის იმიტომ, რომ „სამყაროს საიდუმლო აღასრულოს“...

ეს ახალგაზრდა ნიჭიერი პოეტი, ნიკა ჭიკაიძეა თავისი ამბიციური სათქმელით. პოეზიის მოყვარულები მას უკვე კარგად იცნობენ. საკუთარი ლექსების კრებული, სახელწოდებით „21-ე განთიადი“  2018 წელს გამოსცა. 25 წლის ასაკში მწერალთა კავშირის წევრი გახდა. დაახლოებით ორ კვირაში, თავისი საუკეთესო ლექსების კრებულს „ქრისტეთი“ გამოშვებას გეგმავს. წერს რომანს, რომელსაც მისივე სიტყვებით, „პირველი სიტყვიდან უკანასკნელ სიტყვამდე გრძნობს“...

ნიკა ჭიკაიძე
ნიკა ჭიკაიძე

- ნიკა, როგორ ფიქრობთ, მცხეთაში - ამ ქართულ წმინდა ქალაქში დაბადებამ და ცხოვრებამ თქვენს ბედსა და ნიჭზე გავლენა მოახდინა?

- ვფიქრობ, რაც ადამიანში დევს, საბოლოო ჯამში მაინც ის გამოვლინდება, თუნდაც ამგვარი მოსაზრება ამ შემთხვევაში ლიტერატურულ საქმიანობას მივაკუთვნოთ. რა თქმა უნდა, მცხეთაში დაბადებამ და აქაურმა გარემო-პირობებმა ჩემზე დიდი შთაბეჭდილება მოახდინა. თუმცა გადამწყვეტ მნიშვნელობას, ვფიქრობ, გარემო მაინც არ წარმოადგენს. პოეზია ღმერთისგან ნაბოძები ნიჭია, რომელიც ამავე დროს უდიდეს პასუხისმგებლობას და ხშირად თავგანწირვასაც მოითხოვს. ქართველებს გვყავს სწორედ ერთი ასეთი თავგანწირული პოეტი -ნიკოლოზ ბარათაშვილი, რომლის გარეშეც წარმოუდგენელია დღევანდელი ქართული პოეზია და ურომლისოდაც კაცმა არი იცის, ვინ იქნებოდა გალაქტიონი და დღეს როგორი პოეზია გვექნებოდა. საერთოდ წმინდა ქალაქში ცხოვრება და მოღვაწეობა უფლისგან დიდი ჯილდოა და ამავდროულად დიდი პასუხისმგებლობაც. მინდა გითხრათ, რომ ჩემთვის მცხეთა ის ქალაქია, მსოფლიოს ვერც ერთ ქალაქს რომ ვერ შევადარებ და ვერც ვამჯობინებ.

ნიკა ჭიკაიძე
ნიკა ჭიკაიძე

- მოზარდობის დროს დაწერილი პირველი თქვენი ლექსი თუ გახსოვთ?

- ზუსტად არ მახსოვს - ცამეტი, თუ თოთხმეტი წლის ვიყავი, როდესაც პირველი ლექსი დავწერე, რომელიც არა სიყვარულზე, არამედ პატრიოტულ მოტივზე შეიქმნა. მახსოვს, სკოლიდან სახლში ვბრუნდებოდი საზოგადოებრივი ტრანსპორტით, როდესაც ამ ლექსზე მუზა მეწვია.

- ძირითადად პატრიოტულ თემაზეა თქვენი ლექსები...

- როდესაც ლექსს ვწერ, რა თემაზეც არ უნდა იყოს, ყოველთვის ვცდილობ, რომ გულწრფელად და დამაჯერებლად გადმოვცე სათქმელი. ლიტერატურა დამაჯერებლობაა... რაც შეეხება თემატიკას -პოეზიაში მრავალფეროვნება მიყვარს ყველაზე მეტად. მრავალფეროვნება როგორც თემატიკის, ასევე ვერსიფიკაციის თვალსაზრისით. ჩემი მკითხველი გარკვეულწილად იცნობს ჩემ შემოქმედებას, თუმცა, რა თქმა უნდა, არა ბოლომდე. რადგან, ჯერ კიდევ მრავალი ლექსი მაქვს მათთვის გასაცნობი.

ნიკა ჭიკაიძე
ნიკა ჭიკაიძე

-ძალიან ბევრ მოსწონს თქვენი ლექსი „გიორგი სააკაძე“,

„ვიძახი, როდესაც იმ დღეებს ვაჯამებ:

დიდება მარტყოფს და სირცხვილი ბაზალეთს!

ვიდრემდი განგვკითხავს სიკვდილის სამკვიდრო,

მტერს გადავურჩებით - სამშობლო არ გვინდობს...

არ ვიცი, რა უცნობ წლებს გადმოენარცხე,

დრო უცხო მიწაზეც დღემდე არ გაცხოვნებს

და თუკი წარსულში გმირად არ შეგრაცხეთ,

მაშ, ნუღარც მომავლის ღალატით გაცხოვრებთ...

ეს სტროფებია ამ ლექსიდან, რთულია, მაგრამ თქვენ მოახერხეთ და დღემდე საკამათო ისტორიულ პიროვნებაზე ასეთი მართალი და ემოციური ლექსი დაწერეთ...

-  ეს ლექსი გიორგი სააკაძეზე 2018 წელს დავწერე. სააკაძის პიროვნება ბევრისთვის მართლაც საკამათო ამბავს წარმოადგენს - ერთნი გმირს ხედავენ მის პიროვნებაში, მეორენი კი სამშობლოს მოღალატეს. არის საზოგადოების გარკვეული, (მაგრამ მცირე ნაწილი) ვინც მის საქმიანობას ობიექტურად აფასებს. პირადად ჩემთვის, გიორგი სააკაძე დიდი ქართველი მამულიშვილია. რათქმაუნდა, არსებობს ისტორიაში ის შავი ლაქები, რაზეც მისი პიროვნების მოწინააღმდეგე ხშირად ხაზს უსვამენ, მაგრამ ვფიქრობ, ასეთი მაგალითები მის დიდ ქართველობას მაინც ვერაფრით დააკნინებს. ყველაფერს რომ თავი დავანებოთ, საკუთარი შვილი შეწირა სამშობლოს მსხვერპლად! განა შეიძლება, რომ ასეთ ადამიანს მოღალატე ვუწოდოთ?!! ამიტომ, ვცდილობდი, რომ ეს ლექსი ობიექტური გამომსვლოდა და არა რადიკალური. ვფიქრობ, მკითხველიც შესანიშნავად მიმიხვდა ამას და ლექსიც არაჩვეულებრივად შეაფასა...

ნიკა ჭიკაიძე
ნიკა ჭიკაიძე

- რაზეა რომანი, რომელსაც ახლა წერთ და მისი ფინალი თუ იცი უკვე?

- რაც შეეხება რომანს... გეტყვით, რომ შექმნის პროცესში ვარ და ფინალამდე ჯერ კიდევ ბევრი მიკლია; თუმცა შესანიშნავად ვგრძნობ იმას, თუ როგორ განვითარდება რომანში შემდგომი მოვლენები. ჯერ კიდევ დაწყებულიც არ მქონდა წერა, როდესაც პირველი სიტყვიდან უკანასკნელ სიტყვამდე ვგრძნობდი ამ რომანს... არ მინდა, წინასწარ ვისაუბრო იმაზე, თუ რა თემაზე ვწერ და როგორი პერსონაჟები მყავს. რამდენიმე ამონარიდი მაქვს საჯაროდ შეთავაზებული მკითხველისთვის, (ძირითადად მონოლოგების სახით). თუმცა, ეს მხოლოდ იმისთვის გავაკეთე, რომ ჩემეულ ენასა და შეხედულებაზე გარკვეულწილად წარმოდგენა შევუქმნა. ამ ყოველივეს გამხელით, შესაძლოა, რომანს გარკვეულწილად მკითხველის თვალში ინტერესი დავუკარგო, მაგრამ გეტყვით იმას, რომ ძალიან საინტერესო და მრავალფეროვან ნაწარმოებს შემოგთავაზებთ.

თენგო ხუციშვილთან ერთად
თენგო ხუციშვილთან ერთად

-  გალაკტიონი რომ შეგხვედროდათ სიცოცხლეში რას ჰკითხავდით?

-გალაკტიონი ჩემი უსაყვარლესი პოეტია ნიკოლოზ ბარათაშვილთან ერთად. მასთან რომ შეკითხვის დასმის შესაძლებლობა მომცემოდა, პირველ რიგში ვკითხავდი: როგორ შექმენით ასეთი ღვთაებრივი პოეზია?

- სიმშვიდე თუ ფორიაქი და რატომ?

- რა თქმა უნდა, სიმშვიდე! - რადგან უფალიც ამას გვეუბნება: „მშვიდ ვარ და მდაბალ გულითა". ადამიანის დანიშნულებაც ხომ სწორედ ღმერთთან მსგავსებაში მდგომარეობს... რა თქმა უნდა, ცხოვრება გარკვეულწილად ფორიაქსაც ითვალისწინებს, რადგან სამყაროში არაფერია აბსოლუტური, მაგრამ მიუხედავად ამისა, უნდა ვეცადოთ, რომ მშვიდობა შევინარჩუნოთ საკუთარ შინაგანში, რადგან ყოველგვარი ემოცია გულიდან მომდინარეობს...

- ემოციური ადამიანები სიზმრებსაც ემოციურს ხედავენ, სიზმარში თუ დაგიწერიათ ლექსი?

- ლექსი სიზმარში ბევრჯერ შემიქმნია, თუმცა, რა თქმა უნდა, ცხადში ვერც ერთხელ, ვერაფრით გავიხსენე.

- მეცნიერებამ სიყვარული ფსიქიკურ აშლილობად აღიარა, თქვენ რას  ფიქრობთ?

- ჩემთვის სიყვარული ღვთაებრივი გრძნობაა, რომელიც შეუძლებელია ფსიქიკურ აშლილობად წარმოვიდგინო. ვფიქრობ, შეყვარებულ პოეტს აუცილებლად ეწვევა მუზა, რომელიც თავისას ათქმევინებს. მქონდა ასეთი პერიოდიც და, დღევანდელი გადმოსახედიდან ვგრძნობ მხოლოდ სასიამოვნო მოგონებას და არა ტკივილს. წლების წინ, ამაზე საუბარი ჩემთვის მტკივნეული იქნებოდა...

- როგორი უნდა იყოს „ის“, რომელსაც შეიყვარებთ?..

- რთულია ამ კითხვაზე პასუხის შეუცდომლად გაცემა, რადგან შესაძლოა გითხრათ, გოგო ასეთი და ასეთი უნდა იყოს, რომ შემიყვარდეს მეთქი, მაგრამ ვიცი, ამ შემთხვევაში არ ვიქნები მართალი. რადგან უნაკლო და ჩემი შეხედულებით იდეალური ქალი, ალბათ, სამყაროში არც არსებობს... მაგრამ შემიძლია სამი სიტყვით ზოგადად აღგიწეროთ ამგვარი ადამიანის სურათი: პატიოსანი, ნიჭიერი და ლამაზი... სწორედ ასეთი გოგო დგას ახლოს ჩემ სულიერებასთან.

- რაზე ოცნებობს 25 წლის პოეტი?

- ძალიან ბევრ რამეზე ვოცნებობ -როგორც პირადზე, ასევე საზოგადოზე... ვოცნებობ: გაერთიანებულ, ეკონომიკურად ძლიერ და სამართლიან საქართველოში ცხოვრებაზე. ვოცნებობ, რომ ადამიანებს ერთმანეთი გვიყვარდეს, პატივს ვცემდეთ ერთიმეორის პიროვნებას და ვაფასებდეთ ერთურთის ნიჭიერებას...  რაც შეეხება პირად ოცნებებს: ვოცნებობ იმაზე, რომ ღირებული ლიტერატურა შევქმნა. ასევე იმაზე, რომ ვიპოვო ცხოვრებაში გოგო, რომელსაც ვეყვარები და რომელსაც შევიყვარებ...

 

54
მთვარე

მთვარის კალენდარი: 11 აგვისტო რისი გაკეთება შეიძლება და რისი არა

271
(განახლებულია 10:47 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

11 აგვისტო, სამშაბათი. ამ დღეს მარსი მართავს. კლებადი მთვარე კუროს ნიშანშია.

კურო მატერიალური სტაბილურობის, სიმტკიცისა და გულმოდგინების ნიშანია. ხელსაყრელი დღეა სწავლისთვის, ინფორმაციასთან მუშაობისთვის. კარგი დღეა ლიტერატორების, პოეტების, მეცნიერ–მუშაკებისთვის.

კარგი დღეა სასიყვარულო ურთერთობებისთვის. ამ დროს დაწყებული რომანი, დიდი ალბათობით, ხანგრძლივი და მტკიცე იქნება.

რეკომენდებულია ცოდნის დონის ამაღლება, მნიშვნელოვან დოკუმენტებთან მუშაობა, კონტრაქტებზე ხელმოწერა, განათლების მიღება და სხვებისთვის გამოცდილების გაზიარება , სპონსორის როლის მორგება, განსაკუთრებით შემოქმედებითი საქმეების დაფინანსება.

არარეკომენდებულია ახალი და სერიოზული საქმეების წამოწყება, ბევრი მუშაობა, ვაჭრობა, სიზარმაცე.

კარგი დღეა მგზავრობისთვის.

თმის შეჭრა, შეღებვა: ხელსაყრელი დღეა შეჭრისთვის, თმა მნიშვნელოვნად გაჯანსაღდება, კარგად გაიზრდება და სიმტკიცე მოემატება. შეიძლება შეღებვაც – ჭაღარა კარგად შეიღებება. ზოგადად, კურო კარგად მოქმედებს თმაზე სხვადასხვა პროცედურის ჩატარებაზე.

მანიკურისთვის ნეიტრალური დღეა.

მებაღეობა: კურო ერთ–ერთი ყველაზე ნაყოფიერი ნიშანია. ამ დღეს შეიძლება ბოლქვიანების, ხეებისა და ბუჩქების დარგვა–გადარგვა, გაკრეჭა, მიწაში მობინადრე მავნებლებთან ბრძოლა, ყვავილებისთვის სასუქის მიცემა.

271
საკონტროლო–გამშვები პუნქტი „ყაზბეგი

ყაზბეგში კორონავირუსის კერა აღმოაჩინეს

0
ინფიცირებულია საკონტროლო–სასაზღვრო პუნქტი „ყაზბეგის“ ხუთი თანამშრომელი. ეპიდემიოლოგები მათი კონტაქტების შესწავლას შეუდგნენ

ბილისის, 11 აგვისტო – Sputnik. კორონავირუსით ინფიცირების ხუთი ახალი შემთხვევიდან ხუთი საქართველო–რუსეთის საზღვარზე საკონტროლო–გამშვები პუნქტი „ყაზბეგის“ თანამშრომელია, განაცხადა საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ, იუწყება ტელეარხი Rustavi2.

კორონავირუსის ახალი შემთხვევები და მათი წყაროები>>

ამ დროისთვის ინფიცირებულთა პირდაპირი და ირიბი კონტაქტების კვლევა მიმდინარეობს.

„ვიცით დაახლოებით საიდან შეიძლება იყოს (წყარო, კონტაქტი), ამიტომაც მიმდინარეობს ეპიდკვლევა. პერსონალურ ინფორმაციას მე ვერ მოგცემთ. ჩვენგანაც წავიდა ჯგუფი და თვითონ ადგილობრივი ჯანდაცვაც სწავლობს კონტაქტებს", - განაცხადა ამირან გამყრელიძემ.

კორონავირუსი შემთხვევები ბოლო დროს გახშირდა. მკაცრი კარანტინის ზონად გამოცხადდა სვანეთის რეგიონი – იქ გუშინ ინფიცირების 25 შემთხვევა გამოვლინდა.

ბოლო ოფიციალური მონაცემებით, ამ დროისთვის საქართველოში კორონავირუსით ინფიცირებულია 1264 ადამიანი, გამოჯანმრთელდა 1054, გარდაიცვალა – 17.

0
თემები:
COVID-19 საქართველოში